Padma Purāṇa 7.19

व्यास उवाच- नारायणप्रपन्ना ये नराभक्तिसमन्विताः । कदाचिदशुभं तेषां विद्यते न द्विजोत्तम

vyāsa uvāca- nārāyaṇaprapannā ye narābhaktisamanvitāḥ | kadācidaśubhaṃ teṣāṃ vidyate na dvijottama

Sanskrit only: no published translation is held for this verse.

पुनरेव प्रवक्ष्यामि माहात्म्यं कमलापतेः । यच्छ्रुत्वा मानवाः सर्वे लभंते परमं पदम्

punareva pravakṣyāmi māhātmyaṃ kamalāpateḥ | yacchrutvā mānavāḥ sarve labhaṃte paramaṃ padam

Sanskrit only: no published translation is held for this verse.

वासुदेवस्य माहात्म्यं श्रुत्वा तृप्यंति वैष्णवाः । पाखण्डा न हि तृप्यंति नरके क्लेशभागिनः

vāsudevasya māhātmyaṃ śrutvā tṛpyaṃti vaiṣṇavāḥ | pākhaṇḍā na hi tṛpyaṃti narake kleśabhāginaḥ

Sanskrit only: no published translation is held for this verse.

पाखण्डानां समीपे तु विष्णुमाहात्म्यमुत्तमम् । न वक्तव्यं द्विजश्रेष्ठ वक्तव्यं वैष्णवाग्रतः

pākhaṇḍānāṃ samīpe tu viṣṇumāhātmyamuttamam | na vaktavyaṃ dvijaśreṣṭha vaktavyaṃ vaiṣṇavāgrataḥ

Sanskrit only: no published translation is held for this verse.

पूर्वं त्रेतायुगे विप्र उर्वीशुर्नाम जैमिने । आसीत्पापरतो नित्यं धर्मनिंदापरायणः

pūrvaṃ tretāyuge vipra urvīśurnāma jaimine | āsītpāparato nityaṃ dharmaniṃdāparāyaṇaḥ

Sanskrit only: no published translation is held for this verse.

ब्रह्मस्वहारी विप्रेन्द्र परस्त्रीगमनोद्यतः । गोमांसाशी सुरापी च वेश्याविभ्रमलोलुपः

brahmasvahārī viprendra parastrīgamanodyataḥ | gomāṃsāśī surāpī ca veśyāvibhramalolupaḥ

Sanskrit only: no published translation is held for this verse.

शरणागतहंता च परनिंदाकरः सदा । विश्वासघाती मित्रघ्नो ज्ञातिपीडाकरस्तथा

śaraṇāgatahaṃtā ca paraniṃdākaraḥ sadā | viśvāsaghātī mitraghno jñātipīḍākarastathā

Sanskrit only: no published translation is held for this verse.

असत्यभाषी क्रूरश्च पाखंडजनसङ्गभाक् । वृत्तिच्छेदी द्विजातीनां न्यासापहारकस्तथा

asatyabhāṣī krūraśca pākhaṃḍajanasaṅgabhāk | vṛtticchedī dvijātīnāṃ nyāsāpahārakastathā

Sanskrit only: no published translation is held for this verse.

तादृशं तं समालोक्य दुष्टं पापपरायणम् । आजग्मुर्ज्ञातयः सर्वे क्रुद्धास्तस्य निजंगृहम्

tādṛśaṃ taṃ samālokya duṣṭaṃ pāpaparāyaṇam | ājagmurjñātayaḥ sarve kruddhāstasya nijaṃgṛham

Sanskrit only: no published translation is held for this verse.

ज्ञातय ऊचुः - प्रतिष्ठोपार्जिता पूर्वैरस्माकं विमले कुले । सा प्रतिष्ठा त्वया मूढ विनाशं प्रतिनीयते

jñātaya ūcuḥ - pratiṣṭhopārjitā pūrvairasmākaṃ vimale kule | sā pratiṣṭhā tvayā mūḍha vināśaṃ pratinīyate

Sanskrit only: no published translation is held for this verse.

धर्ममार्गं परित्यज्य कुरुषे पातकं सदा । मद्वंशकीर्तिहननं जातोऽसि ज्ञातिदुःखदः

dharmamārgaṃ parityajya kuruṣe pātakaṃ sadā | madvaṃśakīrtihananaṃ jāto'si jñātiduḥkhadaḥ

Sanskrit only: no published translation is held for this verse.

अतिविस्मयदा सृष्टिर्विधातुर्मन्यते त्वयि । यस्मिन्सिंधौ शशी जातस्तत्र क्ष्वेडोद्भवोऽपि च

ativismayadā sṛṣṭirvidhāturmanyate tvayi | yasminsiṃdhau śaśī jātastatra kṣveḍodbhavo'pi ca

Sanskrit only: no published translation is held for this verse.

अहो शक्तिः कुपुत्राणां संख्यातुं न च शक्यते । अनेकैः पुरुषैः कीर्तिं संचितां हंति तत्क्षणात्

aho śaktiḥ kuputrāṇāṃ saṃkhyātuṃ na ca śakyate | anekaiḥ puruṣaiḥ kīrtiṃ saṃcitāṃ haṃti tatkṣaṇāt

Sanskrit only: no published translation is held for this verse.

जाते पुत्रोत्तमे वंशः श्रेष्ठः स्यादधमोऽपि च । पुत्रेधमेतु श्रेष्ठोऽपि वंशो गच्छति हीनताम्

jāte putrottame vaṃśaḥ śreṣṭhaḥ syādadhamo'pi ca | putredhametu śreṣṭho'pi vaṃśo gacchati hīnatām

Sanskrit only: no published translation is held for this verse.

व्यास उवाच- इत्युक्त्वा ज्ञातयस्ते च तं सर्वे पापिनां वरम् । अपकीर्तिभयात्क्रुद्धास्तत्यजुः सहसा द्विज

vyāsa uvāca- ityuktvā jñātayaste ca taṃ sarve pāpināṃ varam | apakīrtibhayātkruddhāstatyajuḥ sahasā dvija

Sanskrit only: no published translation is held for this verse.

