Nagarjuna: Pancakrama 1

वज्रजापक्रमः प्रथमः ॐ नमो बुद्धाय सर्वबुद्धात्मकं नाथं नत्वा श्रीमन्महासुखम् । वज्रजापक्रमं वक्ष्ये योगतन्त्रानुसारतः

vajrajāpakramaḥ prathamaḥ oṃ namo buddhāya sarvabuddhātmakaṃ nāthaṃ natvā śrīmanmahāsukham | vajrajāpakramaṃ vakṣye yogatantrānusārataḥ

Sanskrit only: no published translation is held for this verse.

उत्पत्तिक्रमसंस्थानां निष्पन्नक्रमकाङ्क्षिणाम् । उपायश्चैष संबुद्धैः सोपानमिव निर्मितः

utpattikramasaṃsthānāṃ niṣpannakramakāṅkṣiṇām | upāyaścaiṣa saṃbuddhaiḥ sopānamiva nirmitaḥ

Sanskrit only: no published translation is held for this verse.

प्राणभूतश्च सत्त्वानां वाय्वाख्यः सर्वकर्मकृत् । विज्ञानवाहनश्चैष पञ्चात्मा दशधा पुनः

prāṇabhūtaśca sattvānāṃ vāyvākhyaḥ sarvakarmakṛt | vijñānavāhanaścaiṣa pañcātmā daśadhā punaḥ

Sanskrit only: no published translation is held for this verse.

वायुतत्त्वानुपूर्वेण मन्त्रतत्त्वं समाविशेत् । मन्त्रनिध्यप्तिमागम्य वज्रजापः सुशिक्ष्यते

vāyutattvānupūrveṇa mantratattvaṃ samāviśet | mantranidhyaptimāgamya vajrajāpaḥ suśikṣyate

Sanskrit only: no published translation is held for this verse.

वज्रजापस्थितो मन्त्री चित्तनिध्यप्तिमाप्नुयात् । मयोपमसमाधिस्थो भूतकोट्यां समाविशेत्

vajrajāpasthito mantrī cittanidhyaptimāpnuyāt | mayopamasamādhistho bhūtakoṭyāṃ samāviśet

Sanskrit only: no published translation is held for this verse.

भूतकोटेः समुत्तिष्ठन्नद्वयज्ञानमाप्नुयात् । युगनद्वसमाधिस्थो न किञ्चिच्छक्षते पुनः

bhūtakoṭeḥ samuttiṣṭhannadvayajñānamāpnuyāt | yuganadvasamādhistho na kiñcicchakṣate punaḥ

Sanskrit only: no published translation is held for this verse.

अयं निष्पन्नयोगाख्यो महावज्रधरश्च सः । सर्वाकारवरोपेतः सर्वज्ञो जायते ततः

ayaṃ niṣpannayogākhyo mahāvajradharaśca saḥ | sarvākāravaropetaḥ sarvajño jāyate tataḥ

Sanskrit only: no published translation is held for this verse.

अनागतमतीतं च वर्तमानं भवत्रयम् । तत्क्षणात् निखिलं पश्येत् प्रभास्वरविशुद्धितः

anāgatamatītaṃ ca vartamānaṃ bhavatrayam | tatkṣaṇāt nikhilaṃ paśyet prabhāsvaraviśuddhitaḥ

Sanskrit only: no published translation is held for this verse.

एतत्तत्त्वं स्थितं तन्त्रे श्रीसमाजे सुमुद्रितम् । व्याख्यातन्त्रानुसारेण बोद्धव्यं गुरुवक्त्रतः

etattattvaṃ sthitaṃ tantre śrīsamāje sumudritam | vyākhyātantrānusāreṇa boddhavyaṃ guruvaktrataḥ

Sanskrit only: no published translation is held for this verse.

तत्र प्रथमतरं वायुतत्त्वोद्देशपदं मूलसूत्रादेवावतार्यते- नासाग्रे सर्षपं चिन्तेत् सर्षपे सचराचरम् । भावयेज्ज्ञानपदं रम्यं रहस्यं ज्ञानकल्पितम्

tatra prathamataraṃ vāyutattvoddeśapadaṃ mūlasūtrādevāvatāryate- nāsāgre sarṣapaṃ cintet sarṣape sacarācaram | bhāvayejjñānapadaṃ ramyaṃ rahasyaṃ jñānakalpitam

Sanskrit only: no published translation is held for this verse.

