श्रुत्वैतत् परमं गुह्यं गवां देवसम् उद्भवम् । ब्रह्मकूर्चस्य माहात्म्यं श्रोतुम् इच्छामि तत्त्वतः
śrutvaitat paramaṃ guhyaṃ gavāṃ devasam udbhavam / brahmakūrcasya māhātmyaṃ śrotum icchāmi tattvataḥ
Sanskrit only: no published translation is held for this verse.
आख्याहि भगवन् सर्वं गोलोकः कीदृशः स्मृतः । प्राप्यते कर्मणा केन के तस्मिन्न् अनिशं स्थिताः
ākhyāhi bhagavan sarvaṃ golokaḥ kīdṛśaḥ smṛtaḥ / prāpyate karmaṇā kena ke tasminn aniśaṃ sthitāḥ
Sanskrit only: no published translation is held for this verse.
श्रूयताम् अभिधास्यामि नमस्कृत्य महेश्वरम् । गोमातृलोकं परमं सर्वकाम् असमन्वितम्
śrūyatām abhidhāsyāmi namaskṛtya maheśvaram / gomātṛlokaṃ paramaṃ sarvakām asamanvitam
Sanskrit only: no published translation is held for this verse.
यथावत् सर्वलोकानाम् उपर्युपरि संस्थितम् । पातालानि ततः सप्त पातालं च ततस् तथा
yathāvat sarvalokānām uparyupari saṃsthitam / pātālāni tataḥ sapta pātālaṃ ca tatas tathā
Sanskrit only: no published translation is held for this verse.
यावत् प्रमाणं परितः परिच्छिन्नं महीतलम् । तावत् प्रमाणं तस्याः समुद्रास् तानि चैव तु
yāvat pramāṇaṃ paritaḥ paricchinnaṃ mahītalam / tāvat pramāṇaṃ tasyāḥ samudrās tāni caiva tu
Sanskrit only: no published translation is held for this verse.
तेषां प्रत्येकम् उत्सेधप्रमाणं परिकीर्तितम् । योजनानां सहस्राणि दशार्धानि ततस् ततः
teṣāṃ pratyekam utsedhapramāṇaṃ parikīrtitam / yojanānāṃ sahasrāṇi daśārdhāni tatas tataḥ
Sanskrit only: no published translation is held for this verse.
सहस्रयोजनोत्सेधस् तस्याभ्यन्तरतस् तथा । विवराणां समस्तानां सहस्राणि नव स्मृतम्
sahasrayojanotsedhas tasyābhyantaratas tathā / vivarāṇāṃ samastānāṃ sahasrāṇi nava smṛtam
Sanskrit only: no published translation is held for this verse.
तेषां रुचिरमाहात्म्यं नामतस् तु महीतले । दिव्यदिव्योपसम्पन्नः श्रीमच्चामीकरद्युतिः
teṣāṃ ruciramāhātmyaṃ nāmatas tu mahītale / divyadivyopasampannaḥ śrīmaccāmīkaradyutiḥ
Sanskrit only: no published translation is held for this verse.
नागराजः सदैवास्ते तस्मिन् कृतनिकेतनः । अनन्तो ऽनन्तधामा च मुकुन्दो नृपशैवलः
nāgarājaḥ sadaivāste tasmin kṛtaniketanaḥ / ananto 'nantadhāmā ca mukundo nṛpaśaivalaḥ
Sanskrit only: no published translation is held for this verse.
ततो रसातलं नाम शिवसन्तोषभूमिकम् । वासुकेर् नागराजस्य तत्र चारु महापुरम्
tato rasātalaṃ nāma śivasantoṣabhūmikam / vāsuker nāgarājasya tatra cāru mahāpuram
Sanskrit only: no published translation is held for this verse.
पुर च सुरलोम्नस् तु दानवाधिपतेर् महत् । सुपर्णस्य च दैत्यानाम् अशेषाणां महात्मनाम्
pura ca suralomnas tu dānavādhipater mahat / suparṇasya ca daityānām aśeṣāṇāṃ mahātmanām
Sanskrit only: no published translation is held for this verse.
ततः सुतलनामास्ति शर्कराञ्चितभूमिकम् । नागादीनां स्वस्तिकानां तत्रैव वसतिः सदा
tataḥ sutalanāmāsti śarkarāñcitabhūmikam / nāgādīnāṃ svastikānāṃ tatraiva vasatiḥ sadā
Sanskrit only: no published translation is held for this verse.
