Padma Purāṇa 7.5

बभूवात्यन्तसंहृष्टा विस्मिता च पुनः पुनः । तस्मिन्नसंशयं कार्यं यदासौ स्वीकृतं ददौ

babhūvātyantasaṃhṛṣṭā vismitā ca punaḥ punaḥ | tasminnasaṃśayaṃ kāryaṃ yadāsau svīkṛtaṃ dadau

Sanskrit only: no published translation is held for this verse.

तदा किं स्वयमिन्द्रो वा यन्माया माधवः पुमान् । इहलोके परत्रास्ति स्नेहभूमिः पतिः सदा

tadā kiṃ svayamindro vā yanmāyā mādhavaḥ pumān | ihaloke paratrāsti snehabhūmiḥ patiḥ sadā

Sanskrit only: no published translation is held for this verse.

विना संदर्शनेनापि न वरत्वेदृतो मया । इति संचिन्त्य सा साध्वी निःश्वस्य च पुनः पुनः

vinā saṃdarśanenāpi na varatvedṛto mayā | iti saṃcintya sā sādhvī niḥśvasya ca punaḥ punaḥ

Sanskrit only: no published translation is held for this verse.

स्नानव्याजाद्गतावासं गन्धिन्याश्च सहालिभिः । हस्ते विधृत्य तां कन्यां गंधिनी सा पुरंध्रिका

snānavyājādgatāvāsaṃ gandhinyāśca sahālibhiḥ | haste vidhṛtya tāṃ kanyāṃ gaṃdhinī sā puraṃdhrikā

Sanskrit only: no published translation is held for this verse.

माधवं दर्शयामास शयानं मंचकोपरि । तं समालोक्य सा कन्या कंदर्पसदृशं ततः

mādhavaṃ darśayāmāsa śayānaṃ maṃcakopari | taṃ samālokya sā kanyā kaṃdarpasadṛśaṃ tataḥ

Sanskrit only: no published translation is held for this verse.

रोमांचितं समस्ताङ्गमुदात्तं पश्यति क्रमात् । तन्नेत्रयुगलं तस्मिन्यत्र यत्र निमज्जति

romāṃcitaṃ samastāṅgamudāttaṃ paśyati kramāt | tannetrayugalaṃ tasminyatra yatra nimajjati

Sanskrit only: no published translation is held for this verse.

कष्टदृष्ट्या च नान्यत्र तस्मान्नामात्र गच्छति । साक्षादयं वा कन्दर्पो देवकीनन्दनोऽपि वा

kaṣṭadṛṣṭyā ca nānyatra tasmānnāmātra gacchati | sākṣādayaṃ vā kandarpo devakīnandano'pi vā

Sanskrit only: no published translation is held for this verse.

शर्वो वा विषयाधीशः साक्षाद्वा पार्वतीपतिः । रूपैरेतैर्जगन्मध्ये मानुषो न हि जायते

śarvo vā viṣayādhīśaḥ sākṣādvā pārvatīpatiḥ | rūpairetairjaganmadhye mānuṣo na hi jāyate

Sanskrit only: no published translation is held for this verse.

अनेन स्वामिना जन्मसफलं हरिणीदृशः । मद्भक्तिवशगो भूत्वा विधातात्यंतयत्नतः

anena svāminā janmasaphalaṃ hariṇīdṛśaḥ | madbhaktivaśago bhūtvā vidhātātyaṃtayatnataḥ

Sanskrit only: no published translation is held for this verse.

यदाहं कन्यका जाता तदैनं किं ससर्ज ह । अद्यप्रभृति नाथोऽयं स्वयं नास्त्यत्र संशयः

yadāhaṃ kanyakā jātā tadainaṃ kiṃ sasarja ha | adyaprabhṛti nātho'yaṃ svayaṃ nāstyatra saṃśayaḥ

Sanskrit only: no published translation is held for this verse.

