ततो गच्छेत् तु राजेन्द्र तीर्थं परमशोभनम् । उत्तरे नर्मदाकूले यज्ञवाटस्य मध्यतः
tato gacchet tu rājendra tīrthaṃ paramaśobhanam / uttare narmadākūle yajñavāṭasya madhyataḥ
Sanskrit only: no published translation is held for this verse.
संकर्षणं च विख्यातं पृथिव्यां पापनाशनम् । तपश्चीर्णं पुरा राजन् नर्मदायास् तटे शुभे
saṃkarṣaṇaṃ ca vikhyātaṃ pṛthivyāṃ pāpanāśanam / tapaścīrṇaṃ purā rājan narmadāyās taṭe śubhe
Sanskrit only: no published translation is held for this verse.
बलभद्रेण राजेन्द्र प्राणिनाम् उपकारकम् । गीर्वाणैश् चैव तत्रैव सन्निधौ नृपनन्दन
balabhadreṇa rājendra prāṇinām upakārakam / gīrvāṇaiś caiva tatraiva sannidhau nṛpanandana
Sanskrit only: no published translation is held for this verse.
उमया सहितः शम्भुः स्थितस् तत्रैव केशवः । यस् तत्र स्नापयेद् भक्त्या जितक्रोधो जितेन्द्रियः
umayā sahitaḥ śambhuḥ sthitas tatraiva keśavaḥ / yas tatra snāpayed bhaktyā jitakrodho jitendriyaḥ
Sanskrit only: no published translation is held for this verse.
एकादश्यां सिते पक्षे मन्त्रेण स्नापयेच् छिवम् । श्राद्धं तत्र च यो भक्त्या प्रेतानां वै प्रदापयेत्
ekādaśyāṃ site pakṣe mantreṇa snāpayec chivam / śrāddhaṃ tatra ca yo bhaktyā pretānāṃ vai pradāpayet
Sanskrit only: no published translation is held for this verse.
स याति परमं स्थानं बलभद्रवचो यथा । ततो गच्छेच् च राजेन्द्र मन्मथेश्वरम् उत्तमम्
sa yāti paramaṃ sthānaṃ balabhadravaco yathā / tato gacchec ca rājendra manmatheśvaram uttamam
Sanskrit only: no published translation is held for this verse.
स्नानमात्रो नरो राजन् यमलोकं न पश्यति । अनपत्या तु या नारी स्नापयेत् पाण्डुनन्दन
snānamātro naro rājan yamalokaṃ na paśyati / anapatyā tu yā nārī snāpayet pāṇḍunandana
Sanskrit only: no published translation is held for this verse.
पुत्रं सा लभते पार्थ सत्यवन्तं दृढव्रतम् । तत्र स्नात्वा नरो राजन् मुनिः प्रयतमानसः
putraṃ sā labhate pārtha satyavantaṃ dṛḍhavratam / tatra snātvā naro rājan muniḥ prayatamānasaḥ
Sanskrit only: no published translation is held for this verse.
उपोष्य परया भक्त्या गोसहस्रफलं लभेत् । तत्र नृत्यं प्रकुर्वन्ति ये नरा भक्तिमानसाः
upoṣya parayā bhaktyā gosahasraphalaṃ labhet / tatra nṛtyaṃ prakurvanti ye narā bhaktimānasāḥ
Sanskrit only: no published translation is held for this verse.
गीतवादित्रसंयुक्तं रात्रौ जागरणं शुभम् । सहाम्बिको महादेवस् तुष्टो वै मन्मथेश्वरः
gītavāditrasaṃyuktaṃ rātrau jāgaraṇaṃ śubham / sahāmbiko mahādevas tuṣṭo vai manmatheśvaraḥ
Sanskrit only: no published translation is held for this verse.
किं करिष्यति संरुष्टो यमस् तं न च पश्यति । कामेन स्थापितं तत्र एतस्मात् कारणात् नृप
kiṃ kariṣyati saṃruṣṭo yamas taṃ na ca paśyati / kāmena sthāpitaṃ tatra etasmāt kāraṇāt nṛpa
Sanskrit only: no published translation is held for this verse.
अन्नदानेन भो राजन् कीर्तितं फलम् उत्तमम् । सोपानं स्वर्गमार्गस्य पृथिव्यां मन्मथेश्वरः
annadānena bho rājan kīrtitaṃ phalam uttamam / sopānaṃ svargamārgasya pṛthivyāṃ manmatheśvaraḥ
Sanskrit only: no published translation is held for this verse.
विशेषात् तत्र संख्यातं श्राद्धदानेन भारत । अन्नदानेन भो राजन् कीर्तितं फलम् उत्तमम्
viśeṣāt tatra saṃkhyātaṃ śrāddhadānena bhārata / annadānena bho rājan kīrtitaṃ phalam uttamam
Sanskrit only: no published translation is held for this verse.
एतत् ते सर्वम् आख्यातं तव भक्त्या तु भारत
etat te sarvam ākhyātaṃ tava bhaktyā tu bhārata
Sanskrit only: no published translation is held for this verse.