Revakhanda of the Vayupurana 10

कस्मिन्कल्पे महाभागा नर्मदेयं द्विजोत्तम । विभक्ता ऋषिभिः सर्वैस्तपोयुक्तैर्महात्मभिः

kasminkalpe mahābhāgā narmadeyaṃ dvijottama / vibhaktā ṛṣibhiḥ sarvaistapoyuktairmahātmabhiḥ

Sanskrit only: no published translation is held for this verse.

एतद्विस्तरतः सर्वं ब्रूहि मे वदतां वर । कल्पान्ते यद्भवेत्कष्टं लोकानां तत्त्वमेव च

etadvistarataḥ sarvaṃ brūhi me vadatāṃ vara / kalpānte yadbhavetkaṣṭaṃ lokānāṃ tattvameva ca

Sanskrit only: no published translation is held for this verse.

अतीते तु पुरा कल्पे यथेयं वर्तते ऽनघ । अस्यान्त्यस्य च कल्पस्य व्यवस्थां कथय प्रभो । एवमुक्तः सभामध्ये मार्कण्डो वाक्यमब्रवीत्

atīte tu purā kalpe yatheyaṃ vartate 'nagha / asyāntyasya ca kalpasya vyavasthāṃ kathaya prabho / evamuktaḥ sabhāmadhye mārkaṇḍo vākyamabravīt

Sanskrit only: no published translation is held for this verse.

वक्ष्ये ऽहं श्रूयतां सर्वैः कथेयं पूर्वतः श्रुता

vakṣye 'haṃ śrūyatāṃ sarvaiḥ katheyaṃ pūrvataḥ śrutā

Sanskrit only: no published translation is held for this verse.

महत्कथेयं वैशिष्टी कल्पादस्मात्परं तु या । लोकक्षयकरो घोर आसीत्कालः सुदारुणः

mahatkatheyaṃ vaiśiṣṭī kalpādasmātparaṃ tu yā / lokakṣayakaro ghora āsītkālaḥ sudāruṇaḥ

Sanskrit only: no published translation is held for this verse.

तस्मिन्नपि महाघोरे यथेयं वा मृता सती । परितुष्टैर्विभक्ता च शृणुध्वं तां कथामिमाम्

tasminnapi mahāghore yatheyaṃ vā mṛtā satī / parituṣṭairvibhaktā ca śṛṇudhvaṃ tāṃ kathāmimām

Sanskrit only: no published translation is held for this verse.

युगान्ते समनुप्राप्ते पितामहदिनत्रये । मानसा ब्रह्मणः पुत्राः साक्षाद्ब्रह्मेव सत्तमाः

yugānte samanuprāpte pitāmahadinatraye / mānasā brahmaṇaḥ putrāḥ sākṣādbrahmeva sattamāḥ

Sanskrit only: no published translation is held for this verse.

सनकाद्या महात्मानो ये च वैमानिका गणाः । यमेन्द्रवरुणाद्याश्च लोकपाला दिनत्रये

sanakādyā mahātmāno ye ca vaimānikā gaṇāḥ / yamendravaruṇādyāśca lokapālā dinatraye

Sanskrit only: no published translation is held for this verse.

कालापेक्षास्तु तिष्ठन्ति लोकवृत्तान्ततत्पराः । ततः कल्पक्षये प्राप्ते तेषां ज्ञानमनुत्तमम्

kālāpekṣāstu tiṣṭhanti lokavṛttāntatatparāḥ / tataḥ kalpakṣaye prāpte teṣāṃ jñānamanuttamam

Sanskrit only: no published translation is held for this verse.

सर्वेषां नश्यते चायुर्युगरूपानुसारतः । भूर्लोकं ते परित्यज्य अगमंश्च भुवं तदा

sarveṣāṃ naśyate cāyuryugarūpānusārataḥ / bhūrlokaṃ te parityajya agamaṃśca bhuvaṃ tadā

Sanskrit only: no published translation is held for this verse.

स्वर्लोकं च महश्चैव जनश्चैव तपस्तदा । आश्रयं सत्यलोकं च सर्वलोकमनुत्तमम्

svarlokaṃ ca mahaścaiva janaścaiva tapastadā / āśrayaṃ satyalokaṃ ca sarvalokamanuttamam

Sanskrit only: no published translation is held for this verse.

