Parasara-Smrti (plain text) 9

गवां संरक्षणार्थाय न दुष्येद् रोधबन्धयोः । तद् वधं तु न तं विद्यात् कामाकामकृतं तथा (इइ,१, प्। २५५)

gavāṃ saṃrakṣaṇārthāya na duṣyed rodhabandhayoḥ / tad vadhaṃ tu na taṃ vidyāt kāmākāmakṛtaṃ tathā (II,1, p. 255)

Sanskrit only: no published translation is held for this verse.

दण्डाद् ऊर्ध्वं यद् अन्येन प्रहाराद् यदि पातयेत् । प्रायश्चित्तं तदा प्रोक्तं द्विगुणं गोवधे चरेत् (इइ,१, प्। २५६)

daṇḍād ūrdhvaṃ yad anyena prahārād yadi pātayet / prāyaścittaṃ tadā proktaṃ dviguṇaṃ govadhe caret (II,1, p. 256)

Sanskrit only: no published translation is held for this verse.

रोधबन्धनयोक्त्राणि घातश् चेति चतुर्विधम् । एकपादं चरेद् रोधे द्वौ पादौ बन्धने चरेत् (इइ,१, प्। २५७)

rodhabandhanayoktrāṇi ghātaś ceti caturvidham / ekapādaṃ cared rodhe dvau pādau bandhane caret (II,1, p. 257)

Sanskrit only: no published translation is held for this verse.

योक्त्रेषु पादहीनं स्याच् चरेत् सर्वं निपातने । गोवाटे वा गृहे वापि दुर्गे वाप्य् असमस्थले (इइ,१, प्। २५८)

yoktreṣu pādahīnaṃ syāc caret sarvaṃ nipātane / govāṭe vā gṛhe vāpi durge vāpy asamasthale (II,1, p. 258)

Sanskrit only: no published translation is held for this verse.

नदीष्व् अथ समुद्रेषु त्व् अन्येषु न नदीमुखे । दग्धदेशे मृता गावः स्तम्भनाद् रोध उच्यते (प्। २५९) (इइ,१, प्। २५९)

nadīṣv atha samudreṣu tv anyeṣu na nadīmukhe / dagdhadeśe mṛtā gāvaḥ stambhanād rodha ucyate (p. 259) (II,1, p. 259)

Sanskrit only: no published translation is held for this verse.

योक्त्रदामकदोरैश् च कण्ठाभरणभूषणैः । गृहे वापि वने वापि बद्धा स्याद् गौर् मृता यदि

yoktradāmakadoraiś ca kaṇṭhābharaṇabhūṣaṇaiḥ / gṛhe vāpi vane vāpi baddhā syād gaur mṛtā yadi

Sanskrit only: no published translation is held for this verse.

तद् एव बन्धनं विद्यात् कामाकामकृतं च यत् । हले वा शकटे पङ्क्तौ पृष्ठे वा पीडितो नरैः (इइ,१, प्। २६०)

tad eva bandhanaṃ vidyāt kāmākāmakṛtaṃ ca yat / hale vā śakaṭe paṅktau pṛṣṭhe vā pīḍito naraiḥ (II,1, p. 260)

Sanskrit only: no published translation is held for this verse.

गोपतिर् मृत्युम् आप्नोति योक्त्रो भवति तद्वधः । मत्तः प्रमत्त उन्मत्तश् चेतनो वाप्य् अचेतनः (इइ,१, प्। २६१)

gopatir mṛtyum āpnoti yoktro bhavati tadvadhaḥ / mattaḥ pramatta unmattaś cetano vāpy acetanaḥ (II,1, p. 261)

Sanskrit only: no published translation is held for this verse.

कामाकामकृतक्रोधो दण्डैर् हन्याद् अथोपलैः । प्रहृता वा मृता वापि तद् धि हेतुर् निपातने

kāmākāmakṛtakrodho daṇḍair hanyād athopalaiḥ / prahṛtā vā mṛtā vāpi tad dhi hetur nipātane

Sanskrit only: no published translation is held for this verse.

अङ्गुष्ठमात्रस्थूलस् तु बाहुमात्रः प्रमाणतः । आद्रस् तु सपलाशश् च दण्ड इत्य् अभिधीयते (इइ,१, प्। २६२)

aṅguṣṭhamātrasthūlas tu bāhumātraḥ pramāṇataḥ / ādras tu sapalāśaś ca daṇḍa ity abhidhīyate (II,1, p. 262)

Sanskrit only: no published translation is held for this verse.

