ततो गच्छेत् तु राजेन्द्र पूतकेश्वरम् उत्तमम् । नर्मदादक्षिणे कूले सर्वपापक्षयंकरम्
tato gacchet tu rājendra pūtakeśvaram uttamam / narmadādakṣiṇe kūle sarvapāpakṣayaṃkaram
Sanskrit only: no published translation is held for this verse.
सुस्थापितः शिवस् तत्र लोकानां हितकाम्यया । यस् तत्र मनुजः शम्भुं पूजयेत् पाण्डुनन्दन
susthāpitaḥ śivas tatra lokānāṃ hitakāmyayā / yas tatra manujaḥ śambhuṃ pūjayet pāṇḍunandana
Sanskrit only: no published translation is held for this verse.
सर्वान् कामान् अवाप्नोति न स याति यमालयम् । कृष्णाष्टम्यां चतुर्दश्यां सर्वकामा नराधिप
sarvān kāmān avāpnoti na sa yāti yamālayam / kṛṣṇāṣṭamyāṃ caturdaśyāṃ sarvakāmā narādhipa
Sanskrit only: no published translation is held for this verse.
ये ऽर्चयन्ति महाकालं न ते यान्ति यमालयम्
ye 'rcayanti mahākālaṃ na te yānti yamālayam
Sanskrit only: no published translation is held for this verse.
जलशायीति नाम्ना वै विख्यातं वसुधातले । दानवानां वधं कृत्वा सुप्तस् तत्र जनार्दनः
jalaśāyīti nāmnā vai vikhyātaṃ vasudhātale / dānavānāṃ vadhaṃ kṛtvā suptas tatra janārdanaḥ
Sanskrit only: no published translation is held for this verse.
चक्रं च क्षालितं तत्र देवदेवेन शौरिणा । सुदर्शनं च निष्पापं रेवातोयप्रभावतः
cakraṃ ca kṣālitaṃ tatra devadevena śauriṇā / sudarśanaṃ ca niṣpāpaṃ revātoyaprabhāvataḥ
Sanskrit only: no published translation is held for this verse.
चक्रतीर्थं समाचक्ष्व ऋषिसङ्घैर् निषेवितम् । विष्णोः प्रभावमतुलं रेवायाश् चैव यत्फलम्
cakratīrthaṃ samācakṣva ṛṣisaṅghair niṣevitam / viṣṇoḥ prabhāvamatulaṃ revāyāś caiva yatphalam
Sanskrit only: no published translation is held for this verse.
साधु साधु महाभाग विष्णुना च युधिष्ठिर । गृह्याद् गुह्यतरं तीर्थं निर्मितं चक्रिणा स्वयम्
sādhu sādhu mahābhāga viṣṇunā ca yudhiṣṭhira / gṛhyād guhyataraṃ tīrthaṃ nirmitaṃ cakriṇā svayam
Sanskrit only: no published translation is held for this verse.
तत् ते ऽहं सम्प्रवक्ष्यामि कथां पापप्रणाशिनीम् । आसीत् पुरा महादैत्यो नलमेघ इति श्रुतः
tat te 'haṃ sampravakṣyāmi kathāṃ pāpapraṇāśinīm / āsīt purā mahādaityo nalamegha iti śrutaḥ
Sanskrit only: no published translation is held for this verse.
तेन देवा जिताः सर्वे हृतराज्या नराधिप । नलमेघभयात् पार्थ विष्णुरुद्राः सवासवाः
tena devā jitāḥ sarve hṛtarājyā narādhipa / nalameghabhayāt pārtha viṣṇurudrāḥ savāsavāḥ
Sanskrit only: no published translation is held for this verse.
यमस्कन्दजलेशाग्निवायवो वै धनेश्वरः । वसुवाक्पतिसिद्धाश् च प्रचेताश् च पितामहः
yamaskandajaleśāgnivāyavo vai dhaneśvaraḥ / vasuvākpatisiddhāś ca pracetāś ca pitāmahaḥ
Sanskrit only: no published translation is held for this verse.
गता देवाः परं लोकं विष्णुरुद्रनमस्कृतम् । स्तुवन्ति विविधैः स्तोत्रैर् वागीशप्रमुखा सुराः
gatā devāḥ paraṃ lokaṃ viṣṇurudranamaskṛtam / stuvanti vividhaiḥ stotrair vāgīśapramukhā surāḥ
Sanskrit only: no published translation is held for this verse.
नमः शिवमूर्तये तुभ्यं प्राक् सृष्टेः केवलात्मने । गुणत्रयविभागाय पश्चाद् भेदम् उपेयुषे
namaḥ śivamūrtaye tubhyaṃ prāk sṛṣṭeḥ kevalātmane / guṇatrayavibhāgāya paścād bhedam upeyuṣe
Sanskrit only: no published translation is held for this verse.