इत्युक्त्वा सा मतिं चक्रे गंतुं निजगृहं प्रति । गन्धिन्युवाच- कन्ये युक्तिरियं भद्रे त्वयापि हृदि सेव्यताम्

ityuktvā sā matiṃ cakre gaṃtuṃ nijagṛhaṃ prati | gandhinyuvāca- kanye yuktiriyaṃ bhadre tvayāpi hṛdi sevyatām

Sanskrit only: no published translation is held for this verse.

यथा सुमूर्तिः पुरुषो न तथा भाति निन्दया । उल्लासो गात्रभंगश्च मन्ददृष्टिश्च विस्मितम्

yathā sumūrtiḥ puruṣo na tathā bhāti nindayā | ullāso gātrabhaṃgaśca mandadṛṣṭiśca vismitam

Sanskrit only: no published translation is held for this verse.

सर्वाणि विष्णुचिह्नानि निद्रायां मृगलोचने । संदष्टौष्ठपुटाक्षेपात्प्रोक्तो नोत्तिष्ठति ध्रुवम्

sarvāṇi viṣṇucihnāni nidrāyāṃ mṛgalocane | saṃdaṣṭauṣṭhapuṭākṣepātprokto nottiṣṭhati dhruvam

Sanskrit only: no published translation is held for this verse.

शनैः शनैः करं तस्य स्वकराभ्यामदर्शयत् । त्वां द्रष्टुं राजकन्यायाः संधृत्यागमनं शृणु

śanaiḥ śanaiḥ karaṃ tasya svakarābhyāmadarśayat | tvāṃ draṣṭuṃ rājakanyāyāḥ saṃdhṛtyāgamanaṃ śṛṇu

Sanskrit only: no published translation is held for this verse.

श्रुत्वैतत्सोपि चोत्तस्थौ संभ्रमाक्रांतमानसः । विनयावनतो वाक्यं माधवश्चेत्युवाच ताम्

śrutvaitatsopi cottasthau saṃbhramākrāṃtamānasaḥ | vinayāvanato vākyaṃ mādhavaścetyuvāca tām

Sanskrit only: no published translation is held for this verse.

माधव उवाच- कन्ये मज्जन्मसफलं श्रमश्च सफलो मम । त्वच्चारुवदनांभोजं साक्षादेव मयेक्षितम्

mādhava uvāca- kanye majjanmasaphalaṃ śramaśca saphalo mama | tvaccāruvadanāṃbhojaṃ sākṣādeva mayekṣitam

Sanskrit only: no published translation is held for this verse.

सकलैर्यौवनैः कन्ये त्वं वरत्वेन मां वृणु । त्वद्योगोस्ति वरो नान्यो मां विना भुवि सुन्दरि

sakalairyauvanaiḥ kanye tvaṃ varatvena māṃ vṛṇu | tvadyogosti varo nānyo māṃ vinā bhuvi sundari

Sanskrit only: no published translation is held for this verse.

सुलोचनोवाच- सुगते त्वं मम स्वामी भाग्येन महता भवेः । मया यद्वचनं प्रोक्तं तदेव सुदृढं खलु

sulocanovāca- sugate tvaṃ mama svāmī bhāgyena mahatā bhaveḥ | mayā yadvacanaṃ proktaṃ tadeva sudṛḍhaṃ khalu

Sanskrit only: no published translation is held for this verse.

आज्ञां कुरु महाभाग गच्छामि निजमंदिरम् । माधव उवाच- तिष्ठेति यदि वा वच्मि कन्ये गर्वस्तदा भवेत्

ājñāṃ kuru mahābhāga gacchāmi nijamaṃdiram | mādhava uvāca- tiṣṭheti yadi vā vacmi kanye garvastadā bhavet

Sanskrit only: no published translation is held for this verse.

गच्छेति वचनं वक्तुं नायाति वदनान्मम । स्वयं विचार्य चार्वंगि यद्युक्तं तद्विधीयताम्

gaccheti vacanaṃ vaktuṃ nāyāti vadanānmama | svayaṃ vicārya cārvaṃgi yadyuktaṃ tadvidhīyatām

Sanskrit only: no published translation is held for this verse.

