मध्यपीठसमीपे तु प्राङ्मुखं पश्चिमे पदे । प्राग्दिक्प्रत्यङ्मुखं योज्यमृङ्मयाश्चासनेषु च
madhyapīṭhasamīpe tu prāṅmukhaṃ paścime pade / prāgdikpratyaṅmukhaṃ yojyamṛṅmayāścāsaneṣu ca
Sanskrit only: no published translation is held for this verse.
Pauskara-Samhita 42
उदग्दक्षिणदिग्यन्त्रं यजुर्वेदांस्तु योजयेत् । प्राङ्मुखं पश्चिमे भागे सामज्ञान्विनियोज्य च
udagdakṣiṇadigyantraṃ yajurvedāṃstu yojayet / prāṅmukhaṃ paścime bhāge sāmajñānviniyojya ca
Sanskrit only: no published translation is held for this verse.
सह चैकायनैर् विप्रैर् मूर्तिसंज्ञोपलक्षितैः । दिगुत्तरस्यां च ततो नित्यकर्मपरायणान्
saha caikāyanair viprair mūrtisaṃjñopalakṣitaiḥ / diguttarasyāṃ ca tato nityakarmaparāyaṇān
Sanskrit only: no published translation is held for this verse.
निवेश्याथर्ववेदांश्च सर्वे द्विद्विकसंख्यया । पृष्ठतः सुसहायाद्यैः सम्यग्ज्ञानप्रतीक्षकः
niveśyātharvavedāṃśca sarve dvidvikasaṃkhyayā / pṛṣṭhataḥ susahāyādyaiḥ samyagjñānapratīkṣakaḥ
Sanskrit only: no published translation is held for this verse.
उपदेष्टा च मन्त्राणां द्विजादीनां समर्चने । दक्षिणे स्वात्मनः कुर्याद् एकचित्रं समाहितम्
upadeṣṭā ca mantrāṇāṃ dvijādīnāṃ samarcane / dakṣiṇe svātmanaḥ kuryād ekacitraṃ samāhitam
Sanskrit only: no published translation is held for this verse.
ततः समाचरेत् न्यासं द्वादशाक्षरमूर्तिना । मन्त्राभिमानशक्तिं वै समालम्ब्य धिया ततः
tataḥ samācaret nyāsaṃ dvādaśākṣaramūrtinā / mantrābhimānaśaktiṃ vai samālambya dhiyā tataḥ
Sanskrit only: no published translation is held for this verse.
अथाष्टाक्षरपूर्वैस्तु मन्त्रैः श्रुतिमयैस्ततः । प्राक्प्रोक्तविधिना पाद्यं भृङ्गारकमलं पुरा
athāṣṭākṣarapūrvaistu mantraiḥ śrutimayaistataḥ / prākproktavidhinā pādyaṃ bhṛṅgārakamalaṃ purā
Sanskrit only: no published translation is held for this verse.
पाद्यार्घ्यैः पञ्चगव्यं च कृत्वाभ्यर्च्य द्विजातये । समालंभनपुष्पाद्यैः सवस्त्रैर् अङ्गुलीयकैः
pādyārghyaiḥ pañcagavyaṃ ca kṛtvābhyarcya dvijātaye / samālaṃbhanapuṣpādyaiḥ savastrair aṅgulīyakaiḥ
Sanskrit only: no published translation is held for this verse.
सपवित्रकैस्तु हेमाढ्यैर् धूपयित्वा यथाक्रमम् । प्रयतः ससहायश्च स्थपतिश्चोपवेशयेत्
sapavitrakaistu hemāḍhyair dhūpayitvā yathākramam / prayataḥ sasahāyaśca sthapatiścopaveśayet
Sanskrit only: no published translation is held for this verse.
दत्त्वाज्ञांयर्जमानस्य कर्मभूमौ स्थितानि च । सुवर्णराजतोत्थानि नवताम्रमयानि वा
dattvājñāṃyarjamānasya karmabhūmau sthitāni ca / suvarṇarājatotthāni navatāmramayāni vā
Sanskrit only: no published translation is held for this verse.
