सकंपहृदयास्तस्थुर्मेघं दृष्ट्वा मृगा इव । ततस्तु दंतावलिभिः कुर्वन्कडकडध्वनिम्
sakaṃpahṛdayāstasthurmeghaṃ dṛṣṭvā mṛgā iva | tatastu daṃtāvalibhiḥ kurvankaḍakaḍadhvanim
Sanskrit only: no published translation is held for this verse.
Library·Padma Purāṇa·7·7.23
Padma Purāṇa 7.23
धर्मराट्कालदंडेन ताञ्जघान पृथक्पृथक् । ताडिता धर्मराजेन ते सर्वे कृतपातकाः
dharmarāṭkāladaṃḍena tāñjaghāna pṛthakpṛthak | tāḍitā dharmarājena te sarve kṛtapātakāḥ
Sanskrit only: no published translation is held for this verse.
क्रंदंति निजकर्माणि शोचंतः प्राप्तसाध्वसाः । ततस्तान्पापिनः सर्वान्दूताश्चंडादयो रुषा
kraṃdaṃti nijakarmāṇi śocaṃtaḥ prāptasādhvasāḥ | tatastānpāpinaḥ sarvāndūtāścaṃḍādayo ruṣā
Sanskrit only: no published translation is held for this verse.
नरकेषु यमादेशाद्रौरवादिषु चिक्षिपुः । तपने चिक्षिपुः कांश्चिदवीचौ कृतपातकान्
narakeṣu yamādeśādrauravādiṣu cikṣipuḥ | tapane cikṣipuḥ kāṃścidavīcau kṛtapātakān
Sanskrit only: no published translation is held for this verse.
संघाते कालसूत्रे च महारौरवके तथा । संतप्ते वालुकाकुंडे कुंभीपाके तथापरान्
saṃghāte kālasūtre ca mahārauravake tathā | saṃtapte vālukākuṃḍe kuṃbhīpāke tathāparān
Sanskrit only: no published translation is held for this verse.
निरुच्छ्वासे महाघोरे चिक्षिपुश्च प्रमर्द्दने । असिपत्रवने घोरे नानाभक्षेषु पापिनः
nirucchvāse mahāghore cikṣipuśca pramarddane | asipatravane ghore nānābhakṣeṣu pāpinaḥ
Sanskrit only: no published translation is held for this verse.
वैतरण्यां तथा केऽपि चिक्षिपुर्यमकिंकराः । घोरे विष्ठाह्रदे कांश्चित्तुषांगारास्थिकंटकैः
vaitaraṇyāṃ tathā ke'pi cikṣipuryamakiṃkarāḥ | ghore viṣṭhāhrade kāṃścittuṣāṃgārāsthikaṃṭakaiḥ
Sanskrit only: no published translation is held for this verse.
पूर्णे नितांतसंतप्ते चिक्षिपुर्यमकिंकराः । पुरीषलेपने चैव पुरीषभोजने तथा
pūrṇe nitāṃtasaṃtapte cikṣipuryamakiṃkarāḥ | purīṣalepane caiva purīṣabhojane tathā
Sanskrit only: no published translation is held for this verse.
स्वमांसभोजने चैव स्थापिता यमकिंकरैः । श्लेष्माणं भुंजते केचित्केचिद्वीर्यं च भुंजते
svamāṃsabhojane caiva sthāpitā yamakiṃkaraiḥ | śleṣmāṇaṃ bhuṃjate kecitkecidvīryaṃ ca bhuṃjate
Sanskrit only: no published translation is held for this verse.
पिबंति केचिन्मूत्राणि केचिद्रक्तानि पापिनः । केषांचिद्वदनेष्वेव जलौकाः पन्नगोपमाः
pibaṃti kecinmūtrāṇi kecidraktāni pāpinaḥ | keṣāṃcidvadaneṣveva jalaukāḥ pannagopamāḥ
Sanskrit only: no published translation is held for this verse.
पूर्यंते पन्नगाश्चैव यमदूतैर्भयंकरैः । उत्पाद्यंतेऽतिसंतप्तैर्जिह्वाश्च द्विजसत्तम
pūryaṃte pannagāścaiva yamadūtairbhayaṃkaraiḥ | utpādyaṃte'tisaṃtaptairjihvāśca dvijasattama
Sanskrit only: no published translation is held for this verse.
