प्राग्वदुष्णीषपूर्वैस्तु पुष्पैर्गन्धैस्तु भूषणैः । शरीरम् अभ्यलंकृत्य उपविश्यासने ततः
prāgvaduṣṇīṣapūrvaistu puṣpairgandhaistu bhūṣaṇaiḥ / śarīram abhyalaṃkṛtya upaviśyāsane tataḥ
Sanskrit only: no published translation is held for this verse.
Pauskara-Samhita 31
यथोदितं पुरास्त्रेण कुर्यान्निर्भर्त्सनं ततः । अभिनन्द्य कृतन्यासो मङ्गलार्ध्यपुरस्सरान्
yathoditaṃ purāstreṇa kuryānnirbhartsanaṃ tataḥ / abhinandya kṛtanyāso maṅgalārdhyapurassarān
Sanskrit only: no published translation is held for this verse.
नृपोपकरणान् सर्वान् छत्रचामरपश्चिमान् । देशिकेन्द्रकरात् प्राप्य समुत्थायासनात् ततः
nṛpopakaraṇān sarvān chatracāmarapaścimān / deśikendrakarāt prāpya samutthāyāsanāt tataḥ
Sanskrit only: no published translation is held for this verse.
नमस्कृत्य जगन्नाथं परमेश्वरम् अच्युतम् । अनलालयम् आसाद्य देशिकेन्द्रेण वै सह
namaskṛtya jagannāthaṃ parameśvaram acyutam / analālayam āsādya deśikendreṇa vai saha
Sanskrit only: no published translation is held for this verse.
पुष्पस्त्रग्गन्धधूपैश्च फलैर्बीजैस्तु वा (चा )ञ्जलिम् । पूरयित्वार्चनं कृत्वा विभोर्वह्निगृहान्तरे
puṣpastraggandhadhūpaiśca phalairbījaistu vā (cā )ñjalim / pūrayitvārcanaṃ kṛtvā vibhorvahnigṛhāntare
Sanskrit only: no published translation is held for this verse.
संस्मरन् हृदि मन्त्रेशम् उपविश्याग्निसंमुखम् । ततो मन्त्राभिजप्तेन साम्बुना विष्टरेण तु
saṃsmaran hṛdi mantreśam upaviśyāgnisaṃmukham / tato mantrābhijaptena sāmbunā viṣṭareṇa tu
Sanskrit only: no published translation is held for this verse.
प्राग्वदामस्तकात् सर्वं स्पृशेद्धयानधिया शुचि । कुर्याद् विन्यस्तदेहं तु ध्यात्वा मन्त्रं करोदरे
prāgvadāmastakāt sarvaṃ spṛśeddhayānadhiyā śuci / kuryād vinyastadehaṃ tu dhyātvā mantraṃ karodare
Sanskrit only: no published translation is held for this verse.
गन्धपुष्पार्ध्ययुक्तं तद् दद्यान्मूर्ध्नि शिरोहृदि । सौत्रं वा कुसुमं दार्भा (?भं ) स्वे ऽम्बरे मेखलासूत्रे उपवीते ऽथ कूर्परे । कृत्वा सम्यम् निविष्टं प्राक् दद्यात् शिष्यकराम्बुजे
gandhapuṣpārdhyayuktaṃ tad dadyānmūrdhni śirohṛdi / sautraṃ vā kusumaṃ dārbhā (?bhaṃ ) sve 'mbare mekhalāsūtre upavīte 'tha kūrpare / kṛtvā samyam niviṣṭaṃ prāk dadyāt śiṣyakarāmbuje
Sanskrit only: no published translation is held for this verse.
एवम् ऐक्यं समापाद्य सगुणेनानलेन वै । आमोक्षात् सर्वसिद्धीनां तस्य सांमुख्यसिद्धये
evam aikyaṃ samāpādya saguṇenānalena vai / āmokṣāt sarvasiddhīnāṃ tasya sāṃmukhyasiddhaye
Sanskrit only: no published translation is held for this verse.
गुरुः समाचरेद्धोमं पूर्णान्तं पुनरेव हि । मिश्रीभूतैः समिद्द्रव्यैः सप्तभिः शर्करान्वितैः
guruḥ samācareddhomaṃ pūrṇāntaṃ punareva hi / miśrībhūtaiḥ samiddravyaiḥ saptabhiḥ śarkarānvitaiḥ
Sanskrit only: no published translation is held for this verse.
मध्यस्थं मन्त्रमूर्तेर्वै साष्टकं जुहुयात् शतम् । सहस्त्रं वायुतं विप्र दद्यात् पूर्णाहुतिं ततः
madhyasthaṃ mantramūrtervai sāṣṭakaṃ juhuyāt śatam / sahastraṃ vāyutaṃ vipra dadyāt pūrṇāhutiṃ tataḥ
Sanskrit only: no published translation is held for this verse.
सविष्टरम् अधोवक्त्रं स्त्रुचाम् उपरि विन्यसेत् । स्त्रुचम् अभ्यर्च्य पुष्पाद्यैराज्यपूर्णां स्त्रुचं ततः
saviṣṭaram adhovaktraṃ strucām upari vinyaset / strucam abhyarcya puṣpādyairājyapūrṇāṃ strucaṃ tataḥ
Sanskrit only: no published translation is held for this verse.
कुर्यात् पूजां सुगन्धाक्तैः पुष्पैः सार्ध्यैर्निरम्बुभिः । उक्तसंख्यं त्वतस्त्वाज्यं तदर्धम् अथ होमयेत्
kuryāt pūjāṃ sugandhāktaiḥ puṣpaiḥ sārdhyairnirambubhiḥ / uktasaṃkhyaṃ tvatastvājyaṃ tadardham atha homayet
Sanskrit only: no published translation is held for this verse.
पूजान्ते पातयेत् पूर्णां पुनरेव यथोदिताम् । शतात् सहस्त्राद् अयुताल्लक्षाद् वामललोचन
pūjānte pātayet pūrṇāṃ punareva yathoditām / śatāt sahastrād ayutāllakṣād vāmalalocana
Sanskrit only: no published translation is held for this verse.
ज्ञानात्मा पूर्वमूर्तीनां चतुर्थांश पृथक् पृथक् । तत्समं हृदयादीनाम् अथोर्ध्वम् अखिलासु च
jñānātmā pūrvamūrtīnāṃ caturthāṃśa pṛthak pṛthak / tatsamaṃ hṛdayādīnām athordhvam akhilāsu ca
Sanskrit only: no published translation is held for this verse.
