के व्रजन्ति यमं विप्र कीदृशा नरकास् तु ते । एतन् मे सर्वम् आख्याहि देवलोकं व्रजन्ति के
ke vrajanti yamaṃ vipra kīdṛśā narakās tu te / etan me sarvam ākhyāhi devalokaṃ vrajanti ke
Sanskrit only: no published translation is held for this verse.
यान्ति पुष्पकयानेन पुष्परागप्रदायिनः । देवायतनकर्तारः शिवलोकं व्रजन्ति ते
yānti puṣpakayānena puṣparāgapradāyinaḥ / devāyatanakartāraḥ śivalokaṃ vrajanti te
Sanskrit only: no published translation is held for this verse.
अनाथमण्डपानां तु ते क्रीडन्ति गृहोत्तमैः । देवाग्निगुरुविप्राणां मातापित्रोश् च पूजकाः
anāthamaṇḍapānāṃ tu te krīḍanti gṛhottamaiḥ / devāgniguruviprāṇāṃ mātāpitroś ca pūjakāḥ
Sanskrit only: no published translation is held for this verse.
पूज्यमाना नरा यान्ति कामिकैश् च यथा सुखम् । द्योतयन्तो दिशः सर्वा यान्ति दीपप्रदानतः
pūjyamānā narā yānti kāmikaiś ca yathā sukham / dyotayanto diśaḥ sarvā yānti dīpapradānataḥ
Sanskrit only: no published translation is held for this verse.
प्रतिश्रयप्रदानेन सुखं यान्ति यमालयम् । सर्वकामसमृद्धेन तथा गच्छति तोयदः
pratiśrayapradānena sukhaṃ yānti yamālayam / sarvakāmasamṛddhena tathā gacchati toyadaḥ
Sanskrit only: no published translation is held for this verse.
अन्नं पानं प्रयच्छन्ति सुखं यान्ति निराकुलाः । दीपमालां हि यच्छन्ति गुरुशुश्रूषणे रताः
annaṃ pānaṃ prayacchanti sukhaṃ yānti nirākulāḥ / dīpamālāṃ hi yacchanti guruśuśrūṣaṇe ratāḥ
Sanskrit only: no published translation is held for this verse.
पादाभ्यङ्गं च यः कुर्यात् सो ऽश्वपृष्ठेन गच्छति । हेमरत्नप्रदानेन यान्ति रत्नविभूषिताः
pādābhyaṅgaṃ ca yaḥ kuryāt so 'śvapṛṣṭhena gacchati / hemaratnapradānena yānti ratnavibhūṣitāḥ
Sanskrit only: no published translation is held for this verse.
सर्वकामसमृद्धात्मा भूमिदानेन गच्छति । अन्नपानप्रदानेन पिबन् खादंश् च गच्छति
sarvakāmasamṛddhātmā bhūmidānena gacchati / annapānapradānena piban khādaṃś ca gacchati
Sanskrit only: no published translation is held for this verse.
इत्य् एवम् आदिभिर् दानैः सुखं यान्ति शिवालयम् । स्वर्गे च विपुलान् भोगान् प्राप्नोत्य् अन्नप्रदानतः
ity evam ādibhir dānaiḥ sukhaṃ yānti śivālayam / svarge ca vipulān bhogān prāpnoty annapradānataḥ
Sanskrit only: no published translation is held for this verse.
सर्वेषाम् एव दानानामन्नदानपरं विदुः । सर्वप्रीतिकरं पुण्यं बलपुष्टिविवर्द्धनम्
sarveṣām eva dānānāmannadānaparaṃ viduḥ / sarvaprītikaraṃ puṇyaṃ balapuṣṭivivarddhanam
Sanskrit only: no published translation is held for this verse.
नान्नदानसमं दानं त्रिषु लोकेषु विश्रुतम् । अन्नादानसमं दानं त्रिषु लोकेषु विश्रुतम् । अन्नाद् भवन्ति भूतानि म्रियन्ते तद् अभावतः
nānnadānasamaṃ dānaṃ triṣu lokeṣu viśrutam / annādānasamaṃ dānaṃ triṣu lokeṣu viśrutam / annād bhavanti bhūtāni mriyante tad abhāvataḥ
Sanskrit only: no published translation is held for this verse.
रक्तं मांसं मज्जशुक्रे क्रमाद् अन्नात् प्रवर्तते । शुक्राद् भवन्ति भूतानि तस्माद् अन्नमयं जगत्
raktaṃ māṃsaṃ majjaśukre kramād annāt pravartate / śukrād bhavanti bhūtāni tasmād annamayaṃ jagat
Sanskrit only: no published translation is held for this verse.
हेमरत्नाश्वनागेन्द्रनारीस्रक् चन्दनादिभिः । नास्त्य् आहारसमं सौख्यं नास्ति क्रोधसमो रिपुः
hemaratnāśvanāgendranārīsrak candanādibhiḥ / nāsty āhārasamaṃ saukhyaṃ nāsti krodhasamo ripuḥ
Sanskrit only: no published translation is held for this verse.
अत एव महापुण्यम् अन्नदानं च भारत । अन्नदः प्राणदः प्रोक्तस् तस्माद् अन्नप्रदो भवेत्
ata eva mahāpuṇyam annadānaṃ ca bhārata / annadaḥ prāṇadaḥ proktas tasmād annaprado bhavet
Sanskrit only: no published translation is held for this verse.
तस्माद् अन्नप्रदानेन दत्तान्य् अन्यानि सर्वशः । त्रैलोक्ये यानि दानानि भोगस्त्रीवाहनानि च
tasmād annapradānena dattāny anyāni sarvaśaḥ / trailokye yāni dānāni bhogastrīvāhanāni ca
Sanskrit only: no published translation is held for this verse.