केषांचित्कर्णरंध्रेषु मुखेषु च कृतैनसाम् । तप्ततैलानि पूर्यंते निर्द्दयैर्यमकिंकरैः
keṣāṃcitkarṇaraṃdhreṣu mukheṣu ca kṛtainasām | taptatailāni pūryaṃte nirddayairyamakiṃkaraiḥ
Sanskrit only: no published translation is held for this verse.
केषांचित्खङ्गधाराभिर्बाहुं च चरणं तथा । कर्णादिनासिकाश्चैव च्छिंदंति च दुरात्मनाम्
keṣāṃcitkhaṅgadhārābhirbāhuṃ ca caraṇaṃ tathā | karṇādināsikāścaiva cchiṃdaṃti ca durātmanām
Sanskrit only: no published translation is held for this verse.
शयनं कुर्वते केचिज्ज्वलदंगारसंचये । केचिन्नाराचतुल्येषु शयनं कंटकेषु च
śayanaṃ kurvate kecijjvaladaṃgārasaṃcaye | kecinnārācatulyeṣu śayanaṃ kaṃṭakeṣu ca
Sanskrit only: no published translation is held for this verse.
कर्दमेषु च तप्तेषु कांश्चिच्छमनकिंकराः । पातयंति द्विजश्रेष्ठ केशेष्वाकृष्य पापिनः
kardameṣu ca tapteṣu kāṃścicchamanakiṃkarāḥ | pātayaṃti dvijaśreṣṭha keśeṣvākṛṣya pāpinaḥ
Sanskrit only: no published translation is held for this verse.
वमनेषु च केषांचिन्नखसंधिषु पापिनाम् । तप्तसूचीसहस्राणि प्रक्षिपंति मुहुर्मुहुः
vamaneṣu ca keṣāṃcinnakhasaṃdhiṣu pāpinām | taptasūcīsahasrāṇi prakṣipaṃti muhurmuhuḥ
Sanskrit only: no published translation is held for this verse.
संतप्तलोहशूलाग्रे कांश्चिदारोपयंति वै । क्रंदंति कंटकैस्तीक्ष्णैः केषांचिन्मस्तकानि वै
saṃtaptalohaśūlāgre kāṃścidāropayaṃti vai | kraṃdaṃti kaṃṭakaistīkṣṇaiḥ keṣāṃcinmastakāni vai
Sanskrit only: no published translation is held for this verse.
गृहीत्वा हस्तपादेषु शाल्मलिद्रुमकंटकैः । निष्कुषंति रुषा कांश्चिदार्त्तरावविराविणः
gṛhītvā hastapādeṣu śālmalidrumakaṃṭakaiḥ | niṣkuṣaṃti ruṣā kāṃścidārttarāvavirāviṇaḥ
Sanskrit only: no published translation is held for this verse.
बद्ध्वा गलेषु पाषाणं कांश्चिच्छमनकिंकराः । रक्तगर्ते पयोगर्ते पातयंति पुनः पुनः
baddhvā galeṣu pāṣāṇaṃ kāṃścicchamanakiṃkarāḥ | raktagarte payogarte pātayaṃti punaḥ punaḥ
Sanskrit only: no published translation is held for this verse.
याम्यैर्दूतैरुद्गिरंति शिरांसि पापिनां नृणाम् । चूर्णयंत्युपलैर्याम्या मुहुर्मुहुरतिक्रुधा
yāmyairdūtairudgiraṃti śirāṃsi pāpināṃ nṛṇām | cūrṇayaṃtyupalairyāmyā muhurmuhuratikrudhā
Sanskrit only: no published translation is held for this verse.
वक्षोमध्येषु केषांचिल्लोहकीलकसंचयान् । आरोपयंति लोकानां क्रंदतां दुरितात्मनाम्
vakṣomadhyeṣu keṣāṃcillohakīlakasaṃcayān | āropayaṃti lokānāṃ kraṃdatāṃ duritātmanām
Sanskrit only: no published translation is held for this verse.
चक्षूंषि बडिशैः केषामुत्पाट्यंते कृतैनसाम् । केषांचिन्नासिका एव पूर्य्यंते वृश्चिकैर्द्विज
cakṣūṃṣi baḍiśaiḥ keṣāmutpāṭyaṃte kṛtainasām | keṣāṃcinnāsikā eva pūryyaṃte vṛścikairdvija
Sanskrit only: no published translation is held for this verse.
