Padma Purāṇa 7.21

क्षुधया दग्धसर्वाङ्गः सीदति प्रतिवासरम् । धिगस्तु मां मंदधियं कृपणप्रवरञ्जनम्

kṣudhayā dagdhasarvāṅgaḥ sīdati prativāsaram | dhigastu māṃ maṃdadhiyaṃ kṛpaṇapravarañjanam

Sanskrit only: no published translation is held for this verse.

मयापि पितृपुण्येन न किञ्चिदपि दीयते । इति संचिंत्य बहुधा दीक्षितोऽपि द्विजोत्तम

mayāpi pitṛpuṇyena na kiñcidapi dīyate | iti saṃciṃtya bahudhā dīkṣito'pi dvijottama

Sanskrit only: no published translation is held for this verse.

ददौ दानानि विप्रेभ्यः श्रद्धाभक्तिसमन्वितः । तेन पुण्यप्रभावेण तृषयारहितः क्षुधा

dadau dānāni viprebhyaḥ śraddhābhaktisamanvitaḥ | tena puṇyaprabhāveṇa tṛṣayārahitaḥ kṣudhā

Sanskrit only: no published translation is held for this verse.

तस्थौ नारायणागारे यावत्कालं शृणुष्व तत् । चतुर्युगसहस्राणि ब्रह्मणोऽहं प्रकीर्तितम्

tasthau nārāyaṇāgāre yāvatkālaṃ śṛṇuṣva tat | caturyugasahasrāṇi brahmaṇo'haṃ prakīrtitam

Sanskrit only: no published translation is held for this verse.

भवंति तस्मिन्नेवाह्नि मनवश्च चतुर्दश । इंद्राश्चतुर्द्दश प्रोक्तास्तस्मिन्नेव दिने च ते

bhavaṃti tasminnevāhni manavaśca caturdaśa | iṃdrāścaturddaśa proktāstasminneva dine ca te

Sanskrit only: no published translation is held for this verse.

भुंजते ब्राह्मणः श्रेष्ठ विषयान्स्वान्पृथक्पृथक् । एकस्मिन्ब्रह्मदिवसे भुक्त्वा स्वान्विषयाञ्छुभान्

bhuṃjate brāhmaṇaḥ śreṣṭha viṣayānsvānpṛthakpṛthak | ekasminbrahmadivase bhuktvā svānviṣayāñchubhān

Sanskrit only: no published translation is held for this verse.

इन्द्राश्च मनवश्चैव विनश्यंति चतुर्दश । विष्णुलोके स्थिते तस्मिन्हरिशर्मातिभास्वरे

indrāśca manavaścaiva vinaśyaṃti caturdaśa | viṣṇuloke sthite tasminhariśarmātibhāsvare

Sanskrit only: no published translation is held for this verse.

समस्तसुखदे रम्ये ब्रह्मणो दिवसो गतः । तत्रासौ कालमेतावद्भुक्त्वा भोगान्मनोरमान्

samastasukhade ramye brahmaṇo divaso gataḥ | tatrāsau kālametāvadbhuktvā bhogānmanoramān

Sanskrit only: no published translation is held for this verse.

परमं ज्ञानमासाद्य प्रविवेश हरेस्तनुम् । व्यास उवाच- अन्नतोयसमं दानं संसारे नास्ति जैमिने

paramaṃ jñānamāsādya praviveśa harestanum | vyāsa uvāca- annatoyasamaṃ dānaṃ saṃsāre nāsti jaimine

Sanskrit only: no published translation is held for this verse.

अन्नतोयप्रदानेषु निरुक्तस्तत्वदर्शिभिः । अन्नतोयप्रदानानि कर्तव्यानि सदैव हि

annatoyapradāneṣu niruktastatvadarśibhiḥ | annatoyapradānāni kartavyāni sadaiva hi

Sanskrit only: no published translation is held for this verse.

एतत्पठंति मनुजाः परमादरेण माहात्म्यमन्नजलयोश्च तथा द्विजानाम् । ते प्राप्य चान्नजलदानफलं ततोंऽते नारायणस्य निलयं सुखदं प्रयांति

etatpaṭhaṃti manujāḥ paramādareṇa māhātmyamannajalayośca tathā dvijānām | te prāpya cānnajaladānaphalaṃ tatoṃ'te nārāyaṇasya nilayaṃ sukhadaṃ prayāṃti

Sanskrit only: no published translation is held for this verse.

सर्वदानफलान्येव अन्नतोयप्रदानतः । न च पात्रपरीक्षा च न कालनियमः क्वचित्

sarvadānaphalānyeva annatoyapradānataḥ | na ca pātraparīkṣā ca na kālaniyamaḥ kvacit

Sanskrit only: no published translation is held for this verse.