Revakhanda of the Vayupurana 106

ततो गच्छेन्महीपाल तीर्थं परमशोभनम् । सौभाग्यकरणं दिव्यं नरनारीमनोरमम्

tato gacchenmahīpāla tīrthaṃ paramaśobhanam / saubhāgyakaraṇaṃ divyaṃ naranārīmanoramam

Sanskrit only: no published translation is held for this verse.

तत्र या दुर्भगा नारी नरो वा नृपसत्तम । स्नात्वार्चयेद् उमारुद्रौ सौभाग्यं तस्य जायते

tatra yā durbhagā nārī naro vā nṛpasattama / snātvārcayed umārudrau saubhāgyaṃ tasya jāyate

Sanskrit only: no published translation is held for this verse.

तृतीयायामहोरात्रं सोपवासो जितेन्द्रियः । निमन्त्रयेद् द्विजं भक्त्या सपत्नीकं सुरूपिणम्

tṛtīyāyāmahorātraṃ sopavāso jitendriyaḥ / nimantrayed dvijaṃ bhaktyā sapatnīkaṃ surūpiṇam

Sanskrit only: no published translation is held for this verse.

गन्धमाल्यैरलंकृत्य वस्त्रधूपादिवासितम् । भोजयेत् पायसान्नेन कृसरेणाथ भक्तितः

gandhamālyairalaṃkṛtya vastradhūpādivāsitam / bhojayet pāyasānnena kṛsareṇātha bhaktitaḥ

Sanskrit only: no published translation is held for this verse.

भोजयित्वा यथान्यायं प्रदक्षिणमुदाहरेत् । प्रीयतां मे महादेवः सपत्नीको वृषध्वजः

bhojayitvā yathānyāyaṃ pradakṣiṇamudāharet / prīyatāṃ me mahādevaḥ sapatnīko vṛṣadhvajaḥ

Sanskrit only: no published translation is held for this verse.

यथा ते देवदेवेश न वियोगः कदाचन । ममापि करुणां कृत्वा तथास्त्विति विचिन्तयेत्

yathā te devadeveśa na viyogaḥ kadācana / mamāpi karuṇāṃ kṛtvā tathāstviti vicintayet

Sanskrit only: no published translation is held for this verse.

एवं कृते ततस्तस्य यत्पुण्यं समुदाहृतम् । तत्ते सर्वं प्रवक्ष्यामि यथा देवेन भाषितम्

evaṃ kṛte tatastasya yatpuṇyaṃ samudāhṛtam / tatte sarvaṃ pravakṣyāmi yathā devena bhāṣitam

Sanskrit only: no published translation is held for this verse.

दौर्भाग्यं दुर्गतिश्चैव दारिद्र्यं शोकबन्धनम् । वन्ध्यत्वं सप्तजन्मानि जायते न युधिष्ठिर

daurbhāgyaṃ durgatiścaiva dāridryaṃ śokabandhanam / vandhyatvaṃ saptajanmāni jāyate na yudhiṣṭhira

Sanskrit only: no published translation is held for this verse.

ज्येष्ठमासे सिते पक्षे तृतीयायां विशेषतः । तत्र गत्वा तु यो भक्त्या पञ्चाग्निं साधयेत्ततः

jyeṣṭhamāse site pakṣe tṛtīyāyāṃ viśeṣataḥ / tatra gatvā tu yo bhaktyā pañcāgniṃ sādhayettataḥ

Sanskrit only: no published translation is held for this verse.

सो ऽपि पापैरशेषैस्तु मुच्यते नात्र संशयः । गुग्गुलं दहते यस्तु द्विधा चित्तविवर्जितः

so 'pi pāpairaśeṣaistu mucyate nātra saṃśayaḥ / guggulaṃ dahate yastu dvidhā cittavivarjitaḥ

Sanskrit only: no published translation is held for this verse.

शरीरं भेदयेद् यस्तु गौर्याश्चैव समीपतः । तस्मिन्कर्मप्रविष्टस्य उत्क्रान्तिर् जायते यदि

śarīraṃ bhedayed yastu gauryāścaiva samīpataḥ / tasminkarmapraviṣṭasya utkrāntir jāyate yadi

Sanskrit only: no published translation is held for this verse.

देहपाते व्रजेत् स्वर्गम् इत्येवं शङ्करो ऽब्रवीत् । सितरक्तैस्तथा पीतैर्वस्त्रैश्च विविधैः शुभैः

dehapāte vrajet svargam ityevaṃ śaṅkaro 'bravīt / sitaraktaistathā pītairvastraiśca vividhaiḥ śubhaiḥ

Sanskrit only: no published translation is held for this verse.

ब्राह्मणीं ब्राह्मणं चैव पूजयित्वा यथाविधि । पुष्पैर्नानाविधैश्चैव गन्धधूपैः सुशोभनैः

brāhmaṇīṃ brāhmaṇaṃ caiva pūjayitvā yathāvidhi / puṣpairnānāvidhaiścaiva gandhadhūpaiḥ suśobhanaiḥ

Sanskrit only: no published translation is held for this verse.

कण्ठसूत्रकसिन्दूरैः कुङ्कुमेन विलेपयेत् । कल्पयेत स्त्रियं गौरीं ब्राह्मणं शिवरूपिणम्

kaṇṭhasūtrakasindūraiḥ kuṅkumena vilepayet / kalpayeta striyaṃ gaurīṃ brāhmaṇaṃ śivarūpiṇam

Sanskrit only: no published translation is held for this verse.

तेषां तद्रूपकं कृत्वा दानमुत्सृज्यते ततः । कङ्कणं कर्णवेष्टं च कण्ठिकां मुद्रिकां तथा

teṣāṃ tadrūpakaṃ kṛtvā dānamutsṛjyate tataḥ / kaṅkaṇaṃ karṇaveṣṭaṃ ca kaṇṭhikāṃ mudrikāṃ tathā

Sanskrit only: no published translation is held for this verse.

सप्तधान्यं तथा चैव भोजनं नृपसत्तम । अन्यान्यपि च दानानि तस्मिंस्तीर्थे ददाति यः

saptadhānyaṃ tathā caiva bhojanaṃ nṛpasattama / anyānyapi ca dānāni tasmiṃstīrthe dadāti yaḥ

Sanskrit only: no published translation is held for this verse.

सर्वदानैश्च यत्पुण्यं प्राप्नुयान्नात्र संशयः । सहस्रगुणितं सर्वं नात्र कार्या विचारणा

sarvadānaiśca yatpuṇyaṃ prāpnuyānnātra saṃśayaḥ / sahasraguṇitaṃ sarvaṃ nātra kāryā vicāraṇā

Sanskrit only: no published translation is held for this verse.

शङ्करेण समं तस्माद्भोगं भुङ्क्ते ह्यनुत्तमम् । सौभाग्यं तस्य विपुलं जायते नात्र संशयः

śaṅkareṇa samaṃ tasmādbhogaṃ bhuṅkte hyanuttamam / saubhāgyaṃ tasya vipulaṃ jāyate nātra saṃśayaḥ

Sanskrit only: no published translation is held for this verse.

अपुत्रो लभते पुत्रमधनो धनमाप्नुयात् । राजेन्द्र कामदं तीर्थं नर्मदायां व्यवस्थितम्

aputro labhate putramadhano dhanamāpnuyāt / rājendra kāmadaṃ tīrthaṃ narmadāyāṃ vyavasthitam

Sanskrit only: no published translation is held for this verse.