केषांचिद्वृक्षशाखायां बद्ध्वा पादांश्च पाशकैः । ज्वालयंति तले वह्निं सधूमं यमकिंकराः
keṣāṃcidvṛkṣaśākhāyāṃ baddhvā pādāṃśca pāśakaiḥ | jvālayaṃti tale vahniṃ sadhūmaṃ yamakiṃkarāḥ
Sanskrit only: no published translation is held for this verse.
धूमपानं प्रकुर्वन्ति ते तत्र कृतकिल्विषाः । अधोमुखा ऊर्ध्वपादास्तस्थुराचन्द्र तारकम्
dhūmapānaṃ prakurvanti te tatra kṛtakilviṣāḥ | adhomukhā ūrdhvapādāstasthurācandra tārakam
Sanskrit only: no published translation is held for this verse.
मुसलैर्मुद्गरैः केचित्ताड्यमानाः पुनः पुनः । याम्यैर्दूतैरुद्गिरन्ति शोणितानि व्यथाकुलाः
musalairmudgaraiḥ kecittāḍyamānāḥ punaḥ punaḥ | yāmyairdūtairudgiranti śoṇitāni vyathākulāḥ
Sanskrit only: no published translation is held for this verse.
अन्धकारमये गेहे पूतिगन्धवति द्विज । दंशैश्च मशकैश्चैव केचित्सीदंति पापिनः
andhakāramaye gehe pūtigandhavati dvija | daṃśaiśca maśakaiścaiva kecitsīdaṃti pāpinaḥ
Sanskrit only: no published translation is held for this verse.
भस्मानि भुञ्जते केचित्कृमीन्केचिच्च भुञ्जते । केचिद्दुर्गन्धमांसानि केचिच्च पूतिमृत्तिकाम्
bhasmāni bhuñjate kecitkṛmīnkecicca bhuñjate | keciddurgandhamāṃsāni kecicca pūtimṛttikām
Sanskrit only: no published translation is held for this verse.
श्वभिर्व्याघ्रैः शृगालैश्च वज्रदन्तनखैस्तथा । ऋक्षैः केचिद्भक्ष्यमाणाः क्रंदन्ति रुधिराप्लुताः १५० 7.23.150। नितांतोग्रविषैः सर्पैर्भक्ष्यमाणास्तथापरे । अन्ये महिषशृंगाग्रनिर्भिन्नवक्षसो द्विज
śvabhirvyāghraiḥ śṛgālaiśca vajradantanakhaistathā | ṛkṣaiḥ kecidbhakṣyamāṇāḥ kraṃdanti rudhirāplutāḥ 150 7.23.150| nitāṃtograviṣaiḥ sarpairbhakṣyamāṇāstathāpare | anye mahiṣaśṛṃgāgranirbhinnavakṣaso dvija
Sanskrit only: no published translation is held for this verse.
पतन्ति मूर्च्छिताः पृथ्वीं सिंचंतो रुधिरैर्महीम् । यमदूतधनुर्मुक्तैर्घोरैराशीविषोपमैः
patanti mūrcchitāḥ pṛthvīṃ siṃcaṃto rudhirairmahīm | yamadūtadhanurmuktairghorairāśīviṣopamaiḥ
Sanskrit only: no published translation is held for this verse.
जर्जराखिलदेहाश्च लुठंत्यन्ये महीतले । तप्तायः पिण्डनिलयं तप्तपाषाणमेव च
jarjarākhiladehāśca luṭhaṃtyanye mahītale | taptāyaḥ piṇḍanilayaṃ taptapāṣāṇameva ca
Sanskrit only: no published translation is held for this verse.
दंशशस्त्रेण केषांचित्कुष्णंति वदनेषु च । नासारन्ध्रेषु केषांचिद्यमदूता मुखेषु च
daṃśaśastreṇa keṣāṃcitkuṣṇaṃti vadaneṣu ca | nāsārandhreṣu keṣāṃcidyamadūtā mukheṣu ca
Sanskrit only: no published translation is held for this verse.
श्वासानिलनिरोधार्थं नासारन्ध्रं वयंति वै । केषांचित्तीक्ष्णधाराभिर्यमशाक्तिभिरुद्धतैः
śvāsānilanirodhārthaṃ nāsārandhraṃ vayaṃti vai | keṣāṃcittīkṣṇadhārābhiryamaśāktibhiruddhataiḥ
Sanskrit only: no published translation is held for this verse.