कालं युगसहस्रान्तं पुत्रपौत्रसमन्विताः । सत्यलोके च तिष्ठन्ति यावत्संजायते जगत्

kālaṃ yugasahasrāntaṃ putrapautrasamanvitāḥ / satyaloke ca tiṣṭhanti yāvatsaṃjāyate jagat

Sanskrit only: no published translation is held for this verse.

ब्रह्मपुत्राश्च ये केचित्कल्पादौ न भवन्ति ह । त्रैलोक्यं ते परित्यज्य अनाधारं भवन्ति च

brahmaputrāśca ye kecitkalpādau na bhavanti ha / trailokyaṃ te parityajya anādhāraṃ bhavanti ca

Sanskrit only: no published translation is held for this verse.

तैः सार्धं ये तु ते विप्रा अन्ये चापि तपोधनाः । यक्षरक्षःपिशाचाश्च अन्ये वैमानिका गणाः

taiḥ sārdhaṃ ye tu te viprā anye cāpi tapodhanāḥ / yakṣarakṣaḥpiśācāśca anye vaimānikā gaṇāḥ

Sanskrit only: no published translation is held for this verse.

ऋषयश्च महाभागा वर्णाश्चान्ये पृथग्विधाः । सीदन्ति भूम्यां सहिता ये चान्ये तलवासिनः

ṛṣayaśca mahābhāgā varṇāścānye pṛthagvidhāḥ / sīdanti bhūmyāṃ sahitā ye cānye talavāsinaḥ

Sanskrit only: no published translation is held for this verse.

अनावृष्टिरभूत्तत्र महती शतवार्षिकी । लोकक्षयकरी रौद्रा वृक्षवीरुद्विनाशिनी

anāvṛṣṭirabhūttatra mahatī śatavārṣikī / lokakṣayakarī raudrā vṛkṣavīrudvināśinī

Sanskrit only: no published translation is held for this verse.

त्रैलोक्यसंक्षोभकरी सप्तार्णवविशोषणी । ततो लोकाः क्षुधाविष्टा भ्रमन्तीव दिशो दश

trailokyasaṃkṣobhakarī saptārṇavaviśoṣaṇī / tato lokāḥ kṣudhāviṣṭā bhramantīva diśo daśa

Sanskrit only: no published translation is held for this verse.

कंदैर्मूलैः फलैर्वापि वर्तयन्ते सुदुःखिताः । सरितः सागराः कूपाः सेवन्ते पावनानि च

kaṃdairmūlaiḥ phalairvāpi vartayante suduḥkhitāḥ / saritaḥ sāgarāḥ kūpāḥ sevante pāvanāni ca

Sanskrit only: no published translation is held for this verse.

तत्रापि सर्वे शुष्यन्ति सरिद्भिः सह सागराः । ततो यान्यल्पसाराणि सत्त्वानि पृथिवीतले

tatrāpi sarve śuṣyanti saridbhiḥ saha sāgarāḥ / tato yānyalpasārāṇi sattvāni pṛthivītale

Sanskrit only: no published translation is held for this verse.

तान्येवाग्रे प्रलीयन्ते भिन्नान्युरुजलेन वै । अथ संक्षीयमाणासु सरित्सु सह सागरैः

tānyevāgre pralīyante bhinnānyurujalena vai / atha saṃkṣīyamāṇāsu saritsu saha sāgaraiḥ

Sanskrit only: no published translation is held for this verse.

ऋषीणां षष्टिसाहस्रं कुरुक्षेत्रनिवासिनाम् । ये च वैखानसा विप्रा दन्तोलूखलिनस्तथा

ṛṣīṇāṃ ṣaṣṭisāhasraṃ kurukṣetranivāsinām / ye ca vaikhānasā viprā dantolūkhalinastathā

Sanskrit only: no published translation is held for this verse.

हिमाचलगुहागुह्ये ये वसन्ति तपोधनाः । सर्वे ते मामुपागम्य क्षुत्तृषार्तास्तपोधनाः

himācalaguhāguhye ye vasanti tapodhanāḥ / sarve te māmupāgamya kṣuttṛṣārtāstapodhanāḥ

Sanskrit only: no published translation is held for this verse.