ज्ञातिभिः स परित्यक्तो जनैः सर्वैश्च धिक्कृतः । प्रपेदे दस्युतां दुःखी विभ्रष्टाखिलवैभवः

jñātibhiḥ sa parityakto janaiḥ sarvaiśca dhikkṛtaḥ | prapede dasyutāṃ duḥkhī vibhraṣṭākhilavaibhavaḥ

Sanskrit only: no published translation is held for this verse.

तं दस्युकर्मकुर्वंतं निर्द्दयं परहिंसकम् । धृत्वा जनपदाः सर्वे भूपालाय न्यवेदयन्

taṃ dasyukarmakurvaṃtaṃ nirddayaṃ parahiṃsakam | dhṛtvā janapadāḥ sarve bhūpālāya nyavedayan

Sanskrit only: no published translation is held for this verse.

तेन भूमिभुजा तस्य पितृस्नेहाद्दिवजोत्तम । न हतोऽसौ दुराचारो निजदेशाद्वहिष्कृतः

tena bhūmibhujā tasya pitṛsnehāddivajottama | na hato'sau durācāro nijadeśādvahiṣkṛtaḥ

Sanskrit only: no published translation is held for this verse.

ततोऽसौ वनमाश्रित्य दस्युभिः सह निर्द्दयः । पांथस्वहरणार्थाय तस्थौ बहुभिरुद्धतैः

tato'sau vanamāśritya dasyubhiḥ saha nirddayaḥ | pāṃthasvaharaṇārthāya tasthau bahubhiruddhataiḥ

Sanskrit only: no published translation is held for this verse.

कदाचित्तटिनीतीरं दस्युभिः सह जैमिने । वनपर्यटने श्रांतो जगाम स्नानहेतवे

kadācittaṭinītīraṃ dasyubhiḥ saha jaimine | vanaparyaṭane śrāṃto jagāma snānahetave

Sanskrit only: no published translation is held for this verse.

तस्यां तटिन्यां भगवत्परिचर्यापरायणान् । असौ ददर्श दुष्टात्मा ब्राह्मणाकृतिनो बहून्

tasyāṃ taṭinyāṃ bhagavatparicaryāparāyaṇān | asau dadarśa duṣṭātmā brāhmaṇākṛtino bahūn

Sanskrit only: no published translation is held for this verse.

अथ ते ब्राह्मणाः सर्वे समाराध्य जनार्दनम् । अन्योन्यं कथयामासुर्विहिता अति कौतुकात्

atha te brāhmaṇāḥ sarve samārādhya janārdanam | anyonyaṃ kathayāmāsurvihitā ati kautukāt

Sanskrit only: no published translation is held for this verse.

अद्य चंपकपुष्पाणि मया त्यक्तानि तानि वै । कश्चिद्वदति तांबूलं मया दत्तं मुरारये

adya caṃpakapuṣpāṇi mayā tyaktāni tāni vai | kaścidvadati tāṃbūlaṃ mayā dattaṃ murāraye

Sanskrit only: no published translation is held for this verse.

न खादितव्यं तांबूलं कदाचिदपि जन्मनि । मयाद्य हरये दत्तं कदलीफलमुत्तमम्

na khāditavyaṃ tāṃbūlaṃ kadācidapi janmani | mayādya haraye dattaṃ kadalīphalamuttamam

Sanskrit only: no published translation is held for this verse.

जन्मजन्मानि च मया भक्ष्यं च कदलीफलम् । कोऽपि वक्ति मया दत्तं हरये दाडिमीफलम्

janmajanmāni ca mayā bhakṣyaṃ ca kadalīphalam | ko'pi vakti mayā dattaṃ haraye dāḍimīphalam

Sanskrit only: no published translation is held for this verse.

कोऽपि वक्ति मया दत्तं रसालफलमुत्तमम् । अन्योऽन्यमेतद्वदतां तेषां श्रुत्वा वचांसि च

ko'pi vakti mayā dattaṃ rasālaphalamuttamam | anyo'nyametadvadatāṃ teṣāṃ śrutvā vacāṃsi ca

Sanskrit only: no published translation is held for this verse.

उर्वीशुश्चिन्तयामास किं प्रदास्यामि विष्णवे । संसारे यानि वस्तूनि भक्ष्याणि संति तान्यहम्

urvīśuścintayāmāsa kiṃ pradāsyāmi viṣṇave | saṃsāre yāni vastūni bhakṣyāṇi saṃti tānyaham

Sanskrit only: no published translation is held for this verse.

न हि शक्नोमि संत्यक्तुं किं दास्यामि मुरारये । नित्यं वनांतरस्थोऽहं चौरो राजभयाकुलः

na hi śaknomi saṃtyaktuṃ kiṃ dāsyāmi murāraye | nityaṃ vanāṃtarastho'haṃ cauro rājabhayākulaḥ

Sanskrit only: no published translation is held for this verse.

शकटारोहणे नास्ति ह्यधिकारः कदापि मे । व्यास उवाच- इत्युक्त्वा दस्युना तेन भूयोभूयो द्विजोत्तम

śakaṭārohaṇe nāsti hyadhikāraḥ kadāpi me | vyāsa uvāca- ityuktvā dasyunā tena bhūyobhūyo dvijottama

Sanskrit only: no published translation is held for this verse.

शकटं हरये दत्तं चतुर्वर्गप्रदायिने । अथ तेब्राह्मणाः सर्वे जग्मुर्विप्र यथागताः

śakaṭaṃ haraye dattaṃ caturvargapradāyine | atha tebrāhmaṇāḥ sarve jagmurvipra yathāgatāḥ

Sanskrit only: no published translation is held for this verse.

