Revakhanda of the Vayupurana 102

मन्मथेशं ततो गच्छेत् सर्वदेवनमस्कृतम् । स्नानमात्रान्नरो राजन्यमलोकं न पश्यति

manmatheśaṃ tato gacchet sarvadevanamaskṛtam / snānamātrānnaro rājanyamalokaṃ na paśyati

Sanskrit only: no published translation is held for this verse.

अनपत्या या च नारी स्नायाद् वै पाण्डुनन्दन । पुत्रं सा लभते पार्थ सत्यसङ्घं दृढव्रतम्

anapatyā yā ca nārī snāyād vai pāṇḍunandana / putraṃ sā labhate pārtha satyasaṅghaṃ dṛḍhavratam

Sanskrit only: no published translation is held for this verse.

तत्र स्नात्वा नरो राजञ्छुचिः प्रयतमानसः । उपोष्य रजनीमेकां गोसहस्रफलं लभेत्

tatra snātvā naro rājañchuciḥ prayatamānasaḥ / upoṣya rajanīmekāṃ gosahasraphalaṃ labhet

Sanskrit only: no published translation is held for this verse.

कामिकं तीर्थराजं तु तादृशं न भविष्यति । त्रिरात्रं कुरुते राजन्स गोलक्षफलं लभेत्

kāmikaṃ tīrtharājaṃ tu tādṛśaṃ na bhaviṣyati / trirātraṃ kurute rājansa golakṣaphalaṃ labhet

Sanskrit only: no published translation is held for this verse.

तत्र नृत्यं प्रकर्तव्यं तुष्यते परमेश्वरः । गीतवादित्रनिर्घोषै रात्रौ जागरणेन च

tatra nṛtyaṃ prakartavyaṃ tuṣyate parameśvaraḥ / gītavāditranirghoṣai rātrau jāgaraṇena ca

Sanskrit only: no published translation is held for this verse.

एरण्ड्यां च महादेवो दृष्टो मे मन्मथेश्वरः । किं समर्थो यमो रुष्टो भद्रो भद्राणि पश्यति

eraṇḍyāṃ ca mahādevo dṛṣṭo me manmatheśvaraḥ / kiṃ samartho yamo ruṣṭo bhadro bhadrāṇi paśyati

Sanskrit only: no published translation is held for this verse.

कामेन स्थापितः शम्भुरेतस्मात् कामदो नृप । सोपानः स्वर्गमार्गस्य पृथिव्यां मन्मथेश्वरः

kāmena sthāpitaḥ śambhuretasmāt kāmado nṛpa / sopānaḥ svargamārgasya pṛthivyāṃ manmatheśvaraḥ

Sanskrit only: no published translation is held for this verse.

विशेषश्चात्र सन्ध्यायां श्राद्धदाने च भारत । अन्नदानेन राजेन्द्र कीर्तितं फलमुत्तमम्

viśeṣaścātra sandhyāyāṃ śrāddhadāne ca bhārata / annadānena rājendra kīrtitaṃ phalamuttamam

Sanskrit only: no published translation is held for this verse.

एतत्ते सर्वमाख्यातं तव भक्त्या तु भारत । पृथिव्यां सागरान्तायां प्रख्यातो मन्मथेश्वरः

etatte sarvamākhyātaṃ tava bhaktyā tu bhārata / pṛthivyāṃ sāgarāntāyāṃ prakhyāto manmatheśvaraḥ

Sanskrit only: no published translation is held for this verse.

गोदानं पाण्डवश्रेष्ठ त्रयोदश्यां प्रकारयेत् । चैत्रे मासि सिते पक्षे तत्र गत्वा जितेन्द्रियः

godānaṃ pāṇḍavaśreṣṭha trayodaśyāṃ prakārayet / caitre māsi site pakṣe tatra gatvā jitendriyaḥ

Sanskrit only: no published translation is held for this verse.

रात्रौ जागरणं कृत्वा देवस्याग्रे नृपोत्तम । दीपं भक्त्या घृतेनैव देवस्याग्रे निवेदयेत्

rātrau jāgaraṇaṃ kṛtvā devasyāgre nṛpottama / dīpaṃ bhaktyā ghṛtenaiva devasyāgre nivedayet

Sanskrit only: no published translation is held for this verse.

स्त्र्यथ वा पुरुषो वापि सममेतत्फलं स्मृतम्

stryatha vā puruṣo vāpi samametatphalaṃ smṛtam

Sanskrit only: no published translation is held for this verse.