Revakhanda of the Vayupurana 112

ततो गच्छेत्तु राजेन्द्र तीर्थमाङ्गिरसस्य तु । उत्तरे नर्मदाकूले सर्वपापविनाशनम्

tato gacchettu rājendra tīrthamāṅgirasasya tu / uttare narmadākūle sarvapāpavināśanam

Sanskrit only: no published translation is held for this verse.

पुरासीदङ्गिरानाम ब्राह्मणो वेदपारगः । पुत्रहेतोर् युगस्यादौ चचार विपुलं तपः

purāsīdaṅgirānāma brāhmaṇo vedapāragaḥ / putrahetor yugasyādau cacāra vipulaṃ tapaḥ

Sanskrit only: no published translation is held for this verse.

नित्यं त्रिषवणस्नायी जपन्देवं सनातनम् । पूजयंश्च महादेवं कृच्छ्रचान्द्रायणादिभिः

nityaṃ triṣavaṇasnāyī japandevaṃ sanātanam / pūjayaṃśca mahādevaṃ kṛcchracāndrāyaṇādibhiḥ

Sanskrit only: no published translation is held for this verse.

द्वादशाब्दे ततः पूर्णे तुतोष परमेश्वरः । वरेण छन्दयामास द्विजम् आङ्गिरसं वरम्

dvādaśābde tataḥ pūrṇe tutoṣa parameśvaraḥ / vareṇa chandayāmāsa dvijam āṅgirasaṃ varam

Sanskrit only: no published translation is held for this verse.

वव्रे स तु महादेवं पुत्रं पुत्रवतां वरम् । वेदविद्याव्रतस्नातं सर्वशास्त्रविशारदम्

vavre sa tu mahādevaṃ putraṃ putravatāṃ varam / vedavidyāvratasnātaṃ sarvaśāstraviśāradam

Sanskrit only: no published translation is held for this verse.

देवानां मन्त्रिणं राजन् सर्वलोकेषु पूजितम् । ब्रह्मलक्ष्म्याः सदावासम् अक्षयं चाव्ययं सुतम्

devānāṃ mantriṇaṃ rājan sarvalokeṣu pūjitam / brahmalakṣmyāḥ sadāvāsam akṣayaṃ cāvyayaṃ sutam

Sanskrit only: no published translation is held for this verse.

तथाभिलषितः पुत्रः सर्वविद्याविशारदः । भविष्यति न सन्देहश्चैवमुक्त्वा ययौ हरः

tathābhilaṣitaḥ putraḥ sarvavidyāviśāradaḥ / bhaviṣyati na sandehaścaivamuktvā yayau haraḥ

Sanskrit only: no published translation is held for this verse.

वरैर् अङ्गिरसश्चापि बृहस्पतिरजायत । यथाभिलषितः पुत्रो वेदवेदाङ्गपारगः

varair aṅgirasaścāpi bṛhaspatirajāyata / yathābhilaṣitaḥ putro vedavedāṅgapāragaḥ

Sanskrit only: no published translation is held for this verse.

जाते पुत्रेऽङ्गिरास् तत्र स्थापयामास शङ्करम् । हृष्टतुष्टमना भूत्वा जगामोत्तरपर्वतम्

jāte putre'ṅgirās tatra sthāpayāmāsa śaṅkaram / hṛṣṭatuṣṭamanā bhūtvā jagāmottaraparvatam

Sanskrit only: no published translation is held for this verse.

तत्र चाङ्गिरसे तीर्थे यः स्नात्वा पूजयेच्छिवम् । सर्वपापविनिर्मुक्तो रुद्रलोकं स गच्छति

tatra cāṅgirase tīrthe yaḥ snātvā pūjayecchivam / sarvapāpavinirmukto rudralokaṃ sa gacchati

Sanskrit only: no published translation is held for this verse.

अपुत्रो लभते पुत्रमधनो धनमाप्नुयात् । इच्छते यश्च यं कामं स तं लभति मानवः

aputro labhate putramadhano dhanamāpnuyāt / icchate yaśca yaṃ kāmaṃ sa taṃ labhati mānavaḥ

Sanskrit only: no published translation is held for this verse.