अन्नपानादि यत्किंचिद् ऐश्वर्यं च युधिष्ठिर । अन्नदानस्य तत्सर्वम् इहामुत्र फलं स्मृतम्
annapānādi yatkiṃcid aiśvaryaṃ ca yudhiṣṭhira / annadānasya tatsarvam ihāmutra phalaṃ smṛtam
Sanskrit only: no published translation is held for this verse.
यस्माद् अन्नेन पुष्टाङ्गः कुरुते धर्मसंचयम् । पवित्रममृतं दिव्यं शुद्धं सत्त्वं रसायनम्
yasmād annena puṣṭāṅgaḥ kurute dharmasaṃcayam / pavitramamṛtaṃ divyaṃ śuddhaṃ sattvaṃ rasāyanam
Sanskrit only: no published translation is held for this verse.
अन्नपानाश्वगोवत्सशय्याछत्राण्य् उपानहौ । प्रेतलोकप्रशस्तानि दानान्यष्टौ युधिष्ठिर
annapānāśvagovatsaśayyāchatrāṇy upānahau / pretalokapraśastāni dānānyaṣṭau yudhiṣṭhira
Sanskrit only: no published translation is held for this verse.
एवं दानविशेषेण धर्मराजपुरे नराः । सुखेनैव तु गच्छन्ति तस्माद् धर्मं समाचरेत्
evaṃ dānaviśeṣeṇa dharmarājapure narāḥ / sukhenaiva tu gacchanti tasmād dharmaṃ samācaret
Sanskrit only: no published translation is held for this verse.
अन्नदानं महाराज जलं चैव तु पुष्कलम् । पितृभ्यः प्रयतो दद्यात् तीर्थे चैवामरेश्वरे
annadānaṃ mahārāja jalaṃ caiva tu puṣkalam / pitṛbhyaḥ prayato dadyāt tīrthe caivāmareśvare
Sanskrit only: no published translation is held for this verse.
तीर्थानि पुण्यक्षेत्राणि यानि वै कीर्तितानि च । काममोक्षप्रदानीह सर्वसिद्धिकराणि च
tīrthāni puṇyakṣetrāṇi yāni vai kīrtitāni ca / kāmamokṣapradānīha sarvasiddhikarāṇi ca
Sanskrit only: no published translation is held for this verse.
सर्वेषाम् एव तेषां तु माता वै परिकीर्तिता । नर्मदा सरिता श्रेष्ठा सप्तकल्पवहा शुभा
sarveṣām eva teṣāṃ tu mātā vai parikīrtitā / narmadā saritā śreṣṭhā saptakalpavahā śubhā
Sanskrit only: no published translation is held for this verse.
तपसो यज्ञदानानां संख्या तीर्थेषु विद्यते । नर्मदायां न संख्यास्ति तेषाम् इत्य् आह शङ्करः
tapaso yajñadānānāṃ saṃkhyā tīrtheṣu vidyate / narmadāyāṃ na saṃkhyāsti teṣām ity āha śaṅkaraḥ
Sanskrit only: no published translation is held for this verse.
यथा शिवस् तथा रेवा पूजनीया प्रयत्नतः । एषु ये तु कुकर्माणः पापा दानविवार्जिताः
yathā śivas tathā revā pūjanīyā prayatnataḥ / eṣu ye tu kukarmāṇaḥ pāpā dānavivārjitāḥ
Sanskrit only: no published translation is held for this verse.
पथा घोरेण ते यान्ति दक्षिणेन यमालयम् । षडशीतिसहस्राणि योजनानां समन्ततः
pathā ghoreṇa te yānti dakṣiṇena yamālayam / ṣaḍaśītisahasrāṇi yojanānāṃ samantataḥ
Sanskrit only: no published translation is held for this verse.
पुरं ज्ञेयं महारौद्रं नानारूपैर् अधिष्ठितम् । समीपस्थम् इवाभाति नराणां क्रूरकर्मणाम्
puraṃ jñeyaṃ mahāraudraṃ nānārūpair adhiṣṭhitam / samīpastham ivābhāti narāṇāṃ krūrakarmaṇām
Sanskrit only: no published translation is held for this verse.
पापिनाम् अपि दूरस्थं पथा रौद्रेण यान्ति ते । तीव्रकण्टकयुक्तेन शर्कराभूषितेन च
pāpinām api dūrasthaṃ pathā raudreṇa yānti te / tīvrakaṇṭakayuktena śarkarābhūṣitena ca
Sanskrit only: no published translation is held for this verse.
क्षुरधारावृतैस् तीक्ष्णैः पाषाणैर् निर्मितेन च । केचित् त्व् अनेन महता दारुदारैश् च घातकैः
kṣuradhārāvṛtais tīkṣṇaiḥ pāṣāṇair nirmitena ca / kecit tv anena mahatā dārudāraiś ca ghātakaiḥ
Sanskrit only: no published translation is held for this verse.
लोहसूचीभिर् उग्राभिर् ग्रस्तेन च क्वचित् क्वचित् । लताप्रतानविषमैः पर्वतैर् वृक्षसंकुलैः
lohasūcībhir ugrābhir grastena ca kvacit kvacit / latāpratānaviṣamaiḥ parvatair vṛkṣasaṃkulaiḥ
Sanskrit only: no published translation is held for this verse.
सुतप्ताङ्गारयुक्तेन यान्ति मार्गेण दुःखिताः । क्वचिद् विषम् अगर्ताभिस् तप्तलोष्टेष्टकैर् अपि
sutaptāṅgārayuktena yānti mārgeṇa duḥkhitāḥ / kvacid viṣam agartābhis taptaloṣṭeṣṭakair api
Sanskrit only: no published translation is held for this verse.
