ततो गच्छेच् च राजेन्द्र मेघनादम् इति स्मृतम् । जलमध्ये महादेवो यत्र तिष्ठत्य् अदर्शितः
tato gacchec ca rājendra meghanādam iti smṛtam / jalamadhye mahādevo yatra tiṣṭhaty adarśitaḥ
Sanskrit only: no published translation is held for this verse.
जलमध्ये महादेवस् तिष्ठते केन हेतुना । उत्तरं दक्षिणं कूलं वर्जयित्वा द्विजोत्तम
jalamadhye mahādevas tiṣṭhate kena hetunā / uttaraṃ dakṣiṇaṃ kūlaṃ varjayitvā dvijottama
Sanskrit only: no published translation is held for this verse.
एतद् आख्यानम् अतुलं पुण्यं श्रुतिसुखावहम् । पुराणे यच्छ्रुतं तात तत् ते वक्ष्याम्य् अशेषतः
etad ākhyānam atulaṃ puṇyaṃ śrutisukhāvaham / purāṇe yacchrutaṃ tāta tat te vakṣyāmy aśeṣataḥ
Sanskrit only: no published translation is held for this verse.
पुरा त्रेतायुगे तात पौलस्त्यो देवकण्टकः । त्रिलोकविजयी रौद्रः सुरासुरभयंकरः
purā tretāyuge tāta paulastyo devakaṇṭakaḥ / trilokavijayī raudraḥ surāsurabhayaṃkaraḥ
Sanskrit only: no published translation is held for this verse.
देवदानवयक्षाणां गन्धर्वोरगरक्षसाम् । अवध्यो वरदानेन यत्र पर्यटते महीम्
devadānavayakṣāṇāṃ gandharvoragarakṣasām / avadhyo varadānena yatra paryaṭate mahīm
Sanskrit only: no published translation is held for this verse.
तत्र देवगिरौ रम्ये दानवो बलदर्पितः । मयो नामेति विख्यातो महानासीन् नृपेश्वर
tatra devagirau ramye dānavo baladarpitaḥ / mayo nāmeti vikhyāto mahānāsīn nṛpeśvara
Sanskrit only: no published translation is held for this verse.
रावणस् तं ततो गत्वा विनयावनतः स्थितः । पूजितो दानसंमानैर् मयं वचनम् अब्रवीत्
rāvaṇas taṃ tato gatvā vinayāvanataḥ sthitaḥ / pūjito dānasaṃmānair mayaṃ vacanam abravīt
Sanskrit only: no published translation is held for this verse.
कस्येयं पद्मपत्राक्षी पूर्णचन्द्रनिभानना । किं नामधेया तपते तप उग्रं कथं विभो
kasyeyaṃ padmapatrākṣī pūrṇacandranibhānanā / kiṃ nāmadheyā tapate tapa ugraṃ kathaṃ vibho
Sanskrit only: no published translation is held for this verse.
दानवानां पतिः श्रेष्ठो मयो ऽहं नामनामतः । भार्या तेजवती नाम ममेयं तनया शुभा
dānavānāṃ patiḥ śreṣṭho mayo 'haṃ nāmanāmataḥ / bhāryā tejavatī nāma mameyaṃ tanayā śubhā
Sanskrit only: no published translation is held for this verse.
मन्दोदरीति विख्याता तपते पतिकारणात् । श्रुत्वा तु वचनं तस्य रावणो मददर्पितः
mandodarīti vikhyātā tapate patikāraṇāt / śrutvā tu vacanaṃ tasya rāvaṇo madadarpitaḥ
Sanskrit only: no published translation is held for this verse.
प्रश्रितः प्रणतो भूत्वा मयं वचनम् अब्रवीत् । पौलस्त्यो नाम राजाहं देवदानवदर्पहा
praśritaḥ praṇato bhūtvā mayaṃ vacanam abravīt / paulastyo nāma rājāhaṃ devadānavadarpahā
Sanskrit only: no published translation is held for this verse.
