Library·Parasurama-Kalpasutra·3
एवं गणपतिम् इष्ट्वा विधूतसमस्तविघ्नव्यतिकरः शक्तिचक्रैकनायिकायाः श्रीललितायाः क्रमम् आरभेत
evaṃ gaṇapatim iṣṭvā vidhūtasamastavighnavyatikaraḥ śakticakraikanāyikāyāḥ śrīlalitāyāḥ kramam ārabheta
Sanskrit only: no published translation is held for this verse.
ब्राह्मे मुहूर्ते ब्राह्मणो मुक्तस्वापः पापविलापाय परमशिवरूपं गुरुम् अभिमृश्य
brāhme muhūrte brāhmaṇo muktasvāpaḥ pāpavilāpāya paramaśivarūpaṃ gurum abhimṛśya
Sanskrit only: no published translation is held for this verse.
मूलादिविधिबिलपर्यन्तं तडित्कोटिकडारां तरुणदिवाकरपिञ्जरां ज्वलन्तीं मूलसंविदं ध्यात्वा तद्रश्मिनिहतकश्मलजालः कादिं हादिं वा मूलविद्यां मनसा दशवारम् आवर्त्य
mūlādividhibilaparyantaṃ taḍitkoṭikaḍārāṃ taruṇadivākarapiñjarāṃ jvalantīṃ mūlasaṃvidaṃ dhyātvā tadraśminihatakaśmalajālaḥ kādiṃ hādiṃ vā mūlavidyāṃ manasā daśavāram āvartya
Sanskrit only: no published translation is held for this verse.
स्नानकर्मणि प्राप्ते मूलेन दत्वा त्रिः सलिलाञ्जलीन् त्रिस् तदभिमन्त्रिताः पीत्वापस् त्रिस् सन्तर्प्य त्रिः प्रोक्ष्यात्मानं परिधाय वाससी ह्रां ह्रीं ह्रूं सः इत्य् उक्त्वा मार्ताण्डभैरवाय प्रकाशशक्तिसहिताय स्वाहेति त्रिस् सवित्रे दत्तार्घ्यः
snānakarmaṇi prāpte mūlena datvā triḥ salilāñjalīn tris tadabhimantritāḥ pītvāpas tris santarpya triḥ prokṣyātmānaṃ paridhāya vāsasī hrāṃ hrīṃ hrūṃ saḥ ity uktvā mārtāṇḍabhairavāya prakāśaśaktisahitāya svāheti tris savitre dattārghyaḥ
Sanskrit only: no published translation is held for this verse.
तन्मण्डलमध्ये नवयोनिचक्रम् अनुचिन्त्य वाचम् उच्चार्य त्रिपुरसुन्दरि विद्महे कामम् उच्चार्य पीठकामिनि धीमहि शक्तिम् उच्चार्य, तन् नः क्लिन्ना प्रचोदयाद् इति त्रिर् महेश्यै दत्तार्घ्यः शतम् अष्टोत्तरम् आमृश्य मनुं मौनम् आलम्ब्य
tanmaṇḍalamadhye navayonicakram anucintya vācam uccārya tripurasundari vidmahe kāmam uccārya pīṭhakāmini dhīmahi śaktim uccārya, tan naḥ klinnā pracodayād iti trir maheśyai dattārghyaḥ śatam aṣṭottaram āmṛśya manuṃ maunam ālambya
Sanskrit only: no published translation is held for this verse.
यागमन्दिरं गत्वा कॢप्ताकल्पस् सङ्कल्पाकल्पो वा पीठमनुना आसने समुपविष्टः
yāgamandiraṃ gatvā kḷptākalpas saṅkalpākalpo vā pīṭhamanunā āsane samupaviṣṭaḥ
Sanskrit only: no published translation is held for this verse.
त्रितारीम् उच्चार्य रक्तद्वादशशक्तियुक्ताय दीपनाथाय नम इति भूमौ मुञ्चेत् पुष्पाञ्जलिम्
tritārīm uccārya raktadvādaśaśaktiyuktāya dīpanāthāya nama iti bhūmau muñcet puṣpāñjalim
Sanskrit only: no published translation is held for this verse.