पञ्चवर्णं महारत्नं सर्षपस्थूलमात्रकम् । नासिकाग्रे प्रयत्नेन भावयेद् योगतः सदा

pañcavarṇaṃ mahāratnaṃ sarṣapasthūlamātrakam | nāsikāgre prayatnena bhāvayed yogataḥ sadā

Sanskrit only: no published translation is held for this verse.

इति सन्धाभाषेयमस्य वज्रपदस्य निर्देशमाह चतुर्देवीव्याख्यातन्त्रे- तद् देवि सम्प्रवक्ष्यामि सारात् सारतरं परम् । रहस्यं सर्वबुद्धानां यत् तत् सर्वात्मनि स्थितम्

iti sandhābhāṣeyamasya vajrapadasya nirdeśamāha caturdevīvyākhyātantre- tad devi sampravakṣyāmi sārāt sārataraṃ param | rahasyaṃ sarvabuddhānāṃ yat tat sarvātmani sthitam

Sanskrit only: no published translation is held for this verse.

पश्चज्ञानमयं तत्त्वं सर्षपस्थूलमात्रकम् । तस्य मध्ये स्थितो देवो ह्यव्यक्तो व्यक्तरूपवान् ॥ इति

paścajñānamayaṃ tattvaṃ sarṣapasthūlamātrakam | tasya madhye sthito devo hyavyakto vyaktarūpavān || iti

Sanskrit only: no published translation is held for this verse.

समाजोत्तरे ऽप्यमुमर्थं द्योतयन्नाहः । पञ्चज्ञानमयं श्वासं पञ्चभूतस्वभावकम् । निश्चार्य पद्मनासाग्रे पिण्डरूपेण कल्पयेत्

samājottare 'pyamumarthaṃ dyotayannāhaḥ | pañcajñānamayaṃ śvāsaṃ pañcabhūtasvabhāvakam | niścārya padmanāsāgre piṇḍarūpeṇa kalpayet

Sanskrit only: no published translation is held for this verse.

पञ्चवर्णं महारत्नं प्राणायाममिति स्मृतम् । स्वमन्त्रं हृदये ध्यात्वा चित्तं बिन्दुगतं न्यसेत्

pañcavarṇaṃ mahāratnaṃ prāṇāyāmamiti smṛtam | svamantraṃ hṛdaye dhyātvā cittaṃ bindugataṃ nyaset

Sanskrit only: no published translation is held for this verse.

इत्यस्यापि प्रतिनिर्देशमाह वज्रमालानाम्नि व्याख्यातन्त्रे- नासाग्रे सर्षपं नाम प्राणायामस्य कल्पना । प्राणायामस्थिताः पञ्च रश्मयो बुद्धभावतः

ityasyāpi pratinirdeśamāha vajramālānāmni vyākhyātantre- nāsāgre sarṣapaṃ nāma prāṇāyāmasya kalpanā | prāṇāyāmasthitāḥ pañca raśmayo buddhabhāvataḥ

Sanskrit only: no published translation is held for this verse.

ऊर्ध्वं घ्राणाद् विनिष्क्रान्तो वामदक्षिणद्वन्द्वतः । स्तब्धश्चेति चतुर्धास्माद् वेला आध्यात्मिका स्मृता

ūrdhvaṃ ghrāṇād viniṣkrānto vāmadakṣiṇadvandvataḥ | stabdhaśceti caturdhāsmād velā ādhyātmikā smṛtā

Sanskrit only: no published translation is held for this verse.

कण्ठहृन्नाभिगुह्याब्जे गत्यागती विनिर्दिशेत् । विहरेद् अर्धयामिकां वेलां परिपाट्या यथाक्रमम्

kaṇṭhahṛnnābhiguhyābje gatyāgatī vinirdiśet | vihared ardhayāmikāṃ velāṃ paripāṭyā yathākramam

Sanskrit only: no published translation is held for this verse.