सोऽपि दस्युर्दस्युभिश्च जगाम निजमाश्रयम् । एकदा गुडकंडोलं तेनैव खलु वर्त्मना

so'pi dasyurdasyubhiśca jagāma nijamāśrayam | ekadā guḍakaṃḍolaṃ tenaiva khalu vartmanā

Sanskrit only: no published translation is held for this verse.

गृहीत्वा पथिकः कश्चित्काकीमंडलमागतः । ततोऽसौ सहसा दस्युर्निर्भयः परहिंसकः

gṛhītvā pathikaḥ kaścitkākīmaṃḍalamāgataḥ | tato'sau sahasā dasyurnirbhayaḥ parahiṃsakaḥ

Sanskrit only: no published translation is held for this verse.

जहार गुडकंडोलमध्वनीनस्य तस्य च । अथ ते दस्यवश्चक्रुर्गुडकंडोल भंजनम्

jahāra guḍakaṃḍolamadhvanīnasya tasya ca | atha te dasyavaścakrurguḍakaṃḍola bhaṃjanam

Sanskrit only: no published translation is held for this verse.

उर्वीशुश्चापतद्भागे शकटं गुडनिर्मितम् । उर्वीशुः शकटं गौडं समासाद्य द्विजोत्तम

urvīśuścāpatadbhāge śakaṭaṃ guḍanirmitam | urvīśuḥ śakaṭaṃ gauḍaṃ samāsādya dvijottama

Sanskrit only: no published translation is held for this verse.

मनसा चिंतयामास वचःस्मरणपूर्वकम् । अनो मया पुरा दत्तं स्वयमेव मुरारये

manasā ciṃtayāmāsa vacaḥsmaraṇapūrvakam | ano mayā purā dattaṃ svayameva murāraye

Sanskrit only: no published translation is held for this verse.

तस्मादनो न मे ग्राह्यं कदाचिदिह जन्मनि । विचिन्त्येति हृदा दातुं तदनो गुडनिर्मितम्

tasmādano na me grāhyaṃ kadācidiha janmani | vicintyeti hṛdā dātuṃ tadano guḍanirmitam

Sanskrit only: no published translation is held for this verse.

दत्तं विप्राय कस्मैचिन्माधवप्रीतिहेतवे । तां भक्तिं तस्य विज्ञाय महापातकिनो द्विज

dattaṃ viprāya kasmaicinmādhavaprītihetave | tāṃ bhaktiṃ tasya vijñāya mahāpātakino dvija

Sanskrit only: no published translation is held for this verse.

जहार सकलं पापं सद्यः प्रीतो जनार्दनः । तस्मिन्नेव दिने विप्र प्रविश्य च महावनम्

jahāra sakalaṃ pāpaṃ sadyaḥ prīto janārdanaḥ | tasminneva dine vipra praviśya ca mahāvanam

Sanskrit only: no published translation is held for this verse.

हतः पौरजनैः सर्वैरथ क्रुद्धैः स उर्विशुः । भगवानथ तं नेतुं विमानं स्वर्णनिर्मितम्

hataḥ paurajanaiḥ sarvairatha kruddhaiḥ sa urviśuḥ | bhagavānatha taṃ netuṃ vimānaṃ svarṇanirmitam

Sanskrit only: no published translation is held for this verse.

दूतांश्च प्रेषयामास नानाभरणभूषितान् । अथ ते भगवद्दूतास्तमुर्वीशुं गतैनसम्

dūtāṃśca preṣayāmāsa nānābharaṇabhūṣitān | atha te bhagavaddūtāstamurvīśuṃ gatainasam

Sanskrit only: no published translation is held for this verse.

समारोप्य विमाने तं सद्यो जग्मुः पुरं हरेः । ततौऽसौ हरिसान्निध्यं प्राप्य पुण्यात्मनां वरः

samāropya vimāne taṃ sadyo jagmuḥ puraṃ hareḥ | tatau'sau harisānnidhyaṃ prāpya puṇyātmanāṃ varaḥ

Sanskrit only: no published translation is held for this verse.

पुनर्मन्वंतरशतं स्थित्वा केशवसन्निधिम् । परमं ज्ञानमासाद्य स विवेश तनुं हरेः

punarmanvaṃtaraśataṃ sthitvā keśavasannidhim | paramaṃ jñānamāsādya sa viveśa tanuṃ hareḥ

Sanskrit only: no published translation is held for this verse.

व्यास उवाच- येन केनाप्युपायेन हरिभक्तिकरो नरः । संसारजलधेः पारं राजहंस इव व्रजन्

vyāsa uvāca- yena kenāpyupāyena haribhaktikaro naraḥ | saṃsārajaladheḥ pāraṃ rājahaṃsa iva vrajan

Sanskrit only: no published translation is held for this verse.

क्षणमेव हरेर्भक्तिर्वर्तते यस्य चेतसि । तत्पदं परमं याति स पापात्मापि गच्छति

kṣaṇameva harerbhaktirvartate yasya cetasi | tatpadaṃ paramaṃ yāti sa pāpātmāpi gacchati

Sanskrit only: no published translation is held for this verse.

एकमप्युत्तमं वस्तु दत्वाऽसौ तन्मुरारये । स्वयमेव हि भोक्तव्यं पश्चात्पापोपशांतये

ekamapyuttamaṃ vastu datvā'sau tanmurāraye | svayameva hi bhoktavyaṃ paścātpāpopaśāṃtaye

Sanskrit only: no published translation is held for this verse.

यद्वस्तु हरये दत्तं तच्च दद्याद्दिवजातये । किंचिच्छेषं न भोक्तव्यं तस्यावश्यं स्वयं बुधैः

yadvastu haraye dattaṃ tacca dadyāddivajātaye | kiṃciccheṣaṃ na bhoktavyaṃ tasyāvaśyaṃ svayaṃ budhaiḥ

Sanskrit only: no published translation is held for this verse.