सर्वेषां मन्त्राणाम् आदौ त्रितारीसंयोगः । त्रितारी वाङ्मायाकमलाः
sarveṣāṃ mantrāṇām ādau tritārīsaṃyogaḥ | tritārī vāṅmāyākamalāḥ
Sanskrit only: no published translation is held for this verse.
पुरतः पञ्चशक्तिचतुःश्रीकण्ठमेलनरूपं भूसदनत्रयवलित्रयभूपपत्रदिक्पत्रभुवनारद्रुहिणारविधिकोणदिक्कोणत्रिकोणबिन्दुचक्रमयं महाचक्रराजं सिन्दूरकुङ्कुमलिखितं चामीकरकलधौतपञ्चलोहरत्नस्फटिकाद्युत्कीर्णं वा निवेश्य
purataḥ pañcaśakticatuḥśrīkaṇṭhamelanarūpaṃ bhūsadanatrayavalitrayabhūpapatradikpatrabhuvanāradruhiṇāravidhikoṇadikkoṇatrikoṇabinducakramayaṃ mahācakrarājaṃ sindūrakuṅkumalikhitaṃ cāmīkarakaladhautapañcaloharatnasphaṭikādyutkīrṇaṃ vā niveśya
Sanskrit only: no published translation is held for this verse.
तत्र महाचक्रे अमृताम्भोनिधये रत्नद्वीपाय नानावृक्षमहोद्यानाय कल्पवृक्षवाटिकायै सन्तानवाटिकायै हरिचन्दनवाटिकायै मन्दारवाटिकायै पारिजातवाटिकायै कदम्बवाटिकायै पुष्परागरत्नप्राकाराय पद्मरागरत्नप्राकाराय गोमेधरत्नप्राकाराय वज्ररत्नप्राकाराय वैडूर्यरत्नप्राकाराय इन्द्रनीलरत्नप्राकाराय मुक्तारत्नप्राकाराय मरकतरत्नप्राकाराय विद्रुमरत्नप्राकाराय माणिक्यमण्डपाय सहस्रस्तम्भमण्डपाय अमृतवापिकायै आनन्दवापिकायै विमर्शवापिकायै बालातपोद्गाराय चन्द्रिकोद्गाराय महाशृङ्गारपरिघायै महापद्माटव्यै चिन्तामणिगृहराजाय पूर्वाम्नायमयपूर्वद्वाराय दक्षिणाम्नायमयदक्षिणद्वाराय पश्चिमाम्नायमयपश्चिमद्वारायोत्तराम्नायमयोत्तरद्वाराय रत्नप्रदीपवलयाय मणिमयमहासिंहासनाय ब्रह्ममयैकमञ्चपादाय विष्णुमयैकमञ्चपादाय रुद्रमयैकमञ्चपादाय ईश्वरमयैकमञ्चपादाय सदाशिवमयैकमञ्चफलकाय हंसतूलतल्पाय हंसतूलमहोपधानाय कौसुम्भास्तरणाय महावितानकाय महाजवनिकायै नमः इति चतुश्चत्वारिंशन्मन्त्रैस् तत्तद् अखिलं भावयित्वा अर्चयित्वा
tatra mahācakre amṛtāmbhonidhaye ratnadvīpāya nānāvṛkṣamahodyānāya kalpavṛkṣavāṭikāyai santānavāṭikāyai haricandanavāṭikāyai mandāravāṭikāyai pārijātavāṭikāyai kadambavāṭikāyai puṣparāgaratnaprākārāya padmarāgaratnaprākārāya gomedharatnaprākārāya vajraratnaprākārāya vaiḍūryaratnaprākārāya indranīlaratnaprākārāya muktāratnaprākārāya marakataratnaprākārāya vidrumaratnaprākārāya māṇikyamaṇḍapāya sahasrastambhamaṇḍapāya amṛtavāpikāyai ānandavāpikāyai vimarśavāpikāyai bālātapodgārāya candrikodgārāya mahāśṛṅgāraparighāyai mahāpadmāṭavyai cintāmaṇigṛharājāya pūrvāmnāyamayapūrvadvārāya dakṣiṇāmnāyamayadakṣiṇadvārāya paścimāmnāyamayapaścimadvārāyottarāmnāyamayottaradvārāya ratnapradīpavalayāya maṇimayamahāsiṃhāsanāya brahmamayaikamañcapādāya viṣṇumayaikamañcapādāya rudramayaikamañcapādāya īśvaramayaikamañcapādāya sadāśivamayaikamañcaphalakāya haṃsatūlatalpāya haṃsatūlamahopadhānāya kausumbhāstaraṇāya mahāvitānakāya mahājavanikāyai namaḥ iti catuścatvāriṃśanmantrais tattad akhilaṃ bhāvayitvā arcayitvā
Sanskrit only: no published translation is held for this verse.
