उद्यन्भ्राजभृष्णुरिन्द्रो मरुद्भिरस्थात्प्रातर्यावभिरस्थाद्दशसनिरसि दशसनिं मा कुर्वाविदन्मागमय । उद्यन्भ्राजभृष्णुरिन्द्रो मरुद्भिरस्थाद्दिवा यावभिरस्थाच्छतसनिरसि शतसनिं मा कुर्वाविदन्मागमय । उद्यन्भ्राजभृष्णुरिन्द्रो मरुद्भिरस्थात्सायंयावभिरस्थात्सहस्रसनिरसि सहस्रसनिं मा कुर्वाविदन्मागमयेति

udyanbhrājabhṛṣṇurindro marudbhirasthātprātaryāvabhirasthāddaśasanirasi daśasaniṃ mā kurvāvidanmāgamaya | udyanbhrājabhṛṣṇurindro marudbhirasthāddivā yāvabhirasthācchatasanirasi śatasaniṃ mā kurvāvidanmāgamaya | udyanbhrājabhṛṣṇurindro marudbhirasthātsāyaṃyāvabhirasthātsahasrasanirasi sahasrasaniṃ mā kurvāvidanmāgamayeti

Sanskrit only: no published translation is held for this verse.

ParGS 2.6.17

दधितिलान्वा प्राश्य जटालोमनखानि संहृत्यौदुम्बरेण दन्तान्धावेत । अन्नाद्याय व्यूहध्वं सोमो राजाऽयमागमत् । स मे मुखं प्रमार्क्ष्यते यशसा च भगेन चेति

dadhitilānvā prāśya jaṭālomanakhāni saṃhṛtyaudumbareṇa dantāndhāveta | annādyāya vyūhadhvaṃ somo rājā'yamāgamat | sa me mukhaṃ pramārkṣyate yaśasā ca bhagena ceti

Sanskrit only: no published translation is held for this verse.

ParGS 2.6.18

उत्साद्य पुनः स्नात्वाऽनुलेपनं नासिकयोर्मुखस्य चोपगृह्णीते प्राणापानौ मे तर्पय चक्षुर्मे तर्पय श्रोत्रं मे तर्पयेति

utsādya punaḥ snātvā'nulepanaṃ nāsikayormukhasya copagṛhṇīte prāṇāpānau me tarpaya cakṣurme tarpaya śrotraṃ me tarpayeti

Sanskrit only: no published translation is held for this verse.

ParGS 2.6.19

पितरः शुन्धध्वमिति पाण्योरवनेजन दक्षिणानिषिच्यानुलिप्य जपेत् । सुचक्षा अहमक्षीभ्यां भूयासं सुवर्चा मुखेन । सुश्रुत्कर्णाभ्यां भूयासमिति

pitaraḥ śundhadhvamiti pāṇyoravanejana dakṣiṇāniṣicyānulipya japet | sucakṣā ahamakṣībhyāṃ bhūyāsaṃ suvarcā mukhena | suśrutkarṇābhyāṃ bhūyāsamiti

Sanskrit only: no published translation is held for this verse.

ParGS 2.6.20

अहतं वासो धौतं वाऽमौत्रेणाच्छादयीत । परिधास्यै यशोधास्यै दीर्घायुत्वाय जरदष्टिरस्मि । शतं च जीवामि शरदः पुरूचीरायस्पोषमभिसंव्ययिष्य इति

ahataṃ vāso dhautaṃ vā'mautreṇācchādayīta | paridhāsyai yaśodhāsyai dīrghāyutvāya jaradaṣṭirasmi | śataṃ ca jīvāmi śaradaḥ purūcīrāyaspoṣamabhisaṃvyayiṣya iti

Sanskrit only: no published translation is held for this verse.

