अन्यच् च श्रोतुम् इच्छामि केन गङ्गावतारिता । रुद्रशीर्षस्थिता पुण्या देवी कथम् इहागता
anyac ca śrotum icchāmi kena gaṅgāvatāritā / rudraśīrṣasthitā puṇyā devī katham ihāgatā
Sanskrit only: no published translation is held for this verse.
पुण्या देवशिलानाम तस्या माहात्म्यमुत्तमम् । एतदाख्याहि मे सर्वं प्रसादात् पुरुषोत्तम
puṇyā devaśilānāma tasyā māhātmyamuttamam / etadākhyāhi me sarvaṃ prasādāt puruṣottama
Sanskrit only: no published translation is held for this verse.
शृणुष्वैकमना भूत्वा यथा गङ्गावतारिता । पुरा देवी महाभाग ब्रह्माद्यैः सकलैः सुरैः
śṛṇuṣvaikamanā bhūtvā yathā gaṅgāvatāritā / purā devī mahābhāga brahmādyaiḥ sakalaiḥ suraiḥ
Sanskrit only: no published translation is held for this verse.
अभ्यर्थयज् जगन्नाथं देवदेवं जगद्गुरुम् । घटमध्ये स्थिता गङ्गा मोचिता च सुभूतले
abhyarthayaj jagannāthaṃ devadevaṃ jagadgurum / ghaṭamadhye sthitā gaṅgā mocitā ca subhūtale
Sanskrit only: no published translation is held for this verse.
भारती च ततो मुक्ता रुद्रेण शिरसो भुवि । नरास्तीर्थे तटे तस्याः स्नानं कुर्वन्ति भक्तितः
bhāratī ca tato muktā rudreṇa śiraso bhuvi / narāstīrthe taṭe tasyāḥ snānaṃ kurvanti bhaktitaḥ
Sanskrit only: no published translation is held for this verse.
पिबन्ति च जलं नित्यं न ते यान्ति यमालयम् । यत्र सा पतिता कुण्डे शूलभेदे नराधिप
pibanti ca jalaṃ nityaṃ na te yānti yamālayam / yatra sā patitā kuṇḍe śūlabhede narādhipa
Sanskrit only: no published translation is held for this verse.
देवनद्याः प्रतीच्यां च यत्र प्राची सरस्वती । याम्यां च शूलभेदाख्यम् अस्ति तीर्थम् अनुत्तमम्
devanadyāḥ pratīcyāṃ ca yatra prācī sarasvatī / yāmyāṃ ca śūlabhedākhyam asti tīrtham anuttamam
Sanskrit only: no published translation is held for this verse.
तत्रदेवशिला रम्या स्वयं देवेन निर्मिता । तत्र स्नात्वा तु यो भक्त्या ब्राह्मणं भोजयेन् नृप
tatradevaśilā ramyā svayaṃ devena nirmitā / tatra snātvā tu yo bhaktyā brāhmaṇaṃ bhojayen nṛpa
Sanskrit only: no published translation is held for this verse.
कानि दानानि शस्तानि देवेश धरणीतले
kāni dānāni śastāni deveśa dharaṇītale
Sanskrit only: no published translation is held for this verse.
यानि दत्त्वा नरो भक्त्या मुच्यते सर्वकिल्बिषैः । देवशिलाया माहात्म्यं स्नानदानाद्धि यत्फलम्
yāni dattvā naro bhaktyā mucyate sarvakilbiṣaiḥ / devaśilāyā māhātmyaṃ snānadānāddhi yatphalam
Sanskrit only: no published translation is held for this verse.
आसीत् पुरा महावीर्यश्चेदिनाथो महाबलः
āsīt purā mahāvīryaścedinātho mahābalaḥ
Sanskrit only: no published translation is held for this verse.
वीरसेन इति ख्यातो मण्डलाधिपतीश्वरः । तस्य राज्ये रिपुर्नास्ति न व्याधिर्न च तस्करः
vīrasena iti khyāto maṇḍalādhipatīśvaraḥ / tasya rājye ripurnāsti na vyādhirna ca taskaraḥ
Sanskrit only: no published translation is held for this verse.
न चाधर्मो ऽभवत् तत्र धर्म एव हि सर्वदा । सदा मुदान्वितो राजा सभार्यो बहुपुत्रकः
na cādharmo 'bhavat tatra dharma eva hi sarvadā / sadā mudānvito rājā sabhāryo bahuputrakaḥ
Sanskrit only: no published translation is held for this verse.
एका च दुहिता तस्य सुरूपा गिरिजा इव । दृष्टा सा पितृमातृभ्यां बन्धुवर्गजनैः सह
ekā ca duhitā tasya surūpā girijā iva / dṛṣṭā sā pitṛmātṛbhyāṃ bandhuvargajanaiḥ saha
Sanskrit only: no published translation is held for this verse.
कृत्वा वैवाहिकं कार्यं काले प्राप्ते यथा विधि । अनन्तरं चेदिपतिर् द्वादशाब्दे महेश्वरः
kṛtvā vaivāhikaṃ kāryaṃ kāle prāpte yathā vidhi / anantaraṃ cedipatir dvādaśābde maheśvaraḥ
Sanskrit only: no published translation is held for this verse.