प्रार्थयामि महाभाग सुतां त्वं दातुम् अर्हसि । ज्ञात्वा पैतामहं वंशं मयेनापि महात्मना
prārthayāmi mahābhāga sutāṃ tvaṃ dātum arhasi / jñātvā paitāmahaṃ vaṃśaṃ mayenāpi mahātmanā
Sanskrit only: no published translation is held for this verse.
सुता दत्ता रावणाय कृत्वा विधिविधानतः । गृहीत्वा तां तदा रक्षः पूज्यमानो निशाचरैः
sutā dattā rāvaṇāya kṛtvā vidhividhānataḥ / gṛhītvā tāṃ tadā rakṣaḥ pūjyamāno niśācaraiḥ
Sanskrit only: no published translation is held for this verse.
दिव्यैर् यानैर् विमानैश् च क्रीडते तु तया सह । पुत्रं पुत्रवतां श्रेष्ठो जनयामास भारत
divyair yānair vimānaiś ca krīḍate tu tayā saha / putraṃ putravatāṃ śreṣṭho janayāmāsa bhārata
Sanskrit only: no published translation is held for this verse.
तेनैव जातमात्रेण रवो मुक्तो महात्मना । संवर्तकस्य मेघस्य येन लोको जडीकृतः
tenaiva jātamātreṇa ravo mukto mahātmanā / saṃvartakasya meghasya yena loko jaḍīkṛtaḥ
Sanskrit only: no published translation is held for this verse.
श्रुत्वा तन्निनदं घोरं त्रस्तो लोकपितामहः । नाम चक्रे तदा तस्य मेघनादो भविष्यति
śrutvā tanninadaṃ ghoraṃ trasto lokapitāmahaḥ / nāma cakre tadā tasya meghanādo bhaviṣyati
Sanskrit only: no published translation is held for this verse.
एतन् नामकृतं सो ऽपि परमं व्रतम् आस्थितः । भावयामास देवेशम् उमया सह शङ्करम्
etan nāmakṛtaṃ so 'pi paramaṃ vratam āsthitaḥ / bhāvayāmāsa deveśam umayā saha śaṅkaram
Sanskrit only: no published translation is held for this verse.
व्रतैर् नियमदानैश् च होमैर् जाप्यैर्विधानतः । कृच्छ्रचान्द्रायणैर् दिव्यैः क्लिश्यते च कलेवरम्
vratair niyamadānaiś ca homair jāpyairvidhānataḥ / kṛcchracāndrāyaṇair divyaiḥ kliśyate ca kalevaram
Sanskrit only: no published translation is held for this verse.
एवम् अन्यद् दिने तात कैलासं धरणीधरम् । गत्वा लिङ्गम् अयं प्राप्य प्रस्थितो दक्षिणामुखः
evam anyad dine tāta kailāsaṃ dharaṇīdharam / gatvā liṅgam ayaṃ prāpya prasthito dakṣiṇāmukhaḥ
Sanskrit only: no published translation is held for this verse.
नर्मदातटम् आश्रित्य स्नातुकामो महाबलः । निक्षिप्यापूजयद् देवं कृत्वा जाप्यं जनेश्वरः
narmadātaṭam āśritya snātukāmo mahābalaḥ / nikṣipyāpūjayad devaṃ kṛtvā jāpyaṃ janeśvaraḥ
Sanskrit only: no published translation is held for this verse.
गन्तुकामः परं मार्गं लङ्कायां नृपसत्तम । एकं समुद्धृतं लिङ्गं गृहितं सव्यपाणिना
gantukāmaḥ paraṃ mārgaṃ laṅkāyāṃ nṛpasattama / ekaṃ samuddhṛtaṃ liṅgaṃ gṛhitaṃ savyapāṇinā
Sanskrit only: no published translation is held for this verse.