मूर्छितः पतितो वापि दण्डेनाभिहितः स तु । उत्थितस् तु यदा गच्छेत् पञ्च सप्त दशैव वा

mūrchitaḥ patito vāpi daṇḍenābhihitaḥ sa tu / utthitas tu yadā gacchet pañca sapta daśaiva vā

Sanskrit only: no published translation is held for this verse.

ग्रासं वा यदि गृह्णीयात् तोयं वापि पिबेद् यदि । पूर्वं व्याध्युपसृष्टश् चेत् प्रायश्चित्तं न विद्यते (इइ,१, प्। २६३)

grāsaṃ vā yadi gṛhṇīyāt toyaṃ vāpi pibed yadi / pūrvaṃ vyādhyupasṛṣṭaś cet prāyaścittaṃ na vidyate (II,1, p. 263)

Sanskrit only: no published translation is held for this verse.

पिण्डस्थे पादम् एकं तु द्वौ पादौ गर्भसंमिते । पादोनं व्रतम् उद्दिष्टं हत्वा गर्भम् अचेतनम्

piṇḍasthe pādam ekaṃ tu dvau pādau garbhasaṃmite / pādonaṃ vratam uddiṣṭaṃ hatvā garbham acetanam

Sanskrit only: no published translation is held for this verse.

पादे ऽङ्गरोमवपनं द्विपादे श्मश्रुणो ऽपि च । त्रिपादे तु शिखा वर्जं सशिखं तु निपातने (इइ,१, प्। २६४)

pāde 'ṅgaromavapanaṃ dvipāde śmaśruṇo 'pi ca / tripāde tu śikhā varjaṃ saśikhaṃ tu nipātane (II,1, p. 264)

Sanskrit only: no published translation is held for this verse.

पादे वस्त्रयुगं चैव द्विपादे कांस्यभाजनम् । त्रिपादे गोवृषं दद्याच् चतुर्थे गोद्वयं स्मृतम्

pāde vastrayugaṃ caiva dvipāde kāṃsyabhājanam / tripāde govṛṣaṃ dadyāc caturthe godvayaṃ smṛtam

Sanskrit only: no published translation is held for this verse.

निष्पन्नसर्वगात्रस् तु दृश्यते वा सचेतनः । अङ्गप्रत्यङ्गसंपूर्णो द्विगुणं गोव्रतं चरेत् (इइ,१, प्। २६५)

niṣpannasarvagātras tu dṛśyate vā sacetanaḥ / aṅgapratyaṅgasaṃpūrṇo dviguṇaṃ govrataṃ caret (II,1, p. 265)

Sanskrit only: no published translation is held for this verse.

पाषाणेनाथ दण्डेन गावो येनाभिघातिताः । शृङ्गभङ्गे चरेत् पादं द्वौ पादौ नेत्रघातने (इइ,१, प्। २६६)

pāṣāṇenātha daṇḍena gāvo yenābhighātitāḥ / śṛṅgabhaṅge caret pādaṃ dvau pādau netraghātane (II,1, p. 266)

Sanskrit only: no published translation is held for this verse.

लाङ्गूले पादकृच्छ्रं तु द्वौ पादाव् अस्थिभञ्जने । त्रिपादं चैव कर्णे तु चरेत् सर्वं निपातने (इइ,१, प्। २६७)

lāṅgūle pādakṛcchraṃ tu dvau pādāv asthibhañjane / tripādaṃ caiva karṇe tu caret sarvaṃ nipātane (II,1, p. 267)

Sanskrit only: no published translation is held for this verse.

शृङ्गभङ्गे ऽस्थिभङ्गे च कटिभङ्गे तथैव च । यदि जीवति षण्मासान् प्रायश्चित्त्तं न विद्यते (इइ,१, प्। २६८)

śṛṅgabhaṅge 'sthibhaṅge ca kaṭibhaṅge tathaiva ca / yadi jīvati ṣaṇmāsān prāyaścitttaṃ na vidyate (II,1, p. 268)

Sanskrit only: no published translation is held for this verse.