सुतप्तबालुकाभिश् च तथा तीक्ष्णैश् च शङ्कुभिः । अनेकभग्नशाखाभिर् आवृतेन क्वचित् क्वचित्
sutaptabālukābhiś ca tathā tīkṣṇaiś ca śaṅkubhiḥ / anekabhagnaśākhābhir āvṛtena kvacit kvacit
Sanskrit only: no published translation is held for this verse.
कष्टेन तमसा केचिद् गच्छन्ति हि यमालयम् । मार्गस्थाङ्गारकैस् तप्तैर् ग्रस्ता दावाग्निभिस् तथा
kaṣṭena tamasā kecid gacchanti hi yamālayam / mārgasthāṅgārakais taptair grastā dāvāgnibhis tathā
Sanskrit only: no published translation is held for this verse.
क्वचित् तप्तशिलाभिश् च पङ्केन कटिमानतः । क्वचिद् दुष्टाम्बुना व्याप्तं दुष्करीषाग्निना क्वचित्
kvacit taptaśilābhiś ca paṅkena kaṭimānataḥ / kvacid duṣṭāmbunā vyāptaṃ duṣkarīṣāgninā kvacit
Sanskrit only: no published translation is held for this verse.
क्वचिद् गृध्रैर् बकैर् व्याघ्रैर् दुष्टैः कीटैः सुदारुणैः । क्वचिन् महाकुलीराद्यैः क्वचित् त्वजगरैः पुनः
kvacid gṛdhrair bakair vyāghrair duṣṭaiḥ kīṭaiḥ sudāruṇaiḥ / kvacin mahākulīrādyaiḥ kvacit tvajagaraiḥ punaḥ
Sanskrit only: no published translation is held for this verse.
मक्षिकाभिश् च रौद्राभिः क्वचित् सर्पैर् विषोल्वणैः । मत्तमातङ्गयूथैश् च समन्ताच् च प्रमाथिभिः
makṣikābhiś ca raudrābhiḥ kvacit sarpair viṣolvaṇaiḥ / mattamātaṅgayūthaiś ca samantāc ca pramāthibhiḥ
Sanskrit only: no published translation is held for this verse.
पन्थानमुल्लिखद्भिश् च तीक्ष्णशृङ्गैर् महाबलैः । सिंहैर् विषाणमहिषैर् रौद्रैर् मत्तैश् च श्वापदैः
panthānamullikhadbhiś ca tīkṣṇaśṛṅgair mahābalaiḥ / siṃhair viṣāṇamahiṣair raudrair mattaiś ca śvāpadaiḥ
Sanskrit only: no published translation is held for this verse.
डाकिनीभिश् च रौद्राभिर् विकरालैश् च राक्षसैः । व्याधिभिश् च महाघोरैः पावकैश् च दुरासदैः
ḍākinībhiś ca raudrābhir vikarālaiś ca rākṣasaiḥ / vyādhibhiś ca mahāghoraiḥ pāvakaiś ca durāsadaiḥ
Sanskrit only: no published translation is held for this verse.
महानलविमिश्रेण महाचण्डेन वायुना । महापाषाणवर्षेण भिद्यमाना निराश्रयाः
mahānalavimiśreṇa mahācaṇḍena vāyunā / mahāpāṣāṇavarṣeṇa bhidyamānā nirāśrayāḥ
Sanskrit only: no published translation is held for this verse.
क्वचित् क्वचित् प्रतप्तेन दीप्यमाना व्रजन्ति हि । महता व बाणवर्षेण भिद्यमानाः समन्ततः
kvacit kvacit prataptena dīpyamānā vrajanti hi / mahatā va bāṇavarṣeṇa bhidyamānāḥ samantataḥ
Sanskrit only: no published translation is held for this verse.
पतद्भिर्वज्रसङ्घातैर् उल्कापातैश् च दारुणैः । प्रदीप्ताङ्गारवर्षेण हन्यमाना व्रजन्ति हि
patadbhirvajrasaṅghātair ulkāpātaiś ca dāruṇaiḥ / pradīptāṅgāravarṣeṇa hanyamānā vrajanti hi
Sanskrit only: no published translation is held for this verse.
महाघोररवैर् घोरैर् वित्रस्यन्तो मुहुर् मुहुः । निशितायुधवर्षेण पूर्यमाणाश् च सर्वशः
mahāghoraravair ghorair vitrasyanto muhur muhuḥ / niśitāyudhavarṣeṇa pūryamāṇāś ca sarvaśaḥ
Sanskrit only: no published translation is held for this verse.
महाक्षराम्बुधाराभिः सिच्यमाना मुहुर्मुहुः । महाशीतेन रौद्रेण क्षुरधारादिभिस् तथा
mahākṣarāmbudhārābhiḥ sicyamānā muhurmuhuḥ / mahāśītena raudreṇa kṣuradhārādibhis tathā
Sanskrit only: no published translation is held for this verse.
अन्यैर् बहुविधाकारैः शतशो ऽथ सहस्रशः । इत्थं च तप्तरौद्रेण मार्गेण विषमेण च
anyair bahuvidhākāraiḥ śataśo 'tha sahasraśaḥ / itthaṃ ca taptaraudreṇa mārgeṇa viṣameṇa ca
Sanskrit only: no published translation is held for this verse.
अविश्रान्तेन महता ह्य् अविदूरेण भारत । अविदूरेण कष्टेन सर्वदुःखाश्रयेण च
aviśrāntena mahatā hy avidūreṇa bhārata / avidūreṇa kaṣṭena sarvaduḥkhāśrayeṇa ca
Sanskrit only: no published translation is held for this verse.
नीयन्ते देहिनः सर्वे मूढाः पापपरायणाः । यमदूतैर् महाघोरैर् यमाज्ञाकारिभिर् बलात्
nīyante dehinaḥ sarve mūḍhāḥ pāpaparāyaṇāḥ / yamadūtair mahāghorair yamājñākāribhir balāt
Sanskrit only: no published translation is held for this verse.
