Padma Purāṇa 7.6

राजोवाच- तिष्ठात्रैव महाबाहो मम राज्ये सुशोभने । कर्तव्या ते मया वृत्तिः संशयो नात्र विद्यते

rājovāca- tiṣṭhātraiva mahābāho mama rājye suśobhane | kartavyā te mayā vṛttiḥ saṃśayo nātra vidyate

Sanskrit only: no published translation is held for this verse.

ततो वीरवरस्तस्य सन्निधौ धरणीपतेः । उवास सततं विप्र तत्सेवा गतमानसः

tato vīravarastasya sannidhau dharaṇīpateḥ | uvāsa satataṃ vipra tatsevā gatamānasaḥ

Sanskrit only: no published translation is held for this verse.

अथैकदा तस्य पुरे जैमिने सकलाः प्रजाः । भीमनादो नाम खड्गः क्षोभयामास संततम्

athaikadā tasya pure jaimine sakalāḥ prajāḥ | bhīmanādo nāma khaḍgaḥ kṣobhayāmāsa saṃtatam

Sanskrit only: no published translation is held for this verse.

तद्वधाय ततो राजा प्रेषयामास तं रुषा । ततोऽसौ गंडकं हंतु ययौ वीरवरो जनैः

tadvadhāya tato rājā preṣayāmāsa taṃ ruṣā | tato'sau gaṃḍakaṃ haṃtu yayau vīravaro janaiḥ

Sanskrit only: no published translation is held for this verse.

ददर्श पर्वताकारं सुप्तं तं धरणीतले । दंष्ट्राकरालवदनं खड्गिनं तं सशक्तिधृक्

dadarśa parvatākāraṃ suptaṃ taṃ dharaṇītale | daṃṣṭrākarālavadanaṃ khaḍginaṃ taṃ saśaktidhṛk

Sanskrit only: no published translation is held for this verse.

नभसि भ्रामयन्सप्तिं स च वीरवरो रुषा । खड्गिनं तमिति प्राह मेघगंभीरया गिरा

nabhasi bhrāmayansaptiṃ sa ca vīravaro ruṣā | khaḍginaṃ tamiti prāha meghagaṃbhīrayā girā

Sanskrit only: no published translation is held for this verse.

उपार्जितास्त्वया ये ये दुरात्मन्पापपादपाः । बभूवुः फलिनस्ते ते ऋतुं प्राप्य यथा द्रुमाः

upārjitāstvayā ye ye durātmanpāpapādapāḥ | babhūvuḥ phalinaste te ṛtuṃ prāpya yathā drumāḥ

Sanskrit only: no published translation is held for this verse.

खादिताः प्राणिनो ये ये राज्येऽस्मिन्पापिना त्वया । यमालये समस्तैस्तैर्दर्शनं ते भविष्यति

khāditāḥ prāṇino ye ye rājye'sminpāpinā tvayā | yamālaye samastaistairdarśanaṃ te bhaviṣyati

Sanskrit only: no published translation is held for this verse.

मुंच निद्रामरे दुष्ट मां पश्यान्तकरं निजम् । अनया निद्रया किन्ते महानिद्र भविष्यति

muṃca nidrāmare duṣṭa māṃ paśyāntakaraṃ nijam | anayā nidrayā kinte mahānidra bhaviṣyati

Sanskrit only: no published translation is held for this verse.

ततः सोऽपि समुत्तस्थौ क्रोधसंरक्तलोचनः । धूलिधूसरसर्वाङ्गस्त्यक्तनिद्रो महाबलः

tataḥ so'pi samuttasthau krodhasaṃraktalocanaḥ | dhūlidhūsarasarvāṅgastyaktanidro mahābalaḥ

Sanskrit only: no published translation is held for this verse.

भीमनाद उवाच- गर्वं मा कुरु दुर्बुद्धे तवायुः शेषतां गतम् । तत्संदर्शनमात्रेण प्राप्तः कोनु विमुच्यते

bhīmanāda uvāca- garvaṃ mā kuru durbuddhe tavāyuḥ śeṣatāṃ gatam | tatsaṃdarśanamātreṇa prāptaḥ konu vimucyate

Sanskrit only: no published translation is held for this verse.

ज्वलदग्निशिखाश्रेणीं प्रविशेच्छलभो यथा । मत्कोपानलराशौ त्वं तथैव निपतिष्यसि

jvaladagniśikhāśreṇīṃ praviśecchalabho yathā | matkopānalarāśau tvaṃ tathaiva nipatiṣyasi

Sanskrit only: no published translation is held for this verse.