ततस् तस्यास्तु यो भर्ता स मृत्युवशम् आगतः । विधवां तां सुतां दृष्ट्वा राजा शोकसमन्वितः
tatas tasyāstu yo bhartā sa mṛtyuvaśam āgataḥ / vidhavāṃ tāṃ sutāṃ dṛṣṭvā rājā śokasamanvitaḥ
Sanskrit only: no published translation is held for this verse.
उवाच वचनं राजा स्वभार्यां दुःखपीडितः । भद्रे दुःखम् इदं जातं यावज् जीवं सुदुःसहम्
uvāca vacanaṃ rājā svabhāryāṃ duḥkhapīḍitaḥ / bhadre duḥkham idaṃ jātaṃ yāvaj jīvaṃ suduḥsaham
Sanskrit only: no published translation is held for this verse.
नैषा रक्षयितुं शक्या रूपयौवनदर्पिता । नोपायो विद्यते भार्य्ये भानुमत्याश् च रक्षणे
naiṣā rakṣayituṃ śakyā rūpayauvanadarpitā / nopāyo vidyate bhāryye bhānumatyāś ca rakṣaṇe
Sanskrit only: no published translation is held for this verse.
न व्रीडामि तवाग्रे ऽहं ज्वलन्ती दाहकेनच
na vrīḍāmi tavāgre 'haṃ jvalantī dāhakenaca
Sanskrit only: no published translation is held for this verse.
सत्यं नोत्पद्यते दोषो मदर्थे च नराधिप । अद्य प्रभृत्य् अहं तात न वेषं धारये क्वचित्
satyaṃ notpadyate doṣo madarthe ca narādhipa / adya prabhṛty ahaṃ tāta na veṣaṃ dhāraye kvacit
Sanskrit only: no published translation is held for this verse.
स्थूलवस्त्रैर् निजाङ्गानि परिधास्यामि संयता । चरिष्यामि व्रतान् सर्वान् पुराणविहितान् अपि
sthūlavastrair nijāṅgāni paridhāsyāmi saṃyatā / cariṣyāmi vratān sarvān purāṇavihitān api
Sanskrit only: no published translation is held for this verse.
आत्मानं शोषयिष्यामि तोषयन्ती जनार्दनम् । ममैषा वर्तते बुद्धिर् यदि त्वं तात मन्यसे
ātmānaṃ śoṣayiṣyāmi toṣayantī janārdanam / mamaiṣā vartate buddhir yadi tvaṃ tāta manyase
Sanskrit only: no published translation is held for this verse.
भानुमत्या वचः श्रुत्वा राजा स्नेहार्दितो ऽभवत् । तीर्थयात्रां समुद्दिश्य कोशं दत्त्वा च पुष्कलम्
bhānumatyā vacaḥ śrutvā rājā snehārdito 'bhavat / tīrthayātrāṃ samuddiśya kośaṃ dattvā ca puṣkalam
Sanskrit only: no published translation is held for this verse.
विसृज्य राजा स्वसुतां वृद्धान् कृत्वा तु रक्षणे । पुरुषं सायुधं चान्यं ब्राह्मणं च पुरोहितम्
visṛjya rājā svasutāṃ vṛddhān kṛtvā tu rakṣaṇe / puruṣaṃ sāyudhaṃ cānyaṃ brāhmaṇaṃ ca purohitam
Sanskrit only: no published translation is held for this verse.
अवगाह्य तटे ध्यातुं गङ्गायां सा नराधिप । नित्यम् आपूजयद् विप्रान् गन्धमाल्यादिभूषणैः
avagāhya taṭe dhyātuṃ gaṅgāyāṃ sā narādhipa / nityam āpūjayad viprān gandhamālyādibhūṣaṇaiḥ
Sanskrit only: no published translation is held for this verse.
दासीदासप्रभृतयस् तस्या ये रक्षणे क्षमाः । ततः पितुर्मतेनैव गङ्गातीरे समास्थिताः
dāsīdāsaprabhṛtayas tasyā ye rakṣaṇe kṣamāḥ / tataḥ piturmatenaiva gaṅgātīre samāsthitāḥ
Sanskrit only: no published translation is held for this verse.
द्वादशाब्दानि सा तीरे गङ्गायाः समवस्थिता । त्यक्त्वा गङ्गां क्वचिद् राजपुत्री काष्ठां तु दक्षिणाम्
dvādaśābdāni sā tīre gaṅgāyāḥ samavasthitā / tyaktvā gaṅgāṃ kvacid rājaputrī kāṣṭhāṃ tu dakṣiṇām
Sanskrit only: no published translation is held for this verse.
प्राप्ता सा सचिवैः सार्द्धं यत्र रेवा महानदी । षण्मासं च स्थिता तत्र ॐकारे ऽमरकण्टके
prāptā sā sacivaiḥ sārddhaṃ yatra revā mahānadī / ṣaṇmāsaṃ ca sthitā tatra oṃkāre 'marakaṇṭake
Sanskrit only: no published translation is held for this verse.