ऊचुः प्राञ्जलयः सर्वे सीदयामो महामुने । सरित्सागरशैलान्तं जगत्संशुष्यते द्विज

ūcuḥ prāñjalayaḥ sarve sīdayāmo mahāmune / saritsāgaraśailāntaṃ jagatsaṃśuṣyate dvija

Sanskrit only: no published translation is held for this verse.

कुत्र यास्याम सहिता यावत्कालस्य पर्ययः । दीर्घायुरसि विप्रेन्द्र न मृतस्त्वं युगक्षये

kutra yāsyāma sahitā yāvatkālasya paryayaḥ / dīrghāyurasi viprendra na mṛtastvaṃ yugakṣaye

Sanskrit only: no published translation is held for this verse.

भूतं भव्यं भविष्यच्च सर्वं तव हृदि स्थितम् । तस्मात्त्वं वेत्सि सर्वं च कथयस्व महाव्रत

bhūtaṃ bhavyaṃ bhaviṣyacca sarvaṃ tava hṛdi sthitam / tasmāttvaṃ vetsi sarvaṃ ca kathayasva mahāvrata

Sanskrit only: no published translation is held for this verse.

कीदृक्कालं महाभाग क्षपिष्यामो ऽथ सुव्रत । अनावृष्टिहतं सर्वं सीदते सचराचरम्

kīdṛkkālaṃ mahābhāga kṣapiṣyāmo 'tha suvrata / anāvṛṣṭihataṃ sarvaṃ sīdate sacarācaram

Sanskrit only: no published translation is held for this verse.

परित्राहि महाभाग न यथा याम संक्षयम् । ततः संचिन्त्य मनसा त्वरन्विप्रान् अथाब्रवम्

paritrāhi mahābhāga na yathā yāma saṃkṣayam / tataḥ saṃcintya manasā tvaranviprān athābravam

Sanskrit only: no published translation is held for this verse.

कुरुक्षेत्रं त्यजध्वं च पुत्रदारसमन्विताः । त्यक्त्वोदीचीं दिशं सर्वे यामो याम्यामनुत्तमाम्

kurukṣetraṃ tyajadhvaṃ ca putradārasamanvitāḥ / tyaktvodīcīṃ diśaṃ sarve yāmo yāmyāmanuttamām

Sanskrit only: no published translation is held for this verse.

नगरग्रामघोषाढ्यां पुरपत्तनशोभिताम् । गच्छामो नर्मदातीरं बहुसिद्धनिषेवितम्

nagaragrāmaghoṣāḍhyāṃ purapattanaśobhitām / gacchāmo narmadātīraṃ bahusiddhaniṣevitam

Sanskrit only: no published translation is held for this verse.

रुद्राङ्गीं तां महापुण्यां सर्वपापप्रणाशिनीम् । पश्यामस्तां महाभागां न्यग्रोधावारसंकुलाम्

rudrāṅgīṃ tāṃ mahāpuṇyāṃ sarvapāpapraṇāśinīm / paśyāmastāṃ mahābhāgāṃ nyagrodhāvārasaṃkulām

Sanskrit only: no published translation is held for this verse.

माहेश्वरैर्भागवतैः सांख्यैः सिद्धैः सुसेविताम् । अनावृष्टिभयाद्भीताः कूलयोरुभयोरपि

māheśvarairbhāgavataiḥ sāṃkhyaiḥ siddhaiḥ susevitām / anāvṛṣṭibhayādbhītāḥ kūlayorubhayorapi

Sanskrit only: no published translation is held for this verse.

आश्रमे ह्याश्रमान्दिव्यान्कारयामो जितव्रताः । एवमुक्तास्तु ते सर्वे समेतानुचरैः सह

āśrame hyāśramāndivyānkārayāmo jitavratāḥ / evamuktāstu te sarve sametānucaraiḥ saha

Sanskrit only: no published translation is held for this verse.

नर्मदातीरमासाद्य स्थिताः सर्वे ऽकुतोभयाः । किंचित् पूर्वम् अनुस्मृत्य पुरा कल्पादिभिर्भयम्

narmadātīramāsādya sthitāḥ sarve 'kutobhayāḥ / kiṃcit pūrvam anusmṛtya purā kalpādibhirbhayam

Sanskrit only: no published translation is held for this verse.