सत्येहवचनं तस्मिन्भविष्यसि सुतत्परा । इत्युक्ता तेन सा कन्या हर्षिता स्वगृहं गता

satyehavacanaṃ tasminbhaviṣyasi sutatparā | ityuktā tena sā kanyā harṣitā svagṛhaṃ gatā

Sanskrit only: no published translation is held for this verse.

तत्रैव माधवस्तस्थौ वृतो बहुपरिच्छदैः । चारुविद्याधर एव स्थितो विद्याधरो वरः

tatraiva mādhavastasthau vṛto bahuparicchadaiḥ | cāruvidyādhara eva sthito vidyādharo varaḥ

Sanskrit only: no published translation is held for this verse.

तत्रस्थाश्च जनाः सर्वे स्रक्चन्दनविभूषिताः । दिव्यांबरपरीधाना रेजुर्देवगणा इव

tatrasthāśca janāḥ sarve srakcandanavibhūṣitāḥ | divyāṃbaraparīdhānā rejurdevagaṇā iva

Sanskrit only: no published translation is held for this verse.

क्वचिद्गीतं क्वचिन्नृत्यं क्वचित्कोलाहलध्वनिः । क्वचित्केन प्रदीपालिस्तत्पुरे समवर्तत

kvacidgītaṃ kvacinnṛtyaṃ kvacitkolāhaladhvaniḥ | kvacitkena pradīpālistatpure samavartata

Sanskrit only: no published translation is held for this verse.

हेषितैः सप्तिवृंदानां हस्तिनां चैव बृंहितैः । हर्षस्वनैश्च पत्रीणां पूरिताः ककुभो दश

heṣitaiḥ saptivṛṃdānāṃ hastināṃ caiva bṛṃhitaiḥ | harṣasvanaiśca patrīṇāṃ pūritāḥ kakubho daśa

Sanskrit only: no published translation is held for this verse.

नानापताकानिवहैर्धवलैर्नृपसद्मभिः । समंताद्गगनं सर्वं व्याप्तं हि यत्र जैमिने

nānāpatākānivahairdhavalairnṛpasadmabhiḥ | samaṃtādgaganaṃ sarvaṃ vyāptaṃ hi yatra jaimine

Sanskrit only: no published translation is held for this verse.

केऽपि शङ्खान्समादध्मुर्ढक्काडिंडिमझर्झरान् । वादयांचक्रिरे केऽपि मधुकोहलकादिकम्

ke'pi śaṅkhānsamādadhmurḍhakkāḍiṃḍimajharjharān | vādayāṃcakrire ke'pi madhukohalakādikam

Sanskrit only: no published translation is held for this verse.

ततो युवतयः सर्वाः सरोजकोरकस्तस्था । ललितानि सुगीतानि जगुश्चन्द्रनिभाननाः १५० 7.5.150। परस्परं यौवनतो घर्षणच्युतमालया । प्रस्वेदाम्बुगलद्गंधैर्बभौ कन्येव तत्र भूः

tato yuvatayaḥ sarvāḥ sarojakorakastasthā | lalitāni sugītāni jaguścandranibhānanāḥ 150 7.5.150| parasparaṃ yauvanato gharṣaṇacyutamālayā | prasvedāmbugaladgaṃdhairbabhau kanyeva tatra bhūḥ

Sanskrit only: no published translation is held for this verse.

गंभारीकाष्ठरचितं पीठमारुह्य सुन्दरी । ज्ञातिभिर्वेष्टिता याता वरं स्थानं सुलोचना

gaṃbhārīkāṣṭharacitaṃ pīṭhamāruhya sundarī | jñātibhirveṣṭitā yātā varaṃ sthānaṃ sulocanā

Sanskrit only: no published translation is held for this verse.

अत्रांतरे विक्रमपुत्र एष शय्योपरिष्टात्किल लब्धनिद्रः । न वेद दैवेन विवाहकार्यं सुलोचनायाश्च सुलोचनायाः

atrāṃtare vikramaputra eṣa śayyopariṣṭātkila labdhanidraḥ | na veda daivena vivāhakāryaṃ sulocanāyāśca sulocanāyāḥ

Sanskrit only: no published translation is held for this verse.