व्रणभङ्गे च कर्तव्यः स्नेहाभ्यङ्गस् तु पाणिना । यवसश् चोपहर्तव्यो यावद् दृढबलो भवेत्

vraṇabhaṅge ca kartavyaḥ snehābhyaṅgas tu pāṇinā / yavasaś copahartavyo yāvad dṛḍhabalo bhavet

Sanskrit only: no published translation is held for this verse.

यावत् संपूर्णसर्वाङ्गस् तावत् तं पोषयेन् नरः । गोरूपं ब्राह्मणस्याग्रे नमस्कृत्वा विसर्जयेत् (इइ,१, प्। २६९)

yāvat saṃpūrṇasarvāṅgas tāvat taṃ poṣayen naraḥ / gorūpaṃ brāhmaṇasyāgre namaskṛtvā visarjayet (II,1, p. 269)

Sanskrit only: no published translation is held for this verse.

यद्य् असंपूर्णसर्गाङ्गो हीनदेहो भवेत् तदा । गोघातकस्य तस्यार्थं प्रायश्चित्तं विनिर्दिशेत्

yady asaṃpūrṇasargāṅgo hīnadeho bhavet tadā / goghātakasya tasyārthaṃ prāyaścittaṃ vinirdiśet

Sanskrit only: no published translation is held for this verse.

काष्ठलोष्टकपाषाणैः शस्त्रेणैवोद्धतो बलात् । व्यापादयति यो गां तु तस्य शुद्धिं विनिर्दिशेत् (इइ,१, प्। २७०)

kāṣṭhaloṣṭakapāṣāṇaiḥ śastreṇaivoddhato balāt / vyāpādayati yo gāṃ tu tasya śuddhiṃ vinirdiśet (II,1, p. 270)

Sanskrit only: no published translation is held for this verse.

चरेत् सांतपनं काष्ठे प्राजापत्यं तु लोष्टके । तप्तकृच्छ्रं तु पाषाणे सस्त्रे चैवातिकृच्छ्रकम्

caret sāṃtapanaṃ kāṣṭhe prājāpatyaṃ tu loṣṭake / taptakṛcchraṃ tu pāṣāṇe sastre caivātikṛcchrakam

Sanskrit only: no published translation is held for this verse.

पञ्च संतपने गावः प्राजापत्ये तथा त्रयः । तप्तकृच्छ्रे भवन्त्य् अष्टाव् अतिकृच्छ्रे त्रयोदश

pañca saṃtapane gāvaḥ prājāpatye tathā trayaḥ / taptakṛcchre bhavanty aṣṭāv atikṛcchre trayodaśa

Sanskrit only: no published translation is held for this verse.

प्रमापणे प्राणभृतां दद्यात् तत् प्रतिरूपकम् । तस्यानुरूपं मूल्यं वा दद्याद् इत्य् अब्रवीन् मनुः

pramāpaṇe prāṇabhṛtāṃ dadyāt tat pratirūpakam / tasyānurūpaṃ mūlyaṃ vā dadyād ity abravīn manuḥ

Sanskrit only: no published translation is held for this verse.

अन्यत्राङ्कनलक्ष्मभ्यां वाहने मोचने तथा । सायं संगोपनार्थं च न दुष्येद् रोधबन्धयोः (इइ,१, प्। २७१)

anyatrāṅkanalakṣmabhyāṃ vāhane mocane tathā / sāyaṃ saṃgopanārthaṃ ca na duṣyed rodhabandhayoḥ (II,1, p. 271)

Sanskrit only: no published translation is held for this verse.

अतिदाहे ऽतिवाहे च नासिकाभेदने तथा । नदीपर्वतसंचारे प्रायश्चित्तं विनिर्दिशेत् (इइ,१, प्। २७२)

atidāhe 'tivāhe ca nāsikābhedane tathā / nadīparvatasaṃcāre prāyaścittaṃ vinirdiśet (II,1, p. 272)

Sanskrit only: no published translation is held for this verse.

अतिदाहे चरेत् पादं द्वौ पादौ वाहने चरेत् । नासिक्ये पदहीनं तु चरेत् सर्वं निपातने

atidāhe caret pādaṃ dvau pādau vāhane caret / nāsikye padahīnaṃ tu caret sarvaṃ nipātane

Sanskrit only: no published translation is held for this verse.