प्राप्तास्तु नर्मदातीरमादावेव कलौ युगे । ततो वर्षशतं पूर्णं दिव्यं रेवातटे ऽवसन्

prāptāstu narmadātīramādāveva kalau yuge / tato varṣaśataṃ pūrṇaṃ divyaṃ revātaṭe 'vasan

Sanskrit only: no published translation is held for this verse.

षड्विंशच्च सहस्राणि वर्षाणां मानुषाणि च । तत्राश्चर्यं मया दृष्टमृषीणां वसतां नृप

ṣaḍviṃśacca sahasrāṇi varṣāṇāṃ mānuṣāṇi ca / tatrāścaryaṃ mayā dṛṣṭamṛṣīṇāṃ vasatāṃ nṛpa

Sanskrit only: no published translation is held for this verse.

अनावृष्टिहते लोके संशुष्के स्थावरे चरे । भिन्ने युगादिकलने हाहाभूते विचेतने

anāvṛṣṭihate loke saṃśuṣke sthāvare care / bhinne yugādikalane hāhābhūte vicetane

Sanskrit only: no published translation is held for this verse.

चातुर्वर्णे प्रलीने तु नष्टे होमबलिक्रमे । निःस्वाहे निर्वषट्कारे शौचाचारविवर्जिते

cāturvarṇe pralīne tu naṣṭe homabalikrame / niḥsvāhe nirvaṣaṭkāre śaucācāravivarjite

Sanskrit only: no published translation is held for this verse.

इयमेका सरिच्छ्रेष्ठा ऋषिकोटिनिषेविता । नान्या काचित्त्रिलोके ऽपि रमणीया नरेश्वर

iyamekā saricchreṣṭhā ṛṣikoṭiniṣevitā / nānyā kācittriloke 'pi ramaṇīyā nareśvara

Sanskrit only: no published translation is held for this verse.

यथेयं पुण्यसलिला इन्द्रस्येवामरावती । देवतायतनैः शुभ्रैराश्रमैश्च सुकल्पितैः

yatheyaṃ puṇyasalilā indrasyevāmarāvatī / devatāyatanaiḥ śubhrairāśramaiśca sukalpitaiḥ

Sanskrit only: no published translation is held for this verse.

शोभते नर्मदा देवी स्वर्गे मन्दाकिनी यथा । यावद्वृक्षा महाशैला यावत्सागरसंभवा

śobhate narmadā devī svarge mandākinī yathā / yāvadvṛkṣā mahāśailā yāvatsāgarasaṃbhavā

Sanskrit only: no published translation is held for this verse.

उभयोः कूलयोस् तावन् मण्डितायतनैः शुभैः । हूयद्भिर् अग्निहोत्रैश्च हविर्धूमसमाकुला

ubhayoḥ kūlayos tāvan maṇḍitāyatanaiḥ śubhaiḥ / hūyadbhir agnihotraiśca havirdhūmasamākulā

Sanskrit only: no published translation is held for this verse.

बभूव नर्मदा देवी प्रावृट्काल इव शर्वरी । देवतायतनैर्नैकैः पूजासंस्कारशोभिता

babhūva narmadā devī prāvṛṭkāla iva śarvarī / devatāyatanairnaikaiḥ pūjāsaṃskāraśobhitā

Sanskrit only: no published translation is held for this verse.

सरिद्भिर्भ्राजते श्रेष्ठा पुरी शाक्री च भास्करी । केचित्पञ्चाग्नितपसः केचिदप्यग्निहोत्रिणः

saridbhirbhrājate śreṣṭhā purī śākrī ca bhāskarī / kecitpañcāgnitapasaḥ kecidapyagnihotriṇaḥ

Sanskrit only: no published translation is held for this verse.

केचिद् धूमकमश्नन्ति तपस्युग्रे व्यवस्थिताः । आत्मयज्ञरताः केचिदपरे भक्तिभागिनः

kecid dhūmakamaśnanti tapasyugre vyavasthitāḥ / ātmayajñaratāḥ kecidapare bhaktibhāginaḥ

Sanskrit only: no published translation is held for this verse.

