कोटी नामनुरूपाश् च पञ्चपञ्चैव नायकाः । रौरवाद्यं मरीच्यन्तं नरकानां शतं स्मृतम्
koṭī nāmanurūpāś ca pañcapañcaiva nāyakāḥ / rauravādyaṃ marīcyantaṃ narakānāṃ śataṃ smṛtam
Sanskrit only: no published translation is held for this verse.
चत्वारिंशत् समधिकं महानरकमण्डलम् । एकक्रमात् प्रभुज्यन्ते नरैः कर्मानुरूपतः
catvāriṃśat samadhikaṃ mahānarakamaṇḍalam / ekakramāt prabhujyante naraiḥ karmānurūpataḥ
Sanskrit only: no published translation is held for this verse.
कामनाभिर् विरूपाभिर् अकर्मप्रचयाद् द्रुतम् । सुगूढया ततो ध्वान्ते तप्तशृङ्खलया नराः
kāmanābhir virūpābhir akarmapracayād drutam / sugūḍhayā tato dhvānte taptaśṛṅkhalayā narāḥ
Sanskrit only: no published translation is held for this verse.
महावृक्षस्य शाखायां लम्ब्यन्ते यमकिङ्करैः । ततस् तान् सर्वतश् चैव दोलयन्ति हि किङ्कराः
mahāvṛkṣasya śākhāyāṃ lambyante yamakiṅkaraiḥ / tatas tān sarvataś caiva dolayanti hi kiṅkarāḥ
Sanskrit only: no published translation is held for this verse.
दोलिताश् चातिवेगेन निःसंज्ञां यान्ति पापिनः । अन्तरिक्षे स्थितानां च लोहभारशतं तदा
dolitāś cātivegena niḥsaṃjñāṃ yānti pāpinaḥ / antarikṣe sthitānāṃ ca lohabhāraśataṃ tadā
Sanskrit only: no published translation is held for this verse.
पादयोर् बध्यते तेषां यमदूतैर् बलोत्कटैः । तेन भारेण महता भृशं सन्तापिता नराः
pādayor badhyate teṣāṃ yamadūtair balotkaṭaiḥ / tena bhāreṇa mahatā bhṛśaṃ santāpitā narāḥ
Sanskrit only: no published translation is held for this verse.
ध्यायन्ति स्वानि कर्माणि तूष्णीं तिष्ठन्ति निश्चलाः । ततः क्रमाद् अग्निवर्णैर् लोहदण्डैः सकण्टकैः
dhyāyanti svāni karmāṇi tūṣṇīṃ tiṣṭhanti niścalāḥ / tataḥ kramād agnivarṇair lohadaṇḍaiḥ sakaṇṭakaiḥ
Sanskrit only: no published translation is held for this verse.
निहन्यन्ते प्रयत्नेन यमदूतैश् च मस्तके । विष्ठापूर्णे ततः कूपे कृमीणां निलये ततः
nihanyante prayatnena yamadūtaiś ca mastake / viṣṭhāpūrṇe tataḥ kūpe kṛmīṇāṃ nilaye tataḥ
Sanskrit only: no published translation is held for this verse.
समन्तात् किङ्करैर् घोरैः पच्यन्ते पापकारिणः । ततः क्षारेण नीरेण वह्णावपि विशेषतः
samantāt kiṅkarair ghoraiḥ pacyante pāpakāriṇaḥ / tataḥ kṣāreṇa nīreṇa vahṇāvapi viśeṣataḥ
Sanskrit only: no published translation is held for this verse.
वार्ताकवत् प्रपच्यन्ते तप्ते लोहकटाहके । अमेध्यकूपे प्रक्षिप्य जलजन्तु समाकुले
vārtākavat prapacyante tapte lohakaṭāhake / amedhyakūpe prakṣipya jalajantu samākule
Sanskrit only: no published translation is held for this verse.