परमेश्वरकान्तासु तदर्धेन तु पौष्कर । लाञ्छनाभरणादीनि सर्वाणि जुहुयात् क्रमात्
parameśvarakāntāsu tadardhena tu pauṣkara / lāñchanābharaṇādīni sarvāṇi juhuyāt kramāt
Sanskrit only: no published translation is held for this verse.
साधारासनमन्त्राणां षण्णां कालात्मरूपिणाम् । गुर्वादीनां च विहितमर्धं लाञ्छनतर्पणम्
sādhārāsanamantrāṇāṃ ṣaṇṇāṃ kālātmarūpiṇām / gurvādīnāṃ ca vihitamardhaṃ lāñchanatarpaṇam
Sanskrit only: no published translation is held for this verse.
सारस्त्राणां लोकपालानां द्वार्स्थानां कमलोद्भव । गुरुपूर्वक्रमाद् हुत्वा अर्धम् अर्धं यथाक्रमम्
sārastrāṇāṃ lokapālānāṃ dvārsthānāṃ kamalodbhava / gurupūrvakramād hutvā ardham ardhaṃ yathākramam
Sanskrit only: no published translation is held for this verse.
कार्या चैकाधिका संख्या विषमार्धस्य चाहुतेः । आज्यहोमस्य विप्रेन्द्र तद्वद् एव अम्बुजादिषु
kāryā caikādhikā saṃkhyā viṣamārdhasya cāhuteḥ / ājyahomasya viprendra tadvad eva ambujādiṣu
Sanskrit only: no published translation is held for this verse.
ब्रह्मयज्ञद्रुमोद्भूताः पूजज्ञानद्रुमोत्थिताः । एवं क्षीरतरुभ्यो वै समिधस्त्रिमधुप्लुताः
brahmayajñadrumodbhūtāḥ pūjajñānadrumotthitāḥ / evaṃ kṣīratarubhyo vai samidhastrimadhuplutāḥ
Sanskrit only: no published translation is held for this verse.
जुहुयाद् विधिवन्मन्त्री नयन्मन्त्रगणं क्रमात् । तृप्तिं पूर्णप्रदानैस्तु अंशांशहवनैः कृतैः
juhuyād vidhivanmantrī nayanmantragaṇaṃ kramāt / tṛptiṃ pūrṇapradānaistu aṃśāṃśahavanaiḥ kṛtaiḥ
Sanskrit only: no published translation is held for this verse.
स्वबुद्धिसंख्याहोमेन स्वाङ्गं वै विश्वविघ्नजित् । तर्पणीयश्च पूर्णान्तम् एवम् अन्ते ऽनलो द्विज
svabuddhisaṃkhyāhomena svāṅgaṃ vai viśvavighnajit / tarpaṇīyaśca pūrṇāntam evam ante 'nalo dvija
Sanskrit only: no published translation is held for this verse.
पूर्णान्तेन नयेत्रृप्तिं मन्त्रव्यूहे कृते हृदि । इति संपादिते होमे दद्यात् पुष्पाञ्जलिं ततः
pūrṇāntena nayetrṛptiṃ mantravyūhe kṛte hṛdi / iti saṃpādite home dadyāt puṣpāñjaliṃ tataḥ
Sanskrit only: no published translation is held for this verse.
तिलकं चोर्ध्वपुण्ड्रं वा कुर्याद् वै भूतिना शिशोः । स्वस्थानेषु हृदा वर्म शिरोमन्त्रेण च क्रमात्
tilakaṃ cordhvapuṇḍraṃ vā kuryād vai bhūtinā śiśoḥ / svasthāneṣu hṛdā varma śiromantreṇa ca kramāt
Sanskrit only: no published translation is held for this verse.
हृन्मन्त्रेण प्रयोक्तव्यं सर्वदा सर्वकर्मसु । तस्य सर्वाणि कर्माणि सदा तेन समाचरेत्
hṛnmantreṇa prayoktavyaṃ sarvadā sarvakarmasu / tasya sarvāṇi karmāṇi sadā tena samācaret
Sanskrit only: no published translation is held for this verse.
सर्वमन्त्राख्यभूतस्य विधिमेवं समाचरेत् । कृते चास्त्रवणे वारिबिन्दवः स्त्रुङ्मुखात् च्युताः
sarvamantrākhyabhūtasya vidhimevaṃ samācaret / kṛte cāstravaṇe vāribindavaḥ struṅmukhāt cyutāḥ
Sanskrit only: no published translation is held for this verse.
दद्यात् करेण शिरसि प्रणीताभाजनात् ततः । होममेतन्मुमुक्षोर्वै निष्कामस्य पुरोदितम्
dadyāt kareṇa śirasi praṇītābhājanāt tataḥ / homametanmumukṣorvai niṣkāmasya puroditam
Sanskrit only: no published translation is held for this verse.
सकामस्य मुमुक्षोर्वै कुर्यात् सालंकृतस्य च । काङ्क्षितं नानुजानाति सर्वज्ञो हृदये स्थितः
sakāmasya mumukṣorvai kuryāt sālaṃkṛtasya ca / kāṅkṣitaṃ nānujānāti sarvajño hṛdaye sthitaḥ
Sanskrit only: no published translation is held for this verse.
अप्रार्थितो ऽपि स्वर्गं तु भक्तानां यो ददाति च । किमदेयं हि तस्यास्ति तस्माद् अभ्यर्थनां त्यजेत्
aprārthito 'pi svargaṃ tu bhaktānāṃ yo dadāti ca / kimadeyaṃ hi tasyāsti tasmād abhyarthanāṃ tyajet
Sanskrit only: no published translation is held for this verse.
एतावदर्थनीयं च परमेश्वरम् अच्युतम् । जन्तुना कृतपूजेन नित्यमेव महामते
etāvadarthanīyaṃ ca parameśvaram acyutam / jantunā kṛtapūjena nityameva mahāmate
Sanskrit only: no published translation is held for this verse.
मम यच्छ परां भक्तिं यया त्वं मे प्रसीदसि । त्वयि प्रसन्ने देवेश किं न प्राप्तं मया भुवि
mama yaccha parāṃ bhaktiṃ yayā tvaṃ me prasīdasi / tvayi prasanne deveśa kiṃ na prāptaṃ mayā bhuvi
Sanskrit only: no published translation is held for this verse.
