कीर्तनं कोटितीर्थस्य मानसंख्याप्रमाणतः । तीर्थानि चोत्तरे याम्ये प्राकारे संस्थितानि च
kīrtanaṃ koṭitīrthasya mānasaṃkhyāpramāṇataḥ / tīrthāni cottare yāmye prākāre saṃsthitāni ca
Sanskrit only: no published translation is held for this verse.
कथयस्व प्रसादेन तानि मे मुनिसत्तम । तेषां तु दर्शनाद् एव पापं दुष्कृतकर्मिणाम्
kathayasva prasādena tāni me munisattama / teṣāṃ tu darśanād eva pāpaṃ duṣkṛtakarmiṇām
Sanskrit only: no published translation is held for this verse.
उत्तरे यानि तीर्थानि यानि तीर्थानि दक्षिणे
uttare yāni tīrthāni yāni tīrthāni dakṣiṇe
Sanskrit only: no published translation is held for this verse.
लीयन्ते कोटितीर्थे तु साक्षाच् छिवपदे नृप । पृथिव्यां यानि तीर्थानि आसमुद्रान्तगोचरे
līyante koṭitīrthe tu sākṣāc chivapade nṛpa / pṛthivyāṃ yāni tīrthāni āsamudrāntagocare
Sanskrit only: no published translation is held for this verse.
तानि साक्षात् कोटितीर्थे लीयन्ते परमे पदे । कपिला ऽमरयोर् मध्ये नर्मद्ॐकारमध्यतः
tāni sākṣāt koṭitīrthe līyante parame pade / kapilā 'marayor madhye narmadoṃkāramadhyataḥ
Sanskrit only: no published translation is held for this verse.
अत्रान्तरे नृपश्रेष्ठ कोटितीर्थं व्यवस्थितम् । दशायुतानि तीर्थानां पातालतलवासिनाम्
atrāntare nṛpaśreṣṭha koṭitīrthaṃ vyavasthitam / daśāyutāni tīrthānāṃ pātālatalavāsinām
Sanskrit only: no published translation is held for this verse.
कपिलानर्मदामध्ये शिवेन स्थापितानि च । अत्रान्तरे महाराज रुद्रावर्तजलेन तु
kapilānarmadāmadhye śivena sthāpitāni ca / atrāntare mahārāja rudrāvartajalena tu
Sanskrit only: no published translation is held for this verse.
स्नात्वा विधानतस् ते वै गच्छन्ति शिवमन्दिरम् । ये वसन्त्य् उत्तरे कूले रुद्रलोके वसन्ति ते
snātvā vidhānatas te vai gacchanti śivamandiram / ye vasanty uttare kūle rudraloke vasanti te
Sanskrit only: no published translation is held for this verse.
वसन्ति वामभागे वै ते लोकं यान्ति वैष्णवम् । ये पूर्वपश्चिमे भागे वसन्त्य् अमरकण्टके
vasanti vāmabhāge vai te lokaṃ yānti vaiṣṇavam / ye pūrvapaścime bhāge vasanty amarakaṇṭake
Sanskrit only: no published translation is held for this verse.
रुद्रस्य ब्रह्मणो लोकं ते प्रयान्ति च वैष्णवम् । जले चैकादशाग्नौ तु पतने षोडशैव तु
rudrasya brahmaṇo lokaṃ te prayānti ca vaiṣṇavam / jale caikādaśāgnau tu patane ṣoḍaśaiva tu
Sanskrit only: no published translation is held for this verse.
सहस्राणि तथाशीतिर् मरणाद् गोगृहे तथा । अनशने ब्रह्मलोकः सार्द्धं लक्षमुदाहृतः
sahasrāṇi tathāśītir maraṇād gogṛhe tathā / anaśane brahmalokaḥ sārddhaṃ lakṣamudāhṛtaḥ
Sanskrit only: no published translation is held for this verse.
कपिलानर्मदातोये जलाग्नी साधयन्ति ये । चतुर्युगसहस्राणि रुद्रलोके वसन्ति ते
kapilānarmadātoye jalāgnī sādhayanti ye / caturyugasahasrāṇi rudraloke vasanti te
Sanskrit only: no published translation is held for this verse.
अवशः स्ववशो वा ऽपि मृगपक्षिसरीसृपाः । तिर्यग्योनिगताः पापा म्रियन्ते ये युधिष्ठिर
avaśaḥ svavaśo vā 'pi mṛgapakṣisarīsṛpāḥ / tiryagyonigatāḥ pāpā mriyante ye yudhiṣṭhira
Sanskrit only: no published translation is held for this verse.
