इत्येव न्याय्यम्, शास्त्रे तत्रोपलम्भादन्यत्रानुपलम्भाच्च। अनवयवो हि काकादिरेकजातीयसम्बन्धेन गृहवृक्षादिषूपलभ्यते। नैवमयम्। एवं हि बहुव्रीहिरपि न्यायत एवोपपन्नः, अन्त्यादि शब्दे लक्षणा च न॥ किञ्च अनवयवत्वे णशकप्रत्यादौ णादेरित्वानापत्तिः, प्रत्ययादित्वाभावात्, दध्नचश्चकारस्य वैय्यर्थ्यापत्तिश्च। इदञ्च ऽतस्यलोपःऽ इत्यत्र भाष्ये स्पष्टम्। तत्र ह्युक्तम्,"एकान्ताः अनुबन्धाः"इत्येव न्याय्यमिति दिक्॥ नन्वेकान्तत्वे ऽनेकाल्त्वादेव औशादीनां सर्वादेशत्व सिद्ध्या ऽअनेकाल्ऽ सूत्रे शिद्ग्रहणं व्यर्थमत आह - नानुबन्धकृतमनेकाल्त्वम्
ityeva nyāyyam, śāstre tatropalambhādanyatrānupalambhācca/ anavayavo hi kākādirekajātīyasambandhena gṛhavṛkṣādiṣūpalabhyate/ naivamayam/ evaṃ hi bahuvrīhirapi nyāyata evopapannaḥ, antyādi śabde lakṣaṇā ca na// kiñca anavayavatve ṇaśakapratyādau ṇāderitvānāpattiḥ, pratyayāditvābhāvāt, dadhnacaścakārasya vaiyyarthyāpattiśca/ idañca 'tasyalopaḥ' ityatra bhāṣye spaṣṭam/ tatra hyuktam,"ekāntāḥ anubandhāḥ"ityeva nyāyyamiti dik// nanvekāntatve 'nekāltvādeva auśādīnāṃ sarvādeśatva siddhyā 'anekāl' sūtre śidgrahaṇaṃ vyarthamata āha - nānubandhakṛtamanekāltvam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.