Padma Purāṇa 7.13

महादेव उवाच-। भवतोऽनेन वाक्येन तुष्टोऽस्मि द्विजसत्तम । वरं वृणु महाभाग वरं दित्सुरहं खलु

mahādeva uvāca-| bhavato'nena vākyena tuṣṭo'smi dvijasattama | varaṃ vṛṇu mahābhāga varaṃ ditsurahaṃ khalu

Sanskrit only: no published translation is held for this verse.

ब्राह्मण उवाच- भवंतं परमात्मानमदृश्यं दैवतैरपि । साक्षात्पश्याम्यहं नाथ किं कार्यमपरैर्वरैः१२४। तथापि त्वं महादेव वरं दित्सुः कृपामयः । पृच्छामि यदहं किंचित्तद्ब्रूहि परमेश्वर

brāhmaṇa uvāca- bhavaṃtaṃ paramātmānamadṛśyaṃ daivatairapi | sākṣātpaśyāmyahaṃ nātha kiṃ kāryamaparairvaraiḥ124| tathāpi tvaṃ mahādeva varaṃ ditsuḥ kṛpāmayaḥ | pṛcchāmi yadahaṃ kiṃcittadbrūhi parameśvara

Sanskrit only: no published translation is held for this verse.

कोऽहं तस्थौ पुरा देव किं वा कार्यं कृतं पुरा । संसारसागरे नाथ पतितोऽस्मि कथं प्रभो

ko'haṃ tasthau purā deva kiṃ vā kāryaṃ kṛtaṃ purā | saṃsārasāgare nātha patito'smi kathaṃ prabho

Sanskrit only: no published translation is held for this verse.

कर्मणा प्राप्यते देहो देही पापेन लिप्यते । पुनः पापप्रभावेण प्राप्यते विषमा गतिः

karmaṇā prāpyate deho dehī pāpena lipyate | punaḥ pāpaprabhāveṇa prāpyate viṣamā gatiḥ

Sanskrit only: no published translation is held for this verse.

प्रभावैः कर्मणां केषां जन्म प्राप्तमिदं मया । नानादुःखप्रदं नाथ प्रसन्नो ब्रूहि शंकर

prabhāvaiḥ karmaṇāṃ keṣāṃ janma prāptamidaṃ mayā | nānāduḥkhapradaṃ nātha prasanno brūhi śaṃkara

Sanskrit only: no published translation is held for this verse.

पापमूलमिदं जन्म जन्म दुःखस्य कारणम् । ज्ञातुमिच्छाम्यहं तस्मात्पूर्ववृत्तांतमात्मनः

pāpamūlamidaṃ janma janma duḥkhasya kāraṇam | jñātumicchāmyahaṃ tasmātpūrvavṛttāṃtamātmanaḥ

Sanskrit only: no published translation is held for this verse.

स्थितोऽहं जननी कुक्षौ जनठरानलतापितः । मूत्रविष्ठाप्रकीर्णे च विपाकेन च कर्मणाम्

sthito'haṃ jananī kukṣau janaṭharānalatāpitaḥ | mūtraviṣṭhāprakīrṇe ca vipākena ca karmaṇām

Sanskrit only: no published translation is held for this verse.

गर्भवाससमं दुःखं संसारे न हि मन्यते । कथं मयानुभूतं तत्प्रभो भक्तार्तिनाशन

garbhavāsasamaṃ duḥkhaṃ saṃsāre na hi manyate | kathaṃ mayānubhūtaṃ tatprabho bhaktārtināśana

Sanskrit only: no published translation is held for this verse.

संसारेऽस्मिन्महाघोरे नानादुःखसमन्विते । असारे मायया विष्णोर्मोहिते पातकाश्रये

saṃsāre'sminmahāghore nānāduḥkhasamanvite | asāre māyayā viṣṇormohite pātakāśraye

Sanskrit only: no published translation is held for this verse.

दुस्तरे बंधुहीने च कामक्रोधादिसंयुते । शोकरोगप्रदे चैव जन्ममृत्युप्रदे तथा

dustare baṃdhuhīne ca kāmakrodhādisaṃyute | śokarogaprade caiva janmamṛtyuprade tathā

Sanskrit only: no published translation is held for this verse.

अपारे जगतामीश पतितोऽस्मि कथं शिव । एतत्सर्वं विभो ब्रूहि यदि ते मय्यनुग्रहः

apāre jagatāmīśa patito'smi kathaṃ śiva | etatsarvaṃ vibho brūhi yadi te mayyanugrahaḥ

Sanskrit only: no published translation is held for this verse.

