ततो गच्छेत् तु राजेन्द्र उत्तरे नर्मदातटे । मेघनादसमीपे तु विश्वरूपा सरिद्वरा
tato gacchet tu rājendra uttare narmadātaṭe / meghanādasamīpe tu viśvarūpā saridvarā
Sanskrit only: no published translation is held for this verse.
निर्गता विश्वरूपस्य शरीराद् उपकुर्वतः । पुरा दारुवने देवो लिङ्गहीनः कृतो द्विजैः
nirgatā viśvarūpasya śarīrād upakurvataḥ / purā dāruvane devo liṅgahīnaḥ kṛto dvijaiḥ
Sanskrit only: no published translation is held for this verse.
नर्मदातटम् आश्रित्य तपः कुर्वंस् तदा नृप । विश्वरूपो ऽभवद् देवो निर्गता सरितां वरा
narmadātaṭam āśritya tapaḥ kurvaṃs tadā nṛpa / viśvarūpo 'bhavad devo nirgatā saritāṃ varā
Sanskrit only: no published translation is held for this verse.
गता सा नर्मदातोयं सङ्गमो गुणवान् अभूत् । तस्मिंस् तीर्थे नरः स्नात्वा स भवे न पुनर् भवेत्
gatā sā narmadātoyaṃ saṅgamo guṇavān abhūt / tasmiṃs tīrthe naraḥ snātvā sa bhave na punar bhavet
Sanskrit only: no published translation is held for this verse.
तत्र यत् क्रियते कर्म सर्वं तदक्षयं भवेत् । सारिका सिद्धिम् आयाता पतिता तीर्थसङ्गमे
tatra yat kriyate karma sarvaṃ tadakṣayaṃ bhavet / sārikā siddhim āyātā patitā tīrthasaṅgame
Sanskrit only: no published translation is held for this verse.
पूर्वम् अप्सरसां श्रेष्ठा शक्रशापाद् अकामतः । चित्राङ्गदेन रमिता काचित् कष्टमवाप ह
pūrvam apsarasāṃ śreṣṭhā śakraśāpād akāmataḥ / citrāṅgadena ramitā kācit kaṣṭamavāpa ha
Sanskrit only: no published translation is held for this verse.
सारिका भव कल्याणि वर्षाणां सा ऽग्रविंशतिम् । मृत्वा त्वं नर्मदातोये विश्वरूपा सुसङ्गमे
sārikā bhava kalyāṇi varṣāṇāṃ sā 'graviṃśatim / mṛtvā tvaṃ narmadātoye viśvarūpā susaṅgame
Sanskrit only: no published translation is held for this verse.
विचित्रा बहुचार्वङ्गी सञ्जाता सारिका नृप । जातिस्मरा सुराभावा नर्मदातटम् आश्रिता
vicitrā bahucārvaṅgī sañjātā sārikā nṛpa / jātismarā surābhāvā narmadātaṭam āśritā
Sanskrit only: no published translation is held for this verse.
ततः काले च संप्राप्ते प्रज्वाल्य पावकं शुभम् । प्रविष्टा सा शुभाचारा विश्वरूपा सुसङ्गमे
tataḥ kāle ca saṃprāpte prajvālya pāvakaṃ śubham / praviṣṭā sā śubhācārā viśvarūpā susaṅgame
Sanskrit only: no published translation is held for this verse.
दिव्यदेहधरी राजन् प्राप्ता शक्रस्य मन्दिरम् । एतद् अन्तरम् आसाद्य सारिकातीर्थमुच्यते
divyadehadharī rājan prāptā śakrasya mandiram / etad antaram āsādya sārikātīrthamucyate
Sanskrit only: no published translation is held for this verse.
तत्र यत् क्रियते कर्म श्राद्धं यज्ञः शिवार्चनम् । सर्वं कोटिगुणं विद्यान् मेघनादस्य दर्शनात्
tatra yat kriyate karma śrāddhaṃ yajñaḥ śivārcanam / sarvaṃ koṭiguṇaṃ vidyān meghanādasya darśanāt
Sanskrit only: no published translation is held for this verse.
अवशः स्ववशो वापि यस् तु प्राणान् परित्यजेत् । न तस्य पुनरावृत्तिर्घोरे संसारसागरे
avaśaḥ svavaśo vāpi yas tu prāṇān parityajet / na tasya punarāvṛttirghore saṃsārasāgare
Sanskrit only: no published translation is held for this verse.
ख्यातानि पञ्चलिङ्गानि यानि दृष्ट्वा शिवं व्रजेत् । मानवो मनुजश्रेष्ठ शृणु तानि युधिष्ठिर
khyātāni pañcaliṅgāni yāni dṛṣṭvā śivaṃ vrajet / mānavo manujaśreṣṭha śṛṇu tāni yudhiṣṭhira
Sanskrit only: no published translation is held for this verse.