गन्धपुष्पाक्षतादींश् च दक्षिणभागे दीपान् अभितो दत्त्वा मूलेन चक्रम् अभ्यर्च्य मूलत्रिखण्डैः प्रथमत्र्यस्रे
gandhapuṣpākṣatādīṃś ca dakṣiṇabhāge dīpān abhito dattvā mūlena cakram abhyarcya mūlatrikhaṇḍaiḥ prathamatryasre
Sanskrit only: no published translation is held for this verse.
वाय्वग्निसलिलवर्णयुक्प्राणायामैः शोषणं संदहनम् आप्लावनं च विधाय
vāyvagnisalilavarṇayukprāṇāyāmaiḥ śoṣaṇaṃ saṃdahanam āplāvanaṃ ca vidhāya
Sanskrit only: no published translation is held for this verse.
त्रिः प्राणान् आयम्य
triḥ prāṇān āyamya
Sanskrit only: no published translation is held for this verse.
अपसर्पन्तु ते भूता ये भूता भुवि संस्थिताः । ये भूता विघ्नकर्तारस् ते नश्यन्तु शिवाज्ञया । इति वामपादपार्ष्णिघातकरास्फोटसमुदञ्चितवक्त्रस् तालत्रयं दत्वा देव्यहम्भावयुक्तः स्वशरीरे वज्रकवचन्यासजालं विदधीत
apasarpantu te bhūtā ye bhūtā bhuvi saṃsthitāḥ | ye bhūtā vighnakartāras te naśyantu śivājñayā | iti vāmapādapārṣṇighātakarāsphoṭasamudañcitavaktras tālatrayaṃ datvā devyahambhāvayuktaḥ svaśarīre vajrakavacanyāsajālaṃ vidadhīta
Sanskrit only: no published translation is held for this verse.
बिन्दुयुक्श्रीकण्ठानन्ततार्तीयैः मध्यमादितलपर्यन्तं कृतकरशुद्धिः
binduyukśrīkaṇṭhānantatārtīyaiḥ madhyamāditalaparyantaṃ kṛtakaraśuddhiḥ
Sanskrit only: no published translation is held for this verse.
कुमारीम् उच्चार्य महात्रिपुरसुन्दरीपदम् आत्मानं रक्ष रक्षेति हृदये अञ्जलिं दत्त्वा
kumārīm uccārya mahātripurasundarīpadam ātmānaṃ rakṣa rakṣeti hṛdaye añjaliṃ dattvā
Sanskrit only: no published translation is held for this verse.
मायाकामशक्तीर् उच्चार्य देव्यात्मासनाय नमः इति स्वस्यासनं दत्त्वा
māyākāmaśaktīr uccārya devyātmāsanāya namaḥ iti svasyāsanaṃ dattvā
Sanskrit only: no published translation is held for this verse.
शिवयुग्बालाम् उच्चार्य श्रीचक्रासनाय नमः शिवभृगुयुग्बालाम् उच्चार्य सर्वमन्त्रासनाय नमो भुवनामदनौ ब्लेम् उच्चार्य साध्यसिद्धासनाय नमः इति चक्रमन्त्रदेवतासनं त्रिभिर् मन्त्रैश् चक्रे कृत्वा
śivayugbālām uccārya śrīcakrāsanāya namaḥ śivabhṛguyugbālām uccārya sarvamantrāsanāya namo bhuvanāmadanau blem uccārya sādhyasiddhāsanāya namaḥ iti cakramantradevatāsanaṃ tribhir mantraiś cakre kṛtvā
Sanskrit only: no published translation is held for this verse.
