Library·Padma Purāṇa·7·7.26
जैमिनिरुवाच- कलौ युगे महाभाग समायाते सुदारुणे । भविष्यंति जनाः सर्वे कीदृशास्तद्वदस्व मे
jaiminiruvāca- kalau yuge mahābhāga samāyāte sudāruṇe | bhaviṣyaṃti janāḥ sarve kīdṛśāstadvadasva me
Sanskrit only: no published translation is held for this verse.
व्यास उवाच- आद्यं सत्ययुगं प्राहुस्तत्र विप्रादयो जनाः । नारायणार्चनपराः शोकव्याधिविवर्जिताः
vyāsa uvāca- ādyaṃ satyayugaṃ prāhustatra viprādayo janāḥ | nārāyaṇārcanaparāḥ śokavyādhivivarjitāḥ
Sanskrit only: no published translation is held for this verse.
सत्योक्तिभाषिणः सर्वे सदया दीर्घजीविनः । धनधान्यादिसम्पन्ना हिंसादंभविवर्जिताः
satyoktibhāṣiṇaḥ sarve sadayā dīrghajīvinaḥ | dhanadhānyādisampannā hiṃsādaṃbhavivarjitāḥ
Sanskrit only: no published translation is held for this verse.
परोपकरणाश्चैव सर्वशास्त्रविदस्तथा । एवंविधाः सत्ययुगे सर्वे लोका द्विजोत्तम
paropakaraṇāścaiva sarvaśāstravidastathā | evaṃvidhāḥ satyayuge sarve lokā dvijottama
Sanskrit only: no published translation is held for this verse.
राजधर्मग्राहिणश्च भूपाला जनपालनाः । अहो सत्ययुगस्यास्ति को व्याख्यातुं गुणं यशः
rājadharmagrāhiṇaśca bhūpālā janapālanāḥ | aho satyayugasyāsti ko vyākhyātuṃ guṇaṃ yaśaḥ
Sanskrit only: no published translation is held for this verse.
अधर्मोच्चारणं यत्र जनाः केऽपि न कुर्वते । त्रेतायुगे समायाते धर्मः पादोनकं गतः
adharmoccāraṇaṃ yatra janāḥ ke'pi na kurvate | tretāyuge samāyāte dharmaḥ pādonakaṃ gataḥ
Sanskrit only: no published translation is held for this verse.
अल्पशोकान्विता लोकाः केचित्केचिदघाश्रयाः । विष्णुध्यानरता लोका यज्ञदानपरायणाः
alpaśokānvitā lokāḥ kecitkecidaghāśrayāḥ | viṣṇudhyānaratā lokā yajñadānaparāyaṇāḥ
Sanskrit only: no published translation is held for this verse.
वर्णाश्रमाचाररताः सुखिनः स्वस्थचेतसः । क्षेत्रभूमिकृतः शूद्राः सर्वेब्राह्मणसेविनः
varṇāśramācāraratāḥ sukhinaḥ svasthacetasaḥ | kṣetrabhūmikṛtaḥ śūdrāḥ sarvebrāhmaṇasevinaḥ
Sanskrit only: no published translation is held for this verse.
ब्राह्मणाश्च महात्मानो वेदवेदाङ्गपारगाः । प्रतिग्रहनिवृत्ताश्च सत्यसन्धा जितेन्द्रियाः
brāhmaṇāśca mahātmāno vedavedāṅgapāragāḥ | pratigrahanivṛttāśca satyasandhā jitendriyāḥ
Sanskrit only: no published translation is held for this verse.
तपोव्रतरता नित्यं दातारो विष्णुसेविनः । त्रेतायुगस्यावसाने द्वापरे युग आगते
tapovrataratā nityaṃ dātāro viṣṇusevinaḥ | tretāyugasyāvasāne dvāpare yuga āgate
Sanskrit only: no published translation is held for this verse.
द्विपादहीनो धर्मः स्यात्सुखदुःखान्विता नराः । केचित्केचित्पापरताः केचित्केचिच्च धर्मिणः
dvipādahīno dharmaḥ syātsukhaduḥkhānvitā narāḥ | kecitkecitpāparatāḥ kecitkecicca dharmiṇaḥ
Sanskrit only: no published translation is held for this verse.