वैष्णवज्ञानम् आसाद्य केचिच्छैवं व्रतं तथा । एकरात्रं द्विरात्रं च केचित्षष्ठाहभोजनाः

vaiṣṇavajñānam āsādya kecicchaivaṃ vrataṃ tathā / ekarātraṃ dvirātraṃ ca kecitṣaṣṭhāhabhojanāḥ

Sanskrit only: no published translation is held for this verse.

चान्द्रायणविधानैश्च कृच्छ्रिणश्चातिकृच्छ्रिणः । एवंविधैस्तपोभिश्च नर्मदातीरशोभितैः

cāndrāyaṇavidhānaiśca kṛcchriṇaścātikṛcchriṇaḥ / evaṃvidhaistapobhiśca narmadātīraśobhitaiḥ

Sanskrit only: no published translation is held for this verse.

यजद्भिः शंकरं देवं केशवं भाति नित्यदा । एकत्वे च पृथक्त्वे च यजतां च महेश्वरम्

yajadbhiḥ śaṃkaraṃ devaṃ keśavaṃ bhāti nityadā / ekatve ca pṛthaktve ca yajatāṃ ca maheśvaram

Sanskrit only: no published translation is held for this verse.

कलौ युगे महाघोरे प्राप्ताः सिद्धिमनुत्तमाम् । यस्य यस्य हि या भक्तिर्विज्ञानं यस्य यादृशम्

kalau yuge mahāghore prāptāḥ siddhimanuttamām / yasya yasya hi yā bhaktirvijñānaṃ yasya yādṛśam

Sanskrit only: no published translation is held for this verse.

यस्मिन्यस्मिंश्च देवे तु तांतामीशो ऽददात्प्रभुः । स्वभावैकतया भक्त्या तामेत्यान्तः प्रलीयते

yasminyasmiṃśca deve tu tāṃtāmīśo 'dadātprabhuḥ / svabhāvaikatayā bhaktyā tāmetyāntaḥ pralīyate

Sanskrit only: no published translation is held for this verse.

संसारे परिवर्तन्ते ये पृथग्भाजिनो नराः । ये महावृक्षमीशानं त्यक्त्वा शाखावलम्बिनः

saṃsāre parivartante ye pṛthagbhājino narāḥ / ye mahāvṛkṣamīśānaṃ tyaktvā śākhāvalambinaḥ

Sanskrit only: no published translation is held for this verse.

पुनरावर्तमानास्ते जायन्ते हि चतुर्युगे । देवान्ते स्थावरान्ते च संसारे चाभ्रमन्क्रमात्

punarāvartamānāste jāyante hi caturyuge / devānte sthāvarānte ca saṃsāre cābhramankramāt

Sanskrit only: no published translation is held for this verse.

पुनर्जन्म पुनः स्वर्गे पुनर्घोरे च रौरवे । ये पुनर्देवमीशानं भवं भक्तिसुसंस्थिताः

punarjanma punaḥ svarge punarghore ca raurave / ye punardevamīśānaṃ bhavaṃ bhaktisusaṃsthitāḥ

Sanskrit only: no published translation is held for this verse.

यजन्ति नर्मदातीरे न पुनस्ते भवन्ति च । आ देहपतनात् केचिद् उपासन्तः परं गताः

yajanti narmadātīre na punaste bhavanti ca / ā dehapatanāt kecid upāsantaḥ paraṃ gatāḥ

Sanskrit only: no published translation is held for this verse.

केचिद्द्वादशभिर्वर्षैः षड्भरन्ये तपोधनाः । त्रिभिः संवत्सरैः केचित्केचित्संवत्सरेण तु

keciddvādaśabhirvarṣaiḥ ṣaḍbharanye tapodhanāḥ / tribhiḥ saṃvatsaraiḥ kecitkecitsaṃvatsareṇa tu

Sanskrit only: no published translation is held for this verse.

षड्भिर्मासैस्तु संसिद्धास् त्रिभिर् मासैस् तथापरे । मुनयो देवमाश्रित्य नर्मदां च यशस्विनीम्

ṣaḍbhirmāsaistu saṃsiddhās tribhir māsais tathāpare / munayo devamāśritya narmadāṃ ca yaśasvinīm

Sanskrit only: no published translation is held for this verse.