विधातृमायाशतमोहितानां कदापि न स्याद्भुवने सुखाय । ततः स्वसंकेतविधिं जनोऽयं विस्मृत्य निद्रामभजत्सुखेन

vidhātṛmāyāśatamohitānāṃ kadāpi na syādbhuvane sukhāya | tataḥ svasaṃketavidhiṃ jano'yaṃ vismṛtya nidrāmabhajatsukhena

Sanskrit only: no published translation is held for this verse.

वनं परित्यज्य कृशानुभीत्या जलं प्रविष्टा नलिनी सुखार्थम् । संदह्यते तत्र हिमानलेन यद्यस्य कर्म न तदन्यथा स्यात्

vanaṃ parityajya kṛśānubhītyā jalaṃ praviṣṭā nalinī sukhārtham | saṃdahyate tatra himānalena yadyasya karma na tadanyathā syāt

Sanskrit only: no published translation is held for this verse.

वेदादिशास्त्रमखिलं प्रपठंतु लोकाः कुर्वंतु नामक्षितिपालसेवाम् । उग्रं तपः प्रतिदिवं प्रतिसाधयंतु न श्रीस्तथापि च भजत्यतिभाग्यहीनम्

vedādiśāstramakhilaṃ prapaṭhaṃtu lokāḥ kurvaṃtu nāmakṣitipālasevām | ugraṃ tapaḥ pratidivaṃ pratisādhayaṃtu na śrīstathāpi ca bhajatyatibhāgyahīnam

Sanskrit only: no published translation is held for this verse.

मस्तकोपरि तिष्ठंति दुःखानि च सुखानि च । अन्यकाले समायान्ति हठादन्यानि सत्तम

mastakopari tiṣṭhaṃti duḥkhāni ca sukhāni ca | anyakāle samāyānti haṭhādanyāni sattama

Sanskrit only: no published translation is held for this verse.

निद्रावंतं समालोक्य माधवं दुःखभागिनम् । प्रचेष्टश्चिंतयामास जानन्संकेतमेतयोः

nidrāvaṃtaṃ samālokya mādhavaṃ duḥkhabhāginam | praceṣṭaściṃtayāmāsa jānansaṃketametayoḥ

Sanskrit only: no published translation is held for this verse.

धिगस्त्वमुं राजपुत्रं दैवमायाविमोहितः । विस्मृत्य निजसंकेतं निद्रां संप्राप्य सेवते

dhigastvamuṃ rājaputraṃ daivamāyāvimohitaḥ | vismṛtya nijasaṃketaṃ nidrāṃ saṃprāpya sevate

Sanskrit only: no published translation is held for this verse.

असौ दुःखागता कन्या वरस्य निकटेऽधुना । किं भवेन्नयने तादृक्संकेतं याति निष्फलम्

asau duḥkhāgatā kanyā varasya nikaṭe'dhunā | kiṃ bhavennayane tādṛksaṃketaṃ yāti niṣphalam

Sanskrit only: no published translation is held for this verse.

तिष्ठ त्वं वै पापकर्मन्निद्रां संसेव्य मस्तके । मया हयं समारुह्य नेतव्या सा वराङ्गना

tiṣṭha tvaṃ vai pāpakarmannidrāṃ saṃsevya mastake | mayā hayaṃ samāruhya netavyā sā varāṅganā

Sanskrit only: no published translation is held for this verse.

कन्यारत्नं च रत्नं च मुदा प्राप्नोति दुर्ल्लभम् । तदा किं सेवया कार्यं माधवस्यास्य दुर्मतेः

kanyāratnaṃ ca ratnaṃ ca mudā prāpnoti durllabham | tadā kiṃ sevayā kāryaṃ mādhavasyāsya durmateḥ

Sanskrit only: no published translation is held for this verse.

धनार्थं क्रियते सेवा सर्वभावेन भूभुजाम् । तच्चेन्मुदा स्वयं प्राप्तं सेवादुःखेन किं तदा

dhanārthaṃ kriyate sevā sarvabhāvena bhūbhujām | taccenmudā svayaṃ prāptaṃ sevāduḥkhena kiṃ tadā

Sanskrit only: no published translation is held for this verse.

