Aryasura: Paramitasamasa 5

अथ ध्यानविधौ योगं कुर्याज् ज्ञानविवृद्धये । सुखं हि कर्तुं लोकानां ज्ञानालोकादनुग्रहम्

atha dhyānavidhau yogaṃ kuryāj jñānavivṛddhaye / sukhaṃ hi kartuṃ lokānāṃ jñānālokādanugraham

Sanskrit only: no published translation is held for this verse.

प्रसीदत्यधिकं ज्ञानं ध्यानान्मनसि निर्मले । शरदुत्सारितघने नभसीवेन्दुमण्डलम्

prasīdatyadhikaṃ jñānaṃ dhyānānmanasi nirmale / śaradutsāritaghane nabhasīvendumaṇḍalam

Sanskrit only: no published translation is held for this verse.

विशुद्धशीलः कल्याणैः सहायैः सहितैर्हितैः । अल्पकृत्यः प्रशान्तात्म स्मृत्यधिष्ठानवेष्टितः

viśuddhaśīlaḥ kalyāṇaiḥ sahāyaiḥ sahitairhitaiḥ / alpakṛtyaḥ praśāntātma smṛtyadhiṣṭhānaveṣṭitaḥ

Sanskrit only: no published translation is held for this verse.

निवसन् वृक्षमूलेषु शाद्वलास्तीर्णभूमिषु । अनुपस्कृतरम्येषु वनपुष्पसुगन्धिषु

nivasan vṛkṣamūleṣu śādvalāstīrṇabhūmiṣu / anupaskṛtaramyeṣu vanapuṣpasugandhiṣu

Sanskrit only: no published translation is held for this verse.

ध्यानसाचिव्यधीरेषु संतुष्टजनवेश्मसु । जननिर्घोषमूकत्वाद् गम्भीरावस्थितेष्विव

dhyānasācivyadhīreṣu saṃtuṣṭajanaveśmasu / jananirghoṣamūkatvād gambhīrāvasthiteṣviva

Sanskrit only: no published translation is held for this verse.

प्रत्यरण्यनिविष्टेषु शून्येष्वायतनेषु वा । कुञ्जेषु च महीध्राणां सिंहनादानुनादिषु

pratyaraṇyaniviṣṭeṣu śūnyeṣvāyataneṣu vā / kuñjeṣu ca mahīdhrāṇāṃ siṃhanādānunādiṣu

Sanskrit only: no published translation is held for this verse.

यत्र क्व चन वा देशे संसर्गक्लेशवर्जिते । पर्यङ्केन सुखासीनः शरीरम् ऋजु धारयन्

yatra kva cana vā deśe saṃsargakleśavarjite / paryaṅkena sukhāsīnaḥ śarīram ṛju dhārayan

Sanskrit only: no published translation is held for this verse.

उपस्थाप्य स्मृतिमयीं रक्षां अभिमुखीं हृदि । कृपया कुवितर्काणां कृत्वेवाक्षणघोषणाम्

upasthāpya smṛtimayīṃ rakṣāṃ abhimukhīṃ hṛdi / kṛpayā kuvitarkāṇāṃ kṛtvevākṣaṇaghoṣaṇām

Sanskrit only: no published translation is held for this verse.

प्रज्ञापरिचयस्यायां कालो मे न तु निर्वृतेः । न हि सत्त्वान् अनिर्वाप्य स्वयं निर्वातुम् उत्सहे

prajñāparicayasyāyāṃ kālo me na tu nirvṛteḥ / na hi sattvān anirvāpya svayaṃ nirvātum utsahe

Sanskrit only: no published translation is held for this verse.

इति लोकहितावेक्षी बुद्धभावगतस्पृहः । कुर्यात् सातत्ययोगेन ध्यानारम्भसमुद्यमम्

iti lokahitāvekṣī buddhabhāvagataspṛhaḥ / kuryāt sātatyayogena dhyānārambhasamudyamam

Sanskrit only: no published translation is held for this verse.