वस्तूनि ब्राह्मणश्रेष्ठमिष्टानि यानि कानि च । अदत्वा विष्णवे तानि न भोक्तव्यानि वैष्णवैः

vastūni brāhmaṇaśreṣṭhamiṣṭāni yāni kāni ca | adatvā viṣṇave tāni na bhoktavyāni vaiṣṇavaiḥ

Sanskrit only: no published translation is held for this verse.

विष्णुनैवेद्यमाहात्म्यं सर्वपापप्रणाशनम् । सेतिहासं पुनर्वच्मि शृणु विप्र समाहितः

viṣṇunaivedyamāhātmyaṃ sarvapāpapraṇāśanam | setihāsaṃ punarvacmi śṛṇu vipra samāhitaḥ

Sanskrit only: no published translation is held for this verse.

आसीत्सर्वजनिर्नाम ब्राह्मणः शुद्धवंशजः । शांतो दांतो दयायुक्तो गुरुब्राह्मणपूजकः

āsītsarvajanirnāma brāhmaṇaḥ śuddhavaṃśajaḥ | śāṃto dāṃto dayāyukto gurubrāhmaṇapūjakaḥ

Sanskrit only: no published translation is held for this verse.

हरेः पूजापरश्चैव हरिस्मरणतत्परः । प्रपन्नक्लेशविध्वंसी सत्यवादी जितेन्द्रियः ५० 7.19.50। प्रातःस्नायी निजाचारग्राही हिंसा विवर्जितः । एकादशीव्रतरतो ज्ञातिपूजापरायणः

hareḥ pūjāparaścaiva harismaraṇatatparaḥ | prapannakleśavidhvaṃsī satyavādī jitendriyaḥ 50 7.19.50| prātaḥsnāyī nijācāragrāhī hiṃsā vivarjitaḥ | ekādaśīvratarato jñātipūjāparāyaṇaḥ

Sanskrit only: no published translation is held for this verse.

कदाचित्स द्विजश्रेष्ठः स्वप्नेऽपश्यच्च केशवम् । श्यामं विरजपद्माक्षं स्मेरास्यं पीतवाससम्

kadācitsa dvijaśreṣṭhaḥ svapne'paśyacca keśavam | śyāmaṃ virajapadmākṣaṃ smerāsyaṃ pītavāsasam

Sanskrit only: no published translation is held for this verse.

स्वर्णकुण्डलमञ्जीरकिरीटोज्ज्वलविग्रहम् । कौस्तुभोद्भासितोरस्कं वनमालाविभूषितम्

svarṇakuṇḍalamañjīrakirīṭojjvalavigraham | kaustubhodbhāsitoraskaṃ vanamālāvibhūṣitam

Sanskrit only: no published translation is held for this verse.

चतुर्बाहुं शङ्खचक्रगदापद्मधरं प्रभुम् । समस्तैर्लक्षणैर्युक्तं स्वर्णयज्ञोपवीतिनम्

caturbāhuṃ śaṅkhacakragadāpadmadharaṃ prabhum | samastairlakṣaṇairyuktaṃ svarṇayajñopavītinam

Sanskrit only: no published translation is held for this verse.

संप्राप्य दर्शनं स्वप्ने स विप्रो जगतीपतेः । कृताञ्जलिस्तमस्तौषीद्रोमांचिततनुर्मुदा

saṃprāpya darśanaṃ svapne sa vipro jagatīpateḥ | kṛtāñjalistamastauṣīdromāṃcitatanurmudā

Sanskrit only: no published translation is held for this verse.

तुभ्यं नमोऽस्तु जगतः सकलस्यभर्त्त्रे सल्लोकशोकभयरोगविनाशनाय । नारायणाय कमलाहृदयप्रियाय धर्मार्थकामपरमामृतदाय तुभ्यम्

tubhyaṃ namo'stu jagataḥ sakalasyabharttre sallokaśokabhayarogavināśanāya | nārāyaṇāya kamalāhṛdayapriyāya dharmārthakāmaparamāmṛtadāya tubhyam

Sanskrit only: no published translation is held for this verse.

पापानि चैव सकलानि मया कृतानि मत्तेन मोहवशगेन सदा मुरारे । तस्माद्बिभेमि जगदंबुनिधेर्गभीरान्मामुद्धरस्व निजभक्तितरीं प्रदाय

pāpāni caiva sakalāni mayā kṛtāni mattena mohavaśagena sadā murāre | tasmādbibhemi jagadaṃbunidhergabhīrānmāmuddharasva nijabhaktitarīṃ pradāya

Sanskrit only: no published translation is held for this verse.

जानामि यद्यपि हरे दुरितं मनुष्यो व्यामोहमाशुचलभे भुवि कैटभारे । पापं तथापि च मुदा सततं करोमि तस्मान्न कोऽप्यहमिवास्ति जनो विमूढः

jānāmi yadyapi hare duritaṃ manuṣyo vyāmohamāśucalabhe bhuvi kaiṭabhāre | pāpaṃ tathāpi ca mudā satataṃ karomi tasmānna ko'pyahamivāsti jano vimūḍhaḥ

Sanskrit only: no published translation is held for this verse.

पुण्यद्रुमः सुखफलं सहसैव धत्ते किं वेद्मि नेति नृहरे कृतपातकोऽहम् । पुष्पद्रुमार्पणविधौ न ममास्ति वित्तं नाथ प्रसीद भगवन्किमहं करोमि

puṇyadrumaḥ sukhaphalaṃ sahasaiva dhatte kiṃ vedmi neti nṛhare kṛtapātako'ham | puṣpadrumārpaṇavidhau na mamāsti vittaṃ nātha prasīda bhagavankimahaṃ karomi

Sanskrit only: no published translation is held for this verse.

त्वत्पादपद्मयुगलं परमामृतस्य स्थानं विहाय मम चित्तमधुव्रतोऽयम् । नारीमुखं व्रजति देवमृतिप्रदं यच्छ्लेष्मप्रकीर्णमनिशं कमलभ्रमेण

tvatpādapadmayugalaṃ paramāmṛtasya sthānaṃ vihāya mama cittamadhuvrato'yam | nārīmukhaṃ vrajati devamṛtipradaṃ yacchleṣmaprakīrṇamaniśaṃ kamalabhrameṇa

Sanskrit only: no published translation is held for this verse.