इन्द्रादिप्रमुखान् देवान् विवर्णानवनीपते । प्रसादाभिमुखो देवः प्रत्युवाच दिवौकसः
indrādipramukhān devān vivarṇānavanīpate / prasādābhimukho devaḥ pratyuvāca divaukasaḥ
Sanskrit only: no published translation is held for this verse.
स्वागतं सुरसङ्घाश् च कान्तिर् नष्टा पुरातनी । हिमप्लुष्टप्रभाणीव ज्योतिषां च मुखानि वै
svāgataṃ surasaṅghāś ca kāntir naṣṭā purātanī / himapluṣṭaprabhāṇīva jyotiṣāṃ ca mukhāni vai
Sanskrit only: no published translation is held for this verse.
प्रसभादर्चिषाम् एतद् अनुद्गीर्णं सुरायुधम् । वृत्रस्य हन्तुः कुलिशं कुण्ठितश्रीव लक्षते
prasabhādarciṣām etad anudgīrṇaṃ surāyudham / vṛtrasya hantuḥ kuliśaṃ kuṇṭhitaśrīva lakṣate
Sanskrit only: no published translation is held for this verse.
किंचायमरिदुर्वारः पाणौ पाशः प्रचेतसः । मन्त्रोपहृतवीर्यस्य फणिनो दैन्यम् आगतः
kiṃcāyamaridurvāraḥ pāṇau pāśaḥ pracetasaḥ / mantropahṛtavīryasya phaṇino dainyam āgataḥ
Sanskrit only: no published translation is held for this verse.
कुबेरस्य मनः शल्यं शंसतीव पराभवम् । अपविद्धाङ्गदो बाहुर्भग्नशाख इव द्रुमः
kuberasya manaḥ śalyaṃ śaṃsatīva parābhavam / apaviddhāṅgado bāhurbhagnaśākha iva drumaḥ
Sanskrit only: no published translation is held for this verse.
यमो ऽपि व्यलिखद् भूमिं दण्डेनापि हतत्विषा । कुरु तस्मै नमो देहनिर्विण्णो याति लाघवम्
yamo 'pi vyalikhad bhūmiṃ daṇḍenāpi hatatviṣā / kuru tasmai namo dehanirviṇṇo yāti lāghavam
Sanskrit only: no published translation is held for this verse.
अमी च द्वादशादित्याः प्रतापक्षयशीतलाः । चित्रन्यस्ता इव गताः प्रकामालोकनीयताम्
amī ca dvādaśādityāḥ pratāpakṣayaśītalāḥ / citranyastā iva gatāḥ prakāmālokanīyatām
Sanskrit only: no published translation is held for this verse.
मयि सृष्टिश् च लोकानां रक्षा युष्मास्व् अवस्थिता । ततो मन्दानिलोद्भूतकमलाकरशोभिना
mayi sṛṣṭiś ca lokānāṃ rakṣā yuṣmāsv avasthitā / tato mandānilodbhūtakamalākaraśobhinā
Sanskrit only: no published translation is held for this verse.
गुरुनेत्रसहस्रेण प्रेरयामास वृत्रहा । सद्विनेत्रो हरस्त्र्यक्षः सहस्रनयनाधिकौ
gurunetrasahasreṇa prerayāmāsa vṛtrahā / sadvinetro harastryakṣaḥ sahasranayanādhikau
Sanskrit only: no published translation is held for this verse.
वाचस्पतिर् उवाचेदं प्राञ्जलिर्हंसवाहनम् । युष्मद् वंशोद्भवस् तात नलमेघो महाबलः
vācaspatir uvācedaṃ prāñjalirhaṃsavāhanam / yuṣmad vaṃśodbhavas tāta nalamegho mahābalaḥ
Sanskrit only: no published translation is held for this verse.
तेन देवगणाः सर्वे निरस्ता दानवेन च । नलमेघो न वध्यो ऽतश् चलितेन मया सुरैः
tena devagaṇāḥ sarve nirastā dānavena ca / nalamegho na vadhyo 'taś calitena mayā suraiḥ
Sanskrit only: no published translation is held for this verse.
विना माधवदेवेन साध्यो भवति नैव हि । शङ्खपद्मगदापाणे जय चक्रधर प्रभो
vinā mādhavadevena sādhyo bhavati naiva hi / śaṅkhapadmagadāpāṇe jaya cakradhara prabho
Sanskrit only: no published translation is held for this verse.
इति देवस्तुतिं श्रुत्वा प्रबुद्धो जलशायिकः । उवाच मधुरां वाणीं मेघगम्भीरया गिरा
iti devastutiṃ śrutvā prabuddho jalaśāyikaḥ / uvāca madhurāṃ vāṇīṃ meghagambhīrayā girā
Sanskrit only: no published translation is held for this verse.
नलमेघभयेनेह सम्प्राप्तास् तव मन्दिरम्
nalameghabhayeneha samprāptās tava mandiram
Sanskrit only: no published translation is held for this verse.
