Padma Purāṇa 7.22

विधिनानेन गोविन्दमुपहारैरनुत्तमैः । पूजयेत्संवृतो भक्त्या प्रहरेषु चतुर्ष्वपि

vidhinānena govindamupahārairanuttamaiḥ | pūjayetsaṃvṛto bhaktyā prahareṣu caturṣvapi

Sanskrit only: no published translation is held for this verse.

नानोपहारान्हरये यो यच्छेद्धरिवासरे । वित्तशाठ्यं न कर्तव्यं कर्मणां फलमिच्छता

nānopahārānharaye yo yaccheddharivāsare | vittaśāṭhyaṃ na kartavyaṃ karmaṇāṃ phalamicchatā

Sanskrit only: no published translation is held for this verse.

ततस्तु व्रतिभिः सर्वैर्नारायणपरायणैः । निशि जागरणं कार्य्यं नृत्यगीतस्तवादिभिः

tatastu vratibhiḥ sarvairnārāyaṇaparāyaṇaiḥ | niśi jāgaraṇaṃ kāryyaṃ nṛtyagītastavādibhiḥ

Sanskrit only: no published translation is held for this verse.

प्रदक्षिणं द्विजश्रेष्ठ नामानि कमलापतेः । सर्वपापविनाशीनि स्मर्तव्यानि व्रते रतैः

pradakṣiṇaṃ dvijaśreṣṭha nāmāni kamalāpateḥ | sarvapāpavināśīni smartavyāni vrate rataiḥ

Sanskrit only: no published translation is held for this verse.

स्फुरंतं प्रतिवक्त्रेभ्यो हरिनामध्वनिं जनाः । शृण्वंति ते विमुक्ताः स्युर्महद्भिः पापसंचयैः

sphuraṃtaṃ prativaktrebhyo harināmadhvaniṃ janāḥ | śṛṇvaṃti te vimuktāḥ syurmahadbhiḥ pāpasaṃcayaiḥ

Sanskrit only: no published translation is held for this verse.

न पाखंण्डजनालापः कर्तव्यो हरिवासरे । पाखंडालापमात्रेण सर्वधर्मो विनश्यति

na pākhaṃṇḍajanālāpaḥ kartavyo harivāsare | pākhaṃḍālāpamātreṇa sarvadharmo vinaśyati

Sanskrit only: no published translation is held for this verse.

नारायणयशोगीतं प्रतिकंठं विनिःसृतम् । श्रुत्वा मूढा न तृप्यंति श्वानो वीणाक्वणं यथा

nārāyaṇayaśogītaṃ pratikaṃṭhaṃ viniḥsṛtam | śrutvā mūḍhā na tṛpyaṃti śvāno vīṇākvaṇaṃ yathā

Sanskrit only: no published translation is held for this verse.

संतो हर्षं समायांति श्रुत्वा गीतं जगत्पतेः । समस्तपापविध्वंसि वीणाक्वाणं यथा मृगाः

saṃto harṣaṃ samāyāṃti śrutvā gītaṃ jagatpateḥ | samastapāpavidhvaṃsi vīṇākvāṇaṃ yathā mṛgāḥ

Sanskrit only: no published translation is held for this verse.

गायंतं हरिगीतानि नृत्यंति नृत्यमुत्तमम् । तृप्यंति व्रतिनो दृष्ट्वा तृप्यंति कमलापतेः

gāyaṃtaṃ harigītāni nṛtyaṃti nṛtyamuttamam | tṛpyaṃti vratino dṛṣṭvā tṛpyaṃti kamalāpateḥ

Sanskrit only: no published translation is held for this verse.

व्रतिनो येन तृप्यंति विष्णोरायतने द्विज । प्रतिजन्मनि वै तेषां पशुता शाश्वती भवेत्

vratino yena tṛpyaṃti viṣṇorāyatane dvija | pratijanmani vai teṣāṃ paśutā śāśvatī bhavet

Sanskrit only: no published translation is held for this verse.

न ये गीतानि गायंति व्रतिनो हरिवासरे । विहीना वचनैस्ते च भ्रमंति प्रतिजन्मनि

na ye gītāni gāyaṃti vratino harivāsare | vihīnā vacanaiste ca bhramaṃti pratijanmani

Sanskrit only: no published translation is held for this verse.

मृदंगादीनि वाद्यानि कर्तव्यानि हरेः पुरः । यतो वाद्यैर्भवेत्तुष्टो भगवान्मधुसूदनः

mṛdaṃgādīni vādyāni kartavyāni hareḥ puraḥ | yato vādyairbhavettuṣṭo bhagavānmadhusūdanaḥ

Sanskrit only: no published translation is held for this verse.