बालाद्विरावृत्त्या त्रिद्व्येकदशत्रिद्विसङ्ख्याङ्गुलिविन्यासैः कॢप्तषडङ्गः
bālādvirāvṛttyā tridvyekadaśatridvisaṅkhyāṅgulivinyāsaiḥ kḷptaṣaḍaṅgaḥ
Sanskrit only: no published translation is held for this verse.
सबिन्दून् अचो ब्लूम् उच्चार्य वशिनीवाग्देवतायै नमः इति शिरसि । सर्वत्र वर्गाणां बिन्दुयोगः । कवर्गं कलह्रीं च निगद्य कामेश्वरीवाग्देवतायै नमः इति ललाटे । चुं गदित्वा न्व्लीं मोदिनीवाग्देवतायै नमः इति भ्रूमध्ये । टुं भणित्वा य्लूं विमलावाग्देवतायै नमः इति कण्ठे । तुं च प्रोच्य ज्म्रीं अरुणावाग्देवतायै नमः इति हृदि । पुं च ह्स्ल्व्यूं उच्चार्य जयिनीवाग्देवतायै नमः इति नाभौ । यादिचतुष्कं झ्म्र्यूं उच्चार्य सर्वेश्वरीवाग्देवतायै नमः इति लिङ्गे । शादिषट्कं क्ष्म्रीं आख्याय कौलिनीवाग्देवतायै नमः इति मूले
sabindūn aco blūm uccārya vaśinīvāgdevatāyai namaḥ iti śirasi | sarvatra vargāṇāṃ binduyogaḥ | kavargaṃ kalahrīṃ ca nigadya kāmeśvarīvāgdevatāyai namaḥ iti lalāṭe | cuṃ gaditvā nvlīṃ modinīvāgdevatāyai namaḥ iti bhrūmadhye | ṭuṃ bhaṇitvā ylūṃ vimalāvāgdevatāyai namaḥ iti kaṇṭhe | tuṃ ca procya jmrīṃ aruṇāvāgdevatāyai namaḥ iti hṛdi | puṃ ca hslvyūṃ uccārya jayinīvāgdevatāyai namaḥ iti nābhau | yādicatuṣkaṃ jhmryūṃ uccārya sarveśvarīvāgdevatāyai namaḥ iti liṅge | śādiṣaṭkaṃ kṣmrīṃ ākhyāya kaulinīvāgdevatāyai namaḥ iti mūle
Sanskrit only: no published translation is held for this verse.
मूलविद्यापञ्चदशवर्णान् मूर्ध्नि मूले हृदि चक्षुस्त्रितये श्रुतिद्वयमुखभुजयुगलपृष्ठजानुयुगलनाभिषु विन्यस्य षोढा चक्रे न्यस्यान्यस्य वा
mūlavidyāpañcadaśavarṇān mūrdhni mūle hṛdi cakṣustritaye śrutidvayamukhabhujayugalapṛṣṭhajānuyugalanābhiṣu vinyasya ṣoḍhā cakre nyasyānyasya vā
Sanskrit only: no published translation is held for this verse.
शुद्धाम्भसा वामभागे त्रिकोणषट्कोणवृत्तचतुरश्रमण्डलं कृत्वा पुष्पैर् अभ्यर्च्य साधारं शङ्खं प्रतिष्ठाप्य शुद्धजलम् आपूर्य आदिमबिन्दुं दत्त्वा षडङ्गेनाभ्यर्च्य विद्यया अभिमन्त्र्य तज्जलविप्रुड्भिः आत्मानं पूजोपकरणानि च संप्रोक्ष्य
śuddhāmbhasā vāmabhāge trikoṇaṣaṭkoṇavṛttacaturaśramaṇḍalaṃ kṛtvā puṣpair abhyarcya sādhāraṃ śaṅkhaṃ pratiṣṭhāpya śuddhajalam āpūrya ādimabinduṃ dattvā ṣaḍaṅgenābhyarcya vidyayā abhimantrya tajjalavipruḍbhiḥ ātmānaṃ pūjopakaraṇāni ca saṃprokṣya
Sanskrit only: no published translation is held for this verse.
