Padma Purāṇa 7.9

अहं विष्णुरसौविष्णुरिति चेतसि भावयेत् । परदुःखेन यो दुःखी सुखी यश्च परश्रिया

ahaṃ viṣṇurasauviṣṇuriti cetasi bhāvayet | paraduḥkhena yo duḥkhī sukhī yaśca paraśriyā

Sanskrit only: no published translation is held for this verse.

संसारेऽस्मिन्स विज्ञेयः साक्षादेव हरिः स्वयम् । धिगस्तु तत्सुखं नॄणां मोहवंचितचेतसाम्

saṃsāre'sminsa vijñeyaḥ sākṣādeva hariḥ svayam | dhigastu tatsukhaṃ nṝṇāṃ mohavaṃcitacetasām

Sanskrit only: no published translation is held for this verse.

परहिंसाविधानेन सुखं यत्स्याद्भुजंगम । सुखानि वापि दुःखानि दीयंते यानि जंतवे

parahiṃsāvidhānena sukhaṃ yatsyādbhujaṃgama | sukhāni vāpi duḥkhāni dīyaṃte yāni jaṃtave

Sanskrit only: no published translation is held for this verse.

अचिरेणैव तानि स्म लभंते भुवि मानवाः । तस्माद्धिंसां परित्यज्य भुजंगम सुखी भव

acireṇaiva tāni sma labhaṃte bhuvi mānavāḥ | tasmāddhiṃsāṃ parityajya bhujaṃgama sukhī bhava

Sanskrit only: no published translation is held for this verse.

त्वयि प्रसन्ने गच्छावः पारं दुःखमहोदधेः । सर्प उवाच- यदा स्यात्परहिंसायां नूनं मे नातिपातकम्

tvayi prasanne gacchāvaḥ pāraṃ duḥkhamahodadheḥ | sarpa uvāca- yadā syātparahiṃsāyāṃ nūnaṃ me nātipātakam

Sanskrit only: no published translation is held for this verse.

तदा कथमहो सृष्टै वेधसा भक्ष्यभक्षकौ । परहिंसा न कर्तव्या सत्यमेतत्त्वयोदितम्

tadā kathamaho sṛṣṭai vedhasā bhakṣyabhakṣakau | parahiṃsā na kartavyā satyametattvayoditam

Sanskrit only: no published translation is held for this verse.

किंतु सर्वेषु भक्ष्येषु हिंसा संभाव्यते नहि । नारायणो विश्वरूपः सत्यमेतन्न संशयः

kiṃtu sarveṣu bhakṣyeṣu hiṃsā saṃbhāvyate nahi | nārāyaṇo viśvarūpaḥ satyametanna saṃśayaḥ

Sanskrit only: no published translation is held for this verse.

भक्ष्यभक्षकसंयुक्तं स्वयमेव ससर्ज ह । सृजति स्वयमात्मानमात्मानं रक्षति स्वयम्

bhakṣyabhakṣakasaṃyuktaṃ svayameva sasarja ha | sṛjati svayamātmānamātmānaṃ rakṣati svayam

Sanskrit only: no published translation is held for this verse.

आत्मानं स्वयमेवात्ति सृष्टिरेवंविधा हरेः । शक्तोऽहं किं युवां हंतुं कालरूपी स्वयं विधिः

ātmānaṃ svayamevātti sṛṣṭirevaṃvidhā hareḥ | śakto'haṃ kiṃ yuvāṃ haṃtuṃ kālarūpī svayaṃ vidhiḥ

Sanskrit only: no published translation is held for this verse.

संप्रति प्रेषयामास कार्येस्मिन्मां स्वयं हरिः । युवां ससर्ज यो देवो यश्च रक्षति वां सदा

saṃprati preṣayāmāsa kāryesminmāṃ svayaṃ hariḥ | yuvāṃ sasarja yo devo yaśca rakṣati vāṃ sadā

Sanskrit only: no published translation is held for this verse.

