हविर्धानान्तिकं याहि ततो ऽगस्त्य उवाच तम् । तस्य तद्वचनं श्रुत्वा मुनीनामूर्ध्वरेतसाम् । हरिकेशो ऽब्रवीद् वाक्यं सुतेजा सह सङ्गतः
havirdhānāntikaṃ yāhi tato 'gastya uvāca tam / tasya tadvacanaṃ śrutvā munīnāmūrdhvaretasām / harikeśo 'bravīd vākyaṃ sutejā saha saṅgataḥ
Sanskrit only: no published translation is held for this verse.
अनुग्रहम् इमं मन्ये ब्राह्मणानां न संशयः । ततो गतौ तु तं राजन् हविर्धानस्य चाश्रमम्
anugraham imaṃ manye brāhmaṇānāṃ na saṃśayaḥ / tato gatau tu taṃ rājan havirdhānasya cāśramam
Sanskrit only: no published translation is held for this verse.
नमस्कृत्य मुनिश्रेष्ठं हरिकेशो ऽब्रवीद् वचः । गुरुतल्पगपापो ऽहं क्षमस्व मयि पुत्रके
namaskṛtya muniśreṣṭhaṃ harikeśo 'bravīd vacaḥ / gurutalpagapāpo 'haṃ kṣamasva mayi putrake
Sanskrit only: no published translation is held for this verse.
शापान्तं च वरं मन्ये दातुम् अर्हसि सुव्रत । तस्य तद् वचनं श्रुत्वा हरिकेशस्य दुर्मतेः
śāpāntaṃ ca varaṃ manye dātum arhasi suvrata / tasya tad vacanaṃ śrutvā harikeśasya durmateḥ
Sanskrit only: no published translation is held for this verse.
उवाच वचनं विप्रस् तं वै गर्दभरूपिणम् । स्वकर्मणा तनुं त्वं हि गार्दभीं प्राप्तवानसि
uvāca vacanaṃ vipras taṃ vai gardabharūpiṇam / svakarmaṇā tanuṃ tvaṃ hi gārdabhīṃ prāptavānasi
Sanskrit only: no published translation is held for this verse.
जन्मान्तरकृतैश् चैव कर्मभिः कर्मकारिभिः । शुभं वाप्य् अशुभं वापि प्राप्यते नात्र संशयः
janmāntarakṛtaiś caiva karmabhiḥ karmakāribhiḥ / śubhaṃ vāpy aśubhaṃ vāpi prāpyate nātra saṃśayaḥ
Sanskrit only: no published translation is held for this verse.
कर्मणां च विपाको ऽयमपि देवैः सवासवैः । ज्ञातुं न शक्यते विप्र गाहना कर्मणां गतिः
karmaṇāṃ ca vipāko 'yamapi devaiḥ savāsavaiḥ / jñātuṃ na śakyate vipra gāhanā karmaṇāṃ gatiḥ
Sanskrit only: no published translation is held for this verse.
दोषो न विद्यते चैव तद् ब्राह्मण कथंचन । किंतु जन्मान्तरे येन कर्मणा तत्कृतं तव
doṣo na vidyate caiva tad brāhmaṇa kathaṃcana / kiṃtu janmāntare yena karmaṇā tatkṛtaṃ tava
Sanskrit only: no published translation is held for this verse.
तस्माद्विश हुताशं त्वमनया मेकलातटे । शङ्कराद् वरमासाद्य तावत् प्राप्स्यसि सद्गतिम्
tasmādviśa hutāśaṃ tvamanayā mekalātaṭe / śaṅkarād varamāsādya tāvat prāpsyasi sadgatim
Sanskrit only: no published translation is held for this verse.
एवमुक्तो ययौ राजन् हरिकेशस् तया सह । हरिकेशः सुतेजा च नर्मदातीरसन्निधौ
evamukto yayau rājan harikeśas tayā saha / harikeśaḥ sutejā ca narmadātīrasannidhau
Sanskrit only: no published translation is held for this verse.
दारूणि च समाहृत्य प्रविष्टौ च हुताशनम् । तत्क्षणाद् दिव्यदेहौ तु स्नात्वा स्पृष्ट्वा ह्युभाव् अपि
dārūṇi ca samāhṛtya praviṣṭau ca hutāśanam / tatkṣaṇād divyadehau tu snātvā spṛṣṭvā hyubhāv api
Sanskrit only: no published translation is held for this verse.
कामिकं यानमारूढौ सर्वालङ्कारभूषितौ । अस्य तीर्थस्य माहात्म्याद् यथा लक्ष्मीजनार्दनौ
kāmikaṃ yānamārūḍhau sarvālaṅkārabhūṣitau / asya tīrthasya māhātmyād yathā lakṣmījanārdanau
Sanskrit only: no published translation is held for this verse.
भुञ्जन्तौ विविधान् भोगान् गतौ माहेश्वरं पुरुम् । तेना ऽसौ सङ्गमः पुण्यस्तिर्यग्योनिविमोक्षणः
bhuñjantau vividhān bhogān gatau māheśvaraṃ purum / tenā 'sau saṅgamaḥ puṇyastiryagyonivimokṣaṇaḥ
Sanskrit only: no published translation is held for this verse.
हरिकेशेश्वरं लिङ्गं सुतेजानिर्मितं तथा । हविर्धानेश्वरं नाम चतुर्थो ऽगस्त्यनिर्मितम्
harikeśeśvaraṃ liṅgaṃ sutejānirmitaṃ tathā / havirdhāneśvaraṃ nāma caturtho 'gastyanirmitam
Sanskrit only: no published translation is held for this verse.
चत्वारि पुण्यलिङ्गानि काममोक्षप्रदानि तु । तिलोदकप्रदानेन तस्मिंस् तीर्थे नराधिप
catvāri puṇyaliṅgāni kāmamokṣapradāni tu / tilodakapradānena tasmiṃs tīrthe narādhipa
Sanskrit only: no published translation is held for this verse.
मातृकं पैतृकं चैव नरकाद् उद्धरेत् पितॄन् । तत्र स्नाता दिवं यान्ति ये मृता न पुनर्भवाः
mātṛkaṃ paitṛkaṃ caiva narakād uddharet pitṝn / tatra snātā divaṃ yānti ye mṛtā na punarbhavāḥ
Sanskrit only: no published translation is held for this verse.
एतत् ते कथितं राजन्न् आख्यानं च पुरातनम्
etat te kathitaṃ rājann ākhyānaṃ ca purātanam
Sanskrit only: no published translation is held for this verse.