नानाविधेषु तीर्थेषु तीर्थात् तीर्थं जगाम ह । स्नात्वा स्नात्वा द्विजान् पूज्यभक्तियुक्ता ह्य् अधिष्ठिता
nānāvidheṣu tīrtheṣu tīrthāt tīrthaṃ jagāma ha / snātvā snātvā dvijān pūjyabhaktiyuktā hy adhiṣṭhitā
Sanskrit only: no published translation is held for this verse.
वारुणीं च दिशं गत्वा देवनद्याश् च सङ्गमे । ददर्श चाश्रमं पुण्यम् ऋषिसङ्घैर् निषेवितम्
vāruṇīṃ ca diśaṃ gatvā devanadyāś ca saṅgame / dadarśa cāśramaṃ puṇyam ṛṣisaṅghair niṣevitam
Sanskrit only: no published translation is held for this verse.
दृष्ट्वा ऋषिसमूहं सा प्रणिपत्येदम् अब्रवीत् । माहात्म्यं चास्य तीर्थस्य नाम चैवास्य कीर्तय
dṛṣṭvā ṛṣisamūhaṃ sā praṇipatyedam abravīt / māhātmyaṃ cāsya tīrthasya nāma caivāsya kīrtaya
Sanskrit only: no published translation is held for this verse.
चक्रतीर्थं तु विख्यातं चक्रं दत्तं पुरा हरेः । महेश्वरेण तुष्टेन देवदेवेन शूलिना
cakratīrthaṃ tu vikhyātaṃ cakraṃ dattaṃ purā hareḥ / maheśvareṇa tuṣṭena devadevena śūlinā
Sanskrit only: no published translation is held for this verse.
अत्र तीर्थे तु यः स्नात्वा तर्पयेत् पितृदेवताः । अनिवर्तिका गतिस् तस्य भविता नात्र संशयः
atra tīrthe tu yaḥ snātvā tarpayet pitṛdevatāḥ / anivartikā gatis tasya bhavitā nātra saṃśayaḥ
Sanskrit only: no published translation is held for this verse.
द्वितीये ऽह्नि ततो गच्छेच् छूलभेदं तपस्विनि । रात्रौ जागरणं कृत्वा पठेत् पौराणिकीं कथाम्
dvitīye 'hni tato gacchec chūlabhedaṃ tapasvini / rātrau jāgaraṇaṃ kṛtvā paṭhet paurāṇikīṃ kathām
Sanskrit only: no published translation is held for this verse.
विष्णुपूजां प्रकुर्वीत पुष्पदीपनिवेदनैः । प्रभाते भोजयेद् विप्रान् दानं दद्यात् स्वभक्तितः
viṣṇupūjāṃ prakurvīta puṣpadīpanivedanaiḥ / prabhāte bhojayed viprān dānaṃ dadyāt svabhaktitaḥ
Sanskrit only: no published translation is held for this verse.
चतुर्थे ऽह्णि तथा गच्छेद् यत्र प्राची सरस्वती । ब्रह्मदेवाद् विनिष्क्रान्ता पावनार्थं नराधिप
caturthe 'hṇi tathā gacched yatra prācī sarasvatī / brahmadevād viniṣkrāntā pāvanārthaṃ narādhipa
Sanskrit only: no published translation is held for this verse.
तत्र स्नात्वा नरो गत्वा तर्पयेत् पितृदेवताः । श्राद्धदस् तु वसेत् तत्र यत्र देवः पितामहः
tatra snātvā naro gatvā tarpayet pitṛdevatāḥ / śrāddhadas tu vaset tatra yatra devaḥ pitāmahaḥ
Sanskrit only: no published translation is held for this verse.
पञ्चमे ऽह्णि ततो गच्छेल् लिङ्गं मार्कण्डसंज्ञितम् । तत्र स्नात्वा तु यो भक्त्या अर्चयेत् पितृदेवताः
pañcame 'hṇi tato gacchel liṅgaṃ mārkaṇḍasaṃjñitam / tatra snātvā tu yo bhaktyā arcayet pitṛdevatāḥ
Sanskrit only: no published translation is held for this verse.
श्राद्धं कृत्वा यथा न्यायम् अनिन्द्यान् पूजयेद् द्विजान् । पितरस्तस्य तृप्यन्ति द्वादशाब्दं न संशयः
śrāddhaṃ kṛtvā yathā nyāyam anindyān pūjayed dvijān / pitarastasya tṛpyanti dvādaśābdaṃ na saṃśayaḥ
Sanskrit only: no published translation is held for this verse.
सर्वदेवमयं स्थानं सर्वतीर्थमनुत्तमम् । कोटितीर्थसमं स्थानं कोटिलिङ्गोत्तमोत्तमम्
sarvadevamayaṃ sthānaṃ sarvatīrthamanuttamam / koṭitīrthasamaṃ sthānaṃ koṭiliṅgottamottamam
Sanskrit only: no published translation is held for this verse.