दानवाधिपतीनां च तत्रैव निलयः परः । वैरोचनहिरण्याख्यप्रभृतीनां महात्मनाम्
dānavādhipatīnāṃ ca tatraiva nilayaḥ paraḥ / vairocanahiraṇyākhyaprabhṛtīnāṃ mahātmanām
Sanskrit only: no published translation is held for this verse.
ततश्चातलम् इत्युक्तं पातालानां तस्य तु वै । तेषाम् ऊर्ध्ववस्तुसर्वेषां मृन्मयं च तलं क्षितेः
tataścātalam ityuktaṃ pātālānāṃ tasya tu vai / teṣām ūrdhvavastusarveṣāṃ mṛnmayaṃ ca talaṃ kṣiteḥ
Sanskrit only: no published translation is held for this verse.
असुराधिपतेस् तावत् कालनेमेर्महापुरम् । चारुचामीकराभासं वैनतेयस्य चापरम्
asurādhipates tāvat kālanemermahāpuram / cārucāmīkarābhāsaṃ vainateyasya cāparam
Sanskrit only: no published translation is held for this verse.
ततश् च वितलं नाम पातालं रक्तभूतलम् । तस्मिन् महान्तको नाम दानवेन्द्रकृतालयः
tataś ca vitalaṃ nāma pātālaṃ raktabhūtalam / tasmin mahāntako nāma dānavendrakṛtālayaḥ
Sanskrit only: no published translation is held for this verse.
तालको ऽग्निमुखस् तस्मिन् नलह्रादश् च दानवाः । निवसन्ति कृतागारास् तथा प्रह्लादवर्चसः
tālako 'gnimukhas tasmin nalahrādaś ca dānavāḥ / nivasanti kṛtāgārās tathā prahlādavarcasaḥ
Sanskrit only: no published translation is held for this verse.
पातालं वितलं नाम शुक्लं क्षितितलं ततः । कम्बलाश्वतरौ नागौ सहितौ तत्र तिष्ठतः
pātālaṃ vitalaṃ nāma śuklaṃ kṣititalaṃ tataḥ / kambalāśvatarau nāgau sahitau tatra tiṣṭhataḥ
Sanskrit only: no published translation is held for this verse.
महाजम्भहयग्रीवप्रभृतीनां महात्मनाम् । वाराणस्यसुरेन्द्राणां निवासस् तत्रकल्पितः
mahājambhahayagrīvaprabhṛtīnāṃ mahātmanām / vārāṇasyasurendrāṇāṃ nivāsas tatrakalpitaḥ
Sanskrit only: no published translation is held for this verse.
कृष्णं क्षितितलं तस्मात् पातालतलसंज्ञकम् । शङ्कुकर्णमहानादनमुचीनां निकेतनम्
kṛṣṇaṃ kṣititalaṃ tasmāt pātālatalasaṃjñakam / śaṅkukarṇamahānādanamucīnāṃ niketanam
Sanskrit only: no published translation is held for this verse.
पातालात् सप्तमाद् ऊर्ध्वं सप्तद्वीपा मही स्थिता । समुद्रैः सप्तभिर् युक्ता पर्वतैः समलंकृता
pātālāt saptamād ūrdhvaṃ saptadvīpā mahī sthitā / samudraiḥ saptabhir yuktā parvataiḥ samalaṃkṛtā
Sanskrit only: no published translation is held for this verse.
जम्बूद्वीपश् च तन् मध्ये प्लक्षद्वीपस् ततः परः
jambūdvīpaś ca tan madhye plakṣadvīpas tataḥ paraḥ
Sanskrit only: no published translation is held for this verse.
क्रौञ्चद्वीपश् च परतः शाकद्वीपश् च तद्बहिः । परतः पुष्करद्वीपः सप्तमः परिकीर्तितः
krauñcadvīpaś ca parataḥ śākadvīpaś ca tadbahiḥ / parataḥ puṣkaradvīpaḥ saptamaḥ parikīrtitaḥ
Sanskrit only: no published translation is held for this verse.
क्षारोदकश् चेक्षुरसः सुरोदश् च घृतोदधिः । दधितोयः क्षीरपूर्णः स्वादूदः सप्तमः स्मृतः
kṣārodakaś cekṣurasaḥ surodaś ca ghṛtodadhiḥ / dadhitoyaḥ kṣīrapūrṇaḥ svādūdaḥ saptamaḥ smṛtaḥ
Sanskrit only: no published translation is held for this verse.
सप्तद्वीपसमुद्राणां द्विगुणद्विगुणान्तरः । प्रमाणविस्तरो ज्ञेयो नियुतः प्रथमः स्मृतः
saptadvīpasamudrāṇāṃ dviguṇadviguṇāntaraḥ / pramāṇavistaro jñeyo niyutaḥ prathamaḥ smṛtaḥ
Sanskrit only: no published translation is held for this verse.