प्रचेष्ट इति संचिंत्य समारुह्य तुरंगमम् । सा राजकन्या यत्रास्ते ययौ तत्र नभः पथा

praceṣṭa iti saṃciṃtya samāruhya turaṃgamam | sā rājakanyā yatrāste yayau tatra nabhaḥ pathā

Sanskrit only: no published translation is held for this verse.

वरं प्रदक्षिणीकृत्य स्मरंती समयं स्वकम् । वामहस्तं समुद्धृत्य तस्थौ विद्याधराग्रतः

varaṃ pradakṣiṇīkṛtya smaraṃtī samayaṃ svakam | vāmahastaṃ samuddhṛtya tasthau vidyādharāgrataḥ

Sanskrit only: no published translation is held for this verse.

हस्ते विधृत्य तां कन्यां प्रचेष्टोऽतिजवेन सः । पृष्ठे निवेशयामास सप्तेस्तस्य महाबलः

haste vidhṛtya tāṃ kanyāṃ praceṣṭo'tijavena saḥ | pṛṣṭhe niveśayāmāsa saptestasya mahābalaḥ

Sanskrit only: no published translation is held for this verse.

तां राजपुत्रीमादाय पुरीं कांचीं सुशोभनाम् । तामथासौ समालोक्य प्रचेष्टोऽतित्वरान्वितः

tāṃ rājaputrīmādāya purīṃ kāṃcīṃ suśobhanām | tāmathāsau samālokya praceṣṭo'titvarānvitaḥ

Sanskrit only: no published translation is held for this verse.

उवाच प्रवहन्पाणिं नष्टमानससाध्वसः । प्रचेष्ट उवाच- समुद्रांतरतीरस्थां कांचीं नाम पुरीमिमाम्

uvāca pravahanpāṇiṃ naṣṭamānasasādhvasaḥ | praceṣṭa uvāca- samudrāṃtaratīrasthāṃ kāṃcīṃ nāma purīmimām

Sanskrit only: no published translation is held for this verse.

पश्य सर्वत्र विख्यातां जनसर्वसुखप्रदाम् । अत्र माधववीरस्य तस्य विद्याधरस्य वा

paśya sarvatra vikhyātāṃ janasarvasukhapradām | atra mādhavavīrasya tasya vidyādharasya vā

Sanskrit only: no published translation is held for this verse.

कस्यापि च भयं नास्ति पश्य चन्द्रनिभानने । मच्चित्तेंधनसंलग्नां कामानलशिखावलिम्

kasyāpi ca bhayaṃ nāsti paśya candranibhānane | maccitteṃdhanasaṃlagnāṃ kāmānalaśikhāvalim

Sanskrit only: no published translation is held for this verse.

कुचकुंभकरैः सिद्धं निर्वाणं देहि सुंदरि । त्वच्चारुमुखपद्मेऽस्मिन्मन्मुखभ्रमरोऽधुना

kucakuṃbhakaraiḥ siddhaṃ nirvāṇaṃ dehi suṃdari | tvaccārumukhapadme'sminmanmukhabhramaro'dhunā

Sanskrit only: no published translation is held for this verse.

इच्छेत्पातुं मधून्यत्र काऽज्ञाते तिष्ठति प्रिये । त्वच्चारुगात्रसंस्पर्शाच्छरैस्तुदति मां स्मरः

icchetpātuṃ madhūnyatra kā'jñāte tiṣṭhati priye | tvaccārugātrasaṃsparśāccharaistudati māṃ smaraḥ

Sanskrit only: no published translation is held for this verse.

त्राहि त्राहि प्रिये त्राहि तवास्मि शरणं गतः । इति ब्रुवंतं तं मूढमभिवीक्ष्य वरांगना

trāhi trāhi priye trāhi tavāsmi śaraṇaṃ gataḥ | iti bruvaṃtaṃ taṃ mūḍhamabhivīkṣya varāṃganā

Sanskrit only: no published translation is held for this verse.

