प्रतिग्रहग्रहग्रस्ता लोभमोहविमोहिताः । मज्जन्ति नरके घोरे यत्र गत्वा न निर्गताः
pratigrahagrahagrastā lobhamohavimohitāḥ / majjanti narake ghore yatra gatvā na nirgatāḥ
Sanskrit only: no published translation is held for this verse.
सफला वेदयज्ञाश् च तीर्थयात्रा च भारत । तथा क्लिश्यन्ति चात्मानं प्रतिग्रहपरा नराः
saphalā vedayajñāś ca tīrthayātrā ca bhārata / tathā kliśyanti cātmānaṃ pratigrahaparā narāḥ
Sanskrit only: no published translation is held for this verse.
दाता च याचकश् चैव कराभ्याम् एव सूचितौ । अथो गच्छेद् ग्रहीता तु दाता गच्छति चोर्द्ध्वतः
dātā ca yācakaś caiva karābhyām eva sūcitau / atho gacched grahītā tu dātā gacchati corddhvataḥ
Sanskrit only: no published translation is held for this verse.
सहस्रावर्तकं नाम तीर्थं पापप्रणाशनम् । तत्र स्नातस्य विधिवद् वृषोत्सर्गफलं भवेत्
sahasrāvartakaṃ nāma tīrthaṃ pāpapraṇāśanam / tatra snātasya vidhivad vṛṣotsargaphalaṃ bhavet
Sanskrit only: no published translation is held for this verse.
आसप्तमं कुलं चैव पुनीते ना ऽत्र संशयः । रेवाया उत्तरे कूले सहस्रायुधसंख्यया
āsaptamaṃ kulaṃ caiva punīte nā 'tra saṃśayaḥ / revāyā uttare kūle sahasrāyudhasaṃkhyayā
Sanskrit only: no published translation is held for this verse.
ततश् चान्ते महाभाग काराया वनम् उत्तमम् । अग्निष्टोमफलं यत्र स्नात्वा स्वर्गं च गच्छति
tataś cānte mahābhāga kārāyā vanam uttamam / agniṣṭomaphalaṃ yatra snātvā svargaṃ ca gacchati
Sanskrit only: no published translation is held for this verse.
रेवाया उत्तरे भागे तीर्थ परमशोभनम् । सौगन्धिकं वनं नाम ब्रह्मचारिशुचिव्रताः
revāyā uttare bhāge tīrtha paramaśobhanam / saugandhikaṃ vanaṃ nāma brahmacāriśucivratāḥ
Sanskrit only: no published translation is held for this verse.
सिषिचुः पितरस् तत् तु ब्रह्माद्याः सुतपोधनाः । सिद्धचारणगन्धर्वाः सकिन्नरमहोरगाः
siṣicuḥ pitaras tat tu brahmādyāḥ sutapodhanāḥ / siddhacāraṇagandharvāḥ sakinnaramahoragāḥ
Sanskrit only: no published translation is held for this verse.
प्रविश्य तद् वनं मर्त्यः सर्वपापात् प्रमुच्यते । ततः सरस्वती चास्ति नदीनाम् उत्तमा नदी
praviśya tad vanaṃ martyaḥ sarvapāpāt pramucyate / tataḥ sarasvatī cāsti nadīnām uttamā nadī
Sanskrit only: no published translation is held for this verse.
लक्ष्या देवसुता राजन् महापुण्या प्रकीर्तिता । तत्र स्नानं प्रकुर्वीत मानवो नृपते जले
lakṣyā devasutā rājan mahāpuṇyā prakīrtitā / tatra snānaṃ prakurvīta mānavo nṛpate jale
Sanskrit only: no published translation is held for this verse.
तर्पयित्वा पितॄन् देवान् अश्वमेधफलं लभेत् । ईशानाध्युषितं नाम तत्र तीर्थं सुदुर्लभम्
tarpayitvā pitṝn devān aśvamedhaphalaṃ labhet / īśānādhyuṣitaṃ nāma tatra tīrthaṃ sudurlabham
Sanskrit only: no published translation is held for this verse.