शैलजान्यनुकल्पे तु मृत्कुम्भान्यथवाब्जज । तत्र मध्यमकुम्भं यत् चतुर्विंशाङ्गुलेन च
śailajānyanukalpe tu mṛtkumbhānyathavābjaja / tatra madhyamakumbhaṃ yat caturviṃśāṅgulena ca
Sanskrit only: no published translation is held for this verse.
विस्तृते मध्यतस्तच्च द्व्यङ्गुलद्व्यङ्गुलोन्नतम् । वक्त्रम् अङ्गुलषट्केन तत्रास्यं त्र्यङ्गुलं स्मृतम्
vistṛte madhyatastacca dvyaṅguladvyaṅgulonnatam / vaktram aṅgulaṣaṭkena tatrāsyaṃ tryaṅgulaṃ smṛtam
Sanskrit only: no published translation is held for this verse.
मेखलोपरितो ज्ञेया त्र्यङ्गुला कमलोद्भव । ये तु दिक्कमलान्येवैतद् अर्धेनोन्नतैः समाः
mekhaloparito jñeyā tryaṅgulā kamalodbhava / ye tu dikkamalānyevaitad ardhenonnataiḥ samāḥ
Sanskrit only: no published translation is held for this verse.
फलैश्च विविधैश्चैव सह संपूर्य वै मृदा । आकोट्य खादिरैः काष्ठैः प्रबलैर् अम्बुसञ्चिताः
phalaiśca vividhaiścaiva saha saṃpūrya vai mṛdā / ākoṭya khādiraiḥ kāṣṭhaiḥ prabalair ambusañcitāḥ
Sanskrit only: no published translation is held for this verse.
पूरणार्थम् अशेषात् तु कृत्वा खातं तु साधकम् । समीकृत्योपलिप्याथ प्राग्वद् दिक्सिद्धिम् आचरेत्
pūraṇārtham aśeṣāt tu kṛtvā khātaṃ tu sādhakam / samīkṛtyopalipyātha prāgvad diksiddhim ācaret
Sanskrit only: no published translation is held for this verse.
भूषयेच्च ध्वजैर् अन्यैर् वैजयन्तीः समुत्क्षिपेत् । शोभयेत् कदलीपूर्वैर् द्रुमाङ्गैः पावनैर् दृढैः
bhūṣayecca dhvajair anyair vaijayantīḥ samutkṣipet / śobhayet kadalīpūrvair drumāṅgaiḥ pāvanair dṛḍhaiḥ
Sanskrit only: no published translation is held for this verse.
वस्त्रैः पूर्णघटैः पुष्पैः कौशेयैर् मञ्जरीगणैः । शुभे ग्रहे ऽनुकूले तु नक्षत्रे शुभदर्शने
vastraiḥ pūrṇaghaṭaiḥ puṣpaiḥ kauśeyair mañjarīgaṇaiḥ / śubhe grahe 'nukūle tu nakṣatre śubhadarśane
Sanskrit only: no published translation is held for this verse.
लग्ने स्थिरे स्थिरांशे च परिशुद्धे गुणान्विते । प्रासादाङ्घ्रिप्रतिष्ठार्थं कर्ता वै भगवन्मयः
lagne sthire sthirāṃśe ca pariśuddhe guṇānvite / prāsādāṅghripratiṣṭhārthaṃ kartā vai bhagavanmayaḥ
Sanskrit only: no published translation is held for this verse.
कृताह्निको द्विजेन्द्राद्यैर् देशिकेन समन्वितः । भेरीपटहवादित्रसर्वशब्दादिकैः शुभैः
kṛtāhniko dvijendrādyair deśikena samanvitaḥ / bherīpaṭahavāditrasarvaśabdādikaiḥ śubhaiḥ
Sanskrit only: no published translation is held for this verse.
वन्दिवृन्दसमोपेतैर् गीयमानैश्च मङ्गलैः । सामऋग्यजुपूर्वास्तु प्रशस्ताः पाठयेच्छ्रुतीः
vandivṛndasamopetair gīyamānaiśca maṅgalaiḥ / sāmaṛgyajupūrvāstu praśastāḥ pāṭhayecchrutīḥ
Sanskrit only: no published translation is held for this verse.
