शाण्डिल्याकल्पगायोगः सर्वपापहरः परः । शाण्डिल्येश्वरलिङ्गं च सर्वपापहरं परम्
śāṇḍilyākalpagāyogaḥ sarvapāpaharaḥ paraḥ / śāṇḍilyeśvaraliṅgaṃ ca sarvapāpaharaṃ param
Sanskrit only: no published translation is held for this verse.
स्नातमात्रो नरस् तस्मिन्न् अर्चयित्वा महेश्वरम् । कर्मभूमिं न लभते हरस्य वचनं यथा
snātamātro naras tasminn arcayitvā maheśvaram / karmabhūmiṃ na labhate harasya vacanaṃ yathā
Sanskrit only: no published translation is held for this verse.
तिलोदकप्रदानेन हविषा पिण्डपातनात् । तृप्यन्ति पितरस् तस्य यावद् इन्द्राश् चतुर्दश
tilodakapradānena haviṣā piṇḍapātanāt / tṛpyanti pitaras tasya yāvad indrāś caturdaśa
Sanskrit only: no published translation is held for this verse.
राहुसोमसमायोगे कुरुक्षेत्रे महाफलम् । तत्रैव जन्म राजर्षेः कार्तवीर्यनृपस्य च
rāhusomasamāyoge kurukṣetre mahāphalam / tatraiva janma rājarṣeḥ kārtavīryanṛpasya ca
Sanskrit only: no published translation is held for this verse.
स्नात्वाभ्यर्च्य महादेवं गन्धपुष्पाद्युपस्करैः । सूर्याचन्द्रमसौ यावदुमामाहेश्वरे पुरे
snātvābhyarcya mahādevaṃ gandhapuṣpādyupaskaraiḥ / sūryācandramasau yāvadumāmāheśvare pure
Sanskrit only: no published translation is held for this verse.
भुङ्क्ते स विविधान् भोगांस् तावद् वै शिवसन्निधौ । तत्र शाण्डिल्यकौण्डिन्यौ माण्डव्यो मुनिमत्तमः
bhuṅkte sa vividhān bhogāṃs tāvad vai śivasannidhau / tatra śāṇḍilyakauṇḍinyau māṇḍavyo munimattamaḥ
Sanskrit only: no published translation is held for this verse.
कौशिकश् च महातेजाः कश्यपो भृगुर् एव च । एते चान्ये ऽपि बहवो जपध्यानपरायणाः
kauśikaś ca mahātejāḥ kaśyapo bhṛgur eva ca / ete cānye 'pi bahavo japadhyānaparāyaṇāḥ
Sanskrit only: no published translation is held for this verse.
मुनीनां षष्टिसाहस्रं तपस्युग्रे व्यवस्थितम् । तस्याश्रमपदं रम्यं शाण्डिल्याकल्पगायुजि
munīnāṃ ṣaṣṭisāhasraṃ tapasyugre vyavasthitam / tasyāśramapadaṃ ramyaṃ śāṇḍilyākalpagāyuji
Sanskrit only: no published translation is held for this verse.
शाण्डिल्यपुरम् इत्येव ब्रह्मर्षि विनिषेवितम् । द्वादशादित्यतीर्थं च नर्मदादक्षिणे तटे
śāṇḍilyapuram ityeva brahmarṣi viniṣevitam / dvādaśādityatīrthaṃ ca narmadādakṣiṇe taṭe
Sanskrit only: no published translation is held for this verse.
देवदारु तथा तीर्थम् अन्यद् देववनं तथा । दशलक्षाणि तीर्थानि तत्र तिष्ठन्ति संगमे
devadāru tathā tīrtham anyad devavanaṃ tathā / daśalakṣāṇi tīrthāni tatra tiṣṭhanti saṃgame
Sanskrit only: no published translation is held for this verse.
द्वादशार्कम् इदं नाम तीर्थं पापप्रणाशनम् । अन्यानि यानि लिङ्गानि कथितानि तवा ऽनघ
dvādaśārkam idaṃ nāma tīrthaṃ pāpapraṇāśanam / anyāni yāni liṅgāni kathitāni tavā 'nagha
Sanskrit only: no published translation is held for this verse.
