Padma Purāṇa 7.20

तुलापुरुषदानेन यत्फलं प्राप्यते नरैः । शालग्रामशिलां यच्छंस्तस्मात्कोटिगुणं लभेत्

tulāpuruṣadānena yatphalaṃ prāpyate naraiḥ | śālagrāmaśilāṃ yacchaṃstasmātkoṭiguṇaṃ labhet

Sanskrit only: no published translation is held for this verse.

शालग्रामशिला येन प्रदत्ता द्विजसत्तम । नूनं तेन प्रदत्तानि भुवनानि चतुर्दश

śālagrāmaśilā yena pradattā dvijasattama | nūnaṃ tena pradattāni bhuvanāni caturdaśa

Sanskrit only: no published translation is held for this verse.

तुलापुरुषदानं यः प्रकरोति नरोत्तम । दिवि दिव्यांबरधरश्चिरं स च महीपतिः

tulāpuruṣadānaṃ yaḥ prakaroti narottama | divi divyāṃbaradharaściraṃ sa ca mahīpatiḥ

Sanskrit only: no published translation is held for this verse.

जननीजठरे भूयस्तस्य जन्म न विद्यते । ददाति यस्तु वै कन्यां सालंकारां नरोत्तमः

jananījaṭhare bhūyastasya janma na vidyate | dadāti yastu vai kanyāṃ sālaṃkārāṃ narottamaḥ

Sanskrit only: no published translation is held for this verse.

स गच्छेद्विष्णुभवनं पुनरावृत्तिवर्जितः । यः कन्याविक्रयं मूढो मोहात्प्रकुरुते नरः

sa gacchedviṣṇubhavanaṃ punarāvṛttivarjitaḥ | yaḥ kanyāvikrayaṃ mūḍho mohātprakurute naraḥ

Sanskrit only: no published translation is held for this verse.

स गच्छेन्नरकं घोरं पुरीषह्रदसंज्ञकम् । विक्रीतायाश्च कन्याया यः पुत्रो जायते द्विज

sa gacchennarakaṃ ghoraṃ purīṣahradasaṃjñakam | vikrītāyāśca kanyāyā yaḥ putro jāyate dvija

Sanskrit only: no published translation is held for this verse.

स चांडाल इव ज्ञेयः सर्वधर्मबहिष्कृतः । कन्याविक्रयिणः पुंसो मुखं पश्येन्न शास्त्रवित्

sa cāṃḍāla iva jñeyaḥ sarvadharmabahiṣkṛtaḥ | kanyāvikrayiṇaḥ puṃso mukhaṃ paśyenna śāstravit

Sanskrit only: no published translation is held for this verse.

पश्येदज्ञानतो वापि कुर्याद्भास्करदर्शनम् । यत्किंचित्क्रियते कर्म कन्याविक्रयिणः पुरः

paśyedajñānato vāpi kuryādbhāskaradarśanam | yatkiṃcitkriyate karma kanyāvikrayiṇaḥ puraḥ

Sanskrit only: no published translation is held for this verse.

शुभं तत्सकलं कर्म गच्छेद्विफलतां द्विज । कन्याविक्रयिणो नास्ति नरकान्निष्कृतिः पुनः

śubhaṃ tatsakalaṃ karma gacchedviphalatāṃ dvija | kanyāvikrayiṇo nāsti narakānniṣkṛtiḥ punaḥ

Sanskrit only: no published translation is held for this verse.

कन्यादानकृतो नास्ति स्वर्गादागमनं पुनः । बहुनात्र किमुक्तेन संक्षेपेण ब्रवीमि ते

kanyādānakṛto nāsti svargādāgamanaṃ punaḥ | bahunātra kimuktena saṃkṣepeṇa bravīmi te

Sanskrit only: no published translation is held for this verse.

हीरकक्षितिकन्यानां फलं स्याच्च शताधिकम् । उपानहं चातपत्रं यस्तु यच्छति भूतले

hīrakakṣitikanyānāṃ phalaṃ syācca śatādhikam | upānahaṃ cātapatraṃ yastu yacchati bhūtale

Sanskrit only: no published translation is held for this verse.

शृणु तस्य तु वै पुण्यं संक्षेपेण ब्रवीमि ते । इह वर्षशतं जीवेत्सर्वसंपत्समन्वितः

śṛṇu tasya tu vai puṇyaṃ saṃkṣepeṇa bravīmi te | iha varṣaśataṃ jīvetsarvasaṃpatsamanvitaḥ

Sanskrit only: no published translation is held for this verse.