हिमवान् हेमकूटश् च निषधश् चेति दक्षिणे । नीलश् च श्वेतः शृङ्गश् च मेरोरुत्तरतः स्मृताः
himavān hemakūṭaś ca niṣadhaś ceti dakṣiṇe / nīlaś ca śvetaḥ śṛṅgaś ca meroruttarataḥ smṛtāḥ
Sanskrit only: no published translation is held for this verse.
मेरुर् अस्ति स्थितो मध्ये जम्बूद्वीपस्य भारत । माल्यवान् पूर्वतो ज्ञेयः पश्चिमे गन्धमादनः
merur asti sthito madhye jambūdvīpasya bhārata / mālyavān pūrvato jñeyaḥ paścime gandhamādanaḥ
Sanskrit only: no published translation is held for this verse.
एते पर्वतराजानो जम्बूद्वीपे नव स्मृताः । प्लक्षद्वीपादिषु ज्ञेयाः सप्तसप्तैव पर्वताः
ete parvatarājāno jambūdvīpe nava smṛtāḥ / plakṣadvīpādiṣu jñeyāḥ saptasaptaiva parvatāḥ
Sanskrit only: no published translation is held for this verse.
पुष्करद्वीपमध्ये तु पर्वतो वलयाकृतिः । एकः स्मृतः समन्ताच् च नामतो मानसः स्मृतः
puṣkaradvīpamadhye tu parvato valayākṛtiḥ / ekaḥ smṛtaḥ samantāc ca nāmato mānasaḥ smṛtaḥ
Sanskrit only: no published translation is held for this verse.
विन्ध्यो नाम महाभागो जम्बूद्वीपे व्यवस्थितः । यत्रैषा नर्मदादेवी प्लवन्ती लोकतारिणी
vindhyo nāma mahābhāgo jambūdvīpe vyavasthitaḥ / yatraiṣā narmadādevī plavantī lokatāriṇī
Sanskrit only: no published translation is held for this verse.
विन्ध्यस्य चानुजो भ्राता सह्यो दक्षिणतः स्मृतः । उर्वी कूर्मतलाकारा काञ्चनी परिमण्डला
vindhyasya cānujo bhrātā sahyo dakṣiṇataḥ smṛtaḥ / urvī kūrmatalākārā kāñcanī parimaṇḍalā
Sanskrit only: no published translation is held for this verse.
अणुरेव तथा सा तु निर्दिष्टातिविदः क्षितिः । तस्याः प्रमाणं निर्दिष्टं दशयोजनकोटयः
aṇureva tathā sā tu nirdiṣṭātividaḥ kṣitiḥ / tasyāḥ pramāṇaṃ nirdiṣṭaṃ daśayojanakoṭayaḥ
Sanskrit only: no published translation is held for this verse.
लोकालोक इति ख्यातस् तस्याः प्रान्ते समन्ततः । स्फीतो हेममयः श्रीमान् सरलः परिमण्डलः
lokāloka iti khyātas tasyāḥ prānte samantataḥ / sphīto hemamayaḥ śrīmān saralaḥ parimaṇḍalaḥ
Sanskrit only: no published translation is held for this verse.
योजनानां सहस्राणि चार्धमस्य व्यवस्थितम् । तावदेव च विस्तीर्णं तदर्धे भानुराहितः
yojanānāṃ sahasrāṇi cārdhamasya vyavasthitam / tāvadeva ca vistīrṇaṃ tadardhe bhānurāhitaḥ
Sanskrit only: no published translation is held for this verse.
प्रकाशयति स ज्योतिः परभागे निहन्यते । लोकालोक इति प्रोक्तस् ततो ऽसावचलो महान्
prakāśayati sa jyotiḥ parabhāge nihanyate / lokāloka iti proktas tato 'sāvacalo mahān
Sanskrit only: no published translation is held for this verse.
लोकालोकावसानो ऽयं भूर्लोकः परिकीर्तितः । गन्धर्वयक्षरक्षोभिः पिशाचैश् च निषेवितः
lokālokāvasāno 'yaṃ bhūrlokaḥ parikīrtitaḥ / gandharvayakṣarakṣobhiḥ piśācaiś ca niṣevitaḥ
Sanskrit only: no published translation is held for this verse.
मानुषैः पशुभिश् चैव मृगपक्षिसरीसृपैः । स्थावरैर्विविधाकारैर् भूतैर् एतैश् च षड्विधैः
mānuṣaiḥ paśubhiś caiva mṛgapakṣisarīsṛpaiḥ / sthāvarairvividhākārair bhūtair etaiś ca ṣaḍvidhaiḥ
Sanskrit only: no published translation is held for this verse.