मूषकश्च तथा तीर्थे मार्जारेणैव भक्षितः । निशायां मूषकः कश्चिदटमान इतस् ततः
mūṣakaśca tathā tīrthe mārjāreṇaiva bhakṣitaḥ / niśāyāṃ mūṣakaḥ kaścidaṭamāna itas tataḥ
Sanskrit only: no published translation is held for this verse.
मार्जरेण ततः सो ऽपि भक्षितश् च धृतः पुरा । ततो मेघागमे काले प्रवाहस् तत्र निर्गतः
mārjareṇa tataḥ so 'pi bhakṣitaś ca dhṛtaḥ purā / tato meghāgame kāle pravāhas tatra nirgataḥ
Sanskrit only: no published translation is held for this verse.
अस्थिप्रवहणं तस्य निमग्नं तत्र सङ्गमे । तीर्थस्यास्य प्रभावेण यक्षराजो ऽभवत् नृप
asthipravahaṇaṃ tasya nimagnaṃ tatra saṅgame / tīrthasyāsya prabhāveṇa yakṣarājo 'bhavat nṛpa
Sanskrit only: no published translation is held for this verse.
बृहद्वृन्दः समाख्यातो यक्षायुतसमावृतः । हंसयुक्तविमानेन यक्षलोके महीयते
bṛhadvṛndaḥ samākhyāto yakṣāyutasamāvṛtaḥ / haṃsayuktavimānena yakṣaloke mahīyate
Sanskrit only: no published translation is held for this verse.
अथान्यत् कथयिष्यामि शाण्डिल्यानर्मदाश्रितम् । नाम्ना चाप्सरसं लिङ्गं मुक्ताश्चाप्सरसो यतः
athānyat kathayiṣyāmi śāṇḍilyānarmadāśritam / nāmnā cāpsarasaṃ liṅgaṃ muktāścāpsaraso yataḥ
Sanskrit only: no published translation is held for this verse.
कस्मादप्सरसः शप्ताः कथं याताश् च सङ्गमम्
kasmādapsarasaḥ śaptāḥ kathaṃ yātāś ca saṅgamam
Sanskrit only: no published translation is held for this verse.
शृणु राजन् यथा न्यायं कथयामि तवा ऽनघ
śṛṇu rājan yathā nyāyaṃ kathayāmi tavā 'nagha
Sanskrit only: no published translation is held for this verse.
मधूत्सवं शिवस्याग्रे विहायेन्द्रोत्सवं गताः । उर्वशी च तथा रम्भा अहल्या च तिलोत्तमा
madhūtsavaṃ śivasyāgre vihāyendrotsavaṃ gatāḥ / urvaśī ca tathā rambhā ahalyā ca tilottamā
Sanskrit only: no published translation is held for this verse.
घृताची मेनका चैव चित्ररेखा च शालिनी । एताश् चाप्सरसो बह्व्यः सर्वा वै देव निर्मिताः
ghṛtācī menakā caiva citrarekhā ca śālinī / etāś cāpsaraso bahvyaḥ sarvā vai deva nirmitāḥ
Sanskrit only: no published translation is held for this verse.
वसन्ते ता विशन्ति स्म शक्रलोकं सुरैः सह । मदिरानन्दपानेन मोहिताः कामपीडिताः
vasante tā viśanti sma śakralokaṃ suraiḥ saha / madirānandapānena mohitāḥ kāmapīḍitāḥ
Sanskrit only: no published translation is held for this verse.
समतीते वसन्ते तु उमामाहेश्वरं पुरम् । कैलासनिलयं देवं समाराधयितुं गताः
samatīte vasante tu umāmāheśvaraṃ puram / kailāsanilayaṃ devaṃ samārādhayituṃ gatāḥ
Sanskrit only: no published translation is held for this verse.
शापस्य भयभीतास् ता देवेदेवस्य सुव्रताः । साष्टाङ्गं प्रणिपत्याथ मन्त्रगीतेन तुष्टुवुः
śāpasya bhayabhītās tā devedevasya suvratāḥ / sāṣṭāṅgaṃ praṇipatyātha mantragītena tuṣṭuvuḥ
Sanskrit only: no published translation is held for this verse.