प्रथमं च द्वितीयं च भक्त्या पौलस्त्यनन्दनः । तदा देवमहालिङ्गं पतितं नर्मदाम्भसि
prathamaṃ ca dvitīyaṃ ca bhaktyā paulastyanandanaḥ / tadā devamahāliṅgaṃ patitaṃ narmadāmbhasi
Sanskrit only: no published translation is held for this verse.
पाहि पाहीति तेनोक्तो लिङ्गेन परमेष्ठिना । द्वितीयं पतितं तावद् उत्तरे नर्मदातटे
pāhi pāhīti tenokto liṅgena parameṣṭhinā / dvitīyaṃ patitaṃ tāvad uttare narmadātaṭe
Sanskrit only: no published translation is held for this verse.
मेघनादेति विख्यातं लिङ्गं तत्र सुशोभनम् । मध्यमेश्वरनामेति जलमध्ये व्यवस्थितम्
meghanādeti vikhyātaṃ liṅgaṃ tatra suśobhanam / madhyameśvaranāmeti jalamadhye vyavasthitam
Sanskrit only: no published translation is held for this verse.
यावद् उद्धर्तुकामो ऽसौ सप्तपातालम् आगमत् । देवयोर् निश्चयं ज्ञात्वा निवृत्तो ऽसौ निशाचरः
yāvad uddhartukāmo 'sau saptapātālam āgamat / devayor niścayaṃ jñātvā nivṛtto 'sau niśācaraḥ
Sanskrit only: no published translation is held for this verse.
जगामाकाशम् आविश्य पूज्यमानो निशाचरैः । तदा प्रभृति तत्तीर्थं मेघनादेति विश्रुतम्
jagāmākāśam āviśya pūjyamāno niśācaraiḥ / tadā prabhṛti tattīrthaṃ meghanādeti viśrutam
Sanskrit only: no published translation is held for this verse.
मेघारवेति विख्यातम् उत्तरे खेटकः शुभः । पूर्वे तु गर्जनं नाम सर्वपापक्षयंकरम्
meghāraveti vikhyātam uttare kheṭakaḥ śubhaḥ / pūrve tu garjanaṃ nāma sarvapāpakṣayaṃkaram
Sanskrit only: no published translation is held for this verse.
तस्मिंस् तीर्थे तु राजेन्द्र यस् तु स्नानं समाचरेत् । अहोरात्रोषितो भूत्वा स लभेच्छाश्वतं शुभम्
tasmiṃs tīrthe tu rājendra yas tu snānaṃ samācaret / ahorātroṣito bhūtvā sa labhecchāśvataṃ śubham
Sanskrit only: no published translation is held for this verse.
पिण्डदानं तु यः कुर्यात् तस्मिंस् तीर्थे नराधिप । तेन द्वादश वर्षाणि पितरस् तर्पिता दिवि
piṇḍadānaṃ tu yaḥ kuryāt tasmiṃs tīrthe narādhipa / tena dvādaśa varṣāṇi pitaras tarpitā divi
Sanskrit only: no published translation is held for this verse.
यस् तु भोजयते विप्रांस् तस्मिंस् तीर्थे नराधिप । यत्फलं योगिनां तत्र लभते नात्र संशयः
yas tu bhojayate viprāṃs tasmiṃs tīrthe narādhipa / yatphalaṃ yogināṃ tatra labhate nātra saṃśayaḥ
Sanskrit only: no published translation is held for this verse.
अग्निवेशं जले वापि अथवापि ह्य् अनाशकम् । अनिवर्तिका गतिस् तस्य स्याद् इदं शङ्करो ऽब्रवीत्
agniveśaṃ jale vāpi athavāpi hy anāśakam / anivartikā gatis tasya syād idaṃ śaṅkaro 'bravīt
Sanskrit only: no published translation is held for this verse.
एवं ते नरशार्दूल गर्जितेश्वरम् उत्तमम् । कथितं स्मरणाद् एव सर्वपापक्षयं करम्
evaṃ te naraśārdūla garjiteśvaram uttamam / kathitaṃ smaraṇād eva sarvapāpakṣayaṃ karam
Sanskrit only: no published translation is held for this verse.