कालरूपी स एवाद्य हंति हेतुं विधाय माम् । व्यास उवाच-। ततस्तेन भुजंगेन भक्षितौ तौ च दंपती

kālarūpī sa evādya haṃti hetuṃ vidhāya mām | vyāsa uvāca-| tatastena bhujaṃgena bhakṣitau tau ca daṃpatī

Sanskrit only: no published translation is held for this verse.

गङ्गा गंगेति जल्पंतौ महत्या क्षुधया पथि । जाह्नवीतीरयात्रायां पादेपादे जनाविमौ

gaṅgā gaṃgeti jalpaṃtau mahatyā kṣudhayā pathi | jāhnavītīrayātrāyāṃ pādepāde janāvimau

Sanskrit only: no published translation is held for this verse.

अश्वमेधाख्य यज्ञानां प्राप्तवंतौ महाफलम् । तस्मादेनौ महात्मानौ बह्वश्वमेधधारिणौ

aśvamedhākhya yajñānāṃ prāptavaṃtau mahāphalam | tasmādenau mahātmānau bahvaśvamedhadhāriṇau

Sanskrit only: no published translation is held for this verse.

एतयोः सदृशो नास्ति शतक्रतुरहं यतः । निजाधिकारेणैवान्यमवलंब्य पुरंदरः

etayoḥ sadṛśo nāsti śatakraturahaṃ yataḥ | nijādhikāreṇaivānyamavalaṃbya puraṃdaraḥ

Sanskrit only: no published translation is held for this verse.

अर्घ्यहस्तः पादचारी वृतो देवैः समाययौ । अथ रम्भोर्वशी चैव सुंदर्योऽन्याश्च हर्षिताः

arghyahastaḥ pādacārī vṛto devaiḥ samāyayau | atha rambhorvaśī caiva suṃdaryo'nyāśca harṣitāḥ

Sanskrit only: no published translation is held for this verse.

अन्योन्यं कथयामासुर्निजयौवनगर्विताः । अयं पुण्यात्मनां श्रेष्ठो रसज्ञोऽत्यंतसुन्दरः

anyonyaṃ kathayāmāsurnijayauvanagarvitāḥ | ayaṃ puṇyātmanāṃ śreṣṭho rasajño'tyaṃtasundaraḥ

Sanskrit only: no published translation is held for this verse.

आयातोऽमुं करिष्यामि स्ववशं सेवितैः स्वकैः । काचित्कांचिद्वदत्येतज्जानामि सकलां कलाम्

āyāto'muṃ kariṣyāmi svavaśaṃ sevitaiḥ svakaiḥ | kācitkāṃcidvadatyetajjānāmi sakalāṃ kalām

Sanskrit only: no published translation is held for this verse.

अतएव भविष्यामि कांताहमस्य भूपतेः । काचित्कांचिदिति ब्रूयात्ते शक्रोपि वशो मम

ataeva bhaviṣyāmi kāṃtāhamasya bhūpateḥ | kācitkāṃciditi brūyātte śakropi vaśo mama

Sanskrit only: no published translation is held for this verse.

किमत्र चित्रं वशगो भूपालोऽयं भविष्यति

kimatra citraṃ vaśago bhūpālo'yaṃ bhaviṣyati

Sanskrit only: no published translation is held for this verse.

भर्त्ता ममायं च पतिर्ममायं स्वामी ममायं मम नाथ एषः । इतीव सर्वाः परमप्रमोदैर्वदंति नार्योखिलसद्गुणज्ञाः

bharttā mamāyaṃ ca patirmamāyaṃ svāmī mamāyaṃ mama nātha eṣaḥ | itīva sarvāḥ paramapramodairvadaṃti nāryokhilasadguṇajñāḥ

Sanskrit only: no published translation is held for this verse.