ताश् चैवाप्सरसो गौरी ज्ञात्वा तत्र पराङ्मुखी । गौर्याः परमचित्तज्ञाः सर्वाभरणभूषिताः
tāś caivāpsaraso gaurī jñātvā tatra parāṅmukhī / gauryāḥ paramacittajñāḥ sarvābharaṇabhūṣitāḥ
Sanskrit only: no published translation is held for this verse.
अनङ्गकुसुमा चान्या रूपयौवनशालिनी । धनपाली तथा चान्या व्योमरेखा तथापरा
anaṅgakusumā cānyā rūpayauvanaśālinī / dhanapālī tathā cānyā vyomarekhā tathāparā
Sanskrit only: no published translation is held for this verse.
चामरग्राहिणी चान्या गान्धर्वी च तथा ऽपरा । हेमदण्डा प्रतीहारा ऊचुरप्सरसः प्रति
cāmaragrāhiṇī cānyā gāndharvī ca tathā 'parā / hemadaṇḍā pratīhārā ūcurapsarasaḥ prati
Sanskrit only: no published translation is held for this verse.
उमामाहेश्वरं नाम भवत्यो न समागताः । अपराधो ऽयम् एवाद्य भवतीनां सुदुःसहः
umāmāheśvaraṃ nāma bhavatyo na samāgatāḥ / aparādho 'yam evādya bhavatīnāṃ suduḥsahaḥ
Sanskrit only: no published translation is held for this verse.
अनेनैवापराधेन अजा मर्त्ये भविष्यथ । दिव्यं वर्षशतं साग्रम् एवं भवत दुःखिताः
anenaivāparādhena ajā martye bhaviṣyatha / divyaṃ varṣaśataṃ sāgram evaṃ bhavata duḥkhitāḥ
Sanskrit only: no published translation is held for this verse.
शापान्तं नो वरारोहे दातुमर्हसि पार्वति । इति तासां वचः श्रुत्वा देवी वचनम् अब्रवीत्
śāpāntaṃ no varārohe dātumarhasi pārvati / iti tāsāṃ vacaḥ śrutvā devī vacanam abravīt
Sanskrit only: no published translation is held for this verse.
शाण्डिल्याकल्पगायोगे नर्मदादक्षिणे तटे । तत्र स्नात्वा दिवं यान्ति शाण्डिल्येश्वरपूजनात्
śāṇḍilyākalpagāyoge narmadādakṣiṇe taṭe / tatra snātvā divaṃ yānti śāṇḍilyeśvarapūjanāt
Sanskrit only: no published translation is held for this verse.
गौरीतीर्थं तु तत्रैव ज्ञातुं योग्यं हि कल्पगाम् । उत्तीर्णा तेन मार्गेण लग्ना स्कन्दस्य पृष्ठतः
gaurītīrthaṃ tu tatraiva jñātuṃ yogyaṃ hi kalpagām / uttīrṇā tena mārgeṇa lagnā skandasya pṛṣṭhataḥ
Sanskrit only: no published translation is held for this verse.
तत्र स्नात्वा शिवं नत्वा कैलासं चा गमिष्यथ । शापभ्रष्टास् तु तास् सर्वाः क्ष्मां गत्वा अतिदुःखिताः
tatra snātvā śivaṃ natvā kailāsaṃ cā gamiṣyatha / śāpabhraṣṭās tu tās sarvāḥ kṣmāṃ gatvā atiduḥkhitāḥ
Sanskrit only: no published translation is held for this verse.
शापावसाने सम्प्राप्ते कल्पगातीरमाश्रिताः । तत्र स्नात्वा तु शाण्डिल्यं पूजयित्वा विधानत
śāpāvasāne samprāpte kalpagātīramāśritāḥ / tatra snātvā tu śāṇḍilyaṃ pūjayitvā vidhānata
Sanskrit only: no published translation is held for this verse.
अजारूपधरास् सर्वास् तस्मिन्नप्सरसः क्षणात् । दिव्ययानसमारूढास् सर्वालंकारभूषिताः
ajārūpadharās sarvās tasminnapsarasaḥ kṣaṇāt / divyayānasamārūḍhās sarvālaṃkārabhūṣitāḥ
Sanskrit only: no published translation is held for this verse.