महादेव उवाच- यद्यप्येतद्दिवजश्रेष्ठ गुह्याद्गुह्यतरं महत् । अप्रकाश्यं तथापि त्वां भक्तं प्रतिवदाम्यहम्

mahādeva uvāca- yadyapyetaddivajaśreṣṭha guhyādguhyataraṃ mahat | aprakāśyaṃ tathāpi tvāṃ bhaktaṃ prativadāmyaham

Sanskrit only: no published translation is held for this verse.

पुरा त्वं ब्राह्मणः श्रेष्ठ शबरान्वयसंभव । दण्डपाणिरिति ख्यातः स्थितः सल्लोकदुःखदः

purā tvaṃ brāhmaṇaḥ śreṣṭha śabarānvayasaṃbhava | daṇḍapāṇiriti khyātaḥ sthitaḥ sallokaduḥkhadaḥ

Sanskrit only: no published translation is held for this verse.

परलोकभयं त्यक्त्वा विवेकैः परिवर्जितः । दस्युवृत्तिं प्रपन्नार्ति परमक्लेशदायिनीम्

paralokabhayaṃ tyaktvā vivekaiḥ parivarjitaḥ | dasyuvṛttiṃ prapannārti paramakleśadāyinīm

Sanskrit only: no published translation is held for this verse.

दस्युवृत्तिगतं दृष्ट्वा भवंतमतिनिर्दयम् । अपरे भ्रातरः सर्वे बभूवुस्ते च दस्यवः

dasyuvṛttigataṃ dṛṣṭvā bhavaṃtamatinirdayam | apare bhrātaraḥ sarve babhūvuste ca dasyavaḥ

Sanskrit only: no published translation is held for this verse.

तेषां नामानि विप्रेन्द्र भातॄणां निगदाम्यहम् । यैः सार्द्धं भवता पूर्वं भ्रातृभिर्दस्युता कृता

teṣāṃ nāmāni viprendra bhātṝṇāṃ nigadāmyaham | yaiḥ sārddhaṃ bhavatā pūrvaṃ bhrātṛbhirdasyutā kṛtā

Sanskrit only: no published translation is held for this verse.

दंडी दंडायुधश्चैव दत्तवान्दत्तभूस्तथा । सुंदडो दंडकेतुश्च भ्रातरः षट्प्रकीर्तिताः

daṃḍī daṃḍāyudhaścaiva dattavāndattabhūstathā | suṃdaḍo daṃḍaketuśca bhrātaraḥ ṣaṭprakīrtitāḥ

Sanskrit only: no published translation is held for this verse.

तैर्भ्रातृभिर्महाघोरैर्दयाभिः परिवर्जितः । दंडेन भवता नित्यं सर्वे व्यग्रीकृता जनाः

tairbhrātṛbhirmahāghorairdayābhiḥ parivarjitaḥ | daṃḍena bhavatā nityaṃ sarve vyagrīkṛtā janāḥ

Sanskrit only: no published translation is held for this verse.

धनलोभेन भवता दुष्टैस्तैर्भ्रातृभिः सह । अरण्ये प्रांतरो विप्र हताः शतसहस्रशः

dhanalobhena bhavatā duṣṭaistairbhrātṛbhiḥ saha | araṇye prāṃtaro vipra hatāḥ śatasahasraśaḥ

Sanskrit only: no published translation is held for this verse.

हत्वा च सायकैस्तीक्ष्णैर्वनस्थेन त्वया सदा । गवां क्रव्याणि भुक्त्वा च मदिराभिः सह द्विज

hatvā ca sāyakaistīkṣṇairvanasthena tvayā sadā | gavāṃ kravyāṇi bhuktvā ca madirābhiḥ saha dvija

Sanskrit only: no published translation is held for this verse.

ततो यानविधिं सर्वे वणिजस्त्वद्भयात्तथा । तत्यजुर्विपिने तस्मिन्ननर्थः पतितः सदा

tato yānavidhiṃ sarve vaṇijastvadbhayāttathā | tatyajurvipine tasminnanarthaḥ patitaḥ sadā

Sanskrit only: no published translation is held for this verse.

यस्य वित्तं न तद्वित्तं गृहं यस्य न तद्गृहम् । यस्य भार्या न तद्भार्या त्वयि दस्युत्वमागते

yasya vittaṃ na tadvittaṃ gṛhaṃ yasya na tadgṛham | yasya bhāryā na tadbhāryā tvayi dasyutvamāgate

Sanskrit only: no published translation is held for this verse.