एकाकिनः पराधीना मित्रबन्धुविवर्जिताः । शोचन्तः स्वानि कर्माणि दह्यन्ते च मुहुर्मुहुः
ekākinaḥ parādhīnā mitrabandhuvivarjitāḥ / śocantaḥ svāni karmāṇi dahyante ca muhurmuhuḥ
Sanskrit only: no published translation is held for this verse.
प्रेतभूतविमिश्राश् च शुष्ककण्ठोष्ठतालुकाः । कृशाङ्गा भीतभीताश् च दह्यमाना हुताग्निना
pretabhūtavimiśrāś ca śuṣkakaṇṭhoṣṭhatālukāḥ / kṛśāṅgā bhītabhītāś ca dahyamānā hutāgninā
Sanskrit only: no published translation is held for this verse.
बद्धाः शृङ्खलया केचित् मज्जन्तः पापिनो भृशम् । कृष्यन्ते दह्यमानास् तु यमदूतैर् बलोत्कटैः
baddhāḥ śṛṅkhalayā kecit majjantaḥ pāpino bhṛśam / kṛṣyante dahyamānās tu yamadūtair balotkaṭaiḥ
Sanskrit only: no published translation is held for this verse.
उरस्यधोमुखस्थाने तथैव खलु दुःखिताः । केशपाशे विबद्धाश् च कृष्यन्ते पापिनस् तथा
urasyadhomukhasthāne tathaiva khalu duḥkhitāḥ / keśapāśe vibaddhāś ca kṛṣyante pāpinas tathā
Sanskrit only: no published translation is held for this verse.
ललाटे चाशुगैर् बिद्ध्वा कृष्यन्ते देहिनः क्वचित् । उत्ताना दुष्टपन्थानं नीयन्ते पापकर्मणा
lalāṭe cāśugair biddhvā kṛṣyante dehinaḥ kvacit / uttānā duṣṭapanthānaṃ nīyante pāpakarmaṇā
Sanskrit only: no published translation is held for this verse.
पार्श्वबाहुविबद्धाश् च जठरे परिपीडिताः । ग्रीवापाशविकृष्याश् च के ऽपि यान्ति सुदुःखिताः
pārśvabāhuvibaddhāś ca jaṭhare paripīḍitāḥ / grīvāpāśavikṛṣyāś ca ke 'pi yānti suduḥkhitāḥ
Sanskrit only: no published translation is held for this verse.
जिह्वाशङ्कुप्रदानेन समानीयकृकाटिकाः । अर्द्धचन्द्रेण गृह्यन्ते क्षिप्यमाणा इतस् ततः
jihvāśaṅkupradānena samānīyakṛkāṭikāḥ / arddhacandreṇa gṛhyante kṣipyamāṇā itas tataḥ
Sanskrit only: no published translation is held for this verse.
शिश्ने च वृषणे चैव रज्ज्वा बद्धास् तथा परो । विच्छिन्नहस्तपादाश् च छिन्नकर्णोष्ठनासिकाः
śiśne ca vṛṣaṇe caiva rajjvā baddhās tathā paro / vicchinnahastapādāś ca chinnakarṇoṣṭhanāsikāḥ
Sanskrit only: no published translation is held for this verse.
विच्छिन्नशिश्नवृषणाश् छिन्नशीर्षाङ्गसंचयाः । अङ्कुशैर् भिद्यमानास् तु खाद्यमानाः सरीसृपैः
vicchinnaśiśnavṛṣaṇāś chinnaśīrṣāṅgasaṃcayāḥ / aṅkuśair bhidyamānās tu khādyamānāḥ sarīsṛpaiḥ
Sanskrit only: no published translation is held for this verse.
इतश् चेतश् च धावन्ति क्रन्दमाना निराश्रयाः । मुद्गारैर् लोहदण्डैश् च हन्यमाना मुहुर् मुहुः
itaś cetaś ca dhāvanti krandamānā nirāśrayāḥ / mudgārair lohadaṇḍaiś ca hanyamānā muhur muhuḥ
Sanskrit only: no published translation is held for this verse.
कशाभिर् विविधाभिश् च घोराभिश् च समन्ततः । भिन्दिपालैश् च तुद्यन्ते वमन्तः शोणितं मुहुः
kaśābhir vividhābhiś ca ghorābhiś ca samantataḥ / bhindipālaiś ca tudyante vamantaḥ śoṇitaṃ muhuḥ
Sanskrit only: no published translation is held for this verse.
पात्यमानाश् च सलिले छायां वै प्रार्थयन्ति च । दानहीनाः प्रयान्त्य् एवं प्रायश्चित्तकृतो नराः
pātyamānāś ca salile chāyāṃ vai prārthayanti ca / dānahīnāḥ prayānty evaṃ prāyaścittakṛto narāḥ
Sanskrit only: no published translation is held for this verse.
गृहीत्वा चैव पाथेयं सुखं याति यमालयम् । एवं पथा निकृष्टेन प्राप्ता यमपुरं नराः
gṛhītvā caiva pātheyaṃ sukhaṃ yāti yamālayam / evaṃ pathā nikṛṣṭena prāptā yamapuraṃ narāḥ
Sanskrit only: no published translation is held for this verse.
प्राज्ञापितैस् तथा दूतैः प्रवेश्यन्ते यमाग्रतः । तत्र ये शुभकर्माणस् तान् वै संस्मारयेद् यमः
prājñāpitais tathā dūtaiḥ praveśyante yamāgrataḥ / tatra ye śubhakarmāṇas tān vai saṃsmārayed yamaḥ
Sanskrit only: no published translation is held for this verse.
स्वागतासनदानेन पाद्यार्घेण प्रियेण च । धन्या यूयं महात्मानात्मनो हितकारिणः
svāgatāsanadānena pādyārgheṇa priyeṇa ca / dhanyā yūyaṃ mahātmānātmano hitakāriṇaḥ
Sanskrit only: no published translation is held for this verse.