गौरीतीर्थं तथैवापुर् यथापूर्वं तथैव तु । अजातीर्थम् इति ख्यातं देवश्चाजेश्वरस् तथा
gaurītīrthaṃ tathaivāpur yathāpūrvaṃ tathaiva tu / ajātīrtham iti khyātaṃ devaścājeśvaras tathā
Sanskrit only: no published translation is held for this verse.
सर्वपापहरं चैव लिङ्गमाप्सरसं तथा । तत्र स्नात्वा व्यतीपाते नारी वा यदि वा नरः
sarvapāpaharaṃ caiva liṅgamāpsarasaṃ tathā / tatra snātvā vyatīpāte nārī vā yadi vā naraḥ
Sanskrit only: no published translation is held for this verse.
अवशः स्ववशो वा ऽपि प्राणत्यागं करोति यः । दशवर्षसहस्राणि राजा विद्याधरे पुरे
avaśaḥ svavaśo vā 'pi prāṇatyāgaṃ karoti yaḥ / daśavarṣasahasrāṇi rājā vidyādhare pure
Sanskrit only: no published translation is held for this verse.
कनकेश्वरमन्यत् तु कनकामोक्षदं शुभम् । ज्वरेश्वरं तत्र लिङ्गं ज्वरो यत्र न विद्यते
kanakeśvaramanyat tu kanakāmokṣadaṃ śubham / jvareśvaraṃ tatra liṅgaṃ jvaro yatra na vidyate
Sanskrit only: no published translation is held for this verse.
ज्वरिता ऋषयो यत्र बभूवुर् ज्वरवर्जिताः । पञ्चब्रह्मेश्वरं नाम लिङ्गं पापविमोचनम्
jvaritā ṛṣayo yatra babhūvur jvaravarjitāḥ / pañcabrahmeśvaraṃ nāma liṅgaṃ pāpavimocanam
Sanskrit only: no published translation is held for this verse.
असुरो मलकेतुश् च शक्रस्यैव भयेन तु । पञ्चब्रह्मात्मकैर् मन्त्रैः स्थण्डिलस्थं तु शङ्करम्
asuro malaketuś ca śakrasyaiva bhayena tu / pañcabrahmātmakair mantraiḥ sthaṇḍilasthaṃ tu śaṅkaram
Sanskrit only: no published translation is held for this verse.
नानाविधैः पुष्पधूपैः सम्पूज्य स्वपुरं ययौ । अपराह्णे ऽथ संस्मार स पापो लिङ्गमैशकम्
nānāvidhaiḥ puṣpadhūpaiḥ sampūjya svapuraṃ yayau / aparāhṇe 'tha saṃsmāra sa pāpo liṅgamaiśakam
Sanskrit only: no published translation is held for this verse.
नमस्कृत्वा ऽथ निर्माल्यं यावद् उद्धर्तुम् इच्छति । तावत् तत् स्थाणुभूतं वै लिङ्गं दृष्ट्वा महासुरः
namaskṛtvā 'tha nirmālyaṃ yāvad uddhartum icchati / tāvat tat sthāṇubhūtaṃ vai liṅgaṃ dṛṣṭvā mahāsuraḥ
Sanskrit only: no published translation is held for this verse.
विषसादमहाबाहुः किम् एतद् इति विस्मितः । आकाशवाचाचोक्तं वै विषादं त्यजपुत्रक
viṣasādamahābāhuḥ kim etad iti vismitaḥ / ākāśavācācoktaṃ vai viṣādaṃ tyajaputraka
Sanskrit only: no published translation is held for this verse.
पञ्चब्रह्मेश्वरं नाम लिङ्गम् एतत् महासुर । आकाशवचनं श्रुत्वा नमस्कृत्य दिवं ययौ
pañcabrahmeśvaraṃ nāma liṅgam etat mahāsura / ākāśavacanaṃ śrutvā namaskṛtya divaṃ yayau
Sanskrit only: no published translation is held for this verse.
पञ्चब्रह्मेश्वरं लिङ्गं लिङ्गं पुष्पेश्वरं तथा । तृतीयं तु तथा विद्धि लिङ्गं वै स्थण्डिलेश्वरम्
pañcabrahmeśvaraṃ liṅgaṃ liṅgaṃ puṣpeśvaraṃ tathā / tṛtīyaṃ tu tathā viddhi liṅgaṃ vai sthaṇḍileśvaram
Sanskrit only: no published translation is held for this verse.
