कथं निवर्तितो यज्ञो रन्तिदेवस्य धीमतः । कण्वाश्रमपदे रम्ये रेवाकुब्जासमागमे
kathaṃ nivartito yajño rantidevasya dhīmataḥ / kaṇvāśramapade ramye revākubjāsamāgame
Sanskrit only: no published translation is held for this verse.
शृण्वन्तु मुनयः सर्वे श्रोतुकामास् समागमम्
śṛṇvantu munayaḥ sarve śrotukāmās samāgamam
Sanskrit only: no published translation is held for this verse.
मया ख्यातम् इदं पुण्यम् इतिहासं पुरातनम् । शण्डामर्को ऽथ राजर्षिर् मानसो ब्रह्मणः सुतः
mayā khyātam idaṃ puṇyam itihāsaṃ purātanam / śaṇḍāmarko 'tha rājarṣir mānaso brahmaṇaḥ sutaḥ
Sanskrit only: no published translation is held for this verse.
सूर्यतेजः समप्रख्यस् तेजसा प्रज्वलन्न् इव । ब्रह्मिष्ठः सत्यवादी च वेदवेदाङ्गपारगः
sūryatejaḥ samaprakhyas tejasā prajvalann iva / brahmiṣṭhaḥ satyavādī ca vedavedāṅgapāragaḥ
Sanskrit only: no published translation is held for this verse.
ब्रह्मचारी जितक्रोधः सर्वभूतहिते रतः । षडशीतिसहस्राणि मुनीनां दीप्ततेजसाम्
brahmacārī jitakrodhaḥ sarvabhūtahite rataḥ / ṣaḍaśītisahasrāṇi munīnāṃ dīptatejasām
Sanskrit only: no published translation is held for this verse.
तपस्तत्रैव तप्यन्ते मोक्षोपायविचिन्तकाः । कन्दमूलफलाहारा जलाहारास् तथा परे
tapastatraiva tapyante mokṣopāyavicintakāḥ / kandamūlaphalāhārā jalāhārās tathā pare
Sanskrit only: no published translation is held for this verse.
मासोपवासिनश् चान्ये तथा पक्षोपवासिनः । चरन्ति के सान्तपनं प्राजापत्यं तथैव च
māsopavāsinaś cānye tathā pakṣopavāsinaḥ / caranti ke sāntapanaṃ prājāpatyaṃ tathaiva ca
Sanskrit only: no published translation is held for this verse.
चान्द्रायणपराश् चान्ये ब्रह्मकूर्चास् तथापरे । शण्डामर्काश्रिताः सर्वे सर्वेषां गुरुर् एव च
cāndrāyaṇaparāś cānye brahmakūrcās tathāpare / śaṇḍāmarkāśritāḥ sarve sarveṣāṃ gurur eva ca
Sanskrit only: no published translation is held for this verse.
वेदध्वनितनिर्घोषैर् दिवं भूमिं व्यनादयन् । निर्धूमो ज्वलनस् तत्र हूयमानो हुताशनः
vedadhvanitanirghoṣair divaṃ bhūmiṃ vyanādayan / nirdhūmo jvalanas tatra hūyamāno hutāśanaḥ
Sanskrit only: no published translation is held for this verse.
कामक्रोधविनिर्मुक्तैर् ब्रह्मचारिजितेन्द्रियैः । शण्डामर्काश्रमं दिव्यं युक्तं ब्रह्मसमद्विजैः
kāmakrodhavinirmuktair brahmacārijitendriyaiḥ / śaṇḍāmarkāśramaṃ divyaṃ yuktaṃ brahmasamadvijaiḥ
Sanskrit only: no published translation is held for this verse.
तथाकामफलैर् वृक्षैः पुष्पितैस् त्वतिशोभितम् । सर्वाश्रमगुरुश् चासीद् रन्तिदेवो महीपतिः
tathākāmaphalair vṛkṣaiḥ puṣpitais tvatiśobhitam / sarvāśramaguruś cāsīd rantidevo mahīpatiḥ
Sanskrit only: no published translation is held for this verse.
शासिता धरणी तेन सशैलवनकानना । न नराः शोकमात्सर्यरोगदारिद्र्यदुःखिताः
śāsitā dharaṇī tena saśailavanakānanā / na narāḥ śokamātsaryarogadāridryaduḥkhitāḥ
Sanskrit only: no published translation is held for this verse.