न हि विश्रम्य विश्रम्य मथ्नन्नग्निमवाप्नुयात् । स एव योगो योगे ऽपि विशेषाधिगमादृते

na hi viśramya viśramya mathnannagnimavāpnuyāt / sa eva yogo yoge 'pi viśeṣādhigamādṛte

Sanskrit only: no published translation is held for this verse.

एकत्रैव च बध्नीयाद् दृढम् आलम्बने मनः । अन्यान्यालम्बनग्राहः क्लिश्नात्येवाकुलं मनः

ekatraiva ca badhnīyād dṛḍham ālambane manaḥ / anyānyālambanagrāhaḥ kliśnātyevākulaṃ manaḥ

Sanskrit only: no published translation is held for this verse.

विदर्शनाद् वीर्यबलाल्लीयमानं समुद्धरेत् । उद्धन्यमानं च मनः प्रशमेन निवारयेत्

vidarśanād vīryabalāllīyamānaṃ samuddharet / uddhanyamānaṃ ca manaḥ praśamena nivārayet

Sanskrit only: no published translation is held for this verse.

सम्यग्गतमुपेक्षितं समाधिबलनिश्चलम् । तत्रापि वा तन्मयः स्यात् सुगतज्ञानलब्धये

samyaggatamupekṣitaṃ samādhibalaniścalam / tatrāpi vā tanmayaḥ syāt sugatajñānalabdhaye

Sanskrit only: no published translation is held for this verse.

न च ध्यानसुखास्वादः पारतन्त्र्यमनुक्रमेत् । न हि स्वसुखमात्रार्थमयम् आरम्भविस्तरः

na ca dhyānasukhāsvādaḥ pāratantryamanukramet / na hi svasukhamātrārthamayam ārambhavistaraḥ

Sanskrit only: no published translation is held for this verse.

शरीरजीवितापेक्षी दैन्योपहतमानसः । न कुर्याद् वीर्यशैथिल्यमप्यादीप्ते स्वमूर्धनि

śarīrajīvitāpekṣī dainyopahatamānasaḥ / na kuryād vīryaśaithilyamapyādīpte svamūrdhani

Sanskrit only: no published translation is held for this verse.

लक्षयित्वा निमित्तानि मनस्तस्य समाधये । भ्रश्यमानं प्रयुञ्जीत स्मृत्यावहितया पुनः

lakṣayitvā nimittāni manastasya samādhaye / bhraśyamānaṃ prayuñjīta smṛtyāvahitayā punaḥ

Sanskrit only: no published translation is held for this verse.

मनो निवरणेभ्यश्च विपक्षैर्विनिवर्तयेत् । स्वेच्छाप्रयातं द्विरदम् अङ्कुशाकर्षणैरिव

mano nivaraṇebhyaśca vipakṣairvinivartayet / svecchāprayātaṃ dviradam aṅkuśākarṣaṇairiva

Sanskrit only: no published translation is held for this verse.

अथ नीवरणव्याधिनाशप्रस्वस्थमानसः । दारिद्र्यादिव निर्मुक्तो महतो व्यसनादिव

atha nīvaraṇavyādhināśaprasvasthamānasaḥ / dāridryādiva nirmukto mahato vyasanādiva

Sanskrit only: no published translation is held for this verse.

प्रीतियुक्तेन मनसा कामदोषान् विचारयेत् । तद्वियोगोपलभ्यां च परां सुखपरम्पराम्

prītiyuktena manasā kāmadoṣān vicārayet / tadviyogopalabhyāṃ ca parāṃ sukhaparamparām

Sanskrit only: no published translation is held for this verse.

विद्युदुद्द्योतचपलाः फेनांशुकनिभात्मकाः । स्वप्नवत् पेलवास्वादा वञ्चनार्थमिवोदिताः

vidyududdyotacapalāḥ phenāṃśukanibhātmakāḥ / svapnavat pelavāsvādā vañcanārthamivoditāḥ

Sanskrit only: no published translation is held for this verse.

