Parasurama-Kalpasutra 1

अथातो दीक्षां व्याख्यास्यामः

athāto dīkṣāṃ vyākhyāsyāmaḥ

Sanskrit only: no published translation is held for this verse.

भगवान् परमशिवभट्टारकः श्रुत्याद्यष्टादशविद्याः सर्वाणि दर्शनानि लीलया तत्तदवस्थापन्नः प्रणीय, संविन्मय्या भगवत्या भैरव्या स्वात्माभिन्नया पृष्टः पञ्चभिः मुखैः पञ्चाम्नायान् परमार्थसारभूतान् प्रणिनाय

bhagavān paramaśivabhaṭṭārakaḥ śrutyādyaṣṭādaśavidyāḥ sarvāṇi darśanāni līlayā tattadavasthāpannaḥ praṇīya, saṃvinmayyā bhagavatyā bhairavyā svātmābhinnayā pṛṣṭaḥ pañcabhiḥ mukhaiḥ pañcāmnāyān paramārthasārabhūtān praṇināya

Sanskrit only: no published translation is held for this verse.

तत्रायं सिद्धान्तः

tatrāyaṃ siddhāntaḥ

Sanskrit only: no published translation is held for this verse.

षट्त्रिंशत्तत्त्वानि विश्वम्

ṣaṭtriṃśattattvāni viśvam

Sanskrit only: no published translation is held for this verse.

शरीरकञ्चुकितः शिवो जीवो निष्कञ्चुकः परशिवः

śarīrakañcukitaḥ śivo jīvo niṣkañcukaḥ paraśivaḥ

Sanskrit only: no published translation is held for this verse.

स्वविमर्शः पुरुसार्थः

svavimarśaḥ purusārthaḥ

Sanskrit only: no published translation is held for this verse.

वर्णात्मका नित्याः शब्दाः

varṇātmakā nityāḥ śabdāḥ

Sanskrit only: no published translation is held for this verse.

मन्त्राणाम् अचिन्त्यशक्तिता

mantrāṇām acintyaśaktitā

Sanskrit only: no published translation is held for this verse.

संप्रदायविश्वासाभ्यां सर्वसिद्धिः

saṃpradāyaviśvāsābhyāṃ sarvasiddhiḥ

Sanskrit only: no published translation is held for this verse.

विश्वासभूयिष्ठं प्रामाण्यम्

viśvāsabhūyiṣṭhaṃ prāmāṇyam

Sanskrit only: no published translation is held for this verse.

गुरुमन्त्रदेवतात्ममनःपवनानाम् ऐक्यनिष्फालनाद् अन्तरात्मवित्तिः

gurumantradevatātmamanaḥpavanānām aikyaniṣphālanād antarātmavittiḥ

Sanskrit only: no published translation is held for this verse.

आनन्दं ब्रह्मणो रूपं, तच् च देहे व्यवस्थितं, तस्याभिव्यञ्जकाः पञ्च मकाराः, तैर् अर्चनं गुप्त्या, प्राकट्यान् निरयः

ānandaṃ brahmaṇo rūpaṃ, tac ca dehe vyavasthitaṃ, tasyābhivyañjakāḥ pañca makārāḥ, tair arcanaṃ guptyā, prākaṭyān nirayaḥ

Sanskrit only: no published translation is held for this verse.

भावनादार्ढ्याद् आज्ञासिद्धिः

bhāvanādārḍhyād ājñāsiddhiḥ

Sanskrit only: no published translation is held for this verse.

सर्वदर्शनानिन्दा

sarvadarśanānindā

Sanskrit only: no published translation is held for this verse.

अगणनं कस्यापि

agaṇanaṃ kasyāpi

Sanskrit only: no published translation is held for this verse.

सच्छिष्ये रहस्यकथनम्

sacchiṣye rahasyakathanam

Sanskrit only: no published translation is held for this verse.

सदा विद्यानुसंहतिः

sadā vidyānusaṃhatiḥ

Sanskrit only: no published translation is held for this verse.

सततं शिवतासमावेशः

satataṃ śivatāsamāveśaḥ

Sanskrit only: no published translation is held for this verse.

कामक्रोधलोभमोहमदमात्सर्याविहितहिंसास्तेयलोकविद्विष्टवर्जनम्

kāmakrodhalobhamohamadamātsaryāvihitahiṃsāsteyalokavidviṣṭavarjanam

Sanskrit only: no published translation is held for this verse.

एकगुरूपास्तिर् असंशयः

ekagurūpāstir asaṃśayaḥ

Sanskrit only: no published translation is held for this verse.

सर्वत्र निष्परिग्रहता

sarvatra niṣparigrahatā

Sanskrit only: no published translation is held for this verse.

