धेनुः कतिविधा प्रोक्ता कस्मिन् काले च दीयते । सर्वोपस्करसंयुक्ता त्वत्त इच्छामि वेदितुम्
dhenuḥ katividhā proktā kasmin kāle ca dīyate / sarvopaskarasaṃyuktā tvatta icchāmi veditum
Sanskrit only: no published translation is held for this verse.
शृणु राजन् महाबाहो कथ्यमानं निबोध मे । कथयामि तवाख्यानम् आदिकल्पे कृते युगे
śṛṇu rājan mahābāho kathyamānaṃ nibodha me / kathayāmi tavākhyānam ādikalpe kṛte yuge
Sanskrit only: no published translation is held for this verse.
चक्रवर्ती शशाङ्को ऽभूत् सर्वधर्मभृतां वरः । न च वर्णयितुं शक्यः सत्यधर्मव्रते स्थितः
cakravartī śaśāṅko 'bhūt sarvadharmabhṛtāṃ varaḥ / na ca varṇayituṃ śakyaḥ satyadharmavrate sthitaḥ
Sanskrit only: no published translation is held for this verse.
बुभुजे स महीमेतामेकच्छत्रां समाहितः । नवखण्डां सप्तद्वीपा यथा शक्रो ऽमरावतीम्
bubhuje sa mahīmetāmekacchatrāṃ samāhitaḥ / navakhaṇḍāṃ saptadvīpā yathā śakro 'marāvatīm
Sanskrit only: no published translation is held for this verse.
हरिश्चन्द्रस्य तस्यापि संवादश् चक्रवर्तिनः । हरिश्चन्द्रः कुरुक्षेत्रे गवाम् अयुतम् उत्तमम्
hariścandrasya tasyāpi saṃvādaś cakravartinaḥ / hariścandraḥ kurukṣetre gavām ayutam uttamam
Sanskrit only: no published translation is held for this verse.
हेमभारमलङ्कारसर्वरत्नविभूषितम् । ब्रह्मर्षिर् मुद्गलो नाम स्वयं ब्रह्म प्रतिष्ठितः
hemabhāramalaṅkārasarvaratnavibhūṣitam / brahmarṣir mudgalo nāma svayaṃ brahma pratiṣṭhitaḥ
Sanskrit only: no published translation is held for this verse.
मुद्गलाश् च द्विजाः सर्वे सत्यधर्मपरायणाः । शतमष्टोत्तरं साग्रं ब्राह्मणा ब्रह्मवादिनः
mudgalāś ca dvijāḥ sarve satyadharmaparāyaṇāḥ / śatamaṣṭottaraṃ sāgraṃ brāhmaṇā brahmavādinaḥ
Sanskrit only: no published translation is held for this verse.
हरिश्चन्द्रो ददौ तेभ्यो राहुसूर्यसमागमे । द्विजान् सम्पूज्य विधिच्छ्रद्धया परया युतः
hariścandro dadau tebhyo rāhusūryasamāgame / dvijān sampūjya vidhicchraddhayā parayā yutaḥ
Sanskrit only: no published translation is held for this verse.
अर्चयित्वा महेशानं स्थानं परमसिद्धिदम् । चक्रपाणिं हृषीकेशं मुदा परमया युतः
arcayitvā maheśānaṃ sthānaṃ paramasiddhidam / cakrapāṇiṃ hṛṣīkeśaṃ mudā paramayā yutaḥ
Sanskrit only: no published translation is held for this verse.
सरस्वत्यां नृपश्रेष्ठ तिलदर्भान्वितस्य तु । दानस्यास्य प्रभावेण लोकास्तेनाखिला जिताः
sarasvatyāṃ nṛpaśreṣṭha tiladarbhānvitasya tu / dānasyāsya prabhāveṇa lokāstenākhilā jitāḥ
Sanskrit only: no published translation is held for this verse.
अन्तरिक्षे पुरी प्राप्ता सर्वलोकमनोहरा । हरिश्चन्द्रपुरी ख्याता सा ऽस्मिल् लोके चराचरे
antarikṣe purī prāptā sarvalokamanoharā / hariścandrapurī khyātā sā 'smil loke carācare
Sanskrit only: no published translation is held for this verse.
सत्यदानसर्वत्यागैर् इत्यादिभिर् अलंकृतः । हरिश्चन्द्रसमो राजा न भूतो न भविष्यति
satyadānasarvatyāgair ityādibhir alaṃkṛtaḥ / hariścandrasamo rājā na bhūto na bhaviṣyati
Sanskrit only: no published translation is held for this verse.