सहसंभृतसंभारक्ष्माकृतं क्ष्मामलं विशेत् । समाचम्य कृतन्यासो द्वादशाक्षरमूर्तिना
sahasaṃbhṛtasaṃbhārakṣmākṛtaṃ kṣmāmalaṃ viśet / samācamya kṛtanyāso dvādaśākṣaramūrtinā
Sanskrit only: no published translation is held for this verse.
अथाष्टाक्षरपूर्वैस्तु मन्त्रैः श्रुतिमयैः सह । पादार्घ्यपञ्चगव्यं तु कृत्वाभ्यर्च्य द्विजोत्तमम्
athāṣṭākṣarapūrvaistu mantraiḥ śrutimayaiḥ saha / pādārghyapañcagavyaṃ tu kṛtvābhyarcya dvijottamam
Sanskrit only: no published translation is held for this verse.
स्थपतिश्चार्घ्यपुष्पाद्यैः प्रवर्तेत सुकर्मणि । ॐकारपूर्वां गायत्रीम् एकैकं पाठयेद् द्विज
sthapatiścārghyapuṣpādyaiḥ pravarteta sukarmaṇi / oṃkārapūrvāṃ gāyatrīm ekaikaṃ pāṭhayed dvija
Sanskrit only: no published translation is held for this verse.
गायत्रीसामपूर्वं च कनिक्रन्दम् उदीर्य च । एवम् ओङ्कारपूर्वं च कर्माकरम्भम् अनन्तरम्
gāyatrīsāmapūrvaṃ ca kanikrandam udīrya ca / evam oṅkārapūrvaṃ ca karmākarambham anantaram
Sanskrit only: no published translation is held for this verse.
पठेद् एकायनं पश्चात् शिवसंकल्पम् एव च । ऋग्वेदज्ञो यजुर्ज्ञो ऽथ भद्रोनं समुदीर्यं च
paṭhed ekāyanaṃ paścāt śivasaṃkalpam eva ca / ṛgvedajño yajurjño 'tha bhadronaṃ samudīryaṃ ca
Sanskrit only: no published translation is held for this verse.
भद्रश्रीसाम सामज्ञः शताद्यौ कृत्यधर्मवित् । विभज्य पूर्ववत् क्षेत्रं पवित्रीकृत्य सांप्रतम्
bhadraśrīsāma sāmajñaḥ śatādyau kṛtyadharmavit / vibhajya pūrvavat kṣetraṃ pavitrīkṛtya sāṃpratam
Sanskrit only: no published translation is held for this verse.
पवित्रमन्त्रैर् अखिलैर् वैदिकैः पाञ्चरात्रिकैः । कन्यां च सौम्यदिग्भागे ऐशान्यां वालयावने
pavitramantrair akhilair vaidikaiḥ pāñcarātrikaiḥ / kanyāṃ ca saumyadigbhāge aiśānyāṃ vālayāvane
Sanskrit only: no published translation is held for this verse.
मण्डलं पार्थिवे पीठे विनिवर्त्य चतुः समे । अशुभं सर्वतोभद्रं वश्यागारद्वयान्वितम्
maṇḍalaṃ pārthive pīṭhe vinivartya catuḥ same / aśubhaṃ sarvatobhadraṃ vaśyāgāradvayānvitam
Sanskrit only: no published translation is held for this verse.
भद्रपीठासनस्थं च सोदकं च घटद्वयम् । स्त्रगाद्यैर् भूषितं कृत्वा एकस्मिन् साधनं यजेत्
bhadrapīṭhāsanasthaṃ ca sodakaṃ ca ghaṭadvayam / stragādyair bhūṣitaṃ kṛtvā ekasmin sādhanaṃ yajet
Sanskrit only: no published translation is held for this verse.
द्वादशाक्षरमन्त्रेण भगवान् पुरुषोत्तमः । श्रुत्युक्तैर् मन्त्रमुख्यैस्तु तदस्त्रपरके घटे
dvādaśākṣaramantreṇa bhagavān puruṣottamaḥ / śrutyuktair mantramukhyaistu tadastraparake ghaṭe
Sanskrit only: no published translation is held for this verse.