नित्ये नैमित्तिके कार्ये ग्रहणे चन्द्रसूर्ययोः । श्रद्धया सङ्गमे स्नात्वा लिङ्गत्रितयपूजनात्
nitye naimittike kārye grahaṇe candrasūryayoḥ / śraddhayā saṅgame snātvā liṅgatritayapūjanāt
Sanskrit only: no published translation is held for this verse.
गच्छन्ति पितरः स्वर्गं हविर्दानादिभिर् यथा । मन्वन्तरशतं यावन् मोदते ब्रह्मणः पुरे
gacchanti pitaraḥ svargaṃ havirdānādibhir yathā / manvantaraśataṃ yāvan modate brahmaṇaḥ pure
Sanskrit only: no published translation is held for this verse.
नर्मदायाप्यभागे तु गोप्यलिङ्गं व्यवस्थितम् । ब्रह्महत्यादिकं पापं सप्तरात्रेण नश्यति
narmadāyāpyabhāge tu gopyaliṅgaṃ vyavasthitam / brahmahatyādikaṃ pāpaṃ saptarātreṇa naśyati
Sanskrit only: no published translation is held for this verse.
त्वष्टा पूषेति विख्यातौ बलिनौ ब्रह्मराक्षसौ । वज्रेण स्वेन शक्रेण हतौ तौ सिन्धुचारिणौ
tvaṣṭā pūṣeti vikhyātau balinau brahmarākṣasau / vajreṇa svena śakreṇa hatau tau sindhucāriṇau
Sanskrit only: no published translation is held for this verse.
बुद्ध्वा ब्रह्मादिभिर्देवैर् ब्रह्महा त्वेष वासवः । इन्द्राण्या चैव संत्यक्तः सर्वैः सुरगणैस् तथा
buddhvā brahmādibhirdevair brahmahā tveṣa vāsavaḥ / indrāṇyā caiva saṃtyaktaḥ sarvaiḥ suragaṇais tathā
Sanskrit only: no published translation is held for this verse.
ब्रह्महत्या समायुक्तः सम्प्राप्तो वै हिमालयम् । चन्द्रहीना यथा रात्रिर् अनादित्यं यथा नभः
brahmahatyā samāyuktaḥ samprāpto vai himālayam / candrahīnā yathā rātrir anādityaṃ yathā nabhaḥ
Sanskrit only: no published translation is held for this verse.
इयमाभाति वै तद्वच् छक्रहीना ऽमरावती । ततो देवगणैः सर्वैः प्रेषितो हव्यवाहनः
iyamābhāti vai tadvac chakrahīnā 'marāvatī / tato devagaṇaiḥ sarvaiḥ preṣito havyavāhanaḥ
Sanskrit only: no published translation is held for this verse.
शक्रस्यान्वेषणार्थाय कृशानो गम्यतां त्वया । जले दृष्ट्वा निवर्त्या ऽथ देवतास् संन्यवेदयत्
śakrasyānveṣaṇārthāya kṛśāno gamyatāṃ tvayā / jale dṛṣṭvā nivartyā 'tha devatās saṃnyavedayat
Sanskrit only: no published translation is held for this verse.
ततस् संप्रेषितो देवैः सर्वव्यापी प्रभञ्जनः । स तं प्रवेशयामास प्रोवाच त्रिदशेश्वरम्
tatas saṃpreṣito devaiḥ sarvavyāpī prabhañjanaḥ / sa taṃ praveśayāmāsa provāca tridaśeśvaram
Sanskrit only: no published translation is held for this verse.
देवानां शासनाद् एव समागच्छं च त्वत्कृते । तमानीय पुरं दिव्यं ब्रह्मविष्णुपुरस्मराः
devānāṃ śāsanād eva samāgacchaṃ ca tvatkṛte / tamānīya puraṃ divyaṃ brahmaviṣṇupurasmarāḥ
Sanskrit only: no published translation is held for this verse.
ततो देवगणाः सर्वे शक्रेण सहिता गताः । ईशानो भगवान् यत्र कैलासे पर्वतोत्तमे
tato devagaṇāḥ sarve śakreṇa sahitā gatāḥ / īśāno bhagavān yatra kailāse parvatottame
Sanskrit only: no published translation is held for this verse.