पाणिःप्रदानरहितोऽनृतभाषिवक्त्रं कर्णौ च पापश्रवणाय सदैव दक्षौ । दोषानिमान्मम हरे हर सेवकस्य यस्मान्नु नाथ शरणागतदोषहंता

pāṇiḥpradānarahito'nṛtabhāṣivaktraṃ karṇau ca pāpaśravaṇāya sadaiva dakṣau | doṣānimānmama hare hara sevakasya yasmānnu nātha śaraṇāgatadoṣahaṃtā

Sanskrit only: no published translation is held for this verse.

संसारघोरजलधौ नृहरे कदाचित्त्वद्भक्तिनौरिह मया सुदृढा च लब्धा । तत्रापि दैववशगोऽहमहो दुरात्मा वर्तेत एव सततं ममदुःखकालः

saṃsāraghorajaladhau nṛhare kadācittvadbhaktinauriha mayā sudṛḍhā ca labdhā | tatrāpi daivavaśago'hamaho durātmā varteta eva satataṃ mamaduḥkhakālaḥ

Sanskrit only: no published translation is held for this verse.

संसारपारगमनाय लसत्पथोऽस्ति किं सर्वदुःखरहितः सदयः प्रसन्नः । अंधीकृतस्य मम मोहमहत्तमिस्रैर्दृष्टिस्त्वयीह न कदापि च याति विष्णो

saṃsārapāragamanāya lasatpatho'sti kiṃ sarvaduḥkharahitaḥ sadayaḥ prasannaḥ | aṃdhīkṛtasya mama mohamahattamisrairdṛṣṭistvayīha na kadāpi ca yāti viṣṇo

Sanskrit only: no published translation is held for this verse.

पापात्मनोऽपि मम चित्तमिदं मुरारे नष्टं विनष्टजनकष्टविनष्टिकारि । यस्त्वां समस्तसुरवंदितपादपद्म स्वप्नेऽपि केशिमथनाद्य विभो समीक्षे

pāpātmano'pi mama cittamidaṃ murāre naṣṭaṃ vinaṣṭajanakaṣṭavinaṣṭikāri | yastvāṃ samastasuravaṃditapādapadma svapne'pi keśimathanādya vibho samīkṣe

Sanskrit only: no published translation is held for this verse.

व्यास उवाच- इति तेन स्तुतो देवो भगवान्कमलापतिः । उवाच वाक्यं वाक्यज्ञः संसारार्णवतारकः

vyāsa uvāca- iti tena stuto devo bhagavānkamalāpatiḥ | uvāca vākyaṃ vākyajñaḥ saṃsārārṇavatārakaḥ

Sanskrit only: no published translation is held for this verse.

श्रीभगवानुवाच- भक्तिभिस्तव विप्रेंद्र तुष्टोऽहं नित्यमेव च । तस्मात्तवाचिरेणैव सर्वं भद्रं भविष्यति

śrībhagavānuvāca- bhaktibhistava vipreṃdra tuṣṭo'haṃ nityameva ca | tasmāttavācireṇaiva sarvaṃ bhadraṃ bhaviṣyati

Sanskrit only: no published translation is held for this verse.

पापिनोऽपि तवोद्धारो मया पूर्वं कृतो द्विज । अधुना मम भक्तोऽसि न विपत्तिर्भविष्यति

pāpino'pi tavoddhāro mayā pūrvaṃ kṛto dvija | adhunā mama bhakto'si na vipattirbhaviṣyati

Sanskrit only: no published translation is held for this verse.

ब्राह्मण उवाच। कोऽहं तस्थौ पुरा विष्णो किं वा पापं मया कृतम् । पापिनोऽपि ममोद्धारः कथं पूर्वं त्वया कृतः

brāhmaṇa uvāca| ko'haṃ tasthau purā viṣṇo kiṃ vā pāpaṃ mayā kṛtam | pāpino'pi mamoddhāraḥ kathaṃ pūrvaṃ tvayā kṛtaḥ

Sanskrit only: no published translation is held for this verse.

संसारेऽस्मिन्कथं जातो जनितोऽहं कथं त्वया । एतत्सर्वं विभो ब्रूहि यतस्त्वं सदयः सदा

saṃsāre'sminkathaṃ jāto janito'haṃ kathaṃ tvayā | etatsarvaṃ vibho brūhi yatastvaṃ sadayaḥ sadā

Sanskrit only: no published translation is held for this verse.

श्रीभगवानुवाच- अप्रकाश्यमिदं गुह्यं यद्यपि द्विजसत्तम । तथापि तव वात्सल्यान्निगदामि निशामय

śrībhagavānuvāca- aprakāśyamidaṃ guhyaṃ yadyapi dvijasattama | tathāpi tava vātsalyānnigadāmi niśāmaya

Sanskrit only: no published translation is held for this verse.

पुरा त्वं ब्राह्मणश्रेष्ठ पक्षिवंशसमुद्भवः । भूतोऽसि भूमिभागेषु निजकर्मविपाकतः

purā tvaṃ brāhmaṇaśreṣṭha pakṣivaṃśasamudbhavaḥ | bhūto'si bhūmibhāgeṣu nijakarmavipākataḥ

Sanskrit only: no published translation is held for this verse.

क्षुधया तृषया वापि सततं व्याकुलो भवान् । बभ्राम भक्षयन्कीटान्निर्झरोष्णोदकं तथा

kṣudhayā tṛṣayā vāpi satataṃ vyākulo bhavān | babhrāma bhakṣayankīṭānnirjharoṣṇodakaṃ tathā

Sanskrit only: no published translation is held for this verse.