तज्जलेन त्रिकोणषट्कोणवृत्तचतुरस्रमण्डलं कृत्वा मध्यं विद्यया विद्याखण्डैस् त्रिकोणं बीजावृत्त्या षडश्रं संपूज्य वाचम् उच्चार्य अग्निमण्ड [१०७] लाय दशकलात्मने अर्घ्यपात्राधाराय नमः इति प्रतिष्ठाप्य आधारं प्रपूज्य पावकीः कलाः
tajjalena trikoṇaṣaṭkoṇavṛttacaturasramaṇḍalaṃ kṛtvā madhyaṃ vidyayā vidyākhaṇḍais trikoṇaṃ bījāvṛttyā ṣaḍaśraṃ saṃpūjya vācam uccārya agnimaṇḍa [107] lāya daśakalātmane arghyapātrādhārāya namaḥ iti pratiṣṭhāpya ādhāraṃ prapūjya pāvakīḥ kalāḥ
Sanskrit only: no published translation is held for this verse.
मदनाद् उपरि सूर्यमण्डलाय द्वादशकलात्मने अर्घ्यपात्राय नमः इति संविधाय पात्रं संस्पृश्य कलाः सौरीः सौः सोममण्डलाय षोडशकलात्मने अर्घ्यामृताय नमः इति पूरयित्वा आदिमं दत्त्वोपादिममध्यमौ पूजयित्वा विधोः कलाषोडशकम्
madanād upari sūryamaṇḍalāya dvādaśakalātmane arghyapātrāya namaḥ iti saṃvidhāya pātraṃ saṃspṛśya kalāḥ saurīḥ sauḥ somamaṇḍalāya ṣoḍaśakalātmane arghyāmṛtāya namaḥ iti pūrayitvā ādimaṃ dattvopādimamadhyamau pūjayitvā vidhoḥ kalāṣoḍaśakam
Sanskrit only: no published translation is held for this verse.
तत्र विलिख्य त्र्यस्रम् अकथादिमयरेखं हलक्षयुगान्तस्थितहंसभास्वरं वाक्कामशक्तियुक्तकोणं हंसेनाराध्य बहिर् वृत्तषट्कोणं कृत्वा षडस्रं षडङ्गेन पुरोभागाद्य् अभ्यर्च्य मूलेन सप्तधा अभिमन्त्र्य दत्तगन्धाक्षतपुष्पधूपदीपः तद्विप्रुड्भिः प्रोक्षितपूजाद्रव्यः सर्वं विद्यामयं कृत्वा तत् स्पृष्ट्वा चतुर्नवतिमन्त्रान् जपेत्
tatra vilikhya tryasram akathādimayarekhaṃ halakṣayugāntasthitahaṃsabhāsvaraṃ vākkāmaśaktiyuktakoṇaṃ haṃsenārādhya bahir vṛttaṣaṭkoṇaṃ kṛtvā ṣaḍasraṃ ṣaḍaṅgena purobhāgādy abhyarcya mūlena saptadhā abhimantrya dattagandhākṣatapuṣpadhūpadīpaḥ tadvipruḍbhiḥ prokṣitapūjādravyaḥ sarvaṃ vidyāmayaṃ kṛtvā tat spṛṣṭvā caturnavatimantrān japet
Sanskrit only: no published translation is held for this verse.