मृतः शक्रपुरं प्राप्य शतकल्पचतुष्टयम् । ददाति नूतनं वस्त्रं स याति परमां गतिम्

mṛtaḥ śakrapuraṃ prāpya śatakalpacatuṣṭayam | dadāti nūtanaṃ vastraṃ sa yāti paramāṃ gatim

Sanskrit only: no published translation is held for this verse.

वस्त्रं पुरातनं यच्छेद्धेनुं च रजतीं तथा । कन्यां रजस्वलां यस्तु स सदा नरकं व्रजेत्

vastraṃ purātanaṃ yaccheddhenuṃ ca rajatīṃ tathā | kanyāṃ rajasvalāṃ yastu sa sadā narakaṃ vrajet

Sanskrit only: no published translation is held for this verse.

फलदो मानवो विप्र गच्छति त्रिदशालयम् । भुंक्ते कल्पसहस्राणि फलं तत्रामृतोपमम्

phalado mānavo vipra gacchati tridaśālayam | bhuṃkte kalpasahasrāṇi phalaṃ tatrāmṛtopamam

Sanskrit only: no published translation is held for this verse.

शाकप्रदो याति विप्र शंभोर्भगवतः पदम् । तत्र कल्पद्वयं भुंक्ते पायसं दुर्ल्लभं सुरैः

śākaprado yāti vipra śaṃbhorbhagavataḥ padam | tatra kalpadvayaṃ bhuṃkte pāyasaṃ durllabhaṃ suraiḥ

Sanskrit only: no published translation is held for this verse.

दुग्धदो दधिदश्चैव घृतदस्तक्रदस्तथा । प्राप्नोति वै सुधापानं पुरो भगवतो हरेः

dugdhado dadhidaścaiva ghṛtadastakradastathā | prāpnoti vai sudhāpānaṃ puro bhagavato hareḥ

Sanskrit only: no published translation is held for this verse.

पुष्पदो मनुजो विप्र गन्धदश्च सुरालयम् । तिष्ठेद्युगसहस्राणि पुष्पगन्धविभूषितः

puṣpado manujo vipra gandhadaśca surālayam | tiṣṭhedyugasahasrāṇi puṣpagandhavibhūṣitaḥ

Sanskrit only: no published translation is held for this verse.

शय्यादानं द्विजश्रेष्ठ यः करोति द्विजोत्तम । स ब्रह्मलोकमागत्य पर्यंकशयनश्चिरम्

śayyādānaṃ dvijaśreṣṭha yaḥ karoti dvijottama | sa brahmalokamāgatya paryaṃkaśayanaściram

Sanskrit only: no published translation is held for this verse.

दीपदः पीठदश्चैव सर्वपापविवर्जितः । दिव्यसिंहासनस्थश्च जलदीपावलीवृतः

dīpadaḥ pīṭhadaścaiva sarvapāpavivarjitaḥ | divyasiṃhāsanasthaśca jaladīpāvalīvṛtaḥ

Sanskrit only: no published translation is held for this verse.

तांबूलदो नरो राजन्भुवि भुंक्तेऽखिलं शुभम् । दिवि देवाङ्गनाक्रोडे सुप्तस्तांबूलमत्ति वै

tāṃbūlado naro rājanbhuvi bhuṃkte'khilaṃ śubham | divi devāṅganākroḍe suptastāṃbūlamatti vai

Sanskrit only: no published translation is held for this verse.

विद्यादानं द्विजश्रेष्ठ यः करोति नरोत्तम । संप्राप्य संनिधिं विष्णोस्तिष्ठेद्युगशतद्वयम्

vidyādānaṃ dvijaśreṣṭha yaḥ karoti narottama | saṃprāpya saṃnidhiṃ viṣṇostiṣṭhedyugaśatadvayam

Sanskrit only: no published translation is held for this verse.

ततो ज्ञानं समासाद्य तत्रैव द्विजसत्तम । प्राप्नोति दुर्ल्लभं मोक्षं प्रसादात्कमलापतेः

tato jñānaṃ samāsādya tatraiva dvijasattama | prāpnoti durllabhaṃ mokṣaṃ prasādātkamalāpateḥ

Sanskrit only: no published translation is held for this verse.

अनाथं ब्राह्मणं यस्तु पाठयत्यतिदुःखितम् । स याति विष्णुभवनं पुनरावृत्तिदुर्ल्लभम्

anāthaṃ brāhmaṇaṃ yastu pāṭhayatyatiduḥkhitam | sa yāti viṣṇubhavanaṃ punarāvṛttidurllabham

Sanskrit only: no published translation is held for this verse.

कुलीनोऽपि द्विजश्रेष्ठो न भाति विद्यया विना । तस्माद्दिवजं पाठयंतः प्रयांति परमं पदम्

kulīno'pi dvijaśreṣṭho na bhāti vidyayā vinā | tasmāddivajaṃ pāṭhayaṃtaḥ prayāṃti paramaṃ padam

Sanskrit only: no published translation is held for this verse.

