नर्मदायोत्तरे कूले तीर्थं परमशोभनम् । सर्वपापहरं पुण्यं नाम्ना वै गौतमेश्वरम्
narmadāyottare kūle tīrthaṃ paramaśobhanam / sarvapāpaharaṃ puṇyaṃ nāmnā vai gautameśvaram
Sanskrit only: no published translation is held for this verse.
स्थापितं गौतमेनैव लोकानां हितकाम्यया । स्वर्गसोपानरूपेण तीर्थं पुंसां युधिष्ठिर
sthāpitaṃ gautamenaiva lokānāṃ hitakāmyayā / svargasopānarūpeṇa tīrthaṃ puṃsāṃ yudhiṣṭhira
Sanskrit only: no published translation is held for this verse.
गच्छ त्वं परया भक्त्या यत्र देवो जगद्गुरुः । पातकानां विनाशाय स्वर्गवासाप्तये नृप
gaccha tvaṃ parayā bhaktyā yatra devo jagadguruḥ / pātakānāṃ vināśāya svargavāsāptaye nṛpa
Sanskrit only: no published translation is held for this verse.
सौख्यस्य वर्धनं लिङ्गं जयदं दुःखनाशनम् । पिण्डदानेन चैकेन कुलानां उद्धरेत् त्रयम्
saukhyasya vardhanaṃ liṅgaṃ jayadaṃ duḥkhanāśanam / piṇḍadānena caikena kulānāṃ uddharet trayam
Sanskrit only: no published translation is held for this verse.
यत् किंचिद् दीयते भक्त्या स्वल्पं वा यदि वा बहु । तत्सर्वं शतसाहस्रम् आज्ञया गौतमस्य च
yat kiṃcid dīyate bhaktyā svalpaṃ vā yadi vā bahu / tatsarvaṃ śatasāhasram ājñayā gautamasya ca
Sanskrit only: no published translation is held for this verse.
दक्षिणे नर्मदाकूले तीर्थं परमशोभनम्
dakṣiṇe narmadākūle tīrthaṃ paramaśobhanam
Sanskrit only: no published translation is held for this verse.
शङ्खचूडेश्वरं तत्र प्रसिद्धं भूमिमण्डले । शङ्खचूडेश्वरस् तत्र संस्थितः पाण्डुनन्दन
śaṅkhacūḍeśvaraṃ tatra prasiddhaṃ bhūmimaṇḍale / śaṅkhacūḍeśvaras tatra saṃsthitaḥ pāṇḍunandana
Sanskrit only: no published translation is held for this verse.
वैनतेयभयात् पार्थ संस्थितो नर्मदातटे । तत्र तीर्थे तु यो भक्त्या शुचिर् भूत्वा समाहितः
vainateyabhayāt pārtha saṃsthito narmadātaṭe / tatra tīrthe tu yo bhaktyā śucir bhūtvā samāhitaḥ
Sanskrit only: no published translation is held for this verse.
स्नापयेच् छङ्खचूडं तु क्षौद्रेण दधिसर्पिषा । रात्रौ जागरणं कृत्वा देवस्याग्रे नराधिप
snāpayec chaṅkhacūḍaṃ tu kṣaudreṇa dadhisarpiṣā / rātrau jāgaraṇaṃ kṛtvā devasyāgre narādhipa
Sanskrit only: no published translation is held for this verse.
दधिभक्तेन सम्पूज्य ब्राह्मणान् छंसितव्रतान् । गोदानं च तथा देयं सर्वपापक्षयं करम्
dadhibhaktena sampūjya brāhmaṇān chaṃsitavratān / godānaṃ ca tathā deyaṃ sarvapāpakṣayaṃ karam
Sanskrit only: no published translation is held for this verse.
तस्मिंस् तीर्थे तु यः पार्थ सर्पदष्टो ऽपि नश्यति । सो ऽपि याति परं लोकं शङ्खचूडस्य चाज्ञया
tasmiṃs tīrthe tu yaḥ pārtha sarpadaṣṭo 'pi naśyati / so 'pi yāti paraṃ lokaṃ śaṅkhacūḍasya cājñayā
Sanskrit only: no published translation is held for this verse.