मन्त्रैर् हेतीशलिङ्गैस्तु चतुर्वेदसमुत्थितैः । मण्डपाग्रमथासाद्य हार्दम् आपाद्यम् अर्चनम्
mantrair hetīśaliṅgaistu caturvedasamutthitaiḥ / maṇḍapāgramathāsādya hārdam āpādyam arcanam
Sanskrit only: no published translation is held for this verse.
अवतार्य बहिः कुर्यात् पूजनं प्राग्यथोदितम् । पूर्णाहुतिं विनाग्नौ तु तर्पयित्वा यथाविधि
avatārya bahiḥ kuryāt pūjanaṃ prāgyathoditam / pūrṇāhutiṃ vināgnau tu tarpayitvā yathāvidhi
Sanskrit only: no published translation is held for this verse.
यजेद् वास्तु नराद्यं वै सुरसङ्घं तदङ्गकम् । शतं शतार्धं पादं वा आहुतीनां समापयेत्
yajed vāstu narādyaṃ vai surasaṅghaṃ tadaṅgakam / śataṃ śatārdhaṃ pādaṃ vā āhutīnāṃ samāpayet
Sanskrit only: no published translation is held for this verse.
तिलानाम् आज्यसिक्तानाम् आज्यस्य तदनन्तरम् । सामरैर् वास्तुलिङ्गैस्तु मन्त्रैर् देवव्रतादिकैः
tilānām ājyasiktānām ājyasya tadanantaram / sāmarair vāstuliṅgaistu mantrair devavratādikaiḥ
Sanskrit only: no published translation is held for this verse.
सुसमं कलशानां तु नवकं त्वथ धातुजम् । यथाशक्तिप्रमाणं तु नाल्पं वै द्वादशाङ्गुलम्
susamaṃ kalaśānāṃ tu navakaṃ tvatha dhātujam / yathāśaktipramāṇaṃ tu nālpaṃ vai dvādaśāṅgulam
Sanskrit only: no published translation is held for this verse.
शैलजं मृन्मयोत्थं वा सुपक्वं सुदृढं शुमम् । भृङ्गारतुल्यम् अष्टाश्रं शङ्खाकारं तु वोच्छ्रितम्
śailajaṃ mṛnmayotthaṃ vā supakvaṃ sudṛḍhaṃ śumam / bhṛṅgāratulyam aṣṭāśraṃ śaṅkhākāraṃ tu vocchritam
Sanskrit only: no published translation is held for this verse.
वलिहीनं विरक्तास्यं द्रव्याणां ग्रहलक्षणम् । शुद्ध्यर्थम् अथ सर्वेषां स्नानकर्म समाचरेत्
valihīnaṃ viraktāsyaṃ dravyāṇāṃ grahalakṣaṇam / śuddhyartham atha sarveṣāṃ snānakarma samācaret
Sanskrit only: no published translation is held for this verse.
अधिवास्याम्बरच्छन्नान् सद्यो वान्ये ऽहनि द्विज । क्रमशः पूरयेद् द्रव्यैस्तल्लिङ्गैः श्रुतिसंपठैः
adhivāsyāmbaracchannān sadyo vānye 'hani dvija / kramaśaḥ pūrayed dravyaistalliṅgaiḥ śrutisaṃpaṭhaiḥ
Sanskrit only: no published translation is held for this verse.
गायत्र्याष्टाक्षरेणैव द्वादशाक्षरविद्यया । सुवर्णसिकताभिस्तु रत्नैर् मुक्ताफलादिकैः
gāyatryāṣṭākṣareṇaiva dvādaśākṣaravidyayā / suvarṇasikatābhistu ratnair muktāphalādikaiḥ
Sanskrit only: no published translation is held for this verse.