न वध्यः कस्यचित् पापो नलमेघो जनार्दन । तव हस्तेन दुष्टात्मा मृत्युं प्राप्स्यति नान्यथा
na vadhyaḥ kasyacit pāpo nalamegho janārdana / tava hastena duṣṭātmā mṛtyuṃ prāpsyati nānyathā
Sanskrit only: no published translation is held for this verse.
स्वस्थानं यान्तु गीर्वाणा वधिष्यामि महाबलम् । स्थानं शंसन्तु मे देवा वसते यत्र दुर्मतिः
svasthānaṃ yāntu gīrvāṇā vadhiṣyāmi mahābalam / sthānaṃ śaṃsantu me devā vasate yatra durmatiḥ
Sanskrit only: no published translation is held for this verse.
हिमालयगुहां कृष्ण वसते दानवेश्वरः । चतुर्विंशत्सहस्रैस् तु कन्याभिस् तु समावृतः
himālayaguhāṃ kṛṣṇa vasate dānaveśvaraḥ / caturviṃśatsahasrais tu kanyābhis tu samāvṛtaḥ
Sanskrit only: no published translation is held for this verse.
तुरङ्गैः स्यन्दनैश् चैव संख्या तेषां न विद्यते । भवनानि विचित्राणि असंख्यानि बहून्य् अपि
turaṅgaiḥ syandanaiś caiva saṃkhyā teṣāṃ na vidyate / bhavanāni vicitrāṇi asaṃkhyāni bahūny api
Sanskrit only: no published translation is held for this verse.
द्विरदाः पर्वताकारा हयाश् च द्विरदोपमाः । महाबलो ऽवसत् तत्र गीर्वाणभयदायकः
dviradāḥ parvatākārā hayāś ca dviradopamāḥ / mahābalo 'vasat tatra gīrvāṇabhayadāyakaḥ
Sanskrit only: no published translation is held for this verse.
श्रुत्वा देवो वचस् तेषां देवानामातुरात्मनाम् । गरुडं चिन्तयामास शत्रुसङ्घविदारणम्
śrutvā devo vacas teṣāṃ devānāmāturātmanām / garuḍaṃ cintayāmāsa śatrusaṅghavidāraṇam
Sanskrit only: no published translation is held for this verse.
चक्रं करेण संगृह्य गदां शङ्खं ततः प्रभुः । शार्ङ्गं च मुशलं सीरं गृहीत्वा हि जनार्दनः
cakraṃ kareṇa saṃgṛhya gadāṃ śaṅkhaṃ tataḥ prabhuḥ / śārṅgaṃ ca muśalaṃ sīraṃ gṛhītvā hi janārdanaḥ
Sanskrit only: no published translation is held for this verse.
आरूढः पक्षिराजं तु वधार्थं दानवस्य च । दानवस्य गृहे पार्थ उत्पाता घोरदर्शनाः
ārūḍhaḥ pakṣirājaṃ tu vadhārthaṃ dānavasya ca / dānavasya gṛhe pārtha utpātā ghoradarśanāḥ
Sanskrit only: no published translation is held for this verse.
गोमायुर्गृहमध्ये तु कपोतो गृहम् आविशत् । विना वातेन तस्यैव ध्वजदण्डं पपात ह
gomāyurgṛhamadhye tu kapoto gṛham āviśat / vinā vātena tasyaiva dhvajadaṇḍaṃ papāta ha
Sanskrit only: no published translation is held for this verse.
सर्पमूषकयोर् बुद्धं तथा केशरिनागयोः । उन्मार्गाः सरितस् तत्र वहन्ते चक्रमाश्रिताः
sarpamūṣakayor buddhaṃ tathā keśarināgayoḥ / unmārgāḥ saritas tatra vahante cakramāśritāḥ
Sanskrit only: no published translation is held for this verse.
अकाले तरुपुष्पाणि दृश्यन्ते तत्र पर्वते । ततः प्राप्तो जगन्नाथो हिमवन्तं नगेश्वरम्
akāle tarupuṣpāṇi dṛśyante tatra parvate / tataḥ prāpto jagannātho himavantaṃ nageśvaram
Sanskrit only: no published translation is held for this verse.
पाञ्चजन्यं च कृष्णेन पूरितं पुरसन्निधौ । पाञ्चजन्यस्य शब्देन आरूढो दानवेश्वरः
pāñcajanyaṃ ca kṛṣṇena pūritaṃ purasannidhau / pāñcajanyasya śabdena ārūḍho dānaveśvaraḥ
Sanskrit only: no published translation is held for this verse.
को ऽयं मृत्युवशं प्राप्तस् त्व् अज्ञानेन समावृतः । धुन्धुमार व्रज शीघ्रं स्वसैन्यपरिवारितः
ko 'yaṃ mṛtyuvaśaṃ prāptas tv ajñānena samāvṛtaḥ / dhundhumāra vraja śīghraṃ svasainyaparivāritaḥ
Sanskrit only: no published translation is held for this verse.
आनयामि न सन्देहः सुरपक्षांश् च साम्प्रतम्
ānayāmi na sandehaḥ surapakṣāṃś ca sāmpratam
Sanskrit only: no published translation is held for this verse.