पितृणामपि पुत्रेषु पुत्राणां च पितृष्वपि । प्रीतिसर्वस्वभूतेषु सुहृत्सु सुहृदामपि

pitṛṇāmapi putreṣu putrāṇāṃ ca pitṛṣvapi / prītisarvasvabhūteṣu suhṛtsu suhṛdāmapi

Sanskrit only: no published translation is held for this verse.

गुणप्रचयबद्धस्य व्यूढेसु समरेष्वपि । दर्शितस्थैर्यसारस्य स्नेहसेतोर्विदारिणः

guṇapracayabaddhasya vyūḍhesu samareṣvapi / darśitasthairyasārasya snehasetorvidāriṇaḥ

Sanskrit only: no published translation is held for this verse.

इह पर्येष्टिदुःखस्य परत्र नरकस्य च । हेतुभूता यतः कामाः कामयेत न तान् अतः

iha paryeṣṭiduḥkhasya paratra narakasya ca / hetubhūtā yataḥ kāmāḥ kāmayeta na tān ataḥ

Sanskrit only: no published translation is held for this verse.

यदाश्रयो वितर्को ऽपि प्रज्ञाचक्षुर्निमीलनः । आत्मनो ऽपि परस्यापि विघाताय प्रवर्तते

yadāśrayo vitarko 'pi prajñācakṣurnimīlanaḥ / ātmano 'pi parasyāpi vighātāya pravartate

Sanskrit only: no published translation is held for this verse.

आत्मकामैरपि च ये सर्वथापि विवर्जिताः । परार्थकामस्तान् कामांस्त्यक्त्वा कथमनुस्मरेत्

ātmakāmairapi ca ye sarvathāpi vivarjitāḥ / parārthakāmastān kāmāṃstyaktvā kathamanusmaret

Sanskrit only: no published translation is held for this verse.

तृप्तिरेषां न संप्राप्त्या नाहन्यहनि सेवया । नैव संनिचयेनापि को ऽन्यो व्याधिरतः परः

tṛptireṣāṃ na saṃprāptyā nāhanyahani sevayā / naiva saṃnicayenāpi ko 'nyo vyādhirataḥ paraḥ

Sanskrit only: no published translation is held for this verse.

यदास्वादहतो नैव स्वार्थमप्यवबुध्यते । उन्मत्तपानप्रतिमान् कस्तान् सहृदयः स्मरेत्

yadāsvādahato naiva svārthamapyavabudhyate / unmattapānapratimān kastān sahṛdayaḥ smaret

Sanskrit only: no published translation is held for this verse.

इत्येवं सर्वतो दुष्टान् कामांस्तस्यानुपश्यतः । ततः संकुचितं चित्तं नैष्क्रम्ये ऽभिप्रसीदति

ityevaṃ sarvato duṣṭān kāmāṃstasyānupaśyataḥ / tataḥ saṃkucitaṃ cittaṃ naiṣkramye 'bhiprasīdati

Sanskrit only: no published translation is held for this verse.

विवेकजं प्रीतिसुखं ततः प्रस्रब्धिलब्धिजम् । प्राप्नोति चित्तस्यैकाग्र्यं प्रथमध्यानसंज्ञितम्

vivekajaṃ prītisukhaṃ tataḥ prasrabdhilabdhijam / prāpnoti cittasyaikāgryaṃ prathamadhyānasaṃjñitam

Sanskrit only: no published translation is held for this verse.

स वितर्कविचाराणां कामानामिव दुष्टताम् । पुष्यांस्तत्प्रशमान्वेषी समाधिप्रीतिजं सुखम्

sa vitarkavicārāṇāṃ kāmānāmiva duṣṭatām / puṣyāṃstatpraśamānveṣī samādhiprītijaṃ sukham

Sanskrit only: no published translation is held for this verse.

