Parasara-Smrti (plain text) 4

अतिमानाद् अतिक्रोधात् स्नेहाद् वा यदि वा भयात् । उद्बध्नीयात् स्त्री पुमान् वा गतिर् एषा विधीयते (इइ,१, प्। १८)

atimānād atikrodhāt snehād vā yadi vā bhayāt / udbadhnīyāt strī pumān vā gatir eṣā vidhīyate (II,1, p. 18)

Sanskrit only: no published translation is held for this verse.

पूयशोणितसंपूर्णे त्व् अन्धे तमसि मज्जति । षष्ठीर् वर्षसहस्राणि नरकं प्रतिपद्यते (इइ,१, प्। १९)

pūyaśoṇitasaṃpūrṇe tv andhe tamasi majjati / ṣaṣṭhīr varṣasahasrāṇi narakaṃ pratipadyate (II,1, p. 19)

Sanskrit only: no published translation is held for this verse.

नाशौचं नोदकं नाग्निं नाश्रुपातं च कारयेत् । वोढारो ऽग्निप्रदातारः पाशच्छेदकरास् तथा (इइ,१, प्। २३)

nāśaucaṃ nodakaṃ nāgniṃ nāśrupātaṃ ca kārayet / voḍhāro 'gnipradātāraḥ pāśacchedakarās tathā (II,1, p. 23)

Sanskrit only: no published translation is held for this verse.

तप्तकृच्छ्रेण शुध्यन्तीत्य् एवम् आह प्रजापतिः । गोभिर् हतं तथोद्बद्धं ब्राह्मणेन तु घातितम् (इइ,१, प्। २५)

taptakṛcchreṇa śudhyantīty evam āha prajāpatiḥ / gobhir hataṃ tathodbaddhaṃ brāhmaṇena tu ghātitam (II,1, p. 25)

Sanskrit only: no published translation is held for this verse.

संस्पृशन्ति तु ये विप्रा वोढारश् चाग्निदाश् च ये । अन्ये ये वानुगन्तारः पाशच्छेदकराश् च ये

saṃspṛśanti tu ye viprā voḍhāraś cāgnidāś ca ye / anye ye vānugantāraḥ pāśacchedakarāś ca ye

Sanskrit only: no published translation is held for this verse.

तप्तकृच्छ्रेण शुद्धास् ते कुर्युर् ब्राह्मणभोजनम् । अनडुत्सहितां गां च दद्युर् विप्राय दक्षिणाम्

taptakṛcchreṇa śuddhās te kuryur brāhmaṇabhojanam / anaḍutsahitāṃ gāṃ ca dadyur viprāya dakṣiṇām

Sanskrit only: no published translation is held for this verse.

त्र्यहम् उष्णं पिबेद् वारि त्र्यहम् उष्णं पयः पिबेत् । त्र्यहम् उष्णं पिबेत् सर्पिर् वायुभक्षो दिनत्रयम् (इइ,१, प्। २६)

tryaham uṣṇaṃ pibed vāri tryaham uṣṇaṃ payaḥ pibet / tryaham uṣṇaṃ pibet sarpir vāyubhakṣo dinatrayam (II,1, p. 26)

Sanskrit only: no published translation is held for this verse.

षट्पलं तु पिबेद् अम्भस् त्रिपलं तु पयः पिबेत् । पलम् एकं पिबेत् सर्पिस् तप्तकृच्छ्रं विधीयते

ṣaṭpalaṃ tu pibed ambhas tripalaṃ tu payaḥ pibet / palam ekaṃ pibet sarpis taptakṛcchraṃ vidhīyate

Sanskrit only: no published translation is held for this verse.

यो वै समाचरेद् विप्रः पतितादिष्व् अकामतः । पञ्चाहं वा दशाहं वा द्वादशाहम् अथापि वा (इइ,१, प्। २७)

yo vai samācared vipraḥ patitādiṣv akāmataḥ / pañcāhaṃ vā daśāhaṃ vā dvādaśāham athāpi vā (II,1, p. 27)

Sanskrit only: no published translation is held for this verse.

मासार्धं मासम् एकं वा मासद्वयम् अथापि वा । अब्दार्धम् अब्दम् एकं वा तद् ऊर्ध्वं चैव तत्समः

māsārdhaṃ māsam ekaṃ vā māsadvayam athāpi vā / abdārdham abdam ekaṃ vā tad ūrdhvaṃ caiva tatsamaḥ

Sanskrit only: no published translation is held for this verse.

त्रिरात्रं प्रथमे पक्षे द्वितीये कृच्छ्रम् आचरेत् । तृतीये चैव पक्षे तु कृच्छ्रं सांतपनं चरेत् (इइ,१, प्। २९)

trirātraṃ prathame pakṣe dvitīye kṛcchram ācaret / tṛtīye caiva pakṣe tu kṛcchraṃ sāṃtapanaṃ caret (II,1, p. 29)

Sanskrit only: no published translation is held for this verse.