छित्त्वा संसारदोषांश्च अगमन्ब्रह्म शाश्वतम् । एवं कलियुगे घोरे शतशो ऽथ सहस्रशः

chittvā saṃsāradoṣāṃśca agamanbrahma śāśvatam / evaṃ kaliyuge ghore śataśo 'tha sahasraśaḥ

Sanskrit only: no published translation is held for this verse.

नर्मदातीरमाश्रित्य मुनयो रुद्रमाविशन्

narmadātīramāśritya munayo rudramāviśan

Sanskrit only: no published translation is held for this verse.

ये नर्मदातीरमुपेत्य विप्राः शैवे व्रते यत्नम् उपप्रपन्नाः । त्रिकालम् अम्भः प्रविगाह्य भक्त्या देवं समभ्यर्च्य शिवं व्रजन्ति

ye narmadātīramupetya viprāḥ śaive vrate yatnam upaprapannāḥ / trikālam ambhaḥ pravigāhya bhaktyā devaṃ samabhyarcya śivaṃ vrajanti

Sanskrit only: no published translation is held for this verse.

ध्यानार्चनैर्जाप्यमहाव्रतैश्च नारायणं वा सततं स्मरन्ति । ते धौतपाण्डुरपटा इव राजहंसाः संसारसागरजलस्य तरन्ति पारम्

dhyānārcanairjāpyamahāvrataiśca nārāyaṇaṃ vā satataṃ smaranti / te dhautapāṇḍurapaṭā iva rājahaṃsāḥ saṃsārasāgarajalasya taranti pāram

Sanskrit only: no published translation is held for this verse.

सत्यं सत्यं पुनः सत्यमुत्क्षिप्य भुजम् उच्यते । इदमेकं सुनिष्पन्नं ध्येयो नारायणः सदा

satyaṃ satyaṃ punaḥ satyamutkṣipya bhujam ucyate / idamekaṃ suniṣpannaṃ dhyeyo nārāyaṇaḥ sadā

Sanskrit only: no published translation is held for this verse.

यो वा हरं पूजयते जितात्मा मासं च पक्षं च वसेन्नरेन्द्र । रेवां समाश्रित्य महानुभावः स देवदेवो ऽथ भवेत्पिनाकी

yo vā haraṃ pūjayate jitātmā māsaṃ ca pakṣaṃ ca vasennarendra / revāṃ samāśritya mahānubhāvaḥ sa devadevo 'tha bhavetpinākī

Sanskrit only: no published translation is held for this verse.

कीटाः पतंगाश्च पिपीलिकाश्च ये वै म्रियन्ते ऽम्भसि नर्मदायाः । ते दिव्यरूपास्तु कुलप्रसूताः शतं समा धर्मपरा भवन्ति

kīṭāḥ pataṃgāśca pipīlikāśca ye vai mriyante 'mbhasi narmadāyāḥ / te divyarūpāstu kulaprasūtāḥ śataṃ samā dharmaparā bhavanti

Sanskrit only: no published translation is held for this verse.

कालेन वृक्षाः प्रपतन्ति ये ऽपि महातरंगौघनिकृत्तमूलाः । ते नर्मदांभोभिरपास्तपापा देदीप्यमानास्त्रिदिवं प्रयान्ति

kālena vṛkṣāḥ prapatanti ye 'pi mahātaraṃgaughanikṛttamūlāḥ / te narmadāṃbhobhirapāstapāpā dedīpyamānāstridivaṃ prayānti

Sanskrit only: no published translation is held for this verse.

अकामकामाश्च तथा सकामा रेवान्तम् आश्रित्य म्रियन्ति तीरे । जडान्धमूकास् त्रिदिवं प्रयान्ति किमत्र विप्रा भवभावयुक्ताः

akāmakāmāśca tathā sakāmā revāntam āśritya mriyanti tīre / jaḍāndhamūkās tridivaṃ prayānti kimatra viprā bhavabhāvayuktāḥ

Sanskrit only: no published translation is held for this verse.

मासोपवासैरपि शोषिताङ्गा न तां गतिं यान्ति विमुक्तदेहाः । म्रियन्ति रेवाजलपूतकायाः शिवार्चने केशवभावयुक्ताः

māsopavāsairapi śoṣitāṅgā na tāṃ gatiṃ yānti vimuktadehāḥ / mriyanti revājalapūtakāyāḥ śivārcane keśavabhāvayuktāḥ

Sanskrit only: no published translation is held for this verse.