राजानस् ते प्रजायन्ते शुभे वैद्याधरे पुरे । राहुसोमसमायोगे कोटितीर्थे नराधिप
rājānas te prajāyante śubhe vaidyādhare pure / rāhusomasamāyoge koṭitīrthe narādhipa
Sanskrit only: no published translation is held for this verse.
पुण्यं यत् कीर्तितं पुंसां तस्य संख्या न विद्यते । गयायां च कुरुक्षेत्रे पुष्करे ऽमरकण्टके
puṇyaṃ yat kīrtitaṃ puṃsāṃ tasya saṃkhyā na vidyate / gayāyāṃ ca kurukṣetre puṣkare 'marakaṇṭake
Sanskrit only: no published translation is held for this verse.
तुल्यं फलमवाप्नोति राहुग्रस्ते दिवाकरे । प्राची सरस्वती यत्र स्थाणुः सारस्वतं जलम्
tulyaṃ phalamavāpnoti rāhugraste divākare / prācī sarasvatī yatra sthāṇuḥ sārasvataṃ jalam
Sanskrit only: no published translation is held for this verse.
सार्द्धं द्वादश लक्षं तु दत्तं तत्र प्रवर्तते । तत् तुल्यं तु भवेत् सर्वं कोटितीर्थे न संशयः
sārddhaṃ dvādaśa lakṣaṃ tu dattaṃ tatra pravartate / tat tulyaṃ tu bhavet sarvaṃ koṭitīrthe na saṃśayaḥ
Sanskrit only: no published translation is held for this verse.
न्यायोपार्जितवित्तस्य राहुग्रस्ते दिवाकरे । नानाविधं तु पुण्यं च मतं वै परिकीर्तितम्
nyāyopārjitavittasya rāhugraste divākare / nānāvidhaṃ tu puṇyaṃ ca mataṃ vai parikīrtitam
Sanskrit only: no published translation is held for this verse.
ब्रह्मविष्णुशिवोक्तं च प्रमाण सर्वसम्मतम् । अल्पसत्त्वा नरा राजन् काले मायाविमोहिताः
brahmaviṣṇuśivoktaṃ ca pramāṇa sarvasammatam / alpasattvā narā rājan kāle māyāvimohitāḥ
Sanskrit only: no published translation is held for this verse.
ॐकारं ये न पश्यन्ति तथा वै सप्तकल्पगाम् । गोछागयोर् महाराज हेमरूप्ये यद् अन्तरम्
oṃkāraṃ ye na paśyanti tathā vai saptakalpagām / gochāgayor mahārāja hemarūpye yad antaram
Sanskrit only: no published translation is held for this verse.
शूद्रब्राह्मणयोर् यद्वद् यथा वद्दधितक्रयोः । अमरेश्वरतीर्थं हि ज्ञेयं तीर्थान्तरैः सह
śūdrabrāhmaṇayor yadvad yathā vaddadhitakrayoḥ / amareśvaratīrthaṃ hi jñeyaṃ tīrthāntaraiḥ saha
Sanskrit only: no published translation is held for this verse.
दीयते कोटितीर्थे यद्गुञ्जामात्रं हिरण्यकम् । तस्य संख्या न विद्यते यावद् आहूत संप्लवम्
dīyate koṭitīrthe yadguñjāmātraṃ hiraṇyakam / tasya saṃkhyā na vidyate yāvad āhūta saṃplavam
Sanskrit only: no published translation is held for this verse.
चतुर्हस्तप्रमाणं तु कोटितीर्थं न संशयः । हस्तमात्रं तथा चान्ये वितस्तिं च तथा ऽपरे
caturhastapramāṇaṃ tu koṭitīrthaṃ na saṃśayaḥ / hastamātraṃ tathā cānye vitastiṃ ca tathā 'pare
Sanskrit only: no published translation is held for this verse.
चतुरङ्गुलमयं के ऽपि केचिद् अङ्गुलमानतः । अर्द्धाङ्गुलं यवमात्रं ब्रह्मसूत्रप्रमाणतः
caturaṅgulamayaṃ ke 'pi kecid aṅgulamānataḥ / arddhāṅgulaṃ yavamātraṃ brahmasūtrapramāṇataḥ
Sanskrit only: no published translation is held for this verse.
चतुर्विंशे द्वादशाब्दे कुरुक्षेत्रात् सरस्वती । कोटितीर्थे तथा स्नातुं राहुग्रस्ते दिवाकरे
caturviṃśe dvādaśābde kurukṣetrāt sarasvatī / koṭitīrthe tathā snātuṃ rāhugraste divākare
Sanskrit only: no published translation is held for this verse.