त्रिरात्रं कुरुते यस् तु शुचिः स्नानं जितेन्द्रियः । पक्षं मासं च षण्मासम् अब्दम् एकं कदाचन
trirātraṃ kurute yas tu śuciḥ snānaṃ jitendriyaḥ / pakṣaṃ māsaṃ ca ṣaṇmāsam abdam ekaṃ kadācana
Sanskrit only: no published translation is held for this verse.
न तस्य वसतिर् मर्त्ये नाके वासः सदाक्षयः । नियमस्थस् तु मुच्येत त्रिजन्मजनितादघात्
na tasya vasatir martye nāke vāsaḥ sadākṣayaḥ / niyamasthas tu mucyeta trijanmajanitādaghāt
Sanskrit only: no published translation is held for this verse.
विना पुमांसं या नारी द्वादशाब्द तु सुव्रता । तिष्ठते साक्षयं कालं रुद्रलोके महीयते
vinā pumāṃsaṃ yā nārī dvādaśābda tu suvratā / tiṣṭhate sākṣayaṃ kālaṃ rudraloke mahīyate
Sanskrit only: no published translation is held for this verse.
मुनेश् च वचनं श्रुत्वा मुदां परमिकां ययौ । ततो ऽवगाहते तीर्थमहर्निशमतन्द्रितम्
muneś ca vacanaṃ śrutvā mudāṃ paramikāṃ yayau / tato 'vagāhate tīrthamaharniśamatandritam
Sanskrit only: no published translation is held for this verse.
दृष्ट्वा तीर्थप्रभावं तु राज्ञी वचनम् अब्रवीत् । श्रूयतां वचनं मे ऽद्य ब्राह्मणाः सपुरोहिताः
dṛṣṭvā tīrthaprabhāvaṃ tu rājñī vacanam abravīt / śrūyatāṃ vacanaṃ me 'dya brāhmaṇāḥ sapurohitāḥ
Sanskrit only: no published translation is held for this verse.
न त्यजाम् ईदृशं स्थानं यावज् जीवाम्य् अहर्निशम् । मात्रे पित्रे तथा भ्रात्रे सद्भिर् वाच्यम् इदं वचः
na tyajām īdṛśaṃ sthānaṃ yāvaj jīvāmy aharniśam / mātre pitre tathā bhrātre sadbhir vācyam idaṃ vacaḥ
Sanskrit only: no published translation is held for this verse.
वर्तते शूलभेदे सा नियता व्रतचारिणी । एकान्तरोपवासेन शनैर् मासमुपोषिता
vartate śūlabhede sā niyatā vratacāriṇī / ekāntaropavāsena śanair māsamupoṣitā
Sanskrit only: no published translation is held for this verse.
देवशिलास्थिता नित्यं ध्यायमाना तु केशवम् । अहर्निशं स्थिता भूमौ दृष्टा राज्ञी शुभानना
devaśilāsthitā nityaṃ dhyāyamānā tu keśavam / aharniśaṃ sthitā bhūmau dṛṣṭā rājñī śubhānanā
Sanskrit only: no published translation is held for this verse.
व्रतस्था नियताहारा नाम्ना भानुमती शुभा । गतेषु द्विजमुख्येष्व् आययौ शबरयुग्मकम्
vratasthā niyatāhārā nāmnā bhānumatī śubhā / gateṣu dvijamukhyeṣv āyayau śabarayugmakam
Sanskrit only: no published translation is held for this verse.
उवाच वचनं तत्र तां दृष्ट्वा शबराङ्गना । नैवा ऽस्याः सदृशी काचित् त्रिषु लोकेषु विश्रुता
uvāca vacanaṃ tatra tāṃ dṛṣṭvā śabarāṅganā / naivā 'syāḥ sadṛśī kācit triṣu lokeṣu viśrutā
Sanskrit only: no published translation is held for this verse.
साक्षाद् असौ देवकन्या ह्यवतीर्णा महीतले । भार्याया वचनं श्रुत्वा शबरस् ताम् उवाच ह
sākṣād asau devakanyā hyavatīrṇā mahītale / bhāryāyā vacanaṃ śrutvā śabaras tām uvāca ha
Sanskrit only: no published translation is held for this verse.
कमलानि यथा लाभं दत्त्वा त्वं भुङ्क्ष्व सत्वरम् । मम चैवार्चने बुद्धिर् न भोक्तव्यं मया ऽद्य वै
kamalāni yathā lābhaṃ dattvā tvaṃ bhuṅkṣva satvaram / mama caivārcane buddhir na bhoktavyaṃ mayā 'dya vai
Sanskrit only: no published translation is held for this verse.
न पूर्वं तु मया स्वामिन् भुक्तं तस्मिंस् तु वासरे
na pūrvaṃ tu mayā svāmin bhuktaṃ tasmiṃs tu vāsare
Sanskrit only: no published translation is held for this verse.
भुक्तशेषं मया भुक्तं यावत् कालं स्मराम्य् अहम् । भार्याया निश्चयं ज्ञात्वा स्नानं कर्तुं जगाम ह
bhuktaśeṣaṃ mayā bhuktaṃ yāvat kālaṃ smarāmy aham / bhāryāyā niścayaṃ jñātvā snānaṃ kartuṃ jagāma ha
Sanskrit only: no published translation is held for this verse.