चिरायुषः प्रजाः सर्वा धनधान्यसमाकुलाः । स्वयं कामदुघा गावः पृथिवी सस्यशालिनी
cirāyuṣaḥ prajāḥ sarvā dhanadhānyasamākulāḥ / svayaṃ kāmadughā gāvaḥ pṛthivī sasyaśālinī
Sanskrit only: no published translation is held for this verse.
कौशेयं पट्टसूत्रं च सर्वेषां विमलं चितम् । पर्जन्यः कामवर्षी च काले काले ऋतावृतौ
kauśeyaṃ paṭṭasūtraṃ ca sarveṣāṃ vimalaṃ citam / parjanyaḥ kāmavarṣī ca kāle kāle ṛtāvṛtau
Sanskrit only: no published translation is held for this verse.
नाना पुराणि रम्याणि हेमरत्नान्वितानि च । नाना चामरमाला च हेमरत्नावगण्ठिता
nānā purāṇi ramyāṇi hemaratnānvitāni ca / nānā cāmaramālā ca hemaratnāvagaṇṭhitā
Sanskrit only: no published translation is held for this verse.
किङ्किणीजालसंछन्ना मणिमालाविलम्बिता । बुद्बुदैर् अर्धचन्द्रैश् च पारिजातकदम्बकैः
kiṅkiṇījālasaṃchannā maṇimālāvilambitā / budbudair ardhacandraiś ca pārijātakadambakaiḥ
Sanskrit only: no published translation is held for this verse.
गोपुरैश् च महादिव्यैर् नानानकनिनादिता । नाट्यहर्म्यैश् च सङ्गीतैर् विचित्रकुसुमावृतैः
gopuraiś ca mahādivyair nānānakanināditā / nāṭyaharmyaiś ca saṅgītair vicitrakusumāvṛtaiḥ
Sanskrit only: no published translation is held for this verse.
भूमिर् हेममयी चैव चार्चिता यत्र संचितैः । प्रासादश् च महारत्नैर् देवदेवस्य शूलिनः
bhūmir hemamayī caiva cārcitā yatra saṃcitaiḥ / prāsādaś ca mahāratnair devadevasya śūlinaḥ
Sanskrit only: no published translation is held for this verse.
मेरुमन्दरकैलासे यादृशश् च विराजते । नानारत्नशिलाभिश् च अनेकशिखरोत्करैः
merumandarakailāse yādṛśaś ca virājate / nānāratnaśilābhiś ca anekaśikharotkaraiḥ
Sanskrit only: no published translation is held for this verse.
चन्द्रशालागवाक्षैश् च रत्नमालाविभूषितैः । शतार्धसाप्तभौमैश् च तथैवायुतभूमिकैः
candraśālāgavākṣaiś ca ratnamālāvibhūṣitaiḥ / śatārdhasāptabhaumaiś ca tathaivāyutabhūmikaiḥ
Sanskrit only: no published translation is held for this verse.
चन्द्राननपताकाभिर् यज्ञैश् चापि विराजिता । एवं विधा नृपश्रेष्ठ सर्वशोभा समन्विता
candrānanapatākābhir yajñaiś cāpi virājitā / evaṃ vidhā nṛpaśreṣṭha sarvaśobhā samanvitā
Sanskrit only: no published translation is held for this verse.
रन्तिदेवस्य राजर्षेर् अयोध्यानगरी शुभा । इत्थं शशास धरणीं यथा शक्रस्त्रिविष्टपम्
rantidevasya rājarṣer ayodhyānagarī śubhā / itthaṃ śaśāsa dharaṇīṃ yathā śakrastriviṣṭapam
Sanskrit only: no published translation is held for this verse.
नृपो यागसहस्रैश् च भूमिपृष्ठं ददाह सः । पुरोधसं वशिष्ठं च पप्रच्छ मुनिसत्तमम्
nṛpo yāgasahasraiś ca bhūmipṛṣṭhaṃ dadāha saḥ / purodhasaṃ vaśiṣṭhaṃ ca papraccha munisattamam
Sanskrit only: no published translation is held for this verse.
कस्मिंस् तीर्थे तु निर्विघ्ना यज्ञसिद्धिर् महामुने । इति तस्य वचः श्रुत्वा राजर्षेर् मुनिसत्तमः
kasmiṃs tīrthe tu nirvighnā yajñasiddhir mahāmune / iti tasya vacaḥ śrutvā rājarṣer munisattamaḥ
Sanskrit only: no published translation is held for this verse.