एवं स्वभ्रातृभिस्तैस्तु तस्मिन्नेव महावने । गतो वर्त्मश्रमश्रांतः स्नानार्थं सरसीं प्रति

evaṃ svabhrātṛbhistaistu tasminneva mahāvane | gato vartmaśramaśrāṃtaḥ snānārthaṃ sarasīṃ prati

Sanskrit only: no published translation is held for this verse.

तत्र स्नानं समाचर्य क्षुधितेन द्विजोत्तम । भक्षितानि मृणालानि भ्रातृभिस्तैर्जलानि च

tatra snānaṃ samācarya kṣudhitena dvijottama | bhakṣitāni mṛṇālāni bhrātṛbhistairjalāni ca

Sanskrit only: no published translation is held for this verse.

अथ त्वया द्विजश्रेष्ठ कौतुकात्तत्र सत्तम । भुक्तानि पद्मपुष्पाणि प्रफुल्लानि बहूनि च

atha tvayā dvijaśreṣṭha kautukāttatra sattama | bhuktāni padmapuṣpāṇi praphullāni bahūni ca

Sanskrit only: no published translation is held for this verse.

तस्मिन्नेव ततः काले ब्राह्मणो विपिनेचरः । सर्ववेदा इति ख्यातस्तत्र स्नानार्थमागतः

tasminneva tataḥ kāle brāhmaṇo vipinecaraḥ | sarvavedā iti khyātastatra snānārthamāgataḥ

Sanskrit only: no published translation is held for this verse.

तत्र स्नात्वा स धर्मात्मा भगवंतं जनार्दनम् । यष्टुं त्वामकमंभोजं ययाचे विनयान्वितः १५० 7.13.150। अथ त्वया च विप्रेन्द्र पद्ममेकं सुनिर्मलम् । दत्तं परमया भक्त्या पूजार्थं कमलापतेः

tatra snātvā sa dharmātmā bhagavaṃtaṃ janārdanam | yaṣṭuṃ tvāmakamaṃbhojaṃ yayāce vinayānvitaḥ 150 7.13.150| atha tvayā ca viprendra padmamekaṃ sunirmalam | dattaṃ paramayā bhaktyā pūjārthaṃ kamalāpateḥ

Sanskrit only: no published translation is held for this verse.

त्वया दत्तेन पद्मेन स च प्रीतो द्विजोत्तमः । पूजयामास तत्रैव विष्णुं सकलकारकम्

tvayā dattena padmena sa ca prīto dvijottamaḥ | pūjayāmāsa tatraiva viṣṇuṃ sakalakārakam

Sanskrit only: no published translation is held for this verse.

विष्णुपूजा परं दृष्ट्वा तं विप्रं सर्ववेदसम् । त्वमपि प्रहसन्विष्णुं ननन्थ च सुकामदम्

viṣṇupūjā paraṃ dṛṣṭvā taṃ vipraṃ sarvavedasam | tvamapi prahasanviṣṇuṃ nanantha ca sukāmadam

Sanskrit only: no published translation is held for this verse.

अथाभ्यर्च्य परात्मानं चतुर्वर्गफलप्रदम् । यथोक्तविधिना विप्र स जगाम यथागतः

athābhyarcya parātmānaṃ caturvargaphalapradam | yathoktavidhinā vipra sa jagāma yathāgataḥ

Sanskrit only: no published translation is held for this verse.

तेनाम्बुजप्रदानेन प्रणामेन च सत्तम । विष्णुपूजादर्शनेन नष्टं ते सर्वपातकम्

tenāmbujapradānena praṇāmena ca sattama | viṣṇupūjādarśanena naṣṭaṃ te sarvapātakam

Sanskrit only: no published translation is held for this verse.

ततः कियद्भिर्दिवसैस्तस्मिन्नेव महावने । संप्राप्तकालः पंचत्वं गतोऽसि त्वं द्विजोत्तम

tataḥ kiyadbhirdivasaistasminneva mahāvane | saṃprāptakālaḥ paṃcatvaṃ gato'si tvaṃ dvijottama

Sanskrit only: no published translation is held for this verse.

तेनैव कर्मणा तुष्टो भगवान्करुणालयः । ददौ तुभ्यं परं स्थानं देवैरपि सुदुर्ल्लभम्

tenaiva karmaṇā tuṣṭo bhagavānkaruṇālayaḥ | dadau tubhyaṃ paraṃ sthānaṃ devairapi sudurllabham

Sanskrit only: no published translation is held for this verse.

मन्वंतरसहस्राणि मन्वंतरशतानि च । भुक्तं नानासुखं तत्र कृपया कमलापतेः

manvaṃtarasahasrāṇi manvaṃtaraśatāni ca | bhuktaṃ nānāsukhaṃ tatra kṛpayā kamalāpateḥ

Sanskrit only: no published translation is held for this verse.