इत्युक्तस्त्वरविन्दाक्ष आभिषेचनिको विधिः । समाप्य भगवत् शास्त्रश्रवणे ऽधिकृतो भवेत्
ityuktastvaravindākṣa ābhiṣecaniko vidhiḥ / samāpya bhagavat śāstraśravaṇe 'dhikṛto bhavet
Sanskrit only: no published translation is held for this verse.
अधिकारपदं दिव्यम् आसादयति वैष्णवम् । येनातिभक्तः संसारादुत्रारयति संकटात्
adhikārapadaṃ divyam āsādayati vaiṣṇavam / yenātibhaktaḥ saṃsārādutrārayati saṃkaṭāt
Sanskrit only: no published translation is held for this verse.
कृते कलशदाने ऽथ सक्तुना पललादिना । मण्डलाद्बाह्यतो दद्यात् प्रादक्षिण्येन पौष्कर
kṛte kalaśadāne 'tha saktunā palalādinā / maṇḍalādbāhyato dadyāt prādakṣiṇyena pauṣkara
Sanskrit only: no published translation is held for this verse.
सर्वदिग्भगवन्भूत ?बलिं दत्र्वा सहाम्बुना । सतिलोदकम् अध्वाज्यगन्धपुष्पान्वितेन च
sarvadigbhagavanbhūta ?baliṃ datrvā sahāmbunā / satilodakam adhvājyagandhapuṣpānvitena ca
Sanskrit only: no published translation is held for this verse.
कार्या पितृक्रिया प्राग्वदोदनेनानलाग्रतः । बहिर्मण्डलवत् कुण्डाद् बलिदाने कृते सति
kāryā pitṛkriyā prāgvadodanenānalāgrataḥ / bahirmaṇḍalavat kuṇḍād balidāne kṛte sati
Sanskrit only: no published translation is held for this verse.
आचम्य पूजयित्वाजं कुम्भात्कुण्डाच्च मण्डलात् । क्षान्त्याथ भुक्तं पूजार्थं माननीयो यथाविधि
ācamya pūjayitvājaṃ kumbhātkuṇḍācca maṇḍalāt / kṣāntyātha bhuktaṃ pūjārthaṃ mānanīyo yathāvidhi
Sanskrit only: no published translation is held for this verse.
साङ्गं सपरिवारं च धूपयित्वा यथाक्रमम् । तत् क्षान्तिप्रार्थनां कृत्वा निरम्बुकुसुमादिकैः
sāṅgaṃ saparivāraṃ ca dhūpayitvā yathākramam / tat kṣāntiprārthanāṃ kṛtvā nirambukusumādikaiḥ
Sanskrit only: no published translation is held for this verse.
वह्निपूजां समापाद्य नमस्कृत्य यथाविधि । तच्छक्तिम् आत्मसात् कृत्वा हृदा संहारमुद्रया
vahnipūjāṃ samāpādya namaskṛtya yathāvidhi / tacchaktim ātmasāt kṛtvā hṛdā saṃhāramudrayā
Sanskrit only: no published translation is held for this verse.
विसृज्य स्त्रुक्स्त्रुवे कुर्यात् परिषेचनम् अम्बुना । यज्ञभूमेः स्वशिरसि प्रणीतोत्थम् अथोदकम्
visṛjya strukstruve kuryāt pariṣecanam ambunā / yajñabhūmeḥ svaśirasi praṇītottham athodakam
Sanskrit only: no published translation is held for this verse.
अथ द्वाभ्यां च संहृत्य हृदि तत्स्थितम् अच्युतम् । स्तरोपसंहृतिं कृत्वा मधुक्षीराम्बुना ततः
atha dvābhyāṃ ca saṃhṛtya hṛdi tatsthitam acyutam / staropasaṃhṛtiṃ kṛtvā madhukṣīrāmbunā tataḥ
Sanskrit only: no published translation is held for this verse.
संप्राप्य यरूवसुधामानलीमपि पद्मज । सर्वम् अम्भसि निक्षिप्य समाहृत्यार्ध्यपूर्वकम्
saṃprāpya yarūvasudhāmānalīmapi padmaja / sarvam ambhasi nikṣipya samāhṛtyārdhyapūrvakam
Sanskrit only: no published translation is held for this verse.
अनुग्रहार्थं शिष्यस्य अनुयागं समाचरेत् । भगवद्यागवत्कार्यं यागं तेनापि वै गुरोः
anugrahārthaṃ śiṣyasya anuyāgaṃ samācaret / bhagavadyāgavatkāryaṃ yāgaṃ tenāpi vai guroḥ
Sanskrit only: no published translation is held for this verse.
दत्त्वा शिष्यं ततो यायाद् आत्मयागे कृते सति । यथावद् अद्यप्रभृति मन्त्राराधनम् आचरेत्
dattvā śiṣyaṃ tato yāyād ātmayāge kṛte sati / yathāvad adyaprabhṛti mantrārādhanam ācaret
Sanskrit only: no published translation is held for this verse.
मोहालस्यादिकैर्देषैर्बुद्धिपूर्वेण चेतसा । नाचर्तव्यं विभोः पुत्र परित्यागं हि पूजने
mohālasyādikairdeṣairbuddhipūrveṇa cetasā / nācartavyaṃ vibhoḥ putra parityāgaṃ hi pūjane
Sanskrit only: no published translation is held for this verse.
जपे तथाग्निभवने स्नाने दाने यथोदिते । स्तुतिपाठे यथा शास्त्रचिन्तने श्रवणे ऽपि च
jape tathāgnibhavane snāne dāne yathodite / stutipāṭhe yathā śāstracintane śravaṇe 'pi ca
Sanskrit only: no published translation is held for this verse.
व्याख्याने भव्यबुद्धीनां नारायणरतात्मनाम् । शिरसा दधताम् आज्ञां कृत्वा पादाभिवन्दनम्
vyākhyāne bhavyabuddhīnāṃ nārāyaṇaratātmanām / śirasā dadhatām ājñāṃ kṛtvā pādābhivandanam
Sanskrit only: no published translation is held for this verse.
प्राणयात्रां ततः कुर्यात् नैवेद्यप्राशनादिकाम् । कृतोपवासा ये ऽश्रन्ति प्रापणं पारमेश्वरम्
prāṇayātrāṃ tataḥ kuryāt naivedyaprāśanādikām / kṛtopavāsā ye 'śranti prāpaṇaṃ pārameśvaram
Sanskrit only: no published translation is held for this verse.