मेघनादं च गोष्ठेशं वागीशं काकडेश्वरम् । लक्षेश्वरं पञ्चलिङ्गान्य् एकाहे यस् तु पूजयेत्
meghanādaṃ ca goṣṭheśaṃ vāgīśaṃ kākaḍeśvaram / lakṣeśvaraṃ pañcaliṅgāny ekāhe yas tu pūjayet
Sanskrit only: no published translation is held for this verse.
अनेनैव शरीरेण स नरो हि शिवं व्रजेत् । कोटियज्ञफलं प्राप्य पश्चान् मोक्षमवाप्नुयात्
anenaiva śarīreṇa sa naro hi śivaṃ vrajet / koṭiyajñaphalaṃ prāpya paścān mokṣamavāpnuyāt
Sanskrit only: no published translation is held for this verse.
आख्यानं कथयिष्यामि पुरावृत्तं तवानघ । धर्मसेनः पुरा राजा अयोध्याधिपतिर्बली
ākhyānaṃ kathayiṣyāmi purāvṛttaṃ tavānagha / dharmasenaḥ purā rājā ayodhyādhipatirbalī
Sanskrit only: no published translation is held for this verse.
धर्मेण राज्यं कृतवान् यज्ञांश् च बहुदक्षिणान् । शृण्वन् स धर्मशास्त्राणि नर्मदाचरितं तथा
dharmeṇa rājyaṃ kṛtavān yajñāṃś ca bahudakṣiṇān / śṛṇvan sa dharmaśāstrāṇi narmadācaritaṃ tathā
Sanskrit only: no published translation is held for this verse.
श्रुत्वा विनिर्गतो राजा रेवाया उत्तरे तटे । मेघनादं समभ्यर्च्य स्नात्वा वै नर्मदाजले
śrutvā vinirgato rājā revāyā uttare taṭe / meghanādaṃ samabhyarcya snātvā vai narmadājale
Sanskrit only: no published translation is held for this verse.
उद्गच्छति दिनकरे अश्वारूढो नरेश्वरः । उत्तरां दिशमाश्रित्य गतो गोष्ठेश्वरं शिवम्
udgacchati dinakare aśvārūḍho nareśvaraḥ / uttarāṃ diśamāśritya gato goṣṭheśvaraṃ śivam
Sanskrit only: no published translation is held for this verse.
यथाविधानं सम्पूज्य वागीश्वरं गतस् ततः । तत्र स्नात्वा विधानेन पूजयित्वा शिवं नृपः
yathāvidhānaṃ sampūjya vāgīśvaraṃ gatas tataḥ / tatra snātvā vidhānena pūjayitvā śivaṃ nṛpaḥ
Sanskrit only: no published translation is held for this verse.
चन्दनागुरुकर्पूरैर् धूपैर् दीपैर् विधानकैः । अश्वारूढो नृपश्रेष्ठः काकडेश्वरम् आगतः
candanāgurukarpūrair dhūpair dīpair vidhānakaiḥ / aśvārūḍho nṛpaśreṣṭhaḥ kākaḍeśvaram āgataḥ
Sanskrit only: no published translation is held for this verse.
तं प्रपूज्य ततो राजा गत्वा वै नार्मदे जले । लक्षेश्वरं पूजयित्वा स्थितं वै विधिपूर्वकम्
taṃ prapūjya tato rājā gatvā vai nārmade jale / lakṣeśvaraṃ pūjayitvā sthitaṃ vai vidhipūrvakam
Sanskrit only: no published translation is held for this verse.
मेघनादं ततो गत्वा सूर्यश्चास्तम् उपागमत् । ध्यात्वा स्वयं कालरूपं यावत् तिष्ठति वै नृपः
meghanādaṃ tato gatvā sūryaścāstam upāgamat / dhyātvā svayaṃ kālarūpaṃ yāvat tiṣṭhati vai nṛpaḥ
Sanskrit only: no published translation is held for this verse.
तावद् घोरो ऽपि तुरगो ह्य् अन्तरिक्षचरस् तदा । दिव्यदेहधरः सश्चाप्य् अप्सरोभिः समावृतः
tāvad ghoro 'pi turago hy antarikṣacaras tadā / divyadehadharaḥ saścāpy apsarobhiḥ samāvṛtaḥ
Sanskrit only: no published translation is held for this verse.
विमाने देवराजस्य ययाविन्द्रपुरीं स्थितः । शुनी पृष्ठे तु या राज्ञस्तीर्थयात्रां प्रकुर्वती
vimāne devarājasya yayāvindrapurīṃ sthitaḥ / śunī pṛṣṭhe tu yā rājñastīrthayātrāṃ prakurvatī
Sanskrit only: no published translation is held for this verse.