ततः कर्मावसाने तु कर्मभूमिमिमां द्विज । आगत्य तैः पुण्यफलैर्जातोऽसि द्विजसंततौ

tataḥ karmāvasāne tu karmabhūmimimāṃ dvija | āgatya taiḥ puṇyaphalairjāto'si dvijasaṃtatau

Sanskrit only: no published translation is held for this verse.

ब्राह्मणस्य कुले शुद्धे जन्म संप्राप्य सत्तम । सर्वगुणाश्रया लब्धा हरिभक्तिरचंचला

brāhmaṇasya kule śuddhe janma saṃprāpya sattama | sarvaguṇāśrayā labdhā haribhaktiracaṃcalā

Sanskrit only: no published translation is held for this verse.

आराधितो महाविष्णुः क्रियायोगैस्त्वया प्रभुः । तुभ्यं दास्यति विज्ञानं ज्ञानान्मुक्तो भविष्यति

ārādhito mahāviṣṇuḥ kriyāyogaistvayā prabhuḥ | tubhyaṃ dāsyati vijñānaṃ jñānānmukto bhaviṣyati

Sanskrit only: no published translation is held for this verse.

गच्छ ब्राह्मण भद्रं ते सुप्रीतो निजमंदिरम् । मद्दर्शनं त्वया प्राप्तं मुक्तोऽसि भवबंधनात्

gaccha brāhmaṇa bhadraṃ te suprīto nijamaṃdiram | maddarśanaṃ tvayā prāptaṃ mukto'si bhavabaṃdhanāt

Sanskrit only: no published translation is held for this verse.

व्यास उवाच- इत्युक्त्वांतर्दधे विप्र तत्रैव जगदीश्वरः । कृतार्थो ब्राह्मणः सोऽपि जगाम भवनं स्वकम्

vyāsa uvāca- ityuktvāṃtardadhe vipra tatraiva jagadīśvaraḥ | kṛtārtho brāhmaṇaḥ so'pi jagāma bhavanaṃ svakam

Sanskrit only: no published translation is held for this verse.

अथ स त्रिदिनं विष्णुं पद्मपुष्पैर्मनोरमैः । यत्नादाराधयामास स्तुत्यर्थं परमेश्वरम्

atha sa tridinaṃ viṣṇuṃ padmapuṣpairmanoramaiḥ | yatnādārādhayāmāsa stutyarthaṃ parameśvaram

Sanskrit only: no published translation is held for this verse.

विष्णुं समाराध्य चिरं प्रसुप्तः पद्मप्रसूनैर्विचित्रैः सुपुष्पैः । ज्ञानं समासाद्य जगाम मोक्षं प्रसादतः श्रीगरुडध्वजस्य

viṣṇuṃ samārādhya ciraṃ prasuptaḥ padmaprasūnairvicitraiḥ supuṣpaiḥ | jñānaṃ samāsādya jagāma mokṣaṃ prasādataḥ śrīgaruḍadhvajasya

Sanskrit only: no published translation is held for this verse.

अनिच्छयापि कमलं यच्छतः फलमीदृशम् । विष्णवे यच्छतो भक्त्या न जाने किं भवेदिति

anicchayāpi kamalaṃ yacchataḥ phalamīdṛśam | viṣṇave yacchato bhaktyā na jāne kiṃ bhavediti

Sanskrit only: no published translation is held for this verse.

सत्यं सत्यं पुनः सत्यं सत्यमेव मयोच्यते । कमलैर्हरिमभ्यर्च्य प्राप्यते परमं पदम्

satyaṃ satyaṃ punaḥ satyaṃ satyameva mayocyate | kamalairharimabhyarcya prāpyate paramaṃ padam

Sanskrit only: no published translation is held for this verse.

एकमेवारविंदं यः प्रददाति मुरारये । तस्य नास्ति पुनर्जन्म संसारेषु भयावहे

ekamevāraviṃdaṃ yaḥ pradadāti murāraye | tasya nāsti punarjanma saṃsāreṣu bhayāvahe

Sanskrit only: no published translation is held for this verse.

नारायणं ये च प्रफुल्लवारिजैर्दयामयं कामदमर्चयंति । एकाहमप्युत्कटपापयुक्तास्ते यांति मुक्तिं प्रति पापिनोऽपि

nārāyaṇaṃ ye ca praphullavārijairdayāmayaṃ kāmadamarcayaṃti | ekāhamapyutkaṭapāpayuktāste yāṃti muktiṃ prati pāpino'pi

Sanskrit only: no published translation is held for this verse.