संप्रदानावशिष्टं च पूतदेहा नरास्तु ते । वन्दनीया नराणां च मान्या वै सिद्धिसन्ततेः
saṃpradānāvaśiṣṭaṃ ca pūtadehā narāstu te / vandanīyā narāṇāṃ ca mānyā vai siddhisantateḥ
Sanskrit only: no published translation is held for this verse.
अन्वात्मतत्र्वं विज्ञेयं विहितं तस्य सर्वदा । आत्मनैवात्मसिद्ध्यर्थं यागमन्नेन तेन च
anvātmatatrvaṃ vijñeyaṃ vihitaṃ tasya sarvadā / ātmanaivātmasiddhyarthaṃ yāgamannena tena ca
Sanskrit only: no published translation is held for this verse.
सहयज्ञावशिष्टेन साम्बुना च फलादिना । अनुयागं च तं विद्धिं आत्मनात्मनि यत्कृतम्
sahayajñāvaśiṣṭena sāmbunā ca phalādinā / anuyāgaṃ ca taṃ viddhiṃ ātmanātmani yatkṛtam
Sanskrit only: no published translation is held for this verse.
कुर्वन्ति भोजनात् पूर्वं प्रत्यहं प्राशनं तु ये । तच्छक्रिग्रहणं प्राणे प्रयोजनवशात् तु वा
kurvanti bhojanāt pūrvaṃ pratyahaṃ prāśanaṃ tu ye / tacchakrigrahaṇaṃ prāṇe prayojanavaśāt tu vā
Sanskrit only: no published translation is held for this verse.
भावभक्तिसमायुक्ताः सन्मार्गस्था दृढव्रताः । अप्रयत्नेन ते यान्ति देहान्ते पदमाच्युतम्
bhāvabhaktisamāyuktāḥ sanmārgasthā dṛḍhavratāḥ / aprayatnena te yānti dehānte padamācyutam
Sanskrit only: no published translation is held for this verse.
येषां व्रतमिदं दिव्यं नराणां पुण्यकर्मणाम् । ते सर्वव्रतिनां मूर्ध्नि तिष्ठन्ति मखयाजिनाम्
yeṣāṃ vratamidaṃ divyaṃ narāṇāṃ puṇyakarmaṇām / te sarvavratināṃ mūrdhni tiṣṭhanti makhayājinām
Sanskrit only: no published translation is held for this verse.
मन्त्रब्रह्मात्मनोविष्णोः सम्यग्विधिनिवेदितम् । शुभं तस्य परिज्ञेयं मत्वा वापमिदं पुनः
mantrabrahmātmanoviṣṇoḥ samyagvidhiniveditam / śubhaṃ tasya parijñeyaṃ matvā vāpamidaṃ punaḥ
Sanskrit only: no published translation is held for this verse.
इदं तदमृतं ब्रह्म इदम् आयुरनश्वरम् । इदं ज्ञानमिदं वीर्यमिदं तेजस्तु वैष्णवम्
idaṃ tadamṛtaṃ brahma idam āyuranaśvaram / idaṃ jñānamidaṃ vīryamidaṃ tejastu vaiṣṇavam
Sanskrit only: no published translation is held for this verse.
इदमिन्दुरखण्डं च स्थितम् अन्नात्मना स्वयम् । पर्जन्यदस्य भगवान् व्यञ्जनस्थितसिद्धये
idamindurakhaṇḍaṃ ca sthitam annātmanā svayam / parjanyadasya bhagavān vyañjanasthitasiddhaye
Sanskrit only: no published translation is held for this verse.
हार्दानलात्मना भुङ्क्ते अध्यक्षः परमेश्वरः । तच्छक्त्यानुगृहीतत्वात् सो ऽहं प्रकृतिगः पुमान्
hārdānalātmanā bhuṅkte adhyakṣaḥ parameśvaraḥ / tacchaktyānugṛhītatvāt so 'haṃ prakṛtigaḥ pumān
Sanskrit only: no published translation is held for this verse.
एवमन्नदमन्नादं ज्ञेयम् अन्नं पुरः स्थितम् । बाह्यतः स्वाञ्यदानेन संबोधम् उपयाति च
evamannadamannādaṃ jñeyam annaṃ puraḥ sthitam / bāhyataḥ svāñyadānena saṃbodham upayāti ca
Sanskrit only: no published translation is held for this verse.
यथा तथाम्बुनाभ्येति देहस्थो हुतभुक् प्रभुः । कारणं रसम् अन्नस्य षड्गुणं षड्विधस्य च
yathā tathāmbunābhyeti dehastho hutabhuk prabhuḥ / kāraṇaṃ rasam annasya ṣaḍguṇaṃ ṣaḍvidhasya ca
Sanskrit only: no published translation is held for this verse.
आत्मब्रह्मा ततः तस्माद् ईषत् कारणेन तु । सांमुख्यम् आत्मनां नीत्वा ततो ऽन्नं जुहुयात् शनैः
ātmabrahmā tataḥ tasmād īṣat kāraṇena tu / sāṃmukhyam ātmanāṃ nītvā tato 'nnaṃ juhuyāt śanaiḥ
Sanskrit only: no published translation is held for this verse.
प्रान्तपर्वैश्चतुर्धा प्राक् चातुरात्म्यव्यपेक्षया । तुर्यापेक्षावशेनैव जुहुयाद् वाहुतित्रयम्
prāntaparvaiścaturdhā prāk cāturātmyavyapekṣayā / turyāpekṣāvaśenaiva juhuyād vāhutitrayam
Sanskrit only: no published translation is held for this verse.
सहृदा मूलमन्त्रेण भुञ्जीयात् कवलैस्ततः । प्रयतास्यकरश्चान्ते पिबेन्मन्त्राभिमान्त्रितम्
sahṛdā mūlamantreṇa bhuñjīyāt kavalaistataḥ / prayatāsyakaraścānte pibenmantrābhimāntritam
Sanskrit only: no published translation is held for this verse.
तोयं तद्ध्यानपादाब्जपरिस्त्रुतमथापि वा । प्रतिष्टितस्य वा पूर्वं तदाकृतिधरस्य च
toyaṃ taddhyānapādābjaparistrutamathāpi vā / pratiṣṭitasya vā pūrvaṃ tadākṛtidharasya ca
Sanskrit only: no published translation is held for this verse.