इति ब्रुवंतं तं द्रष्टुं शक्त्या निशितया तया । स जज्वाल महाकोपात्कृत्वा हुंकारनिःस्वनम्

iti bruvaṃtaṃ taṃ draṣṭuṃ śaktyā niśitayā tayā | sa jajvāla mahākopātkṛtvā huṃkāraniḥsvanam

Sanskrit only: no published translation is held for this verse.

स पपात महीपृष्ठे गतायुर्गंडकस्ततः । चालयन्पृथिवीं सर्वां स्वनितौघ परिप्लुतः

sa papāta mahīpṛṣṭhe gatāyurgaṃḍakastataḥ | cālayanpṛthivīṃ sarvāṃ svanitaugha pariplutaḥ

Sanskrit only: no published translation is held for this verse.

खड्गिनं पतितं दृष्ट्वा गङ्गाब्धिरोधसि द्विज । समीपं तस्य भूपस्य स गंतुमुपचक्रमे

khaḍginaṃ patitaṃ dṛṣṭvā gaṅgābdhirodhasi dvija | samīpaṃ tasya bhūpasya sa gaṃtumupacakrame

Sanskrit only: no published translation is held for this verse.

स गच्छन्पथिविप्रर्षे ददर्शैकं महाशयम् । जाज्वल्यमानं तेजोभिर्द्वितीयमिव भास्करम्

sa gacchanpathiviprarṣe dadarśaikaṃ mahāśayam | jājvalyamānaṃ tejobhirdvitīyamiva bhāskaram

Sanskrit only: no published translation is held for this verse.

विष्णुदूतगणैर्युक्तं तुलसीमाल्यभूषितम् । दिव्याम्बरधरं दिव्यं रथारूढं स्मिताननम्

viṣṇudūtagaṇairyuktaṃ tulasīmālyabhūṣitam | divyāmbaradharaṃ divyaṃ rathārūḍhaṃ smitānanam

Sanskrit only: no published translation is held for this verse.

पप्रच्छेति ततो भक्त्या स च वीरवरश्च तम् । कस्त्वं कुत इहायातः क्व गच्छसि वदस्व नः

papraccheti tato bhaktyā sa ca vīravaraśca tam | kastvaṃ kuta ihāyātaḥ kva gacchasi vadasva naḥ

Sanskrit only: no published translation is held for this verse.

पुरुष उवाच- कन्येविधृतपुंवेशे मद्वृत्तांतं निशामय । कथयामि समासेन श्रोतुमिच्छसि चेन्मुदा

puruṣa uvāca- kanyevidhṛtapuṃveśe madvṛttāṃtaṃ niśāmaya | kathayāmi samāsena śrotumicchasi cenmudā

Sanskrit only: no published translation is held for this verse.

अहमासं पुरा राजा चौरवंशवनानलः । धर्मबुद्धिरिति ख्यातः सर्वधर्मपरायणः

ahamāsaṃ purā rājā cauravaṃśavanānalaḥ | dharmabuddhiriti khyātaḥ sarvadharmaparāyaṇaḥ

Sanskrit only: no published translation is held for this verse.

मया यज्ञाः कृताः सर्वे दानानि सकलानि च । चतुर्वर्षसहस्राणि पालिता च वसुन्धरा

mayā yajñāḥ kṛtāḥ sarve dānāni sakalāni ca | caturvarṣasahasrāṇi pālitā ca vasundharā

Sanskrit only: no published translation is held for this verse.

पाखण्डजनवाक्येन मया भूमिर्द्विजन्मनः । लंघिता कोपमासाद्य दोषिता न हि कुत्रचित्

pākhaṇḍajanavākyena mayā bhūmirdvijanmanaḥ | laṃghitā kopamāsādya doṣitā na hi kutracit

Sanskrit only: no published translation is held for this verse.

मया तेनापराधेन स्वयमेव विधिस्ततः । जहार तत्क्षणादेव सर्वां राजश्रियं रुषा

mayā tenāparādhena svayameva vidhistataḥ | jahāra tatkṣaṇādeva sarvāṃ rājaśriyaṃ ruṣā

Sanskrit only: no published translation is held for this verse.

अथाहं गतसंपत्तिः शोकाग्निदग्धमानसः । कियिद्भिर्दिवसैः साध्वि यमराजवशं गतः

athāhaṃ gatasaṃpattiḥ śokāgnidagdhamānasaḥ | kiyidbhirdivasaiḥ sādhvi yamarājavaśaṃ gataḥ

Sanskrit only: no published translation is held for this verse.

मां दृष्ट्वा चित्रगुप्तेन तत्कर्मप्रकटीकृतम् । उक्तश्च भास्करिर्देवश्चारुहासगतिः प्रभुः

māṃ dṛṣṭvā citraguptena tatkarmaprakaṭīkṛtam | uktaśca bhāskarirdevaścāruhāsagatiḥ prabhuḥ

Sanskrit only: no published translation is held for this verse.