तत्र स्नात्वा व्यतीपाते संक्रान्तौ ग्रहणे नरः । सहस्रकपिलादाने वाजिमेधे च यत्फलम्
tatra snātvā vyatīpāte saṃkrāntau grahaṇe naraḥ / sahasrakapilādāne vājimedhe ca yatphalam
Sanskrit only: no published translation is held for this verse.
सुगन्धां छातकुम्भाश् च पञ्चयज्ञांश् च भारत । अभिगम्य नरश्रेष्ठ स्वर्गलोके महीयते
sugandhāṃ chātakumbhāś ca pañcayajñāṃś ca bhārata / abhigamya naraśreṣṭha svargaloke mahīyate
Sanskrit only: no published translation is held for this verse.
त्रिशूलाख्यं तु तत्रैव तीर्थम् आसाद्य भारत । तत्राभिषेकं यः कुर्याद् अर्चयेत् पितृदैवतम्
triśūlākhyaṃ tu tatraiva tīrtham āsādya bhārata / tatrābhiṣekaṃ yaḥ kuryād arcayet pitṛdaivatam
Sanskrit only: no published translation is held for this verse.
गणेशत्वं स लभते त्यक्त्वा देहं न संशयः । ततो गच्छेन् महाराज ब्रह्मस्थानम् अनुत्तमम्
gaṇeśatvaṃ sa labhate tyaktvā dehaṃ na saṃśayaḥ / tato gacchen mahārāja brahmasthānam anuttamam
Sanskrit only: no published translation is held for this verse.
रेवाया उत्तरे कूले कामभोगफलप्रदम् । ब्रह्मोदम् इति विख्यातं प्रकाश्यं भुवि भारत
revāyā uttare kūle kāmabhogaphalapradam / brahmodam iti vikhyātaṃ prakāśyaṃ bhuvi bhārata
Sanskrit only: no published translation is held for this verse.
तत्र सप्तर्षयः प्राप्ताः स्नानार्थं भरतर्षभ । कपिञ्जलो मुनिश्रेष्ठो हव्यवाहश् च भारत
tatra saptarṣayaḥ prāptāḥ snānārthaṃ bharatarṣabha / kapiñjalo muniśreṣṭho havyavāhaś ca bhārata
Sanskrit only: no published translation is held for this verse.
भगवान् देवयानश् च विश्वावसुमहामुनिः । अस्य तीर्थस्य माहात्म्याद् ब्रह्मलोकम् अवाप्नुयुः
bhagavān devayānaś ca viśvāvasumahāmuniḥ / asya tīrthasya māhātmyād brahmalokam avāpnuyuḥ
Sanskrit only: no published translation is held for this verse.
पितरः श्राद्धदानेन प्रयाता ब्रह्मणः पुरम् । उदुम्बरस्य कृत्वा तु विधिवद् दर्शनं ततः
pitaraḥ śrāddhadānena prayātā brahmaṇaḥ puram / udumbarasya kṛtvā tu vidhivad darśanaṃ tataḥ
Sanskrit only: no published translation is held for this verse.
अन्तर्द्धानम् अवाप्नोति तपसा दग्धकिल्बिषः । ततो गच्छेन् महाराज शङ्करं लोकशङ्करम्
antarddhānam avāpnoti tapasā dagdhakilbiṣaḥ / tato gacchen mahārāja śaṅkaraṃ lokaśaṅkaram
Sanskrit only: no published translation is held for this verse.
कृष्णपक्षे चतुर्दश्याम् अभिगम्य वृषध्वजम् । लभते सर्वकामांश् च स्वर्गलोकं हि गच्छति
kṛṣṇapakṣe caturdaśyām abhigamya vṛṣadhvajam / labhate sarvakāmāṃś ca svargalokaṃ hi gacchati
Sanskrit only: no published translation is held for this verse.
नर्मदायाम्यभागे तु गोप्याद् गोप्यतर महत् । सिद्धलिङ्गं मणिमयं न तत्पश्यन्ति मानवाः
narmadāyāmyabhāge tu gopyād gopyatara mahat / siddhaliṅgaṃ maṇimayaṃ na tatpaśyanti mānavāḥ
Sanskrit only: no published translation is held for this verse.