यैस् तु दिव्यसुखार्थं हि भवद्भिः सुकृतं कृतम् । नर्मदातटमाश्रित्य पर्वते ऽमरकण्टके
yais tu divyasukhārthaṃ hi bhavadbhiḥ sukṛtaṃ kṛtam / narmadātaṭamāśritya parvate 'marakaṇṭake
Sanskrit only: no published translation is held for this verse.
दानं दत्तं तपस्तप्तं हुतं चेष्टं विधानतः । वाराणस्यां कुरुक्षेत्रे प्रयागे पुष्करे तथा
dānaṃ dattaṃ tapastaptaṃ hutaṃ ceṣṭaṃ vidhānataḥ / vārāṇasyāṃ kurukṣetre prayāge puṣkare tathā
Sanskrit only: no published translation is held for this verse.
गयायां नैमिषारण्ये गङ्गासागरसङ्गमे । केदारे भरैवे चापि प्रभासे शशिभूषणे
gayāyāṃ naimiṣāraṇye gaṅgāsāgarasaṅgame / kedāre bharaive cāpi prabhāse śaśibhūṣaṇe
Sanskrit only: no published translation is held for this verse.
महाकालवने रम्ये श्रीशैले त्रिपुरान्तके । त्रैयम्बके धौतपापे नीलकण्ठे तथैव च
mahākālavane ramye śrīśaile tripurāntake / traiyambake dhautapāpe nīlakaṇṭhe tathaiva ca
Sanskrit only: no published translation is held for this verse.
गङ्गाद्वारे हिमद्वारे तथा कालञ्जरे गिरौ । एतेष्वन्येषु तीर्थेषु क्षेत्रेषु च यथाक्रमम्
gaṅgādvāre himadvāre tathā kālañjare girau / eteṣvanyeṣu tīrtheṣu kṣetreṣu ca yathākramam
Sanskrit only: no published translation is held for this verse.
लब्धं जन्मफलं चैव भवद्भिर् नात्र संशयः । इदं विमानम् आरुह्य दिव्यस्त्रीभोगभूषितम्
labdhaṃ janmaphalaṃ caiva bhavadbhir nātra saṃśayaḥ / idaṃ vimānam āruhya divyastrībhogabhūṣitam
Sanskrit only: no published translation is held for this verse.
संगच्छध्वं शिवं स्वर्गं सर्वकामसमन्वितम् । तत्र भुक्त्वा महाभोगान् अनन्तान् पुण्यसंख्यया
saṃgacchadhvaṃ śivaṃ svargaṃ sarvakāmasamanvitam / tatra bhuktvā mahābhogān anantān puṇyasaṃkhyayā
Sanskrit only: no published translation is held for this verse.
यत्किंचिद् अन्यद् अशुभं स्वल्पं तदपि भोक्ष्यथ । आख्यातं तु मया तावत् कल्पगातीरवासिनः
yatkiṃcid anyad aśubhaṃ svalpaṃ tadapi bhokṣyatha / ākhyātaṃ tu mayā tāvat kalpagātīravāsinaḥ
Sanskrit only: no published translation is held for this verse.
आरोहन्ति विमानानि सर्वेषामुपरि स्थिताः । सर्वतीर्थेषु संख्यास्ति ह्युक्तं ब्रह्मादिभिः पुरा
ārohanti vimānāni sarveṣāmupari sthitāḥ / sarvatīrtheṣu saṃkhyāsti hyuktaṃ brahmādibhiḥ purā
Sanskrit only: no published translation is held for this verse.
तत्र यद् दीयते दानं तेन स्वर्गे महीयते । म्रियते तत्र यः कश्चिद् व्रतेनानशनेन च
tatra yad dīyate dānaṃ tena svarge mahīyate / mriyate tatra yaḥ kaścid vratenānaśanena ca
Sanskrit only: no published translation is held for this verse.
दिव्ययानं समाश्रित्य स प्रयाति शिवालयम् । एतत् ते कथितं राजन् कल्पगापुण्यमुत्तमम्
divyayānaṃ samāśritya sa prayāti śivālayam / etat te kathitaṃ rājan kalpagāpuṇyamuttamam
Sanskrit only: no published translation is held for this verse.
पश्यन्ति पुण्यकर्माणो यमं मित्रम् इवात्मनः । ये पुनः क्रूरकर्माणस्ते पश्यन्ति भयानकम्
paśyanti puṇyakarmāṇo yamaṃ mitram ivātmanaḥ / ye punaḥ krūrakarmāṇaste paśyanti bhayānakam
Sanskrit only: no published translation is held for this verse.
दंष्ट्रा करालवदनं भ्रुकुटीकुटिलेक्षणम् । ऊर्द्ध्वकेशं महाश्मश्रुं स्फुरदोष्ठाधरोत्तरम्
daṃṣṭrā karālavadanaṃ bhrukuṭīkuṭilekṣaṇam / ūrddhvakeśaṃ mahāśmaśruṃ sphuradoṣṭhādharottaram
Sanskrit only: no published translation is held for this verse.
अष्टादशभुजं क्रूरं नीलाञ्जनचयोपमम् । सर्वायुधोह्यतकरं गर्जन्तं दण्डपाणिनम्
aṣṭādaśabhujaṃ krūraṃ nīlāñjanacayopamam / sarvāyudhohyatakaraṃ garjantaṃ daṇḍapāṇinam
Sanskrit only: no published translation is held for this verse.
महामहिषमारूढं तप्ताग्निसमलोचनम् । रक्तमाल्याम्बरधरं महामेरुम् इवोत्थितम्
mahāmahiṣamārūḍhaṃ taptāgnisamalocanam / raktamālyāmbaradharaṃ mahāmerum ivotthitam
Sanskrit only: no published translation is held for this verse.