दक्षिणाद् विनिर्गतो रश्मिर्हुतभुङ्मण्डलं च तत् । रक्तवर्णमिदं व्यक्तं पद्मनाथो ऽत्र देवता

dakṣiṇād vinirgato raśmirhutabhuṅmaṇḍalaṃ ca tat | raktavarṇamidaṃ vyaktaṃ padmanātho 'tra devatā

Sanskrit only: no published translation is held for this verse.

वामाद् विनिर्गतो रश्मिर्वायुमण्डलसंज्ञितः । हरितश्यामसङ्काशः कर्मनाथो ऽत्र देवता

vāmād vinirgato raśmirvāyumaṇḍalasaṃjñitaḥ | haritaśyāmasaṅkāśaḥ karmanātho 'tra devatā

Sanskrit only: no published translation is held for this verse.

द्वाभ्यां विनिर्गतो रश्मिः पीतवर्णो महाद्युतिः । माहेन्द्रमण्डलं चैतद् रत्ननाथो ऽत्र देवता

dvābhyāṃ vinirgato raśmiḥ pītavarṇo mahādyutiḥ | māhendramaṇḍalaṃ caitad ratnanātho 'tra devatā

Sanskrit only: no published translation is held for this verse.

स्तब्धो मन्द्रप्रचारस्तु सितकुन्देन्दुसन्निभः । मण्डलं वारुणं चैतद् वज्रनाथो ऽत्र देवता

stabdho mandrapracārastu sitakundendusannibhaḥ | maṇḍalaṃ vāruṇaṃ caitad vajranātho 'tra devatā

Sanskrit only: no published translation is held for this verse.

सर्वदेहानुगो वायुः सर्वचेष्टाप्रवर्तकः । वैरोचनस्वभावो ऽसौ मृतकायाद् विनिश्चरेत्

sarvadehānugo vāyuḥ sarvaceṣṭāpravartakaḥ | vairocanasvabhāvo 'sau mṛtakāyād viniścaret

Sanskrit only: no published translation is held for this verse.

वायुतत्त्वमिदं व्यक्तं पञ्चज्ञानस्वभावकम् । तार्किका न प्रजानन्ति अगम्यं बालयोगिनाम्

vāyutattvamidaṃ vyaktaṃ pañcajñānasvabhāvakam | tārkikā na prajānanti agamyaṃ bālayoginām

Sanskrit only: no published translation is held for this verse.

इत्येवं वायुत्तत्वं प्रतिपाद्येदानीं मन्त्रतत्त्वस्योद्देशपदं मूलसूत्रादवतार्यते- सर्वतथागतकायवाक्चित्तरहस्यं सर्वतन्त्रहृदयसञ्चोदनं नाम परमगुह्यं स्वकायवाक्चित्तवज्रेभ्यो वाक्पथनिरुक्त्या मन्त्रसमुच्चयमुदाजहार ॐ आः हूं । अर्थानुमजापेन निःस्वभावेन चारुणा । विचारणा त्र्यध्वबुद्धेभ्यो वज्रजापः स उच्यते

ityevaṃ vāyuttatvaṃ pratipādyedānīṃ mantratattvasyoddeśapadaṃ mūlasūtrādavatāryate- sarvatathāgatakāyavākcittarahasyaṃ sarvatantrahṛdayasañcodanaṃ nāma paramaguhyaṃ svakāyavākcittavajrebhyo vākpathaniruktyā mantrasamuccayamudājahāra oṃ āḥ hūṃ | arthānumajāpena niḥsvabhāvena cāruṇā | vicāraṇā tryadhvabuddhebhyo vajrajāpaḥ sa ucyate

Sanskrit only: no published translation is held for this verse.

भिक्षाशिना न जप्तव्यं न च भैक्षरतो भवेत् । जपेन्मन्त्रमभिन्नाङ्गं सर्वकामोपभोगकृत्

bhikṣāśinā na japtavyaṃ na ca bhaikṣarato bhavet | japenmantramabhinnāṅgaṃ sarvakāmopabhogakṛt

Sanskrit only: no published translation is held for this verse.

इत्युद्देशपदम् अस्य निर्देशमाह सन्ध्याव्याकरणव्याख्यातन्त्रे तदवतार्यते- प्रत्युवाच ततः श्रीमान् महावैरोचनं विभुम् । विश्वरूपमिदं चित्तं सर्वसत्त्वोपपत्तितः

ityuddeśapadam asya nirdeśamāha sandhyāvyākaraṇavyākhyātantre tadavatāryate- pratyuvāca tataḥ śrīmān mahāvairocanaṃ vibhum | viśvarūpamidaṃ cittaṃ sarvasattvopapattitaḥ

Sanskrit only: no published translation is held for this verse.