धातुभिश्चाखिलैर् धान्यैर् अथान्यैः पारतादिकैः । सिद्धार्थकान्वितैर् बीजैर् धान्यैर् नीवारपूर्वकैः
dhātubhiścākhilair dhānyair athānyaiḥ pāratādikaiḥ / siddhārthakānvitair bījair dhānyair nīvārapūrvakaiḥ
Sanskrit only: no published translation is held for this verse.
कर्पूरमलयक्षोदकुङ्कुमागरुमिश्रितैः । पट्टस्त्रक्चन्दनाद्यैस्तु बाह्यतश्चोपशोभयेत्
karpūramalayakṣodakuṅkumāgarumiśritaiḥ / paṭṭastrakcandanādyaistu bāhyataścopaśobhayet
Sanskrit only: no published translation is held for this verse.
एवं संपूज्य संस्कृत्य चतुर्णां मध्यतो न्यसेत् । पद्मासनगतां लक्ष्मीं निधिभिः परिवारिताम्
evaṃ saṃpūjya saṃskṛtya caturṇāṃ madhyato nyaset / padmāsanagatāṃ lakṣmīṃ nidhibhiḥ parivāritām
Sanskrit only: no published translation is held for this verse.
चतुर्णाम् अथ चान्येषां रत्नराट् कौस्तुभाभिधः । समन्त्रेण स्वनाम्ना च निधिनाथैः समन्विताम्
caturṇām atha cānyeṣāṃ ratnarāṭ kaustubhābhidhaḥ / samantreṇa svanāmnā ca nidhināthaiḥ samanvitām
Sanskrit only: no published translation is held for this verse.
भगवान् सर्वशक्त्यात्मा एकस्मिन् परिचिन्तयेत् । षडक्षरेण मन्त्रेण निष्कलं शब्दविग्रहम्
bhagavān sarvaśaktyātmā ekasmin paricintayet / ṣaḍakṣareṇa mantreṇa niṣkalaṃ śabdavigraham
Sanskrit only: no published translation is held for this verse.
ब्राह्मं चतुष्पदं क्षेत्रं नयेद् अष्टच्छदात्मना । न्यस्य सार्वेश्वरं कुम्भं मध्यतः कर्णिकोदरे
brāhmaṃ catuṣpadaṃ kṣetraṃ nayed aṣṭacchadātmanā / nyasya sārveśvaraṃ kumbhaṃ madhyataḥ karṇikodare
Sanskrit only: no published translation is held for this verse.
रत्नकुंभचतुष्कं तु दिक्चक्रेष्वष्टदिक्षु च । प्रादक्षिव्येन प्राग्भागान् मन्त्रान् वा लौकिकान् द्विज
ratnakuṃbhacatuṣkaṃ tu dikcakreṣvaṣṭadikṣu ca / prādakṣivyena prāgbhāgān mantrān vā laukikān dvija
Sanskrit only: no published translation is held for this verse.
लक्ष्यं कुम्भचतुष्कं यद् ईशाद् वायुपदावधि । एवं न्यस्त्वा ततः कुर्याद् अर्चनं मध्यगस्य च
lakṣyaṃ kumbhacatuṣkaṃ yad īśād vāyupadāvadhi / evaṃ nyastvā tataḥ kuryād arcanaṃ madhyagasya ca
Sanskrit only: no published translation is held for this verse.
चतुष्कं हृदयाद्यं वै रत्नकुंभगतं यजेत् । चतुर्णां मन्त्रम् एकं तु श्रीकुम्भानां तु पूजयेत्
catuṣkaṃ hṛdayādyaṃ vai ratnakuṃbhagataṃ yajet / caturṇāṃ mantram ekaṃ tu śrīkumbhānāṃ tu pūjayet
Sanskrit only: no published translation is held for this verse.
पुरतो नेत्रमन्त्रैस्तु मध्यकुम्भे च तस्य च । कृत्वैवं निष्कलं न्यासं सर्वेषां सांप्रतं ततः
purato netramantraistu madhyakumbhe ca tasya ca / kṛtvaivaṃ niṣkalaṃ nyāsaṃ sarveṣāṃ sāṃprataṃ tataḥ
Sanskrit only: no published translation is held for this verse.