धर्मबुद्धिरयं राजा कृतपुण्यक्रियः सदा । अस्त्यस्य दुरितं किञ्चित्तन्निशामय वच्म्यहम्

dharmabuddhirayaṃ rājā kṛtapuṇyakriyaḥ sadā | astyasya duritaṃ kiñcittanniśāmaya vacmyaham

Sanskrit only: no published translation is held for this verse.

पाखण्डैर्बोधितोऽयं तु जहार द्विजशासनम् । तेनैव कर्मणा स्थानं नरके चास्यदुत्तरे

pākhaṇḍairbodhito'yaṃ tu jahāra dvijaśāsanam | tenaiva karmaṇā sthānaṃ narake cāsyaduttare

Sanskrit only: no published translation is held for this verse.

वृत्तिच्छेदः सूर्यपुत्र यस्य येन विधीयते । स तस्य वधमाप्नोति शास्त्रेषु इति निश्चितम्

vṛtticchedaḥ sūryaputra yasya yena vidhīyate | sa tasya vadhamāpnoti śāstreṣu iti niścitam

Sanskrit only: no published translation is held for this verse.

तस्मादयं पापकर्मा ब्रह्महा पृथिवीपतिः । एतस्य निरये स्थानं कल्पकोटिशतावधि

tasmādayaṃ pāpakarmā brahmahā pṛthivīpatiḥ | etasya niraye sthānaṃ kalpakoṭiśatāvadhi

Sanskrit only: no published translation is held for this verse.

आत्मदत्तां हरेद्यस्तु परदत्तां च मेदिनीम् । स कोटिकुलसंयुक्तः प्रयाति नरकं विभो

ātmadattāṃ haredyastu paradattāṃ ca medinīm | sa koṭikulasaṃyuktaḥ prayāti narakaṃ vibho

Sanskrit only: no published translation is held for this verse.

यो हरेच्च महीं तावद्देवस्य ब्राह्मणस्य च । न तस्य निष्कृतिर्दृष्टा कल्पकोटिशतावधि

yo harecca mahīṃ tāvaddevasya brāhmaṇasya ca | na tasya niṣkṛtirdṛṣṭā kalpakoṭiśatāvadhi

Sanskrit only: no published translation is held for this verse.

परदत्तां क्षितिं यस्तु रक्षितुर्यस्तु रक्षति । स कोटिगुणमाप्नोति पुण्यं दातृगुणादपि

paradattāṃ kṣitiṃ yastu rakṣituryastu rakṣati | sa koṭiguṇamāpnoti puṇyaṃ dātṛguṇādapi

Sanskrit only: no published translation is held for this verse.

ततोऽहं शमनादेशाद्भुक्त्वा वै पूतिमृत्तिकाम् । कल्पयोनौ प्राणिहिंसा सर्वदैव मया कृता

tato'haṃ śamanādeśādbhuktvā vai pūtimṛttikām | kalpayonau prāṇihiṃsā sarvadaiva mayā kṛtā

Sanskrit only: no published translation is held for this verse.

गावश्च ब्राह्मणाश्चैव तथैवान्येऽपि जीविनः । मया दुष्टेन निहताः कोटिकोटिसहस्रशः

gāvaśca brāhmaṇāścaiva tathaivānye'pi jīvinaḥ | mayā duṣṭena nihatāḥ koṭikoṭisahasraśaḥ

Sanskrit only: no published translation is held for this verse.

कालेन प्रेरिता साध्वि मां सर्वक्षयिताश्रयम् । खड्गयोनिं समुत्पन्नं भवती प्रजघान ह

kālena preritā sādhvi māṃ sarvakṣayitāśrayam | khaḍgayoniṃ samutpannaṃ bhavatī prajaghāna ha

Sanskrit only: no published translation is held for this verse.

गङ्गाब्धिसङ्गमं तीर्थं दुर्ल्लभं दैवतैरपि । स्थलेऽपि मृत्युमासाद्य यत्रेयं मम सद्गतिः

gaṅgābdhisaṅgamaṃ tīrthaṃ durllabhaṃ daivatairapi | sthale'pi mṛtyumāsādya yatreyaṃ mama sadgatiḥ

Sanskrit only: no published translation is held for this verse.

गच्छ सुश्रोणि भद्रं ते भविष्यति न संशयः । अचिरेणैव पतिना दर्शनं ते भविष्यति

gaccha suśroṇi bhadraṃ te bhaviṣyati na saṃśayaḥ | acireṇaiva patinā darśanaṃ te bhaviṣyati

Sanskrit only: no published translation is held for this verse.