दहानात् तु विपद्यते अनड्वान् योक्त्रयन्त्रितः । उक्तं पराशरेणैव ह्य् एकपादं यथाविधि (इइ,१, प्। २७३)

dahānāt tu vipadyate anaḍvān yoktrayantritaḥ / uktaṃ parāśareṇaiva hy ekapādaṃ yathāvidhi (II,1, p. 273)

Sanskrit only: no published translation is held for this verse.

रोधनं बन्धनं चैव भारः प्रहरणं तथा । दुर्गप्रेरणयोक्त्रं च निमित्तानि वधस्य षट्

rodhanaṃ bandhanaṃ caiva bhāraḥ praharaṇaṃ tathā / durgapreraṇayoktraṃ ca nimittāni vadhasya ṣaṭ

Sanskrit only: no published translation is held for this verse.

बन्धपाशसुगुप्ताङ्गो म्रियते यदि गोपशुः । भवने तस्य पापी स्यात् प्रायश्चित्तार्धम् अर्हति (इइ,१, प्। २७४)

bandhapāśasuguptāṅgo mriyate yadi gopaśuḥ / bhavane tasya pāpī syāt prāyaścittārdham arhati (II,1, p. 274)

Sanskrit only: no published translation is held for this verse.

॥

//

Sanskrit only: no published translation is held for this verse.

कुशैः काशैश् च बध्नीयाद् गोपशुं दक्षिणामुखम् । पाशलग्नाग्निदग्धासु प्रायश्चित्तं न विद्यते (इइ,१, प्। २७६)

kuśaiḥ kāśaiś ca badhnīyād gopaśuṃ dakṣiṇāmukham / pāśalagnāgnidagdhāsu prāyaścittaṃ na vidyate (II,1, p. 276)

Sanskrit only: no published translation is held for this verse.

यदि तत्र भवेत् काष्ठं प्रायश्चित्तं कथं भवेत् । जपित्वा पावनीं देवीं मुच्यते तत्र किल्बिषात्

yadi tatra bhavet kāṣṭhaṃ prāyaścittaṃ kathaṃ bhavet / japitvā pāvanīṃ devīṃ mucyate tatra kilbiṣāt

Sanskrit only: no published translation is held for this verse.

प्रेरयन् कूपवापीषु वृक्षच्छेदेषु पातयन् । गवाशनेषु विक्रीणंस् ततः प्राप्नोति गोवधम् (इइ,१, प्। २७७)

prerayan kūpavāpīṣu vṛkṣacchedeṣu pātayan / gavāśaneṣu vikrīṇaṃs tataḥ prāpnoti govadham (II,1, p. 277)

Sanskrit only: no published translation is held for this verse.

आराधितस् तु यः कश्चिद् भिन्नकक्षो यदा भवेत् । श्रवणं हृदयं भिन्नं मग्नो वा कूपसंकटे

ārādhitas tu yaḥ kaścid bhinnakakṣo yadā bhavet / śravaṇaṃ hṛdayaṃ bhinnaṃ magno vā kūpasaṃkaṭe

Sanskrit only: no published translation is held for this verse.

कूपाद् उत्क्रमणे चैव भग्नो वा ग्रीवपादयोः । स एव म्रियते तत्र त्रीन् पादांस् तु समाचरेत्

kūpād utkramaṇe caiva bhagno vā grīvapādayoḥ / sa eva mriyate tatra trīn pādāṃs tu samācaret

Sanskrit only: no published translation is held for this verse.

कूपखाटे तटाबन्धे नदीबन्धे प्रपासु च । पानीयेषु विपन्नानां प्रायश्चित्तं न विद्यते

kūpakhāṭe taṭābandhe nadībandhe prapāsu ca / pānīyeṣu vipannānāṃ prāyaścittaṃ na vidyate

Sanskrit only: no published translation is held for this verse.

कूपखाते तटाखाते दीर्घखाते तथैव च । अन्येषु धर्मखातेषु प्रायश्चित्तं न विद्यते (इइ,१, प्। २७९)

kūpakhāte taṭākhāte dīrghakhāte tathaiva ca / anyeṣu dharmakhāteṣu prāyaścittaṃ na vidyate (II,1, p. 279)

Sanskrit only: no published translation is held for this verse.

वेश्मद्वारे निवासेषु यो नरः खातम् इच्छति । स्वकार्यगृहखतेषु प्रायश्चित्तं विनिर्दिशेत्

veśmadvāre nivāseṣu yo naraḥ khātam icchati / svakāryagṛhakhateṣu prāyaścittaṃ vinirdiśet

Sanskrit only: no published translation is held for this verse.

