Library·Revakhanda of the Vayupurana·100

Revakhanda of the Vayupurana 100

RKV 100.1

ततो गच्छेन्महीपाल तीर्थं परमरोचनम् । मार्कण्डेशमिति ख्यातं नर्मदादक्षिणे तटे

tato gacchenmahīpāla tīrthaṃ paramarocanam / mārkaṇḍeśamiti khyātaṃ narmadādakṣiṇe taṭe

Sanskrit only: no published translation is held for this verse.

RKV 100.2

उत्तमं सर्वतीर्थानां गीर्वाणैर् वन्दितं शिवम् । गुह्याद्गुह्यतरं पुत्र नाख्यातं कस्यचिन्मया

uttamaṃ sarvatīrthānāṃ gīrvāṇair vanditaṃ śivam / guhyādguhyataraṃ putra nākhyātaṃ kasyacinmayā

Sanskrit only: no published translation is held for this verse.

RKV 100.3

स्थापितं तु मया पूर्वं स्वर्गसोपानसंनिभम् । ज्ञानं तत्रैव मे जातं प्रसादाच्छङ्करस्य च

sthāpitaṃ tu mayā pūrvaṃ svargasopānasaṃnibham / jñānaṃ tatraiva me jātaṃ prasādācchaṅkarasya ca

Sanskrit only: no published translation is held for this verse.

RKV 100.4

अन्यस्तत्रैव यो गत्वा द्रुपदामन्तर्जले जपेत् । स पातकैरशेषश्च मुच्यते पाण्डुनन्दन

anyastatraiva yo gatvā drupadāmantarjale japet / sa pātakairaśeṣaśca mucyate pāṇḍunandana

Sanskrit only: no published translation is held for this verse.

RKV 100.5

वाचिकैर् मानसैश्च वा कर्मजैरपि पातकैः । पिण्डिकां चाप्यवष्टभ्य याम्यामाशां च संस्थितः

vācikair mānasaiśca vā karmajairapi pātakaiḥ / piṇḍikāṃ cāpyavaṣṭabhya yāmyāmāśāṃ ca saṃsthitaḥ

Sanskrit only: no published translation is held for this verse.

RKV 100.6

योजयेच्छूलिनं भक्त्या द्वात्रिंशद्बहुरूपिणम् । देहपाते शिवं गच्छेदिति मे निश्चयो नृप

yojayecchūlinaṃ bhaktyā dvātriṃśadbahurūpiṇam / dehapāte śivaṃ gacchediti me niścayo nṛpa

Sanskrit only: no published translation is held for this verse.

RKV 100.7

आज्येन बोधयेद्दीपमष्टम्यां निशि भारत । स्वर्गलोकमवाप्नोति इत्येवं शङ्करो ऽब्रवीत्

ājyena bodhayeddīpamaṣṭamyāṃ niśi bhārata / svargalokamavāpnoti ityevaṃ śaṅkaro 'bravīt

Sanskrit only: no published translation is held for this verse.

RKV 100.8

श्राद्धं तत्रैव यो भक्त्या कुर्वीत नृपनन्दन । पितरस्तस्य तृप्यन्ति यावदाभूतसम्प्लवम्

śrāddhaṃ tatraiva yo bhaktyā kurvīta nṛpanandana / pitarastasya tṛpyanti yāvadābhūtasamplavam

Sanskrit only: no published translation is held for this verse.

RKV 100.9

इङ्गुदैर्बदरैर्बिल्वैरक्षतेन जलेन वा । तर्पयेत् तत्र यो वंश्यानाप्नुयाज्जन्मनः फलम्

iṅgudairbadarairbilvairakṣatena jalena vā / tarpayet tatra yo vaṃśyānāpnuyājjanmanaḥ phalam

Sanskrit only: no published translation is held for this verse.