Parasurama-Kalpasutra 8

Parks 8.1

इति विधिवत् कृतवार्तालीवरिवस्यः सिंहासनविद्याहृदयम् अनुत्तरं पराबीजरूपं धाम तत्क्रमपूर्वं विमृशेत्

iti vidhivat kṛtavārtālīvarivasyaḥ siṃhāsanavidyāhṛdayam anuttaraṃ parābījarūpaṃ dhāma tatkramapūrvaṃ vimṛśet

Sanskrit only: no published translation is held for this verse.

Parks 8.2

प्रभुहृदयज्ञातुः पदे पदे सुखानि भवन्ति

prabhuhṛdayajñātuḥ pade pade sukhāni bhavanti

Sanskrit only: no published translation is held for this verse.

Parks 8.3

अथो ऽनुत्तरपद्धतिं व्याख्यास्यामाः

atho 'nuttarapaddhatiṃ vyākhyāsyāmāḥ

Sanskrit only: no published translation is held for this verse.

Parks 8.4

कल्ये समुत्थाय ब्रह्मकोटरवर्तिनि सहस्रदलकमले सन्निविष्टायाः सौवर्णरूपायाः परायाश् चरणयुगलविगलदमृतरसविसरपरिप्लुतं वपुः ध्यात्वा

kalye samutthāya brahmakoṭaravartini sahasradalakamale sanniviṣṭāyāḥ sauvarṇarūpāyāḥ parāyāś caraṇayugalavigaladamṛtarasavisarapariplutaṃ vapuḥ dhyātvā

Sanskrit only: no published translation is held for this verse.

Parks 8.5

स्नातः शुचिवासोवसानः, सौःवर्णेन त्रिर् आचम्य, द्विः परिमृज्य, सकृद् उपस्पृश्य, चक्षुषी, नासिके, श्रोत्रे, अंसे, नाभिं, हृदयं, शिरश् चावमृश्य, एवं त्रिर् आचम्य

snātaḥ śucivāsovasānaḥ, sauḥvarṇena trir ācamya, dviḥ parimṛjya, sakṛd upaspṛśya, cakṣuṣī, nāsike, śrotre, aṃse, nābhiṃ, hṛdayaṃ, śiraś cāvamṛśya, evaṃ trir ācamya

Sanskrit only: no published translation is held for this verse.

Parks 8.6

ऊर्णामृदुशुचितमम् आसनं सौवर्णसूर्यजपाभिमन्त्रितं मूलमन्त्रोक्षितम् अधिष्ठाय

ūrṇāmṛduśucitamam āsanaṃ sauvarṇasūryajapābhimantritaṃ mūlamantrokṣitam adhiṣṭhāya

Sanskrit only: no published translation is held for this verse.

Parks 8.7

उदग्वदनो मौनी भूषितविग्रहो मूलपूर्वेण देशिकमनुना मस्तके देशिकम् इष्ट्वा

udagvadano maunī bhūṣitavigraho mūlapūrveṇa deśikamanunā mastake deśikam iṣṭvā

Sanskrit only: no published translation is held for this verse.

Parks 8.8

वामपार्ष्णिघातैः छोटिकात्रयेण पातालादिगतान् भेदावभासिनः विघ्नान् उत्सार्य

vāmapārṣṇighātaiḥ choṭikātrayeṇa pātālādigatān bhedāvabhāsinaḥ vighnān utsārya

Sanskrit only: no published translation is held for this verse.

Parks 8.9

शिरोमुखहृन्मूलसर्वाङ्गेषु मूलं विन्यस्य

śiromukhahṛnmūlasarvāṅgeṣu mūlaṃ vinyasya

Sanskrit only: no published translation is held for this verse.

Parks 8.10

काकचञ्चूपुटाकृतिना मुखेन संचोष्यानिलं सप्तविंशतिशो मूलं जप्त्वा वेद्यं नाभौ संमुद्र्य पुनः सप्तविंशतिशो जप्त्वा अङ्गुष्ठेन शिखां बध्वा पुनर् अनिलम् आपूर्य तेन मूले चिदग्निम् उत्थाप्य तत्र वेद्यस्य विलयं विभाव्य

kākacañcūpuṭākṛtinā mukhena saṃcoṣyānilaṃ saptaviṃśatiśo mūlaṃ japtvā vedyaṃ nābhau saṃmudrya punaḥ saptaviṃśatiśo japtvā aṅguṣṭhena śikhāṃ badhvā punar anilam āpūrya tena mūle cidagnim utthāpya tatra vedyasya vilayaṃ vibhāvya

Sanskrit only: no published translation is held for this verse.

Parks 8.11

गोमयेनोपलिप्तचतुरस्रभूतले प्रवहत्पार्श्वकरकृतया मत्स्यमुद्रया दिव्यगन्धाम्बुयुतया भूव्योमवायुवह्निमण्डलानि कृत्वा

gomayenopaliptacaturasrabhūtale pravahatpārśvakarakṛtayā matsyamudrayā divyagandhāmbuyutayā bhūvyomavāyuvahnimaṇḍalāni kṛtvā

Sanskrit only: no published translation is held for this verse.

Parks 8.12

श्यामावत् सामान्यविशेषार्घ्ये सादयेत्

śyāmāvat sāmānyaviśeṣārghye sādayet

Sanskrit only: no published translation is held for this verse.

Parks 8.13

सर्वे ऽपि पराक्रममनवः सौः वर्णपूर्वाः कार्याः

sarve 'pi parākramamanavaḥ sauḥ varṇapūrvāḥ kāryāḥ

Sanskrit only: no published translation is held for this verse.