निशि बन्धनिरुद्धेषु सर्पव्याघ्रहतेषु च । अग्निविद्युद्विपन्नानां प्रायश्चित्तं न विद्यते (इइ,१, प्। २८०)

niśi bandhaniruddheṣu sarpavyāghrahateṣu ca / agnividyudvipannānāṃ prāyaścittaṃ na vidyate (II,1, p. 280)

Sanskrit only: no published translation is held for this verse.

ग्रामघाते शरौघेण वेश्मभङ्गान् निपातने । अतिवृष्टिहतानां च प्रायश्चित्तं न विद्यते (इइ,१, प्। २८१)

grāmaghāte śaraugheṇa veśmabhaṅgān nipātane / ativṛṣṭihatānāṃ ca prāyaścittaṃ na vidyate (II,1, p. 281)

Sanskrit only: no published translation is held for this verse.

संग्रामे प्रहतानां च ये दग्धा वेश्मकेषु च । दावाग्निग्रामघातेषु प्रायश्चित्तं न विद्याते (इइ,१, प्। २८२)

saṃgrāme prahatānāṃ ca ye dagdhā veśmakeṣu ca / dāvāgnigrāmaghāteṣu prāyaścittaṃ na vidyāte (II,1, p. 282)

Sanskrit only: no published translation is held for this verse.

यन्त्रिता गौश् चिकित्सार्थं मूढगर्भविमोचने । यत्ने कृते विपद्येत प्रायश्चित्तं न विद्यते

yantritā gauś cikitsārthaṃ mūḍhagarbhavimocane / yatne kṛte vipadyeta prāyaścittaṃ na vidyate

Sanskrit only: no published translation is held for this verse.

व्यापन्नानां बहूनां च बन्धने रोधने ऽपि वा । भिषङ्मिथ्योपचारे च प्रायश्चित्तं विनिर्दिशेत् (इइ,१, प्। २८४)

vyāpannānāṃ bahūnāṃ ca bandhane rodhane 'pi vā / bhiṣaṅmithyopacāre ca prāyaścittaṃ vinirdiśet (II,1, p. 284)

Sanskrit only: no published translation is held for this verse.

गोवृषाणां विपत्तौ च यावन्तः प्रेक्षका जनाः । अनिवारयतां तेषां सर्वेषां पातकं भवेत् (इइ,१, प्। २८५)

govṛṣāṇāṃ vipattau ca yāvantaḥ prekṣakā janāḥ / anivārayatāṃ teṣāṃ sarveṣāṃ pātakaṃ bhavet (II,1, p. 285)

Sanskrit only: no published translation is held for this verse.

एको हतो यैर् बहुभिः समेतैर् न ज्ञायते यस्य हतो ऽभिघातात् । दिव्येन तेषाम् उपलभ्य हन्ता निवर्तनीयो नृपसंनियुक्तैः (इइ,१, प्। २८६)

eko hato yair bahubhiḥ sametair na jñāyate yasya hato 'bhighātāt / divyena teṣām upalabhya hantā nivartanīyo nṛpasaṃniyuktaiḥ (II,1, p. 286)

Sanskrit only: no published translation is held for this verse.

॥ एका चेद् बहुभिः काचिद् दैवाद् व्यापादिता यदि । पादं पादं तु हत्यायाश् चरेयुस् ते पृथक् पृथक्

// ekā ced bahubhiḥ kācid daivād vyāpāditā yadi / pādaṃ pādaṃ tu hatyāyāś careyus te pṛthak pṛthak

Sanskrit only: no published translation is held for this verse.

हते तु रुधिरं दृश्यं व्याधिग्रस्तः कृशो भवेत् । लाला भवति दष्टेषु एवम् अन्वेषणं भवेत्

hate tu rudhiraṃ dṛśyaṃ vyādhigrastaḥ kṛśo bhavet / lālā bhavati daṣṭeṣu evam anveṣaṇaṃ bhavet

Sanskrit only: no published translation is held for this verse.

ग्रासार्थं चोदितो वापि अध्वानं नैव गच्छति । मनुना चैवम् एकेन सर्वशास्त्राणि जानता (इइ,१, प्। २८८)

grāsārthaṃ codito vāpi adhvānaṃ naiva gacchati / manunā caivam ekena sarvaśāstrāṇi jānatā (II,1, p. 288)

Sanskrit only: no published translation is held for this verse.