शोकाग्नितप्तसर्वाङ्गी चिंतयामास चेतसा । अयं मूढो दुष्टचेष्टः प्रचेष्टो नाम वेधसा

śokāgnitaptasarvāṅgī ciṃtayāmāsa cetasā | ayaṃ mūḍho duṣṭaceṣṭaḥ praceṣṭo nāma vedhasā

Sanskrit only: no published translation is held for this verse.

लिखितः किं ललाटे मे यन्मया हा हतास्म्यहम् । क्व माता क्व च मे तातः क्व च विद्याधरो वरः

likhitaḥ kiṃ lalāṭe me yanmayā hā hatāsmyaham | kva mātā kva ca me tātaḥ kva ca vidyādharo varaḥ

Sanskrit only: no published translation is held for this verse.

अनेनाहं समानीता धिगस्तु घटनां विधेः । अलं लोकाः प्रकुर्वंति गर्वं जगति सर्वदा

anenāhaṃ samānītā dhigastu ghaṭanāṃ vidheḥ | alaṃ lokāḥ prakurvaṃti garvaṃ jagati sarvadā

Sanskrit only: no published translation is held for this verse.

वेत्ति च्छेतुं गर्ववृक्षं विधाता घटनासिना । तथापि विपदे धैर्यं निर्भयत्वं च तत्परम्

vetti cchetuṃ garvavṛkṣaṃ vidhātā ghaṭanāsinā | tathāpi vipade dhairyaṃ nirbhayatvaṃ ca tatparam

Sanskrit only: no published translation is held for this verse.

उपायाश्चेति चत्वारः प्रशस्या दीर्घदर्शिभिः । इत्यालोक्य हृदा कन्या वचोभिः कोमलाक्षरैः

upāyāśceti catvāraḥ praśasyā dīrghadarśibhiḥ | ityālokya hṛdā kanyā vacobhiḥ komalākṣaraiḥ

Sanskrit only: no published translation is held for this verse.

प्रचेष्टं प्रत्युवाचासौ सर्वकार्यविचक्षणा । सुलोचनोवाच। दृढं कुरु मनो वीर कन्याहमविवाहिता

praceṣṭaṃ pratyuvācāsau sarvakāryavicakṣaṇā | sulocanovāca| dṛḍhaṃ kuru mano vīra kanyāhamavivāhitā

Sanskrit only: no published translation is held for this verse.

मां समालिङ्ग्य मोहेन कथं यास्यसि दुर्मते । शास्त्रोक्तविधिना वीर विवाहेन गृहाण माम्

māṃ samāliṅgya mohena kathaṃ yāsyasi durmate | śāstroktavidhinā vīra vivāhena gṛhāṇa mām

Sanskrit only: no published translation is held for this verse.

तव सेवां करिष्यामि दासीवत्कोऽत्र संशयः । त्वं मे प्राणाश्च मित्रश्च भूषणं बांधवस्तथा

tava sevāṃ kariṣyāmi dāsīvatko'tra saṃśayaḥ | tvaṃ me prāṇāśca mitraśca bhūṣaṇaṃ bāṃdhavastathā

Sanskrit only: no published translation is held for this verse.

अनन्यगतयो नार्यो भवान्नीतिमवैति किम् । विवाहयोग्यवस्तूनि विवाहार्थं समानय

ananyagatayo nāryo bhavānnītimavaiti kim | vivāhayogyavastūni vivāhārthaṃ samānaya

Sanskrit only: no published translation is held for this verse.

मत्पाणिग्रहणं शीघ्रं कुरु जाड्यंगृहीति च । अंतर्दृढं बहिः श्लक्ष्णं बदरीफलवद्वचः

matpāṇigrahaṇaṃ śīghraṃ kuru jāḍyaṃgṛhīti ca | aṃtardṛḍhaṃ bahiḥ ślakṣṇaṃ badarīphalavadvacaḥ

Sanskrit only: no published translation is held for this verse.

