Revakhanda of the Vayupurana 121

ततो गच्छेन्महीपाल चन्द्रहासमतः परम् । यत्र सिद्धिं परां प्राप्तः सोमराजः सुरोत्तमः

tato gacchenmahīpāla candrahāsamataḥ param / yatra siddhiṃ parāṃ prāptaḥ somarājaḥ surottamaḥ

Sanskrit only: no published translation is held for this verse.

कथं सिद्धिं परां प्राप्तः सोमनाथो जगत्पतिः । तत्सर्वं श्रोतुमिच्छामि कथयस्व ममानघ

kathaṃ siddhiṃ parāṃ prāptaḥ somanātho jagatpatiḥ / tatsarvaṃ śrotumicchāmi kathayasva mamānagha

Sanskrit only: no published translation is held for this verse.

पुरा शप्तो मुनीन्द्रेण दक्षेण किल भारत । असेवनाद्धि दाराणां क्षयरोगी भविष्यसि

purā śapto munīndreṇa dakṣeṇa kila bhārata / asevanāddhi dārāṇāṃ kṣayarogī bhaviṣyasi

Sanskrit only: no published translation is held for this verse.

उद्वाहितानां पत्नीनां ये न कुर्वन्ति सेवनम् । या निष्ठा जायते नृणां तां शृणुष्व नराधिप

udvāhitānāṃ patnīnāṃ ye na kurvanti sevanam / yā niṣṭhā jāyate nṛṇāṃ tāṃ śṛṇuṣva narādhipa

Sanskrit only: no published translation is held for this verse.

ऋतावृतौ हि नारीणां सेवनाज्जायते सुतः । सुतात्स्वर्गश्च मोक्षश्च इत्येवं श्रुतिभाषितम्

ṛtāvṛtau hi nārīṇāṃ sevanājjāyate sutaḥ / sutātsvargaśca mokṣaśca ityevaṃ śrutibhāṣitam

Sanskrit only: no published translation is held for this verse.

तत्कालोचितधर्मेण वेष्टितो रौरवे पतेत् । तस्यास्तद्रुधिरं पापः पिबते कालमीप्सितम्

tatkālocitadharmeṇa veṣṭito raurave patet / tasyāstadrudhiraṃ pāpaḥ pibate kālamīpsitam

Sanskrit only: no published translation is held for this verse.

ततो ऽवतीर्णः कालेन यां यां योनिं प्रयास्यति । तस्यां तस्यां स दुष्टात्मा दुर्भगो जायते सदा

tato 'vatīrṇaḥ kālena yāṃ yāṃ yoniṃ prayāsyati / tasyāṃ tasyāṃ sa duṣṭātmā durbhago jāyate sadā

Sanskrit only: no published translation is held for this verse.

नारीणां तु सदा कामो ऽभ्यधिकाः परिवर्तते । विशेषेण ऋतौ काले पीड्यते कामसायकैः

nārīṇāṃ tu sadā kāmo 'bhyadhikāḥ parivartate / viśeṣeṇa ṛtau kāle pīḍyate kāmasāyakaiḥ

Sanskrit only: no published translation is held for this verse.

परिभूता हिता भर्त्रा ध्यायन्ते ऽन्यं पतिं स्त्रियः । ततः पुत्रः समुत्पन्नो ह्यटते कुलमुत्तमम्

paribhūtā hitā bhartrā dhyāyante 'nyaṃ patiṃ striyaḥ / tataḥ putraḥ samutpanno hyaṭate kulamuttamam

Sanskrit only: no published translation is held for this verse.

स्वर्गस्थास्तेन पितरः पूर्वजास्ते पितामहाः । पतन्ति जातमात्रेण कुलटस्तेन चोच्यते

svargasthāstena pitaraḥ pūrvajāste pitāmahāḥ / patanti jātamātreṇa kulaṭastena cocyate

Sanskrit only: no published translation is held for this verse.

तेन कर्मविपाकेन क्षयरोग्यभवच्छशी । त्यक्त्वा लोकं सुरेन्द्राणां मर्त्यलोकमुपागतः

tena karmavipākena kṣayarogyabhavacchaśī / tyaktvā lokaṃ surendrāṇāṃ martyalokamupāgataḥ

Sanskrit only: no published translation is held for this verse.

ततस्तीर्थान्यनेकानि पुण्यान्यायतनानि च । भ्रमन्वै नर्मदां प्राप्तः सर्वपापप्रणाशनीम्

tatastīrthānyanekāni puṇyānyāyatanāni ca / bhramanvai narmadāṃ prāptaḥ sarvapāpapraṇāśanīm

Sanskrit only: no published translation is held for this verse.

उपवासं च दानानि व्रतानि नियमांस् तथा । चचार द्वादशाब्दानि ततो मुक्तः स किल्बिषैः

upavāsaṃ ca dānāni vratāni niyamāṃs tathā / cacāra dvādaśābdāni tato muktaḥ sa kilbiṣaiḥ

Sanskrit only: no published translation is held for this verse.