उवाच रन्तिदेवं च वशिष्ठो ब्रह्मवित्तमः । दुर्वासाः कश्यपो गर्गो नारदः पर्वतः क्रतुः
uvāca rantidevaṃ ca vaśiṣṭho brahmavittamaḥ / durvāsāḥ kaśyapo gargo nāradaḥ parvataḥ kratuḥ
Sanskrit only: no published translation is held for this verse.
अग्निश् च शौनकश् चैव बृहस्पतिर् अथाङ्गिराः । भृगुर् अत्रिस् तथा वत्स्यः पुलस्त्यः पुलहस्तथा
agniś ca śaunakaś caiva bṛhaspatir athāṅgirāḥ / bhṛgur atris tathā vatsyaḥ pulastyaḥ pulahastathā
Sanskrit only: no published translation is held for this verse.
काश्यपो गालवश् चैव ऋष्यशृङ्गो विभाण्डकः । अहं च मुनयश् चैते मुनयो ब्रह्मवर्चसः
kāśyapo gālavaś caiva ṛṣyaśṛṅgo vibhāṇḍakaḥ / ahaṃ ca munayaś caite munayo brahmavarcasaḥ
Sanskrit only: no published translation is held for this verse.
सर्वेषां मतमेवं वै मम चैव नराधिप । अन्यतीर्थात् परं तीर्थं पुराणे परिकीर्तितम्
sarveṣāṃ matamevaṃ vai mama caiva narādhipa / anyatīrthāt paraṃ tīrthaṃ purāṇe parikīrtitam
Sanskrit only: no published translation is held for this verse.
कोटिकोटिगुणं पुण्यं कल्पगा यत्र वर्तते । एवम् एवेति तं ब्रूयात् सत्यम् एतत् त्वयोदितम्
koṭikoṭiguṇaṃ puṇyaṃ kalpagā yatra vartate / evam eveti taṃ brūyāt satyam etat tvayoditam
Sanskrit only: no published translation is held for this verse.
ततश्चाज्ञापयाम् आस भृत्यामात्यपुरोधसः । यज्ञोपस्करसम्भारः शीघ्रम् एव विधीयताम्
tataścājñāpayām āsa bhṛtyāmātyapurodhasaḥ / yajñopaskarasambhāraḥ śīghram eva vidhīyatām
Sanskrit only: no published translation is held for this verse.
आदिदेश ततो दूतान् नानादेशेषु सत्वरान् । घोषणा क्रियतां राष्ट्रे समागच्छन्तु भूमिपाः
ādideśa tato dūtān nānādeśeṣu satvarān / ghoṣaṇā kriyatāṃ rāṣṭre samāgacchantu bhūmipāḥ
Sanskrit only: no published translation is held for this verse.
आगतास् ते ततः सर्वे रन्तिदेवस्य शासनात् । यथा विभवशोभाढ्याः शक्रतुल्या महीभृतः
āgatās te tataḥ sarve rantidevasya śāsanāt / yathā vibhavaśobhāḍhyāḥ śakratulyā mahībhṛtaḥ
Sanskrit only: no published translation is held for this verse.
गावश् च दशलक्षाणि सवत्साश् च पयस्विनीः । हेमभारैर्भूषिताश् च कामधेनुपयस्विनीः
gāvaś ca daśalakṣāṇi savatsāś ca payasvinīḥ / hemabhārairbhūṣitāś ca kāmadhenupayasvinīḥ
Sanskrit only: no published translation is held for this verse.
लक्षमेकं हयानां तु अयुतं दन्तिनां तथा । मणिमाणिक्यरत्नानां तत्र संख्या न विद्यते
lakṣamekaṃ hayānāṃ tu ayutaṃ dantināṃ tathā / maṇimāṇikyaratnānāṃ tatra saṃkhyā na vidyate
Sanskrit only: no published translation is held for this verse.
अनेकानि सहस्राणि करभानां च भारत । दिव्ययानं समारुह्य सान्तःपुरपरिच्छदः
anekāni sahasrāṇi karabhānāṃ ca bhārata / divyayānaṃ samāruhya sāntaḥpuraparicchadaḥ
Sanskrit only: no published translation is held for this verse.
नानातूर्यैर् गीतवाद्यैर् मेकलातीरम् आगतः । तत्र मण्डपकुण्डानि यज्ञयूपा हिरण्मयाः
nānātūryair gītavādyair mekalātīram āgataḥ / tatra maṇḍapakuṇḍāni yajñayūpā hiraṇmayāḥ
Sanskrit only: no published translation is held for this verse.