आकर्ण्य तस्या मूढोऽसौ परमां प्रीतिमाययौ । तुरंगमं च तां कन्यां संस्थाप्यैकत्र दुर्मतिः

ākarṇya tasyā mūḍho'sau paramāṃ prītimāyayau | turaṃgamaṃ ca tāṃ kanyāṃ saṃsthāpyaikatra durmatiḥ

Sanskrit only: no published translation is held for this verse.

करकंकणमादाय तस्यास्तत्पुरमाययौ । ततः सा चिंतयामास विधिं नूनं प्रशस्यतम्

karakaṃkaṇamādāya tasyāstatpuramāyayau | tataḥ sā ciṃtayāmāsa vidhiṃ nūnaṃ praśasyatam

Sanskrit only: no published translation is held for this verse.

यत आवां परित्यज्य मूढोऽसौ हर्षितो ययौ । किं कर्तव्यं क्व गंतव्यं क्व स्थातव्यं मयाधुना

yata āvāṃ parityajya mūḍho'sau harṣito yayau | kiṃ kartavyaṃ kva gaṃtavyaṃ kva sthātavyaṃ mayādhunā

Sanskrit only: no published translation is held for this verse.

अतिसंकटकार्येस्मिन्निस्तारो मे भवेत्कथम् । यदाहमत्र तिष्ठमि किं वदिष्यंति ते तदा

atisaṃkaṭakāryesminnistāro me bhavetkatham | yadāhamatra tiṣṭhami kiṃ vadiṣyaṃti te tadā

Sanskrit only: no published translation is held for this verse.

पुण्यतीर्थं समासाद्य परत्र जन्मकाम्यया । पंचतां प्रतियास्यामि सापि श्रेयस्करी यतः

puṇyatīrthaṃ samāsādya paratra janmakāmyayā | paṃcatāṃ pratiyāsyāmi sāpi śreyaskarī yataḥ

Sanskrit only: no published translation is held for this verse.

मद्वियोगादयं मूढो न विद्याधर माधवौ । जीविष्यंति त्रयोप्येते क्षणमात्रमपि स्मरन्

madviyogādayaṃ mūḍho na vidyādhara mādhavau | jīviṣyaṃti trayopyete kṣaṇamātramapi smaran

Sanskrit only: no published translation is held for this verse.

मयि स्थितायामेतेषां भवेज्जीवनरक्षणम् । मृतायामपि यास्यंति त्रयोऽप्येते तु पंचताम्

mayi sthitāyāmeteṣāṃ bhavejjīvanarakṣaṇam | mṛtāyāmapi yāsyaṃti trayo'pyete tu paṃcatām

Sanskrit only: no published translation is held for this verse.

मामुद्दिश्य यदा प्राणाः यक्ष्यंते तेऽत्र मे जनाः । भविष्यामि तदा नूनमहं तद्वधभागिनी

māmuddiśya yadā prāṇāḥ yakṣyaṃte te'tra me janāḥ | bhaviṣyāmi tadā nūnamahaṃ tadvadhabhāginī

Sanskrit only: no published translation is held for this verse.

इदानीं पुण्यतीर्थेषु यष्टव्यो भगवान्हरिः । तस्मिन्प्रसन्ने भद्रं मे सर्वमेव भविष्यति

idānīṃ puṇyatīrtheṣu yaṣṭavyo bhagavānhariḥ | tasminprasanne bhadraṃ me sarvameva bhaviṣyati

Sanskrit only: no published translation is held for this verse.

प्राणेषु च विनष्टेषु सर्वमेव विनश्यति । तेषु स्थितेषु सकलं स्तोकस्तोकेन सिध्यति

prāṇeṣu ca vinaṣṭeṣu sarvameva vinaśyati | teṣu sthiteṣu sakalaṃ stokastokena sidhyati

Sanskrit only: no published translation is held for this verse.

निशावशिष्टा नलिनी हिमाकरे दूरीकृते चण्डकरेण भास्वता । सुगन्धपुष्पप्रकरोऽतिसुंदरी नाप्नोति किं भृंगवरस्य संगमम्

niśāvaśiṣṭā nalinī himākare dūrīkṛte caṇḍakareṇa bhāsvatā | sugandhapuṣpaprakaro'tisuṃdarī nāpnoti kiṃ bhṛṃgavarasya saṃgamam

Sanskrit only: no published translation is held for this verse.