जातं सन् निःस्वभावो ऽपि भावाख्यं तु प्रतीत्यतः । कृत्वा चानुभवं सम्यग् बोधिचित्तं खतुल्यकम्

jātaṃ san niḥsvabhāvo 'pi bhāvākhyaṃ tu pratītyataḥ | kṛtvā cānubhavaṃ samyag bodhicittaṃ khatulyakam

Sanskrit only: no published translation is held for this verse.

जगदर्थं विधातुं च तद्देशयोत्तमे जने । साधनोपायितामात्रं ज्ञात्वा तन्त्रे विपञ्चितम्

jagadarthaṃ vidhātuṃ ca taddeśayottame jane | sādhanopāyitāmātraṃ jñātvā tantre vipañcitam

Sanskrit only: no published translation is held for this verse.

आचार्या वयमित्येवं वदन्त्यागामिका विभो । यद् वाक्यं ममेत्येवमुक्त्वा क्षिपन्ति बालिशाः । सन्ध्याय बोधिचित्तं ते न विदन्ति यथार्थतः ॥ इति

ācāryā vayamityevaṃ vadantyāgāmikā vibho | yad vākyaṃ mametyevamuktvā kṣipanti bāliśāḥ | sandhyāya bodhicittaṃ te na vidanti yathārthataḥ || iti

Sanskrit only: no published translation is held for this verse.

यथेदं भगवान् स्वामी महावैरोचनो विभुः । त्रिष्कृत्वा साधुवचनं वज्रपाणिं वदेदिदम्

yathedaṃ bhagavān svāmī mahāvairocano vibhuḥ | triṣkṛtvā sādhuvacanaṃ vajrapāṇiṃ vadedidam

Sanskrit only: no published translation is held for this verse.

कथयमामि प्रभेदेन निर्विकल्पार्थतत्त्वतः । प्रव्याहारोपलम्भाख्यं साङ्केतं पारमार्थिकम्

kathayamāmi prabhedena nirvikalpārthatattvataḥ | pravyāhāropalambhākhyaṃ sāṅketaṃ pāramārthikam

Sanskrit only: no published translation is held for this verse.

प्रव्याहारो हि सामान्यं बुद्धरूपोपलम्भकम् । साङ्केतं मन्त्रतत्त्वाख्यं तथता पारमार्थिकम्

pravyāhāro hi sāmānyaṃ buddharūpopalambhakam | sāṅketaṃ mantratattvākhyaṃ tathatā pāramārthikam

Sanskrit only: no published translation is held for this verse.

एकादिर्नवमध्ये तु दशभिर्यो न बध्यते । तमबद्धं विजानीयात् स वेत्ति परसम्पदम्

ekādirnavamadhye tu daśabhiryo na badhyate | tamabaddhaṃ vijānīyāt sa vetti parasampadam

Sanskrit only: no published translation is held for this verse.

स्वरव्यञ्चनवर्णाश्च नवसंख्यानुवर्तिनः । ऽ अबद्धान्योन्यसंयोओगाद् यो वेत्ति स जगद्गुरुः

svaravyañcanavarṇāśca navasaṃkhyānuvartinaḥ | ' abaddhānyonyasaṃyoogād yo vetti sa jagadguruḥ

Sanskrit only: no published translation is held for this verse.

भूतान्तेन समायुक्तं कलादिषोडशे स्थितम् । पञ्चपञ्चकसंयुक्तं चतुस्त्रयनियोजितम्

bhūtāntena samāyuktaṃ kalādiṣoḍaśe sthitam | pañcapañcakasaṃyuktaṃ catustrayaniyojitam

Sanskrit only: no published translation is held for this verse.

सानुस्वारं सदीर्घं न गुणसंयोलोपवत् । ह्रस्वं समस्तवाक्यं स्यान्न चानेकं न चैककम्

sānusvāraṃ sadīrghaṃ na guṇasaṃyolopavat | hrasvaṃ samastavākyaṃ syānna cānekaṃ na caikakam

Sanskrit only: no published translation is held for this verse.