करिणीरूपमास्थाय आयात् स्वपुण्यकक्षयात् । स्नानं कृत्वा पुनर्याति कुरुक्षेत्रं न संशयः
kariṇīrūpamāsthāya āyāt svapuṇyakakṣayāt / snānaṃ kṛtvā punaryāti kurukṣetraṃ na saṃśayaḥ
Sanskrit only: no published translation is held for this verse.
कावेरीसङ्गमं यावद् आरभ्यो दधिसङ्गमम् । अत्रान्तरे महाराज तीर्थकोट्यो दश स्मृताः
kāverīsaṅgamaṃ yāvad ārabhyo dadhisaṅgamam / atrāntare mahārāja tīrthakoṭyo daśa smṛtāḥ
Sanskrit only: no published translation is held for this verse.
कोटितीर्थं समारभ्य नीलगङ्गावसानतः । अष्टलक्षाणि तीर्थानां ब्रह्मसूत्रप्रमाणतः
koṭitīrthaṃ samārabhya nīlagaṅgāvasānataḥ / aṣṭalakṣāṇi tīrthānāṃ brahmasūtrapramāṇataḥ
Sanskrit only: no published translation is held for this verse.
कावेर्याः पूर्वभागे च यावत् पर्यङ्कपर्वतः । दश लक्षाणि तीर्थानां संख्या च कथिता तव
kāveryāḥ pūrvabhāge ca yāvat paryaṅkaparvataḥ / daśa lakṣāṇi tīrthānāṃ saṃkhyā ca kathitā tava
Sanskrit only: no published translation is held for this verse.
नर्मदायां समासाद्य जमदग्नेर् महाश्रमम् । श्रीकण्ठं नीलकण्ठं च लिङ्गं पापप्रणाशनम्
narmadāyāṃ samāsādya jamadagner mahāśramam / śrīkaṇṭhaṃ nīlakaṇṭhaṃ ca liṅgaṃ pāpapraṇāśanam
Sanskrit only: no published translation is held for this verse.
कन्यातीर्थं महापुण्यं कपिलेश्वरम् उत्तमम् । कपिलावर्तसंज्ञं तु तीर्थं पापहरं परम्
kanyātīrthaṃ mahāpuṇyaṃ kapileśvaram uttamam / kapilāvartasaṃjñaṃ tu tīrthaṃ pāpaharaṃ param
Sanskrit only: no published translation is held for this verse.
तत्र पूषा च सूर्यस् तु शिवध्यानपरायणः । दिव्यं वर्षसहस्रं तु तपस् तेपे सुदुष्करम्
tatra pūṣā ca sūryas tu śivadhyānaparāyaṇaḥ / divyaṃ varṣasahasraṃ tu tapas tepe suduṣkaram
Sanskrit only: no published translation is held for this verse.
ततस् तुष्टः सुरेशानस् तम् उवाच तदा नृप । वरं वृणीष्व भद्रं ते यत् ते मनसि वर्तते
tatas tuṣṭaḥ sureśānas tam uvāca tadā nṛpa / varaṃ vṛṇīṣva bhadraṃ te yat te manasi vartate
Sanskrit only: no published translation is held for this verse.
यदि तुष्टो ऽसि देवेश वरं दातुं त्वम् इच्छसि । सूर्यपिङ्गलसंज्ञं तु लिङ्गं परमसिद्धिदम्
yadi tuṣṭo 'si deveśa varaṃ dātuṃ tvam icchasi / sūryapiṅgalasaṃjñaṃ tu liṅgaṃ paramasiddhidam
Sanskrit only: no published translation is held for this verse.
आकाशे प्रतपद्रश्मिसहस्रांशु समप्रभम् । मासे मासे ऽन्यमित्रस् तु संक्रमश् चान्यराशिषु
ākāśe pratapadraśmisahasrāṃśu samaprabham / māse māse 'nyamitras tu saṃkramaś cānyarāśiṣu
Sanskrit only: no published translation is held for this verse.
सर्वसम्पत्समृद्धिस् ते मत्प्रसादाद् भविष्यति
sarvasampatsamṛddhis te matprasādād bhaviṣyati
Sanskrit only: no published translation is held for this verse.
कृते युगे महाराज मयैतद् दृष्टम् एव च । चतुर्दश्यां तथा ऽष्टम्यां पिङ्गलेश्वरपूजनात्
kṛte yuge mahārāja mayaitad dṛṣṭam eva ca / caturdaśyāṃ tathā 'ṣṭamyāṃ piṅgaleśvarapūjanāt
Sanskrit only: no published translation is held for this verse.