हृदा विचिंत्येति वरांगना सा सप्तिं समारुह्य महाजवं तम् । तप्तुं तपः सागरविष्णुपत्न्योर्जगाम विज्ञोत्तमसंगमाय

hṛdā viciṃtyeti varāṃganā sā saptiṃ samāruhya mahājavaṃ tam | taptuṃ tapaḥ sāgaraviṣṇupatnyorjagāma vijñottamasaṃgamāya

Sanskrit only: no published translation is held for this verse.

तस्मिन्क्षेत्रवरे पुण्ये गङ्गासागरसंगमे । वसेद्राजा सुषेणाख्यः सोमवंशसमुद्भवः

tasminkṣetravare puṇye gaṅgāsāgarasaṃgame | vasedrājā suṣeṇākhyaḥ somavaṃśasamudbhavaḥ

Sanskrit only: no published translation is held for this verse.

गंतुं तस्य सभां राज्ञश्चेतसा सा व्यचिंतयत् । मया युवत्या कर्तव्यं कथं भूपालदर्शनम्

gaṃtuṃ tasya sabhāṃ rājñaścetasā sā vyaciṃtayat | mayā yuvatyā kartavyaṃ kathaṃ bhūpāladarśanam

Sanskrit only: no published translation is held for this verse.

अधिवासनसूत्राणि सदूर्वाणि भुजे मम । कन्याहं तुरगारूढा युवती संगवर्जिता

adhivāsanasūtrāṇi sadūrvāṇi bhuje mama | kanyāhaṃ turagārūḍhā yuvatī saṃgavarjitā

Sanskrit only: no published translation is held for this verse.

चारित्रं मामकं नूनं मनोविस्मयकारकम् । आत्मानं गोपयित्वाहं यास्यामि नृपतेः सभाम्

cāritraṃ māmakaṃ nūnaṃ manovismayakārakam | ātmānaṃ gopayitvāhaṃ yāsyāmi nṛpateḥ sabhām

Sanskrit only: no published translation is held for this verse.

इन्द्रजालप्रभावेण सा भूत्वा पुरुषाकृतिः । प्रविवेश सभां राज्ञः सुधर्मामिव जैमिने २०० 7.5.200। तं सपन्नमिवायांतं शक्तिहस्तं हयासनम् । स्वयं पप्रच्छ भूपालः कस्त्वं कुत इहागतः

indrajālaprabhāveṇa sā bhūtvā puruṣākṛtiḥ | praviveśa sabhāṃ rājñaḥ sudharmāmiva jaimine 200 7.5.200| taṃ sapannamivāyāṃtaṃ śaktihastaṃ hayāsanam | svayaṃ papraccha bhūpālaḥ kastvaṃ kuta ihāgataḥ

Sanskrit only: no published translation is held for this verse.

तस्यैतद्वचनं श्रुत्वा सा कन्या पुरुषाकृतिः । प्रणम्योवाच राजानं सुहृदं सज्जनाश्रयम्

tasyaitadvacanaṃ śrutvā sā kanyā puruṣākṛtiḥ | praṇamyovāca rājānaṃ suhṛdaṃ sajjanāśrayam

Sanskrit only: no published translation is held for this verse.

देव वीरवरो नाम पुत्रोऽहं पृथिवीपतेः । वर्तनाय समायातस्त्वद्राज्यं प्रति संप्रति

deva vīravaro nāma putro'haṃ pṛthivīpateḥ | vartanāya samāyātastvadrājyaṃ prati saṃprati

Sanskrit only: no published translation is held for this verse.

यद्यत्कार्यमसाध्यं स्यात्तदेव साधयाम्यहम् । मयि स्थिते न मद्भर्त्तुः कुत्रापि स्यात्पराजयः

yadyatkāryamasādhyaṃ syāttadeva sādhayāmyaham | mayi sthite na madbharttuḥ kutrāpi syātparājayaḥ

Sanskrit only: no published translation is held for this verse.