ये वर्णाः पृष्ठतः प्रोक्ता अभिमुखाश्च ये पुनः । स्त्री-पुं-नपुंसकास्ते च धात्वादिपरिकल्पिताः

ye varṇāḥ pṛṣṭhataḥ proktā abhimukhāśca ye punaḥ | strī-puṃ-napuṃsakāste ca dhātvādiparikalpitāḥ

Sanskrit only: no published translation is held for this verse.

अध-ऊर्ध्वसमायुक्तं ज्ञात्वा बुद्ध्या नियोजयेत् । प्रव्याहारमिदं मन्त्रं निःस्वभावस्वभावजम्

adha-ūrdhvasamāyuktaṃ jñātvā buddhyā niyojayet | pravyāhāramidaṃ mantraṃ niḥsvabhāvasvabhāvajam

Sanskrit only: no published translation is held for this verse.

ततः परिणतं रूपं यद्देवतोपलम्भिकम् । साङ्केतिकं त्रितत्त्वस्थं प्रकृतिजापलपक्षणम्

tataḥ pariṇataṃ rūpaṃ yaddevatopalambhikam | sāṅketikaṃ tritattvasthaṃ prakṛtijāpalapakṣaṇam

Sanskrit only: no published translation is held for this verse.

अकारोद्देशकं ज्ञानं बुद्धस्य हृदयं भवेत् । ॐकारः संसृजेत् सत्त्वान् बुद्धरूपाग्रकल्पितान्

akāroddeśakaṃ jñānaṃ buddhasya hṛdayaṃ bhavet | oṃkāraḥ saṃsṛjet sattvān buddharūpāgrakalpitān

Sanskrit only: no published translation is held for this verse.

हूंकारःसंहरेत् सत्त्वान् आःकारः स्थापको भवेत् । प्रवेशश्व स्थितिश्चैव व्युत्थानं च क्रमेण च

hūṃkāraḥsaṃharet sattvān āḥkāraḥ sthāpako bhavet | praveśaśva sthitiścaiva vyutthānaṃ ca krameṇa ca

Sanskrit only: no published translation is held for this verse.

जपेन् मन्त्रमभिन्नाङ्गं प्रज्ञोपायपदे स्थितः । पाण्डरादिजपः प्रक्तः पञ्चविंशच्छतद्वयम्

japen mantramabhinnāṅgaṃ prajñopāyapade sthitaḥ | pāṇḍarādijapaḥ praktaḥ pañcaviṃśacchatadvayam

Sanskrit only: no published translation is held for this verse.

चतुर्भिर्गुणितं सम्यक् चतुर्योगशतं नव । नवशतं तु यद् दृष्टं चतुर्विंशत्परिक्रमैः । प्रत्युत्पादाद् भवेत् तत्र द्व्ययुतं शतषोडशम्

caturbhirguṇitaṃ samyak caturyogaśataṃ nava | navaśataṃ tu yad dṛṣṭaṃ caturviṃśatparikramaiḥ | pratyutpādād bhavet tatra dvyayutaṃ śataṣoḍaśam

Sanskrit only: no published translation is held for this verse.

इदमेवाध्यात्मिकवेलायां द्योतयन्नाह समाजोत्तरे- विद्यानयविधानेन चतुःसन्ध्याप्रयोगतः । जपेन्मन्त्रमभिन्नाङ्गं लक्षमक्षरसंख्यया

idamevādhyātmikavelāyāṃ dyotayannāha samājottare- vidyānayavidhānena catuḥsandhyāprayogataḥ | japenmantramabhinnāṅgaṃ lakṣamakṣarasaṃkhyayā

Sanskrit only: no published translation is held for this verse.

बाह्यजापं त्यजेद् योगी भावनायान्तरायिकम् । मन्त्रार्थो भगवान् वज्री वज्रात्मात्र कथं जपेत्

bāhyajāpaṃ tyajed yogī bhāvanāyāntarāyikam | mantrārtho bhagavān vajrī vajrātmātra kathaṃ japet

Sanskrit only: no published translation is held for this verse.