त्रितारीनमस्संपुटिताः तेजस्त्रितयकला अष्टत्रिंशत् । सृष्टिऋद्धिस्मृतिमेधाकान्तिलक्ष्मीद्युतिस्थिरास्थितिसिद्धयो ब्रह्मकला दश । जरा पालिनी शान्तिर् ईश्वरी रतिकामिके वरदाह्लादिनी प्रीतिर् दीर्घा विष्णुकला दश । तीक्ष्णा रौद्री भया निद्रा तन्द्री क्षुधा क्रोधिनी क्रियोद्गारीमृत्यवो रुद्रकला दश । पीता श्वेतारुणासिताश् चतस्र ईश्वरकलाः । निवृत्तिप्रतिष्ठाविद्याशान्तीन्धिकादीपिकारेचिकामोचिकापरासूक्ष्मासूक्ष्मामृताज्ञानाज्ञानामृताप्यायिनीव्यापिनीव्योमरूपाः षोडश सदाशिवकलाः ॥ हंसश् शुचिषद् वसुर् अन्तरिक्षसद् धोता व्वेदिषद् अतिथिर् दुरोणसत् । नृषद् वरसद् ऋतसद् वयोमसद् अब्जा गोजा ऋतजा अद्रिजा ऋतं बृहत् ॥ प्र तद्विष्णुः स्तवते वीर्येण मृगो न भीमः कुचरो गिरिष्ठाः । यस्योरुषु त्रिषु विक्रमेष्व् अधिक्षियन्ति भुवनानि व्विश्वा ॥ त्र्यम्बकं यजामहे सुगन्धिं पुष्टिवर्धनम् । उर्वारुकम् इव बन्धनान् मृत्योर् मुक्षीय मामृतात् ॥ तद्विष्णोः परमं पदं सदा पश्यन्ति सूरयः । दिवीव चक्षुर् आततम् ॥ तद्विप्रासो विपन्यवो जागृवांसः समिन्धते । विष्णोर् यत् परमं पदम् ॥ विष्णुर् योनिं कल्पयतु त्वष्टा रूपाणि पिंशतु । आसिञ्चतु प्रजापतिर् धाता गर्भं दधातु ते ॥ गर्भं धेहि सिनीवालि गर्भं धेहि सरस्वति । गर्भं ते अश्विनौ देवाव् आधत्तां पुष्करस्रजा ॥ इत्य् एते पञ्चमन्त्राः ॥ मूलविद्या चाहत्य चतुर्नवतिमन्त्राः
tritārīnamassaṃpuṭitāḥ tejastritayakalā aṣṭatriṃśat | sṛṣṭiṛddhismṛtimedhākāntilakṣmīdyutisthirāsthitisiddhayo brahmakalā daśa | jarā pālinī śāntir īśvarī ratikāmike varadāhlādinī prītir dīrghā viṣṇukalā daśa | tīkṣṇā raudrī bhayā nidrā tandrī kṣudhā krodhinī kriyodgārīmṛtyavo rudrakalā daśa | pītā śvetāruṇāsitāś catasra īśvarakalāḥ | nivṛttipratiṣṭhāvidyāśāntīndhikādīpikārecikāmocikāparāsūkṣmāsūkṣmāmṛtājñānājñānāmṛtāpyāyinīvyāpinīvyomarūpāḥ ṣoḍaśa sadāśivakalāḥ || haṃsaś śuciṣad vasur antarikṣasad dhotā vvediṣad atithir duroṇasat | nṛṣad varasad ṛtasad vayomasad abjā gojā ṛtajā adrijā ṛtaṃ bṛhat || pra tadviṣṇuḥ stavate vīryeṇa mṛgo na bhīmaḥ kucaro giriṣṭhāḥ | yasyoruṣu triṣu vikrameṣv adhikṣiyanti bhuvanāni vviśvā || tryambakaṃ yajāmahe sugandhiṃ puṣṭivardhanam | urvārukam iva bandhanān mṛtyor mukṣīya māmṛtāt || tadviṣṇoḥ paramaṃ padaṃ sadā paśyanti sūrayaḥ | divīva cakṣur ātatam || tadviprāso vipanyavo jāgṛvāṃsaḥ samindhate | viṣṇor yat paramaṃ padam || viṣṇur yoniṃ kalpayatu tvaṣṭā rūpāṇi piṃśatu | āsiñcatu prajāpatir dhātā garbhaṃ dadhātu te || garbhaṃ dhehi sinīvāli garbhaṃ dhehi sarasvati | garbhaṃ te aśvinau devāv ādhattāṃ puṣkarasrajā || ity ete pañcamantrāḥ || mūlavidyā cāhatya caturnavatimantrāḥ
Sanskrit only: no published translation is held for this verse.