अध्यात्मसंप्रसादाच्च चित्तैकाग्रतया च तत् । द्वितीयं ध्यानमित्याहुरद्वितीया महर्षयः

adhyātmasaṃprasādācca cittaikāgratayā ca tat / dvitīyaṃ dhyānamityāhuradvitīyā maharṣayaḥ

Sanskrit only: no published translation is held for this verse.

उत्प्लवं मनसो दृष्ट्वा प्रीतेरथ विरज्य सः । तृतीयं ध्यानमाप्नोति स्मृत्युपेक्षासमन्वितम्

utplavaṃ manaso dṛṣṭvā prīteratha virajya saḥ / tṛtīyaṃ dhyānamāpnoti smṛtyupekṣāsamanvitam

Sanskrit only: no published translation is held for this verse.

सुखभोगमपि त्यक्त्वा सुखदुःखनिराकृतम् । विशुद्धं स्मृत्युपेक्षाभ्यां चतुर्थं ध्यानमश्नुते

sukhabhogamapi tyaktvā sukhaduḥkhanirākṛtam / viśuddhaṃ smṛtyupekṣābhyāṃ caturthaṃ dhyānamaśnute

Sanskrit only: no published translation is held for this verse.

अभिज्ञा लभते पञ्च स च तत्रानुगामिनीः । राज्यस्थ इव धर्मात्मा ह्रीकीर्तिश्रीमतिद्युतीः

abhijñā labhate pañca sa ca tatrānugāminīḥ / rājyastha iva dharmātmā hrīkīrtiśrīmatidyutīḥ

Sanskrit only: no published translation is held for this verse.

प्रत्येकजिनलब्धाश्च श्रावकीया व्यतीत्य च । ता भवन्त्यधिका दूरं परार्थसमुदागमात्

pratyekajinalabdhāśca śrāvakīyā vyatītya ca / tā bhavantyadhikā dūraṃ parārthasamudāgamāt

Sanskrit only: no published translation is held for this verse.

स हि मत्सरिणस्त्यागे शीले तद्विकलानपि । कोपनान् क्षान्तिसौरत्ये कुसीदान् वीर्यसंपदि

sa hi matsariṇastyāge śīle tadvikalānapi / kopanān kṣāntisauratye kusīdān vīryasaṃpadi

Sanskrit only: no published translation is held for this verse.

विक्षिप्तचेतसो ध्याने प्रज्ञायां तन्निराकृतान् । नियोजयति कारुण्यादश्रान्ताचारविक्रमः

vikṣiptacetaso dhyāne prajñāyāṃ tannirākṛtān / niyojayati kāruṇyādaśrāntācāravikramaḥ

Sanskrit only: no published translation is held for this verse.

अतो ऽच्युताभिर्दीप्ताभिर्भाभिर्लोकावभासनम् । मरीचिभिरिवादित्याः कुरुते ऽनन्तगोचरम्

ato 'cyutābhirdīptābhirbhābhirlokāvabhāsanam / marīcibhirivādityāḥ kurute 'nantagocaram

Sanskrit only: no published translation is held for this verse.

अथ पापकृतः सत्त्वान् पततो नरकादिषु । क्षीणपुण्यायुषश्चैव देवाञ्छाश्वतमानिनः

atha pāpakṛtaḥ sattvān patato narakādiṣu / kṣīṇapuṇyāyuṣaścaiva devāñchāśvatamāninaḥ

Sanskrit only: no published translation is held for this verse.

तैस्तैर्दुःखविशेषैश्च लोकं कारणयाहतम् । तत्र दिव्यप्रभावेण चक्षुषा सा विलोकयन्

taistairduḥkhaviśeṣaiśca lokaṃ kāraṇayāhatam / tatra divyaprabhāveṇa cakṣuṣā sā vilokayan

Sanskrit only: no published translation is held for this verse.

तीव्रमायाति कारुण्यं कारुण्यान् न प्रमाद्यति । परार्थेष्वप्रमत्तश्च यात्यचिन्त्यप्रभावताम्

tīvramāyāti kāruṇyaṃ kāruṇyān na pramādyati / parārtheṣvapramattaśca yātyacintyaprabhāvatām

Sanskrit only: no published translation is held for this verse.