चतुर्थे दशरात्रं स्यात् पराकः पञ्चमे मतः । कुर्याच् चान्द्रायणं षष्ठे सप्तमे त्व् ऐन्दवद्वयम्

caturthe daśarātraṃ syāt parākaḥ pañcame mataḥ / kuryāc cāndrāyaṇaṃ ṣaṣṭhe saptame tv aindavadvayam

Sanskrit only: no published translation is held for this verse.

शुद्ध्यर्थम् अष्टमे चैव षण् मासान् कृच्छ्रम् आचरेत् । पक्षसंख्याप्रमाणेन सुवर्णान्य् अपि दक्षिणा (इइ,१, प्। ३०)

śuddhyartham aṣṭame caiva ṣaṇ māsān kṛcchram ācaret / pakṣasaṃkhyāpramāṇena suvarṇāny api dakṣiṇā (II,1, p. 30)

Sanskrit only: no published translation is held for this verse.

ऋतुस्नाता तु या नारी भर्तारं नोपसर्पति । सा मृता नरकं याति विधवा च पुनः पुनः (इइ,१, प्। ३३)

ṛtusnātā tu yā nārī bhartāraṃ nopasarpati / sā mṛtā narakaṃ yāti vidhavā ca punaḥ punaḥ (II,1, p. 33)

Sanskrit only: no published translation is held for this verse.

ऋतुस्नातां तु यो भार्यां संनिधौ नोपगच्छति । घोरायां भ्रूणहत्यायां युज्यते नात्र संशयः

ṛtusnātāṃ tu yo bhāryāṃ saṃnidhau nopagacchati / ghorāyāṃ bhrūṇahatyāyāṃ yujyate nātra saṃśayaḥ

Sanskrit only: no published translation is held for this verse.

दरिद्रं व्याधितं मूर्खं भर्तारं यावमन्यते । सा शुनी जायते मृत्वा सूकरी च पुनः पुनः

daridraṃ vyādhitaṃ mūrkhaṃ bhartāraṃ yāvamanyate / sā śunī jāyate mṛtvā sūkarī ca punaḥ punaḥ

Sanskrit only: no published translation is held for this verse.

पत्यौ जीवति या नारी उपोष्य व्रतम् आचरेत् । आयुष्यं हरते भर्तुः सा नारी नरकं व्रजेत्

patyau jīvati yā nārī upoṣya vratam ācaret / āyuṣyaṃ harate bhartuḥ sā nārī narakaṃ vrajet

Sanskrit only: no published translation is held for this verse.

अपृष्ट्वा चैव भर्तारं या नारी कुरुते व्रतम् । सर्वं तद् राक्षसान् गच्छेद् इत्य् एवं मनुर् अब्रवीत् (इइ,१, प्। ३४)

apṛṣṭvā caiva bhartāraṃ yā nārī kurute vratam / sarvaṃ tad rākṣasān gacched ity evaṃ manur abravīt (II,1, p. 34)

Sanskrit only: no published translation is held for this verse.

बान्धवानां सजातीनां दुर्वृत्तं कुरुते तु या । गर्भपातं च या कुर्यान् न तां संभाषयेत् क्वचित्

bāndhavānāṃ sajātīnāṃ durvṛttaṃ kurute tu yā / garbhapātaṃ ca yā kuryān na tāṃ saṃbhāṣayet kvacit

Sanskrit only: no published translation is held for this verse.

यत् पापं ब्रह्महत्यायां द्विगुणं गर्भपातने । प्रायश्चित्तं न तस्याः स्यात् तस्यास् त्यागो विधीयते

yat pāpaṃ brahmahatyāyāṃ dviguṇaṃ garbhapātane / prāyaścittaṃ na tasyāḥ syāt tasyās tyāgo vidhīyate

Sanskrit only: no published translation is held for this verse.

न कार्यम् आवसथ्येन नाग्निहोत्रेण वा पुनः । स भवेत् कर्मचाण्डालो यस् तु धर्मपराङ्मुखः

na kāryam āvasathyena nāgnihotreṇa vā punaḥ / sa bhavet karmacāṇḍālo yas tu dharmaparāṅmukhaḥ

Sanskrit only: no published translation is held for this verse.

ओघवाताहृतं बीजं यस्य क्षेत्रे प्ररोहति । स क्षेत्री लभते बीजं न बीजी भागम् अर्हति (इइ,१, प्। ४२)

oghavātāhṛtaṃ bījaṃ yasya kṣetre prarohati / sa kṣetrī labhate bījaṃ na bījī bhāgam arhati (II,1, p. 42)

Sanskrit only: no published translation is held for this verse.