स्यन्दनैश्च समायुक्तो गजवाजिभटैः सह । दृष्टस् तातो जगद् योनिः सुपर्णस्थो महाबलः
syandanaiśca samāyukto gajavājibhaṭaiḥ saha / dṛṣṭas tāto jagad yoniḥ suparṇastho mahābalaḥ
Sanskrit only: no published translation is held for this verse.
गृह्यतां गृह्यताम् एष इत्य् उक्तास् ते च किङ्कराः । चतुर्दिक्षु च वर्तन्ते किङ्कराः केशवस्य च
gṛhyatāṃ gṛhyatām eṣa ity uktās te ca kiṅkarāḥ / caturdikṣu ca vartante kiṅkarāḥ keśavasya ca
Sanskrit only: no published translation is held for this verse.
सुपर्णेनाग्निबाणेन हन्यन्ते शलभा इव । धुन्धुमारो ऽपि कृष्णेन शरघातेन ताडितः
suparṇenāgnibāṇena hanyante śalabhā iva / dhundhumāro 'pi kṛṣṇena śaraghātena tāḍitaḥ
Sanskrit only: no published translation is held for this verse.
हतो वक्षस्थलोपान्ते पतितः स्यन्दनोपरि । हाहाकारं ततः सर्वे दानवाश् चक्रुरुद्यताः
hato vakṣasthalopānte patitaḥ syandanopari / hāhākāraṃ tataḥ sarve dānavāś cakrurudyatāḥ
Sanskrit only: no published translation is held for this verse.
नलमेघस् ततः क्रुद्धो रथारूढो विनिर्गतः । ददर्श केशवं पार्थ शङ्खचक्रगदाधरम्
nalameghas tataḥ kruddho rathārūḍho vinirgataḥ / dadarśa keśavaṃ pārtha śaṅkhacakragadādharam
Sanskrit only: no published translation is held for this verse.
हन्यतां दानवाः कृष्णो निहतो येन दानवः । हत्वा च मे चमूमुख्यमधुना च क्व यास्यति
hanyatāṃ dānavāḥ kṛṣṇo nihato yena dānavaḥ / hatvā ca me camūmukhyamadhunā ca kva yāsyati
Sanskrit only: no published translation is held for this verse.
इत्युक्त्वा दानवः पार्थ धर्षयामास सायकैः । दानवस्य शरांस् तत्र छेदयामास केशवः
ityuktvā dānavaḥ pārtha dharṣayāmāsa sāyakaiḥ / dānavasya śarāṃs tatra chedayāmāsa keśavaḥ
Sanskrit only: no published translation is held for this verse.
गरुत्मान् भक्षयामास तत्सैन्यम् अतिभीषणम् । कृष्णेन द्विगुणास् तत्र प्रेषिता हि शिलीमुखाः
garutmān bhakṣayāmāsa tatsainyam atibhīṣaṇam / kṛṣṇena dviguṇās tatra preṣitā hi śilīmukhāḥ
Sanskrit only: no published translation is held for this verse.
द्विगुणाद् द्विगुणीकृत्य प्रेषयामास दानवः । ते ऽपि चाष्टगुणाः कृष्णं छादयामासुरोजसा
dviguṇād dviguṇīkṛtya preṣayāmāsa dānavaḥ / te 'pi cāṣṭaguṇāḥ kṛṣṇaṃ chādayāmāsurojasā
Sanskrit only: no published translation is held for this verse.
ततः क्रुद्धेन देवेन आग्नेयं प्रेषितं तदा । वारुणं प्रतिवायव्यं नलमेघो व्यसर्जयत्
tataḥ kruddhena devena āgneyaṃ preṣitaṃ tadā / vāruṇaṃ prativāyavyaṃ nalamegho vyasarjayat
Sanskrit only: no published translation is held for this verse.
नारसिंहं नृसिंहो ऽयं प्रेषयामास पाण्डव । नारसिंहं ततो दृष्ट्वा नलमेघो महाबलः
nārasiṃhaṃ nṛsiṃho 'yaṃ preṣayāmāsa pāṇḍava / nārasiṃhaṃ tato dṛṣṭvā nalamegho mahābalaḥ
Sanskrit only: no published translation is held for this verse.
उत्तीर्णः स्यन्दनाच् छीघ्रं खड्गं गृह्य करेण तु । प्रेषयामास कृष्णाय तं हन्तुं बलवत्तरः
uttīrṇaḥ syandanāc chīghraṃ khaḍgaṃ gṛhya kareṇa tu / preṣayāmāsa kṛṣṇāya taṃ hantuṃ balavattaraḥ
Sanskrit only: no published translation is held for this verse.
क्रुद्धो ऽथ दानवः पार्थ आगतः केशवं प्रति । खड्गेन घातयामास गदापाणिं जनार्दनम्
kruddho 'tha dānavaḥ pārtha āgataḥ keśavaṃ prati / khaḍgena ghātayāmāsa gadāpāṇiṃ janārdanam
Sanskrit only: no published translation is held for this verse.