हस्तिनं लभते सद्यो मृगयेद्धस्तिनः पदम् । मन्त्रमूर्तिः स्वयं साक्षात् किमन्यत्तु गवेषते

hastinaṃ labhate sadyo mṛgayeddhastinaḥ padam | mantramūrtiḥ svayaṃ sākṣāt kimanyattu gaveṣate

Sanskrit only: no published translation is held for this verse.

अपि च वज्रधृक् कश्चित् त्रिसंयोगान्वितो नरः । आवाहनविसर्जनं स्यात् तथा स्थापनमेव च

api ca vajradhṛk kaścit trisaṃyogānvito naraḥ | āvāhanavisarjanaṃ syāt tathā sthāpanameva ca

Sanskrit only: no published translation is held for this verse.

आवाहनं प्रवेशेन त्वरितेन विसर्जनम् । वाष्पेण स्थापनं तत् स्याद् विश्वस्तात् सिद्धिरुत्तमा

āvāhanaṃ praveśena tvaritena visarjanam | vāṣpeṇa sthāpanaṃ tat syād viśvastāt siddhiruttamā

Sanskrit only: no published translation is held for this verse.

त्वरिते निबन्धके वाष्पे मन्त्रनियोजना कथिता । कर्णमूले तु शिष्यायाचार्येण सुप्रयत्नतः

tvarite nibandhake vāṣpe mantraniyojanā kathitā | karṇamūle tu śiṣyāyācāryeṇa suprayatnataḥ

Sanskrit only: no published translation is held for this verse.

अथ योगेश्वराणां तु दिव्योपायः प्रदर्शितः । गुह्याक्षरं प्रवक्ष्यामि योगसिद्धिफलप्रदम्

atha yogeśvarāṇāṃ tu divyopāyaḥ pradarśitaḥ | guhyākṣaraṃ pravakṣyāmi yogasiddhiphalapradam

Sanskrit only: no published translation is held for this verse.

येन चिन्तितमात्रेण योगिनः स्युर्वरप्रदाः । आद्यक्षरप्रयोगेण उच्छवासं कुरुते सदा

yena cintitamātreṇa yoginaḥ syurvarapradāḥ | ādyakṣaraprayogeṇa ucchavāsaṃ kurute sadā

Sanskrit only: no published translation is held for this verse.

अष्टान्तेन समायुक्तमुकारेण सबिन्दुकम् । निश्वासं कुरुते योगी रुचिजाप्तमिहोच्यते

aṣṭāntena samāyuktamukāreṇa sabindukam | niśvāsaṃ kurute yogī rucijāptamihocyate

Sanskrit only: no published translation is held for this verse.

अयुतद्वयं सहस्रं च षट् शतानि तथैव च । अहोरात्रेण योगीन्द्रो जपसंख्यां करोति च

ayutadvayaṃ sahasraṃ ca ṣaṭ śatāni tathaiva ca | ahorātreṇa yogīndro japasaṃkhyāṃ karoti ca

Sanskrit only: no published translation is held for this verse.

तदेवं गुह्यसन्ध्यायां सूक्ष्मयोगः प्रकाशितः । ध्यानाध्ययनवीतं तु तथापि जाप उच्यते

tadevaṃ guhyasandhyāyāṃ sūkṣmayogaḥ prakāśitaḥ | dhyānādhyayanavītaṃ tu tathāpi jāpa ucyate

Sanskrit only: no published translation is held for this verse.

अनेन वज्रजापेन सेवां कृत्वा यथाविधि । साधयेत् सर्वकार्याणि मायोपमसमाधिना

anena vajrajāpena sevāṃ kṛtvā yathāvidhi | sādhayet sarvakāryāṇi māyopamasamādhinā

Sanskrit only: no published translation is held for this verse.

अत्राह अद्वयसमतामहायोगतन्त्रे- जपित्वा मन्त्रमतुलं साधयेत् साधनात्मकः । सिध्यते तस्य त्रैलोक्यं मासैकेन न संशयः

atrāha advayasamatāmahāyogatantre- japitvā mantramatulaṃ sādhayet sādhanātmakaḥ | sidhyate tasya trailokyaṃ māsaikena na saṃśayaḥ

Sanskrit only: no published translation is held for this verse.

