उमया सहितं शम्भुं भुक्तिमुक्तिप्रदायकम् । ॐ महेश्वराय देवाय शम्भवाय नमो नमः
umayā sahitaṃ śambhuṃ bhuktimuktipradāyakam / oṃ maheśvarāya devāya śambhavāya namo namaḥ
Sanskrit only: no published translation is held for this verse.
इत्यादिना तु मन्त्रेण समभ्यर्च्य विधानतः । कृताञ्जलिपुटो भूत्वा स्थितस् तत्रैव पार्थिवः
ityādinā tu mantreṇa samabhyarcya vidhānataḥ / kṛtāñjalipuṭo bhūtvā sthitas tatraiva pārthivaḥ
Sanskrit only: no published translation is held for this verse.
ततो विनिर्गता देवी पदमूलेन शूलिनः । प्रवाहो नर्मदा भेदे नार्मदः सुरपूजितः
tato vinirgatā devī padamūlena śūlinaḥ / pravāho narmadā bhede nārmadaḥ surapūjitaḥ
Sanskrit only: no published translation is held for this verse.
ईश्वराद्यास् तथा देवाः सर्वे तुष्टास् तु भारत । वरं याचस्व भूपाल यथेष्टं मनसेप्सितम्
īśvarādyās tathā devāḥ sarve tuṣṭās tu bhārata / varaṃ yācasva bhūpāla yatheṣṭaṃ manasepsitam
Sanskrit only: no published translation is held for this verse.
उवाच वचनं देवान् राजा परमधार्मिकः । यदि मे वरदा यूयं कामदाश् च प्रसादतः
uvāca vacanaṃ devān rājā paramadhārmikaḥ / yadi me varadā yūyaṃ kāmadāś ca prasādataḥ
Sanskrit only: no published translation is held for this verse.
इदं स्थानं तु न त्याज्यम् ईश्वराद् यैः सुरैर् अपि । यान्तु राष्ट्रे प्रजावृद्धिम् अनावृष्ट्या प्रपीडिताः
idaṃ sthānaṃ tu na tyājyam īśvarād yaiḥ surair api / yāntu rāṣṭre prajāvṛddhim anāvṛṣṭyā prapīḍitāḥ
Sanskrit only: no published translation is held for this verse.
इदं वरम् अहं मन्ये पापा यान्तु त्रिविष्टपम् । अग्निश् चाहवनीयो ऽत्र स्वयं तिष्ठति सर्वदा
idaṃ varam ahaṃ manye pāpā yāntu triviṣṭapam / agniś cāhavanīyo 'tra svayaṃ tiṣṭhati sarvadā
Sanskrit only: no published translation is held for this verse.
यत् त्वया भाषितं राजंस् तत् सर्वं तु भवेद् इति । एवम् उक्त्वा ययुः सर्वे ह्य् अन्तर्धानं च खेचराः
yat tvayā bhāṣitaṃ rājaṃs tat sarvaṃ tu bhaved iti / evam uktvā yayuḥ sarve hy antardhānaṃ ca khecarāḥ
Sanskrit only: no published translation is held for this verse.
पुनः प्रवर्धितं राष्ट्रं कामवर्षी च वासवः । यज्ञं निवर्तयित्वा तु दिव्यामात्यैः समावृतः
punaḥ pravardhitaṃ rāṣṭraṃ kāmavarṣī ca vāsavaḥ / yajñaṃ nivartayitvā tu divyāmātyaiḥ samāvṛtaḥ
Sanskrit only: no published translation is held for this verse.
महीपालसहस्रैस् तु सान्तःपुरपरिच्छदः । विवेश नगरीं रम्याम् अयोध्यां देवनिर्मिताम्
mahīpālasahasrais tu sāntaḥpuraparicchadaḥ / viveśa nagarīṃ ramyām ayodhyāṃ devanirmitām
Sanskrit only: no published translation is held for this verse.
एतत् ते कथितं राजन्न् उमामाहेश्वरं प्रति । तिर्यग् योनिगताः पापा मृगपक्षिसरीसृपाः
etat te kathitaṃ rājann umāmāheśvaraṃ prati / tiryag yonigatāḥ pāpā mṛgapakṣisarīsṛpāḥ
Sanskrit only: no published translation is held for this verse.
अवशः स्ववशो वा ऽपि शिवलोकमवाप्नुयात्
avaśaḥ svavaśo vā 'pi śivalokamavāpnuyāt
Sanskrit only: no published translation is held for this verse.