तद्वत् परस्त्रियाः पुत्रौ द्वौ स्मृतौ कुण्डगोलकौ । पत्यौ जीवति कुण्डः स्यात् मृते भर्तरि गोलकः

tadvat parastriyāḥ putrau dvau smṛtau kuṇḍagolakau / patyau jīvati kuṇḍaḥ syāt mṛte bhartari golakaḥ

Sanskrit only: no published translation is held for this verse.

औरसः क्षेत्रजश् चैव दत्तः कृत्रिमकः सुतः । दद्यान् माता पिता वापि स पुत्रो दत्तको भवेत् (इइ,१, प्। ४८)

aurasaḥ kṣetrajaś caiva dattaḥ kṛtrimakaḥ sutaḥ / dadyān mātā pitā vāpi sa putro dattako bhavet (II,1, p. 48)

Sanskrit only: no published translation is held for this verse.

परिवित्तिः परिवेत्ता यया च परिविद्यते । सर्वे ते नरकं यान्ति दातृयाजकपञ्चमाः

parivittiḥ parivettā yayā ca parividyate / sarve te narakaṃ yānti dātṛyājakapañcamāḥ

Sanskrit only: no published translation is held for this verse.

द्वौ कृच्छ्रौ परिवित्तेस् तु कन्यायाः कृच्छ्र एव च । कृच्छ्रातिकृच्छ्रौ दातुस् तु होता चान्द्रायणं चरेत्

dvau kṛcchrau parivittes tu kanyāyāḥ kṛcchra eva ca / kṛcchrātikṛcchrau dātus tu hotā cāndrāyaṇaṃ caret

Sanskrit only: no published translation is held for this verse.

कुब्जवामनषण्ढेषु गद्गदेषु जडेषु च । जात्यन्धे बधिरे मूके न दोषः परिवेदने (इइ,१, प्। ५१)

kubjavāmanaṣaṇḍheṣu gadgadeṣu jaḍeṣu ca / jātyandhe badhire mūke na doṣaḥ parivedane (II,1, p. 51)

Sanskrit only: no published translation is held for this verse.

पितृव्यपुत्रः सापत्नः परनारीसुतस् तथा । दाराग्निहोत्रसम्योगे न दोषः परिवेदने (इइ,१, प्। ५२)

pitṛvyaputraḥ sāpatnaḥ paranārīsutas tathā / dārāgnihotrasamyoge na doṣaḥ parivedane (II,1, p. 52)

Sanskrit only: no published translation is held for this verse.

ज्येष्ठो भ्राता यदा तिष्ठेद् आधानं नैव कारयेत् । अनुज्ञातस् तु कुर्वीत शङ्खस्य वचनं यथा

jyeṣṭho bhrātā yadā tiṣṭhed ādhānaṃ naiva kārayet / anujñātas tu kurvīta śaṅkhasya vacanaṃ yathā

Sanskrit only: no published translation is held for this verse.

नष्टे मृते प्रव्रजिते क्लीबे च पतिते पतौ । पञ्चस्व् आपत्सु नारीणां पतिर् अन्यो विधीयते (इइ,१, प्। ५३)

naṣṭe mṛte pravrajite klībe ca patite patau / pañcasv āpatsu nārīṇāṃ patir anyo vidhīyate (II,1, p. 53)

Sanskrit only: no published translation is held for this verse.

मृते भर्तरि या नारी ब्रह्मचर्यव्रते स्थिता । सा मृता लभते स्वर्गं यथा ते ब्रह्मचारिणः

mṛte bhartari yā nārī brahmacaryavrate sthitā / sā mṛtā labhate svargaṃ yathā te brahmacāriṇaḥ

Sanskrit only: no published translation is held for this verse.

तिस्रः कोट्यो ऽर्धकोटी च यानि रोमाणि मानुषे । तावत्कालं वसेत् स्वर्गे भर्तारं यानुगच्छति (इइ,१, प्। ५४)

tisraḥ koṭyo 'rdhakoṭī ca yāni romāṇi mānuṣe / tāvatkālaṃ vaset svarge bhartāraṃ yānugacchati (II,1, p. 54)

Sanskrit only: no published translation is held for this verse.

व्यालग्राही यथा व्यालं बलाद् उद्धरते बिलात् । एवं स्त्री पतिम् उद्धृत्य तेनैव सह मोदते (इइ,१, प्। ५७)

vyālagrāhī yathā vyālaṃ balād uddharate bilāt / evaṃ strī patim uddhṛtya tenaiva saha modate (II,1, p. 57)

Sanskrit only: no published translation is held for this verse.