अथान्यलोकधातुस्थान् सम्पश्यति तथागतान् । बुद्धक्षेत्रगुणव्यूहान् संघस्यैव च संपदः

athānyalokadhātusthān sampaśyati tathāgatān / buddhakṣetraguṇavyūhān saṃghasyaiva ca saṃpadaḥ

Sanskrit only: no published translation is held for this verse.

बोधिसत्त्वर्षभाणां च विशुद्धाचारगोचरम् । सर्वलोकहितोदर्कं श्रीमच्चरितमीक्षते

bodhisattvarṣabhāṇāṃ ca viśuddhācāragocaram / sarvalokahitodarkaṃ śrīmaccaritamīkṣate

Sanskrit only: no published translation is held for this verse.

तत्र च प्रणिधिस्तस्य सुखेनैव समृध्यति । परार्थपरिणामाच्च शीलस्यैव च संपदः

tatra ca praṇidhistasya sukhenaiva samṛdhyati / parārthapariṇāmācca śīlasyaiva ca saṃpadaḥ

Sanskrit only: no published translation is held for this verse.

अतिमानुषया श्रुत्या दिव्ययार्थविशुद्धया । शृण्वन्नुच्चावचा वाचो विदूरे ऽप्यविदूरवत्

atimānuṣayā śrutyā divyayārthaviśuddhayā / śṛṇvannuccāvacā vāco vidūre 'pyavidūravat

Sanskrit only: no published translation is held for this verse.

कृपादूरचरैरुक्ताः पारुष्यविरसाक्षराः । अन्तर्दीप्तस्य कोपाग्नेर्निश्चरन्तीरिवार्चिषः

kṛpādūracarairuktāḥ pāruṣyavirasākṣarāḥ / antardīptasya kopāgnerniścarantīrivārciṣaḥ

Sanskrit only: no published translation is held for this verse.

अप्सरोगीतसचिवान् भूषणस्वनशीभरान् । दिव्यतूर्यनिनादांश्च विनाशैकरसानपि

apsarogītasacivān bhūṣaṇasvanaśībharān / divyatūryaninādāṃśca vināśaikarasānapi

Sanskrit only: no published translation is held for this verse.

निषेव्यमाणान् रागान्धैरमित्रान्मित्रारूपिणः । वीक्ष्य व्रजति कारुण्यं तेषां वाञ्चनया तया

niṣevyamāṇān rāgāndhairamitrānmitrārūpiṇaḥ / vīkṣya vrajati kāruṇyaṃ teṣāṃ vāñcanayā tayā

Sanskrit only: no published translation is held for this verse.

भयाद्दुःखविशेषाच्च सो ऽविस्पष्टपदाक्षरैः । नारकैरार्तरसितैर्हृदीवाभिहतस्ततः

bhayādduḥkhaviśeṣācca so 'vispaṣṭapadākṣaraiḥ / nārakairārtarasitairhṛdīvābhihatastataḥ

Sanskrit only: no published translation is held for this verse.

परमालम्बते वीर्यं मज्जागतमहाकृपः । तीक्ष्णाग्रेण प्रतोदेन सदश्व इव चोदितः

paramālambate vīryaṃ majjāgatamahākṛpaḥ / tīkṣṇāgreṇa pratodena sadaśva iva coditaḥ

Sanskrit only: no published translation is held for this verse.

नानालोकस्थितेभ्यो ऽथ जिनेभ्यो धर्मदेशनाः । शृणोति सर्वसत्त्वानां निर्वाणकाङ्क्षयाक्षयाः

nānālokasthitebhyo 'tha jinebhyo dharmadeśanāḥ / śṛṇoti sarvasattvānāṃ nirvāṇakāṅkṣayākṣayāḥ

Sanskrit only: no published translation is held for this verse.