भूर्लोकश् च भुवर्लोको यावद् आदित्यमण्डलम् । वसन्ति सततं रुद्रास् सततं वक्त्रभास्कराः
bhūrlokaś ca bhuvarloko yāvad ādityamaṇḍalam / vasanti satataṃ rudrās satataṃ vaktrabhāskarāḥ
Sanskrit only: no published translation is held for this verse.
आदित्यमण्डलादूर्ध्वं स्मृता स्वर्लोकसंस्थितिः । विमानकोटयस् तस्मिन्न् अष्टाविंशतिराशयः
ādityamaṇḍalādūrdhvaṃ smṛtā svarlokasaṃsthitiḥ / vimānakoṭayas tasminn aṣṭāviṃśatirāśayaḥ
Sanskrit only: no published translation is held for this verse.
मेढीभूतो विमानानां सर्वेषाम् उपरि ध्रुवः । नियुता अनिलस्कन्धाः सप्तास्मिन्न् अन्तरे स्थिताः
meḍhībhūto vimānānāṃ sarveṣām upari dhruvaḥ / niyutā anilaskandhāḥ saptāsminn antare sthitāḥ
Sanskrit only: no published translation is held for this verse.
पृथिव्याः प्रथमः स्कन्धः स्थितश् चामेघमण्डलम् । आहवो नाम वै वातो व्यूहानां व्यूहकृत् तथा
pṛthivyāḥ prathamaḥ skandhaḥ sthitaś cāmeghamaṇḍalam / āhavo nāma vai vāto vyūhānāṃ vyūhakṛt tathā
Sanskrit only: no published translation is held for this verse.
द्वितीयः प्रवहो नाम निबद्धः सूर्यमण्डले । तृतीयः संवहो माम सुस्कन्धो ऽसौ प्रतिष्ठितः
dvitīyaḥ pravaho nāma nibaddhaḥ sūryamaṇḍale / tṛtīyaḥ saṃvaho māma suskandho 'sau pratiṣṭhitaḥ
Sanskrit only: no published translation is held for this verse.
चतुर्थः सोद्वहः स्कन्धः स्थितो नक्षत्रमण्डले । ततो द्वयोर् विनिर्दिष्टा विमानोद्वहनक्रिया
caturthaḥ sodvahaḥ skandhaḥ sthito nakṣatramaṇḍale / tato dvayor vinirdiṣṭā vimānodvahanakriyā
Sanskrit only: no published translation is held for this verse.
योजनानां ध्रुवः कोटिर् महर्लोकः समुच्छ्रितः । स्कन्धः परिवहो नाम निबद्धः सप्तमो ध्रुवे
yojanānāṃ dhruvaḥ koṭir maharlokaḥ samucchritaḥ / skandhaḥ parivaho nāma nibaddhaḥ saptamo dhruve
Sanskrit only: no published translation is held for this verse.
अन्नादीनि करोत्य् एष पर्वणाम् उपरि स्थितः । विनिर्वृत्तं विकाराणाम् अधिवासो महात्मनाम्
annādīni karoty eṣa parvaṇām upari sthitaḥ / vinirvṛttaṃ vikārāṇām adhivāso mahātmanām
Sanskrit only: no published translation is held for this verse.
तत्राधिकारिदेवानाम् अष्टाविंशति कोटयः । जनात् स्वर्लोकम् आगत्य नियोगात् पद्मजन्मनः
tatrādhikāridevānām aṣṭāviṃśati koṭayaḥ / janāt svarlokam āgatya niyogāt padmajanmanaḥ
Sanskrit only: no published translation is held for this verse.
स्थिता मन्वन्तरं तत्र स्वव्यापारावसायिनः । आरुह्य च महर्लोकम् आगच्छन्ति ततः पुनः
sthitā manvantaraṃ tatra svavyāpārāvasāyinaḥ / āruhya ca maharlokam āgacchanti tataḥ punaḥ
Sanskrit only: no published translation is held for this verse.
ब्रह्मणो दिवसैकेन देवाः स्वर्गे चतुर्दश । क्रमेण कृत्वा कर्माणि महर्लोके वसन्ति ते
brahmaṇo divasaikena devāḥ svarge caturdaśa / krameṇa kṛtvā karmāṇi maharloke vasanti te
Sanskrit only: no published translation is held for this verse.
कोटिद्वयं महर्लोकाज् जनलोकः समुच्छ्रितः । साध्यानाम् असुरास् तत्र वसन्ति सुखिनः सदा
koṭidvayaṃ maharlokāj janalokaḥ samucchritaḥ / sādhyānām asurās tatra vasanti sukhinaḥ sadā
Sanskrit only: no published translation is held for this verse.