नागेन्द्रसुरसिद्धैश् च नागकन्याभिर् अर्च्यते । सपादकोटिस्तीर्थानां शङ्करे कुरुनन्दन
nāgendrasurasiddhaiś ca nāgakanyābhir arcyate / sapādakoṭistīrthānāṃ śaṅkare kurunandana
Sanskrit only: no published translation is held for this verse.
वसूनामाश्रमं पुण्यं मुनीनां ब्रह्मचारिणाम् । शिवभक्तिपराणांच कन्दमूलफलाशिनाम्
vasūnāmāśramaṃ puṇyaṃ munīnāṃ brahmacāriṇām / śivabhaktiparāṇāṃca kandamūlaphalāśinām
Sanskrit only: no published translation is held for this verse.
पितॄणाम् अक्षया तृप्तिस् तिलतोयप्रदानतः । मुदा परमया युक्तो दाता याति शिवालयम्
pitṝṇām akṣayā tṛptis tilatoyapradānataḥ / mudā paramayā yukto dātā yāti śivālayam
Sanskrit only: no published translation is held for this verse.
ध्रुवो धरश् च सोमश् च सावित्रश् चानलो ऽनिलः । प्रत्यूषश् च प्रभासश् च वसवो ऽष्टौ प्रकीर्तिता
dhruvo dharaś ca somaś ca sāvitraś cānalo 'nilaḥ / pratyūṣaś ca prabhāsaś ca vasavo 'ṣṭau prakīrtitā
Sanskrit only: no published translation is held for this verse.
शङ्करस्य प्रसादेन दिवि देवत्वम् आगताः । कल्पगासौम्यभागे तु सोमतीर्थम् अनुत्तमम्
śaṅkarasya prasādena divi devatvam āgatāḥ / kalpagāsaumyabhāge tu somatīrtham anuttamam
Sanskrit only: no published translation is held for this verse.
तत्र स्नात्वा नरो राजन् स्वर्गलोके महीयते । सप्तसारस्वतं तीर्थं ततो गच्छेन् नृपोत्तम
tatra snātvā naro rājan svargaloke mahīyate / saptasārasvataṃ tīrthaṃ tato gacchen nṛpottama
Sanskrit only: no published translation is held for this verse.
वाक्पतिर् वचसां नित्यं वासुदेवो ऽस्तु मे गतिः
vākpatir vacasāṃ nityaṃ vāsudevo 'stu me gatiḥ
Sanskrit only: no published translation is held for this verse.
हंसः सुरेशो वक्ता वा वसूनामन्तरा वसन् । होता दिविषदीशानो वासुदेवो ऽस्तु मे गतिः
haṃsaḥ sureśo vaktā vā vasūnāmantarā vasan / hotā diviṣadīśāno vāsudevo 'stu me gatiḥ
Sanskrit only: no published translation is held for this verse.
स्वाहाकारः स्वधाकारो वषट्कारो हविष्यभुक् । ऋङ्मूर्तिर्यजुषां मूर्तिर्वासुदेवो ऽस्तु मे गतिः
svāhākāraḥ svadhākāro vaṣaṭkāro haviṣyabhuk / ṛṅmūrtiryajuṣāṃ mūrtirvāsudevo 'stu me gatiḥ
Sanskrit only: no published translation is held for this verse.
क्षेत्रज्ञः परमः सूक्ष्मो जगतां तारको हरिः । ईश्वरो हृदयावासो वासुदेवो ऽस्तु मे गतिः
kṣetrajñaḥ paramaḥ sūkṣmo jagatāṃ tārako hariḥ / īśvaro hṛdayāvāso vāsudevo 'stu me gatiḥ
Sanskrit only: no published translation is held for this verse.
श्रवण्यः श्रवणोपायः पुण्यश्लोकः शुचिश्रवाः । वरदो वासुदेवो ऽग्निर् वासुदेवो ऽस्तु मे गतिः
śravaṇyaḥ śravaṇopāyaḥ puṇyaślokaḥ śuciśravāḥ / varado vāsudevo 'gnir vāsudevo 'stu me gatiḥ
Sanskrit only: no published translation is held for this verse.
