ततस् तयापि देवेश भानुमत्या हि किंकृतम् । एतन् मे संशयं देव कथयस्व प्रसादतः
tatas tayāpi deveśa bhānumatyā hi kiṃkṛtam / etan me saṃśayaṃ deva kathayasva prasādataḥ
Sanskrit only: no published translation is held for this verse.
चिन्तयित्वा तु सा राज्ञी गता कुण्डस्य सन्निधौ । दृष्ट्वा तीर्थस्य माहात्म्यं राज्ञी हर्षेण पूरिता
cintayitvā tu sā rājñī gatā kuṇḍasya sannidhau / dṛṣṭvā tīrthasya māhātmyaṃ rājñī harṣeṇa pūritā
Sanskrit only: no published translation is held for this verse.
विप्रान् बहून् समाहूय पूजयामास तत्क्षणात् । ददौ च विविधं दानं ब्राह्मणेभ्यो नराधिप
viprān bahūn samāhūya pūjayāmāsa tatkṣaṇāt / dadau ca vividhaṃ dānaṃ brāhmaṇebhyo narādhipa
Sanskrit only: no published translation is held for this verse.
दत्त्वा च दक्षिणाम् एवं मधुमासे च भूमिप । अमायां च ततो राज्ञी गता पर्वतमूर्धनि
dattvā ca dakṣiṇām evaṃ madhumāse ca bhūmipa / amāyāṃ ca tato rājñī gatā parvatamūrdhani
Sanskrit only: no published translation is held for this verse.
नगशृङ्गं समारुह्य कृत्वा तु करसम्पुटम् । विज्ञाप्य ब्राह्मणान् सर्वान् इदं वचनम् अब्रवीत्
nagaśṛṅgaṃ samāruhya kṛtvā tu karasampuṭam / vijñāpya brāhmaṇān sarvān idaṃ vacanam abravīt
Sanskrit only: no published translation is held for this verse.
मम माता पिता भ्राता तथा ऽन्ये चैव बान्धवाः । सर्वे क्षमन्तु ते सर्वैर् इदं वाच्यं तदा वचः
mama mātā pitā bhrātā tathā 'nye caiva bāndhavāḥ / sarve kṣamantu te sarvair idaṃ vācyaṃ tadā vacaḥ
Sanskrit only: no published translation is held for this verse.
इत्युक्त्वा शूलभेदे तु तपः कृत्वा सुदारुणम् । विसृज्य चैवम् आत्मानं तस्मिंस् तीर्थे दिवंगता
ityuktvā śūlabhede tu tapaḥ kṛtvā sudāruṇam / visṛjya caivam ātmānaṃ tasmiṃs tīrthe divaṃgatā
Sanskrit only: no published translation is held for this verse.
सन्देशं कथयिष्यामस् त्वयोक्तं शोभनव्रते । मातापित्रोश् च सुश्रोणि मा ते ऽभूद् अत्र संशयः
sandeśaṃ kathayiṣyāmas tvayoktaṃ śobhanavrate / mātāpitroś ca suśroṇi mā te 'bhūd atra saṃśayaḥ
Sanskrit only: no published translation is held for this verse.
ततो विसृज्य लोकं तु स्थिता पर्वतसन्निधौ । अर्धोत्तरीयवस्त्रं तु गाढं कृत्वा पुनः पुनः
tato visṛjya lokaṃ tu sthitā parvatasannidhau / ardhottarīyavastraṃ tu gāḍhaṃ kṛtvā punaḥ punaḥ
Sanskrit only: no published translation is held for this verse.
ततो विसृज्य चात्मानम् एकचित्ता नराधिप । नगार्द्धं पतिता यावत् तावद् दृष्टा सुरासुरैः
tato visṛjya cātmānam ekacittā narādhipa / nagārddhaṃ patitā yāvat tāvad dṛṣṭā surāsuraiḥ
Sanskrit only: no published translation is held for this verse.
दिव्यं विमानम् आरुह्य कैलासं सा जगाम ह । ततः सा पश्यतां तेषां जनानां त्रिदिवं गता
divyaṃ vimānam āruhya kailāsaṃ sā jagāma ha / tataḥ sā paśyatāṃ teṣāṃ janānāṃ tridivaṃ gatā
Sanskrit only: no published translation is held for this verse.