कोटियज्ञफलं प्राप्य शिवलोके महीयते । रेवातीरेषु ये देवाः क्रोशमात्रं स्वयंभुवः
koṭiyajñaphalaṃ prāpya śivaloke mahīyate / revātīreṣu ye devāḥ krośamātraṃ svayaṃbhuvaḥ
Sanskrit only: no published translation is held for this verse.
सर्वे ते सिद्धिदा ज्ञेयाः कामभोगफलप्रदाः । केचित् कूष्माण्डमात्रा वै केचिद्वै पुष्पमात्रकाः
sarve te siddhidā jñeyāḥ kāmabhogaphalapradāḥ / kecit kūṣmāṇḍamātrā vai kecidvai puṣpamātrakāḥ
Sanskrit only: no published translation is held for this verse.
एरण्डफलमात्राश् च वज्रमौक्तिकमानतः । कृते मणिमयाः प्रोक्तास् त्रेतायां तु हिरण्मयाः
eraṇḍaphalamātrāś ca vajramauktikamānataḥ / kṛte maṇimayāḥ proktās tretāyāṃ tu hiraṇmayāḥ
Sanskrit only: no published translation is held for this verse.
द्वापरे रौप्यताम्राश् च कलौ चाश्ममयाः स्मृताः । ब्राह्मं कृतयुगं प्राहुस् त्रेतां वै क्षत्रियं तथा
dvāpare raupyatāmrāś ca kalau cāśmamayāḥ smṛtāḥ / brāhmaṃ kṛtayugaṃ prāhus tretāṃ vai kṣatriyaṃ tathā
Sanskrit only: no published translation is held for this verse.
द्वापरं वैश्यम् इत्य् एवं कलिं शूद्रं तथैव च । नापुण्यालिङ्गमासाद्य म्रियते ऽमरकण्टके
dvāparaṃ vaiśyam ity evaṃ kaliṃ śūdraṃ tathaiva ca / nāpuṇyāliṅgamāsādya mriyate 'marakaṇṭake
Sanskrit only: no published translation is held for this verse.
को न मुच्येत कौन्तेय सप्तजन्मजकिल्बिषात् । यादृशो ऽयं गिरिः पुण्यः सर्वतो ऽमरकण्टकः
ko na mucyeta kaunteya saptajanmajakilbiṣāt / yādṛśo 'yaṃ giriḥ puṇyaḥ sarvato 'marakaṇṭakaḥ
Sanskrit only: no published translation is held for this verse.
तादृशं नानुपश्यामि त्रिषु लोकेषु भारत । पर्वतस्य समन्तात् तु तीर्थकोटिर् व्यवस्थिता
tādṛśaṃ nānupaśyāmi triṣu lokeṣu bhārata / parvatasya samantāt tu tīrthakoṭir vyavasthitā
Sanskrit only: no published translation is held for this verse.
स्वर्गसोपानमासाद्य प्रात्यक्षं शिवदर्शनम् । सुपुण्यं कोटितीर्थं वै तथा चामरकण्टकम्
svargasopānamāsādya prātyakṣaṃ śivadarśanam / supuṇyaṃ koṭitīrthaṃ vai tathā cāmarakaṇṭakam
Sanskrit only: no published translation is held for this verse.
स्वर्गदं मोक्षदं विद्धि सर्वसिद्धिप्रदायकम् । वैदूर्यपर्वते सिद्धो मान्धाता च कृते युगे
svargadaṃ mokṣadaṃ viddhi sarvasiddhipradāyakam / vaidūryaparvate siddho māndhātā ca kṛte yuge
Sanskrit only: no published translation is held for this verse.
कथितो नृपशार्दूल तथान्यत् कथयामि ते । कावेरीसङ्गमः पुण्यः सर्वलोकेषु विश्रुतः
kathito nṛpaśārdūla tathānyat kathayāmi te / kāverīsaṅgamaḥ puṇyaḥ sarvalokeṣu viśrutaḥ
Sanskrit only: no published translation is held for this verse.
तत्र स्नात्वा दिवं यान्ति ये मृता न पुनर्भवाः । कावेर्यां भूतजाभौमे व्यतीपातो यदा भवेत्
tatra snātvā divaṃ yānti ye mṛtā na punarbhavāḥ / kāveryāṃ bhūtajābhaume vyatīpāto yadā bhavet
Sanskrit only: no published translation is held for this verse.
