Revakhanda of the Vayupurana 126

ततो गच्छेत्तु राजेन्द्र परं तीर्थमयोनिजम् । स्नातमात्रो नरस्तत्र न पश्येद् योनिसङ्कटम्

tato gacchettu rājendra paraṃ tīrthamayonijam / snātamātro narastatra na paśyed yonisaṅkaṭam

Sanskrit only: no published translation is held for this verse.

तत्र तीर्थे नरः स्नात्वा पूजयेद् देवमीश्वरम् । अयोनिजो महादेव यथा त्वं परमेश्वर

tatra tīrthe naraḥ snātvā pūjayed devamīśvaram / ayonijo mahādeva yathā tvaṃ parameśvara

Sanskrit only: no published translation is held for this verse.

तथा मोचय मां देव सम्भवाद् योनिसङ्कटात् । गन्धपुष्पादिधूपैश्च स मुच्येत् सर्वपातकैः

tathā mocaya māṃ deva sambhavād yonisaṅkaṭāt / gandhapuṣpādidhūpaiśca sa mucyet sarvapātakaiḥ

Sanskrit only: no published translation is held for this verse.

तस्य देवस्य यो भक्त्या कुरुते लिङ्गपूरणम् । स वसेद्देवदेवस्य यावत्सिक्थस्य संख्यया

tasya devasya yo bhaktyā kurute liṅgapūraṇam / sa vaseddevadevasya yāvatsikthasya saṃkhyayā

Sanskrit only: no published translation is held for this verse.

अयोनिजे महादेवं स्नापयेद् गन्धवारिणा । मधुक्षीरेण दध्ना वा स लभेद् विपुलां श्रियम्

ayonije mahādevaṃ snāpayed gandhavāriṇā / madhukṣīreṇa dadhnā vā sa labhed vipulāṃ śriyam

Sanskrit only: no published translation is held for this verse.

अष्टभ्यां च सिते पक्षे असितां वा चतुर्दशीम् । पूजयित्वा महादेवं प्रीणयेद् गीतवाद्यकैः

aṣṭabhyāṃ ca site pakṣe asitāṃ vā caturdaśīm / pūjayitvā mahādevaṃ prīṇayed gītavādyakaiḥ

Sanskrit only: no published translation is held for this verse.

वसेत्स च शिवे लोके ये कुर्वन्ति मनोहरम् । ते वसन्ति शिवे लोके यावद् आभूतसम्प्लवम्

vasetsa ca śive loke ye kurvanti manoharam / te vasanti śive loke yāvad ābhūtasamplavam

Sanskrit only: no published translation is held for this verse.

तस्य देवस्य भक्त्या तु यः करोति प्रदक्षिणाम् । विज्ञापयंश्च सततं मन्त्रेणानेन भारत

tasya devasya bhaktyā tu yaḥ karoti pradakṣiṇām / vijñāpayaṃśca satataṃ mantreṇānena bhārata

Sanskrit only: no published translation is held for this verse.

तस्य यत्फलमुद्दिष्टं पारम्पर्येण मानवैः । सकाशाद्देवदेवस्य तच्छृणुष्व समाधिना

tasya yatphalamuddiṣṭaṃ pāramparyeṇa mānavaiḥ / sakāśāddevadevasya tacchṛṇuṣva samādhinā

Sanskrit only: no published translation is held for this verse.

अयोनिजो महादेव यथा त्वं परमेश्वर । तथा मोचय मां शर्व सम्भवाद्योनिसङ्कटात्

ayonijo mahādeva yathā tvaṃ parameśvara / tathā mocaya māṃ śarva sambhavādyonisaṅkaṭāt

Sanskrit only: no published translation is held for this verse.

किं तस्य बहुभिर्मन्त्रैः कंठशोषणतत्परैः । येनौंनमः शिवायेति प्रोक्तं देवस्य संनिधौ

kiṃ tasya bahubhirmantraiḥ kaṃṭhaśoṣaṇatatparaiḥ / yenauṃnamaḥ śivāyeti proktaṃ devasya saṃnidhau

Sanskrit only: no published translation is held for this verse.

तेनाधीतं श्रुतं तेन तेन सर्वमनुष्ठितम् । येनौंनमः शिवायेति मन्त्राभ्यासः स्थिरीकृतः

tenādhītaṃ śrutaṃ tena tena sarvamanuṣṭhitam / yenauṃnamaḥ śivāyeti mantrābhyāsaḥ sthirīkṛtaḥ

Sanskrit only: no published translation is held for this verse.

न तत्फलमवाप्नोति सर्वदेवेषु वै द्विजः । यत्फलं समवाप्नोति षडक्षर उदीरणात्

na tatphalamavāpnoti sarvadeveṣu vai dvijaḥ / yatphalaṃ samavāpnoti ṣaḍakṣara udīraṇāt

Sanskrit only: no published translation is held for this verse.

तत्र तीर्थे तु यः स्नात्वा पूजयेच्छिवयोगिनम् । द्विजानामयुतं साग्रं स लभेत् फलमुत्तमम्

tatra tīrthe tu yaḥ snātvā pūjayecchivayoginam / dvijānāmayutaṃ sāgraṃ sa labhet phalamuttamam

Sanskrit only: no published translation is held for this verse.

अथवा भक्तियुक्तस्तु तेषां दान्ते जितेन्द्रिये । संस्कृत्य ददते भिक्षां फलं तस्य ततो ऽधिकम्

athavā bhaktiyuktastu teṣāṃ dānte jitendriye / saṃskṛtya dadate bhikṣāṃ phalaṃ tasya tato 'dhikam

Sanskrit only: no published translation is held for this verse.

यतिहस्ते जलं दद्याद् भिक्षां दत्त्वा पुनर्जलम् । सा भिक्षा मेरुणा तुल्या तज्जलं सागरोपमम्

yatihaste jalaṃ dadyād bhikṣāṃ dattvā punarjalam / sā bhikṣā meruṇā tulyā tajjalaṃ sāgaropamam

Sanskrit only: no published translation is held for this verse.