पुरुषः पुण्डरीकाक्षः पुराणो भुवनेश्वरः । आदित्यान्तर्गतो वह्णिर् वासुदेवो ऽस्तु मे गतिः
puruṣaḥ puṇḍarīkākṣaḥ purāṇo bhuvaneśvaraḥ / ādityāntargato vahṇir vāsudevo 'stu me gatiḥ
Sanskrit only: no published translation is held for this verse.
कंसकालियहन्ता च सुबलो बलमर्दनः । शिशुपालनिहन्ता ऽग्निर् वासुदेवो ऽस्तु मे गतिः
kaṃsakāliyahantā ca subalo balamardanaḥ / śiśupālanihantā 'gnir vāsudevo 'stu me gatiḥ
Sanskrit only: no published translation is held for this verse.
कालनेमिनिहन्ता ऽग्निर्यः काले नियतान्तकः । शतासुरशरीरघ्नो वासुदेवो ऽस्तु मे गतिः
kālaneminihantā 'gniryaḥ kāle niyatāntakaḥ / śatāsuraśarīraghno vāsudevo 'stu me gatiḥ
Sanskrit only: no published translation is held for this verse.
कङ्कासुरनिहन्ता च मधुकैटभनाशनः । शङ्खचक्रगदापाणिर् वासुदेवो ऽस्तु मे गतिः
kaṅkāsuranihantā ca madhukaiṭabhanāśanaḥ / śaṅkhacakragadāpāṇir vāsudevo 'stu me gatiḥ
Sanskrit only: no published translation is held for this verse.
शुक्लः सलिलशायी च विष्णुः पापक्षयाह्वयः । इन्द्रो वचनसत्पालो वासुदेवो ऽस्तु मे गतिः
śuklaḥ salilaśāyī ca viṣṇuḥ pāpakṣayāhvayaḥ / indro vacanasatpālo vāsudevo 'stu me gatiḥ
Sanskrit only: no published translation is held for this verse.
हृषीकेशश् चेन्द्रपालोपेन्द्रो गरुडासनः । सहस्रनामा धर्मज्ञो वासुदेवो ऽस्तु मे गतिः
hṛṣīkeśaś cendrapālopendro garuḍāsanaḥ / sahasranāmā dharmajño vāsudevo 'stu me gatiḥ
Sanskrit only: no published translation is held for this verse.
शङ्खी च नन्दकी चक्री शार्ङ्गधन्वा गदाधरः । धीरो वपुष्मान् मेधावी वासुदेवो ऽस्तु मे गतिः
śaṅkhī ca nandakī cakrī śārṅgadhanvā gadādharaḥ / dhīro vapuṣmān medhāvī vāsudevo 'stu me gatiḥ
Sanskrit only: no published translation is held for this verse.
बृहत्संकर्षणः शम्भुः स्वयम्भूर् भूतभावनः । निपुणो लक्षणः शुद्धो वासुदेवो ऽस्तु मे गतिः
bṛhatsaṃkarṣaṇaḥ śambhuḥ svayambhūr bhūtabhāvanaḥ / nipuṇo lakṣaṇaḥ śuddho vāsudevo 'stu me gatiḥ
Sanskrit only: no published translation is held for this verse.
त्रैकालिकस्त्रिकालज्ञस्त्रयी कर्ता त्रिलोचनः । त्रिसामा देवकीसूनुर् वासुदेवो ऽस्तु मे गतिः
traikālikastrikālajñastrayī kartā trilocanaḥ / trisāmā devakīsūnur vāsudevo 'stu me gatiḥ
Sanskrit only: no published translation is held for this verse.
अव्यक्तात्मा महात्मा च अन्तरात्मा जनार्दनः । प्राणश्चेन्द्रियभूतात्मा वासुदेवो ऽस्तु मे गतिः
avyaktātmā mahātmā ca antarātmā janārdanaḥ / prāṇaścendriyabhūtātmā vāsudevo 'stu me gatiḥ
Sanskrit only: no published translation is held for this verse.