सहस्रगुणितं पुण्यं भवेत् तस्यास् तु सङ्गमे । शस्त्रेण निहता ये वै तिलमिश्राम्बुदानतः
sahasraguṇitaṃ puṇyaṃ bhavet tasyās tu saṅgame / śastreṇa nihatā ye vai tilamiśrāmbudānataḥ
Sanskrit only: no published translation is held for this verse.
ते चैकोद्दिष्टश्राद्धेन स्वर्गलोकम् अवाप्नुयुः । चाण्डालाद् गुहकात् सर्पाद् विद्युतो ब्राह्मणाद् अपि
te caikoddiṣṭaśrāddhena svargalokam avāpnuyuḥ / cāṇḍālād guhakāt sarpād vidyuto brāhmaṇād api
Sanskrit only: no published translation is held for this verse.
दंष्ट्रिभ्यश् च पशुभ्यश् च मरणं पापकर्मिणाम् । सर्वे ते नृपशार्दूल कावेरीसङ्गमे शुभे
daṃṣṭribhyaś ca paśubhyaś ca maraṇaṃ pāpakarmiṇām / sarve te nṛpaśārdūla kāverīsaṅgame śubhe
Sanskrit only: no published translation is held for this verse.
श्राद्धस्य करणात् सत्यं तृप्ता यान्ति परां गतिम् । कुबेरेण तपस् तप्तं दिव्यं वर्षसहस्रकम्
śrāddhasya karaṇāt satyaṃ tṛptā yānti parāṃ gatim / kubereṇa tapas taptaṃ divyaṃ varṣasahasrakam
Sanskrit only: no published translation is held for this verse.
आराधितः पूजितश् च लोकनाथ उमापतिः । शिवप्रसादसम्पन्नो लोकपालत्वमाप्तवान्
ārādhitaḥ pūjitaś ca lokanātha umāpatiḥ / śivaprasādasampanno lokapālatvamāptavān
Sanskrit only: no published translation is held for this verse.
तत्र यस् त्यजति प्राणांस् तस्य पुण्यफलं शृणु । षष्टिवर्षसहस्राणि देवराज्यम् अवाप्नुयात्
tatra yas tyajati prāṇāṃs tasya puṇyaphalaṃ śṛṇu / ṣaṣṭivarṣasahasrāṇi devarājyam avāpnuyāt
Sanskrit only: no published translation is held for this verse.
अवशः स्ववशो वा ऽपि प्राणत्यागं करोति यः । दशवर्षसहस्राणि राजा वैद्याधरे पुरे
avaśaḥ svavaśo vā 'pi prāṇatyāgaṃ karoti yaḥ / daśavarṣasahasrāṇi rājā vaidyādhare pure
Sanskrit only: no published translation is held for this verse.
रेवाकावेरिकैस् तोयैस् तिलैर् आरण्यकैस् तथा । पितरस् तर्पितास् तत्र तृप्ता यान्ति परां गतिम्
revākāverikais toyais tilair āraṇyakais tathā / pitaras tarpitās tatra tṛptā yānti parāṃ gatim
Sanskrit only: no published translation is held for this verse.
नानामुखसहस्रैस् तु कावेरी प्रथिता भुवि । चराचरं यथा व्याप्तं वायुना सूर्यरश्मिभिः
nānāmukhasahasrais tu kāverī prathitā bhuvi / carācaraṃ yathā vyāptaṃ vāyunā sūryaraśmibhiḥ
Sanskrit only: no published translation is held for this verse.
तथा तोयेन कावेर्या व्याप्तं च वसुधातलम् । नर्मदादक्षिणे कूले वाराहे विन्ध्यपर्वते
tathā toyena kāveryā vyāptaṃ ca vasudhātalam / narmadādakṣiṇe kūle vārāhe vindhyaparvate
Sanskrit only: no published translation is held for this verse.
प्रत्यक्षा सर्वदेवानां पयोष्णी निर्गता यतः । सोमस्य दुहिता चासीत् हिमगर्भेन्दुशीतला
pratyakṣā sarvadevānāṃ payoṣṇī nirgatā yataḥ / somasya duhitā cāsīt himagarbhenduśītalā
Sanskrit only: no published translation is held for this verse.
हरेणाराधिता पूर्वम् उमामूर्तिः पयस्विनी । लोकानां तारणार्थाय सोमगङ्गेति गीयते
hareṇārādhitā pūrvam umāmūrtiḥ payasvinī / lokānāṃ tāraṇārthāya somagaṅgeti gīyate
Sanskrit only: no published translation is held for this verse.