व्यास उवाच- तस्यैतद्वचनं श्रुत्वा सा कन्या परमाद्भुतम् । ववंदे चरणौ तस्य धर्मबुद्धिर्महीपतिः

vyāsa uvāca- tasyaitadvacanaṃ śrutvā sā kanyā paramādbhutam | vavaṃde caraṇau tasya dharmabuddhirmahīpatiḥ

Sanskrit only: no published translation is held for this verse.

ततो रथं समारुह्य स राजा त्रिदिवं ययौ । सोऽपि वीरवरो विप्र जगाम नृपतेः सभाम्

tato rathaṃ samāruhya sa rājā tridivaṃ yayau | so'pi vīravaro vipra jagāma nṛpateḥ sabhām

Sanskrit only: no published translation is held for this verse.

राजा च तं मृतं श्रुत्वा खड्गिनं भीमविक्रमम् । तस्यै ददौ विवाहेन जयंतीं निजकन्यकाम्

rājā ca taṃ mṛtaṃ śrutvā khaḍginaṃ bhīmavikramam | tasyai dadau vivāhena jayaṃtīṃ nijakanyakām

Sanskrit only: no published translation is held for this verse.

जयंतीं तां समादाय सा कन्या पुरुषाकृतिः । तपस्तप्तुं मनश्चक्रे गङ्गासागरसङ्गमे

jayaṃtīṃ tāṃ samādāya sā kanyā puruṣākṛtiḥ | tapastaptuṃ manaścakre gaṅgāsāgarasaṅgame

Sanskrit only: no published translation is held for this verse.

गङ्गाब्धिसंगमे स्नात्वा प्रभाते द्विजसत्तम । गीतैर्वाद्यैश्च नृत्यैश्च यजेन्नारायणं प्रभुम्

gaṅgābdhisaṃgame snātvā prabhāte dvijasattama | gītairvādyaiśca nṛtyaiśca yajennārāyaṇaṃ prabhum

Sanskrit only: no published translation is held for this verse.

निरामिषं हविष्यं च फलाहारं द्विजोत्तम । कदाचिदुपवासं सा कुरुते च वराङ्गना

nirāmiṣaṃ haviṣyaṃ ca phalāhāraṃ dvijottama | kadācidupavāsaṃ sā kurute ca varāṅganā

Sanskrit only: no published translation is held for this verse.

एकाकिनीं समालोक्य कोऽग्रहीदत्र भूतले । मां नीचमिति मत्वासौ समारुह्य च वाजिनम्

ekākinīṃ samālokya ko'grahīdatra bhūtale | māṃ nīcamiti matvāsau samāruhya ca vājinam

Sanskrit only: no published translation is held for this verse.

भूय एव निजं राज्यं साजगाम वराङ्गना । माधवस्य वियोगेन तस्य विद्याधरस्य वा

bhūya eva nijaṃ rājyaṃ sājagāma varāṅganā | mādhavasya viyogena tasya vidyādharasya vā

Sanskrit only: no published translation is held for this verse.

मृता सा राजतनया यतोऽन्यं न भजत्यपि । तस्यां मृतायां भृत्योऽसौ निर्जगाम यदृच्छया

mṛtā sā rājatanayā yato'nyaṃ na bhajatyapi | tasyāṃ mṛtāyāṃ bhṛtyo'sau nirjagāma yadṛcchayā

Sanskrit only: no published translation is held for this verse.

विलप्य बहुधा तत्र प्रचेष्टोऽत्यंत शोकभाक् । जगाम मरणार्थाय गङ्गासागरसङ्गमम्

vilapya bahudhā tatra praceṣṭo'tyaṃta śokabhāk | jagāma maraṇārthāya gaṅgāsāgarasaṅgamam

Sanskrit only: no published translation is held for this verse.

गङ्गाब्धिसङ्गमे स्नात्वा तुलसीमृद्विभूषितः । कृताञ्जलिरिति प्राह प्रचेष्टो भीष्ममातरम्

gaṅgābdhisaṅgame snātvā tulasīmṛdvibhūṣitaḥ | kṛtāñjaliriti prāha praceṣṭo bhīṣmamātaram

Sanskrit only: no published translation is held for this verse.

पवित्रे त्वज्जले मातस्त्यजाम्यत्र कलेवरम् । सुलोचना मे कांतास्याद्यथातत्त्वं करिष्यसि

pavitre tvajjale mātastyajāmyatra kalevaram | sulocanā me kāṃtāsyādyathātattvaṃ kariṣyasi

Sanskrit only: no published translation is held for this verse.