अर्धोत्तरीयवस्त्रेण स्नानं कृत्वा तु भक्तितः । सर्वदेवं नमस्कृत्य गतो देवशिलां प्रति
ardhottarīyavastreṇa snānaṃ kṛtvā tu bhaktitaḥ / sarvadevaṃ namaskṛtya gato devaśilāṃ prati
Sanskrit only: no published translation is held for this verse.
तस्थौ स शङ्कमानो ऽपि ध्यायमानो जनार्दनम् । कुमुदद्वयं शबर्या तु दासीहस्ते निवेदितम्
tasthau sa śaṅkamāno 'pi dhyāyamāno janārdanam / kumudadvayaṃ śabaryā tu dāsīhaste niveditam
Sanskrit only: no published translation is held for this verse.
दृष्ट्वा राज्ञी तथा पुष्पे दासीं चैव तदाब्रवीत् । त्वेदं पुष्पद्वयं लब्धं कथ्यतां तच् च साम्प्रतम्
dṛṣṭvā rājñī tathā puṣpe dāsīṃ caiva tadābravīt / tvedaṃ puṣpadvayaṃ labdhaṃ kathyatāṃ tac ca sāmpratam
Sanskrit only: no published translation is held for this verse.
शीघ्रं गच्छावगच्छ त्वं पुष्पं चैवानयापरम् । अनेन वसुना चैव कमलानि समानय
śīghraṃ gacchāvagaccha tvaṃ puṣpaṃ caivānayāparam / anena vasunā caiva kamalāni samānaya
Sanskrit only: no published translation is held for this verse.
भानुमत्या वचः श्रुत्वा गता सा शबरीं प्रति । श्रीफलानि च पुष्पाणि बहून्य् अन्यानि देहि मे
bhānumatyā vacaḥ śrutvā gatā sā śabarīṃ prati / śrīphalāni ca puṣpāṇi bahūny anyāni dehi me
Sanskrit only: no published translation is held for this verse.
श्रीफलानि च दास्यामि पुष्पाणि च विशेषतः । मूल्येन मे स्पृहा नास्ति गत्वा राज्ञीं निवेदय
śrīphalāni ca dāsyāmi puṣpāṇi ca viśeṣataḥ / mūlyena me spṛhā nāsti gatvā rājñīṃ nivedaya
Sanskrit only: no published translation is held for this verse.
गता दासी निवेद्याथ राज्ञी च स्वयम् आगता । उवाच शबरं राज्ञी पुष्पं मूल्येन देहि मे
gatā dāsī nivedyātha rājñī ca svayam āgatā / uvāca śabaraṃ rājñī puṣpaṃ mūlyena dehi me
Sanskrit only: no published translation is held for this verse.
न मूल्यं कामये देवि फलपुष्पसमुद्भवम् । श्रीफलानि च पुष्पाणि यथेष्टं मम गृह्यताम्
na mūlyaṃ kāmaye devi phalapuṣpasamudbhavam / śrīphalāni ca puṣpāṇi yatheṣṭaṃ mama gṛhyatām
Sanskrit only: no published translation is held for this verse.
विना मूल्यं न गृह्णामि कमलानि तवाधुना
vinā mūlyaṃ na gṛhṇāmi kamalāni tavādhunā
Sanskrit only: no published translation is held for this verse.
धान्यस्य खण्डिकाम् एकाम् एतां प्रति निगृह्यताम्
dhānyasya khaṇḍikām ekām etāṃ prati nigṛhyatām
Sanskrit only: no published translation is held for this verse.
नाहारं चिन्तयाम्यद्य मुक्त्वा देवं वरानने
nāhāraṃ cintayāmyadya muktvā devaṃ varānane
Sanskrit only: no published translation is held for this verse.
न त्वयान्नं परित्याज्यं सर्वमन्ने प्रतिष्ठितम्
na tvayānnaṃ parityājyaṃ sarvamanne pratiṣṭhitam
Sanskrit only: no published translation is held for this verse.
तस्मात् सर्वप्रयत्नेन ममान्नं प्रतिगृह्यताम् । तपस्विनो महाभागा ये चारण्यनिवासिनः
tasmāt sarvaprayatnena mamānnaṃ pratigṛhyatām / tapasvino mahābhāgā ye cāraṇyanivāsinaḥ
Sanskrit only: no published translation is held for this verse.
निषेधो ऽधिकृतः पूर्वं मया सत्यं न संशयः
niṣedho 'dhikṛtaḥ pūrvaṃ mayā satyaṃ na saṃśayaḥ
Sanskrit only: no published translation is held for this verse.
सत्यमूलं जगत् सर्वं सत्ये चैव प्रतिष्ठितम् । सत्येन तपते सूर्यः सत्येन द्योतते शशी
satyamūlaṃ jagat sarvaṃ satye caiva pratiṣṭhitam / satyena tapate sūryaḥ satyena dyotate śaśī
Sanskrit only: no published translation is held for this verse.