विनिष्क्रान्ता शरीराच् च वाराहस्य यशस्विनः । तत्र स्नात्वा नरो राजन् भवे वै न पुनर् भवेत्
viniṣkrāntā śarīrāc ca vārāhasya yaśasvinaḥ / tatra snātvā naro rājan bhave vai na punar bhavet
Sanskrit only: no published translation is held for this verse.
तिलोदकप्रदानेन पितरस् तस्य भारत । दशायुतसहस्राणि लोके क्रीडन्ति शाङ्करे
tilodakapradānena pitaras tasya bhārata / daśāyutasahasrāṇi loke krīḍanti śāṅkare
Sanskrit only: no published translation is held for this verse.
कार्त्तिक्यां यत्फलं तस्य वाराहे विन्ध्यपर्वते । संख्या न शक्यते स्नानाद् अत्र वर्षशतैर् अपि
kārttikyāṃ yatphalaṃ tasya vārāhe vindhyaparvate / saṃkhyā na śakyate snānād atra varṣaśatair api
Sanskrit only: no published translation is held for this verse.
शिवेन कथितं पूर्वं पुराणे स्कन्दकीर्तिते । तत्र यद् दीयते दानं तस्य संख्या न विद्यते
śivena kathitaṃ pūrvaṃ purāṇe skandakīrtite / tatra yad dīyate dānaṃ tasya saṃkhyā na vidyate
Sanskrit only: no published translation is held for this verse.
ये चार्चयन्ति वाराहं न ते प्राकृतमानुषाः । प्राणत्यागे कृते तत्र शिवलोकम् अवाप्नुयुः
ye cārcayanti vārāhaṃ na te prākṛtamānuṣāḥ / prāṇatyāge kṛte tatra śivalokam avāpnuyuḥ
Sanskrit only: no published translation is held for this verse.
राहुसोमसमायोगे वाराहे विन्ध्यपर्वते । कुरुक्षेत्रसमं पुण्यं पुरा वै शङ्करो ऽब्रवीत्
rāhusomasamāyoge vārāhe vindhyaparvate / kurukṣetrasamaṃ puṇyaṃ purā vai śaṅkaro 'bravīt
Sanskrit only: no published translation is held for this verse.
गिरेर् आरभ्य वाराहात् पयोष्ण्याः सङ्गमावधि । अत्रान्तरे नृपश्रेष्ठ तीर्थकोटिर् उदाहृता
girer ārabhya vārāhāt payoṣṇyāḥ saṅgamāvadhi / atrāntare nṛpaśreṣṭha tīrthakoṭir udāhṛtā
Sanskrit only: no published translation is held for this verse.
पयोष्णीसङ्गमे तत्र सोमावर्तः स उच्यते । स देशः सर्वतः पुण्यः सत्यम् एतत् तवोदितम्
payoṣṇīsaṅgame tatra somāvartaḥ sa ucyate / sa deśaḥ sarvataḥ puṇyaḥ satyam etat tavoditam
Sanskrit only: no published translation is held for this verse.
पयोष्णीसङ्गमे पापहरे लिङ्गस्य दर्शनात् । तत्र स्नानस्य दानस्य संख्या कर्तुं न शक्यते
payoṣṇīsaṅgame pāpahare liṅgasya darśanāt / tatra snānasya dānasya saṃkhyā kartuṃ na śakyate
Sanskrit only: no published translation is held for this verse.
तापीपयोष्णीसंभेदश् चन्द्रसूर्यग्रहे नृप । कुरुक्षेत्राच्छतगुणः शिवेन परिकीर्तितः
tāpīpayoṣṇīsaṃbhedaś candrasūryagrahe nṛpa / kurukṣetrācchataguṇaḥ śivena parikīrtitaḥ
Sanskrit only: no published translation is held for this verse.
चतुर्भुजो हरिर् यत्र श्रीपतिः पुरुषोत्तमः । विष्णुक्षेत्रं तु विज्ञेयं क्रोशमात्रं तु तन्नृप
caturbhujo harir yatra śrīpatiḥ puruṣottamaḥ / viṣṇukṣetraṃ tu vijñeyaṃ krośamātraṃ tu tannṛpa
Sanskrit only: no published translation is held for this verse.
आश्विनस्य तु मासस्य कृष्णपक्षे चतुर्दशी । अमावास्या सिनीवाली पर्वाण्य् एतान्य् अनुक्रमात्
āśvinasya tu māsasya kṛṣṇapakṣe caturdaśī / amāvāsyā sinīvālī parvāṇy etāny anukramāt
Sanskrit only: no published translation is held for this verse.