उत्पाट्यंतेंगचर्माणि यमदूतैर्महाबलैः । कांश्चिद्गृहीत्वा केशेषु निपात्य पृथिवीतले
utpāṭyaṃteṃgacarmāṇi yamadūtairmahābalaiḥ | kāṃścidgṛhītvā keśeṣu nipātya pṛthivītale
Sanskrit only: no published translation is held for this verse.
कीलैः पादादिभिर्घातैस्ताडयंति सदैव हि । केचित्क्षारांबुधाराभिः संतप्ताः कृतपातकाः
kīlaiḥ pādādibhirghātaistāḍayaṃti sadaiva hi | kecitkṣārāṃbudhārābhiḥ saṃtaptāḥ kṛtapātakāḥ
Sanskrit only: no published translation is held for this verse.
क्षारांबुपानं कुर्वंति क्रंदंतो बहुधा द्विज । पित्तपानं महाभाग केचित्कुर्वन्ति पापिनः
kṣārāṃbupānaṃ kurvaṃti kraṃdaṃto bahudhā dvija | pittapānaṃ mahābhāga kecitkurvanti pāpinaḥ
Sanskrit only: no published translation is held for this verse.
स्नुहीक्षीराणि केचिच्च पिबंति पापिनां वराः । केषांचित्स्वपतां भूमौ वक्षःसु यमकिंकरैः
snuhīkṣīrāṇi kecicca pibaṃti pāpināṃ varāḥ | keṣāṃcitsvapatāṃ bhūmau vakṣaḥsu yamakiṃkaraiḥ
Sanskrit only: no published translation is held for this verse.
दीयंते गुरुपाषाणाः संतप्ताः पर्वतोपमाः । काष्ठखंडद्वयं दत्वा ग्रीवायां च गले तथा
dīyaṃte gurupāṣāṇāḥ saṃtaptāḥ parvatopamāḥ | kāṣṭhakhaṃḍadvayaṃ datvā grīvāyāṃ ca gale tathā
Sanskrit only: no published translation is held for this verse.
उदग्रमुखं बध्नन्ति केषांचिद्दृढपाशकैः । आरोप्य वृक्षशाखायां कांश्चिद्भूमौ क्षिपंति च
udagramukhaṃ badhnanti keṣāṃciddṛḍhapāśakaiḥ | āropya vṛkṣaśākhāyāṃ kāṃścidbhūmau kṣipaṃti ca
Sanskrit only: no published translation is held for this verse.
उत्थापयंति भूमौ च प्रक्षिपंति पुनः पुनः । एवं ते पापिनः सर्वे क्षुधितास्तृषितास्तथा
utthāpayaṃti bhūmau ca prakṣipaṃti punaḥ punaḥ | evaṃ te pāpinaḥ sarve kṣudhitāstṛṣitāstathā
Sanskrit only: no published translation is held for this verse.
त्राहि त्राहीति जल्पंतो रुदंति यातनागृहे । युगकल्पांतपर्यंतं भुक्त्वा निरययातनाम्
trāhi trāhīti jalpaṃto rudaṃti yātanāgṛhe | yugakalpāṃtaparyaṃtaṃ bhuktvā nirayayātanām
Sanskrit only: no published translation is held for this verse.
नातिभुक्त्वा पापशेषे जायंते पापयोनिषु । पापयोनौ समुत्पन्ना भवंति व्याधिपीडिताः
nātibhuktvā pāpaśeṣe jāyaṃte pāpayoniṣu | pāpayonau samutpannā bhavaṃti vyādhipīḍitāḥ
Sanskrit only: no published translation is held for this verse.
हीनांगा अधिकांगाश्च दुःखिनः पापसेवकाः । अपुत्रा अतिमूर्खाश्च परहिंसापरायणाः
hīnāṃgā adhikāṃgāśca duḥkhinaḥ pāpasevakāḥ | aputrā atimūrkhāśca parahiṃsāparāyaṇāḥ
Sanskrit only: no published translation is held for this verse.
अल्पायुषोऽल्पमतयः कुभार्यापतयस्तथा । नित्यं पापानि कर्माणि कर्मणा मनसा गिरा
alpāyuṣo'lpamatayaḥ kubhāryāpatayastathā | nityaṃ pāpāni karmāṇi karmaṇā manasā girā
Sanskrit only: no published translation is held for this verse.