उच्चावचं विप्र निशम्य तासां जगाद काचिद्गुणिनी रसज्ञा । सौदास्यकांतां नृपतिः स्वयं यां भजत्ययं किं कलहेन नार्यः

uccāvacaṃ vipra niśamya tāsāṃ jagāda kācidguṇinī rasajñā | saudāsyakāṃtāṃ nṛpatiḥ svayaṃ yāṃ bhajatyayaṃ kiṃ kalahena nāryaḥ

Sanskrit only: no published translation is held for this verse.

सुन्दर्य्यस्तास्ततः सर्वाः संत्यज्य कलहं द्विज । आजग्मुर्हृदयोत्साहैः सर्वाभरणभूषिताः

sundaryyastāstataḥ sarvāḥ saṃtyajya kalahaṃ dvija | ājagmurhṛdayotsāhaiḥ sarvābharaṇabhūṣitāḥ

Sanskrit only: no published translation is held for this verse.

अथ तं नृपतिश्रेष्ठ सदारं गतकल्मषम् । पाद्याद्यैः पूजयामासुः प्राहेति च पुरंदरः

atha taṃ nṛpatiśreṣṭha sadāraṃ gatakalmaṣam | pādyādyaiḥ pūjayāmāsuḥ prāheti ca puraṃdaraḥ

Sanskrit only: no published translation is held for this verse.

रथे निवेशयामास पुष्पके स्त्रीसमन्वितम् । भेरीमृदंगमधुरी डिंडिमानकनिःस्वनैः

rathe niveśayāmāsa puṣpake strīsamanvitam | bherīmṛdaṃgamadhurī ḍiṃḍimānakaniḥsvanaiḥ

Sanskrit only: no published translation is held for this verse.

करकं कणनादैश्च करतालस्वनैस्तथा । जयशब्दैश्च देवानां नाकः शब्दमयोऽभवत्

karakaṃ kaṇanādaiśca karatālasvanaistathā | jayaśabdaiśca devānāṃ nākaḥ śabdamayo'bhavat

Sanskrit only: no published translation is held for this verse.

देवाङ्गना चारुहस्त श्वेतचामरमारुतैः । वीजितः सरथारूढः सदारस्त्रिदिवं ययौ

devāṅganā cāruhasta śvetacāmaramārutaiḥ | vījitaḥ sarathārūḍhaḥ sadārastridivaṃ yayau

Sanskrit only: no published translation is held for this verse.

ततः शक्रः स्वयं तस्मै सत्यधर्माय भूभुजे । दत्तवान्निजासनार्द्धं शुभो वै क्षयशंकया

tataḥ śakraḥ svayaṃ tasmai satyadharmāya bhūbhuje | dattavānnijāsanārddhaṃ śubho vai kṣayaśaṃkayā

Sanskrit only: no published translation is held for this verse.

शक्रेण सह भूपोऽसौ वसन्नेकासने सदा । शक्रत्वमकरोत्स्वर्गे केशवस्यानुकंपया १५० 7.9.150। युगकोटिसहस्राणि दिवि भुक्त्वाखिलं सुखम् । रथमारुह्यवैकुंठं ययौ भगवदाज्ञया

śakreṇa saha bhūpo'sau vasannekāsane sadā | śakratvamakarotsvarge keśavasyānukaṃpayā 150 7.9.150| yugakoṭisahasrāṇi divi bhuktvākhilaṃ sukham | rathamāruhyavaikuṃṭhaṃ yayau bhagavadājñayā

Sanskrit only: no published translation is held for this verse.

तत्र मन्वंतरं भुक्त्वा सर्वभोगमनोरमम् । परमं ज्ञानमासाद्या सदारो मोक्षमाप्तवान्

tatra manvaṃtaraṃ bhuktvā sarvabhogamanoramam | paramaṃ jñānamāsādyā sadāro mokṣamāptavān

Sanskrit only: no published translation is held for this verse.