एवं गाथा पुरा गीता शक्राद्यैः सुरसत्तमैः । शशाङ्को ऽप्यकरोत् सर्वं नर्मदातीरमाश्रितः
evaṃ gāthā purā gītā śakrādyaiḥ surasattamaiḥ / śaśāṅko 'pyakarot sarvaṃ narmadātīramāśritaḥ
Sanskrit only: no published translation is held for this verse.
दानं यज्ञ तपः सत्यं पर्वते ऽमरकण्टके । ददौ चार्धप्रसूतां ब्राह्मणाय महात्मने
dānaṃ yajña tapaḥ satyaṃ parvate 'marakaṇṭake / dadau cārdhaprasūtāṃ brāhmaṇāya mahātmane
Sanskrit only: no published translation is held for this verse.
दानस्यास्य प्रभावेण हरिश्चन्द्राधिको ऽभवत् । अनेकभाविकं पापं दग्ध्वा तूलौघवच्छिखी
dānasyāsya prabhāveṇa hariścandrādhiko 'bhavat / anekabhāvikaṃ pāpaṃ dagdhvā tūlaughavacchikhī
Sanskrit only: no published translation is held for this verse.
यावद् वत्सस्य पादौ द्वौ मुखं योनौ प्रदृश्यते । तावद् गौः पृथिवी ज्ञेया सशैलवनकानना
yāvad vatsasya pādau dvau mukhaṃ yonau pradṛśyate / tāvad gauḥ pṛthivī jñeyā saśailavanakānanā
Sanskrit only: no published translation is held for this verse.
स्वर्णशृङ्गी रौप्यखुरी सवत्सा कांस्यदोहना । नर्मदास्नानयुक्ता तु सकुशा तिलसंयुता
svarṇaśṛṅgī raupyakhurī savatsā kāṃsyadohanā / narmadāsnānayuktā tu sakuśā tilasaṃyutā
Sanskrit only: no published translation is held for this verse.
ॐकारामरयोर् मध्ये कोटितीर्थे नराधिपः । एताः सहस्रसख्याता ब्राह्मणेभ्यो न्यवेदयत्
oṃkārāmarayor madhye koṭitīrthe narādhipaḥ / etāḥ sahasrasakhyātā brāhmaṇebhyo nyavedayat
Sanskrit only: no published translation is held for this verse.
एतस्मिन्न् अन्तरे नेदुर्देवदुन्दुभयो दिवि । तत्क्षणाद् यानम् आरूढो ज्वलन् मणिगणैर् इव
etasminn antare nedurdevadundubhayo divi / tatkṣaṇād yānam ārūḍho jvalan maṇigaṇair iva
Sanskrit only: no published translation is held for this verse.
स्तूयमानः समीपस्थैर् असंख्यातैर् विमानिभिः । धृतस्वर्णातपत्रस् तु वीज्यमानस् तु चामरैः
stūyamānaḥ samīpasthair asaṃkhyātair vimānibhiḥ / dhṛtasvarṇātapatras tu vījyamānas tu cāmaraiḥ
Sanskrit only: no published translation is held for this verse.
योजनानां सहस्रेण हरिश्चन्द्रो ऽप्य् अधः स्थितः । तद् दृष्ट्वा तादृशं कर्म शशाङ्कस्य विशाम्पतेः
yojanānāṃ sahasreṇa hariścandro 'py adhaḥ sthitaḥ / tad dṛṣṭvā tādṛśaṃ karma śaśāṅkasya viśāmpateḥ
Sanskrit only: no published translation is held for this verse.
स विनिन्द्य कुरुक्षेत्रं विस्मयाविष्टचेतनः । महानद्यां शशाङ्केन राहुसोमसमागमे
sa vinindya kurukṣetraṃ vismayāviṣṭacetanaḥ / mahānadyāṃ śaśāṅkena rāhusomasamāgame
Sanskrit only: no published translation is held for this verse.
दत्तं दानं न सामान्यं भवेद् इति समासतः । विषण्णवदनो भूत्वा हरिश्चन्द्रो नृपोत्तमः
dattaṃ dānaṃ na sāmānyaṃ bhaved iti samāsataḥ / viṣaṇṇavadano bhūtvā hariścandro nṛpottamaḥ
Sanskrit only: no published translation is held for this verse.
ब्रह्मलोकं गतः क्षिप्रं यत्र लोकेश्वरः प्रभुः । अभिवाद्य यथा न्यायं पप्रच्छ स पितामहम्
brahmalokaṃ gataḥ kṣipraṃ yatra lokeśvaraḥ prabhuḥ / abhivādya yathā nyāyaṃ papraccha sa pitāmaham
Sanskrit only: no published translation is held for this verse.