चतुर्दश्यां चतुर्योगे पीयूषं वहते नृप । पितरस् तृप्तिम् आयान्ति दिने तस्मिन् न संशयः
caturdaśyāṃ caturyoge pīyūṣaṃ vahate nṛpa / pitaras tṛptim āyānti dine tasmin na saṃśayaḥ
Sanskrit only: no published translation is held for this verse.
सुर्यग्रहे कुरुक्षेत्रे यत्फलं परिकीर्तितम् । तापीपयोष्णीसम्पर्के तत्फलं परिकीर्तितम्
suryagrahe kurukṣetre yatphalaṃ parikīrtitam / tāpīpayoṣṇīsamparke tatphalaṃ parikīrtitam
Sanskrit only: no published translation is held for this verse.
दीपोत्सर्गे तु कौमुद्यां फलं संख्या न विद्यते । पुरुषश् चक्रवर्ती स्याद् दीपं तत्र चकार यः
dīpotsarge tu kaumudyāṃ phalaṃ saṃkhyā na vidyate / puruṣaś cakravartī syād dīpaṃ tatra cakāra yaḥ
Sanskrit only: no published translation is held for this verse.
कार्त्तिक्याम् आश्विने मासि पक्षयोर् उभयोर् अपि । मासम् एकं न भुञ्जीत तस्य पुण्यफलं शृणु
kārttikyām āśvine māsi pakṣayor ubhayor api / māsam ekaṃ na bhuñjīta tasya puṇyaphalaṃ śṛṇu
Sanskrit only: no published translation is held for this verse.
यावच् चन्द्रश् च सूर्यश् च हिमवांश् च महोदधिः । तावत् कालं वसेत् स्वर्गे विष्णुलोके च भारत
yāvac candraś ca sūryaś ca himavāṃś ca mahodadhiḥ / tāvat kālaṃ vaset svarge viṣṇuloke ca bhārata
Sanskrit only: no published translation is held for this verse.
नर्मदादक्षिणे भित्त्वा पातालात् तु समुत्थितम् । कावेरी कुण्डम् इत्य् एवं त्रिषु लोकेषु विश्रुतम्
narmadādakṣiṇe bhittvā pātālāt tu samutthitam / kāverī kuṇḍam ity evaṃ triṣu lokeṣu viśrutam
Sanskrit only: no published translation is held for this verse.
स्नातमात्रो नरस् तत्र गाणपत्यम् अवाप्नुयात् । कुण्डेश्वरं सिद्धलिङ्गं सुरसिद्धनिषेवितम्
snātamātro naras tatra gāṇapatyam avāpnuyāt / kuṇḍeśvaraṃ siddhaliṅgaṃ surasiddhaniṣevitam
Sanskrit only: no published translation is held for this verse.
प्रमादात् कुरुते यस् तु पूतलिङ्गस्य पूजनम् । न तत्पुण्यस्य संख्यास्ति यावच् चन्द्रार्कतारकम्
pramādāt kurute yas tu pūtaliṅgasya pūjanam / na tatpuṇyasya saṃkhyāsti yāvac candrārkatārakam
Sanskrit only: no published translation is held for this verse.
तिलोदकप्रदानेन पिण्डपातेन भारत । असंख्यकालिका तृप्तिः पितॄणां नास्ति संशयः
tilodakapradānena piṇḍapātena bhārata / asaṃkhyakālikā tṛptiḥ pitṝṇāṃ nāsti saṃśayaḥ
Sanskrit only: no published translation is held for this verse.
कावेर्यास् तु प्रभावेण नर्मदासङ्गमात् पुनः । यज्ञावर्तो ऽभवद् देशः सत्यम् एतच्छिवोदितम्
kāveryās tu prabhāveṇa narmadāsaṅgamāt punaḥ / yajñāvarto 'bhavad deśaḥ satyam etacchivoditam
Sanskrit only: no published translation is held for this verse.
स्वयम्भुवानि लिङ्गानि स्वर्गमोक्षप्रदानि तु । यत्र तत्र नरः स्नात्वा कावेर्या नृपसत्तम
svayambhuvāni liṅgāni svargamokṣapradāni tu / yatra tatra naraḥ snātvā kāveryā nṛpasattama
Sanskrit only: no published translation is held for this verse.
अश्वमेधफलं प्राप्य विष्णुलोके महीयते । त्यक्त्वा प्राणांस् तु कौवेर्यां कौबेरं लोकम् आप्नुयात्
aśvamedhaphalaṃ prāpya viṣṇuloke mahīyate / tyaktvā prāṇāṃs tu kauveryāṃ kauberaṃ lokam āpnuyāt
Sanskrit only: no published translation is held for this verse.