योजनानां चतुःकोट्यः जनाद् अप्य् उच्छ्रितं तपः । प्रजानां पतयस् तत्र स्थितास् तु ब्रह्मणः सुताः
yojanānāṃ catuḥkoṭyaḥ janād apy ucchritaṃ tapaḥ / prajānāṃ patayas tatra sthitās tu brahmaṇaḥ sutāḥ
Sanskrit only: no published translation is held for this verse.
सत्यलोकस् तपोलोकात् कोटिषट्कं समुच्छ्रितम् । आस्ते परिवृतस् तत्र देवासुरगणैर् विराट्
satyalokas tapolokāt koṭiṣaṭkaṃ samucchritam / āste parivṛtas tatra devāsuragaṇair virāṭ
Sanskrit only: no published translation is held for this verse.
ब्रह्मलोकाद् विष्णुलोको द्विगुणेन समुच्छ्रितः । विस्तरेण तदूर्ध्वे च दिव्यलोकः समन्वितः
brahmalokād viṣṇuloko dviguṇena samucchritaḥ / vistareṇa tadūrdhve ca divyalokaḥ samanvitaḥ
Sanskrit only: no published translation is held for this verse.
विष्णुलोकाच् च परतः श्रीमच् छिवपुरं महत् । द्वाविंशत् कोटिविस्तीर्णं तदूर्ध्वे समुपस्थितम्
viṣṇulokāc ca parataḥ śrīmac chivapuraṃ mahat / dvāviṃśat koṭivistīrṇaṃ tadūrdhve samupasthitam
Sanskrit only: no published translation is held for this verse.
सूर्यायुतप्रतीकाशं सर्वकामसमन्वितम् । अनेकारण्यविन्यासं स्वर्गनद्युपशोभितम्
sūryāyutapratīkāśaṃ sarvakāmasamanvitam / anekāraṇyavinyāsaṃ svarganadyupaśobhitam
Sanskrit only: no published translation is held for this verse.
सर्वरत्नान्वितैर् दिव्यैस् तप्तजाम्बूनदप्रभैः । सहस्रखण्डभौमैश् च सर्वशोभासमन्वितैः
sarvaratnānvitair divyais taptajāmbūnadaprabhaiḥ / sahasrakhaṇḍabhaumaiś ca sarvaśobhāsamanvitaiḥ
Sanskrit only: no published translation is held for this verse.
विमानैः सर्वतो व्याप्तं चन्द्रैर् इवनभस्तलम् । अप्सरोगणसंकीर्णं सर्वविद्याधरान्वितम्
vimānaiḥ sarvato vyāptaṃ candrair ivanabhastalam / apsarogaṇasaṃkīrṇaṃ sarvavidyādharānvitam
Sanskrit only: no published translation is held for this verse.
नृत्यगीतरवोपेतैर् अप्रमेयगुणान्वितैः । मनोजवैर् असंख्यातैः परिवारसमन्वितैः
nṛtyagītaravopetair aprameyaguṇānvitaiḥ / manojavair asaṃkhyātaiḥ parivārasamanvitaiḥ
Sanskrit only: no published translation is held for this verse.
क्वचिद् दोलागृहैर् रम्यैः किङ्किणीर् अवकान्वितैः । उद्गतैर् अर्धचन्द्रैश् च घण्टाभरणभूषितैः
kvacid dolāgṛhair ramyaiḥ kiṅkiṇīr avakānvitaiḥ / udgatair ardhacandraiś ca ghaṇṭābharaṇabhūṣitaiḥ
Sanskrit only: no published translation is held for this verse.
मणिमुक्तावितानैश् च मणिरत्नचयैः शुभैः । सर्वरत्नार्चितैर् द्रव्यैर् मुक्तादामसुशोभनैः
maṇimuktāvitānaiś ca maṇiratnacayaiḥ śubhaiḥ / sarvaratnārcitair dravyair muktādāmasuśobhanaiḥ
Sanskrit only: no published translation is held for this verse.
महासिंहासनैर् दिव्यैः सर्वरत्नविभूषितैः । क्वचित् पुण्यगृहैर् व्याप्तम् असंख्यगुणान्वितैः
mahāsiṃhāsanair divyaiḥ sarvaratnavibhūṣitaiḥ / kvacit puṇyagṛhair vyāptam asaṃkhyaguṇānvitaiḥ
Sanskrit only: no published translation is held for this verse.