नानाभक्षाणि भोज्यानि पक्वानि विविधानि च । नानाभरणरत्नैश् च ब्राह्मणाः समलंकृताः
nānābhakṣāṇi bhojyāni pakvāni vividhāni ca / nānābharaṇaratnaiś ca brāhmaṇāḥ samalaṃkṛtāḥ
Sanskrit only: no published translation is held for this verse.
यज्ञदीक्षां च जग्राह पत्न्या सह नराधिपः । ततः प्रवर्तितो यज्ञो रेवातीरे सुशोभने
yajñadīkṣāṃ ca jagrāha patnyā saha narādhipaḥ / tataḥ pravartito yajño revātīre suśobhane
Sanskrit only: no published translation is held for this verse.
तत्र ज्वलति निर्धूमः प्रत्यक्षो हव्यवाहनः । ब्रह्मशक्रादयो देवा लोकपाला मरुद्गणाः
tatra jvalati nirdhūmaḥ pratyakṣo havyavāhanaḥ / brahmaśakrādayo devā lokapālā marudgaṇāḥ
Sanskrit only: no published translation is held for this verse.
विश्वेदेवाश् च साध्याश् च वसवश्चन्द्रभास्करौ । सरितः सागराः शैलाः सर्वतीर्थानि चापगा
viśvedevāś ca sādhyāś ca vasavaścandrabhāskarau / saritaḥ sāgarāḥ śailāḥ sarvatīrthāni cāpagā
Sanskrit only: no published translation is held for this verse.
मातरः सिद्धगन्धर्वाः सयक्षोरगराक्षसाः । उमया सहितो रुद्रो विष्णुश् चैव सुरेश्वरः
mātaraḥ siddhagandharvāḥ sayakṣoragarākṣasāḥ / umayā sahito rudro viṣṇuś caiva sureśvaraḥ
Sanskrit only: no published translation is held for this verse.
सर्वेषा यज्ञभागांश् च पृथक् पृथग् अकल्पयत् । एतस्मिन्न् अन्तरे राजन् वेदध्वनि निवेदितम्
sarveṣā yajñabhāgāṃś ca pṛthak pṛthag akalpayat / etasminn antare rājan vedadhvani niveditam
Sanskrit only: no published translation is held for this verse.
विस्मिता ह्यभवन् सर्वे श्रुत्वा स्मृतिभयानकम् । दानवा बलवन्तो ऽद्य ते क्रौञ्चपुरवासिनः
vismitā hyabhavan sarve śrutvā smṛtibhayānakam / dānavā balavanto 'dya te krauñcapuravāsinaḥ
Sanskrit only: no published translation is held for this verse.
महाबाहुः सुबाहुश् च दैत्यकोटिसमावृताः । आगता नर्मदा तीरे सभृत्यबलवाहनाः
mahābāhuḥ subāhuś ca daityakoṭisamāvṛtāḥ / āgatā narmadā tīre sabhṛtyabalavāhanāḥ
Sanskrit only: no published translation is held for this verse.
दक्षिणां दिशमाश्रित्य यज्ञविघ्नं विचक्रिरे । ब्रह्माद्या मुनयः सर्वे भयत्रस्ताश् च कम्पिरे
dakṣiṇāṃ diśamāśritya yajñavighnaṃ vicakrire / brahmādyā munayaḥ sarve bhayatrastāś ca kampire
Sanskrit only: no published translation is held for this verse.
उवाच वचनं ब्रह्मा देवतुल्यं पुरोधसम् । मया विधिर् विस्मृतश् च मन्त्रादीनां महाभयात्
uvāca vacanaṃ brahmā devatulyaṃ purodhasam / mayā vidhir vismṛtaś ca mantrādīnāṃ mahābhayāt
Sanskrit only: no published translation is held for this verse.
उवाच रन्तिदेवं च यज्ञध्वंसं निवारय । ब्रह्मिष्ठस् तद् वचः श्रुत्वा रन्तिदेवो महीपतिः
uvāca rantidevaṃ ca yajñadhvaṃsaṃ nivāraya / brahmiṣṭhas tad vacaḥ śrutvā rantidevo mahīpatiḥ
Sanskrit only: no published translation is held for this verse.
यदि मे विद्यते सत्यं शिवभक्तिपरा मतिः । दैत्यराक्षसदुष्टाश् च ये चान्ये विघ्नकारकाः
yadi me vidyate satyaṃ śivabhaktiparā matiḥ / daityarākṣasaduṣṭāś ca ye cānye vighnakārakāḥ
Sanskrit only: no published translation is held for this verse.