मण्डलाग्रं ततो गृह्य केशवो हृष्टमानसः । हतो वक्षस्थले दैत्यो नलमेघो महाबलः
maṇḍalāgraṃ tato gṛhya keśavo hṛṣṭamānasaḥ / hato vakṣasthale daityo nalamegho mahābalaḥ
Sanskrit only: no published translation is held for this verse.
जनार्दनं तदा दैत्यो नाराचेन जघान ह । जनार्दनस् ततः क्रुद्धो नलमेघं मृधे नृप
janārdanaṃ tadā daityo nārācena jaghāna ha / janārdanas tataḥ kruddho nalameghaṃ mṛdhe nṛpa
Sanskrit only: no published translation is held for this verse.
अमोघं चक्रम् आदाय शिरस् तस्य न्यपातयत् । पतता शिरसा तस्य वसुधा च प्रकम्पिता
amoghaṃ cakram ādāya śiras tasya nyapātayat / patatā śirasā tasya vasudhā ca prakampitā
Sanskrit only: no published translation is held for this verse.
समुद्राः क्षुभिताः पार्थ भयाद् उन्मार्गगामिनः । पुष्पवष्टिं ततो देवा ववृषुः केशवोपरि
samudrāḥ kṣubhitāḥ pārtha bhayād unmārgagāminaḥ / puṣpavaṣṭiṃ tato devā vavṛṣuḥ keśavopari
Sanskrit only: no published translation is held for this verse.
अवध्यः सुरसङ्घानां स हतः केशवेन तु । स्वस्थानश् च गतो देवो नलमेघे निपातिते
avadhyaḥ surasaṅghānāṃ sa hataḥ keśavena tu / svasthānaś ca gato devo nalameghe nipātite
Sanskrit only: no published translation is held for this verse.
जनार्दनो ऽपि कौन्तेय नर्मदातटम् आश्रितः । लक्ष्मीसमन्वितः कृष्णो विलीनो नर्मदातटे
janārdano 'pi kaunteya narmadātaṭam āśritaḥ / lakṣmīsamanvitaḥ kṛṣṇo vilīno narmadātaṭe
Sanskrit only: no published translation is held for this verse.
चक्रं विमोचितं पापक्षालनाय मलान्वितम् । पतितं नर्मदातोये जलशायि समन्वितम्
cakraṃ vimocitaṃ pāpakṣālanāya malānvitam / patitaṃ narmadātoye jalaśāyi samanvitam
Sanskrit only: no published translation is held for this verse.
निर्धूतकल्मषं जातं नर्मदायाः प्रभावतः । नलमेघवधोत्पन्नं यत्पापं मनुजाधिप
nirdhūtakalmaṣaṃ jātaṃ narmadāyāḥ prabhāvataḥ / nalameghavadhotpannaṃ yatpāpaṃ manujādhipa
Sanskrit only: no published translation is held for this verse.
तत्सर्वं क्षालितं शीघ्रं रेवायाम्भसि भारत । तदा प्रभृति लोके ऽस्मिन् जलशायी महीतले
tatsarvaṃ kṣālitaṃ śīghraṃ revāyāmbhasi bhārata / tadā prabhṛti loke 'smin jalaśāyī mahītale
Sanskrit only: no published translation is held for this verse.
चक्रतीर्थं वदन्त्य् अन्ये अनेकाघौघनाशनम्
cakratīrthaṃ vadanty anye anekāghaughanāśanam
Sanskrit only: no published translation is held for this verse.
तत् तीर्थस्य प्रभावं वै शृणुष्वैकमना नृप । नागानां च यथानन्तो गीर्वाणानां जनार्दन
tat tīrthasya prabhāvaṃ vai śṛṇuṣvaikamanā nṛpa / nāgānāṃ ca yathānanto gīrvāṇānāṃ janārdana
Sanskrit only: no published translation is held for this verse.
मासानां मार्गशीर्षो ऽपि नदीपुण्या हि नर्मदा । मासि मार्गे सिते पक्षे एकादश्यां शुभे दिने
māsānāṃ mārgaśīrṣo 'pi nadīpuṇyā hi narmadā / māsi mārge site pakṣe ekādaśyāṃ śubhe dine
Sanskrit only: no published translation is held for this verse.
गत्वा ये मनुजास् तत्र कामक्रोधविवर्जिताः । स्नापयन्ति श्रियः कान्तं नागपर्यङ्कशायिनम्
gatvā ye manujās tatra kāmakrodhavivarjitāḥ / snāpayanti śriyaḥ kāntaṃ nāgaparyaṅkaśāyinam
Sanskrit only: no published translation is held for this verse.
राजेन्द्र परया भक्त्या क्षौद्रसागरसर्पिषा । गुडेन तोयमिश्रेण जगद् योनिं जनार्दनम्
rājendra parayā bhaktyā kṣaudrasāgarasarpiṣā / guḍena toyamiśreṇa jagad yoniṃ janārdanam
Sanskrit only: no published translation is held for this verse.