स्नापयित्वा महादेवं सर्वपातकनाशनम् । जगाम प्रभया पूर्णः स च लोकमनुत्तमम्

snāpayitvā mahādevaṃ sarvapātakanāśanam / jagāma prabhayā pūrṇaḥ sa ca lokamanuttamam

Sanskrit only: no published translation is held for this verse.

येनैव स्थापितो देवः पूज्यते वर्षसंख्यया । तावद्वर्षसहस्राणि रुद्रलोके स पूज्यते

yenaiva sthāpito devaḥ pūjyate varṣasaṃkhyayā / tāvadvarṣasahasrāṇi rudraloke sa pūjyate

Sanskrit only: no published translation is held for this verse.

तेन देवान्विधानोक्तान्स्थापयन्ति नरा भुवि । अक्षयं चाव्ययं यस्मात्कालं भुञ्जन्ति मानवाः

tena devānvidhānoktānsthāpayanti narā bhuvi / akṣayaṃ cāvyayaṃ yasmātkālaṃ bhuñjanti mānavāḥ

Sanskrit only: no published translation is held for this verse.

सोमतीर्थे नरः स्नात्वा पूजयेद्देवमीश्वरम् । स भ्राजते नरो लोके सोमवत् प्रियदर्शनः

somatīrthe naraḥ snātvā pūjayeddevamīśvaram / sa bhrājate naro loke somavat priyadarśanaḥ

Sanskrit only: no published translation is held for this verse.

चन्द्रहासे तु यो गत्वा ग्रहणे चन्द्रसूर्ययोः । स्नानं समाचरेद् भक्त्या मुच्यते सर्वकिल्बिषैः

candrahāse tu yo gatvā grahaṇe candrasūryayoḥ / snānaṃ samācared bhaktyā mucyate sarvakilbiṣaiḥ

Sanskrit only: no published translation is held for this verse.

तत्र स्नानं च दानं च चन्द्रहासे शुभाशुभम् । कृतं नृपवरश्रेष्ठ सर्वं भवति चाक्षयम्

tatra snānaṃ ca dānaṃ ca candrahāse śubhāśubham / kṛtaṃ nṛpavaraśreṣṭha sarvaṃ bhavati cākṣayam

Sanskrit only: no published translation is held for this verse.

ते धन्यास्ते महात्मानस् तेषां जन्म सुजीवितम् । चन्द्रहासे तु ये स्नात्वा पश्यन्ति ग्रहणं नराः

te dhanyāste mahātmānas teṣāṃ janma sujīvitam / candrahāse tu ye snātvā paśyanti grahaṇaṃ narāḥ

Sanskrit only: no published translation is held for this verse.

वाचिकं मानसं पापं कर्मजं यत्पुराकृतम् । स्नानमात्रेण राजेन्द्र तत्र तीर्थे प्रणश्यति

vācikaṃ mānasaṃ pāpaṃ karmajaṃ yatpurākṛtam / snānamātreṇa rājendra tatra tīrthe praṇaśyati

Sanskrit only: no published translation is held for this verse.

बहवस्तं न जानन्ति महामोहसमन्विताः । देहस्थमिव सर्वेषां परमानन्दरूपिणम्

bahavastaṃ na jānanti mahāmohasamanvitāḥ / dehasthamiva sarveṣāṃ paramānandarūpiṇam

Sanskrit only: no published translation is held for this verse.

पश्चिमे सागरे गत्वा सोमतीर्थे तु यत्फलम् । तत्समग्रम् अवाप्नोति चन्द्रहासे न संशयः

paścime sāgare gatvā somatīrthe tu yatphalam / tatsamagram avāpnoti candrahāse na saṃśayaḥ

Sanskrit only: no published translation is held for this verse.

संक्रान्तौ च व्यतीपाते अयने विषुवे तथा । चन्द्रहासे नरः स्नात्वा सर्वपापैः प्रमुच्यते

saṃkrāntau ca vyatīpāte ayane viṣuve tathā / candrahāse naraḥ snātvā sarvapāpaiḥ pramucyate

Sanskrit only: no published translation is held for this verse.

ते मूढास्ते दुराचारास्तेषां जन्म निरर्थकम् । चन्द्रहासं न जानन्ति ये रेवायां व्यवस्थितम्

te mūḍhāste durācārāsteṣāṃ janma nirarthakam / candrahāsaṃ na jānanti ye revāyāṃ vyavasthitam

Sanskrit only: no published translation is held for this verse.

चन्द्रहासे तु यः कश्चित्संन्यासं कुरुते द्विजः । अनिवर्तिका गतिस्तस्य सोमलोकान्न संशयः

candrahāse tu yaḥ kaścitsaṃnyāsaṃ kurute dvijaḥ / anivartikā gatistasya somalokānna saṃśayaḥ

Sanskrit only: no published translation is held for this verse.