नानादुःखं सदा भुंजन्पक्षियोनौ समुद्भवः । चतुर्वर्षसहस्राणि स्थितोऽसि त्वं पुरा क्षितौ

nānāduḥkhaṃ sadā bhuṃjanpakṣiyonau samudbhavaḥ | caturvarṣasahasrāṇi sthito'si tvaṃ purā kṣitau

Sanskrit only: no published translation is held for this verse.

एकदा कुलभद्राख्यो ब्राह्मणः सर्वतत्ववित् । पूजयामास मां भक्त्या नैवेद्याद्यैर्नदीतटे

ekadā kulabhadrākhyo brāhmaṇaḥ sarvatatvavit | pūjayāmāsa māṃ bhaktyā naivedyādyairnadītaṭe

Sanskrit only: no published translation is held for this verse.

समभ्यर्च्य स विप्रेंद्रो मम नैवेद्यतंदुलम् । ययौ तत्रैव निक्षिप्य भूय एव निजं गृहम्

samabhyarcya sa vipreṃdro mama naivedyataṃdulam | yayau tatraiva nikṣipya bhūya eva nijaṃ gṛham

Sanskrit only: no published translation is held for this verse.

ततो वृक्षात्समागत्य क्षुधिना पक्षिणा त्वया । मम नैवेद्यसंबंधि भक्षितं सर्वतंदुलम्

tato vṛkṣātsamāgatya kṣudhinā pakṣiṇā tvayā | mama naivedyasaṃbaṃdhi bhakṣitaṃ sarvataṃdulam

Sanskrit only: no published translation is held for this verse.

भुक्त्वैव सद्यो मुक्तोऽसि पातकैरतिदारुणैः । कदाचित्प्राप्तकालस्त्वं कालधर्मगतो द्विज

bhuktvaiva sadyo mukto'si pātakairatidāruṇaiḥ | kadācitprāptakālastvaṃ kāladharmagato dvija

Sanskrit only: no published translation is held for this verse.

त्वामानेतुं मया दूताः प्रेषिताः सर्वथा निजाः । ततो रथे समारोप्य भवंतं नष्टकल्मषम्

tvāmānetuṃ mayā dūtāḥ preṣitāḥ sarvathā nijāḥ | tato rathe samāropya bhavaṃtaṃ naṣṭakalmaṣam

Sanskrit only: no published translation is held for this verse.

सद्यो दूतगणाः सर्वे समायाताः परं पदम् । युगकोटिसहस्राणि स्थितोऽसि मम सन्निधौ

sadyo dūtagaṇāḥ sarve samāyātāḥ paraṃ padam | yugakoṭisahasrāṇi sthito'si mama sannidhau

Sanskrit only: no published translation is held for this verse.

भुंजन्सुखानि सर्वाणि दुर्ल्लभानि सुरैरपि । ततो यातोऽसि विप्रेन्द्र विशुद्धे ब्राह्मणान्वये

bhuṃjansukhāni sarvāṇi durllabhāni surairapi | tato yāto'si viprendra viśuddhe brāhmaṇānvaye

Sanskrit only: no published translation is held for this verse.

तत्रापि मयि भक्तिस्ते जातातिसुदृढा पुनः । क्रियायोगेन मां नित्यं समाराध्य द्विजोत्तम

tatrāpi mayi bhaktiste jātātisudṛḍhā punaḥ | kriyāyogena māṃ nityaṃ samārādhya dvijottama

Sanskrit only: no published translation is held for this verse.

आयुषोंते मत्प्रसादान्मामकं पदमाप्स्यसि । यदा तुष्टोऽस्म्यहं विप्र सपापात्मापि मुक्तिभाक्

āyuṣoṃte matprasādānmāmakaṃ padamāpsyasi | yadā tuṣṭo'smyahaṃ vipra sapāpātmāpi muktibhāk

Sanskrit only: no published translation is held for this verse.

कदाचिद्यस्य रुष्टोस्मि पुण्यात्मापि च पापभाक् । तस्माद्ब्राह्मण भद्रं ते भक्तोऽसि मम सुव्रत

kadācidyasya ruṣṭosmi puṇyātmāpi ca pāpabhāk | tasmādbrāhmaṇa bhadraṃ te bhakto'si mama suvrata

Sanskrit only: no published translation is held for this verse.

दास्यामि ते परं स्थानं यदलभ्यं सुरैरपि । ब्राह्मण उवाच- त्वत्प्रसादाच्छ्रुतं नाथ पूर्ववृत्तांतमात्मनः

dāsyāmi te paraṃ sthānaṃ yadalabhyaṃ surairapi | brāhmaṇa uvāca- tvatprasādācchrutaṃ nātha pūrvavṛttāṃtamātmanaḥ

Sanskrit only: no published translation is held for this verse.

इदानीं श्रोतुमिच्छामि यत्किञ्चिद्ब्रूहि तत्प्रभो । कस्य तुष्टोऽसि देवेन्द्र कस्य रुष्टोऽसि वा प्रभो

idānīṃ śrotumicchāmi yatkiñcidbrūhi tatprabho | kasya tuṣṭo'si devendra kasya ruṣṭo'si vā prabho

Sanskrit only: no published translation is held for this verse.

महत्या कृपया सर्वमेतन्मे वक्तुमर्हसि । श्रीभगवानुवाच- कर्मणा येनविप्रेन्द्र तुष्टिर्मे हृदि जायते

mahatyā kṛpayā sarvametanme vaktumarhasi | śrībhagavānuvāca- karmaṇā yenaviprendra tuṣṭirme hṛdi jāyate

Sanskrit only: no published translation is held for this verse.

क्रोधश्च तत्समस्तं च कथयामि समासतः । यो दयावान्द्विजश्रेष्ठ सर्वभूतेषु सर्वदा

krodhaśca tatsamastaṃ ca kathayāmi samāsataḥ | yo dayāvāndvijaśreṣṭha sarvabhūteṣu sarvadā

Sanskrit only: no published translation is held for this verse.