स्नाप्यमानाश् च पश्यन्ति ये लोकागतपातकाः । ते यान्ति परमं लोकं सुरासुरनमस्कृतम्
snāpyamānāś ca paśyanti ye lokāgatapātakāḥ / te yānti paramaṃ lokaṃ surāsuranamaskṛtam
Sanskrit only: no published translation is held for this verse.
घृतेन बोधयेद् दीपम् अथवा तैलमिश्रितम् । रात्रौ जागरणं कृत्वा देवः स्यान् नात्र संशयः
ghṛtena bodhayed dīpam athavā tailamiśritam / rātrau jāgaraṇaṃ kṛtvā devaḥ syān nātra saṃśayaḥ
Sanskrit only: no published translation is held for this verse.
कथां च वैष्णवीं भक्त्या ये शृण्वन्ति नरोत्तमाः । ब्रह्महत्यादिपापेभ्यो मुच्यन्ते नात्र संशयः
kathāṃ ca vaiṣṇavīṃ bhaktyā ye śṛṇvanti narottamāḥ / brahmahatyādipāpebhyo mucyante nātra saṃśayaḥ
Sanskrit only: no published translation is held for this verse.
ये कुर्वन्ति प्रदक्षिणं जलशायि जगद्गुरुम् । प्रदक्षिणीकृतं तेन जम्बूद्वीपं नरेश्वर
ye kurvanti pradakṣiṇaṃ jalaśāyi jagadgurum / pradakṣiṇīkṛtaṃ tena jambūdvīpaṃ nareśvara
Sanskrit only: no published translation is held for this verse.
ततः प्रभाते विमले पितॄन् संतर्प्य यत्नतः । श्राद्धं वै ब्राह्मणैस् तत्र पूज्यैः पाण्डवसत्तम
tataḥ prabhāte vimale pitṝn saṃtarpya yatnataḥ / śrāddhaṃ vai brāhmaṇais tatra pūjyaiḥ pāṇḍavasattama
Sanskrit only: no published translation is held for this verse.
स्वदारनिरतैः शान्तैः परदारविवर्जितैः । वेदाभ्यसनशीलैश् च स्वकर्मनिरतैः शुभैः
svadāranirataiḥ śāntaiḥ paradāravivarjitaiḥ / vedābhyasanaśīlaiś ca svakarmanirataiḥ śubhaiḥ
Sanskrit only: no published translation is held for this verse.
नित्यं सज्जनशीलैश् च त्रिसन्ध्यापरिपालकैः । तादृशैः कारयेच् छ्राद्धम् इच्छेयुः श्रेय आत्मनाम्
nityaṃ sajjanaśīlaiś ca trisandhyāparipālakaiḥ / tādṛśaiḥ kārayec chrāddham iccheyuḥ śreya ātmanām
Sanskrit only: no published translation is held for this verse.
ते धन्या मानुषे लोके पुण्याश् चैवात्र मानुषाः । ये वसन्ति सदा कालं पदे ब्रह्माश्रये ह्रदे
te dhanyā mānuṣe loke puṇyāś caivātra mānuṣāḥ / ye vasanti sadā kālaṃ pade brahmāśraye hrade
Sanskrit only: no published translation is held for this verse.
जलशायिनं च पश्यन्ति प्रत्यक्षं सुरनायकम् । पक्षोपवासं ये केचिद् व्रतं चान्द्रायणं शुभम्
jalaśāyinaṃ ca paśyanti pratyakṣaṃ suranāyakam / pakṣopavāsaṃ ye kecid vrataṃ cāndrāyaṇaṃ śubham
Sanskrit only: no published translation is held for this verse.
मासोपवासम् उग्रं च तथान्यत् परमं व्रतम् । तत्र तीर्थे तु यः पार्थ कुर्यात् स्वर्गम् अवाप्नुयात्
māsopavāsam ugraṃ ca tathānyat paramaṃ vratam / tatra tīrthe tu yaḥ pārtha kuryāt svargam avāpnuyāt
Sanskrit only: no published translation is held for this verse.
अतः परं प्रवक्ष्यामि तिलधेनोस् तु यत्फलम् । तथा यस्मिन् यथा देयं दानं तस्य श्रुतं फलम्
ataḥ paraṃ pravakṣyāmi tiladhenos tu yatphalam / tathā yasmin yathā deyaṃ dānaṃ tasya śrutaṃ phalam
Sanskrit only: no published translation is held for this verse.
एतत् कथान्तरे पुण्ये मुनीन्द्रैः पापनाशनम् । श्रुतं हि नैमिषारण्ये नारदाद्यैर् अनेकधा
etat kathāntare puṇye munīndraiḥ pāpanāśanam / śrutaṃ hi naimiṣāraṇye nāradādyair anekadhā
Sanskrit only: no published translation is held for this verse.