फलं त्यक्त्वा कर्मकरणम्

phalaṃ tyaktvā karmakaraṇam

Sanskrit only: no published translation is held for this verse.

अनित्यकर्मलोपः

anityakarmalopaḥ

Sanskrit only: no published translation is held for this verse.

मपञ्चकालाभे ऽपि नित्यक्रमप्रत्यवमृष्टिः

mapañcakālābhe 'pi nityakramapratyavamṛṣṭiḥ

Sanskrit only: no published translation is held for this verse.

निर्भयता सर्वत्र

nirbhayatā sarvatra

Sanskrit only: no published translation is held for this verse.

सर्वं वेद्यं हव्यम् इन्द्रियाणि स्रुचः शक्तयो ज्वालाः स्वात्मा शिवः पावकः स्वयम् एव होता

sarvaṃ vedyaṃ havyam indriyāṇi srucaḥ śaktayo jvālāḥ svātmā śivaḥ pāvakaḥ svayam eva hotā

Sanskrit only: no published translation is held for this verse.

निर्विषयचिद्विमृष्टिः फलम्

nirviṣayacidvimṛṣṭiḥ phalam

Sanskrit only: no published translation is held for this verse.

आत्मलाभान् न परं विद्यते

ātmalābhān na paraṃ vidyate

Sanskrit only: no published translation is held for this verse.

सैषा शास्त्रशैली

saiṣā śāstraśailī

Sanskrit only: no published translation is held for this verse.

वेश्या इव प्रकटा वेदादिविद्याः । सर्वेषु दर्शनेषु गुप्तेयं विद्या

veśyā iva prakaṭā vedādividyāḥ | sarveṣu darśaneṣu gupteyaṃ vidyā

Sanskrit only: no published translation is held for this verse.

तत्र सर्वथा मतिमान् दीक्षेत

tatra sarvathā matimān dīkṣeta

Sanskrit only: no published translation is held for this verse.

दीक्षास् तिस्रः शाक्ती शाम्भवी मान्त्री चेति । तत्र शाक्ती शक्तिप्रवेशनात् शाम्भवी चरणविन्यासात् मान्त्री मन्त्रोपदिष्टया सर्वाश् च कुर्यात्

dīkṣās tisraḥ śāktī śāmbhavī māntrī ceti | tatra śāktī śaktipraveśanāt śāmbhavī caraṇavinyāsāt māntrī mantropadiṣṭayā sarvāś ca kuryāt

Sanskrit only: no published translation is held for this verse.

एकैकां वेत्य् एके

ekaikāṃ vety eke

Sanskrit only: no published translation is held for this verse.

सद्गुरुः क्रमं प्रवर्त्य साङ्गं हुत्वा तरुणोल्लासवान् शिष्यम् आहूय वाससा मुखं बद्ध्वा गणपतिललिताश्यामावार्तालीपरापात्रबिन्दुभिस् तम् अवोक्ष्य सिद्धान्तं श्रावयित्वा

sadguruḥ kramaṃ pravartya sāṅgaṃ hutvā taruṇollāsavān śiṣyam āhūya vāsasā mukhaṃ baddhvā gaṇapatilalitāśyāmāvārtālīparāpātrabindubhis tam avokṣya siddhāntaṃ śrāvayitvā

Sanskrit only: no published translation is held for this verse.

तच्छिरसि रक्तशुक्लचरणं भावयित्वा तदमृतक्षालितं सर्वशरीरम् अलङ्कुर्यात्

tacchirasi raktaśuklacaraṇaṃ bhāvayitvā tadamṛtakṣālitaṃ sarvaśarīram alaṅkuryāt

Sanskrit only: no published translation is held for this verse.

तस्यामूलम् आब्रह्मबिलं प्रज्वलन्तीं प्रकाशलहरीं ज्वलदनलनिभां ध्यात्वा तद्रश्मिभिस् तस्य पापपाशान् दग्ध्वा

tasyāmūlam ābrahmabilaṃ prajvalantīṃ prakāśalaharīṃ jvaladanalanibhāṃ dhyātvā tadraśmibhis tasya pāpapāśān dagdhvā

Sanskrit only: no published translation is held for this verse.

त्रिकटुत्रिफलाचतुर्जाततक्कोलमदयन्तीसहदेवीदूर्वाभस्ममृत्तिकाचन्दनकुङ्कुमरोचनाकर्पूरवासितजलपूर्णं वस्त्रयुगवेष्टितं नूतनकलशं बालाषडङ्गेनाभ्यर्च्य श्रीश्यामावार्तालीचक्राणि निक्षिप्य तिसृणाम् आवरणमन्त्रैर् अभ्यर्च्य संरक्ष्यास्त्रेण प्रदर्श्य धेनुयोनी

trikaṭutriphalācaturjātatakkolamadayantīsahadevīdūrvābhasmamṛttikācandanakuṅkumarocanākarpūravāsitajalapūrṇaṃ vastrayugaveṣṭitaṃ nūtanakalaśaṃ bālāṣaḍaṅgenābhyarcya śrīśyāmāvārtālīcakrāṇi nikṣipya tisṛṇām āvaraṇamantrair abhyarcya saṃrakṣyāstreṇa pradarśya dhenuyonī

Sanskrit only: no published translation is held for this verse.