सर्वे ते विलयं यान्ति तमः सूर्योदये यथा । पश्यन्तु मम सामर्थ्यं देवा विगतकल्मषाः
sarve te vilayaṃ yānti tamaḥ sūryodaye yathā / paśyantu mama sāmarthyaṃ devā vigatakalmaṣāḥ
Sanskrit only: no published translation is held for this verse.
एवमुक्त्वा ततो राजन् कुशाग्रेण तु नार्मदः । प्रवाहो दुष्टरक्षार्थं दक्षिणस्यां प्रकल्पितः
evamuktvā tato rājan kuśāgreṇa tu nārmadaḥ / pravāho duṣṭarakṣārthaṃ dakṣiṇasyāṃ prakalpitaḥ
Sanskrit only: no published translation is held for this verse.
विष्णुश् चैव स्मृतस् तत्र शङ्खचक्रगदाधरः । उत्तरे देवयानस्य प्रवाहः परिकल्पितः
viṣṇuś caiva smṛtas tatra śaṅkhacakragadādharaḥ / uttare devayānasya pravāhaḥ parikalpitaḥ
Sanskrit only: no published translation is held for this verse.
एवं कृत्वा तु घोरेण देवमन्त्रेण सुव्रतः । जुहावाहवनीये तु कुण्डे बिल्वाम्रवेतसम्
evaṃ kṛtvā tu ghoreṇa devamantreṇa suvrataḥ / juhāvāhavanīye tu kuṇḍe bilvāmravetasam
Sanskrit only: no published translation is held for this verse.
तस्मात् समुत्थितं लिङ्गं ज्वलत् कालानलप्रभम् । नान्तो नादिर् न मध्यं च तस्य लिङ्गस्य भारत
tasmāt samutthitaṃ liṅgaṃ jvalat kālānalaprabham / nānto nādir na madhyaṃ ca tasya liṅgasya bhārata
Sanskrit only: no published translation is held for this verse.
ततः सुरासुराः सर्वे चक्रुः स्तोत्रम् इदं पुरः । ॐ नमो भुवनेशाय आदिदेव नमो ऽस्तु ते
tataḥ surāsurāḥ sarve cakruḥ stotram idaṃ puraḥ / oṃ namo bhuvaneśāya ādideva namo 'stu te
Sanskrit only: no published translation is held for this verse.
चराचरख्यापकाय सृष्टिसंहारकारिणे । स्तोत्रं श्रुत्वा महादेवः शान्तरूपो जगत् पतिः
carācarakhyāpakāya sṛṣṭisaṃhārakāriṇe / stotraṃ śrutvā mahādevaḥ śāntarūpo jagat patiḥ
Sanskrit only: no published translation is held for this verse.
बभूव परमप्रीतश् चराचरगुरुस् तदा । तद् दृष्ट्वा तादृशं कर्म रन्तिदेवस्य धीमतः
babhūva paramaprītaś carācaragurus tadā / tad dṛṣṭvā tādṛśaṃ karma rantidevasya dhīmataḥ
Sanskrit only: no published translation is held for this verse.
आगत्य दानवाधीशो रन्तिदेवमपूजयत् । आदेशो दीयतां मह्यं किं करोमीति चाब्रवीत्
āgatya dānavādhīśo rantidevamapūjayat / ādeśo dīyatāṃ mahyaṃ kiṃ karomīti cābravīt
Sanskrit only: no published translation is held for this verse.
उवाच वचनं राजा प्रहसन्न् इव भारत । आतिथ्यकाले सम्प्राप्ते यज्ञभागं वदामि ते
uvāca vacanaṃ rājā prahasann iva bhārata / ātithyakāle samprāpte yajñabhāgaṃ vadāmi te
Sanskrit only: no published translation is held for this verse.
देवानां यज्ञभांगं च दानवानां च सर्वशः । परिकल्प्य यथान्यायं मुदा परमया युतः
devānāṃ yajñabhāṃgaṃ ca dānavānāṃ ca sarvaśaḥ / parikalpya yathānyāyaṃ mudā paramayā yutaḥ
Sanskrit only: no published translation is held for this verse.
स्वं स्वं यानं समारुह्य दानवास् ते च सर्वशः । लिङ्गं बिल्वाम्रकं नाम जुष्टं दैवैर् जगत् पतेः
svaṃ svaṃ yānaṃ samāruhya dānavās te ca sarvaśaḥ / liṅgaṃ bilvāmrakaṃ nāma juṣṭaṃ daivair jagat pateḥ
Sanskrit only: no published translation is held for this verse.