कौबेरेश्वरलिङ्गं तु सर्वसिद्धिप्रदायकम् । कावेरीनर्मदामध्ये न तत्पश्यन्ति मानवाः
kaubereśvaraliṅgaṃ tu sarvasiddhipradāyakam / kāverīnarmadāmadhye na tatpaśyanti mānavāḥ
Sanskrit only: no published translation is held for this verse.
पूज्यते सुरदैत्यैस् तु नागकन्याभिर् अर्च्यते । अर्चनात् तस्य देवस्य द्वादशादित्यसन्निभः
pūjyate suradaityais tu nāgakanyābhir arcyate / arcanāt tasya devasya dvādaśādityasannibhaḥ
Sanskrit only: no published translation is held for this verse.
सर्वपापविनिर्मुक्तः शिवलोके महीयते । कावेरीनर्मदाभेदे बाणलिङ्गं प्रतिष्ठितम्
sarvapāpavinirmuktaḥ śivaloke mahīyate / kāverīnarmadābhede bāṇaliṅgaṃ pratiṣṭhitam
Sanskrit only: no published translation is held for this verse.
कुबेरेण पुरा दृष्टं सङ्गमेश्वरनामतः । अर्चनात् तस्य देवस्य लोकपुरे वसेत्
kubereṇa purā dṛṣṭaṃ saṅgameśvaranāmataḥ / arcanāt tasya devasya lokapure vaset
Sanskrit only: no published translation is held for this verse.
गङ्गायमुनसंभेदे यत्फलं परिकीर्तितम् । भौमे तु भूतजायोगे व्यतीपाते च संक्रमे
gaṅgāyamunasaṃbhede yatphalaṃ parikīrtitam / bhaume tu bhūtajāyoge vyatīpāte ca saṃkrame
Sanskrit only: no published translation is held for this verse.
राहुसोमसमायोगे तद् एवाष्टगुणं स्मृतम् । अशीतिश् च गुणाः प्रोक्ता गङ्गायमुनसङ्गमे
rāhusomasamāyoge tad evāṣṭaguṇaṃ smṛtam / aśītiś ca guṇāḥ proktā gaṅgāyamunasaṅgame
Sanskrit only: no published translation is held for this verse.
कावेरीनर्मदायोगे बाणा अष्टगुणाः स्मृताः । गङ्गाषष्टिसहस्रैस् तु क्षेत्रपालैः प्रपूज्यते
kāverīnarmadāyoge bāṇā aṣṭaguṇāḥ smṛtāḥ / gaṅgāṣaṣṭisahasrais tu kṣetrapālaiḥ prapūjyate
Sanskrit only: no published translation is held for this verse.
तदर्धैरन्यतीर्थानि रक्षन्ते नात्र संशयः । अमरेश्वरयाम्ये तु लिङ्गं चैव जलेश्वरम्
tadardhairanyatīrthāni rakṣante nātra saṃśayaḥ / amareśvarayāmye tu liṅgaṃ caiva jaleśvaram
Sanskrit only: no published translation is held for this verse.
दर्शनात् तस्य लिङ्गस्य गाणपत्यमवाप्नुयात् । लक्षैश् च रक्षिता देवैर् नर्मदा सप्तकल्पगा
darśanāt tasya liṅgasya gāṇapatyamavāpnuyāt / lakṣaiś ca rakṣitā devair narmadā saptakalpagā
Sanskrit only: no published translation is held for this verse.
धन्विभिः षष्टिपुरुषैः सहस्रैश् च युधिष्ठिर । ॐकारं शतसाहस्र्या पर्वतो लिङ्गम् एव च
dhanvibhiḥ ṣaṣṭipuruṣaiḥ sahasraiś ca yudhiṣṭhira / oṃkāraṃ śatasāhasryā parvato liṅgam eva ca
Sanskrit only: no published translation is held for this verse.
अन्यदेशे कृतं पापं पुण्यक्षेत्रे विनश्यति । पुण्यक्षेत्रे कृतं पापं वज्रलेपो भविष्यति
anyadeśe kṛtaṃ pāpaṃ puṇyakṣetre vinaśyati / puṇyakṣetre kṛtaṃ pāpaṃ vajralepo bhaviṣyati
Sanskrit only: no published translation is held for this verse.
क्षणमात्रेण दुःखेन अत्यन्तसुखमश्नुते
kṣaṇamātreṇa duḥkhena atyantasukhamaśnute
Sanskrit only: no published translation is held for this verse.