Revakhanda of the Vayupurana 119

ततो गच्छेत्तु राजेन्द्र कह्लोडीतीर्थम् उत्तमम् । रेवायाश्चोत्तरे कूले सर्वपापविनाशनम्

tato gacchettu rājendra kahloḍītīrtham uttamam / revāyāścottare kūle sarvapāpavināśanam

Sanskrit only: no published translation is held for this verse.

हितार्थं सर्वभूतानाम् ऋषिभिः स्थापितं पुरा । तपसा तु समुद्धृत्य नर्मदायां महाम्भसि

hitārthaṃ sarvabhūtānām ṛṣibhiḥ sthāpitaṃ purā / tapasā tu samuddhṛtya narmadāyāṃ mahāmbhasi

Sanskrit only: no published translation is held for this verse.

स्नात्वा तु कपिलातीर्थे कपिलां यः प्रयच्छति । श्रुत्वा चाख्यानकं दिव्यं ब्राह्मणाञ्छृणु यत्फलम्

snātvā tu kapilātīrthe kapilāṃ yaḥ prayacchati / śrutvā cākhyānakaṃ divyaṃ brāhmaṇāñchṛṇu yatphalam

Sanskrit only: no published translation is held for this verse.

सर्वेषामेव दानानां कपिलादानमुत्तमम् । ब्राह्मणान्वेषितं पूर्वमृषिदेवसमागमे

sarveṣāmeva dānānāṃ kapilādānamuttamam / brāhmaṇānveṣitaṃ pūrvamṛṣidevasamāgame

Sanskrit only: no published translation is held for this verse.

सद्यः प्रसूतां कपिलां शोभनां यः प्रयच्छति । सोपवासो जितक्रोधस्तस्य पुण्यफलं शृणु

sadyaḥ prasūtāṃ kapilāṃ śobhanāṃ yaḥ prayacchati / sopavāso jitakrodhastasya puṇyaphalaṃ śṛṇu

Sanskrit only: no published translation is held for this verse.

ससमुद्रगुहा तेन सशैलवनकानना । दत्ता चैव महाबाहो पृथिवी नात्र संशयः

sasamudraguhā tena saśailavanakānanā / dattā caiva mahābāho pṛthivī nātra saṃśayaḥ

Sanskrit only: no published translation is held for this verse.

वाचिकं मानसं पापं कर्मणा यत्पुरा कृतम् । नश्यते कपिलां दत्त्वा सप्तजन्मार्जितं नृप

vācikaṃ mānasaṃ pāpaṃ karmaṇā yatpurā kṛtam / naśyate kapilāṃ dattvā saptajanmārjitaṃ nṛpa

Sanskrit only: no published translation is held for this verse.

भूमिदानं धनं धान्यं हस्त्यश्वकनकादिकम् । कपिलादानस्यैकस्य कलां नार्हन्ति षोडशीम्

bhūmidānaṃ dhanaṃ dhānyaṃ hastyaśvakanakādikam / kapilādānasyaikasya kalāṃ nārhanti ṣoḍaśīm

Sanskrit only: no published translation is held for this verse.

तत्र तीर्थे नरः स्नात्वा कपिलां यः प्रयच्छति । मृतो विष्णुपुरं याति गीयमानो ऽप्सरोगणैः

tatra tīrthe naraḥ snātvā kapilāṃ yaḥ prayacchati / mṛto viṣṇupuraṃ yāti gīyamāno 'psarogaṇaiḥ

Sanskrit only: no published translation is held for this verse.

यावन्ति तस्या रोमाणि सवत्सायास्तु भारत । तावद्वर्षसहस्राणि स स्वर्गे क्रीडते चिरम्

yāvanti tasyā romāṇi savatsāyāstu bhārata / tāvadvarṣasahasrāṇi sa svarge krīḍate ciram

Sanskrit only: no published translation is held for this verse.

ततो ऽवकीर्णकालेन त्विह मानुष्यतां गतः । धनधान्यसमोपेतो जायते विपुले कुले

tato 'vakīrṇakālena tviha mānuṣyatāṃ gataḥ / dhanadhānyasamopeto jāyate vipule kule

Sanskrit only: no published translation is held for this verse.

वेदविद्या व्रतस्नातः सर्वशास्त्रविशारदः । व्याधिशोकविनिर्मुक्तो जीवेच्च शरदां शतम्

vedavidyā vratasnātaḥ sarvaśāstraviśāradaḥ / vyādhiśokavinirmukto jīvecca śaradāṃ śatam

Sanskrit only: no published translation is held for this verse.

एतत्ते सर्वमाख्यातं कल्होडीतीर्थम् उत्तमम् । यत्कृत्वा सर्वपापेभ्यो मुच्यते नात्र संशयः

etatte sarvamākhyātaṃ kalhoḍītīrtham uttamam / yatkṛtvā sarvapāpebhyo mucyate nātra saṃśayaḥ

Sanskrit only: no published translation is held for this verse.