नीवारश्यामाकयवेङ्गुदाद्यैर् अन्यैर् मुनीन्द्रा इह वर्तयन्ति । आप्रित्य कूलं त्रिदशानुगीतं ते नर्मदाया न विशन्ति मृत्युम्

nīvāraśyāmākayaveṅgudādyair anyair munīndrā iha vartayanti / āpritya kūlaṃ tridaśānugītaṃ te narmadāyā na viśanti mṛtyum

Sanskrit only: no published translation is held for this verse.

भ्रमन्ति ये तीरमुपेत्य देव्यास् त्रिकालदेवार्चनसत्यपूताः । विण्मूत्रचर्मास्थितिरोपधानाः कुक्षौ युवत्या न वसन्ति भूयः

bhramanti ye tīramupetya devyās trikāladevārcanasatyapūtāḥ / viṇmūtracarmāsthitiropadhānāḥ kukṣau yuvatyā na vasanti bhūyaḥ

Sanskrit only: no published translation is held for this verse.

किं यज्ञदानैर्बहुभिश्च तेषां निषेवितैस्तीर्थवरैः समस्तैः । रेवातटं दक्षिणमुत्तरं वा सेवन्ति ते रुद्रचरानुपूर्वम्

kiṃ yajñadānairbahubhiśca teṣāṃ niṣevitaistīrthavaraiḥ samastaiḥ / revātaṭaṃ dakṣiṇamuttaraṃ vā sevanti te rudracarānupūrvam

Sanskrit only: no published translation is held for this verse.

ते वञ्चिताः पङ्गुजडान्धभूता लोकेषु मर्त्याः पशुभिश्च तुल्याः । ये नाश्रिता रुद्रशरीरभूतां सोपानपङ्क्तिं त्रिदिवस्य रेवाम्

te vañcitāḥ paṅgujaḍāndhabhūtā lokeṣu martyāḥ paśubhiśca tulyāḥ / ye nāśritā rudraśarīrabhūtāṃ sopānapaṅktiṃ tridivasya revām

Sanskrit only: no published translation is held for this verse.

युगं कलिं घोरमिमं य इच्छेद्द्रष्टुं कदाचिन्न पुनर् द्विजेन्द्रः । स नर्मदातीरमुपेत्य सर्वं सम्पूजयेत् सर्वविमुक्तसंगः

yugaṃ kaliṃ ghoramimaṃ ya iccheddraṣṭuṃ kadācinna punar dvijendraḥ / sa narmadātīramupetya sarvaṃ sampūjayet sarvavimuktasaṃgaḥ

Sanskrit only: no published translation is held for this verse.

विघ्नैर् अनेकैर् अतियोज्यमाना ये तीरम् उझन्ति न नर्मदायाः । ते चैव सर्वस्य हितार्थभूता वन्द्याश्च ते सर्वजनस्य मान्याः

vighnair anekair atiyojyamānā ye tīram ujhanti na narmadāyāḥ / te caiva sarvasya hitārthabhūtā vandyāśca te sarvajanasya mānyāḥ

Sanskrit only: no published translation is held for this verse.

भृग्वत्रिगार्गेयवशिष्ठकङ्काः शतैः समेतैर् नियतास् त्वसंख्यैः । सिद्धिं परां ते हि जलप्लुताङ्गाः प्राप्तास्तु लोकान्मरुतां न चान्ये

bhṛgvatrigārgeyavaśiṣṭhakaṅkāḥ śataiḥ sametair niyatās tvasaṃkhyaiḥ / siddhiṃ parāṃ te hi jalaplutāṅgāḥ prāptāstu lokānmarutāṃ na cānye

Sanskrit only: no published translation is held for this verse.

ज्ञानं महत्पुण्यतमं पवित्रं पठन्त्यदो नित्यविशुद्धसत्त्वाः । गतिं परां यान्ति महानुभावा रुद्रस्य वाक्यं हि यथा प्रमाणम्

jñānaṃ mahatpuṇyatamaṃ pavitraṃ paṭhantyado nityaviśuddhasattvāḥ / gatiṃ parāṃ yānti mahānubhāvā rudrasya vākyaṃ hi yathā pramāṇam

Sanskrit only: no published translation is held for this verse.