Revakhanda of the Vayupurana 12

एतच्छ्रुत्वा वचो राजन्संहृष्टा ऋषयो ऽभवन् । नर्मदां स्तोतुमारब्धाः कृताञ्जलिपुटा द्विजाः

etacchrutvā vaco rājansaṃhṛṣṭā ṛṣayo 'bhavan / narmadāṃ stotumārabdhāḥ kṛtāñjalipuṭā dvijāḥ

Sanskrit only: no published translation is held for this verse.

नमो ऽस्तु ते पुण्यजले नमो मकरगामिनि । नमस्ते पापमोचिन्यै नमो देवि वरानने

namo 'stu te puṇyajale namo makaragāmini / namaste pāpamocinyai namo devi varānane

Sanskrit only: no published translation is held for this verse.

नमो ऽस्तु ते पुण्यजलाश्रये शुभे विशुद्धसत्त्वं सुरसिद्धसेविते । नमो ऽस्तु ते तीर्थगणैर्निषेविते नमो ऽस्तु रुद्राङ्गसमुद्भवे वरे

namo 'stu te puṇyajalāśraye śubhe viśuddhasattvaṃ surasiddhasevite / namo 'stu te tīrthagaṇairniṣevite namo 'stu rudrāṅgasamudbhave vare

Sanskrit only: no published translation is held for this verse.

नमो ऽस्तु ते देवि समुद्रगामिनि नमो ऽस्तु ते देवि वरप्रदे शिवे । नमो ऽस्तु लोकद्वयसौख्यदायिनि ह्यनेकभूतौघसमाश्रिते ऽनघे

namo 'stu te devi samudragāmini namo 'stu te devi varaprade śive / namo 'stu lokadvayasaukhyadāyini hyanekabhūtaughasamāśrite 'naghe

Sanskrit only: no published translation is held for this verse.

सरिद्वरे पापहरे विचित्रिते गन्धर्वयक्षोरगसेविताङ्गे । सनातनि प्राणिगणानुकम्पिनि मोक्षप्रदे देवि विधेहि शं नः

saridvare pāpahare vicitrite gandharvayakṣoragasevitāṅge / sanātani prāṇigaṇānukampini mokṣaprade devi vidhehi śaṃ naḥ

Sanskrit only: no published translation is held for this verse.

महागजैर् घमहिषैर् वराहैः संसेविते देवि महोर्मिमाले । नताः स्म सर्वे वरदे सुखप्रदे विमोचयास्मान्पशुपाशबन्धात्

mahāgajair ghamahiṣair varāhaiḥ saṃsevite devi mahormimāle / natāḥ sma sarve varade sukhaprade vimocayāsmānpaśupāśabandhāt

Sanskrit only: no published translation is held for this verse.

पापैरनेकैरशुभैर्विबद्धा भ्रमन्ति तावन्नरकेषु मर्त्याः । महानिलोद्भूततरङ्गभूतं यावत्तवाम्भो हि न संस्पृशन्ति

pāpairanekairaśubhairvibaddhā bhramanti tāvannarakeṣu martyāḥ / mahānilodbhūtataraṅgabhūtaṃ yāvattavāmbho hi na saṃspṛśanti

Sanskrit only: no published translation is held for this verse.

अनेकदुःखौघभयार्दितानां पापैरनेकैरभिवेष्टितानाम् । गतिस्त्वम् अम्भोजसमानवक्रे द्वन्द्वैरनेकैरपि संवृतानाम्

anekaduḥkhaughabhayārditānāṃ pāpairanekairabhiveṣṭitānām / gatistvam ambhojasamānavakre dvandvairanekairapi saṃvṛtānām

Sanskrit only: no published translation is held for this verse.

नद्यश्च पूता विमला भवन्ति त्वां देवि सम्प्राप्य न संशयो ऽत्र । दुःखातुराणाम् अभयं ददासि शिष्टैरनेकैरभिपूजितासि

nadyaśca pūtā vimalā bhavanti tvāṃ devi samprāpya na saṃśayo 'tra / duḥkhāturāṇām abhayaṃ dadāsi śiṣṭairanekairabhipūjitāsi

Sanskrit only: no published translation is held for this verse.