प्रायश्चित्तं तु तेनोक्तं गोघ्नश् चान्द्रायणं चरेत् । केशानां रक्षणार्थाय द्विगुणं व्रतम् आचरेत् (इइ,१, प्। २९०)

prāyaścittaṃ tu tenoktaṃ goghnaś cāndrāyaṇaṃ caret / keśānāṃ rakṣaṇārthāya dviguṇaṃ vratam ācaret (II,1, p. 290)

Sanskrit only: no published translation is held for this verse.

द्विगुणे व्रत आदिष्टे द्विगुणा दक्षिणा भवेत् । राजा वा राजपुत्रो वा ब्राह्मणो वा बहुश्रुतः

dviguṇe vrata ādiṣṭe dviguṇā dakṣiṇā bhavet / rājā vā rājaputro vā brāhmaṇo vā bahuśrutaḥ

Sanskrit only: no published translation is held for this verse.

अकृत्वा वपनं तस्य प्रायश्चित्तं विनिर्दिशेत् । सर्वान् केशान् समुद्धृत्य च्छेदयेद् अङ्गुलद्वयम् (इइ,१, प्। २९१)

akṛtvā vapanaṃ tasya prāyaścittaṃ vinirdiśet / sarvān keśān samuddhṛtya cchedayed aṅguladvayam (II,1, p. 291)

Sanskrit only: no published translation is held for this verse.

एवं नारीकुमारीणां शिरसो मुण्डनं स्मृतम् । न स्त्रियाः केशवपनं न दूरे शयनाशनम् (इइ,१, प्। २९२)

evaṃ nārīkumārīṇāṃ śiraso muṇḍanaṃ smṛtam / na striyāḥ keśavapanaṃ na dūre śayanāśanam (II,1, p. 292)

Sanskrit only: no published translation is held for this verse.

न च गोष्ठे वसेद् रात्रौ न दिवा गा अनुव्रजेत् । नदीषु संगमे चैव अरण्येषु विशेषतः

na ca goṣṭhe vased rātrau na divā gā anuvrajet / nadīṣu saṃgame caiva araṇyeṣu viśeṣataḥ

Sanskrit only: no published translation is held for this verse.

न स्त्रीणाम् अजिनं वासो व्रतम् एव समाचरेत् । त्रिसंध्यं स्नानम् इत्य् उक्तं सुराणाम् अर्चनं तथा (इइ,१, प्। २९३)

na strīṇām ajinaṃ vāso vratam eva samācaret / trisaṃdhyaṃ snānam ity uktaṃ surāṇām arcanaṃ tathā (II,1, p. 293)

Sanskrit only: no published translation is held for this verse.

बन्धुमध्ये व्रतं तासां कृच्छ्रचान्द्रायणादिकम् । गृहेषु सततं तिष्ठेच् छुचिर् नियमम् आचरेत्

bandhumadhye vrataṃ tāsāṃ kṛcchracāndrāyaṇādikam / gṛheṣu satataṃ tiṣṭhec chucir niyamam ācaret

Sanskrit only: no published translation is held for this verse.

इह यो गोवधं कृत्वा प्रच्छादयितुम् इच्छति । स याति नरकं घोरं कालसूत्रम् असंशयम् (इइ,१, प्। २९४)

iha yo govadhaṃ kṛtvā pracchādayitum icchati / sa yāti narakaṃ ghoraṃ kālasūtram asaṃśayam (II,1, p. 294)

Sanskrit only: no published translation is held for this verse.

विमुक्तो नरकात् तस्मान् मर्त्यलोके प्रजायते । क्लीबो दुःखी च कुष्ठी च सप्त जन्मानि वै नरः

vimukto narakāt tasmān martyaloke prajāyate / klībo duḥkhī ca kuṣṭhī ca sapta janmāni vai naraḥ

Sanskrit only: no published translation is held for this verse.

तस्मात् प्रकाशयेत् पापं स्वधर्मं सततं चरेत् । स्त्रीबालभृत्यगोविप्रेष्व् अतिकोपं विवर्जयेत्

tasmāt prakāśayet pāpaṃ svadharmaṃ satataṃ caret / strībālabhṛtyagovipreṣv atikopaṃ vivarjayet

Sanskrit only: no published translation is held for this verse.