अहंकारविहीनश्च तस्य तुष्टोऽस्म्यहं सदा । कर्म कुर्यान्मदर्थं यो धर्मभक्तिसमन्वितः

ahaṃkāravihīnaśca tasya tuṣṭo'smyahaṃ sadā | karma kuryānmadarthaṃ yo dharmabhaktisamanvitaḥ

Sanskrit only: no published translation is held for this verse.

ब्रूते मदर्थं यः शांतं तस्य तुष्टोऽस्म्यहं सदा । मिष्टं वस्तु समासाद्य दत्वा मे यश्च मानवः

brūte madarthaṃ yaḥ śāṃtaṃ tasya tuṣṭo'smyahaṃ sadā | miṣṭaṃ vastu samāsādya datvā me yaśca mānavaḥ

Sanskrit only: no published translation is held for this verse.

मानापमाने सदृशस्तस्य तुष्टोऽस्म्यहं सदा । सर्वभूतशरीरस्थं यो मां जानाति मानवः

mānāpamāne sadṛśastasya tuṣṭo'smyahaṃ sadā | sarvabhūtaśarīrasthaṃ yo māṃ jānāti mānavaḥ

Sanskrit only: no published translation is held for this verse.

परहिंसाविहीनो यस्तस्य तुष्टोऽस्म्यहं सदा । कर्माणि कुरुते यस्तु सुविचार्य पुनः पुनः

parahiṃsāvihīno yastasya tuṣṭo'smyahaṃ sadā | karmāṇi kurute yastu suvicārya punaḥ punaḥ

Sanskrit only: no published translation is held for this verse.

गोब्राह्मणहितैषी यस्तस्य तुष्टोऽस्म्यहं सदा । स्वयं निरुक्तं वचनं यत्नाद्यः परिपालयेत्

gobrāhmaṇahitaiṣī yastasya tuṣṭo'smyahaṃ sadā | svayaṃ niruktaṃ vacanaṃ yatnādyaḥ paripālayet

Sanskrit only: no published translation is held for this verse.

प्रपन्नं याति यत्नाद्यस्तस्य तुष्टोऽस्म्यहं सदा । ददात्यनुपकारिभ्यो दानानि द्विजसत्तम

prapannaṃ yāti yatnādyastasya tuṣṭo'smyahaṃ sadā | dadātyanupakāribhyo dānāni dvijasattama

Sanskrit only: no published translation is held for this verse.

मयि चित्तं सदा यस्य तस्य तुष्टोऽस्म्यहं सदा । कर्मणा येनतुष्टोऽस्मि निरुक्तं तत्समासतः

mayi cittaṃ sadā yasya tasya tuṣṭo'smyahaṃ sadā | karmaṇā yenatuṣṭo'smi niruktaṃ tatsamāsataḥ

Sanskrit only: no published translation is held for this verse.

रुष्टोऽस्मि कर्मणा येन विप्र वच्मि शृणुष्वतम् । परहिंसारतो यस्तु निर्द्दयः सर्वजंतुषु

ruṣṭo'smi karmaṇā yena vipra vacmi śṛṇuṣvatam | parahiṃsārato yastu nirddayaḥ sarvajaṃtuṣu

Sanskrit only: no published translation is held for this verse.

अहंयुः सर्वदा क्रुद्धः समां नयति शत्रुताम् । असत्यभाषीक्रूरश्च परनिंदापरस्तु यः

ahaṃyuḥ sarvadā kruddhaḥ samāṃ nayati śatrutām | asatyabhāṣīkrūraśca paraniṃdāparastu yaḥ

Sanskrit only: no published translation is held for this verse.

कविवर्तनविध्वंसी समां नयति शत्रुताम् । अदृष्टदोषौ पितरौ स्त्रीभ्रातृभगिनी तथा

kavivartanavidhvaṃsī samāṃ nayati śatrutām | adṛṣṭadoṣau pitarau strībhrātṛbhaginī tathā

Sanskrit only: no published translation is held for this verse.

मोहात्त्यजति यो मूढः समां नयति शत्रुताम् । पितृभिर्भर्त्सनं यस्तु कुरुते मूढधीर्नरः

mohāttyajati yo mūḍhaḥ samāṃ nayati śatrutām | pitṛbhirbhartsanaṃ yastu kurute mūḍhadhīrnaraḥ

Sanskrit only: no published translation is held for this verse.

गुर्ववज्ञाकरो विप्र समां नयति शत्रुताम् । आरामच्छेदिनो ये च जलाशयविलायिनः

gurvavajñākaro vipra samāṃ nayati śatrutām | ārāmacchedino ye ca jalāśayavilāyinaḥ

Sanskrit only: no published translation is held for this verse.

ग्रामनाशकरायेचतेमांनयंतिशत्रुताम् । परस्त्रियं समालोक्य विषादं यान्ति ये जनाः १०० 7.19.100। शृण्वंति पापचर्चां च तेषां रुष्टोस्म्यहं सदा । द्विषंति नाथं ये मूढा अनाथस्वं हरंति ये

grāmanāśakarāyecatemāṃnayaṃtiśatrutām | parastriyaṃ samālokya viṣādaṃ yānti ye janāḥ 100 7.19.100| śṛṇvaṃti pāpacarcāṃ ca teṣāṃ ruṣṭosmyahaṃ sadā | dviṣaṃti nāthaṃ ye mūḍhā anāthasvaṃ haraṃti ye

Sanskrit only: no published translation is held for this verse.

विश्वासघातिनो ये च तेषां रुष्टोऽस्म्यहं सदा । ये च गोवीर्यहंतारो वृषलीपतयश्च ये

viśvāsaghātino ye ca teṣāṃ ruṣṭo'smyahaṃ sadā | ye ca govīryahaṃtāro vṛṣalīpatayaśca ye

Sanskrit only: no published translation is held for this verse.