केचित्केचिद्गुणैर्हीनाः केचित्केचिन्महागुणाः । अत्यन्तदुःखिनः केचित्केचिच्च सुखिनस्तथा
kecitkecidguṇairhīnāḥ kecitkecinmahāguṇāḥ | atyantaduḥkhinaḥ kecitkecicca sukhinastathā
Sanskrit only: no published translation is held for this verse.
प्रतिग्रहे ब्राह्मणश्च कदाचित्कुरुते स्पृहाम् । भूभुजैर्धनलोभेन कदाचित्पीड्यते प्रजा
pratigrahe brāhmaṇaśca kadācitkurute spṛhām | bhūbhujairdhanalobhena kadācitpīḍyate prajā
Sanskrit only: no published translation is held for this verse.
विष्णुपूजापरा विप्राः शूद्राश्च द्विजसेविनः । यदा युगेयुगे धर्मः पादोनतां गतो द्विज
viṣṇupūjāparā viprāḥ śūdrāśca dvijasevinaḥ | yadā yugeyuge dharmaḥ pādonatāṃ gato dvija
Sanskrit only: no published translation is held for this verse.
तदा व्यासो विष्णुरूपी वेदभागं चकार ह । कलौयुगे च विप्रेन्द्र सर्वपापैकमंदिरे
tadā vyāso viṣṇurūpī vedabhāgaṃ cakāra ha | kalauyuge ca viprendra sarvapāpaikamaṃdire
Sanskrit only: no published translation is held for this verse.
एकपादो भवेद्धर्मः सर्वे पापरता जनाः । ब्राह्मणाः क्षत्त्रिया वैश्याः शूद्राः पापपरायणाः
ekapādo bhaveddharmaḥ sarve pāparatā janāḥ | brāhmaṇāḥ kṣattriyā vaiśyāḥ śūdrāḥ pāpaparāyaṇāḥ
Sanskrit only: no published translation is held for this verse.
अत्यंतकामिनः क्रूरा भविष्यंति कलौ युगे । वेदनिंदाकराश्चैव द्यूतचौर्यकरास्तथा
atyaṃtakāminaḥ krūrā bhaviṣyaṃti kalau yuge | vedaniṃdākarāścaiva dyūtacauryakarāstathā
Sanskrit only: no published translation is held for this verse.
विधवासंगमग्नाश्च भविष्यंति कलौ युगे । वृत्त्यर्थब्राह्मणाः केचिन्महाकपटधर्मिणः
vidhavāsaṃgamagnāśca bhaviṣyaṃti kalau yuge | vṛttyarthabrāhmaṇāḥ kecinmahākapaṭadharmiṇaḥ
Sanskrit only: no published translation is held for this verse.
सर्वे स्त्रैणा भविष्यंति मादकद्रव्यसेविनः । सदा स्त्रीयोनिनिरताः परद्रव्यं हरंति च
sarve straiṇā bhaviṣyaṃti mādakadravyasevinaḥ | sadā strīyoniniratāḥ paradravyaṃ haraṃti ca
Sanskrit only: no published translation is held for this verse.
परान्नलोलुपा नित्यं तपोव्रतपराङ्मुखाः । पाखण्डसङ्गबद्धाश्च भविष्यंति कलौ युगे
parānnalolupā nityaṃ tapovrataparāṅmukhāḥ | pākhaṇḍasaṅgabaddhāśca bhaviṣyaṃti kalau yuge
Sanskrit only: no published translation is held for this verse.
रक्ताम्बरा भविष्यंति ब्राह्मणाः शूद्रधर्मिणः । कलौ यास्यंति निर्वृत्ता उत्तमा अति नीचताम्
raktāmbarā bhaviṣyaṃti brāhmaṇāḥ śūdradharmiṇaḥ | kalau yāsyaṃti nirvṛttā uttamā ati nīcatām
Sanskrit only: no published translation is held for this verse.
नीचाश्च धनसम्पन्ना यास्यंत्युच्चपदं प्रति । प्रदास्यंत्युपकारिभ्यो दानानि सकला जनाः
nīcāśca dhanasampannā yāsyaṃtyuccapadaṃ prati | pradāsyaṃtyupakāribhyo dānāni sakalā janāḥ
Sanskrit only: no published translation is held for this verse.
यत्नादपि च नेष्यंति वृषला विप्रवर्त्तनम् । मित्रस्नेहाद्वदिष्यंति कूटसाक्ष्यं कलौ जनाः
yatnādapi ca neṣyaṃti vṛṣalā vipravarttanam | mitrasnehādvadiṣyaṃti kūṭasākṣyaṃ kalau janāḥ
Sanskrit only: no published translation is held for this verse.