सत्येन वायवोवान्ति धरा सत्ये प्रतिष्ठिता । तस्मात् सर्वप्रयत्नेन सत्यं सत्यं न लोपयेत्
satyena vāyavovānti dharā satye pratiṣṭhitā / tasmāt sarvaprayatnena satyaṃ satyaṃ na lopayet
Sanskrit only: no published translation is held for this verse.
आरामोपहृतं पुष्पम् आरण्यं पुष्पम् एव च । क्रीतं प्रहिग्रहाल् लब्धं पुष्पम् एवं चतुर्विधम्
ārāmopahṛtaṃ puṣpam āraṇyaṃ puṣpam eva ca / krītaṃ prahigrahāl labdhaṃ puṣpam evaṃ caturvidham
Sanskrit only: no published translation is held for this verse.
उत्तमं फलमारण्यं गृहीत्वा स्वयम् एव हि । मध्यमं फलमाराम्यमधमं क्रीतम् एव च
uttamaṃ phalamāraṇyaṃ gṛhītvā svayam eva hi / madhyamaṃ phalamārāmyamadhamaṃ krītam eva ca
Sanskrit only: no published translation is held for this verse.
गृहाण राज्ञि पुष्पाणि पूजां कुरु जनार्दने
gṛhāṇa rājñi puṣpāṇi pūjāṃ kuru janārdane
Sanskrit only: no published translation is held for this verse.
उपकारं प्रकुर्वन्ती पूजां चक्रे यथाविधि । रात्रौ जागरणं कृत्वा कथा पौराणिकी श्रुता
upakāraṃ prakurvantī pūjāṃ cakre yathāvidhi / rātrau jāgaraṇaṃ kṛtvā kathā paurāṇikī śrutā
Sanskrit only: no published translation is held for this verse.
शबरस् तु ततो भार्याम् इदं वचनम् अब्रवीत् । दीपार्थं गृह्यतां स्नेहो यथालाभेन सुन्दरि
śabaras tu tato bhāryām idaṃ vacanam abravīt / dīpārthaṃ gṛhyatāṃ sneho yathālābhena sundari
Sanskrit only: no published translation is held for this verse.
दत्त्वा दीपं ततः कृत्वा धूपं पूजां जनार्दने । कृत्वा जागरणं रात्रौ ध्यायमानस् तु केशवम्
dattvā dīpaṃ tataḥ kṛtvā dhūpaṃ pūjāṃ janārdane / kṛtvā jāgaraṇaṃ rātrau dhyāyamānas tu keśavam
Sanskrit only: no published translation is held for this verse.
ततः प्रभातसमये दृष्ट्वा स्नानोत्सुकंजनम् । केचिच् च शूलभेदे तु देवनद्यां तथैव च
tataḥ prabhātasamaye dṛṣṭvā snānotsukaṃjanam / kecic ca śūlabhede tu devanadyāṃ tathaiva ca
Sanskrit only: no published translation is held for this verse.
सरस्वत्यां तथा केचिन्मार्कण्डेये तथा ह्रदे । चक्रतीर्थे तथा केचित् स्नानं कुर्वन्ति भक्तितः
sarasvatyāṃ tathā kecinmārkaṇḍeye tathā hrade / cakratīrthe tathā kecit snānaṃ kurvanti bhaktitaḥ
Sanskrit only: no published translation is held for this verse.
शुचिभूतास् तु ते सर्वे जना देवशिलोपरि । श्राद्धं कुर्वन्ति वै तत्र प्रयत्नेन द्विजर्षभाः
śucibhūtās tu te sarve janā devaśilopari / śrāddhaṃ kurvanti vai tatra prayatnena dvijarṣabhāḥ
Sanskrit only: no published translation is held for this verse.
तान् दृष्ट्वा शबरो बिल्वैः पिण्डं निर्वर्तयेत् ततः । भानुमत्या तथा सक्तुपिण्डनिर्वपणं कृतम्
tān dṛṣṭvā śabaro bilvaiḥ piṇḍaṃ nirvartayet tataḥ / bhānumatyā tathā saktupiṇḍanirvapaṇaṃ kṛtam
Sanskrit only: no published translation is held for this verse.
अनिन्द्य भोजयेद् विप्रं दम्भदोषविवर्जितम् । हविष्येण तथा दध्ना शर्करामधुसर्पिषा
anindya bhojayed vipraṃ dambhadoṣavivarjitam / haviṣyeṇa tathā dadhnā śarkarāmadhusarpiṣā
Sanskrit only: no published translation is held for this verse.
पायसेन च गव्येन कृशरेण विशेषतः । भोजयित्वा तथा राज्ञी दानं दत्त्वा यथाविधि
pāyasena ca gavyena kṛśareṇa viśeṣataḥ / bhojayitvā tathā rājñī dānaṃ dattvā yathāvidhi
Sanskrit only: no published translation is held for this verse.
पादुकोपानहौ छत्रं शय्या गोवृषम् एव च । विविधानि च दानानि हेमरत्नमयानि च
pādukopānahau chatraṃ śayyā govṛṣam eva ca / vividhāni ca dānāni hemaratnamayāni ca
Sanskrit only: no published translation is held for this verse.