मेदोसृक्पूयपूर्णायां वाप्यां क्षिप्तास् तु ते ततः । भक्षन्ते कृमिभिस् तीक्ष्णैर् लोहतुण्डैश् च वायसैः
medosṛkpūyapūrṇāyāṃ vāpyāṃ kṣiptās tu te tataḥ / bhakṣante kṛmibhis tīkṣṇair lohatuṇḍaiś ca vāyasaiḥ
Sanskrit only: no published translation is held for this verse.
पच्यन्ते मांसवच् चापि प्रदीप्ताङ्गारराशिषु । प्रोताः शूलेषु तीक्ष्णेषु नराः पापसमन्विताः
pacyante māṃsavac cāpi pradīptāṅgārarāśiṣu / protāḥ śūleṣu tīkṣṇeṣu narāḥ pāpasamanvitāḥ
Sanskrit only: no published translation is held for this verse.
पच्यन्ते पापिनस् ते वै यमदूतैर् अनेकधा । तैलपूर्णकटाहेषु सुतप्तेषु ततः पुनः
pacyante pāpinas te vai yamadūtair anekadhā / tailapūrṇakaṭāheṣu sutapteṣu tataḥ punaḥ
Sanskrit only: no published translation is held for this verse.
तेषां चोत्पाट्यते जिह्वा असत्या प्रियवादिनाम् । सुदृढेन सुतप्तेन प्रपीड्योरसि पादतः
teṣāṃ cotpāṭyate jihvā asatyā priyavādinām / sudṛḍhena sutaptena prapīḍyorasi pādataḥ
Sanskrit only: no published translation is held for this verse.
मिथ्यागमप्रयुक्तस्य द्विजस्यापि तथैवच । यज्ञार्थकोशविस्तीर्णं भल्लैस् तीक्ष्णैः प्रतोद्यते
mithyāgamaprayuktasya dvijasyāpi tathaivaca / yajñārthakośavistīrṇaṃ bhallais tīkṣṇaiḥ pratodyate
Sanskrit only: no published translation is held for this verse.
निर्भत्सयन्ति ये मूढा मातरं पितरं तेषां । तेषां वक्त्रं बालुकाभिर् मुहुर् आपूर्य सिच्यते
nirbhatsayanti ye mūḍhā mātaraṃ pitaraṃ teṣāṃ / teṣāṃ vaktraṃ bālukābhir muhur āpūrya sicyate
Sanskrit only: no published translation is held for this verse.
ततः क्षारेण दीप्तेन पयसा तु पुनः पुनः । द्रुतं सम्पूर्यते ऽत्यर्थं तप्ततैलेन तन्मुखम्
tataḥ kṣāreṇa dīptena payasā tu punaḥ punaḥ / drutaṃ sampūryate 'tyarthaṃ taptatailena tanmukham
Sanskrit only: no published translation is held for this verse.
विष्ठाभिः कृमिपूर्णाभिः श्वानवच् चरणैर् भटैः । परिपीड्य विषाणेन प्रविष्टा लोहशाल्मलीम्
viṣṭhābhiḥ kṛmipūrṇābhiḥ śvānavac caraṇair bhaṭaiḥ / paripīḍya viṣāṇena praviṣṭā lohaśālmalīm
Sanskrit only: no published translation is held for this verse.
हन्यन्ते पृष्ठदेहेषु पुनर् भीमैर् महाबलैः । दन्तुरेणातिकुण्ठेन क्रकचेन बलीयसा
hanyante pṛṣṭhadeheṣu punar bhīmair mahābalaiḥ / dantureṇātikuṇṭhena krakacena balīyasā
Sanskrit only: no published translation is held for this verse.
शिरः प्रभृति पाट्यन्ते घोरैः कर्मभिर् आत्मजैः । खादयन्ति स्वमांसानि पाययन्ति स्वशोणितम्
śiraḥ prabhṛti pāṭyante ghoraiḥ karmabhir ātmajaiḥ / khādayanti svamāṃsāni pāyayanti svaśoṇitam
Sanskrit only: no published translation is held for this verse.