प्रलयाम्बुदनिर्घोषं पिबन्तम् इव वारिधीन् । ग्रसन्तम् इव त्रैलोक्यमुद्गिरतम् इवानलम्
pralayāmbudanirghoṣaṃ pibantam iva vāridhīn / grasantam iva trailokyamudgiratam ivānalam
Sanskrit only: no published translation is held for this verse.
मृत्युस् तस्य समीपस्थः कालानलसमप्रभः । कालश् चाञ्जनसंकाशः कृतान्तश् च भयानकः
mṛtyus tasya samīpasthaḥ kālānalasamaprabhaḥ / kālaś cāñjanasaṃkāśaḥ kṛtāntaś ca bhayānakaḥ
Sanskrit only: no published translation is held for this verse.
विविधा व्याधयस्तीक्ष्णा नानारूपा भयानकाः । शक्तिशूलाङ्कुशधराः पाशचक्रासिपाणयः
vividhā vyādhayastīkṣṇā nānārūpā bhayānakāḥ / śaktiśūlāṅkuśadharāḥ pāśacakrāsipāṇayaḥ
Sanskrit only: no published translation is held for this verse.
वज्रदंष्ट्राधरा रौद्राः क्रूराश् चाञ्जनसन्निभाः । सर्वायुधोद्यतकरा यमदूताश् च घातकाः
vajradaṃṣṭrādharā raudrāḥ krūrāś cāñjanasannibhāḥ / sarvāyudhodyatakarā yamadūtāś ca ghātakāḥ
Sanskrit only: no published translation is held for this verse.
एवं विधं यमं तत्र पश्यन्ति पापचारिणः । निर्भयो याति चात्यर्थं यमो वा पापकारिणम्
evaṃ vidhaṃ yamaṃ tatra paśyanti pāpacāriṇaḥ / nirbhayo yāti cātyarthaṃ yamo vā pāpakāriṇam
Sanskrit only: no published translation is held for this verse.
चित्रगुप्तश् च भगवान् धर्मं तेषां प्रबोधयन् । भो भो दुष्कृतकर्माणः परद्रव्यापहारकाः
citraguptaś ca bhagavān dharmaṃ teṣāṃ prabodhayan / bho bho duṣkṛtakarmāṇaḥ paradravyāpahārakāḥ
Sanskrit only: no published translation is held for this verse.
गार्जिता रूपवीर्येण परदारोपमर्दकाः । यस् तु यत् कुरुते कर्म तेन तद् भुज्यते पुनः
gārjitā rūpavīryeṇa paradāropamardakāḥ / yas tu yat kurute karma tena tad bhujyate punaḥ
Sanskrit only: no published translation is held for this verse.
तत् किम् आत्मोपघातार्थं भवद्भिर् दुष्कृतं कृतम् । किम् अर्थं परितप्यध्वं पीड्यमानाः स्वकर्मभिः
tat kim ātmopaghātārthaṃ bhavadbhir duṣkṛtaṃ kṛtam / kim arthaṃ paritapyadhvaṃ pīḍyamānāḥ svakarmabhiḥ
Sanskrit only: no published translation is held for this verse.
भुज्यन्ते स्वानि कर्माणि नास्ति दोषो ऽत्र कस्यचित् । एते च पृथिवीपालाः संप्राप्ताश् च महीपते
bhujyante svāni karmāṇi nāsti doṣo 'tra kasyacit / ete ca pṛthivīpālāḥ saṃprāptāś ca mahīpate
Sanskrit only: no published translation is held for this verse.
स्वकीयैः कर्मभिर् घोरैर् दुष्प्रज्ञाबलगर्विताः । भो भो नृपा दुराचाराः प्रजाविध्वंसकारिणः
svakīyaiḥ karmabhir ghorair duṣprajñābalagarvitāḥ / bho bho nṛpā durācārāḥ prajāvidhvaṃsakāriṇaḥ
Sanskrit only: no published translation is held for this verse.
स्वल्पकालस्य राज्यस्य किं वै तद् दुष्कृतं कृतम् । भवद्भी राज्यलोभेन मोहेनान्यायवृत्तिभिः
svalpakālasya rājyasya kiṃ vai tad duṣkṛtaṃ kṛtam / bhavadbhī rājyalobhena mohenānyāyavṛttibhiḥ
Sanskrit only: no published translation is held for this verse.
यद्गृहीतं फलं तस्य यूयं भुङ्ग्ध्वं यथातथम् । कुत्र राज्यं कलत्रं वा यदर्थम् अशुभं कृतम्
yadgṛhītaṃ phalaṃ tasya yūyaṃ bhuṅgdhvaṃ yathātatham / kutra rājyaṃ kalatraṃ vā yadartham aśubhaṃ kṛtam
Sanskrit only: no published translation is held for this verse.
तत्सर्वस्वं परित्यज्य यूयम् एकाकिनस् तथा । त्वद् बान्धवा न पश्यन्ति येन विध्वंसिताः प्रजाः
tatsarvasvaṃ parityajya yūyam ekākinas tathā / tvad bāndhavā na paśyanti yena vidhvaṃsitāḥ prajāḥ
Sanskrit only: no published translation is held for this verse.
यमदूतैः पात्यमाना अधुना कीदृशं भवेत् । एवं बहुविधैर् वाक्यैर् उपलब्धा यमेन ते
yamadūtaiḥ pātyamānā adhunā kīdṛśaṃ bhavet / evaṃ bahuvidhair vākyair upalabdhā yamena te
Sanskrit only: no published translation is held for this verse.
शोचन्ति स्वानि कर्माणि तूष्णीं भूताश् च पार्थिव । इति वाक्यैः समादिश्य नृपांस् तान् धर्मराट् ततः
śocanti svāni karmāṇi tūṣṇīṃ bhūtāś ca pārthiva / iti vākyaiḥ samādiśya nṛpāṃs tān dharmarāṭ tataḥ
Sanskrit only: no published translation is held for this verse.