तत्र तीर्थे महाराज कपिलां यः प्रयच्छति । तेन दत्ता मही राजन् सशैलवनकानना
tatra tīrthe mahārāja kapilāṃ yaḥ prayacchati / tena dattā mahī rājan saśailavanakānanā
Sanskrit only: no published translation is held for this verse.
तिलप्रदः प्रजा इष्टा दीपदश्चक्षुरुत्तमम् । भूमिदः स्वर्गम् आप्नोति दीर्घायुश् च हिरण्यदः
tilapradaḥ prajā iṣṭā dīpadaścakṣuruttamam / bhūmidaḥ svargam āpnoti dīrghāyuś ca hiraṇyadaḥ
Sanskrit only: no published translation is held for this verse.
गृहदो रोगरहितो रौप्यदो रूपमुत्तमम् । वासोदश् चन्द्रलोकं तु अश्वदः सूर्यलोकभाक्
gṛhado rogarahito raupyado rūpamuttamam / vāsodaś candralokaṃ tu aśvadaḥ sūryalokabhāk
Sanskrit only: no published translation is held for this verse.
वृषदस् तु श्रियं पुण्यां गोदानात् तु त्रिविष्टपम् । शय्यादानं च यो दद्यात् स स्वर्गमभयप्रदः
vṛṣadas tu śriyaṃ puṇyāṃ godānāt tu triviṣṭapam / śayyādānaṃ ca yo dadyāt sa svargamabhayapradaḥ
Sanskrit only: no published translation is held for this verse.
धान्यदः शाश्वतं सौख्यं ब्रह्मदो ब्रह्म शाश्वतम् । सर्वेषाम् एव दानानां ब्रह्मदानं विशिष्यते
dhānyadaḥ śāśvataṃ saukhyaṃ brahmado brahma śāśvatam / sarveṣām eva dānānāṃ brahmadānaṃ viśiṣyate
Sanskrit only: no published translation is held for this verse.
भार्याम् अश्वं महीं वासस् तिलकां च न सर्पिषम् । ये नयेन हि भावेन दानं विप्राय यच्छति
bhāryām aśvaṃ mahīṃ vāsas tilakāṃ ca na sarpiṣam / ye nayena hi bhāvena dānaṃ viprāya yacchati
Sanskrit only: no published translation is held for this verse.
तेन तेन हि भावेन प्राप्नोति पदपूजितम् । दृष्ट्वा दानानि सर्वाणि राज्ञ्या दत्तानि यानि च
tena tena hi bhāvena prāpnoti padapūjitam / dṛṣṭvā dānāni sarvāṇi rājñyā dattāni yāni ca
Sanskrit only: no published translation is held for this verse.
पुराणं पठितं भद्रे ब्राह्मणैर् वेदपारगैः
purāṇaṃ paṭhitaṃ bhadre brāhmaṇair vedapāragaiḥ
Sanskrit only: no published translation is held for this verse.
श्रुतं च तन् मया सर्वं दानधर्मपरं शुभम् । पूर्वजन्मार्जितं पापं स्नानदानव्रतेन च
śrutaṃ ca tan mayā sarvaṃ dānadharmaparaṃ śubham / pūrvajanmārjitaṃ pāpaṃ snānadānavratena ca
Sanskrit only: no published translation is held for this verse.
तत्सर्वं च क्षयं जातं मदीयेन प्रिये शृणु । अत्र दत्तं हुतं तप्तं सर्वं भवति चाक्षयम्
tatsarvaṃ ca kṣayaṃ jātaṃ madīyena priye śṛṇu / atra dattaṃ hutaṃ taptaṃ sarvaṃ bhavati cākṣayam
Sanskrit only: no published translation is held for this verse.
ते द्विजा भानुमत्या च शूलभेदं गतास् ततः । ददृशुः शबरं कुण्डे शबर्या सह संस्थितम्
te dvijā bhānumatyā ca śūlabhedaṃ gatās tataḥ / dadṛśuḥ śabaraṃ kuṇḍe śabaryā saha saṃsthitam
Sanskrit only: no published translation is held for this verse.
ईशान्यां च ततो गत्वा भृगुपर्वतमूर्धनि । मर्तुकामस् तथारूढो भार्यया सह पार्थिव
īśānyāṃ ca tato gatvā bhṛguparvatamūrdhani / martukāmas tathārūḍho bhāryayā saha pārthiva
Sanskrit only: no published translation is held for this verse.
तिष्ठ तिष्ठ महासत्त्व शृणुष्व वचनं मम । किमर्थं त्यजसि प्राणानद्यापि च युवा भवान्
tiṣṭha tiṣṭha mahāsattva śṛṇuṣva vacanaṃ mama / kimarthaṃ tyajasi prāṇānadyāpi ca yuvā bhavān
Sanskrit only: no published translation is held for this verse.