दिव्यदेहधरा सापि विमानेन गता दिवि । धर्मसेनो ऽपि तां दृष्ट्वा विस्मयाविष्टचेतनः
divyadehadharā sāpi vimānena gatā divi / dharmaseno 'pi tāṃ dṛṣṭvā vismayāviṣṭacetanaḥ
Sanskrit only: no published translation is held for this verse.
अश्वरूपं जगादाथ किम् एतद् इति भारत । उवाचाकाशगो वाचं कथं त्वं खिद्यसे नृप
aśvarūpaṃ jagādātha kim etad iti bhārata / uvācākāśago vācaṃ kathaṃ tvaṃ khidyase nṛpa
Sanskrit only: no published translation is held for this verse.
शरीरजेन कष्टेन तपः साध्या विभूतयः । पादचारी हि गच्छ त्वं परपादैर् गतो ह्यसि
śarīrajena kaṣṭena tapaḥ sādhyā vibhūtayaḥ / pādacārī hi gaccha tvaṃ parapādair gato hyasi
Sanskrit only: no published translation is held for this verse.
भूयो यात्रां प्रकुरुषे तदा सिद्धिम् अवाप्स्यसि । ततो राजा च तस्याथ श्रुत्वा तद्वचनं तदा
bhūyo yātrāṃ prakuruṣe tadā siddhim avāpsyasi / tato rājā ca tasyātha śrutvā tadvacanaṃ tadā
Sanskrit only: no published translation is held for this verse.
पुनर् द्वितीयदिवसे प्रस्थितो लिङ्गपूजनम् । पञ्चलिङ्गान् समभ्यर्च्य समायातस् तु नर्मदाम्
punar dvitīyadivase prasthito liṅgapūjanam / pañcaliṅgān samabhyarcya samāyātas tu narmadām
Sanskrit only: no published translation is held for this verse.
मेघनादं यदापश्यद् द्वारे देवं च दृष्टवान् । पञ्चवक्त्रं दशभुजं त्रिनेत्रं शूलपाणिनम्
meghanādaṃ yadāpaśyad dvāre devaṃ ca dṛṣṭavān / pañcavaktraṃ daśabhujaṃ trinetraṃ śūlapāṇinam
Sanskrit only: no published translation is held for this verse.
वृषारूढं जगद्गर्भं शशाङ्ककृतशेखरम् । दृष्ट्वा तं देवदेवेशं तुष्टाव परमेश्वरम्
vṛṣārūḍhaṃ jagadgarbhaṃ śaśāṅkakṛtaśekharam / dṛṣṭvā taṃ devadeveśaṃ tuṣṭāva parameśvaram
Sanskrit only: no published translation is held for this verse.
जय देव महादेव महापातकनाशन । संसारसागरे मग्नं मां समुद्धर साम्प्रतम्
jaya deva mahādeva mahāpātakanāśana / saṃsārasāgare magnaṃ māṃ samuddhara sāmpratam
Sanskrit only: no published translation is held for this verse.
वरं वृणु महाभाग यत् ते मनसि वर्तते । तद् ददामि न सन्देहश् श्विभक्तो हि पुत्रक
varaṃ vṛṇu mahābhāga yat te manasi vartate / tad dadāmi na sandehaś śvibhakto hi putraka
Sanskrit only: no published translation is held for this verse.
यदि तुष्टो ऽसि मे देव तन्मां सहचरं कुरु । एकाहे पञ्चलिङ्गानि पूजयिष्यति यो नरः
yadi tuṣṭo 'si me deva tanmāṃ sahacaraṃ kuru / ekāhe pañcaliṅgāni pūjayiṣyati yo naraḥ
Sanskrit only: no published translation is held for this verse.
स तवानुचरो देव भवत्व् एष वरो मम । धर्मसेनवचः श्रुत्वा भवत्व् एवं हरो ऽब्रवीत्
sa tavānucaro deva bhavatv eṣa varo mama / dharmasenavacaḥ śrutvā bhavatv evaṃ haro 'bravīt
Sanskrit only: no published translation is held for this verse.
तं गृहीत्वा तु राजानं कैलासं स जगाम ह । स्वदेहस्थं चकारासौ धर्मसेनं नृपं नृप
taṃ gṛhītvā tu rājānaṃ kailāsaṃ sa jagāma ha / svadehasthaṃ cakārāsau dharmasenaṃ nṛpaṃ nṛpa
Sanskrit only: no published translation is held for this verse.
एतत् ते कथितं राजन्न् इतिहासं पुरातनम् । श्रवणात् कीर्तनाद् अस्य अश्वमेधफलं लभेत्
etat te kathitaṃ rājann itihāsaṃ purātanam / śravaṇāt kīrtanād asya aśvamedhaphalaṃ labhet
Sanskrit only: no published translation is held for this verse.