परमात्मा परं ब्रह्म परमेशः परा गतिः । परमेष्ठी परं ज्योतिर् वासुदेवो ऽस्तु मे गतिः
paramātmā paraṃ brahma parameśaḥ parā gatiḥ / parameṣṭhī paraṃ jyotir vāsudevo 'stu me gatiḥ
Sanskrit only: no published translation is held for this verse.
विश्वात्मा विश्वकर्ता च विश्वस्य पतिरात्मवान् । द्यावापृथिव्योः कर्ता च वासुदेवो ऽस्तु मे गतिः
viśvātmā viśvakartā ca viśvasya patirātmavān / dyāvāpṛthivyoḥ kartā ca vāsudevo 'stu me gatiḥ
Sanskrit only: no published translation is held for this verse.
सहस्रशीर्षा भगवान् सहस्राक्षः सहस्रपात् । सहस्रकोटिधारी वा वासुदेवो ऽस्तु मे गतिः
sahasraśīrṣā bhagavān sahasrākṣaḥ sahasrapāt / sahasrakoṭidhārī vā vāsudevo 'stu me gatiḥ
Sanskrit only: no published translation is held for this verse.
इति वागीश्वरो वाग्मी पूजितः परमेश्वरः । भक्तस्य भगवान् विष्णुः प्रीयतां मे जनार्दनः
iti vāgīśvaro vāgmī pūjitaḥ parameśvaraḥ / bhaktasya bhagavān viṣṇuḥ prīyatāṃ me janārdanaḥ
Sanskrit only: no published translation is held for this verse.
जन्मप्रभृति यत् किंचिन् मया सुकृतमर्जितम् । तत्समग्रं फलं चास्तु शाश्वतं पुरुषोत्तम
janmaprabhṛti yat kiṃcin mayā sukṛtamarjitam / tatsamagraṃ phalaṃ cāstu śāśvataṃ puruṣottama
Sanskrit only: no published translation is held for this verse.
इदम् अभ्यस्यतो नित्यं पूजितः स्यात् सकेशवः । विनाशयति पापानि प्रकाशयति तत् फलम्
idam abhyasyato nityaṃ pūjitaḥ syāt sakeśavaḥ / vināśayati pāpāni prakāśayati tat phalam
Sanskrit only: no published translation is held for this verse.
एष निष्कण्टकः पन्था यत्र सम्पूज्यते हरिः । कुपथं तं विजानीयाद् यत्र नाराध्यते हरिः
eṣa niṣkaṇṭakaḥ panthā yatra sampūjyate hariḥ / kupathaṃ taṃ vijānīyād yatra nārādhyate hariḥ
Sanskrit only: no published translation is held for this verse.
वासुदेवपरा वेदा सुदेवपराक्रिया । वासुदेवात्मका विप्रा वासुदेवपराश्रयः
vāsudevaparā vedā sudevaparākriyā / vāsudevātmakā viprā vāsudevaparāśrayaḥ
Sanskrit only: no published translation is held for this verse.
सर्वे देवा वासुदेवं यजन्ते सर्वे देवा वासुदेवात् प्रसूताः । सर्वेषां वा वासुदेवो ऽपि देवो नान्यत् किंचिद् अवासुदेवातिरिक्तम्
sarve devā vāsudevaṃ yajante sarve devā vāsudevāt prasūtāḥ / sarveṣāṃ vā vāsudevo 'pi devo nānyat kiṃcid avāsudevātiriktam
Sanskrit only: no published translation is held for this verse.
नान्यः पुण्यतरो देवो नास्ति विष्णुपरं तपः । नास्ति विष्णुपरं ज्ञानं सर्वं विष्णुमयं जगत्
nānyaḥ puṇyataro devo nāsti viṣṇuparaṃ tapaḥ / nāsti viṣṇuparaṃ jñānaṃ sarvaṃ viṣṇumayaṃ jagat
Sanskrit only: no published translation is held for this verse.
ये पठन्ति नरा भक्त्या विष्णुनामाङ्कितस्तवम् । ते यान्ति वैष्णवं लोकं परं ब्रह्म सनातनम्
ye paṭhanti narā bhaktyā viṣṇunāmāṅkitastavam / te yānti vaiṣṇavaṃ lokaṃ paraṃ brahma sanātanam
Sanskrit only: no published translation is held for this verse.