नमस्कृत्य महादेवं सुरासुरनमस्कृतम् । प्रविष्टांस् तु यथान्यायं पप्रच्छ भगवान् हरः
namaskṛtya mahādevaṃ surāsuranamaskṛtam / praviṣṭāṃs tu yathānyāyaṃ papraccha bhagavān haraḥ
Sanskrit only: no published translation is held for this verse.
एष त्वां प्रति संप्रष्टुं देवराजः शतक्रतुः
eṣa tvāṃ prati saṃpraṣṭuṃ devarājaḥ śatakratuḥ
Sanskrit only: no published translation is held for this verse.
वाराणस्यां क्रतुं चेष्ट्वा हयमेधं यथा विधि
vārāṇasyāṃ kratuṃ ceṣṭvā hayamedhaṃ yathā vidhi
Sanskrit only: no published translation is held for this verse.
तीर्थयात्राक्रमेणैव ब्रह्महत्या प्रणश्यति । नमस्कृत्य ततो देवं सुराः काशीपुरं ययुः
tīrthayātrākrameṇaiva brahmahatyā praṇaśyati / namaskṛtya tato devaṃ surāḥ kāśīpuraṃ yayuḥ
Sanskrit only: no published translation is held for this verse.
यज्ञोपस्करमादाय तत्र चेष्टो मखोत्तमः । पौष्करं नैमिषारण्यं कुरुक्षेत्रं तथा पुनः
yajñopaskaramādāya tatra ceṣṭo makhottamaḥ / pauṣkaraṃ naimiṣāraṇyaṃ kurukṣetraṃ tathā punaḥ
Sanskrit only: no published translation is held for this verse.
केदारं भैरवं तीर्थं गङ्गासागरसङ्गमम् । ओघतीर्थं प्रयागं च प्रभासं शशिभूषणम्
kedāraṃ bhairavaṃ tīrthaṃ gaṅgāsāgarasaṅgamam / oghatīrthaṃ prayāgaṃ ca prabhāsaṃ śaśibhūṣaṇam
Sanskrit only: no published translation is held for this verse.
बभ्रमुः सर्वतीर्थानि पृथिव्यां यानि कानि च । कृष्णमस्य शरीरार्द्धमर्द्धं गौरं निरीक्ष्य च
babhramuḥ sarvatīrthāni pṛthivyāṃ yāni kāni ca / kṛṣṇamasya śarīrārddhamarddhaṃ gauraṃ nirīkṣya ca
Sanskrit only: no published translation is held for this verse.
विस्मयं परमं जग्मुः सर्वे देवगणास् तथा । वाराणसीं पुरीं गत्वा सुरा विज्ञापयन्ति तम्
vismayaṃ paramaṃ jagmuḥ sarve devagaṇās tathā / vārāṇasīṃ purīṃ gatvā surā vijñāpayanti tam
Sanskrit only: no published translation is held for this verse.
अन्तरिक्षे पुरी ख्याता वाराणस्यसमा तथा । पञ्चक्रोशान्तरे तस्या ब्रह्महत्या न सर्पति
antarikṣe purī khyātā vārāṇasyasamā tathā / pañcakrośāntare tasyā brahmahatyā na sarpati
Sanskrit only: no published translation is held for this verse.
पुराणे श्रूयते देव देवराज शतक्रतो । यावत् तिष्ठति गङ्गायां वाराणस्यां समागमे
purāṇe śrūyate deva devarāja śatakrato / yāvat tiṣṭhati gaṅgāyāṃ vārāṇasyāṃ samāgame
Sanskrit only: no published translation is held for this verse.
नाहं समर्था हरणे मुक्त्वा काचित् तु कल्पगाम्
nāhaṃ samarthā haraṇe muktvā kācit tu kalpagām
Sanskrit only: no published translation is held for this verse.
ब्रह्महत्या यथा नश्येद् उपदेशं ददामि ते । शाण्डिल्या नर्मदायोगे याम्ये भागे तु नार्मदे
brahmahatyā yathā naśyed upadeśaṃ dadāmi te / śāṇḍilyā narmadāyoge yāmye bhāge tu nārmade
Sanskrit only: no published translation is held for this verse.