भूयोभूयो ब्रुवंतं तमिति तस्याश्च किंकराः । बध्वा पाशेन तं निन्युर्निरुक्तां तत्सभां प्रति ५० 7.6.50। तप्ता वीरवरादेशात्किंकरास्ते सुदारुणाः । कारायां स्थापयामासुः प्रचेष्टमनुविह्वलम्

bhūyobhūyo bruvaṃtaṃ tamiti tasyāśca kiṃkarāḥ | badhvā pāśena taṃ ninyurniruktāṃ tatsabhāṃ prati 50 7.6.50| taptā vīravarādeśātkiṃkarāste sudāruṇāḥ | kārāyāṃ sthāpayāmāsuḥ praceṣṭamanuvihvalam

Sanskrit only: no published translation is held for this verse.

एतस्मिन्नेव काले तु दृष्ट्वा तत्कार्यमद्भुतम् । हाहाकारो महानासीत्तद्राज्ये द्विजसत्तम

etasminneva kāle tu dṛṣṭvā tatkāryamadbhutam | hāhākāro mahānāsīttadrājye dvijasattama

Sanskrit only: no published translation is held for this verse.

एतच्छ्रुत्वाद्भुतं कर्म स च राजा गुणाकरः । आयातोऽत्यंत संतप्तो वदतीति द्विजोत्तम

etacchrutvādbhutaṃ karma sa ca rājā guṇākaraḥ | āyāto'tyaṃta saṃtapto vadatīti dvijottama

Sanskrit only: no published translation is held for this verse.

निषंगिणश्च रथिनश्चर्मिणः खड्गिनस्तथा । धानुष्काश्च कौंतकाश्च कोटिकोटिसहस्रशः

niṣaṃgiṇaśca rathinaścarmiṇaḥ khaḍginastathā | dhānuṣkāśca kauṃtakāśca koṭikoṭisahasraśaḥ

Sanskrit only: no published translation is held for this verse.

स्थाने स्थाने पुरे तस्मिन्राजा वै शोकविह्वलः । नियोजयामास तदा रक्षायै द्विजसत्तम

sthāne sthāne pure tasminrājā vai śokavihvalaḥ | niyojayāmāsa tadā rakṣāyai dvijasattama

Sanskrit only: no published translation is held for this verse.

तेनाज्ञप्तास्ततः सर्वे योद्धारोऽमितविक्रमाः । सत्वराः पतिरक्षासु तस्थुस्तस्मिन्पुरे रुषा

tenājñaptāstataḥ sarve yoddhāro'mitavikramāḥ | satvarāḥ patirakṣāsu tasthustasminpure ruṣā

Sanskrit only: no published translation is held for this verse.

गीतानि गायकैः सर्वैर्नृत्यानि नर्तकैस्तथा । वाद्यानि वादकैश्चैव तत्र त्यक्तानि साध्वसैः

gītāni gāyakaiḥ sarvairnṛtyāni nartakaistathā | vādyāni vādakaiścaiva tatra tyaktāni sādhvasaiḥ

Sanskrit only: no published translation is held for this verse.

ततः स राजा विप्रर्षे समाहूय स्वमंत्रिणः । किमेतदिति पप्रच्छ शोकोपहतमानसः

tataḥ sa rājā viprarṣe samāhūya svamaṃtriṇaḥ | kimetaditi papraccha śokopahatamānasaḥ

Sanskrit only: no published translation is held for this verse.

मंत्रिण ऊचुः- देवाद्भुतमिदं कर्म न दृष्टं न श्रुतं क्वचित् । एतावतां नृणां मध्ये पश्यतां क्व जगाम सा

maṃtriṇa ūcuḥ- devādbhutamidaṃ karma na dṛṣṭaṃ na śrutaṃ kvacit | etāvatāṃ nṛṇāṃ madhye paśyatāṃ kva jagāma sā

Sanskrit only: no published translation is held for this verse.

कोऽपि जल्पति सा लक्ष्मीः शापेनागत्य भूतले । त्वदीयं सौधमेतर्हि स्वयमंतरधीयत

ko'pi jalpati sā lakṣmīḥ śāpenāgatya bhūtale | tvadīyaṃ saudhametarhi svayamaṃtaradhīyata

Sanskrit only: no published translation is held for this verse.

मायामयी सा रमणी मायया त्वद्गृहे स्थिता । मायां स्वकीयां दर्शित्वा गतेत्यन्ये वदंति वै

māyāmayī sā ramaṇī māyayā tvadgṛhe sthitā | māyāṃ svakīyāṃ darśitvā gatetyanye vadaṃti vai

Sanskrit only: no published translation is held for this verse.

केचिद्वदंति रमणी सर्वलक्षणसंयुता । आगमिष्यति भूयोऽपि भगाङ्गो मघवा यतः

kecidvadaṃti ramaṇī sarvalakṣaṇasaṃyutā | āgamiṣyati bhūyo'pi bhagāṅgo maghavā yataḥ

Sanskrit only: no published translation is held for this verse.