भुवि प्रत्यक्षदेवोऽपि ब्राह्मणो देवताश्रयः । सर्ववर्णगुरुर्नैव विद्याहीनो विराजते

bhuvi pratyakṣadevo'pi brāhmaṇo devatāśrayaḥ | sarvavarṇagururnaiva vidyāhīno virājate

Sanskrit only: no published translation is held for this verse.

संसारे यानि दानानि संति हेमादिकानि च । तानि तेन प्रदत्तानि ब्राह्मणो येन पाठितः १५० 7.20.150। कुर्यात्पुस्तकदानं यो नरो भक्तिसमन्वितः । तस्य पुण्यं द्विजश्रेष्ठ संक्षेपात्ते वदाम्यहम्

saṃsāre yāni dānāni saṃti hemādikāni ca | tāni tena pradattāni brāhmaṇo yena pāṭhitaḥ 150 7.20.150| kuryātpustakadānaṃ yo naro bhaktisamanvitaḥ | tasya puṇyaṃ dvijaśreṣṭha saṃkṣepātte vadāmyaham

Sanskrit only: no published translation is held for this verse.

तत्राक्षराणि यावंति पत्रे पत्रे च पुस्तके । प्रत्यक्षरे लभेत्पुण्यं कपिलाकोटिदानजम्

tatrākṣarāṇi yāvaṃti patre patre ca pustake | pratyakṣare labhetpuṇyaṃ kapilākoṭidānajam

Sanskrit only: no published translation is held for this verse.

यावद्दिनं पुस्तकं तत्प्रपठंति द्विजातयः । तावन्मन्वंतरं तिष्ठेद्वैकुंठे पुस्तकप्रदः

yāvaddinaṃ pustakaṃ tatprapaṭhaṃti dvijātayaḥ | tāvanmanvaṃtaraṃ tiṣṭhedvaikuṃṭhe pustakapradaḥ

Sanskrit only: no published translation is held for this verse.

एवमादीन्यनेकानि संति दानानि भूसुर । सम्यग्वक्तुं जगत्यस्मिन्कः शक्तो द्विशतैरपि

evamādīnyanekāni saṃti dānāni bhūsura | samyagvaktuṃ jagatyasminkaḥ śakto dviśatairapi

Sanskrit only: no published translation is held for this verse.

ब्रह्महत्यादि पापानि क्रियंते यानि मानवैः । हन्यंते तानि पापानि तस्माद्दानं समाचरेत्

brahmahatyādi pāpāni kriyaṃte yāni mānavaiḥ | hanyaṃte tāni pāpāni tasmāddānaṃ samācaret

Sanskrit only: no published translation is held for this verse.

आत्मपुण्येन यद्दानं दीयते च त्रिभिर्जनैः । यावद्द्रव्यं फलं तस्मात्तस्य दानस्य लभ्यते

ātmapuṇyena yaddānaṃ dīyate ca tribhirjanaiḥ | yāvaddravyaṃ phalaṃ tasmāttasya dānasya labhyate

Sanskrit only: no published translation is held for this verse.

प्रीतये कमलाभर्तुर्यद्दानं दीयते जनैः । तस्यकोटिगुणं पुण्यं लभते नात्र संशयः

prītaye kamalābharturyaddānaṃ dīyate janaiḥ | tasyakoṭiguṇaṃ puṇyaṃ labhate nātra saṃśayaḥ

Sanskrit only: no published translation is held for this verse.

तस्मान्नारायणप्रीतिहेतवे मतिमान्नरः । दानं समाचरेद्विप्र भक्तिकर्मसमन्वितः

tasmānnārāyaṇaprītihetave matimānnaraḥ | dānaṃ samācaredvipra bhaktikarmasamanvitaḥ

Sanskrit only: no published translation is held for this verse.

तपसोऽपि परं दानं निरुक्तं तत्वदर्शिभिः । अतो यत्नादपि प्राज्ञो दानकर्मसमाचरेत्

tapaso'pi paraṃ dānaṃ niruktaṃ tatvadarśibhiḥ | ato yatnādapi prājño dānakarmasamācaret

Sanskrit only: no published translation is held for this verse.

दानं तपो द्वे अपि यः प्रकरोति नरोत्तमः । तस्य तुल्यो जगत्यस्मिन्विद्यते न हि भूसुर

dānaṃ tapo dve api yaḥ prakaroti narottamaḥ | tasya tulyo jagatyasminvidyate na hi bhūsura

Sanskrit only: no published translation is held for this verse.