अथ हैके पञ्चभिर् अखण्डाद्यैर् अभिमन्त्रणम् आमनन्ति
atha haike pañcabhir akhaṇḍādyair abhimantraṇam āmananti
Sanskrit only: no published translation is held for this verse.
अखण्डैकरसानन्दकरे परसुधात्मनि । स्वच्छन्दस्फुरणम् अत्र निधेह्य् अकुलनायिके ॥ अकुलस्थामृताकारे शुद्धज्ञानकरे परे । अमृतत्वं निधेह्य् अस्मिन् वस्तुनि क्लिन्नरूपिणि ॥ तद्रूपिण्य् ऐकरस्यत्वं कृत्वा ह्य् एतत् स्वरूपिणि । भूत्वा परामृताकारा मयि चित्स्फुरणं कुरु ॥ इति तिस्रो ऽनुष्टुभो विद्याः
akhaṇḍaikarasānandakare parasudhātmani | svacchandasphuraṇam atra nidhehy akulanāyike || akulasthāmṛtākāre śuddhajñānakare pare | amṛtatvaṃ nidhehy asmin vastuni klinnarūpiṇi || tadrūpiṇy aikarasyatvaṃ kṛtvā hy etat svarūpiṇi | bhūtvā parāmṛtākārā mayi citsphuraṇaṃ kuru || iti tisro 'nuṣṭubho vidyāḥ
Sanskrit only: no published translation is held for this verse.
अथो वाचं ब्लूं झ्रौम् इति जूं सः इति चोक्त्वा अमृते अमृतोद्भवे अमृतेश्वरि अमृतवर्षिणि अमृतं स्रावय स्रावय स्वाहेति चतुर्थो मन्त्रः
atho vācaṃ blūṃ jhraum iti jūṃ saḥ iti coktvā amṛte amṛtodbhave amṛteśvari amṛtavarṣiṇi amṛtaṃ srāvaya srāvaya svāheti caturtho mantraḥ
Sanskrit only: no published translation is held for this verse.
वाग्भवो वद वद ततो वाग्वादिनि वाङ्मदनक्लिन्ने क्लेदिनि क्लेदय महाक्षोभं कुरुयुगलं मादनं शक्तिर् मोक्षं कुरु कुरु शब्दो हसचतुर्दशपञ्चदशपिण्डः सहचतुर्दशषोडशपिण्डश् चेति पञ्चमीयं विद्यैताभिः अभिमन्त्र्य ज्योतिर्मयं तद् अर्घ्यं विधाय
vāgbhavo vada vada tato vāgvādini vāṅmadanaklinne kledini kledaya mahākṣobhaṃ kuruyugalaṃ mādanaṃ śaktir mokṣaṃ kuru kuru śabdo hasacaturdaśapañcadaśapiṇḍaḥ sahacaturdaśaṣoḍaśapiṇḍaś ceti pañcamīyaṃ vidyaitābhiḥ abhimantrya jyotirmayaṃ tad arghyaṃ vidhāya
Sanskrit only: no published translation is held for this verse.
तद्बिन्दुभिस् त्रिशः शिरसि गुरुपादुकाम् इष्ट्वा आर्द्रं ज्वलति ज्योतिर् अहम् अस्मि ज्योतिर् ज्वलति ब्रह्माहम् अस्मि यो ऽहम् अस्मि ब्रह्माहम् अस्मि अहम् अस्मि ब्रह्माहम् अस्मि अहम् एवाहं मां जुहोमि स्वाहेति तद् बिन्दुम् आत्मनः कुण्डलिन्यां जुहुयात्
tadbindubhis triśaḥ śirasi gurupādukām iṣṭvā ārdraṃ jvalati jyotir aham asmi jyotir jvalati brahmāham asmi yo 'ham asmi brahmāham asmi aham asmi brahmāham asmi aham evāhaṃ māṃ juhomi svāheti tad bindum ātmanaḥ kuṇḍalinyāṃ juhuyāt
Sanskrit only: no published translation is held for this verse.
एतद् अर्घ्यशोधनम् इति शिवम्
etad arghyaśodhanam iti śivam
Sanskrit only: no published translation is held for this verse.