यतः तत्सर्वम् आपन्नं सर्वदोषक्षयङ्करम् । सर्वोपतापशमनं सर्वसौख्यप्रदं सदा
yataḥ tatsarvam āpannaṃ sarvadoṣakṣayaṅkaram / sarvopatāpaśamanaṃ sarvasaukhyapradaṃ sadā
Sanskrit only: no published translation is held for this verse.
पावनं सर्वतीर्थेभ्यो मन्त्रेभ्यः पद्मसंभव । अतस्तु भोजनान्ते वै हार्दाग्नेस्तर्पणं परा
pāvanaṃ sarvatīrthebhyo mantrebhyaḥ padmasaṃbhava / atastu bhojanānte vai hārdāgnestarpaṇaṃ parā
Sanskrit only: no published translation is held for this verse.
भावभक्तिपरो नित्यं कं पिबेद् आज्यदोहवत् । ब्रह्मतीर्थे तदा पाने द्विः पठेद्वा चतुः क्रमात्
bhāvabhaktiparo nityaṃ kaṃ pibed ājyadohavat / brahmatīrthe tadā pāne dviḥ paṭhedvā catuḥ kramāt
Sanskrit only: no published translation is held for this verse.
दत्रशिष्टस्य चान्नस्य प्रापणाख्यस्य वै तदा । माहात्म्यम् एवम् अतुलं परिज्ञेयं यथोदितम्
datraśiṣṭasya cānnasya prāpaṇākhyasya vai tadā / māhātmyam evam atulaṃ parijñeyaṃ yathoditam
Sanskrit only: no published translation is held for this verse.
यागावसाने योग्यानां भक्तानां परमेश्वरे । पितॄणां तर्पयेन् नित्यं दयाद्वै प्रीतये विभोः
yāgāvasāne yogyānāṃ bhaktānāṃ parameśvare / pitṝṇāṃ tarpayen nityaṃ dayādvai prītaye vibhoḥ
Sanskrit only: no published translation is held for this verse.
यो वेत्त्येवं महत्तां च नैवेद्यस्याच्युतस्य च । विधिपूर्वं समश्राति सयात्यच्युतसाम्यताम्
yo vettyevaṃ mahattāṃ ca naivedyasyācyutasya ca / vidhipūrvaṃ samaśrāti sayātyacyutasāmyatām
Sanskrit only: no published translation is held for this verse.
व्रतज्ञेन जगद्योनेर्भक्तेन च विशेषतः । प्राणवद् रक्षणीयश्च प्राणेभ्यो नित्यमेव हि
vratajñena jagadyonerbhaktena ca viśeṣataḥ / prāṇavad rakṣaṇīyaśca prāṇebhyo nityameva hi
Sanskrit only: no published translation is held for this verse.
अन्नदानादिना सम्यग्विधिनानेन शक्तितः । परां प्रीतिं समभ्येति तस्य वै परमेश्वरः
annadānādinā samyagvidhinānena śaktitaḥ / parāṃ prītiṃ samabhyeti tasya vai parameśvaraḥ
Sanskrit only: no published translation is held for this verse.
मूर्तमन्नं परं ब्रह्म पूजितं प्रददाति यः । भगवत् तत्र्ववेतॄणां दत्तं तेनाखिलं भवेत्
mūrtamannaṃ paraṃ brahma pūjitaṃ pradadāti yaḥ / bhagavat tatrvavetṝṇāṃ dattaṃ tenākhilaṃ bhavet
Sanskrit only: no published translation is held for this verse.
व्रतपर्यन्तकाले तु स्थानेष्वायतनादिषु । पुण्येषु सन्मुद्दूर्तेषु तिथिलग्नाश्रितेषु च
vrataparyantakāle tu sthāneṣvāyatanādiṣu / puṇyeṣu sanmuddūrteṣu tithilagnāśriteṣu ca
Sanskrit only: no published translation is held for this verse.
कृत्वाक्षयं भगवतो दत्रम् अक्षय्यम् एति च । सत्पात्राणां तदग्रे तु येन तुष्यत्यधोक्षजः
kṛtvākṣayaṃ bhagavato datram akṣayyam eti ca / satpātrāṇāṃ tadagre tu yena tuṣyatyadhokṣajaḥ
Sanskrit only: no published translation is held for this verse.
अपात्राणाम् अभक्तानां नास्तिकानां दुरात्मनाम् । वर्जनीयं प्रयत्नेन स्वानुष्ठानपरेण तु
apātrāṇām abhaktānāṃ nāstikānāṃ durātmanām / varjanīyaṃ prayatnena svānuṣṭhānapareṇa tu
Sanskrit only: no published translation is held for this verse.
स्त्रीशूद्राणां पशूनां च भृक्तानां विशेषतः । सकामो वाथ निष्कामो मन्त्रज्ञः सद्व्रतस्थितः
strīśūdrāṇāṃ paśūnāṃ ca bhṛktānāṃ viśeṣataḥ / sakāmo vātha niṣkāmo mantrajñaḥ sadvratasthitaḥ
Sanskrit only: no published translation is held for this verse.
मन्त्रपूतं हि नैवेद्यं निषिद्धानां ददाति यः । सिद्धो ऽपि याति पातिव्यमारुरुक्षुस्तु किं पुनः
mantrapūtaṃ hi naivedyaṃ niṣiddhānāṃ dadāti yaḥ / siddho 'pi yāti pātivyamārurukṣustu kiṃ punaḥ
Sanskrit only: no published translation is held for this verse.
पौष्कर उवाच --- ज्ञातुमिच्छामि देवेश तत्तत् संक्षेपतो यथा । लौकिकं यत्र्वयोद्दिष्टं भगवद्धर्मसंग्रहम्
pauṣkara uvāca --- jñātumicchāmi deveśa tattat saṃkṣepato yathā / laukikaṃ yatrvayoddiṣṭaṃ bhagavaddharmasaṃgraham
Sanskrit only: no published translation is held for this verse.
श्रीभगवानुवाच --- धनेन धर्मलब्धेन भूरिणाल्पेन वा पुनः । अधिकृत्याच्युतं देवं यदि वाप्यशुभं शुभम्
śrībhagavānuvāca --- dhanena dharmalabdhena bhūriṇālpena vā punaḥ / adhikṛtyācyutaṃ devaṃ yadi vāpyaśubhaṃ śubham
Sanskrit only: no published translation is held for this verse.