तत्र स्नात्वा महाराज त्रीणि लिङ्गानि चार्चयेत् । पञ्चब्रह्मेश्वरं देवं पुष्पेश्वरम् अथापरम्
tatra snātvā mahārāja trīṇi liṅgāni cārcayet / pañcabrahmeśvaraṃ devaṃ puṣpeśvaram athāparam
Sanskrit only: no published translation is held for this verse.
तृतीयं तु तथा शक्रलिङ्गं चैव स्थण्डिलेश्वरम् । शिवेन कीर्तितं पूर्वं पार्वत्याः षण्मुखस्य च
tṛtīyaṃ tu tathā śakraliṅgaṃ caiva sthaṇḍileśvaram / śivena kīrtitaṃ pūrvaṃ pārvatyāḥ ṣaṇmukhasya ca
Sanskrit only: no published translation is held for this verse.
काशीपुर्या वचः श्रुत्वा देवदेवः शतक्रतुः । तं देशं समनुप्राप्य सर्वं स्नानादिकं व्यधात्
kāśīpuryā vacaḥ śrutvā devadevaḥ śatakratuḥ / taṃ deśaṃ samanuprāpya sarvaṃ snānādikaṃ vyadhāt
Sanskrit only: no published translation is held for this verse.
तत् क्षणाद् दिव्यदेहश् च सूर्यसंक्रमणं ययौ । शरीरात् तस्य निर्गत्य ब्रह्महत्या ह वासवम्
tat kṣaṇād divyadehaś ca sūryasaṃkramaṇaṃ yayau / śarīrāt tasya nirgatya brahmahatyā ha vāsavam
Sanskrit only: no published translation is held for this verse.
अस्य तीर्थस्य माहात्म्याद् एकहत्या तवैव का । ब्रह्महत्यासहस्रं हि तमः सूर्योदये यथा
asya tīrthasya māhātmyād ekahatyā tavaiva kā / brahmahatyāsahasraṃ hi tamaḥ sūryodaye yathā
Sanskrit only: no published translation is held for this verse.
तीर्थे ऽस्मिन् न विशेद्धत्या योजनानि चतुर्दश । एतस्मिन्न् अन्तरे शक्रं प्रत्यक्षं प्राह कल्पगा
tīrthe 'smin na viśeddhatyā yojanāni caturdaśa / etasminn antare śakraṃ pratyakṣaṃ prāha kalpagā
Sanskrit only: no published translation is held for this verse.
शिवम् अस्तु महाराज स्वगृहं याहि साम्प्रतम् । इति तस्या वचः श्रुत्वा नमस्कृत्य तु नर्मदाम्
śivam astu mahārāja svagṛhaṃ yāhi sāmpratam / iti tasyā vacaḥ śrutvā namaskṛtya tu narmadām
Sanskrit only: no published translation is held for this verse.
दिव्यं यानं समारूढो मुदा परमया युतः । अप्सरोगणसंकीर्णं सिद्धगन्धर्वसेवितम्
divyaṃ yānaṃ samārūḍho mudā paramayā yutaḥ / apsarogaṇasaṃkīrṇaṃ siddhagandharvasevitam
Sanskrit only: no published translation is held for this verse.
तत्रारूढः सुरपतिर् यथापूर्वं तथैव च । धृतदिव्यातपत्रस् तु वीज्यमानो ऽप्सरोगणैः
tatrārūḍhaḥ surapatir yathāpūrvaṃ tathaiva ca / dhṛtadivyātapatras tu vījyamāno 'psarogaṇaiḥ
Sanskrit only: no published translation is held for this verse.
स्तूयमानः सुरगणैः प्रविवेशामरावतीम् । शिवेन कथितं ह्य् एतत् पार्वत्याः षण्मुखस्य च
stūyamānaḥ suragaṇaiḥ praviveśāmarāvatīm / śivena kathitaṃ hy etat pārvatyāḥ ṣaṇmukhasya ca
Sanskrit only: no published translation is held for this verse.
मया तु कथितं राजंस् तव ब्रह्मर्षिपूर्वकम्
mayā tu kathitaṃ rājaṃs tava brahmarṣipūrvakam
Sanskrit only: no published translation is held for this verse.