नमस्कृत्य महादेवं रन्तिदेवं प्रतुष्टुवुः । ततः प्रमुदिता देवा रन्तिदेवम् अपूजयन्
namaskṛtya mahādevaṃ rantidevaṃ pratuṣṭuvuḥ / tataḥ pramuditā devā rantidevam apūjayan
Sanskrit only: no published translation is held for this verse.
उमया सह देवेशं गणकोटिसमन्वितम् । ब्रह्मा विष्णुश् च देवाश् च वरं दत्त्वा दिवं ययुः
umayā saha deveśaṃ gaṇakoṭisamanvitam / brahmā viṣṇuś ca devāś ca varaṃ dattvā divaṃ yayuḥ
Sanskrit only: no published translation is held for this verse.
गतेषु तेषु देवेषु रन्तिदेवः पुरं ययौ । कदाचिद् वृत्रहा तत्र ब्रह्महत्यासमावृतः
gateṣu teṣu deveṣu rantidevaḥ puraṃ yayau / kadācid vṛtrahā tatra brahmahatyāsamāvṛtaḥ
Sanskrit only: no published translation is held for this verse.
रेवाकुब्जासमायोगे सर्वं स्नानादिकं व्यधात् । तत्क्षणाद् दिव्यदेहस् तु सूर्यसंकाशतेजसः
revākubjāsamāyoge sarvaṃ snānādikaṃ vyadhāt / tatkṣaṇād divyadehas tu sūryasaṃkāśatejasaḥ
Sanskrit only: no published translation is held for this verse.
शरीरात् तस्य निर्गत्य ब्रह्महत्याह वासवम् । अस्य तीर्थस्य माहात्म्याद् एकहत्या तवैव का
śarīrāt tasya nirgatya brahmahatyāha vāsavam / asya tīrthasya māhātmyād ekahatyā tavaiva kā
Sanskrit only: no published translation is held for this verse.
ब्रह्महत्यासहस्रं हि तमः सूर्योदये यथा । तीर्थे ऽस्मिन् विनशेद् यावद् योजनानि चतुर्दश
brahmahatyāsahasraṃ hi tamaḥ sūryodaye yathā / tīrthe 'smin vinaśed yāvad yojanāni caturdaśa
Sanskrit only: no published translation is held for this verse.
एतस्मिन्न् अन्तरे शक्रं प्रत्यक्षं प्राह कल्पगा । शान्तिस् ते ऽस्तु महाभाग यथेष्टं गच्छ साम्प्रतम्
etasminn antare śakraṃ pratyakṣaṃ prāha kalpagā / śāntis te 'stu mahābhāga yatheṣṭaṃ gaccha sāmpratam
Sanskrit only: no published translation is held for this verse.
इति तस्या वचः श्रुत्वा तां नमस्कृत्य कल्पगाम् । दिव्ययानं समारुह्य मुदा परमया युतः
iti tasyā vacaḥ śrutvā tāṃ namaskṛtya kalpagām / divyayānaṃ samāruhya mudā paramayā yutaḥ
Sanskrit only: no published translation is held for this verse.
अप्सरोगणसंयुक्तं दिव्यगन्धर्वनादितम् । तत्रारूढः सुरपतिर् यथा पूर्वं तथैव सः
apsarogaṇasaṃyuktaṃ divyagandharvanāditam / tatrārūḍhaḥ surapatir yathā pūrvaṃ tathaiva saḥ
Sanskrit only: no published translation is held for this verse.
धृतदिव्यातपत्रस् तु वीज्यमानो ऽप्सरोगणैः । स्तूयमानः सुरगणैः प्रविवेशामरावतीम्
dhṛtadivyātapatras tu vījyamāno 'psarogaṇaiḥ / stūyamānaḥ suragaṇaiḥ praviveśāmarāvatīm
Sanskrit only: no published translation is held for this verse.
शिवेन कथितं पूर्वं पार्वत्याः षण्मुखस्य च । मया च कथितं राजंस् तव ब्रह्मर्षिपूर्वकम्
śivena kathitaṃ pūrvaṃ pārvatyāḥ ṣaṇmukhasya ca / mayā ca kathitaṃ rājaṃs tava brahmarṣipūrvakam
Sanskrit only: no published translation is held for this verse.