इदम् आख्यानम् आयुष्यं पुण्यं कीर्तिविवर्धनम् । विप्राणां श्रावयेद् यस् तु सर्वं तत् फलम् आप्नुयात्
idam ākhyānam āyuṣyaṃ puṇyaṃ kīrtivivardhanam / viprāṇāṃ śrāvayed yas tu sarvaṃ tat phalam āpnuyāt
Sanskrit only: no published translation is held for this verse.
बहूनां न प्रदेयानि गोगृहं शयनं किल । विभक्तदक्षिणा ह्य् एषा दातारं नोपतिष्ठति
bahūnāṃ na pradeyāni gogṛhaṃ śayanaṃ kila / vibhaktadakṣiṇā hy eṣā dātāraṃ nopatiṣṭhati
Sanskrit only: no published translation is held for this verse.
एकस्मै सा प्रदातव्या बहूनां न युधिष्ठिर । सा च विक्रयमापन्ना दहेद् आसप्तमं कुलम्
ekasmai sā pradātavyā bahūnāṃ na yudhiṣṭhira / sā ca vikrayamāpannā dahed āsaptamaṃ kulam
Sanskrit only: no published translation is held for this verse.
तिलाः श्वेतास् तथा कृष्णास् तिलाः प्रोक्ताश् च वर्णतः । तिलानां च प्रमाणानि धेनोर् वत्सस्य कारयेत्
tilāḥ śvetās tathā kṛṣṇās tilāḥ proktāś ca varṇataḥ / tilānāṃ ca pramāṇāni dhenor vatsasya kārayet
Sanskrit only: no published translation is held for this verse.
दातव्या वत्सकेनाथ बहूनां कामिनां न तु । यस्मिन् देशे च यन् मानं तिलानां च विचारतः
dātavyā vatsakenātha bahūnāṃ kāmināṃ na tu / yasmin deśe ca yan mānaṃ tilānāṃ ca vicārataḥ
Sanskrit only: no published translation is held for this verse.
तेन मानेन सा कार्या अक्षयं फलम् इच्छता । अर्चनीया प्रयत्नेन गन्धपुष्पाक्षतैर् विभो
tena mānena sā kāryā akṣayaṃ phalam icchatā / arcanīyā prayatnena gandhapuṣpākṣatair vibho
Sanskrit only: no published translation is held for this verse.
नासायां सर्वगन्धाश् च जिह्वायां षड् रसा धृताः । मुक्ताफलानि वा दन्तजङ्घापुच्छेषु योजयेत्
nāsāyāṃ sarvagandhāś ca jihvāyāṃ ṣaḍ rasā dhṛtāḥ / muktāphalāni vā dantajaṅghāpuccheṣu yojayet
Sanskrit only: no published translation is held for this verse.
कुक्षौ कार्पासकं देयं नाभ्यां पद्मं सकाञ्चनम् । ओष्ठे मधुघृतं दद्यात् कुर्यात् सर्पिश् च रोमके
kukṣau kārpāsakaṃ deyaṃ nābhyāṃ padmaṃ sakāñcanam / oṣṭhe madhughṛtaṃ dadyāt kuryāt sarpiś ca romake
Sanskrit only: no published translation is held for this verse.
कम्बले कम्बलं दद्याल् ललाटे ताम्रभाजनम् । स्कन्धे तु शकला देया लोहदण्डं च सङ्कटे
kambale kambalaṃ dadyāl lalāṭe tāmrabhājanam / skandhe tu śakalā deyā lohadaṇḍaṃ ca saṅkaṭe
Sanskrit only: no published translation is held for this verse.
गुडं चैव गुदे दद्याच् छ्रोण्यां मधुघृते तथा । यवसे पायसं दद्याद् घृतक्षौद्रसमन्वितम्
guḍaṃ caiva gude dadyāc chroṇyāṃ madhughṛte tathā / yavase pāyasaṃ dadyād ghṛtakṣaudrasamanvitam
Sanskrit only: no published translation is held for this verse.
स्वर्णशृङ्गी रौप्यखुरी मुक्तालाङ्गुलभूषणा । वस्त्रं सदन्नं दातव्यं कांस्यपात्रसुदोहना
svarṇaśṛṅgī raupyakhurī muktālāṅgulabhūṣaṇā / vastraṃ sadannaṃ dātavyaṃ kāṃsyapātrasudohanā
Sanskrit only: no published translation is held for this verse.
यत् तु बालकृतं पापं यद् वा कृतम् अजानता । वाचा कृतं कर्मकृतं मनसा यच् च चिन्तितम्
yat tu bālakṛtaṃ pāpaṃ yad vā kṛtam ajānatā / vācā kṛtaṃ karmakṛtaṃ manasā yac ca cintitam
Sanskrit only: no published translation is held for this verse.
जलमात्रे ष्ठीवने च मुशले वा विलङ्घिते । वृषलीगमने चैव गुरुदारनिषेवणे
jalamātre ṣṭhīvane ca muśale vā vilaṅghite / vṛṣalīgamane caiva gurudāraniṣevaṇe
Sanskrit only: no published translation is held for this verse.