किं सन्तापः समुद्वेगः किं दुःखं व्याधिर् एव च । शिशुश् च दृश्यते ऽद्यापि कारणं कथयस्व मे
kiṃ santāpaḥ samudvegaḥ kiṃ duḥkhaṃ vyādhir eva ca / śiśuś ca dṛśyate 'dyāpi kāraṇaṃ kathayasva me
Sanskrit only: no published translation is held for this verse.
कारणं नास्ति मे किंचिन् न दुःखं किंचिद् एव हि । संसारसारभूतत्वे नान्या बुद्धिः प्रवर्तते
kāraṇaṃ nāsti me kiṃcin na duḥkhaṃ kiṃcid eva hi / saṃsārasārabhūtatve nānyā buddhiḥ pravartate
Sanskrit only: no published translation is held for this verse.
दुःखेन लभते यस्मान् मनुष्यत्वं वरानने । मानुष्यं जन्म चासाद्य यो न धर्मं समाचरेत्
duḥkhena labhate yasmān manuṣyatvaṃ varānane / mānuṣyaṃ janma cāsādya yo na dharmaṃ samācaret
Sanskrit only: no published translation is held for this verse.
स गच्छेन् नरकं घोरम् अल्पदोषेण सुन्दरि । तस्मात् पतितुम् इच्छामि अस्मिंस् तीर्थे तपस्विनि
sa gacchen narakaṃ ghoram alpadoṣeṇa sundari / tasmāt patitum icchāmi asmiṃs tīrthe tapasvini
Sanskrit only: no published translation is held for this verse.
अद्यापि वर्तते कालः स्वधर्मा विविधाः क्रियाः । कृत्वा प्रकृतधर्माणि तत्र दानेन शुद्ध्यति
adyāpi vartate kālaḥ svadharmā vividhāḥ kriyāḥ / kṛtvā prakṛtadharmāṇi tatra dānena śuddhyati
Sanskrit only: no published translation is held for this verse.
अहं दास्यामि ते धान्यं वासांसि द्रविणानि च । नित्यं त्वमाचरेर्धर्मं ध्यायमानो जनार्दनम्
ahaṃ dāsyāmi te dhānyaṃ vāsāṃsi draviṇāni ca / nityaṃ tvamācarerdharmaṃ dhyāyamāno janārdanam
Sanskrit only: no published translation is held for this verse.
न चाहं कामये देवि धान्यं वस्त्राणि चैव हि । यः परस्यान्नम् अश्नाति स नरो ऽश्नाति किल्बिषम्
na cāhaṃ kāmaye devi dhānyaṃ vastrāṇi caiva hi / yaḥ parasyānnam aśnāti sa naro 'śnāti kilbiṣam
Sanskrit only: no published translation is held for this verse.
कन्दमूलफलाहारो भुक्त्वा वै भक्ष्यमुत्तमम् । अवगाह्य च तीर्थानि सर्वपापैः प्रमुच्यसे
kandamūlaphalāhāro bhuktvā vai bhakṣyamuttamam / avagāhya ca tīrthāni sarvapāpaiḥ pramucyase
Sanskrit only: no published translation is held for this verse.
ततो विमुक्तपापस् तु यः कश्चित् पुरुषः शुचिः । कर्मणा तेन चैव त्वं गतिं सम्प्राप्स्यसे शुभाम्
tato vimuktapāpas tu yaḥ kaścit puruṣaḥ śuciḥ / karmaṇā tena caiva tvaṃ gatiṃ samprāpsyase śubhām
Sanskrit only: no published translation is held for this verse.
अत्र मध्ये मया त्यक्ताः प्राणा दृष्ट्वा हितं च यत् । सत्यन्न लोपये देवि इति मे निश्चिता मतिः
atra madhye mayā tyaktāḥ prāṇā dṛṣṭvā hitaṃ ca yat / satyanna lopaye devi iti me niścitā matiḥ
Sanskrit only: no published translation is held for this verse.
प्रसादः क्रियतां देवि क्षमस्व त्वं जनैः सह । बद्धोत्तरीयवस्त्रेण आत्मानं च प्रयत्नतः
prasādaḥ kriyatāṃ devi kṣamasva tvaṃ janaiḥ saha / baddhottarīyavastreṇa ātmānaṃ ca prayatnataḥ
Sanskrit only: no published translation is held for this verse.
भार्यया सहितस् तत्र हरिं ध्यात्वा पपात ह । नगार्धं पतितो यावद् गतजीवो नराधिप
bhāryayā sahitas tatra hariṃ dhyātvā papāta ha / nagārdhaṃ patito yāvad gatajīvo narādhipa
Sanskrit only: no published translation is held for this verse.
तूष्णीं भूतं तु तं दृष्ट्वा कुण्डस्योपरि भूमिप । त्रिमूर्तिगर्ते तत्काले शबरो भार्यया सह
tūṣṇīṃ bhūtaṃ tu taṃ dṛṣṭvā kuṇḍasyopari bhūmipa / trimūrtigarte tatkāle śabaro bhāryayā saha
Sanskrit only: no published translation is held for this verse.
दिव्यं विमानम् आरूढो गतश् च गतिमुत्तमाम्
divyaṃ vimānam ārūḍho gataś ca gatimuttamām
Sanskrit only: no published translation is held for this verse.