Revakhanda of the Vayupurana 115

ततो गच्छेन्महाराज तीर्थम् अङ्गारकं परम् । रूपदं सर्वलोकानां विश्रुतं नर्मदातटे

tato gacchenmahārāja tīrtham aṅgārakaṃ param / rūpadaṃ sarvalokānāṃ viśrutaṃ narmadātaṭe

Sanskrit only: no published translation is held for this verse.

अङ्गारकेण राजेन्द्र पुरा तप्तं तपः किल । अर्बुदं च निखर्वं च प्रयुतं वर्षसंख्यया

aṅgārakeṇa rājendra purā taptaṃ tapaḥ kila / arbudaṃ ca nikharvaṃ ca prayutaṃ varṣasaṃkhyayā

Sanskrit only: no published translation is held for this verse.

ततस्तुष्टो महादेवः परया कृपया नृप । प्रत्यक्षदर्शी भगवान् उवाच क्षितिनन्दनम्

tatastuṣṭo mahādevaḥ parayā kṛpayā nṛpa / pratyakṣadarśī bhagavān uvāca kṣitinandanam

Sanskrit only: no published translation is held for this verse.

वरदो ऽस्मि महाभाग दुर्लभं त्रिदशैर् अपि । वरं दास्याम्यहं वत्स ब्रूहि यत्ते विवक्षितम्

varado 'smi mahābhāga durlabhaṃ tridaśair api / varaṃ dāsyāmyahaṃ vatsa brūhi yatte vivakṣitam

Sanskrit only: no published translation is held for this verse.

तव प्रसादाद्देवेश सर्वलोकमहेश्वर । ग्रहमध्यगतो नित्यं विचरामि नभस्तले

tava prasādāddeveśa sarvalokamaheśvara / grahamadhyagato nityaṃ vicarāmi nabhastale

Sanskrit only: no published translation is held for this verse.

यावद्धराधरो लोके यावच्चन्द्रदिवाकरौ । नद्यो नदाः समुद्राश्च वरो मे चाक्षयो भवेत्

yāvaddharādharo loke yāvaccandradivākarau / nadyo nadāḥ samudrāśca varo me cākṣayo bhavet

Sanskrit only: no published translation is held for this verse.

एवमस्त्विति देवेशो दत्त्वा वरमनुत्तमम् । जगामाकाशमाविश्य वन्द्यमानः सुरासुरैः

evamastviti deveśo dattvā varamanuttamam / jagāmākāśamāviśya vandyamānaḥ surāsuraiḥ

Sanskrit only: no published translation is held for this verse.

भूमिपुत्रस्ततस्तस्मिन्स्थापयामास शङ्करम् । गतः सुरालये लोके ग्रहभावे निवेशितः

bhūmiputrastatastasminsthāpayāmāsa śaṅkaram / gataḥ surālaye loke grahabhāve niveśitaḥ

Sanskrit only: no published translation is held for this verse.

तत्र तीर्थे तु यः स्नात्वा पूजयेत्परमेश्वरम् । हुतहोमो जितक्रोधः सो ऽश्वमेधफलं लभेत्

tatra tīrthe tu yaḥ snātvā pūjayetparameśvaram / hutahomo jitakrodhaḥ so 'śvamedhaphalaṃ labhet

Sanskrit only: no published translation is held for this verse.

चतुर्थ्यङ्गारके यस्तु स्नात्वा चाभ्यर्चयेद्ग्रहम् । अङ्गारकं विधानेन सप्तजन्मानि भारत

caturthyaṅgārake yastu snātvā cābhyarcayedgraham / aṅgārakaṃ vidhānena saptajanmāni bhārata

Sanskrit only: no published translation is held for this verse.

दशयोजनविस्तीर्णे मण्डले रूपवान् भवेत् । तत्रैव ता मृतो जन्तुः कामतो ऽकामतो ऽपि वा । रुद्रस्यानुचरो भूत्वा तेनैव सह मोदते

daśayojanavistīrṇe maṇḍale rūpavān bhavet / tatraiva tā mṛto jantuḥ kāmato 'kāmato 'pi vā / rudrasyānucaro bhūtvā tenaiva saha modate

Sanskrit only: no published translation is held for this verse.