तन्मुखंचन्द्रवन्मत्वा विचिंत्यात्मानमात्मना । केचिद्वदंति चन्द्रेण नीता सुप्रतिपत्तये

tanmukhaṃcandravanmatvā viciṃtyātmānamātmanā | kecidvadaṃti candreṇa nītā supratipattaye

Sanskrit only: no published translation is held for this verse.

वदंति केऽपि सा कन्या सद्गुणा दीर्घवासना । भ्रान्त्या चन्द्रमसा ग्रस्ता पूर्णचंद्रनिभानना

vadaṃti ke'pi sā kanyā sadguṇā dīrghavāsanā | bhrāntyā candramasā grastā pūrṇacaṃdranibhānanā

Sanskrit only: no published translation is held for this verse.

दिग्गजैर्नलिनी भ्रान्त्या प्रफुल्लकमलानना । विषदण्डप्रहस्ता च नीरजा कलिकाकुचा

diggajairnalinī bhrāntyā praphullakamalānanā | viṣadaṇḍaprahastā ca nīrajā kalikākucā

Sanskrit only: no published translation is held for this verse.

केचिद्वदंति सृष्ट्वा सा स्रष्टुमन्यां स्त्रियं नृपं । तद्रूपादर्शनालोक्ये नीता रूपगुणास्थिता

kecidvadaṃti sṛṣṭvā sā sraṣṭumanyāṃ striyaṃ nṛpaṃ | tadrūpādarśanālokye nītā rūpaguṇāsthitā

Sanskrit only: no published translation is held for this verse.

केचिद्वदंति भूपाल त्वया सर्वदिशो जिताः । रूपैर्दैवांगना जेतुं गता सा त्रिदिवं प्रति

kecidvadaṃti bhūpāla tvayā sarvadiśo jitāḥ | rūpairdaivāṃganā jetuṃ gatā sā tridivaṃ prati

Sanskrit only: no published translation is held for this verse.

अथ ते मंत्रिणोऽन्योन्यमालोक्येति मुखश्रियः । स्तब्धा इवाभवन्सर्वे निरुत्साहाः ससाध्वसाः

atha te maṃtriṇo'nyonyamālokyeti mukhaśriyaḥ | stabdhā ivābhavansarve nirutsāhāḥ sasādhvasāḥ

Sanskrit only: no published translation is held for this verse.

भूपः सुलोचने पुत्रि क्व गतासि विहाय माम् । इत्युक्त्वा स महीपालः पृथिव्यां मूर्च्छितोऽपतत्

bhūpaḥ sulocane putri kva gatāsi vihāya mām | ityuktvā sa mahīpālaḥ pṛthivyāṃ mūrcchito'patat

Sanskrit only: no published translation is held for this verse.

राजानं पतितं दृष्ट्वा शोकेन महता ततः । जज्ञे हाहारवस्तस्मिन्नगरे द्विजसत्तम

rājānaṃ patitaṃ dṛṣṭvā śokena mahatā tataḥ | jajñe hāhāravastasminnagare dvijasattama

Sanskrit only: no published translation is held for this verse.

तत्क्रंदनध्वनिं विप्र प्रतिश्रुत्वा च जायते । उत्प्रेक्षते तत्र लोके क्रंदंति ककुभो दश

tatkraṃdanadhvaniṃ vipra pratiśrutvā ca jāyate | utprekṣate tatra loke kraṃdaṃti kakubho daśa

Sanskrit only: no published translation is held for this verse.

धूलिधूसरतां गंतुं नृपतिं मुक्तकेशकम् । विधृत्य मंत्रिणः सर्वे तरसा सौधमाययुः

dhūlidhūsaratāṃ gaṃtuṃ nṛpatiṃ muktakeśakam | vidhṛtya maṃtriṇaḥ sarve tarasā saudhamāyayuḥ

Sanskrit only: no published translation is held for this verse.

अथ विद्याधरस्तत्र श्रीविक्रमदेवजः । तस्याः पीठं समालिङ्ग्य रुरोद करुणस्वनैः

atha vidyādharastatra śrīvikramadevajaḥ | tasyāḥ pīṭhaṃ samāliṅgya ruroda karuṇasvanaiḥ

Sanskrit only: no published translation is held for this verse.

हा प्रिये चंचलापाङ्गि सुवर्णकुसुमप्रभे । शोकाब्धौ पातयित्वा मां क्व गतासि वरानने

hā priye caṃcalāpāṅgi suvarṇakusumaprabhe | śokābdhau pātayitvā māṃ kva gatāsi varānane

Sanskrit only: no published translation is held for this verse.

मम किं दूषणं दृष्टं त्वया निर्दोषया प्रिये । न ददासि कथं भद्रे दर्शनं कमलानने

mama kiṃ dūṣaṇaṃ dṛṣṭaṃ tvayā nirdoṣayā priye | na dadāsi kathaṃ bhadre darśanaṃ kamalānane

Sanskrit only: no published translation is held for this verse.