विधाननवकं दद्यात् ताम्रं वा शैलजं समम् । सुवृत्तं चतुरश्रं वा सुधनं द्वादशाङ्गुलम्
vidhānanavakaṃ dadyāt tāmraṃ vā śailajaṃ samam / suvṛttaṃ caturaśraṃ vā sudhanaṃ dvādaśāṅgulam
Sanskrit only: no published translation is held for this verse.
चतुश्शक्तिनिरुद्धं च तत्र मध्यगते धटे । शक्तिर्वा या परा देवी विश्वसन्धारणक्षमा
catuśśaktiniruddhaṃ ca tatra madhyagate dhaṭe / śaktirvā yā parā devī viśvasandhāraṇakṣamā
Sanskrit only: no published translation is held for this verse.
प्रभासा वैश्वरी दिक्षु ज्ञानशक्त्यामृता च सा । विदिग्घटसमूहे तु स्मरेद् आनन्दलक्षणा
prabhāsā vaiśvarī dikṣu jñānaśaktyāmṛtā ca sā / vidigghaṭasamūhe tu smared ānandalakṣaṇā
Sanskrit only: no published translation is held for this verse.
क्रियाख्या याच्युती शक्तिः शुद्धा शक्तस्य जन्मदा । न्यस्त्वैवम् अर्चनं कुर्यात् श्रियादीनां स्वसंज्ञया
kriyākhyā yācyutī śaktiḥ śuddhā śaktasya janmadā / nyastvaivam arcanaṃ kuryāt śriyādīnāṃ svasaṃjñayā
Sanskrit only: no published translation is held for this verse.
निधीनां निधिनाथानां मन्त्रं साङ्गं यजेत् ततः । मुद्रां प्रदर्शयेत् मान्त्रीं सर्वसामर्थ्यलक्षणाम्
nidhīnāṃ nidhināthānāṃ mantraṃ sāṅgaṃ yajet tataḥ / mudrāṃ pradarśayet māntrīṃ sarvasāmarthyalakṣaṇām
Sanskrit only: no published translation is held for this verse.
द्वादशाक्षरमन्त्रेण जप्तव्यं च समाचरेत् । सन्निरोधं द्विषट्कार्णे ॥॥॥।न सन्निधिम्
dvādaśākṣaramantreṇa japtavyaṃ ca samācaret / sannirodhaṃ dviṣaṭkārṇe .......na sannidhim
Sanskrit only: no published translation is held for this verse.
यजुर्ज्ञं त्वथ सञ्चोद्य युज्यतेति च यद्यजुः । ऋचं च पौरुषं सूक्तं सामज्ञो विष्णुसंहिताम्
yajurjñaṃ tvatha sañcodya yujyateti ca yadyajuḥ / ṛcaṃ ca pauruṣaṃ sūktaṃ sāmajño viṣṇusaṃhitām
Sanskrit only: no published translation is held for this verse.
अथर्वायेति षट्पाद्य द्विजम् एकायनं ततः । आत्मव्यूहादिकं कुर्यात् संज्ञामन्त्रचतुष्टयम्
atharvāyeti ṣaṭpādya dvijam ekāyanaṃ tataḥ / ātmavyūhādikaṃ kuryāt saṃjñāmantracatuṣṭayam
Sanskrit only: no published translation is held for this verse.
नमस्कारसमोपेतं ततः साम रथन्तरम् । आहुत्वा (हा) हर्षपूर्वं वै ऋन्वेदं समुदीरयेत्
namaskārasamopetaṃ tataḥ sāma rathantaram / āhutvā (hā) harṣapūrvaṃ vai ṛnvedaṃ samudīrayet
Sanskrit only: no published translation is held for this verse.
प्रतिष्ठासीति वै साम सामज्ञो ऽथ उदीरयेत् । अतो ऽन्तरं तु कुम्भानां॥॥॥॥॥॥॥॥॥॥
pratiṣṭhāsīti vai sāma sāmajño 'tha udīrayet / ato 'ntaraṃ tu kumbhānāṃ....................
Sanskrit only: no published translation is held for this verse.