ParGS 2.6.21

अथोत्तरीयम् । यशसा मा द्यावापृथिवी यशसेन्द्राबृहस्पती । यशो भगश्च माविन्दद्यशो मा प्रतिपद्यतामिति

athottarīyam | yaśasā mā dyāvāpṛthivī yaśasendrābṛhaspatī | yaśo bhagaśca māvindadyaśo mā pratipadyatāmiti

Sanskrit only: no published translation is held for this verse.

ParGS 2.6.22

एकञ्चेत्पूर्वस्योत्तरवर्गेण प्रच्छादयीत

ekañcetpūrvasyottaravargeṇa pracchādayīta

Sanskrit only: no published translation is held for this verse.

ParGS 2.6.23

सुमनसः प्रतिगृह्णाति । या आहरज्जमदग्निः श्रद्धायै मेधायै कामायेन्द्रियाय । ता अहं प्रतिगृह्णामि यशसा च भगेन चेति

sumanasaḥ pratigṛhṇāti | yā āharajjamadagniḥ śraddhāyai medhāyai kāmāyendriyāya | tā ahaṃ pratigṛhṇāmi yaśasā ca bhagena ceti

Sanskrit only: no published translation is held for this verse.

ParGS 2.6.24

अथावबध्नीते यद्यशोऽप्सरसामिन्द्रश्चकार विपुलं पृथु । तेन सङ्ग्रथिताः सुमनस आबध्नामि यशोमयीति

athāvabadhnīte yadyaśo'psarasāmindraścakāra vipulaṃ pṛthu | tena saṅgrathitāḥ sumanasa ābadhnāmi yaśomayīti

Sanskrit only: no published translation is held for this verse.

ParGS 2.6.25

उष्णीषेण शिरो वेष्टयते युवा सुवासा इति

uṣṇīṣeṇa śiro veṣṭayate yuvā suvāsā iti

Sanskrit only: no published translation is held for this verse.

ParGS 2.6.26

अलङ्करणमसि भूयोऽलङ्करणं भूयादिति कर्णवेष्टकौ

alaṅkaraṇamasi bhūyo'laṅkaraṇaṃ bhūyāditi karṇaveṣṭakau

Sanskrit only: no published translation is held for this verse.

ParGS 2.6.27

वृत्रस्येत्यङ्क्ते ऽक्षिणी

vṛtrasyetyaṅkte 'kṣiṇī

Sanskrit only: no published translation is held for this verse.

ParGS 2.6.28

रोचिष्णुरसीत्यात्मानमादर्शे प्रेक्षते

rociṣṇurasītyātmānamādarśe prekṣate

Sanskrit only: no published translation is held for this verse.

ParGS 2.6.29

छत्रं प्रतिगृह्णाति । बृहस्पतेश्छदिरसि पाप्मनो मा मन्तर्धेहि तेजसो यशसो माऽन्तर्धेहीति

chatraṃ pratigṛhṇāti | bṛhaspateśchadirasi pāpmano mā mantardhehi tejaso yaśaso mā'ntardhehīti

Sanskrit only: no published translation is held for this verse.

ParGS 2.6.30

प्रतिष्ठेस्थो विश्वतो मा पातमित्युपानहौ प्रतिमुञ्चते

pratiṣṭhestho viśvato mā pātamityupānahau pratimuñcate

Sanskrit only: no published translation is held for this verse.

ParGS 2.6.31

विश्वाभ्यो मा नाष्ट्राभ्यस्परिपाहि सर्वत इति वैणवं दण्डमादत्ते

viśvābhyo mā nāṣṭrābhyasparipāhi sarvata iti vaiṇavaṃ daṇḍamādatte

Sanskrit only: no published translation is held for this verse.

ParGS 2.6.32

दन्तप्रक्षालनादीनि नित्यमपि वासश्छत्रोपानहश्चापूर्वाणि चेन्मन्त्रः

dantaprakṣālanādīni nityamapi vāsaśchatropānahaścāpūrvāṇi cenmantraḥ

Sanskrit only: no published translation is held for this verse.