न जीविष्याम्यंहं भद्रे क्षणमात्रं त्वया विना । अतो मे दर्शनं दत्वा क्रियतां प्राणरक्षणम्

na jīviṣyāmyaṃhaṃ bhadre kṣaṇamātraṃ tvayā vinā | ato me darśanaṃ datvā kriyatāṃ prāṇarakṣaṇam

Sanskrit only: no published translation is held for this verse.

किं धनैः किं जनैः किं मे मित्रैः किं वा धनैर्गृहैः । नाप्नोमि यदि भद्रे त्वां प्राणेभ्योऽपि गरीयसीम्

kiṃ dhanaiḥ kiṃ janaiḥ kiṃ me mitraiḥ kiṃ vā dhanairgṛhaiḥ | nāpnomi yadi bhadre tvāṃ prāṇebhyo'pi garīyasīm

Sanskrit only: no published translation is held for this verse.

एतच्चान्यच्च विप्रर्षे स कृत्वा करुणं महत् । शोकान्मृत्युं विनिश्चिंत्य ययौ गङ्गाब्धिसङ्गमम्

etaccānyacca viprarṣe sa kṛtvā karuṇaṃ mahat | śokānmṛtyuṃ viniściṃtya yayau gaṅgābdhisaṅgamam

Sanskrit only: no published translation is held for this verse.

तत्र गङ्गाम्भसि स्नात्वा समुद्रजलमिश्रिते । निवेद्य भास्करायार्घं गंगां नत्वाह मातरम्

tatra gaṅgāmbhasi snātvā samudrajalamiśrite | nivedya bhāskarāyārghaṃ gaṃgāṃ natvāha mātaram

Sanskrit only: no published translation is held for this verse.

गंङ्गे देवि जगन्मातस्त्वज्जले विमले तनुम् । त्यजामि तां यथा भूयः प्राप्नोमि तत्करिष्यसि

gaṃṅge devi jaganmātastvajjale vimale tanum | tyajāmi tāṃ yathā bhūyaḥ prāpnomi tatkariṣyasi

Sanskrit only: no published translation is held for this verse.

इति ब्रुवंतं तं विप्र तत्किंकरवरास्ततः । विधिं विनिन्युः सदृशं क्रुद्धा वीरवरस्य च

iti bruvaṃtaṃ taṃ vipra tatkiṃkaravarāstataḥ | vidhiṃ vininyuḥ sadṛśaṃ kruddhā vīravarasya ca

Sanskrit only: no published translation is held for this verse.

ततो वीरवरः प्राह कस्त्वं भोः कुत आगतः । कथमत्र तनुत्यागं कुरुषे तद्वदस्व मे

tato vīravaraḥ prāha kastvaṃ bhoḥ kuta āgataḥ | kathamatra tanutyāgaṃ kuruṣe tadvadasva me

Sanskrit only: no published translation is held for this verse.

तद्वाक्यमेतदाकर्ण्य ततो विद्याधरोऽखिलाम् । तां कथां कथयामास शृण्वतां विस्मयप्रदाम्

tadvākyametadākarṇya tato vidyādharo'khilām | tāṃ kathāṃ kathayāmāsa śṛṇvatāṃ vismayapradām

Sanskrit only: no published translation is held for this verse.

अथ त्वं मूर्खलोकानां प्रवरोसि न संशयः । गान्धर्वी राक्षसी वापि पन्नगी वापि किन्नरी

atha tvaṃ mūrkhalokānāṃ pravarosi na saṃśayaḥ | gāndharvī rākṣasī vāpi pannagī vāpi kinnarī

Sanskrit only: no published translation is held for this verse.

शापागतेव सा कन्या तस्मादन्तर्हिता स्वयम् । सा देवरूपिणी कन्या देवानां निलयं गता

śāpāgateva sā kanyā tasmādantarhitā svayam | sā devarūpiṇī kanyā devānāṃ nilayaṃ gatā

Sanskrit only: no published translation is held for this verse.

कथं तया समं भूयो दर्शनं ते भविष्यति । चकोरपेयं पीयूषं गगने रोहिणीपतेः

kathaṃ tayā samaṃ bhūyo darśanaṃ te bhaviṣyati | cakorapeyaṃ pīyūṣaṃ gagane rohiṇīpateḥ

Sanskrit only: no published translation is held for this verse.

किं शक्नुवंति तं पापा वायसा बलिनोऽपि च । यदप्राप्यं न तत्प्राप्यं प्राप्यं यत्तच्च लभ्यते

kiṃ śaknuvaṃti taṃ pāpā vāyasā balino'pi ca | yadaprāpyaṃ na tatprāpyaṃ prāpyaṃ yattacca labhyate

Sanskrit only: no published translation is held for this verse.