आपाद्यम् अथ सर्वेषां सुधालेपेन चैव हि । दिगष्टकं मुद्रणीयं क्षेत्रं शक्त्यष्टकेन तु
āpādyam atha sarveṣāṃ sudhālepena caiva hi / digaṣṭakaṃ mudraṇīyaṃ kṣetraṃ śaktyaṣṭakena tu
Sanskrit only: no published translation is held for this verse.
शिलान्तः सन्निरोधेन शिलानामसमास्तु वा । कार्या ऊर्ध्वसमाः सर्वाः सर्वतोभद्रलक्षणाः
śilāntaḥ sannirodhena śilānāmasamāstu vā / kāryā ūrdhvasamāḥ sarvāḥ sarvatobhadralakṣaṇāḥ
Sanskrit only: no published translation is held for this verse.
स्नानाद्यैः संस्कृतं पूर्वं वासस्त्रग्वर्णभूषिता । रत्नाष्टकासनस्था च अष्टानां च सुविन्यसेत्
snānādyaiḥ saṃskṛtaṃ pūrvaṃ vāsastragvarṇabhūṣitā / ratnāṣṭakāsanasthā ca aṣṭānāṃ ca suvinyaset
Sanskrit only: no published translation is held for this verse.
मन्त्रम् अक्षरभेदेन प्रणवाद्यन्तणं तु वै । प्रागादावीशदिङ्निष्ठम् अष्टकं व्यक्तिगं न्यसेत्
mantram akṣarabhedena praṇavādyantaṇaṃ tu vai / prāgādāvīśadiṅniṣṭham aṣṭakaṃ vyaktigaṃ nyaset
Sanskrit only: no published translation is held for this verse.
प्रणवेन स्वनाम्ना च नमो ऽन्तेन महामते । बलवीर्यवती नित्या अनन्ताख्या स्थिरा ध्रुवा
praṇavena svanāmnā ca namo 'ntena mahāmate / balavīryavatī nityā anantākhyā sthirā dhruvā
Sanskrit only: no published translation is held for this verse.
सन्ध्याख्या धृतिसंज्ञा च स्थितिर्नाम्ना द्विजाष्टमी । वेदाद्यन्तं समुद्धोष्य यजुर्वेदव्रतैः सह
sandhyākhyā dhṛtisaṃjñā ca sthitirnāmnā dvijāṣṭamī / vedādyantaṃ samuddhoṣya yajurvedavrataiḥ saha
Sanskrit only: no published translation is held for this verse.
हये च विद्या ऋक्सूक्ता ब्रूयाद् एकायनं ततः । यदिवायो सवेत्यादिव हुत्वैवं कमलोद्भव
haye ca vidyā ṛksūktā brūyād ekāyanaṃ tataḥ / yadivāyo savetyādiva hutvaivaṃ kamalodbhava
Sanskrit only: no published translation is held for this verse.
दत्त्वा पूर्णाहुतिं ब्रूयात् मन्त्रम् आश्राविकं हि यत् । कर्ता च देशिकेन्द्रो ऽथ संस्मरन् मन्त्रसंहिताम्
dattvā pūrṇāhutiṃ brūyāt mantram āśrāvikaṃ hi yat / kartā ca deśikendro 'tha saṃsmaran mantrasaṃhitām
Sanskrit only: no published translation is held for this verse.
न्यस्तश्रियादिकैर् नाममन्त्रैः सर्वैः समन्वितम् । एषां बुद्धिः सप्तधेति मन्त्रम् एकायनं पठन्
nyastaśriyādikair nāmamantraiḥ sarvaiḥ samanvitam / eṣāṃ buddhiḥ saptadheti mantram ekāyanaṃ paṭhan
Sanskrit only: no published translation is held for this verse.
दद्याद् आहुतिकं सर्वं कर्मणां पूरणाय च । एतावद् उक्तम् अब्जाक्ष मुख्यकल्पं मया च ते
dadyād āhutikaṃ sarvaṃ karmaṇāṃ pūraṇāya ca / etāvad uktam abjākṣa mukhyakalpaṃ mayā ca te
Sanskrit only: no published translation is held for this verse.