स्पृष्टं करैश्चन्द्रमसो रवेश्च तदैव दद्यात्परमं पदं तु । यत्रोपलाः पुण्यजलाप्लुतास्ते शिवत्वम् आयान्ति किमत्र चित्रम्

spṛṣṭaṃ karaiścandramaso raveśca tadaiva dadyātparamaṃ padaṃ tu / yatropalāḥ puṇyajalāplutāste śivatvam āyānti kimatra citram

Sanskrit only: no published translation is held for this verse.

भ्रमन्ति तावन्नरकेषु मर्त्या दुःखातुराः पापपरीतदेहाः । महानिलोद्भूततरङ्गभङ्गं यावत्तवाम्भो न हि संश्रयन्ति

bhramanti tāvannarakeṣu martyā duḥkhāturāḥ pāpaparītadehāḥ / mahānilodbhūtataraṅgabhaṅgaṃ yāvattavāmbho na hi saṃśrayanti

Sanskrit only: no published translation is held for this verse.

म्लेच्छाः पुलिन्दास्त्वथ यातुधानाः पिबन्ति ये ऽम्भस्तव देवि पुण्यम् । मुक्ता भवन्तीह भयात्तु घोरान्निःसंशयं तेऽपि किमत्र चित्रम्

mlecchāḥ pulindāstvatha yātudhānāḥ pibanti ye 'mbhastava devi puṇyam / muktā bhavantīha bhayāttu ghorānniḥsaṃśayaṃ te'pi kimatra citram

Sanskrit only: no published translation is held for this verse.

सरांसि नद्यः क्षयमभ्युपेता घोरे युगे ऽस्मिन् हि कलौ प्रदूषिते । त्वं भ्राजसे देवि जलौघपूर्णा दिवीव नक्षत्रपथे च गङ्गा

sarāṃsi nadyaḥ kṣayamabhyupetā ghore yuge 'smin hi kalau pradūṣite / tvaṃ bhrājase devi jalaughapūrṇā divīva nakṣatrapathe ca gaṅgā

Sanskrit only: no published translation is held for this verse.

तव प्रसादाद् वरदे वरिष्ठे कालं यथेमं परिपालयित्वा । यामो ऽथ रुद्रं तव सुप्रसादाद् वयं तथा त्वं कुरु वै प्रसादम्

tava prasādād varade variṣṭhe kālaṃ yathemaṃ paripālayitvā / yāmo 'tha rudraṃ tava suprasādād vayaṃ tathā tvaṃ kuru vai prasādam

Sanskrit only: no published translation is held for this verse.

गतिस्त्वमम्बेव पितेव पुत्रांस्त्वं पाहि नो यावदिमं युगान्तम् । कालं त्वनावृष्टिहतं सुघोरं यावत्तरामस्तव सुप्रसादात्

gatistvamambeva piteva putrāṃstvaṃ pāhi no yāvadimaṃ yugāntam / kālaṃ tvanāvṛṣṭihataṃ sughoraṃ yāvattarāmastava suprasādāt

Sanskrit only: no published translation is held for this verse.

पठन्ति ये स्तोत्रमिदं द्विजेन्द्राः शृण्वन्ति ये चापि नराः प्रशान्ताः । ते यान्ति रुद्रं वृषसंयुतेन यानेन दिव्याम्बरभूषिताश्च

paṭhanti ye stotramidaṃ dvijendrāḥ śṛṇvanti ye cāpi narāḥ praśāntāḥ / te yānti rudraṃ vṛṣasaṃyutena yānena divyāmbarabhūṣitāśca

Sanskrit only: no published translation is held for this verse.

ये स्तोत्रमेतत् सततं पठन्ति स्नात्वा तु तोये खलु नर्मदायाः । अन्ते हि तेषां सरिदुत्तमेयं गतिं विशुद्धाम् अचिराद् ददाति

ye stotrametat satataṃ paṭhanti snātvā tu toye khalu narmadāyāḥ / ante hi teṣāṃ sariduttameyaṃ gatiṃ viśuddhām acirād dadāti

Sanskrit only: no published translation is held for this verse.

प्रातः समुत्थाय तथा शयानो यः कीर्तयेतानुदिनं स्तवं च । स मुक्तपापः सुविशुद्धदेहः समाश्रयं याति महेश्वरस्य

prātaḥ samutthāya tathā śayāno yaḥ kīrtayetānudinaṃ stavaṃ ca / sa muktapāpaḥ suviśuddhadehaḥ samāśrayaṃ yāti maheśvarasya

Sanskrit only: no published translation is held for this verse.