कुर्वंति जागरं विष्णोर्वेदाध्ययनमुत्तमम् । पुराणपठनं वापि कर्तव्यं वैष्णवैर्जनैः

kurvaṃti jāgaraṃ viṣṇorvedādhyayanamuttamam | purāṇapaṭhanaṃ vāpi kartavyaṃ vaiṣṇavairjanaiḥ

Sanskrit only: no published translation is held for this verse.

रामायणं भागवतं भारतं व्यासभाषितम् । अन्यानि च पुराणानि पाठ्यानि हरिवासरे

rāmāyaṇaṃ bhāgavataṃ bhārataṃ vyāsabhāṣitam | anyāni ca purāṇāni pāṭhyāni harivāsare

Sanskrit only: no published translation is held for this verse.

ये पठंति पुरो विष्णोर्ये शृण्वन्ति हरेर्दिने । प्रत्यक्षरे लभंते ते कपिलादानजं फलम्

ye paṭhaṃti puro viṣṇorye śṛṇvanti harerdine | pratyakṣare labhaṃte te kapilādānajaṃ phalam

Sanskrit only: no published translation is held for this verse.

निशि जागरणं कुर्यात्सानंदो वैष्णवो जनः । जितनिद्रो भवेत्सम्यग्ध्यायते केशवं हृदा

niśi jāgaraṇaṃ kuryātsānaṃdo vaiṣṇavo janaḥ | jitanidro bhavetsamyagdhyāyate keśavaṃ hṛdā

Sanskrit only: no published translation is held for this verse.

प्रदक्षिणाकारतया भूयोभूयो हरेर्द्दिने । निपत्य दण्डवद्भूमौ प्रणमेच्च जनार्द्दनम्

pradakṣiṇākāratayā bhūyobhūyo harerddine | nipatya daṇḍavadbhūmau praṇamecca janārddanam

Sanskrit only: no published translation is held for this verse.

ततः प्रभाते विमले कृतपंचमहाध्वरः । हरिं संस्नाप्य दुग्धेन पूजयेद्भक्तिमान्व्रती

tataḥ prabhāte vimale kṛtapaṃcamahādhvaraḥ | hariṃ saṃsnāpya dugdhena pūjayedbhaktimānvratī

Sanskrit only: no published translation is held for this verse.

व्रतस्य दक्षिणां दद्यान्निजशक्त्या द्विजन्मने । ततस्तु द्वादशीमध्ये व्रती पारणमाचरेत्

vratasya dakṣiṇāṃ dadyānnijaśaktyā dvijanmane | tatastu dvādaśīmadhye vratī pāraṇamācaret

Sanskrit only: no published translation is held for this verse.

पारणं कुरुते यस्तु विलंघ्य द्वादशीतिथिम् । जन्मकोट्यर्जितं पुण्यं तस्य चैव विनश्यति

pāraṇaṃ kurute yastu vilaṃghya dvādaśītithim | janmakoṭyarjitaṃ puṇyaṃ tasya caiva vinaśyati

Sanskrit only: no published translation is held for this verse.

द्वादशीतिथिमध्ये तु कर्तव्यं पारणं बुधैः । न कदाचित्त्रयोदश्यां व्रतस्य फलमिच्छुभिः

dvādaśītithimadhye tu kartavyaṃ pāraṇaṃ budhaiḥ | na kadācittrayodaśyāṃ vratasya phalamicchubhiḥ

Sanskrit only: no published translation is held for this verse.

उपवासदिने विप्र निशायामपि वैष्णवः । उपवासफलप्रेप्सुर्यत्नात्स्वापं विवर्जयेत्

upavāsadine vipra niśāyāmapi vaiṣṇavaḥ | upavāsaphalaprepsuryatnātsvāpaṃ vivarjayet

Sanskrit only: no published translation is held for this verse.

विना जागरणं नूनमुपवासो निरर्थकः । अतो जागरणं कार्य्यमुभयोरपि पक्षयोः

vinā jāgaraṇaṃ nūnamupavāso nirarthakaḥ | ato jāgaraṇaṃ kāryyamubhayorapi pakṣayoḥ

Sanskrit only: no published translation is held for this verse.

एकादशीव्रतं येन विधिनानेन कुर्वते । सत्यं सत्यं द्विजश्रेष्ठ सर्वे ते मोक्षगामिनः

ekādaśīvrataṃ yena vidhinānena kurvate | satyaṃ satyaṃ dvijaśreṣṭha sarve te mokṣagāminaḥ

Sanskrit only: no published translation is held for this verse.

जन्ममृत्युहरणैकनिदानं सेंद्र देवनिकरैरपि कार्यम् । वासुदेवदिवसव्रतसारं जैमिने त्वमनिशं कुरु यत्नात्

janmamṛtyuharaṇaikanidānaṃ seṃdra devanikarairapi kāryam | vāsudevadivasavratasāraṃ jaimine tvamaniśaṃ kuru yatnāt

Sanskrit only: no published translation is held for this verse.