जाह्नवीतीरयात्रायां शरीरं त्यजतः पथि । फलमेवंविधं विप्र मया सर्वं प्रकीर्तितम्

jāhnavītīrayātrāyāṃ śarīraṃ tyajataḥ pathi | phalamevaṃvidhaṃ vipra mayā sarvaṃ prakīrtitam

Sanskrit only: no published translation is held for this verse.

जाह्नवीतीरगमने मुनिभिस्तत्वदर्शिभिः । न कालनियमः प्रोक्तो नारदाद्यैर्महर्षिभिः

jāhnavītīragamane munibhistatvadarśibhiḥ | na kālaniyamaḥ prokto nāradādyairmaharṣibhiḥ

Sanskrit only: no published translation is held for this verse.

यदायदा द्विजश्रेष्ठ गङ्गायां स्नानमाचरेत् । तदातदाऽक्षयं पुण्यं लभते मानवो ध्रुवम्

yadāyadā dvijaśreṣṭha gaṅgāyāṃ snānamācaret | tadātadā'kṣayaṃ puṇyaṃ labhate mānavo dhruvam

Sanskrit only: no published translation is held for this verse.

गंगा सर्वाणि पापानि नाशयंतीति निश्चयः । कुर्यात्पुनःपुनः पापं न च गंगा पुनाति तम्

gaṃgā sarvāṇi pāpāni nāśayaṃtīti niścayaḥ | kuryātpunaḥpunaḥ pāpaṃ na ca gaṃgā punāti tam

Sanskrit only: no published translation is held for this verse.

पापबुद्धिं परित्यज्य गंगायां लोकमातरि । स्नानं कुरुत हे लोका यदि सद्गतिमिच्छथ

pāpabuddhiṃ parityajya gaṃgāyāṃ lokamātari | snānaṃ kuruta he lokā yadi sadgatimicchatha

Sanskrit only: no published translation is held for this verse.

यत्पुण्यं गंगास्नानात्तु मानवानां भवेद्दिवज । तत्पुण्यं प्राप्यते विप्र कर्मभिः कैः सुदुस्तरैः

yatpuṇyaṃ gaṃgāsnānāttu mānavānāṃ bhaveddivaja | tatpuṇyaṃ prāpyate vipra karmabhiḥ kaiḥ sudustaraiḥ

Sanskrit only: no published translation is held for this verse.

आसाराणां भूमिरेणोः संख्यां कर्तुं तु शक्यते । भागीरथीगुणास्ते न शक्या वक्तुं न च द्विज

āsārāṇāṃ bhūmireṇoḥ saṃkhyāṃ kartuṃ tu śakyate | bhāgīrathīguṇāste na śakyā vaktuṃ na ca dvija

Sanskrit only: no published translation is held for this verse.

विचार्य सर्वशास्त्राणि त्वदीयानि मयोच्यते । गंगांभसि सकृत्स्नात्वा मोक्षमाप्नोति मानवः

vicārya sarvaśāstrāṇi tvadīyāni mayocyate | gaṃgāṃbhasi sakṛtsnātvā mokṣamāpnoti mānavaḥ

Sanskrit only: no published translation is held for this verse.

स्नानं कूपजलेऽपि यस्तु कुरुते गंगां विचिंत्य प्रभुं देवानां सकलार्त्तशोकदुरितत्रासौघविध्वंसिनीम् । मुक्तः सोऽपि समस्तपातकचयैर्गोविप्रहत्यादिभिर्गच्छेद्विष्णुपुरं समस्तसुखदं गंगाप्रसादाद्दिवज

snānaṃ kūpajale'pi yastu kurute gaṃgāṃ viciṃtya prabhuṃ devānāṃ sakalārttaśokaduritatrāsaughavidhvaṃsinīm | muktaḥ so'pi samastapātakacayairgoviprahatyādibhirgacchedviṣṇupuraṃ samastasukhadaṃ gaṃgāprasādāddivaja

Sanskrit only: no published translation is held for this verse.