भगवत्प्रीतये त्विष्टं सदस्यैः तन्मयैः सह । क्रतुवत् स्वल्फलदा स्वर्गदा यद्यपि स्मृताः
bhagavatprītaye tviṣṭaṃ sadasyaiḥ tanmayaiḥ saha / kratuvat svalphaladā svargadā yadyapi smṛtāḥ
Sanskrit only: no published translation is held for this verse.
सकामानां हि तत्रापि तेन तत्फलदास्तु वै । अकामानां तु भक्तानां नूनम् अच्युतलोकदाः
sakāmānāṃ hi tatrāpi tena tatphaladāstu vai / akāmānāṃ tu bhaktānāṃ nūnam acyutalokadāḥ
Sanskrit only: no published translation is held for this verse.
कृच्छ्रचान्द्रायणादीनि तपांसि विविधानि च । कृतानि भगवत्प्रीत्यै यथाभिमतदानि च
kṛcchracāndrāyaṇādīni tapāṃsi vividhāni ca / kṛtāni bhagavatprītyai yathābhimatadāni ca
Sanskrit only: no published translation is held for this verse.
यावज्जीवाधिकारं तु यदेभ्यो ऽभिमतं हि यत् । प्रीत्यर्थं परमेशाय अङ्गीकृतम् अस्वेददम्
yāvajjīvādhikāraṃ tu yadebhyo 'bhimataṃ hi yat / prītyarthaṃ parameśāya aṅgīkṛtam asvedadam
Sanskrit only: no published translation is held for this verse.
तत्फलत्याचिरेणैव दिव्यज्ञानात्मना तु वै । पुण्यम् आसाद्य वै क्षेत्रं तत्र चागतमव्ययम्
tatphalatyācireṇaiva divyajñānātmanā tu vai / puṇyam āsādya vai kṣetraṃ tatra cāgatamavyayam
Sanskrit only: no published translation is held for this verse.
स्थले वा पत्रपुष्पाद्यैर्योर्ऽचयत्यनिशं व्रती । भक्त्या ह्यनन्यचित्तसतु देहान्ते तस्य देहिनः
sthale vā patrapuṣpādyairyor'cayatyaniśaṃ vratī / bhaktyā hyananyacittasatu dehānte tasya dehinaḥ
Sanskrit only: no published translation is held for this verse.
प्रसादाद् देवदेवस्य स्थितिः स्यात् सार्वलौकिकी । पूजां विष्णुवद् आप्नोति यावद् जीवावधिं तु सः
prasādād devadevasya sthitiḥ syāt sārvalaukikī / pūjāṃ viṣṇuvad āpnoti yāvad jīvāvadhiṃ tu saḥ
Sanskrit only: no published translation is held for this verse.
देहावसानसमये श्वेतद्वीपं प्रयाति च । भक्तिश्रद्धापरो विद्वान् नारायणपरायणः
dehāvasānasamaye śvetadvīpaṃ prayāti ca / bhaktiśraddhāparo vidvān nārāyaṇaparāyaṇaḥ
Sanskrit only: no published translation is held for this verse.
तैर्विमानैश्च मार्गेण ह्यचिराद्यान् महामते । सुप्रसिद्धैः सुगन्धैस्तु हृद्यैः पुष्फलैः शुभैः
tairvimānaiśca mārgeṇa hyacirādyān mahāmate / suprasiddhaiḥ sugandhaistu hṛdyaiḥ puṣphalaiḥ śubhaiḥ
Sanskrit only: no published translation is held for this verse.
"अर्चिराद्यान् महामते"इत्यन्तं प्रथमो राशिः ः-- पश्चात् "विभवव्यूह"इत्युपक्रम्य"देपादाम्बुपूर्वं तु तिलसत्फलचर्वणम्" इत्यन्ता अर्धन्यूना श्लोकविंशतिः द्वितीयो राशिः-- अथ च "सुप्रसिद्धैः"इत्युपस्तुत्य"तद्भूत दर्शिते नैव मार्गेण महता मुने" इत्यन्ता श्लोकद्वाविंशतिः तृतीयो राशिः, अत ऊर्ध्वं"कृत्वा चाघ्राय" इत्युपक्रम्य आचाध्यायसमाक्षि"चतुर्थो राशिः द्वितीयकोशवर्गे यथा--- प्रथम, द्वितीय, तृतीयराशयः यथापूर्व लिखिताः चतुर्थस्य आरम्भस्तु मिद्यते यथा --- तृतीयराशेरनन्तरं पुनरपि द्वितीयराशिम् आन्तं लिखित्वा तृतीयराशिं परित्यज्य तुरीयराशिरनुस्यूततया समग्रा लिखिता वर्तते कोशवर्गद्वये ऽपि द्वितीयतृतीयराशयोः व्युत्क्रमेण लेखनमेव विपर्यासे हेतुः-- अत्रैवं समाधिः---द्वितीयतुरीयराश्योरनालक्षितसन्धिबन्धतया स्थितिः ग्रन्थस्य परिपाटी अनुसीव्यति, न विश्लेषयति च, यः पुनरन्तरा--- पतितः तृतीयो राशिः स तु तुरीयेण राशिना साकं कथंचिदपि नान्वेतुं शक्नोति । प्रत्युत प्रथमेन राशिना समं सुघटितसुन्धानः प्राप्तावसरश्च संपद्यते । अस्मात् परं द्वितीयराशिः साधूपक्रमः ग्रन्थानुपूर्वीं पुष्णाति । अतः दर्शितानुसारेण ग्रन्थपरिपाटी संनिवेशिता । परमतः सुधियः प्रमाणम् । योऽर्चयत्यच्युतं भक्त्या वने वा पर्वतान्तरे । बहवो ऽभिमतान् कामान् प्राप्नोत्यप्रार्थितांस्तु वै
"arcirādyān mahāmate"ityantaṃ prathamo rāśiḥ ḥ-- paścāt "vibhavavyūha"ityupakramya"depādāmbupūrvaṃ tu tilasatphalacarvaṇam" ityantā ardhanyūnā ślokaviṃśatiḥ dvitīyo rāśiḥ-- atha ca "suprasiddhaiḥ"ityupastutya"tadbhūta darśite naiva mārgeṇa mahatā mune" ityantā ślokadvāviṃśatiḥ tṛtīyo rāśiḥ, ata ūrdhvaṃ"kṛtvā cāghrāya" ityupakramya ācādhyāyasamākṣi"caturtho rāśiḥ dvitīyakośavarge yathā--- prathama, dvitīya, tṛtīyarāśayaḥ yathāpūrva likhitāḥ caturthasya ārambhastu midyate yathā --- tṛtīyarāśeranantaraṃ punarapi dvitīyarāśim āntaṃ likhitvā tṛtīyarāśiṃ parityajya turīyarāśiranusyūtatayā samagrā likhitā vartate kośavargadvaye 'pi dvitīyatṛtīyarāśayoḥ vyutkrameṇa lekhanameva viparyāse hetuḥ-- atraivaṃ samādhiḥ---dvitīyaturīyarāśyoranālakṣitasandhibandhatayā sthitiḥ granthasya paripāṭī anusīvyati, na viśleṣayati ca, yaḥ punarantarā--- patitaḥ tṛtīyo rāśiḥ sa tu turīyeṇa rāśinā sākaṃ kathaṃcidapi nānvetuṃ śaknoti | pratyuta prathamena rāśinā samaṃ sughaṭitasundhānaḥ prāptāvasaraśca saṃpadyate | asmāt paraṃ dvitīyarāśiḥ sādhūpakramaḥ granthānupūrvīṃ puṣṇāti | ataḥ darśitānusāreṇa granthaparipāṭī saṃniveśitā | paramataḥ sudhiyaḥ pramāṇam | yo'rcayatyacyutaṃ bhaktyā vane vā parvatāntare / bahavo 'bhimatān kāmān prāpnotyaprārthitāṃstu vai
Sanskrit only: no published translation is held for this verse.