दानेन निर्जिता देवाः शशाङ्केन महात्मना । किं च पुण्यमिदं ब्रह्मन् कुरुक्षेत्राद् विशिष्यते
dānena nirjitā devāḥ śaśāṅkena mahātmanā / kiṃ ca puṇyamidaṃ brahman kurukṣetrād viśiṣyate
Sanskrit only: no published translation is held for this verse.
अमरेश्वरतीर्थं तु नाम रेवासमुद्भवम् । केनापि न समं भूतम् उपर्युपरि दीप्यते
amareśvaratīrthaṃ tu nāma revāsamudbhavam / kenāpi na samaṃ bhūtam uparyupari dīpyate
Sanskrit only: no published translation is held for this verse.
इति श्रुत्वा वचस् तस्य हरिश्चन्द्रस्य धीमतः । उवाच वचनं ब्रह्मा हरिश्चन्द्रं नृपोत्तमम्
iti śrutvā vacas tasya hariścandrasya dhīmataḥ / uvāca vacanaṃ brahmā hariścandraṃ nṛpottamam
Sanskrit only: no published translation is held for this verse.
विषादं त्यज राजेन्द्र गहना कर्मणां गतिः । शशाङ्कसदृशो राजा न दृष्टो न श्रुतो मया
viṣādaṃ tyaja rājendra gahanā karmaṇāṃ gatiḥ / śaśāṅkasadṛśo rājā na dṛṣṭo na śruto mayā
Sanskrit only: no published translation is held for this verse.
एवं वक्तुं न योग्यो ऽहं न देवापि सवासवाः । अनेकानि सहस्राणि पुरा वै चक्रवर्तिना
evaṃ vaktuṃ na yogyo 'haṃ na devāpi savāsavāḥ / anekāni sahasrāṇi purā vai cakravartinā
Sanskrit only: no published translation is held for this verse.
इष्टानि च विधानेन पर्वते ऽमरकण्टके । राहुसूर्यसमायोगे तीर्थलक्षाणि भारत
iṣṭāni ca vidhānena parvate 'marakaṇṭake / rāhusūryasamāyoge tīrthalakṣāṇi bhārata
Sanskrit only: no published translation is held for this verse.
सरस्वतीं कुरुक्षेत्रं पुष्करं नैमिषं तथा । तीर्थान्य् एतानि चान्यानि स्नानं कर्तुं समाययुः
sarasvatīṃ kurukṣetraṃ puṣkaraṃ naimiṣaṃ tathā / tīrthāny etāni cānyāni snānaṃ kartuṃ samāyayuḥ
Sanskrit only: no published translation is held for this verse.
मेकलायां हरिश्चन्द्र कोटितीर्थे नराधिप । तीर्थानां त्यज राजेन्द्र साम्यं मेकलया सह
mekalāyāṃ hariścandra koṭitīrthe narādhipa / tīrthānāṃ tyaja rājendra sāmyaṃ mekalayā saha
Sanskrit only: no published translation is held for this verse.
वाराणस्या कुरुक्षेत्रं तोलितं च मया पुरा । तीर्थानि न समं यान्ति तीर्थस्यास्य प्रभावतः
vārāṇasyā kurukṣetraṃ tolitaṃ ca mayā purā / tīrthāni na samaṃ yānti tīrthasyāsya prabhāvataḥ
Sanskrit only: no published translation is held for this verse.
ख्यातमात्रं कुरुक्षेत्रं लोकयात्राप्रवर्तकम् । पुराणं न श्रुतं यैस् तु मिथ्याज्ञानसमन्वितैः
khyātamātraṃ kurukṣetraṃ lokayātrāpravartakam / purāṇaṃ na śrutaṃ yais tu mithyājñānasamanvitaiḥ
Sanskrit only: no published translation is held for this verse.
सेव्यतां कल्पगा देवी यदीच्छेत् परमं पदम् । नमस्कृत्य विधातारम् अयोध्याधिपतिस् तदा
sevyatāṃ kalpagā devī yadīcchet paramaṃ padam / namaskṛtya vidhātāram ayodhyādhipatis tadā
Sanskrit only: no published translation is held for this verse.
मुदा परमया युक्तः स ययाव् अमरेश्वरम् । एतत् सर्वं समाख्यातं यथावत् तव सुव्रत
mudā paramayā yuktaḥ sa yayāv amareśvaram / etat sarvaṃ samākhyātaṃ yathāvat tava suvrata
Sanskrit only: no published translation is held for this verse.
यः शृणोति नरो राजन् गोसहस्रफलं लभेत्
yaḥ śṛṇoti naro rājan gosahasraphalaṃ labhet
Sanskrit only: no published translation is held for this verse.