ततो गच्छेत् तु राजेन्द्र तीर्थं परमशोभनम् । चन्द्रादित्यं नृपश्रेष्ठ स्थापितं चण्डमुण्डयोः
tato gacchet tu rājendra tīrthaṃ paramaśobhanam / candrādityaṃ nṛpaśreṣṭha sthāpitaṃ caṇḍamuṇḍayoḥ
Sanskrit only: no published translation is held for this verse.
आसीत्पुरा महाभागौ चण्डमुण्डौ तु दानवौ । तपश् च चेरतुस् तत्र नर्मदायां युधिष्ठिर
āsītpurā mahābhāgau caṇḍamuṇḍau tu dānavau / tapaś ca ceratus tatra narmadāyāṃ yudhiṣṭhira
Sanskrit only: no published translation is held for this verse.
ध्यायतो भास्करं देवं तमो नाशं जगद्गुरुम् । ताभ्यां च तोषितः सो ऽपि सहस्रांशुर् उवाच ह
dhyāyato bhāskaraṃ devaṃ tamo nāśaṃ jagadgurum / tābhyāṃ ca toṣitaḥ so 'pi sahasrāṃśur uvāca ha
Sanskrit only: no published translation is held for this verse.
साधुसाध्व् इति तौ पार्थ नर्मदायास् तटे शूभे । चण्डमुण्डौ वरं ब्रूतं विशिष्टं मनसेप्सितम्
sādhusādhv iti tau pārtha narmadāyās taṭe śūbhe / caṇḍamuṇḍau varaṃ brūtaṃ viśiṣṭaṃ manasepsitam
Sanskrit only: no published translation is held for this verse.
अजेयौ चैव देवेश सर्वेषां देवतानृणाम् । रोगैश् चेव परित्यक्तौ सविकाशं दिवाकर
ajeyau caiva deveśa sarveṣāṃ devatānṛṇām / rogaiś ceva parityaktau savikāśaṃ divākara
Sanskrit only: no published translation is held for this verse.
तत् तथेति शुभं वाक्यं भास्करस् ताव् अवीदत् । ततश् चान्तर्दधे भानुर्दानवाभ्यां च भास्करम्
tat tatheti śubhaṃ vākyaṃ bhāskaras tāv avīdat / tataś cāntardadhe bhānurdānavābhyāṃ ca bhāskaram
Sanskrit only: no published translation is held for this verse.
स्थापितं परया भक्त्या पूजयेद् यो जितेन्द्रियः । गीर्वाणता मनुष्यस्य प्राप्ता तत्रैव वर्तते
sthāpitaṃ parayā bhaktyā pūjayed yo jitendriyaḥ / gīrvāṇatā manuṣyasya prāptā tatraiva vartate
Sanskrit only: no published translation is held for this verse.
वसते भास्करे लोके वैरञ्चे देवसन्निधौ । घृतेन बोधयेद् दीपं षष्ठ्यां षष्ठ्यां नरेश्वर
vasate bhāskare loke vairañce devasannidhau / ghṛtena bodhayed dīpaṃ ṣaṣṭhyāṃ ṣaṣṭhyāṃ nareśvara
Sanskrit only: no published translation is held for this verse.
मुच्यते सर्वपापेभ्यो मृतो याति पुरं रवेः । चन्द्रादित्यम् इति ख्यातं तत्र तीर्थं नरोत्तम
mucyate sarvapāpebhyo mṛto yāti puraṃ raveḥ / candrādityam iti khyātaṃ tatra tīrthaṃ narottama
Sanskrit only: no published translation is held for this verse.
विजयन्ते सदा कालं चन्द्रादित्यं व्रजन्ति ये
vijayante sadā kālaṃ candrādityaṃ vrajanti ye
Sanskrit only: no published translation is held for this verse.