देहान्ते वासवादीनां संपूज्यो भगवानिव । वैष्णवायतने दिव्ये सैद्धे वा पौरुषे तु यत्
dehānte vāsavādīnāṃ saṃpūjyo bhagavāniva / vaiṣṇavāyatane divye saiddhe vā pauruṣe tu yat
Sanskrit only: no published translation is held for this verse.
कुर्यात् कर्म धिया भक्त्या स्नानं क्षीरादिना महत् । श्रीखण्डागुरुकर्पूरबाह्लिकेनानुलेपनम्
kuryāt karma dhiyā bhaktyā snānaṃ kṣīrādinā mahat / śrīkhaṇḍāgurukarpūrabāhlikenānulepanam
Sanskrit only: no published translation is held for this verse.
सितपीतारुणैर्दिव्यैर्दुत्तुलैर्वेष्ठनं ?तु वै । शुभेन सोत्तरीयेण उपवीतेन तु द्विज
sitapītāruṇairdivyairduttulairveṣṭhanaṃ ?tu vai / śubhena sottarīyeṇa upavītena tu dvija
Sanskrit only: no published translation is held for this verse.
विभवे सत्यलंकारैः सौवर्णै रत्नर्ञ्जितैः । मण्डयेत् च ततः पुष्पैः स्नग्वरैश्चरणावधि
vibhave satyalaṃkāraiḥ sauvarṇai ratnarñjitaiḥ / maṇḍayet ca tataḥ puṣpaiḥ snagvaraiścaraṇāvadhi
Sanskrit only: no published translation is held for this verse.
धूपयेद् आज्यसिक्तेन गुग्गुलेन शुभेन च । प्रभूतैश्च महादीपैस्तिलतैलाज्यपूरितैः
dhūpayed ājyasiktena guggulena śubhena ca / prabhūtaiśca mahādīpaistilatailājyapūritaiḥ
Sanskrit only: no published translation is held for this verse.
अभुक्ताहतसुश्वेतराञ्जितैर्व्यतिवेष्टनैः । गर्भीकृतत्वगेलाद्यैः पूजयेत् तदनन्तरम्
abhuktāhatasuśvetarāñjitairvyativeṣṭanaiḥ / garbhīkṛtatvagelādyaiḥ pūjayet tadanantaram
Sanskrit only: no published translation is held for this verse.
ततो मध्वाज्ययुक्तेन दध्नाभ्यर्चितम् ईश्वरम् । नैवेद्यैर्विविधैः पूतैर्भक्ष्यैः सफलमूलकैः
tato madhvājyayuktena dadhnābhyarcitam īśvaram / naivedyairvividhaiḥ pūtairbhakṣyaiḥ saphalamūlakaiḥ
Sanskrit only: no published translation is held for this verse.
पानकैः पावनैः स्वच्छैः शीतलैर्मधुरादिकैः । त्वगेलाद्यन्विप्तैर्धृष्टैर्धूपकर्पूरवासितैः
pānakaiḥ pāvanaiḥ svacchaiḥ śītalairmadhurādikaiḥ / tvagelādyanviptairdhṛṣṭairdhūpakarpūravāsitaiḥ
Sanskrit only: no published translation is held for this verse.
नालिकेरोदकोपेतैस्तर्पणीयमनन्तरम् । नैवेद्याचमनार्थं तु गन्धोदकमनुत्तमम्
nālikerodakopetaistarpaṇīyamanantaram / naivedyācamanārthaṃ tu gandhodakamanuttamam
Sanskrit only: no published translation is held for this verse.
अभुक्तमहतं शुक्लमथ निष्पुसनाम्बरम् । अथ चूर्णितकर्पूरघृष्टश्रीखण्डभावितम्
abhuktamahataṃ śuklamatha niṣpusanāmbaram / atha cūrṇitakarpūraghṛṣṭaśrīkhaṇḍabhāvitam
Sanskrit only: no published translation is held for this verse.
सपूगफलमुत्कृष्टं ताम्बूलं विनिवेद्य च । शालयः शिम्बधान्यादितिलाः सिद्धार्थकानि च
sapūgaphalamutkṛṣṭaṃ tāmbūlaṃ vinivedya ca / śālayaḥ śimbadhānyāditilāḥ siddhārthakāni ca
Sanskrit only: no published translation is held for this verse.
रोचना श्रीफलं पुष्पं दूर्वा धात्रीफलं दधि । दुकूलमहतं श्वेतं दक्षिणावर्तम् अम्बुजम्
rocanā śrīphalaṃ puṣpaṃ dūrvā dhātrīphalaṃ dadhi / dukūlamahataṃ śvetaṃ dakṣiṇāvartam ambujam
Sanskrit only: no published translation is held for this verse.
तमालादिदलच्छन्ने धातूत्थे वैदले ऽपि वा । पात्रे कृत्वार्ध्यपुष्पाढये तत्र मध्ये निवेश्य च
tamālādidalacchanne dhātūtthe vaidale 'pi vā / pātre kṛtvārdhyapuṣpāḍhaye tatra madhye niveśya ca
Sanskrit only: no published translation is held for this verse.