तेषां पापविशुद्ध्यर्थं यमो दूतान् अथाब्रवीत् । भो भोश् चण्ड महाचण्ड गृहीत्वा नृपतीनिमान्
teṣāṃ pāpaviśuddhyarthaṃ yamo dūtān athābravīt / bho bhoś caṇḍa mahācaṇḍa gṛhītvā nṛpatīnimān
Sanskrit only: no published translation is held for this verse.
विशोधयध्वं पापेभ्यः क्रमेण नरकाग्निना । ततः शीघ्रं समास्थाय नृपान् संगृह्य पादयोः
viśodhayadhvaṃ pāpebhyaḥ krameṇa narakāgninā / tataḥ śīghraṃ samāsthāya nṛpān saṃgṛhya pādayoḥ
Sanskrit only: no published translation is held for this verse.
भ्रामयित्वा तु वेगेन चिक्षिपुर्यमकिङ्कराः । सर्वे वेगेन महता सुप्रतप्ते महीतले
bhrāmayitvā tu vegena cikṣipuryamakiṅkarāḥ / sarve vegena mahatā supratapte mahītale
Sanskrit only: no published translation is held for this verse.
आस्फालयन्ति महति चाश्मसारमये द्रुमे । ततस् ते सर्व एवाशु प्रहारैर् जर्जरीकृताः
āsphālayanti mahati cāśmasāramaye drume / tatas te sarva evāśu prahārair jarjarīkṛtāḥ
Sanskrit only: no published translation is held for this verse.
विसंज्ञाश् च तदा सन्ति निश्चेष्टाश् च युधिष्ठिर । ततस् ते वायुना स्पृष्टाः शनैस् तु जीविताः पुनः
visaṃjñāś ca tadā santi niśceṣṭāś ca yudhiṣṭhira / tatas te vāyunā spṛṣṭāḥ śanais tu jīvitāḥ punaḥ
Sanskrit only: no published translation is held for this verse.
तानानीय विशुद्ध्यर्थं क्षिपन्ति नरकार्णवे । अष्टाविंशतिर् एवाद्यास् तीव्रानरककोटयः
tānānīya viśuddhyarthaṃ kṣipanti narakārṇave / aṣṭāviṃśatir evādyās tīvrānarakakoṭayaḥ
Sanskrit only: no published translation is held for this verse.
सप्तमस्य तलस्यान्ते घोरे तमसि संस्थिताः । अतिघोरा च रौद्रा च तथा घोरतमा स्थिता
saptamasya talasyānte ghore tamasi saṃsthitāḥ / atighorā ca raudrā ca tathā ghoratamā sthitā
Sanskrit only: no published translation is held for this verse.
अत्यन्तदुःखजननी घोररूपा च पञ्चमी । षष्ठी तरणताराख्या सप्तमी च भयानका
atyantaduḥkhajananī ghorarūpā ca pañcamī / ṣaṣṭhī taraṇatārākhyā saptamī ca bhayānakā
Sanskrit only: no published translation is held for this verse.
अष्टमी कालरात्रिश् च नवमी च घटोत्कटा । दशमी चैव चण्डा च महाचण्डा ततो ऽप्यधः
aṣṭamī kālarātriś ca navamī ca ghaṭotkaṭā / daśamī caiva caṇḍā ca mahācaṇḍā tato 'pyadhaḥ
Sanskrit only: no published translation is held for this verse.
चण्डकोलाहला चैव प्रचण्डा च पराग्निका । जघन्या ह्यवरा लोमा भीषणी चैव नायिका
caṇḍakolāhalā caiva pracaṇḍā ca parāgnikā / jaghanyā hyavarā lomā bhīṣaṇī caiva nāyikā
Sanskrit only: no published translation is held for this verse.
कराला विकराला च वज्रविंशतिराश्रिता । अस्ता च पञ्चकोणा च सुदीर्घा परिवर्तुला
karālā vikarālā ca vajraviṃśatirāśritā / astā ca pañcakoṇā ca sudīrghā parivartulā
Sanskrit only: no published translation is held for this verse.
सप्तभौमाष्टभौमा च दीर्घमायेतिहापरा । इति ता नामतः प्रोक्ता घोरा नरककोटयः
saptabhaumāṣṭabhaumā ca dīrghamāyetihāparā / iti tā nāmataḥ proktā ghorā narakakoṭayaḥ
Sanskrit only: no published translation is held for this verse.
अष्टाविंशतिरेतास् तु भूतानां मानतः स्मृताः । तासां क्रमेण विज्ञेयाः पञ्चपञ्चैव नायका
aṣṭāviṃśatiretās tu bhūtānāṃ mānataḥ smṛtāḥ / tāsāṃ krameṇa vijñeyāḥ pañcapañcaiva nāyakā
Sanskrit only: no published translation is held for this verse.
प्रत्येकं सर्वकोटीनां नामतस् तु विशाम्पते । रौरवः प्रथमस् तेषां रुदन्ति यत्र देहिनः
pratyekaṃ sarvakoṭīnāṃ nāmatas tu viśāmpate / rauravaḥ prathamas teṣāṃ rudanti yatra dehinaḥ
Sanskrit only: no published translation is held for this verse.
महारौरवपीडाभिर् महान्तो ऽपि रुदन्ति हि । तमः शीतं तथा चोष्णं पञ्चैते नायकाः स्मृताः
mahārauravapīḍābhir mahānto 'pi rudanti hi / tamaḥ śītaṃ tathā coṣṇaṃ pañcaite nāyakāḥ smṛtāḥ
Sanskrit only: no published translation is held for this verse.