श्रुत्वा स्तोत्रम् इदं देवो ब्रह्मणः समहात्मनः । श्रिया प्रबोधितः कृष्णः शयानो योगनिद्रया
śrutvā stotram idaṃ devo brahmaṇaḥ samahātmanaḥ / śriyā prabodhitaḥ kṛṣṇaḥ śayāno yoganidrayā
Sanskrit only: no published translation is held for this verse.
दृष्ट्वा ऽब्रवीत् सुरान् सर्वान् नानारूपान् भयानकान् । किमस्ति वः समुत्पन्नं मां दिदृक्षुर् इहागताः
dṛṣṭvā 'bravīt surān sarvān nānārūpān bhayānakān / kimasti vaḥ samutpannaṃ māṃ didṛkṣur ihāgatāḥ
Sanskrit only: no published translation is held for this verse.
उवाच वचनं ब्रह्मा केशवं प्रति भारत । त्वां विनात्र जगन्नाथ कस् त्राता देवकण्टकैः
uvāca vacanaṃ brahmā keśavaṃ prati bhārata / tvāṃ vinātra jagannātha kas trātā devakaṇṭakaiḥ
Sanskrit only: no published translation is held for this verse.
दानवैर् वेष्टिता धात्री स्वर्गश्चैव विनाशितः । धर्मकामादिका यज्ञा वेदा विप्लावितास् तथा
dānavair veṣṭitā dhātrī svargaścaiva vināśitaḥ / dharmakāmādikā yajñā vedā viplāvitās tathā
Sanskrit only: no published translation is held for this verse.
दनुभारभराक्रान्ता रसातततलं गता । जटासुरश् च जाबालिर्दैत्यो मयसुतस् तथा
danubhārabharākrāntā rasātatatalaṃ gatā / jaṭāsuraś ca jābālirdaityo mayasutas tathā
Sanskrit only: no published translation is held for this verse.
दशकोट्यस् तु दैत्यानां समग्रबलशालिनाम् । शिवप्रसादयुक्तानां स्वर्गविप्लवकारिणाम्
daśakoṭyas tu daityānāṃ samagrabalaśālinām / śivaprasādayuktānāṃ svargaviplavakāriṇām
Sanskrit only: no published translation is held for this verse.
तस्मात् प्रवर्तितं चक्रमुद्धर स्ववसुन्धराम् । श्रुत्वा वाक्यम् इदं देवो भयार्तं प्राणपीडितम्
tasmāt pravartitaṃ cakramuddhara svavasundharām / śrutvā vākyam idaṃ devo bhayārtaṃ prāṇapīḍitam
Sanskrit only: no published translation is held for this verse.
उवाच वचनं देवो भयं त्यजत दैत्यजम् । अचिरेणैव कालेन हनिष्यामि महासुरान्
uvāca vacanaṃ devo bhayaṃ tyajata daityajam / acireṇaiva kālena haniṣyāmi mahāsurān
Sanskrit only: no published translation is held for this verse.
वाराहरूपमास्थाय प्रेषितं कल्पगाजले । दंष्ट्राग्रेण धृता धात्री दानवानां क्षयः कृतः
vārāharūpamāsthāya preṣitaṃ kalpagājale / daṃṣṭrāgreṇa dhṛtā dhātrī dānavānāṃ kṣayaḥ kṛtaḥ
Sanskrit only: no published translation is held for this verse.
पुनः प्रवर्तिता सृष्टिर् यथापूर्वं तथैव च । ब्रह्माद्या मुदिता देवाः प्रतिजग्मुस् त्रिविष्टपम्
punaḥ pravartitā sṛṣṭir yathāpūrvaṃ tathaiva ca / brahmādyā muditā devāḥ pratijagmus triviṣṭapam
Sanskrit only: no published translation is held for this verse.
एतत् ते कथितं राजन् वाराहं कल्पगातटे । श्रवणात् कीर्तनाद् अस्य हयमेधफलं लभेत्
etat te kathitaṃ rājan vārāhaṃ kalpagātaṭe / śravaṇāt kīrtanād asya hayamedhaphalaṃ labhet
Sanskrit only: no published translation is held for this verse.