अधर्मबुद्धिलपना धर्मबुद्धिविलापिनः । परोक्षनिंदकाः क्रूराः संमुखे प्रियवादिनः
adharmabuddhilapanā dharmabuddhivilāpinaḥ | parokṣaniṃdakāḥ krūrāḥ saṃmukhe priyavādinaḥ
Sanskrit only: no published translation is held for this verse.
साध्वीवादं वदिष्यंति भर्तारं पुंश्चली स्त्रियः । परस्त्रीहिंसकाश्चैव गोत्रविक्रयिणो द्विजाः
sādhvīvādaṃ vadiṣyaṃti bhartāraṃ puṃścalī striyaḥ | parastrīhiṃsakāścaiva gotravikrayiṇo dvijāḥ
Sanskrit only: no published translation is held for this verse.
कन्याविक्रयिणश्चैव भविष्यंति कलौ युगे । स्त्रीजिताः पुरुषाः सर्वे स्त्रियोऽप्यत्यंतचञ्चलाः
kanyāvikrayiṇaścaiva bhaviṣyaṃti kalau yuge | strījitāḥ puruṣāḥ sarve striyo'pyatyaṃtacañcalāḥ
Sanskrit only: no published translation is held for this verse.
कलौयुगे भविष्यंति कलौ मर्त्या दुराशयाः । अल्पसस्या वसुमती मेघाः स्वल्पोदकास्तथा
kalauyuge bhaviṣyaṃti kalau martyā durāśayāḥ | alpasasyā vasumatī meghāḥ svalpodakāstathā
Sanskrit only: no published translation is held for this verse.
अकालवर्षिणश्चापि भविष्यंति कलौ युगे । कलौ विड्भोजिनो गावः स्वल्पक्षीराश्च जैमिने
akālavarṣiṇaścāpi bhaviṣyaṃti kalau yuge | kalau viḍbhojino gāvaḥ svalpakṣīrāśca jaimine
Sanskrit only: no published translation is held for this verse.
घृतहीनं च तत्क्षीरं भविष्यंति न संशयः । आत्मस्तुतिपरा लोकाः परनिंदापरायणाः
ghṛtahīnaṃ ca tatkṣīraṃ bhaviṣyaṃti na saṃśayaḥ | ātmastutiparā lokāḥ paraniṃdāparāyaṇāḥ
Sanskrit only: no published translation is held for this verse.
भविष्यंति च खर्वाङ्गा बाला बह्वन्नभोजनाः । पितृयज्ञं करिष्यंति दंभार्थं ब्राह्मणाः कलौ
bhaviṣyaṃti ca kharvāṅgā bālā bahvannabhojanāḥ | pitṛyajñaṃ kariṣyaṃti daṃbhārthaṃ brāhmaṇāḥ kalau
Sanskrit only: no published translation is held for this verse.
सर्वे वचःस्नेहिनः स्युर्यावत्कार्यं न सिद्ध्यति । नरान्धर्मपरान्दृष्ट्वा सर्वे चोपहसंति वै
sarve vacaḥsnehinaḥ syuryāvatkāryaṃ na siddhyati | narāndharmaparāndṛṣṭvā sarve copahasaṃti vai
Sanskrit only: no published translation is held for this verse.
वर्धंत्यधर्मतो लोकास्तस्मात्पापरता जनाः । दशद्वादशवर्षे च समूलोऽप्येति संक्षयम्
vardhaṃtyadharmato lokāstasmātpāparatā janāḥ | daśadvādaśavarṣe ca samūlo'pyeti saṃkṣayam
Sanskrit only: no published translation is held for this verse.
जलस्येव भविष्यंति यथा वर्षासु वृद्धयः । ततो लोका भविष्यंति कलौ गलितयौवनाः
jalasyeva bhaviṣyaṃti yathā varṣāsu vṛddhayaḥ | tato lokā bhaviṣyaṃti kalau galitayauvanāḥ
Sanskrit only: no published translation is held for this verse.
पंचमे वापि षष्ठे वा वर्षे स्त्री गर्भधारिणी । बह्वपत्याश्च पुरुषा भविष्यंत्यतिदुःखिनः
paṃcame vāpi ṣaṣṭhe vā varṣe strī garbhadhāriṇī | bahvapatyāśca puruṣā bhaviṣyaṃtyatiduḥkhinaḥ
Sanskrit only: no published translation is held for this verse.