षड् लक्षाणि जपित्वा तु मन्त्रं ज्ञानसमुद्भवम् । वज्रसत्त्वं नमस्कृत्य पूर्णमास्यां स सिध्यति

ṣaḍ lakṣāṇi japitvā tu mantraṃ jñānasamudbhavam | vajrasattvaṃ namaskṛtya pūrṇamāsyāṃ sa sidhyati

Sanskrit only: no published translation is held for this verse.

न तस्य व्रतमाख्यातं नाक्षसूत्रं न मन्त्रकम् । धारणा होमकर्माणि वर्ज्यन्ते च परापरम्

na tasya vratamākhyātaṃ nākṣasūtraṃ na mantrakam | dhāraṇā homakarmāṇi varjyante ca parāparam

Sanskrit only: no published translation is held for this verse.

यकारार्थेन यत् किञ्चित् सिद्धिमिच्छता । रेफादित्रितयेनैव जतत्कार्यं प्रवर्तते

yakārārthena yat kiñcit siddhimicchatā | rephāditritayenaiva jatatkāryaṃ pravartate

Sanskrit only: no published translation is held for this verse.

अग्निवायव्यमाहेन्द्रवारुणे प्रतिमण्डले । अर्धयामिकवेलायां द्वौ द्वौ कर्मणि तिष्ठतः

agnivāyavyamāhendravāruṇe pratimaṇḍale | ardhayāmikavelāyāṃ dvau dvau karmaṇi tiṣṭhataḥ

Sanskrit only: no published translation is held for this verse.

पूजाप्रायो भवेत् पूज्यो जापप्रायो विशुध्यति । अग्निहोत्रपरो भूतिं मोक्षं ध्यानपरो लभेत्

pūjāprāyo bhavet pūjyo jāpaprāyo viśudhyati | agnihotraparo bhūtiṃ mokṣaṃ dhyānaparo labhet

Sanskrit only: no published translation is held for this verse.

ज्ञात्वा इत्थं ततो मन्त्री जगद्बालवदाचरेत् । ततः सिध्यन्ति मन्त्राश्च निर्विकल्पैकधर्मतः

jñātvā itthaṃ tato mantrī jagadbālavadācaret | tataḥ sidhyanti mantrāśca nirvikalpaikadharmataḥ

Sanskrit only: no published translation is held for this verse.

मन्त्रतत्त्वमिदं व्यक्तं वाग्वज्रस्य प्रसाधनम् । ज्ञानत्रयप्रभेदेन चित्तमात्रे नियोजयेद् ॥ इति ॥ प्क् १। ६४ ॥ गुरोरवज्ञासुशठो ऽप्रसन्नो मन्त्रोद्धतः पुस्तकदृष्टिगर्वः । अश्रद्दधानस्त्वभिषेकहीनो वार्ता क्रमस्यापि च तस्य नोक्ता

mantratattvamidaṃ vyaktaṃ vāgvajrasya prasādhanam | jñānatrayaprabhedena cittamātre niyojayed || iti || Pk 1. 64 || guroravajñāsuśaṭho 'prasanno mantroddhataḥ pustakadṛṣṭigarvaḥ | aśraddadhānastvabhiṣekahīno vārtā kramasyāpi ca tasya noktā

Sanskrit only: no published translation is held for this verse.

यः श्रद्दधानो गुरुभक्तिरक्तः शुश्रूषणायां च सदाभियुक्तः । ग्राह्यः श्रुतिं नैव धनं निरीक्ष्यं गुरुप्रधानो ऽय गुरुप्रसादः

yaḥ śraddadhāno gurubhaktiraktaḥ śuśrūṣaṇāyāṃ ca sadābhiyuktaḥ | grāhyaḥ śrutiṃ naiva dhanaṃ nirīkṣyaṃ gurupradhāno 'ya guruprasādaḥ

Sanskrit only: no published translation is held for this verse.

गिरीन्द्रमूर्ध्नः प्रपतेत् तु कश्चित् नेच्छेच्च्युतिं तु च्यवते तथापि । गुरुप्रसादाप्तहितोपदेश इच्छेन्न मोक्तं स तथापि मुक्तंः

girīndramūrdhnaḥ prapatet tu kaścit neccheccyutiṃ tu cyavate tathāpi | guruprasādāptahitopadeśa icchenna moktaṃ sa tathāpi muktaṃḥ

Sanskrit only: no published translation is held for this verse.