अनुकल्पमतो वक्ष्ये सर्वेषां च हितावहम् । एतस्मिन् कलशे सर्वम् अन्यक्षेत्रगणार्चितम्
anukalpamato vakṣye sarveṣāṃ ca hitāvaham / etasmin kalaśe sarvam anyakṣetragaṇārcitam
Sanskrit only: no published translation is held for this verse.
मन्त्रव्यूहं यथोक्तं च स्थलगोपलगं न्यसेत् । सर्वशक्तिमयीम् एकां शक्तिं वै पारमेश्वरीम्
mantravyūhaṃ yathoktaṃ ca sthalagopalagaṃ nyaset / sarvaśaktimayīm ekāṃ śaktiṃ vai pārameśvarīm
Sanskrit only: no published translation is held for this verse.
निवेश्य मध्यतस्तस्मिन् दद्यात् कोशं सुधादिकम् । वर्णकैः कुंकुमाद्यैस्तु तत्रोर्ध्वे ऽब्जं लिखेत् ततः
niveśya madhyatastasmin dadyāt kośaṃ sudhādikam / varṇakaiḥ kuṃkumādyaistu tatrordhve 'bjaṃ likhet tataḥ
Sanskrit only: no published translation is held for this verse.
भूभागं खातशेषं यत् समन्तात् समतां नयेत् । प्राग्वदाकोट्टनाद्येन सर्वाङ्गैरिपुभिस्ततः
bhūbhāgaṃ khātaśeṣaṃ yat samantāt samatāṃ nayet / prāgvadākoṭṭanādyena sarvāṅgairipubhistataḥ
Sanskrit only: no published translation is held for this verse.
पञ्चरङ्गेण सूत्रेण शङ्कुभिर् याज्ञिकैर् दृढैः । अस्त्रमन्त्रेण मन्त्रज्ञो जीमूतम् अथ संपठेत्
pañcaraṅgeṇa sūtreṇa śaṅkubhir yājñikair dṛḍhaiḥ / astramantreṇa mantrajño jīmūtam atha saṃpaṭhet
Sanskrit only: no published translation is held for this verse.
चतुः स्त्रक्चन्दनोपेतां बलिं वै साच्च कामिकीम् । दद्यात् पूर्वोदितां दिक्षु समाचम्य प्रणम्य च
catuḥ strakcandanopetāṃ baliṃ vai sācca kāmikīm / dadyāt pūrvoditāṃ dikṣu samācamya praṇamya ca
Sanskrit only: no published translation is held for this verse.
द्वादशाक्षरमन्त्रेण त्रिस्थानस्थं च मन्त्रराट् । क्षान्त्वा तदोपसंहृत्य प्राग्वदर्चनपूर्वकम्
dvādaśākṣaramantreṇa tristhānasthaṃ ca mantrarāṭ / kṣāntvā tadopasaṃhṛtya prāgvadarcanapūrvakam
Sanskrit only: no published translation is held for this verse.
सांसारीनां बहिर्यावद् आचरेत् स्थपतिं पुनः । विश्वकर्मा पुरस्कृत्य अन्येषां पिशिताशिनाम्
sāṃsārīnāṃ bahiryāvad ācaret sthapatiṃ punaḥ / viśvakarmā puraskṛtya anyeṣāṃ piśitāśinām
Sanskrit only: no published translation is held for this verse.
दद्याद् द्विजेन्द्रपूर्वाणाम् अशनं दक्षिणादिकम् । अन्येषाम् अर्थिनाम् अन्नं धनदानं स्वशक्तितः
dadyād dvijendrapūrvāṇām aśanaṃ dakṣiṇādikam / anyeṣām arthinām annaṃ dhanadānaṃ svaśaktitaḥ
Sanskrit only: no published translation is held for this verse.
नानादेशवशाच्चैव कुर्याद् एवं गृहासनम् । विभागेन समायुक्तम् आलयं विविधं तथा
nānādeśavaśāccaiva kuryād evaṃ gṛhāsanam / vibhāgena samāyuktam ālayaṃ vividhaṃ tathā
Sanskrit only: no published translation is held for this verse.