अश्वत्थघातिनो ये च तेषां रुष्टोऽस्म्यहं सदा । ब्रह्मविष्णुमहेशानां मध्ये ये भेदकारिणः

aśvatthaghātino ye ca teṣāṃ ruṣṭo'smyahaṃ sadā | brahmaviṣṇumaheśānāṃ madhye ye bhedakāriṇaḥ

Sanskrit only: no published translation is held for this verse.

परदारातिरक्ता ये तेषां रुष्टोऽस्म्यहं सदा । एकादश्यां भुंजते ये लोभात्पापधियो नराः

paradārātiraktā ye teṣāṃ ruṣṭo'smyahaṃ sadā | ekādaśyāṃ bhuṃjate ye lobhātpāpadhiyo narāḥ

Sanskrit only: no published translation is held for this verse.

वेदनिंदाकरा ये च तेषांरुष्टोऽस्म्यहं सदा । पापबुद्धिरता ये च मित्रद्रोहरतास्तथा

vedaniṃdākarā ye ca teṣāṃruṣṭo'smyahaṃ sadā | pāpabuddhiratā ye ca mitradroharatāstathā

Sanskrit only: no published translation is held for this verse.

धात्रीतरुं च ये घ्नंति तेषां रुष्टोऽस्म्यहं सदा । दिवसे मैथुनं ये च कुर्वंते काममोहिताः

dhātrītaruṃ ca ye ghnaṃti teṣāṃ ruṣṭo'smyahaṃ sadā | divase maithunaṃ ye ca kurvaṃte kāmamohitāḥ

Sanskrit only: no published translation is held for this verse.

रजस्वला स्त्रियां चैव तेषां रुष्टोऽस्म्यहं सदा । ये चादृष्टार्तवां नारीं मोहाद्गच्छंति सत्तम

rajasvalā striyāṃ caiva teṣāṃ ruṣṭo'smyahaṃ sadā | ye cādṛṣṭārtavāṃ nārīṃ mohādgacchaṃti sattama

Sanskrit only: no published translation is held for this verse.

व्रतस्थां च सदा जाल्मास्ते मां नयंति शत्रुताम् । अमावास्यातिथौ ये च कुर्वंते निशिभोजनम्

vratasthāṃ ca sadā jālmāste māṃ nayaṃti śatrutām | amāvāsyātithau ye ca kurvaṃte niśibhojanam

Sanskrit only: no published translation is held for this verse.

भोजनद्वयमेवार्के तेषां रुष्टोऽस्म्यहं सदा । आमिषं मैथुनं तैलममावास्यादिने द्विजाः

bhojanadvayamevārke teṣāṃ ruṣṭo'smyahaṃ sadā | āmiṣaṃ maithunaṃ tailamamāvāsyādine dvijāḥ

Sanskrit only: no published translation is held for this verse.

न ये त्यजंति विप्रेन्द्र तेषां रुष्टोऽस्म्यहं सदा । बहुनात्र किमुक्तेन संक्षेपात्ते वदाम्यहम्

na ye tyajaṃti viprendra teṣāṃ ruṣṭo'smyahaṃ sadā | bahunātra kimuktena saṃkṣepātte vadāmyaham

Sanskrit only: no published translation is held for this verse.

निंदंति वैष्णवान्ये च तेषां रुष्टोस्म्यहं सदा । व्यास उवाच- इत्युक्त्वा भगवान्विष्णुरदृश्यः सहसाऽभवत्

niṃdaṃti vaiṣṇavānye ca teṣāṃ ruṣṭosmyahaṃ sadā | vyāsa uvāca- ityuktvā bhagavānviṣṇuradṛśyaḥ sahasā'bhavat

Sanskrit only: no published translation is held for this verse.

स च विप्रः समुत्तस्थौ त्यक्तनिद्रस्तु मंचतः । केशवोक्तेन वाक्येन स विप्रो हरिभक्तिकृत्

sa ca vipraḥ samuttasthau tyaktanidrastu maṃcataḥ | keśavoktena vākyena sa vipro haribhaktikṛt

Sanskrit only: no published translation is held for this verse.

संत्यज्य सकलं कार्यं क्रियायोगरतोऽभवत् । नारायणस्य नैवेद्यं भुंजतोऽपि फलं त्विदम्

saṃtyajya sakalaṃ kāryaṃ kriyāyogarato'bhavat | nārāyaṇasya naivedyaṃ bhuṃjato'pi phalaṃ tvidam

Sanskrit only: no published translation is held for this verse.

हरिपूजाकृतां पुंसां न जाने किं भवेदिति । समासेन ब्रवीमि त्वां शृणु सत्तम जैमिने

haripūjākṛtāṃ puṃsāṃ na jāne kiṃ bhavediti | samāsena bravīmi tvāṃ śṛṇu sattama jaimine

Sanskrit only: no published translation is held for this verse.

सकृत्कृत्वा हरेः पूजां प्राप्यते परमं पदम्। मानुष्यं दुर्ल्लभं लोके पूजा तत्रापि चक्रिणः

sakṛtkṛtvā hareḥ pūjāṃ prāpyate paramaṃ padam| mānuṣyaṃ durllabhaṃ loke pūjā tatrāpi cakriṇaḥ

Sanskrit only: no published translation is held for this verse.

भक्तिस्तत्रापि विप्रेन्द्र दुर्ल्लभा परिकीर्तिता

bhaktistatrāpi viprendra durllabhā parikīrtitā

Sanskrit only: no published translation is held for this verse.

संसाराब्धिं सर्वदुःखप्रपूर्णं तर्तुं वांछा यस्य चित्तेस्ति पुंसः । भक्त्या नित्यं वासुदेवस्य पूजां कुर्यादार्यः कर्मणां सोऽखिलानाम्

saṃsārābdhiṃ sarvaduḥkhaprapūrṇaṃ tartuṃ vāṃchā yasya cittesti puṃsaḥ | bhaktyā nityaṃ vāsudevasya pūjāṃ kuryādāryaḥ karmaṇāṃ so'khilānām

Sanskrit only: no published translation is held for this verse.