Pāraskara Gṛhya-sūtra 2.4

अत्र समिदाधानम्

atra samidādhānam

Sanskrit only: no published translation is held for this verse.

पाणिनाऽग्निं परिसमूहति अग्ने सुश्रवः सुश्रवसं मा कुरु यथा त्वमग्ने सुश्रवः सुश्रवा अस्येवं मां सुश्रवः सौश्रवसं कुरु यथा त्वमग्ने देवानां यज्ञस्य निधिपा अस्येवमहं मनुष्याणां वेदस्य निधिपो भूयासमिति

pāṇinā'gniṃ parisamūhati agne suśravaḥ suśravasaṃ mā kuru yathā tvamagne suśravaḥ suśravā asyevaṃ māṃ suśravaḥ sauśravasaṃ kuru yathā tvamagne devānāṃ yajñasya nidhipā asyevamahaṃ manuṣyāṇāṃ vedasya nidhipo bhūyāsamiti

Sanskrit only: no published translation is held for this verse.

प्रदक्षिणमग्निं पर्युक्ष्योत्तिष्ठन्त्समिधमादधाति अग्नये समिधमहार्ष बृहते जातवेदसे । यथा त्वमग्ने समिधा समिध्यस एवमहमायुषा मेधया वर्च्चसा प्रजया पशुभिर्ब्रह्मवर्चसेन समिन्धे जीवपुत्रो ममाचार्यो मेधाव्यहमसान्यनिराकारिष्णुर्यशस्वी तेजस्वी ब्रह्मवर्चस्यन्नादो भूयासं स्वाहेति

pradakṣiṇamagniṃ paryukṣyottiṣṭhantsamidhamādadhāti agnaye samidhamahārṣa bṛhate jātavedase | yathā tvamagne samidhā samidhyasa evamahamāyuṣā medhayā varccasā prajayā paśubhirbrahmavarcasena samindhe jīvaputro mamācāryo medhāvyahamasānyanirākāriṣṇuryaśasvī tejasvī brahmavarcasyannādo bhūyāsaṃ svāheti

Sanskrit only: no published translation is held for this verse.

एवं द्वितीयां तथा तृतीयाम्

evaṃ dvitīyāṃ tathā tṛtīyām

Sanskrit only: no published translation is held for this verse.

एषात इति वा समुच्चयो वा

eṣāta iti vā samuccayo vā

Sanskrit only: no published translation is held for this verse.

पूर्ववत्परिसमूहनपर्युक्षणे

pūrvavatparisamūhanaparyukṣaṇe

Sanskrit only: no published translation is held for this verse.

पाणी प्रतप्य मुख विमृष्टे तनूपा अग्नेऽसि तन्वं मे पाह्यायुर्दा अग्नेऽस्यायुर्मे देहि व्वर्चोदा अग्नेऽसि व्वर्चो मे देहि । अग्ने यन्मे तन्वा ऊनं तन्म आपृण

pāṇī pratapya mukha vimṛṣṭe tanūpā agne'si tanvaṃ me pāhyāyurdā agne'syāyurme dehi vvarcodā agne'si vvarco me dehi | agne yanme tanvā ūnaṃ tanma āpṛṇa

Sanskrit only: no published translation is held for this verse.

मेधां मे देवः सविता आदधातु मेधां मे देवी सरस्वती आदधातु मेधामश्विनौ देवावाधत्तां पुष्करस्रजाविति

medhāṃ me devaḥ savitā ādadhātu medhāṃ me devī sarasvatī ādadhātu medhāmaśvinau devāvādhattāṃ puṣkarasrajāviti

Sanskrit only: no published translation is held for this verse.