शिवयुक्सौवर्णकर्णिके स्वरद्वन्द्वजुष्टकिञ्जल्काष्टके क च ट त प य श लाक्षरवर्गाष्टयुक्ताष्टदले दिगष्टकस्थित ठं वं चतुरश्रे मातृकायन्त्रे शिष्यं निवेश्य तेन कुम्भाम्भसा तिसृभिः विद्याभिः स्नपयेत्

śivayuksauvarṇakarṇike svaradvandvajuṣṭakiñjalkāṣṭake ka ca ṭa ta pa ya śa lākṣaravargāṣṭayuktāṣṭadale digaṣṭakasthita ṭhaṃ vaṃ caturaśre mātṛkāyantre śiṣyaṃ niveśya tena kumbhāmbhasā tisṛbhiḥ vidyābhiḥ snapayet

Sanskrit only: no published translation is held for this verse.

सदुकूलं सालेपं साभरणं समालं सुप्रसन्नं शिष्यं पार्श्वे निवेश्य मातृकां तदङ्गे विन्यस्य विमुक्तमुखकर्पटस्य तस्य हस्ते त्रीन् प्रथमसिक्तान् चन्दनोक्षितान् द्वितीयखण्डान् पुष्पखण्डान् निक्षिप्य तत्त्वमन्त्रैर् ग्रासयित्वा दक्षिणकर्णे बालम् उपदिश्य पश्चाद् इष्टमनुं वदेत्

sadukūlaṃ sālepaṃ sābharaṇaṃ samālaṃ suprasannaṃ śiṣyaṃ pārśve niveśya mātṛkāṃ tadaṅge vinyasya vimuktamukhakarpaṭasya tasya haste trīn prathamasiktān candanokṣitān dvitīyakhaṇḍān puṣpakhaṇḍān nikṣipya tattvamantrair grāsayitvā dakṣiṇakarṇe bālam upadiśya paścād iṣṭamanuṃ vadet

Sanskrit only: no published translation is held for this verse.

ततस् तस्य शिरसि स्वचरणं निक्षिप्य सर्वान् मन्त्रान् सकृद् वा क्रमेण वा यथाधिकारम् उपदिश्य स्वाङ्गेषु किमप्य् अङ्गं शिष्यं स्पर्शयित्वा तदङ्गमातृकावर्णादि द्व्यक्षरं त्र्यक्षरं चतुरक्षरं वा आनन्दनाथशब्दान्तं तस्य नाम दिशेत्

tatas tasya śirasi svacaraṇaṃ nikṣipya sarvān mantrān sakṛd vā krameṇa vā yathādhikāram upadiśya svāṅgeṣu kimapy aṅgaṃ śiṣyaṃ sparśayitvā tadaṅgamātṛkāvarṇādi dvyakṣaraṃ tryakṣaraṃ caturakṣaraṃ vā ānandanāthaśabdāntaṃ tasya nāma diśet

Sanskrit only: no published translation is held for this verse.

बालोपदिष्टेः पूर्वम् आत्मनः पादुकां षट्तारयुक्तां दद्यात्

bālopadiṣṭeḥ pūrvam ātmanaḥ pādukāṃ ṣaṭtārayuktāṃ dadyāt

Sanskrit only: no published translation is held for this verse.

आचारान् अनुशिष्य, हार्दचैतन्यम् आमृश्य, विद्यात्रयेण तदङ्गं त्रिः परिमृज्य परिरभ्य मूर्धन्य् अवघ्राय स्वात्मरूपं कुर्यात्

ācārān anuśiṣya, hārdacaitanyam āmṛśya, vidyātrayeṇa tadaṅgaṃ triḥ parimṛjya parirabhya mūrdhany avaghrāya svātmarūpaṃ kuryāt

Sanskrit only: no published translation is held for this verse.

शिष्यो ऽपि पूर्णतां भावयित्वा कृतार्थस् तं गुरुं यथाशक्ति वित्तैर् उपचर्य विदितवेदितव्यो ऽशेषमन्त्राधिकारी भवेद् इति शिवम्

śiṣyo 'pi pūrṇatāṃ bhāvayitvā kṛtārthas taṃ guruṃ yathāśakti vittair upacarya viditaveditavyo 'śeṣamantrādhikārī bhaved iti śivam

Sanskrit only: no published translation is held for this verse.