ततः स परचित्तेषु विज्ञायानुशयाशयान् । पुण्याङ्कुरान् रोपयति ज्ञानसाधनवान्नवान्

tataḥ sa paracitteṣu vijñāyānuśayāśayān / puṇyāṅkurān ropayati jñānasādhanavānnavān

Sanskrit only: no published translation is held for this verse.

स्मृत्वा पूर्वनिवासं च कल्पकोटिसहस्रशः । पश्यन् पुण्यानि लोकानां तथेन्द्रियबलाबलम्

smṛtvā pūrvanivāsaṃ ca kalpakoṭisahasraśaḥ / paśyan puṇyāni lokānāṃ tathendriyabalābalam

Sanskrit only: no published translation is held for this verse.

तदाश्रयवशादृद्ध्या सो ऽनेकीकृतविग्रहः । अवन्ध्यकथनं याति यथाभाजनदेशनात्

tadāśrayavaśādṛddhyā so 'nekīkṛtavigrahaḥ / avandhyakathanaṃ yāti yathābhājanadeśanāt

Sanskrit only: no published translation is held for this verse.

क्व चिद् अर्कसहस्रदीप्तिनाप्यविसंवादितकान्तिसंपदा । वपुषा मुनिराजलक्षणः स्फुटचित्रेण समन्तलक्ष्मणा

kva cid arkasahasradīptināpyavisaṃvāditakāntisaṃpadā / vapuṣā munirājalakṣaṇaḥ sphuṭacitreṇa samantalakṣmaṇā

Sanskrit only: no published translation is held for this verse.

जनयन्नयनोत्सवं नृणां वचसा ह्लादविशेषमाचरन् । स करोत्यमृतप्रकाशनं जिनभावाय जिनाधिमुक्तिषु

janayannayanotsavaṃ nṛṇāṃ vacasā hlādaviśeṣamācaran / sa karotyamṛtaprakāśanaṃ jinabhāvāya jinādhimuktiṣu

Sanskrit only: no published translation is held for this verse.

प्रशमोत्तरया मुनिश्रिया क्व चिद् अत्यार्थविशिष्टचेष्टया । कुरुते मुनिशिष्यरूपभृद्विनयं तद्विनयार्हचेतसाम्

praśamottarayā muniśriyā kva cid atyārthaviśiṣṭaceṣṭayā / kurute muniśiṣyarūpabhṛdvinayaṃ tadvinayārhacetasām

Sanskrit only: no published translation is held for this verse.

अभिसारितपादपङ्कजः सुरचूडामणिभिर्महेन्द्रवत् । धनदो धनदो यथा क्व चित् कुह चिद्ब्रह्मवदद्भुतद्युतिः

abhisāritapādapaṅkajaḥ suracūḍāmaṇibhirmahendravat / dhanado dhanado yathā kva cit kuha cidbrahmavadadbhutadyutiḥ

Sanskrit only: no published translation is held for this verse.

क्व चिद् उन्मिषितत्रिलोचनः शशीलेखामलमौलिभूषणः । अमराधिपभासुरद्युतिर्बुजगेन्द्रश्रियमुद्वहन् क्व चित्

kva cid unmiṣitatrilocanaḥ śaśīlekhāmalamaulibhūṣaṇaḥ / amarādhipabhāsuradyutirbujagendraśriyamudvahan kva cit

Sanskrit only: no published translation is held for this verse.

कुलिशानलपिङ्गलाङ्गुलिः कुह चिद् गुह्यकराजराजवत् । अमिताजिनलक्ष्मवान् क्व चिद् गुणरश्मिर्मुनिचन्द्रमा इव

kuliśānalapiṅgalāṅguliḥ kuha cid guhyakarājarājavat / amitājinalakṣmavān kva cid guṇaraśmirmunicandramā iva

Sanskrit only: no published translation is held for this verse.