Parks 8.14

भृगुचतुर्दशषोडशद्विरावृत्या, वर्णषडङ्गं सर्वमूलषडावृत्या, मन्त्रषडङ्गं च, कृत्वा

bhṛgucaturdaśaṣoḍaśadvirāvṛtyā, varṇaṣaḍaṅgaṃ sarvamūlaṣaḍāvṛtyā, mantraṣaḍaṅgaṃ ca, kṛtvā

Sanskrit only: no published translation is held for this verse.

Parks 8.15

उभाभ्याम् अर्चयित्वा

ubhābhyām arcayitvā

Sanskrit only: no published translation is held for this verse.

Parks 8.16

मूलम् उच्चार्य, तां चिन्मयीम् आनन्दलक्षणाम् अमृतकलशपिशितहस्तद्वयां, प्रसन्नां, देवीं, पूजयामि नमः स्वाहा इति सुधादेवीम् अभ्यर्च्य तया सम्प्रोक्ष्य वरिवस्यावस्तूनि

mūlam uccārya, tāṃ cinmayīm ānandalakṣaṇām amṛtakalaśapiśitahastadvayāṃ, prasannāṃ, devīṃ, pūjayāmi namaḥ svāhā iti sudhādevīm abhyarcya tayā samprokṣya varivasyāvastūni

Sanskrit only: no published translation is held for this verse.

Parks 8.17

पूर्वं नाभौ सम्मुद्रितं चिदग्निविलीनं तप्तायोद्रववत् षट्त्रिंशत्तत्त्वकदम्बकं हृत्सरोजे समानीय

pūrvaṃ nābhau sammudritaṃ cidagnivilīnaṃ taptāyodravavat ṣaṭtriṃśattattvakadambakaṃ hṛtsaroje samānīya

Sanskrit only: no published translation is held for this verse.

Parks 8.18

मूलजप्तैः कुसुमक्षेपैः वक्ष्यमाणैश् च मन्त्रैर् आसनकॢप्तिं कुर्यात् मूलादियोगपीठाय नमः इत्य् अन्तानि तानि च पृथिव्यप्तेजोवाय्वाकाशगन्धरसरूपस्पर्शशब्दोपस्थपायुपादपाणिवाग्घ्राणजिह्वाचक्षुस्त्वक्श्रोत्रा [२४३] हङ्कारबुद्धिमनःप्रकृतिपुरुषनियतिकालरागकलाविद्यामायाशुद्धविद्येश्वरसदाशिवशक्तिशिवाः । एवं पराचक्रं कृत्वा

mūlajaptaiḥ kusumakṣepaiḥ vakṣyamāṇaiś ca mantrair āsanakḷptiṃ kuryāt mūlādiyogapīṭhāya namaḥ ity antāni tāni ca pṛthivyaptejovāyvākāśagandharasarūpasparśaśabdopasthapāyupādapāṇivāgghrāṇajihvācakṣustvakśrotrā [243] haṅkārabuddhimanaḥprakṛtipuruṣaniyatikālarāgakalāvidyāmāyāśuddhavidyeśvarasadāśivaśaktiśivāḥ | evaṃ parācakraṃ kṛtvā

Sanskrit only: no published translation is held for this verse.

Parks 8.19

तत्रैतदैक्यविमर्शरूपिणीं षोडशकलां परां देवीम् आवाह्य

tatraitadaikyavimarśarūpiṇīṃ ṣoḍaśakalāṃ parāṃ devīm āvāhya

Sanskrit only: no published translation is held for this verse.

Parks 8.20

अकलङ्कशशाङ्काभा त्र्यक्षा चन्द्रकलावती । मुद्रापुस्तलसद्बाहुः पातु मां, परमा कला ॥ इति ध्यात्वा

akalaṅkaśaśāṅkābhā tryakṣā candrakalāvatī | mudrāpustalasadbāhuḥ pātu māṃ, paramā kalā || iti dhyātvā

Sanskrit only: no published translation is held for this verse.

Parks 8.21

मूलादिम् उच्चार्य प्रकाशरूपिणी पराभट्टारिका, मूलमध्यम् उच्चार्य विमर्शरूपिणी पराभट्टारिका, मूलान्त्यम् उच्चार्य प्रकाशविमर्शरूपिणी पराभट्टारिकेति त्रिभिः देव्या मूलहृन्मुखेष्व् अभ्यर्च्य समस्तम् उच्चार्य, महाप्रकाशविमर्शरूपिणी पराभट्टारिकेति, दशवारम् अवमृश्य ताम् एव देवीं, कालाग्निकोटिदीप्तां ध्यात्वा

mūlādim uccārya prakāśarūpiṇī parābhaṭṭārikā, mūlamadhyam uccārya vimarśarūpiṇī parābhaṭṭārikā, mūlāntyam uccārya prakāśavimarśarūpiṇī parābhaṭṭāriketi tribhiḥ devyā mūlahṛnmukheṣv abhyarcya samastam uccārya, mahāprakāśavimarśarūpiṇī parābhaṭṭāriketi, daśavāram avamṛśya tām eva devīṃ, kālāgnikoṭidīptāṃ dhyātvā

Sanskrit only: no published translation is held for this verse.

Parks 8.22

तस्यां क्रियासमभिव्याहारेण वेद्यम् अखिलं हुत्वा

tasyāṃ kriyāsamabhivyāhāreṇa vedyam akhilaṃ hutvā

Sanskrit only: no published translation is held for this verse.

Parks 8.23

मूलम् उच्चार्य, सामान्यपादुकया स्वमस्तकस्थाय गुरवे अर्घ्यं निवेद्य

mūlam uccārya, sāmānyapādukayā svamastakasthāya gurave arghyaṃ nivedya

Sanskrit only: no published translation is held for this verse.

Parks 8.24

पुनश् चिदग्निम् उद्दीप्तं विभाव्य

punaś cidagnim uddīptaṃ vibhāvya