सदा पुष्पफलैर् वृक्षैः क्वचिद् व्याप्तं मनोरमैः । पुष्पोद्यानैर् महारम्यैः शतशो ऽथ सहस्रशः
sadā puṣpaphalair vṛkṣaiḥ kvacid vyāptaṃ manoramaiḥ / puṣpodyānair mahāramyaiḥ śataśo 'tha sahasraśaḥ
Sanskrit only: no published translation is held for this verse.
सप्तकल्पवहा पुण्या तत्रैवास्ते सरिद्वरा । तत्कलायाः सहस्रांशो जम्बूद्वीपे प्रदृश्यते
saptakalpavahā puṇyā tatraivāste saridvarā / tatkalāyāḥ sahasrāṃśo jambūdvīpe pradṛśyate
Sanskrit only: no published translation is held for this verse.
अवतीर्णा महीपृष्ठे लोकानुग्रहकाम्यया । सर्वात्मना ऽवतारश् च गङ्गादिसरिताम् इह
avatīrṇā mahīpṛṣṭhe lokānugrahakāmyayā / sarvātmanā 'vatāraś ca gaṅgādisaritām iha
Sanskrit only: no published translation is held for this verse.
अमृतस्यन्दिनीभिश् च नदीभिर् उपशोभितम् । हेमरत्नाञ्चिता वाप्यः सोपानैः स्फाटिकैर् युताः
amṛtasyandinībhiś ca nadībhir upaśobhitam / hemaratnāñcitā vāpyaḥ sopānaiḥ sphāṭikair yutāḥ
Sanskrit only: no published translation is held for this verse.
सितरक्तासितैः पीतैः सरोजैर्याः सुगन्धिभिः । पञ्चवर्णैश् च गुरुभिः शोभिताः काञ्चनाकुलैः
sitaraktāsitaiḥ pītaiḥ sarojairyāḥ sugandhibhiḥ / pañcavarṇaiś ca gurubhiḥ śobhitāḥ kāñcanākulaiḥ
Sanskrit only: no published translation is held for this verse.
महाविकाशि संस्निग्धैः श्रीमद्भिः पञ्चहस्तकैः । दश द्वादशहस्तैश् च तथा विंशतिहस्तकैः
mahāvikāśi saṃsnigdhaiḥ śrīmadbhiḥ pañcahastakaiḥ / daśa dvādaśahastaiś ca tathā viṃśatihastakaiḥ
Sanskrit only: no published translation is held for this verse.
नालैर् मरकतप्रख्यैर् मनोहरदलान्वितैः । पूर्णनीलोत्पलैश् चान्यैर् दीर्घिकाश् च क्वचित् क्वचित्
nālair marakataprakhyair manoharadalānvitaiḥ / pūrṇanīlotpalaiś cānyair dīrghikāś ca kvacit kvacit
Sanskrit only: no published translation is held for this verse.
सिंहव्याघ्रमुखैर् दिव्यैर् गजवाजिमृगाननैः । गोमुखैश् छागवदनैः कपिपक्षिमुखैस् तथा
siṃhavyāghramukhair divyair gajavājimṛgānanaiḥ / gomukhaiś chāgavadanaiḥ kapipakṣimukhais tathā
Sanskrit only: no published translation is held for this verse.
एकवक्त्रैर् महावक्त्रैर् बहुवक्त्रैर् अवक्त्रकैः । एकपादैस् त्रिपादैश् च बहुपादैर् अपादकैः
ekavaktrair mahāvaktrair bahuvaktrair avaktrakaiḥ / ekapādais tripādaiś ca bahupādair apādakaiḥ
Sanskrit only: no published translation is held for this verse.
वामनैर् जटिलैर् मुण्डैर् दीर्घग्रीवैर् महोदरैः । महाकायैर् महानासैर् महाकर्णैर् अकर्णकैः
vāmanair jaṭilair muṇḍair dīrghagrīvair mahodaraiḥ / mahākāyair mahānāsair mahākarṇair akarṇakaiḥ
Sanskrit only: no published translation is held for this verse.
नानारूपाकृतिधरैर् नानाभरणभूषितैः । नानावेषधरैर् दिव्यैः कामरूपैर् महाबलैः
nānārūpākṛtidharair nānābharaṇabhūṣitaiḥ / nānāveṣadharair divyaiḥ kāmarūpair mahābalaiḥ
Sanskrit only: no published translation is held for this verse.
नानाप्रभावसंयुक्तैर् नानाशास्त्रविशारदैः । असंख्या जातयश् चान्या निवसन्ति तथा विधाः
nānāprabhāvasaṃyuktair nānāśāstraviśāradaiḥ / asaṃkhyā jātayaś cānyā nivasanti tathā vidhāḥ
Sanskrit only: no published translation is held for this verse.