स्फुटकौस्तुभरत्नरश्मिभिर्विपुलोरःस्थलभासुरद्युतिः । गरुडध्वजराजदृक् क्व चित् कुह चिच्चैव हलायुधद्युतिः

sphuṭakaustubharatnaraśmibhirvipuloraḥsthalabhāsuradyutiḥ / garuḍadhvajarājadṛk kva cit kuha ciccaiva halāyudhadyutiḥ

Sanskrit only: no published translation is held for this verse.

सितशक्तिरचिन्त्यशक्तिमान् कुह चिच्चारुशिखण्डिवाहनः । उदयास्तनगेन्द्रभूषणः शशिसूर्यामलरूपवान् क्व चित्

sitaśaktiracintyaśaktimān kuha ciccāruśikhaṇḍivāhanaḥ / udayāstanagendrabhūṣaṇaḥ śaśisūryāmalarūpavān kva cit

Sanskrit only: no published translation is held for this verse.

कुह चिद् धुतभुङ्मरुत्वतां वपुषान्यत्र नराश्रयाशिनाम् । वारुणद्युतिम् उद्वहन् क्व चित् कुह चिन्मन्मथचारुविग्रहः

kuha cid dhutabhuṅmarutvatāṃ vapuṣānyatra narāśrayāśinām / vāruṇadyutim udvahan kva cit kuha cinmanmathacāruvigrahaḥ

Sanskrit only: no published translation is held for this verse.

ललितां प्रमदानराकृतिं नरनारीरतिसंगलालसः । क्व चिद् एव तपोधनश्रियं विदधत् कामविरक्तमानसः

lalitāṃ pramadānarākṛtiṃ naranārīratisaṃgalālasaḥ / kva cid eva tapodhanaśriyaṃ vidadhat kāmaviraktamānasaḥ

Sanskrit only: no published translation is held for this verse.

हृदयानि हरन्नृणां क्व चिद् गुरुशिष्यक्षितिपालवृत्तिभिः । नरकेष्वपि च परभावतो विदधद्दुःखविमोक्षणक्षणम्

hṛdayāni harannṛṇāṃ kva cid guruśiṣyakṣitipālavṛttibhiḥ / narakeṣvapi ca parabhāvato vidadhadduḥkhavimokṣaṇakṣaṇam

Sanskrit only: no published translation is held for this verse.

जगताम् अधिमुक्तिविस्तरैरथ सो ऽनेकविधैर्विचेष्टितैः । करुणागुणसंततस्ततः कुरुते लोकहितं ततस्ततः

jagatām adhimuktivistarairatha so 'nekavidhairviceṣṭitaiḥ / karuṇāguṇasaṃtatastataḥ kurute lokahitaṃ tatastataḥ

Sanskrit only: no published translation is held for this verse.

समवाप्य विशेषसंपदं विपुलां ध्यानगुणश्रयादिमाम् । प्रयतेत विशेषवत्तरं निधिचिह्नेष्वविसंवदत्स्विव

samavāpya viśeṣasaṃpadaṃ vipulāṃ dhyānaguṇaśrayādimām / prayateta viśeṣavattaraṃ nidhicihneṣvavisaṃvadatsviva

Sanskrit only: no published translation is held for this verse.

कुशले स्थितिरप्यनूर्जिता किम् अहानिः शिथिलव्रतोचिता । प्रयतेत विवृद्धये ततः परिहाणिस्तु विपर्ययादतः

kuśale sthitirapyanūrjitā kim ahāniḥ śithilavratocitā / prayateta vivṛddhaye tataḥ parihāṇistu viparyayādataḥ

Sanskrit only: no published translation is held for this verse.

सुलभश्च समाधिरुद्यमाद् अनुरक्षा पुनरस्य दुष्करा । सहसा विजिगीषुणा यथा विजितस्य प्रशमप्रतिक्रिया

sulabhaśca samādhirudyamād anurakṣā punarasya duṣkarā / sahasā vijigīṣuṇā yathā vijitasya praśamapratikriyā

Sanskrit only: no published translation is held for this verse.