जानंति तज्जनं कश्चिन्मोहं प्रति न गच्छति । केनापि दीयते कन्या कन्या केनापि गृह्यते

jānaṃti tajjanaṃ kaścinmohaṃ prati na gacchati | kenāpi dīyate kanyā kanyā kenāpi gṛhyate

Sanskrit only: no published translation is held for this verse.

पूर्वजन्मनि या कन्या तां कन्यां लभते पतिः । पुत्रप्रयोजना भार्या पुत्राः पिण्डप्रयोजनाः

pūrvajanmani yā kanyā tāṃ kanyāṃ labhate patiḥ | putraprayojanā bhāryā putrāḥ piṇḍaprayojanāḥ

Sanskrit only: no published translation is held for this verse.

कुर्वंति दारग्रहणमतएव मनीषिणः । यथेह दीयते नार्या तथा नारी समश्नुते

kurvaṃti dāragrahaṇamataeva manīṣiṇaḥ | yatheha dīyate nāryā tathā nārī samaśnute

Sanskrit only: no published translation is held for this verse.

क्रंदन्रजन्यामप्येष भृङ्गः कुमुदिनीं सहेत् । सद्रूपोऽपि पतिः स्त्रीणां संतोषाय भवेन्नहि

kraṃdanrajanyāmapyeṣa bhṛṅgaḥ kumudinīṃ sahet | sadrūpo'pi patiḥ strīṇāṃ saṃtoṣāya bhavennahi

Sanskrit only: no published translation is held for this verse.

रवौ स्थितेऽपि पद्मिन्या मधूनि भ्रमरः पिबेत् । नारीषु सततं चित्तं विष्णुभक्तिष्वनादरः

ravau sthite'pi padminyā madhūni bhramaraḥ pibet | nārīṣu satataṃ cittaṃ viṣṇubhaktiṣvanādaraḥ

Sanskrit only: no published translation is held for this verse.

शोकैः कैश्चित्तनुत्यागस्तिस्रः पुंसां विडंबनाः । दाराः पुत्रास्तथा भ्राता देशाश्च बांधवास्तथा

śokaiḥ kaiścittanutyāgastisraḥ puṃsāṃ viḍaṃbanāḥ | dārāḥ putrāstathā bhrātā deśāśca bāṃdhavāstathā

Sanskrit only: no published translation is held for this verse.

पुनर्लभ्या इमे सर्वे पुनर्लभ्या न चासवः । न मुक्तो विषयो धर्मो न च कर्म कृतं त्वया

punarlabhyā ime sarve punarlabhyā na cāsavaḥ | na mukto viṣayo dharmo na ca karma kṛtaṃ tvayā

Sanskrit only: no published translation is held for this verse.

वर्तमाने गते मूढ भविष्यं जन्म दुर्ल्लभम् । मम माता मम पिता भार्या भ्राता धनं मम

vartamāne gate mūḍha bhaviṣyaṃ janma durllabham | mama mātā mama pitā bhāryā bhrātā dhanaṃ mama

Sanskrit only: no published translation is held for this verse.

निष्फलं याति वै जन्म नृणां ममतया तया । एवं प्रबोधितः सम्यक्तेन धीरवरेण सः

niṣphalaṃ yāti vai janma nṛṇāṃ mamatayā tayā | evaṃ prabodhitaḥ samyaktena dhīravareṇa saḥ

Sanskrit only: no published translation is held for this verse.

दौर्मनस्यं परित्यज्य तस्थौ तत्रैव जैमिने । ततस्तु गन्धिनी प्रीत्या हसंती स्वगृहं गता

daurmanasyaṃ parityajya tasthau tatraiva jaimine | tatastu gandhinī prītyā hasaṃtī svagṛhaṃ gatā

Sanskrit only: no published translation is held for this verse.

गत्वा च माधवं मंचे स्वपंतं सा ददर्श ह । गन्धिन्युवाच- उत्तिष्ठोत्तिष्ठ दुर्बुद्धे भ्रमस्ते विफलोऽभवत्

gatvā ca mādhavaṃ maṃce svapaṃtaṃ sā dadarśa ha | gandhinyuvāca- uttiṣṭhottiṣṭha durbuddhe bhramaste viphalo'bhavat

Sanskrit only: no published translation is held for this verse.

विवाहकाले सा कन्या बभूवांतर्हिता स्वयम् । एवं तस्या वचः श्रुत्वा समुत्तस्थौ स माधवः

vivāhakāle sā kanyā babhūvāṃtarhitā svayam | evaṃ tasyā vacaḥ śrutvā samuttasthau sa mādhavaḥ

Sanskrit only: no published translation is held for this verse.