कुब्जावामनकादीर्घा वरदेहा वराननाः । मुण्डाश् च विकटा नीचा ह्रस्वदीर्घश् च तादृशाः
kubjāvāmanakādīrghā varadehā varānanāḥ / muṇḍāś ca vikaṭā nīcā hrasvadīrghaś ca tādṛśāḥ
Sanskrit only: no published translation is held for this verse.
लम्बोदरा ह्रस्वभुजा विनता ह्रस्वजानुकाः । मृगेन्द्रवदनाश् चान्या गजवाजिमुखास् तथा
lambodarā hrasvabhujā vinatā hrasvajānukāḥ / mṛgendravadanāś cānyā gajavājimukhās tathā
Sanskrit only: no published translation is held for this verse.
ह्रस्वकुञ्चितकेशाश् च सुन्दरप्रियदर्शनाः । पञ्चाशत्कोटयस् तत्र शिवस्य परिचारिकाः
hrasvakuñcitakeśāś ca sundarapriyadarśanāḥ / pañcāśatkoṭayas tatra śivasya paricārikāḥ
Sanskrit only: no published translation is held for this verse.
मणिमाणिक्यगेहेषु रमन्ते ता बहिः क्वचित् । तत्र गेहेषु यद् द्वारिसहस्रशतभूमिषु
maṇimāṇikyageheṣu ramante tā bahiḥ kvacit / tatra geheṣu yad dvārisahasraśatabhūmiṣu
Sanskrit only: no published translation is held for this verse.
विचित्रभूमयस् तत्र वज्रवैदूर्यभूषिताः । इति सर्वगुणोपेतैः स्त्रीसहस्रैर् वराननैः
vicitrabhūmayas tatra vajravaidūryabhūṣitāḥ / iti sarvaguṇopetaiḥ strīsahasrair varānanaiḥ
Sanskrit only: no published translation is held for this verse.
असंख्यातैः पुरं व्याप्तम् ईश्वरस्य समन्ततः । तन् मध्ये सर्वतोभद्रं दिव्यमायतनं महत्
asaṃkhyātaiḥ puraṃ vyāptam īśvarasya samantataḥ / tan madhye sarvatobhadraṃ divyamāyatanaṃ mahat
Sanskrit only: no published translation is held for this verse.
शुद्धस्फटिकसंकाशं स्थानम् आद्यम् उमापतेः । तत्रास्ते भगवान् सोमः पूज्यमानो गणेश्वरैः
śuddhasphaṭikasaṃkāśaṃ sthānam ādyam umāpateḥ / tatrāste bhagavān somaḥ pūjyamāno gaṇeśvaraiḥ
Sanskrit only: no published translation is held for this verse.
सिद्धैः स्वस्थानसंप्राप्तैर् ब्रह्मविष्ण्वादिभिस् तथा । धर्मस् तत्र स्थितः श्रीमानीश्वरायतने ऽनघ
siddhaiḥ svasthānasaṃprāptair brahmaviṣṇvādibhis tathā / dharmas tatra sthitaḥ śrīmānīśvarāyatane 'nagha
Sanskrit only: no published translation is held for this verse.
यत्र वीरवृषः तत्र नित्यं गोमातरः स्थिताः । तत्र सा नर्मदादेवी पूज्यमाना सुरासुरैः
yatra vīravṛṣaḥ tatra nityaṃ gomātaraḥ sthitāḥ / tatra sā narmadādevī pūjyamānā surāsuraiḥ
Sanskrit only: no published translation is held for this verse.
तेनोदकेन तृप्यन्ति गोवत्साः सर्वदेवताः । ब्रह्माविष्णुः सुरेशान उमया सहितो ऽनघ
tenodakena tṛpyanti govatsāḥ sarvadevatāḥ / brahmāviṣṇuḥ sureśāna umayā sahito 'nagha
Sanskrit only: no published translation is held for this verse.
सुराश् च ऋषयो भूताः पितरो मातरस् तथा । स लोकः शिवलोको ऽत्र नर्मदालोक एव च
surāś ca ṛṣayo bhūtāḥ pitaro mātaras tathā / sa lokaḥ śivaloko 'tra narmadāloka eva ca
Sanskrit only: no published translation is held for this verse.
ये गुणा रुद्रलोकस्य गोलोकस्य तथैव च । नन्दा भद्रा सुभद्रा च सुशीला सुरभिस् तथा
ye guṇā rudralokasya golokasya tathaiva ca / nandā bhadrā subhadrā ca suśīlā surabhis tathā
Sanskrit only: no published translation is held for this verse.