अन्नं पानं न दत्तं यैर् मूढैर् नाप्य् अनुमोदितम् । इक्षुवत्ते प्रपीड्यन्ते जर्जरीकृत्य मुद्गरैः
annaṃ pānaṃ na dattaṃ yair mūḍhair nāpy anumoditam / ikṣuvatte prapīḍyante jarjarīkṛtya mudgaraiḥ
Sanskrit only: no published translation is held for this verse.
असितालवने घोरे छिद्यन्ते खण्डखण्डशः । सूचीभिर् भिन्नसर्वाङ्गास् ततः शूले प्ररोपिताः
asitālavane ghore chidyante khaṇḍakhaṇḍaśaḥ / sūcībhir bhinnasarvāṅgās tataḥ śūle praropitāḥ
Sanskrit only: no published translation is held for this verse.
चाचल्यमानाः कृष्यन्ते न म्रियन्ते तथापि च । देहाद् उत्पाट्यते मांसं तेषाम् अस्थीनि मुद्गरैः
cācalyamānāḥ kṛṣyante na mriyante tathāpi ca / dehād utpāṭyate māṃsaṃ teṣām asthīni mudgaraiḥ
Sanskrit only: no published translation is held for this verse.
बहुशः कृष्यते तूर्णं यमदूतैर् बलोत्कटैः । ते ऽनुच्छ्वासेनानुछ्वासास् तिष्ठन्ति नरके चिरम्
bahuśaḥ kṛṣyate tūrṇaṃ yamadūtair balotkaṭaiḥ / te 'nucchvāsenānuchvāsās tiṣṭhanti narake ciram
Sanskrit only: no published translation is held for this verse.
उच्छ्वासे च सदोच्छ्वासा बालुकावदनावृताः । रौरवेषु तु दन्ते वै पीड्यन्ते विविधैश् चरैः
ucchvāse ca sadocchvāsā bālukāvadanāvṛtāḥ / rauraveṣu tu dante vai pīḍyante vividhaiś caraiḥ
Sanskrit only: no published translation is held for this verse.
महारौरवपीडाभिर् महान्तो ऽपि रुदन्ति हि । उपस्थास्ये गुदे पार्श्वे पादे चोरसि मस्तके
mahārauravapīḍābhir mahānto 'pi rudanti hi / upasthāsye gude pārśve pāde corasi mastake
Sanskrit only: no published translation is held for this verse.
निहन्यन्ते भटैस् तीक्ष्णैः सुतप्तैर् लोहमुद्गरैः । निन्दन्ति ये स्वरूपेण परदारान् हसन्ति च
nihanyante bhaṭais tīkṣṇaiḥ sutaptair lohamudgaraiḥ / nindanti ye svarūpeṇa paradārān hasanti ca
Sanskrit only: no published translation is held for this verse.
आलिङ्गन्ति पतीन् अन्यान् न विन्दन्ति स्वकान् स्त्रियः । किमु धावसि वेगेन न स्मरेर् अतिशाश्वतीम्
āliṅganti patīn anyān na vindanti svakān striyaḥ / kimu dhāvasi vegena na smarer atiśāśvatīm
Sanskrit only: no published translation is held for this verse.
वञ्चितश् च त्वया भर्ता पापान्धश् च यथा सुखम् । लोहकुम्भे विनिक्षिप्ताः चिताश् च शनैः शनैः
vañcitaś ca tvayā bhartā pāpāndhaś ca yathā sukham / lohakumbhe vinikṣiptāḥ citāś ca śanaiḥ śanaiḥ
Sanskrit only: no published translation is held for this verse.
समृद्धाग्नौ प्रपाच्यन्ते प्रवेश्यन्ते शिलासु च । क्षिप्यन्ते चान्धकूपेषु दश्यन्ते ऽजगरैर् भृशम्
samṛddhāgnau prapācyante praveśyante śilāsu ca / kṣipyante cāndhakūpeṣu daśyante 'jagarair bhṛśam
Sanskrit only: no published translation is held for this verse.