हेममानं हिरण्यं च स्वशक्त्या वातिनिर्मलम् । जानुनी भूगते कृत्वा शिरसावनतेन तु
hemamānaṃ hiraṇyaṃ ca svaśaktyā vātinirmalam / jānunī bhūgate kṛtvā śirasāvanatena tu
Sanskrit only: no published translation is held for this verse.
आदायोत्तानपाणिभ्यां विनिवेद्य जगत्प्रभोः । संपूरणार्थं सर्वेषां भोगानां द्विजसत्तम
ādāyottānapāṇibhyāṃ vinivedya jagatprabhoḥ / saṃpūraṇārthaṃ sarveṣāṃ bhogānāṃ dvijasattama
Sanskrit only: no published translation is held for this verse.
येनाप्तिः सर्वकामानां भाविनां सत्फलार्थिनाम् । परमात्मनि संयोज्यम् अकामानां हि येन वै
yenāptiḥ sarvakāmānāṃ bhāvināṃ satphalārthinām / paramātmani saṃyojyam akāmānāṃ hi yena vai
Sanskrit only: no published translation is held for this verse.
चामख्यजनादीनि भोगान्यन्यानि यानि च । शयनासननिष्ठानि तन्त्रीवाद्यानि यानि च
cāmakhyajanādīni bhogānyanyāni yāni ca / śayanāsananiṣṭhāni tantrīvādyāni yāni ca
Sanskrit only: no published translation is held for this verse.
भेदीमृदङ्गसत्सङ्गपर्यन्तानि महान्ति च । तत् प्रेक्ष्य स्वधिया सम्यम् चित्तानन्दप्रदानि च
bhedīmṛdaṅgasatsaṅgaparyantāni mahānti ca / tat prekṣya svadhiyā samyam cittānandapradāni ca
Sanskrit only: no published translation is held for this verse.
संभवे सति सर्वाणि मनसा तदसंभवे । श्रद्धाभक्तिवशाच्चैव यो यजव्यमराजितैः
saṃbhave sati sarvāṇi manasā tadasaṃbhave / śraddhābhaktivaśāccaiva yo yajavyamarājitaiḥ
Sanskrit only: no published translation is held for this verse.
स्वर्गादिसत्यनिष्ठानां भुक्त्वा भोगान् यथेच्छया । ततः कालान्तरेणैव देवीयेच्छावशेन तु
svargādisatyaniṣṭhānāṃ bhuktvā bhogān yathecchayā / tataḥ kālāntareṇaiva devīyecchāvaśena tu
Sanskrit only: no published translation is held for this verse.
तद्भूतदर्शितेनैव मार्गेव महता मुने । विभवव्यूहलोकानामास्ते कल्पशतान् बहून्
tadbhūtadarśitenaiva mārgeva mahatā mune / vibhavavyūhalokānāmāste kalpaśatān bahūn
Sanskrit only: no published translation is held for this verse.
ज्ञानम् आसाद्य तत्रैव ह्यवतीर्याथ भूतले । लयं च सहसा याति भगवत्यमितात्मनि
jñānam āsādya tatraiva hyavatīryātha bhūtale / layaṃ ca sahasā yāti bhagavatyamitātmani
Sanskrit only: no published translation is held for this verse.
श्रेत्रायतनसत्तीर्थवशेनाच्युतम् अर्चनम् । उक्तम् उद्देशतः किञ्चित् भक्तानां भवशान्तये
śretrāyatanasattīrthavaśenācyutam arcanam / uktam uddeśataḥ kiñcit bhaktānāṃ bhavaśāntaye
Sanskrit only: no published translation is held for this verse.
इदानीं का (ल )म ?माश्रित्य हरेराराधनं शृणु । भक्तानां भवनाशार्थं विष्ण्वेकनिरतात्मनाम्
idānīṃ kā (la )ma ?māśritya harerārādhanaṃ śṛṇu / bhaktānāṃ bhavanāśārthaṃ viṣṇvekaniratātmanām
Sanskrit only: no published translation is held for this verse.
प्रभूतैः पावनैर्भोगैर्न्यायोपायसमार्जितैः । यष्टव्यं श्रद्धया भक्त्या पुण्येषु दिवसेष्वथ
prabhūtaiḥ pāvanairbhogairnyāyopāyasamārjitaiḥ / yaṣṭavyaṃ śraddhayā bhaktyā puṇyeṣu divaseṣvatha
Sanskrit only: no published translation is held for this verse.
नैमित्तिकेषु कालेषु नित्यमेव निराकुलैः । दिव्यान्तरिक्षभौमाख्यशुभलग्नक्षणेष्वपि
naimittikeṣu kāleṣu nityameva nirākulaiḥ / divyāntarikṣabhaumākhyaśubhalagnakṣaṇeṣvapi
Sanskrit only: no published translation is held for this verse.
द्वादशीषु विशेषेण पक्षयोरुभयोरपि । दिनेषु देशरूढेषु विज्ञातेषु आगमान्तरात्
dvādaśīṣu viśeṣeṇa pakṣayorubhayorapi / dineṣu deśarūḍheṣu vijñāteṣu āgamāntarāt
Sanskrit only: no published translation is held for this verse.
सत्क्रियेषु अविरुद्धेषु देवतान्तरपूजनात् । पयोमूलफलाद्यैर्वा परिविद्धाद्यवासरे
satkriyeṣu aviruddheṣu devatāntarapūjanāt / payomūlaphalādyairvā parividdhādyavāsare
Sanskrit only: no published translation is held for this verse.
कोष्ठसंक्षालनार्थं तु पञ्चगव्यं ततः पिबेत् । भगवद्बिम्बपादाम्बुभावितं पर्णपात्रगम्
koṣṭhasaṃkṣālanārthaṃ tu pañcagavyaṃ tataḥ pibet / bhagavadbimbapādāmbubhāvitaṃ parṇapātragam
Sanskrit only: no published translation is held for this verse.
सुवर्णदर्भसद्रत्नक्षालितेनाम्भसा सह । एवं कृतोपवासश्च प्राग्वदाराध्य केशवम्
suvarṇadarbhasadratnakṣālitenāmbhasā saha / evaṃ kṛtopavāsaśca prāgvadārādhya keśavam
Sanskrit only: no published translation is held for this verse.