मनसः परिवृत्तिलाघवं परमं तत्र न विश्वसेदतः । अनवाप्य महीमिवाचलाम् अचलां भूमिमभीरदुर्गमाम्

manasaḥ parivṛttilāghavaṃ paramaṃ tatra na viśvasedataḥ / anavāpya mahīmivācalām acalāṃ bhūmimabhīradurgamām

Sanskrit only: no published translation is held for this verse.

अभिसंस्कृत[मार्गचारिणः] पतनान्ता हि समाधिविस्तराः । अत उत्तममार्गभावनाम् अवलम्बेत विकल्पवर्जनात्

abhisaṃskṛta[mārgacāriṇaḥ] patanāntā hi samādhivistarāḥ / ata uttamamārgabhāvanām avalambeta vikalpavarjanāt

Sanskrit only: no published translation is held for this verse.

सुचिनित्यसुखात्मकल्पनं कपटम् संस्कृतदम्भसंभवाम् । समवेक्ष्य न भावकल्पनाप्रणयव्यापृतमानसो भवेत्

sucinityasukhātmakalpanaṃ kapaṭam saṃskṛtadambhasaṃbhavām / samavekṣya na bhāvakalpanāpraṇayavyāpṛtamānaso bhavet

Sanskrit only: no published translation is held for this verse.

विशदे ऽप्युपलम्भसंभवे व्रजति क्लेशशरव्यताम् अतः । व्यतियाति तु मारगोचरं तमनर्थं प्रशमय्य सर्वथा

viśade 'pyupalambhasaṃbhave vrajati kleśaśaravyatām ataḥ / vyatiyāti tu māragocaraṃ tamanarthaṃ praśamayya sarvathā

Sanskrit only: no published translation is held for this verse.

न हि निश्रयदोशदुषितो भवति ध्यानविधिर्विशुद्धये । चलतानुगतो हि निश्रयः सखटुङ्कस्तत एव कथ्यते

na hi niśrayadośaduṣito bhavati dhyānavidhirviśuddhaye / calatānugato hi niśrayaḥ sakhaṭuṅkastata eva kathyate

Sanskrit only: no published translation is held for this verse.

व्यवहारविधिप्रसिद्धये प्रतिपत्तद्भवतीति कथ्यते । न हि किं चिद् उदेति कुत्र चित् सदसत्संभवयुक्त्यसंभवात्

vyavahāravidhiprasiddhaye pratipattadbhavatīti kathyate / na hi kiṃ cid udeti kutra cit sadasatsaṃbhavayuktyasaṃbhavāt

Sanskrit only: no published translation is held for this verse.

गगनेन समानमानसस्त्रिभवादप्यु अथ वीतनिश्रयः । अविकल्पितधीरचेष्टितो वचनेनाप्रतियत्नशोभिना

gaganena samānamānasastribhavādapyu atha vītaniśrayaḥ / avikalpitadhīraceṣṭito vacanenāpratiyatnaśobhinā

Sanskrit only: no published translation is held for this verse.

कुरुते स च लौकिकीं क्रियां जगदेकान्तहितानुवर्तिनीम् । न समाधिबलाच्च हीयते वशवर्तित्वमवाप्य चेतसः

kurute sa ca laukikīṃ kriyāṃ jagadekāntahitānuvartinīm / na samādhibalācca hīyate vaśavartitvamavāpya cetasaḥ

Sanskrit only: no published translation is held for this verse.

ततः परं परहिततत्परोद्यतैः समाधिभिर्विधिविहितप्रयोजनैः । विवर्धते घनसमये यथोदधिः सरिद्वधूसमुपहृतैर्नवाम्बुभिः

tataḥ paraṃ parahitatatparodyataiḥ samādhibhirvidhivihitaprayojanaiḥ / vivardhate ghanasamaye yathodadhiḥ saridvadhūsamupahṛtairnavāmbubhiḥ

Sanskrit only: no published translation is held for this verse.