ये निन्दन्ति महात्मानम् आचार्यं धर्मर्दर्शिनम् । शिवभक्तं च विप्रं च शिवधर्मं च शाश्वतम्
ye nindanti mahātmānam ācāryaṃ dharmardarśinam / śivabhaktaṃ ca vipraṃ ca śivadharmaṃ ca śāśvatam
Sanskrit only: no published translation is held for this verse.
तेषाम् उरसि कण्ठे च जिह्वायां देहसन्धिषु । कीलकैरोष्ठपुटके कील्यन्ते यमकिङ्करैः
teṣām urasi kaṇṭhe ca jihvāyāṃ dehasandhiṣu / kīlakairoṣṭhapuṭake kīlyante yamakiṅkaraiḥ
Sanskrit only: no published translation is held for this verse.
एवम् आदिमहाघोरा यातनाः पापकर्मिणाम् । एकैक नरके ज्ञेयाः शतशो ऽथ सहस्रशः
evam ādimahāghorā yātanāḥ pāpakarmiṇām / ekaika narake jñeyāḥ śataśo 'tha sahasraśaḥ
Sanskrit only: no published translation is held for this verse.
यातना गहना राजन् सर्वेषां पापकर्मिणाम् । इत्येव यातनानन्ताः सर्वेषु नरकेषु च
yātanā gahanā rājan sarveṣāṃ pāpakarmiṇām / ityeva yātanānantāḥ sarveṣu narakeṣu ca
Sanskrit only: no published translation is held for this verse.
कस्ता वर्षशतेनापि वक्तुं शक्नोति मानवः । इत्य् एवं विविधैर् घोरैः पात्यमानाः स्वकर्मभिः
kastā varṣaśatenāpi vaktuṃ śaknoti mānavaḥ / ity evaṃ vividhair ghoraiḥ pātyamānāḥ svakarmabhiḥ
Sanskrit only: no published translation is held for this verse.
क्रमात् सर्वेषु पच्यन्ते नरकेषु न संशयः । महापातकिनश् चापि सर्वेषु नरकेषु च
kramāt sarveṣu pacyante narakeṣu na saṃśayaḥ / mahāpātakinaś cāpi sarveṣu narakeṣu ca
Sanskrit only: no published translation is held for this verse.
आचन्द्रतारकं यावत् पीड्यन्ते विविधैश् चरैः । तथा पातकिनः सर्वे निरयेष्व् एषु सर्वदा
ācandratārakaṃ yāvat pīḍyante vividhaiś caraiḥ / tathā pātakinaḥ sarve nirayeṣv eṣu sarvadā
Sanskrit only: no published translation is held for this verse.
चतुर्दिक्षु सुपच्यन्ते नरकेषु न संशयः । उपपातकिनश् चापि तदर्द्धं यान्ति मानवाः
caturdikṣu supacyante narakeṣu na saṃśayaḥ / upapātakinaś cāpi tadarddhaṃ yānti mānavāḥ
Sanskrit only: no published translation is held for this verse.
मृत्युर् न ज्ञायते तात कदा कस्य भविष्यति । प्राप्ते चाकस्मिके मृत्यौ वर्षं विन्दति को नरः
mṛtyur na jñāyate tāta kadā kasya bhaviṣyati / prāpte cākasmike mṛtyau varṣaṃ vindati ko naraḥ
Sanskrit only: no published translation is held for this verse.
परित्यज्य यतः सर्वम् एकाकी यास्यसि ध्रुवम् । तस्मात् सर्वप्रयत्नेन सत्यधर्मपरो भव
parityajya yataḥ sarvam ekākī yāsyasi dhruvam / tasmāt sarvaprayatnena satyadharmaparo bhava
Sanskrit only: no published translation is held for this verse.
एतत् ते सर्वमाख्यातं नरकाणा तु लक्षणम्
etat te sarvamākhyātaṃ narakāṇā tu lakṣaṇam
Sanskrit only: no published translation is held for this verse.