नेतुकामाश्च सर्वेऽपि दातुकामा न केऽपि च । कलौ म्लेच्छा भविष्यंति राजानः पापतत्पराः
netukāmāśca sarve'pi dātukāmā na ke'pi ca | kalau mlecchā bhaviṣyaṃti rājānaḥ pāpatatparāḥ
Sanskrit only: no published translation is held for this verse.
एकवर्णा भविष्यंति विषयार्थं कलौ जनाः । कलेः प्रथमसंध्यायां हरिं निंदंति मानवाः
ekavarṇā bhaviṣyaṃti viṣayārthaṃ kalau janāḥ | kaleḥ prathamasaṃdhyāyāṃ hariṃ niṃdaṃti mānavāḥ
Sanskrit only: no published translation is held for this verse.
कलेर्मध्ये न पश्यंति हरेर्नामानि केवले । ब्राह्मणाः क्षत्त्रिया वैश्या वृषलाश्च कलौ युगे
kalermadhye na paśyaṃti harernāmāni kevale | brāhmaṇāḥ kṣattriyā vaiśyā vṛṣalāśca kalau yuge
Sanskrit only: no published translation is held for this verse.
एकवर्णा भविष्यंति वर्णाश्चत्वार एव च । यदायदा द्विजश्रेष्ठ हानिः सुकृतिनां भवेत्
ekavarṇā bhaviṣyaṃti varṇāścatvāra eva ca | yadāyadā dvijaśreṣṭha hāniḥ sukṛtināṃ bhavet
Sanskrit only: no published translation is held for this verse.
वृद्धिश्च पापिनां नॄणां ज्ञेया वृद्धिस्तदा कलौ । यद्यप्ययं कलिर्घोरो मया प्रोक्तो द्विजोत्तम
vṛddhiśca pāpināṃ nṝṇāṃ jñeyā vṛddhistadā kalau | yadyapyayaṃ kalirghoro mayā prokto dvijottama
Sanskrit only: no published translation is held for this verse.
तथाप्यस्ति महानस्य गुणो गुणवतां वर । सत्ये द्वादशभिर्वर्षैर्भवेत्पुण्यस्य साधनम्
tathāpyasti mahānasya guṇo guṇavatāṃ vara | satye dvādaśabhirvarṣairbhavetpuṇyasya sādhanam
Sanskrit only: no published translation is held for this verse.
तदर्धेन च त्रेतायां मासेन द्वापरे भवेत् । अहोरात्रेणैव विप्र भवेत्तच्च कलौ युगे
tadardhena ca tretāyāṃ māsena dvāpare bhavet | ahorātreṇaiva vipra bhavettacca kalau yuge
Sanskrit only: no published translation is held for this verse.
तस्मात्कलियुगे नॄणां मर्त्येनैवोत्तमा गतिः । द्वादशाब्दैर्युगेऽन्यस्मिन्हरिमभ्यर्च्य यत्फलम्
tasmātkaliyuge nṝṇāṃ martyenaivottamā gatiḥ | dvādaśābdairyuge'nyasminharimabhyarcya yatphalam
Sanskrit only: no published translation is held for this verse.
तत्फलं लभते मर्त्यो हरिमुच्चार्य वै कलौ । हरेर्नामैकमप्यत्र कलौ वदति यो नरः
tatphalaṃ labhate martyo harimuccārya vai kalau | harernāmaikamapyatra kalau vadati yo naraḥ
Sanskrit only: no published translation is held for this verse.
कलिर्न बाधते तं च सत्यं सत्यं न संशयः । जैमिनिरुवाच- मनः शुद्धिविहीनत्वात्समस्तं कर्मनिष्फलम्
kalirna bādhate taṃ ca satyaṃ satyaṃ na saṃśayaḥ | jaiminiruvāca- manaḥ śuddhivihīnatvātsamastaṃ karmaniṣphalam
Sanskrit only: no published translation is held for this verse.
इति पूर्वं त्वया प्रोक्तं मनो विस्मयदं मम । कलौ सर्वे भविष्यंति मनःशुद्धिविवर्जिताः
iti pūrvaṃ tvayā proktaṃ mano vismayadaṃ mama | kalau sarve bhaviṣyaṃti manaḥśuddhivivarjitāḥ
Sanskrit only: no published translation is held for this verse.