कन्यायां गमने चैव सुव्रर्णस्तेय एव च । सुरापानं च यच् चापि तिलधेनुः पुनाति हि
kanyāyāṃ gamane caiva suvrarṇasteya eva ca / surāpānaṃ ca yac cāpi tiladhenuḥ punāti hi
Sanskrit only: no published translation is held for this verse.
अहोरात्रोपवासेन विधिवत् सा मयोदिता । यासौ यमपुरे चैव नदी वैतरणी स्मृता
ahorātropavāsena vidhivat sā mayoditā / yāsau yamapure caiva nadī vaitaraṇī smṛtā
Sanskrit only: no published translation is held for this verse.
बालुकायाः स्थले चैव पच्यते यत्र दुष्कृती । अवीचिनरकोपेतौ यौ वै युगलपर्वतौ
bālukāyāḥ sthale caiva pacyate yatra duṣkṛtī / avīcinarakopetau yau vai yugalaparvatau
Sanskrit only: no published translation is held for this verse.
यत्र लोहमुखाः काका यत्र स्थानं भयानकम् । असिपत्रवनं यत्र तप्तं च बालुकम्
yatra lohamukhāḥ kākā yatra sthānaṃ bhayānakam / asipatravanaṃ yatra taptaṃ ca bālukam
Sanskrit only: no published translation is held for this verse.
तत्सुखेन व्यतिक्रम्य धर्मराजा ऽश्रमं व्रजेत् । धर्मराजस् तु तं दृष्ट्वा सूनृतं वाक्यम् अब्रवीत्
tatsukhena vyatikramya dharmarājā 'śramaṃ vrajet / dharmarājas tu taṃ dṛṣṭvā sūnṛtaṃ vākyam abravīt
Sanskrit only: no published translation is held for this verse.
वितानं विततं योग्यं मणिरलविभूषितम् । अत्रागच्छ नृपश्रेष्ठ गच्छ त्वं परमां गतिम्
vitānaṃ vitataṃ yogyaṃ maṇiralavibhūṣitam / atrāgaccha nṛpaśreṣṭha gaccha tvaṃ paramāṃ gatim
Sanskrit only: no published translation is held for this verse.
मा च पापरते दानं न तद् दानं परं हितम् । मा विकाले विरूपे च न व्यङ्गे तु तथैव च
mā ca pāparate dānaṃ na tad dānaṃ paraṃ hitam / mā vikāle virūpe ca na vyaṅge tu tathaiva ca
Sanskrit only: no published translation is held for this verse.
अवेदविदुषे चैव ब्राह्मणे मदविक्लवे । मित्रघ्ने च कृतघ्ने च व्रतहीने तथैव च
avedaviduṣe caiva brāhmaṇe madaviklave / mitraghne ca kṛtaghne ca vratahīne tathaiva ca
Sanskrit only: no published translation is held for this verse.
वेदान्तगाय दातव्या तस्य तत् त्वं विजानते । वेदान्तगे तु सा देया श्रोत्रिये ऽभूतबालका
vedāntagāya dātavyā tasya tat tvaṃ vijānate / vedāntage tu sā deyā śrotriye 'bhūtabālakā
Sanskrit only: no published translation is held for this verse.
सर्वाङ्गरुचिरे देया पवित्रे च प्रियंवदे । पौर्णमास्याम् अमावास्यां कार्तिक्यां चापि भारत
sarvāṅgarucire deyā pavitre ca priyaṃvade / paurṇamāsyām amāvāsyāṃ kārtikyāṃ cāpi bhārata
Sanskrit only: no published translation is held for this verse.
वैशाख्यां मार्गशीर्षे च ग्रहणे चन्द्रसूर्ययोः । अयने विषुवे चैव व्यतीपाते च सर्वथा
vaiśākhyāṃ mārgaśīrṣe ca grahaṇe candrasūryayoḥ / ayane viṣuve caiva vyatīpāte ca sarvathā
Sanskrit only: no published translation is held for this verse.
षडशीतिमुखे चैव गजछायासु सर्वदा । एष ते कथितः कल्पस्तिलधेनोर् मयानघ
ṣaḍaśītimukhe caiva gajachāyāsu sarvadā / eṣa te kathitaḥ kalpastiladhenor mayānagha
Sanskrit only: no published translation is held for this verse.
भित्त्वा च भास्करं लोकं हरिलोकं व्रजन्ति ते । एतत् ते सर्वमाख्यातं चक्रतीर्थफलं नृप
bhittvā ca bhāskaraṃ lokaṃ harilokaṃ vrajanti te / etat te sarvamākhyātaṃ cakratīrthaphalaṃ nṛpa
Sanskrit only: no published translation is held for this verse.
श्रवणात् कीर्तनाद् वा ऽपि गोसहस्रफलं लभेत्
śravaṇāt kīrtanād vā 'pi gosahasraphalaṃ labhet
Sanskrit only: no published translation is held for this verse.