इति गोमातरः पञ्च शिवलोकविनिर्गताः । षष्ठी तु नर्मदादेवी लोकानुग्रहकाम्यया
iti gomātaraḥ pañca śivalokavinirgatāḥ / ṣaṣṭhī tu narmadādevī lokānugrahakāmyayā
Sanskrit only: no published translation is held for this verse.
एताः सर्वा जगत्सर्वं सर्वलोकस्य मातरः । तर्पयन्ति महाराज नित्यम् अत्रात्मिकैर् गुणैः
etāḥ sarvā jagatsarvaṃ sarvalokasya mātaraḥ / tarpayanti mahārāja nityam atrātmikair guṇaiḥ
Sanskrit only: no published translation is held for this verse.
कारणाच् च शिवस्थानाद् ईश्वरेच्छावशा ऽनुगा । ॐकारात् सर्वलोकानाम् इमं लोकं समाश्रिताः
kāraṇāc ca śivasthānād īśvarecchāvaśā 'nugā / oṃkārāt sarvalokānām imaṃ lokaṃ samāśritāḥ
Sanskrit only: no published translation is held for this verse.
तृणानि खादन्ति चरन्त्य् अरण्ये पिबन्ति तोयानि सुनिर्मलानि । दुग्धं प्रयच्छन्ति पुनन्ति देहं गावो यतो जीवति जीवलोकः
tṛṇāni khādanti caranty araṇye pibanti toyāni sunirmalāni / dugdhaṃ prayacchanti punanti dehaṃ gāvo yato jīvati jīvalokaḥ
Sanskrit only: no published translation is held for this verse.
कुतस् तेषां हि पापानि येषां गृहमलंकृतम् । सततं बालवत्साभिर् गोभिः स्त्रीभिरिव स्वयम्
kutas teṣāṃ hi pāpāni yeṣāṃ gṛhamalaṃkṛtam / satataṃ bālavatsābhir gobhiḥ strībhiriva svayam
Sanskrit only: no published translation is held for this verse.
ये स्मरन्ति सद्ॐकारं नर्मदां च शिवात्मना । न तेषां पुनरावृत्तिर्घोरे संसारसागरे
ye smaranti sadoṃkāraṃ narmadāṃ ca śivātmanā / na teṣāṃ punarāvṛttirghore saṃsārasāgare
Sanskrit only: no published translation is held for this verse.
ये कुर्वन्ति परां भक्तिं तृणतोयप्रदानतः । प्रसादात् तु गवां तासां शिवलोकं व्रजन्ति ते
ye kurvanti parāṃ bhaktiṃ tṛṇatoyapradānataḥ / prasādāt tu gavāṃ tāsāṃ śivalokaṃ vrajanti te
Sanskrit only: no published translation is held for this verse.
एताः सदानुकूलेन मातरः सर्वकामदाः । ये रक्षन्ति शुभा गाश् च शिवलोकं व्रजन्ति ते
etāḥ sadānukūlena mātaraḥ sarvakāmadāḥ / ye rakṣanti śubhā gāś ca śivalokaṃ vrajanti te
Sanskrit only: no published translation is held for this verse.
ये ऽर्चयन्ति शिवं भक्त्या सद्विधानैः समाहिताः । ते विन्दन्ति महाभोगान् पुरं यान्ति शिवस्य वै
ye 'rcayanti śivaṃ bhaktyā sadvidhānaiḥ samāhitāḥ / te vindanti mahābhogān puraṃ yānti śivasya vai
Sanskrit only: no published translation is held for this verse.
ये शिवाश्रयतीर्थानि श्रद्धया यान्ति मानवाः । कल्पगां च विशेषेण शैलं चामरकण्टकम्
ye śivāśrayatīrthāni śraddhayā yānti mānavāḥ / kalpagāṃ ca viśeṣeṇa śailaṃ cāmarakaṇṭakam
Sanskrit only: no published translation is held for this verse.
ते क्रीडन्ति महाभोगैर् ब्रह्मविष्णुशिवालये । पयो ऽमृतं घृतं क्षीरं मधुदध्यादिकं तु यत्
te krīḍanti mahābhogair brahmaviṣṇuśivālaye / payo 'mṛtaṃ ghṛtaṃ kṣīraṃ madhudadhyādikaṃ tu yat
Sanskrit only: no published translation is held for this verse.
न पश्यति महाभाग कल्पगायां विमोहितः । एतत्ते कथितं राजन् रेवावतरणं शुभम्
na paśyati mahābhāga kalpagāyāṃ vimohitaḥ / etatte kathitaṃ rājan revāvataraṇaṃ śubham
Sanskrit only: no published translation is held for this verse.