अघोरः प्रथमस् तीक्ष्णः पद्मः संजीवनः शठः । महामायो विलोमश् च कण्टकः कटकः स्मृतः
aghoraḥ prathamas tīkṣṇaḥ padmaḥ saṃjīvanaḥ śaṭhaḥ / mahāmāyo vilomaś ca kaṇṭakaḥ kaṭakaḥ smṛtaḥ
Sanskrit only: no published translation is held for this verse.
तीव्रो वामः करालश् च किङ्करालः प्रकम्पनः । महाचक्रः सुपद्मश् च कालसूत्रः प्रगर्जनः
tīvro vāmaḥ karālaś ca kiṅkarālaḥ prakampanaḥ / mahācakraḥ supadmaś ca kālasūtraḥ pragarjanaḥ
Sanskrit only: no published translation is held for this verse.
सूचीमुखः सुनेमिश् च खादकः सुप्रपीडितः । कुम्भीपाकः सुपाकश् च क्रकचश् च सुदारुणः
sūcīmukhaḥ sunemiś ca khādakaḥ suprapīḍitaḥ / kumbhīpākaḥ supākaś ca krakacaś ca sudāruṇaḥ
Sanskrit only: no published translation is held for this verse.
अङ्गाररात्रिः पचनः असृक्पूयभवस् तथा । सुतीक्ष्णाः शण्डशकुनी महासंवर्तकः क्रतुः
aṅgārarātriḥ pacanaḥ asṛkpūyabhavas tathā / sutīkṣṇāḥ śaṇḍaśakunī mahāsaṃvartakaḥ kratuḥ
Sanskrit only: no published translation is held for this verse.
तप्तजन्तुः पङ्कलेषः पूतिमान् च ह्रदस्त्रपुः । उच्छ्वासश् च निरुच्छ्वासः सुदीर्घः क्रूरशाल्मली
taptajantuḥ paṅkaleṣaḥ pūtimān ca hradastrapuḥ / ucchvāsaś ca nirucchvāsaḥ sudīrghaḥ krūraśālmalī
Sanskrit only: no published translation is held for this verse.
उष्ट्रितस्तु महानादः प्रवाहः सुप्रवाहनः । वृषाश्रयो वृषाश्वश् च सिंहव्याघ्रगजाननाः
uṣṭritastu mahānādaḥ pravāhaḥ supravāhanaḥ / vṛṣāśrayo vṛṣāśvaś ca siṃhavyāghragajānanāḥ
Sanskrit only: no published translation is held for this verse.
श्वशूकराजमहिषमेषमूषखराननाः । ग्राहकुम्भीरनक्रास्या महाघोरा भयानकाः
śvaśūkarājamahiṣameṣamūṣakharānanāḥ / grāhakumbhīranakrāsyā mahāghorā bhayānakāḥ
Sanskrit only: no published translation is held for this verse.
सर्वभक्षाः स्वभक्षाश् च सर्वकर्मा ऽश्ववायसाः । गृध्रोलूक उलूकश् च शार्दूलकपिकच्छुराः
sarvabhakṣāḥ svabhakṣāś ca sarvakarmā 'śvavāyasāḥ / gṛdhrolūka ulūkaś ca śārdūlakapikacchurāḥ
Sanskrit only: no published translation is held for this verse.
गण्डकः पूतिवक्त्रश् च रक्तास्यः पूतिमूत्रिकः । कणधूम्रस् तुषाराग्निः कृमिमान् निरयस् तथा
gaṇḍakaḥ pūtivaktraś ca raktāsyaḥ pūtimūtrikaḥ / kaṇadhūmras tuṣārāgniḥ kṛmimān nirayas tathā
Sanskrit only: no published translation is held for this verse.
आतोद्यश् च प्रतोद्यश् च रुधिरोद्यश् च भोजनम् । कालात्मगो ऽनुभक्षश् च सर्वभक्षः सुदारुणः
ātodyaś ca pratodyaś ca rudhirodyaś ca bhojanam / kālātmago 'nubhakṣaś ca sarvabhakṣaḥ sudāruṇaḥ
Sanskrit only: no published translation is held for this verse.
कर्कटस् तु विशालश् च विकटः कटपूतनः । अम्बरीषः कटाहश् च कष्टा वैतरणी नदी
karkaṭas tu viśālaś ca vikaṭaḥ kaṭapūtanaḥ / ambarīṣaḥ kaṭāhaś ca kaṣṭā vaitaraṇī nadī
Sanskrit only: no published translation is held for this verse.
सुतप्तो लोहशङ्कुश् च एकपादो ऽश्रुपूरणः । असिपत्रवनं घोरम् अस्थिलिङ्गं प्रतिष्ठितम्
sutapto lohaśaṅkuś ca ekapādo 'śrupūraṇaḥ / asipatravanaṃ ghoram asthiliṅgaṃ pratiṣṭhitam
Sanskrit only: no published translation is held for this verse.
तिलातसीक्षुयन्त्राणि कूटपापप्रमर्दनाः । महाचुल्ली विचुल्ली च तप्तलोहमयी शिला
tilātasīkṣuyantrāṇi kūṭapāpapramardanāḥ / mahācullī vicullī ca taptalohamayī śilā
Sanskrit only: no published translation is held for this verse.
पर्वतः क्षुरधाराख्यो मयो यमलपर्वतः । सूचीविष्ठान्धकूपाश् च पतनः पातनस् तथा
parvataḥ kṣuradhārākhyo mayo yamalaparvataḥ / sūcīviṣṭhāndhakūpāś ca patanaḥ pātanas tathā
Sanskrit only: no published translation is held for this verse.
मुशली वृषली चैवाशिवा सङ्कटला तथा । तालपत्रासिगहनं महामोहक एव च
muśalī vṛṣalī caivāśivā saṅkaṭalā tathā / tālapatrāsigahanaṃ mahāmohaka eva ca
Sanskrit only: no published translation is held for this verse.