पुनः पापप्रभावेन निरयं यांति पूर्ववत् । तस्मात्पापं न कर्तव्यं कदाचिदपि सत्तमैः
punaḥ pāpaprabhāvena nirayaṃ yāṃti pūrvavat | tasmātpāpaṃ na kartavyaṃ kadācidapi sattamaiḥ
Sanskrit only: no published translation is held for this verse.
नराणां कृतपापानां नरकान्नास्ति निष्कृतिः । संक्षेपात्पापिनां दुःखं निरुक्तं द्विजसत्तम
narāṇāṃ kṛtapāpānāṃ narakānnāsti niṣkṛtiḥ | saṃkṣepātpāpināṃ duḥkhaṃ niruktaṃ dvijasattama
Sanskrit only: no published translation is held for this verse.
सम्यग्वक्तुं कः क्षमोस्ति वर्षायुतशतैरपि । दुर्गतीनां ततो दृष्ट्वा मनुजानां कृतैनसाम्
samyagvaktuṃ kaḥ kṣamosti varṣāyutaśatairapi | durgatīnāṃ tato dṛṣṭvā manujānāṃ kṛtainasām
Sanskrit only: no published translation is held for this verse.
आवां विमानमारुह्य नारायणपुरं गतौ । कल्पकोटिसहस्राणि भुक्त्वा भोगान्हरेर्गृहे
āvāṃ vimānamāruhya nārāyaṇapuraṃ gatau | kalpakoṭisahasrāṇi bhuktvā bhogānharergṛhe
Sanskrit only: no published translation is held for this verse.
जातौ वै राजवंशेऽस्मिन्विशुद्धे द्विजसत्तम । अत्र भुक्त्वाखिलान्भोगान्सर्वसंपत्समन्वितान्
jātau vai rājavaṃśe'sminviśuddhe dvijasattama | atra bhuktvākhilānbhogānsarvasaṃpatsamanvitān
Sanskrit only: no published translation is held for this verse.
सुखमृत्युं समासाद्य गंतव्यं परमं पदम् । एकादशीव्रतसमं व्रतं नास्ति जगत्त्रये
sukhamṛtyuṃ samāsādya gaṃtavyaṃ paramaṃ padam | ekādaśīvratasamaṃ vrataṃ nāsti jagattraye
Sanskrit only: no published translation is held for this verse.
अनिच्छयापि यत्कृत्वा गतिरेवंविधाऽवयोः । एकादशीव्रतं ये तु भक्तिभावेन कुर्वते
anicchayāpi yatkṛtvā gatirevaṃvidhā'vayoḥ | ekādaśīvrataṃ ye tu bhaktibhāvena kurvate
Sanskrit only: no published translation is held for this verse.
न जाने किं भवेत्तेषां वासुदेवानुकम्पया । इति ते कथितं सर्वं पृष्टं ब्राह्मणसत्तम
na jāne kiṃ bhavetteṣāṃ vāsudevānukampayā | iti te kathitaṃ sarvaṃ pṛṣṭaṃ brāhmaṇasattama
Sanskrit only: no published translation is held for this verse.
विष्णोर्दिवसमाहात्म्यं किमन्यच्छ्रोतुमर्हसि । व्यास उवाच- तस्यैतद्वचनं श्रुत्वा स विप्रः परमार्थवित्
viṣṇordivasamāhātmyaṃ kimanyacchrotumarhasi | vyāsa uvāca- tasyaitadvacanaṃ śrutvā sa vipraḥ paramārthavit
Sanskrit only: no published translation is held for this verse.
एकादशीव्रते चित्तं चकार सुदृढं निजम् । स राजा राजमहिषी चिरं भुक्त्वा वसुंधराम्
ekādaśīvrate cittaṃ cakāra sudṛḍhaṃ nijam | sa rājā rājamahiṣī ciraṃ bhuktvā vasuṃdharām
Sanskrit only: no published translation is held for this verse.
अंते विष्णुपुरं गत्वा प्राप्तवंतौ परं पदम् । व्रतराजस्य माहात्म्यं ये शृण्वंति पठंति च
aṃte viṣṇupuraṃ gatvā prāptavaṃtau paraṃ padam | vratarājasya māhātmyaṃ ye śṛṇvaṃti paṭhaṃti ca
Sanskrit only: no published translation is held for this verse.
पापजालैर्विनिर्मुक्ता लभंते हरिसन्निधौ
pāpajālairvinirmuktā labhaṃte harisannidhau
Sanskrit only: no published translation is held for this verse.