तेषां यथा भवेत्कर्म सकलं ब्रूहि तद्गुरो । व्यास उवाच- यत्किंचित्कुरुते कर्म मर्त्यो धर्मं कलौ युगे
teṣāṃ yathā bhavetkarma sakalaṃ brūhi tadguro | vyāsa uvāca- yatkiṃcitkurute karma martyo dharmaṃ kalau yuge
Sanskrit only: no published translation is held for this verse.
तदर्पयेन्महाविष्णौ भक्तिभावसमन्वितः । विष्णौ समर्पितं कर्म सर्वमेवाक्षयं भवेत्
tadarpayenmahāviṣṇau bhaktibhāvasamanvitaḥ | viṣṇau samarpitaṃ karma sarvamevākṣayaṃ bhavet
Sanskrit only: no published translation is held for this verse.
व्यास उवाच- इति ते कथितं सर्वं वृत्तं ब्राह्मणसत्तम । यच्छ्रुत्वा भक्तिभावेन नरो मोक्षमवाप्नुयात्
vyāsa uvāca- iti te kathitaṃ sarvaṃ vṛttaṃ brāhmaṇasattama | yacchrutvā bhaktibhāvena naro mokṣamavāpnuyāt
Sanskrit only: no published translation is held for this verse.
सूत उवाच- एवं प्रबोधितस्तेन जैमिनिः परमात्मना । क्रियायोगरतो भूत्वा जगाम परमं पदम्
sūta uvāca- evaṃ prabodhitastena jaiminiḥ paramātmanā | kriyāyogarato bhūtvā jagāma paramaṃ padam
Sanskrit only: no published translation is held for this verse.
इमं क्रियायोगसारं व्यासेनोक्तं महात्मना । ये पठंति जना भक्त्या शृण्वंति च मुमुक्षवः ५० 7.26.50। ते सर्वे पातकैर्घोरैर्बहुजन्मार्जितैरपि । विमुक्ताः परमां मुक्तिं लभंते नात्र संशयः
imaṃ kriyāyogasāraṃ vyāsenoktaṃ mahātmanā | ye paṭhaṃti janā bhaktyā śṛṇvaṃti ca mumukṣavaḥ 50 7.26.50| te sarve pātakairghorairbahujanmārjitairapi | vimuktāḥ paramāṃ muktiṃ labhaṃte nātra saṃśayaḥ
Sanskrit only: no published translation is held for this verse.
यद्यदिष्टं पठंत्येतच्छृण्वन्ति च मुमुक्षवः । लभंते तत्तदेवाशु प्रसादात्कमलापतेः
yadyadiṣṭaṃ paṭhaṃtyetacchṛṇvanti ca mumukṣavaḥ | labhaṃte tattadevāśu prasādātkamalāpateḥ
Sanskrit only: no published translation is held for this verse.
श्लोकार्द्धं श्लोकमेकं वा श्लोकपादमथापि वा । नरः पठित्वा श्रुत्वा च लभते वांछितं फलम्
ślokārddhaṃ ślokamekaṃ vā ślokapādamathāpi vā | naraḥ paṭhitvā śrutvā ca labhate vāṃchitaṃ phalam
Sanskrit only: no published translation is held for this verse.
लिखित्वा लेखयित्वा वा यः शास्त्रमिदमर्चयेत् । स विष्णुपूजनस्यैव फलं प्राप्नोति मानवः
likhitvā lekhayitvā vā yaḥ śāstramidamarcayet | sa viṣṇupūjanasyaiva phalaṃ prāpnoti mānavaḥ
Sanskrit only: no published translation is held for this verse.
इदमतिशयगुह्यं निःसृतं व्यास वक्त्राद् ??चिरतरपुराणं प्रीतिदं वैष्णवानाम् । चिरममरवराद्यैर्वंदितांघ्रेर्मुरारेः सकलभुवनभर्त्तुश्चक्रिणः प्रीतयेऽस्तु
idamatiśayaguhyaṃ niḥsṛtaṃ vyāsa vaktrād ??ciratarapurāṇaṃ prītidaṃ vaiṣṇavānām | ciramamaravarādyairvaṃditāṃghrermurāreḥ sakalabhuvanabharttuścakriṇaḥ prītaye'stu
Sanskrit only: no published translation is held for this verse.